Bloggers Unite

Tag: honda

  • ಅತ್ಯಾಕರ್ಷಕ ಹೋಂಡಾ H’ness CB350, CB350RS ಬೈಕ್‌ ಭಾರತದಲ್ಲಿ ಬಿಡುಗಡೆ

    ಅತ್ಯಾಕರ್ಷಕ ಹೋಂಡಾ H’ness CB350, CB350RS ಬೈಕ್‌ ಭಾರತದಲ್ಲಿ ಬಿಡುಗಡೆ

    ಭಾರತದಲ್ಲಿ ಹೋಂಡಾ ಕಂಪನಿಯು ಅತ್ಯಾಕರ್ಶಕ ವಿನ್ಯಾಸದೊಂದಿಗೆ ಸಿದ್ಧಪಡಿಸಿರುವ H’ness CB350 ಮತ್ತು CB350RS 2023ರ ಮಾದರಿ ಆಕರ್ಷಕ ಬೈಕ್‌ ಗಳನ್ನು ಬಿಡುಗಡೆ ಮಾಡಿದೆ. ಮಾರ್ಚ್‌ ಅಂತ್ಯದ ವೇಳೆಗೆ ಶೋರೂಮ್‌ಗಳಿಗೆ ವಿತರಣೆಯಾಗಲಿದ್ದು, ಏಪ್ರಿಲ್‌ 1ರಿಂದ ಮಾರುಕಟ್ಟೆಗೆ ಬರಲಿವೆ. ಜೊತೆಗೆ ಹೊಸ ಮಾನದಂಡಗಳಿಗೆ ಅನುಗುಣವಾಗಿರಲಿವೆ.

    ಹಲವು ವೈಶಿಷ್ಟ್ಯಗಳನ್ನು ಹೊಂದಿರುವ ಹೋಂಡಾ ಬೈಕ್‌ 2.09 ಲಕ್ಷ ರೂ. ಬೆಲೆಯಿಂದ ಆರಂಭವಾಗಲಿದೆ. ಹೋಂಡಾ CB350 ಹಾಗೂ CB350RS 6 ವೆರೈಟಿಗಳಲ್ಲಿ ಮಾರುಕಟ್ಟೆಗೆ ಬರುತ್ತಿದೆ. H’ness CB350 (DLx)‌ 2.09 ಲಕ್ಷರೂ, H’ness CB350 (DLX Pro) 2.12 ಲಕ್ಷ ರೂ. H’ness CB350 (DLX Pro Chrome) 2.14 ಲಕ್ಷ ರೂ., CB350RS (DLX) 2.14 ಲಕ್ಷ ರೂ, CB350RS (DLX Pro) ರೂ. 2.17 ಲಕ್ಷ ರೂ. ಹಾಗೂ CB350RS (DLX Pro Dual-Tone) ರೂ. ಬೆಲೆ ಇರಲಿದೆ. ಇದನ್ನೂ ಓದಿ: ಬೋಲ್ಟ್ ಬಿಗಿಯಿಲ್ಲವೆಂದು 3,470 ಕಾರುಗಳನ್ನು ಹಿಂದಕ್ಕೆ ಪಡೆದ ಟೆಸ್ಲಾ

    ನೀಲಿ, ಬೂದು ಬಣ್ಣ, ಕಪ್ಪು ಮಿಶ್ರಿತ ಕೆಂಪು ಬಣ್ಣಗಳಿಂದ ಕೂಡಿರುವ ಈ ಬೈಕ್‌ಗಳು, ಬೈಕ್‌ ಪ್ರಿಯರಿಗೆ ನೆಚ್ಚಿನ ಆಯ್ಕೆಯಾಗುವ ವಿಶ್ವಾಸ ಮೂಡಿಸಿವೆ. ಹೆಡ್ ಲ್ಯಾಂಪ್ (ಹೆಡ್‌ಲೈಟ್‌) ವಿನ್ಯಾಸ ನೋಡಲು ಅತ್ಯಾಕರ್ಷವಾಗಿದೆ. ಜೊತೆಗೆ ಸಿಂಗಲ್ ಪೀಸ್‌ ಲೆದರ್ ಸೀಟ್ ಇದ್ದು, ಹಲವು ವೈಶಿಷ್ಟ್ಯತೆಗಳಿಂದ ಕೂಡಿದೆ. ಈ ಎರಡೂ ಹೊಸ ಮಾದರಿಯ ಬೈಕ್‌ಗಳು 350 ಸಿಸಿ ಇಂಜಿನ್‌ಗಳನ್ನ ಹೊಂದಿರುತ್ತವೆ. ಜೊತೆಗೆ 5,500 ಆರ್‌ಪಿಎಂ(ರೆವೊಲ್ಯೂಷನ್ಸ್ ಪರ್ ಮಿನಿಟ್) ಮತ್ತು 3,000 ಆರ್‌ಎಂಪಿ ಸ್ಪೀಟ್‌ ಮಿತಿ ಇರಲಿದ್ದು, 5-ಸ್ಪೀಡ್ ಗೇರ್‌ಬಾಕ್ಸ್ ಹೊಂದಿವೆ. ಇದನ್ನೂ ಓದಿ: ಕಾರುಗಳಿಗೂ ಚಾಟ್‌ಜಿಪಿಟಿ ಅಳವಡಿಸಲು General Motors ಚಿಂತನೆ

    ಈ ಬಗ್ಗೆ ಪ್ರತಿಕ್ರಿಯಿಸಿರುವ ಮೋಟಾರ್‌ಸೈಕಲ್ ಮತ್ತು ಸ್ಕೂಟರ್ ಇಂಡಿಯಾದ ಅಧ್ಯಕ್ಷ ಅಟ್ಸುಶಿ ಒಗಾಟಾ, ಹೆಚ್‌ಎಂಎಸ್‌ಐ ಸರ್ಕಾರದ ಹೊಸ ಮಾನದಂಡಗಳಿಗೆ ಅನುಗುಣವಾಗಿ ಉತ್ಪನ್ನಗಳನ್ನ ಅಭಿವೃದ್ಧಿಪಡಿಸುವಲ್ಲಿ ಪರಿಣಾಮಕಾರಿಯಾಗಿ ಕಾರ್ಯ ನಿರ್ವಹಿಸುತ್ತಿದೆ. ಭವಿಷ್ಯದಲ್ಲಿ OBD2B ಕಂಪ್ಲೈಂಟ್ 2023, ಹೆಚ್‌ನೆಸ್‌ CB350 ಮತ್ತು CB350RS ಬೈಕ್‌ಗಳನ್ನು ಪ್ರಾರಂಭಿಸುತ್ತಿದೆ. ಈಗಾಗಲೇ CB350 ಗಳು ಭಾರತದಲ್ಲಿ ಮಾತ್ರವಲ್ಲದೆ ಜಾಗತಿಕವಾಗಿ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿವೆ ಎಂದು ಹೇಳಿದ್ದಾರೆ.

    ಇದರೊಂದಿಗೆ ಹೋಂಡಾ ಸಂಸ್ಥೆ CB350RS ಮತ್ತು ಹೆಚ್‌ನೆಸ್‌ CB350 ಬೈಕ್‌ಗಳಿಗಾಗಿ ಪರಿಕರಗಳ ಪ್ಯಾಕ್‌ಗಳನ್ನು ಬಿಡುಗಡೆ ಮಾಡಿದೆ. ಒಟ್ಟು 6 ಆಕ್ಸೆಸರಿ ಪ್ಯಾಕ್‌ಗಳಿವೆ. ಹೆಚ್‌ನೆಸ್‌ CB350ಗೆ 4 ಮತ್ತು CB350RS ಮೋಟಾರ್‌ಸೈಕಲ್‌ಗೆ 2 ಪ್ಯಾಕ್‌ಗಳಿವೆ. ಇದರಲ್ಲಿ ವಿಶೇಷ ಅಂದ್ರೆ ಬಿಡಿಭಾಗಗಳ ಪ್ಯಾಕ್ ಅನ್ನು ಬಂಡಲ್‌ನಲ್ಲಿಯೂ ಖರೀದಿಸಬಹುದು ಅಥವಾ ಬಿಡಿಭಾಗಗಳಾಗಿಯೇ ಖರೀದಿಸಬಹುದು ಎಂದು ಹೇಳಿದೆ.

  • 77,954 ಕಾರುಗಳ ಇಂಧನ ಪಂಪ್‍ನಲ್ಲಿ ದೋಷ – ಉಚಿತ ರಿಪೇರಿ ಮಾಡ್ತಿದೆ ಹೋಂಡಾ ಕಾರ್..!

    77,954 ಕಾರುಗಳ ಇಂಧನ ಪಂಪ್‍ನಲ್ಲಿ ದೋಷ – ಉಚಿತ ರಿಪೇರಿ ಮಾಡ್ತಿದೆ ಹೋಂಡಾ ಕಾರ್..!

    ನವದೆಹಲಿ: 2019 ರಿಂದ 2020ರ ನಡುವೆ ಉತ್ಪಾದಿಸಿದ ಹೋಂಡಾ ಕಾರ್ ಸಂಸ್ಥೆಯ ವಿವಿಧ ಮಾದರಿಯ 77,954 ಕಾರುಗಳ ಇಂಧನ ಪಂಪ್ (ಫ್ಯೂಯೆಲ್ ಪಂಪ್) ಗಳಲ್ಲಿ ದೋಷ ಕಾಣಿಸಿದ್ದು, ಇವುಗಳನ್ನು ಸರಿಪಡಿಸಲು ಹೋಡಾ ಕಾರ್ ಸಂಸ್ಥೆ ಮುಂದಾಗಿದೆ.

    ಹೋಂಡಾ ಸಂಸ್ಥೆ ಒಟ್ಟು 7 ಮಾಡೆಲ್ ಕಾರುಗಳಿಗೆ ಉಚಿತವಾಗಿ ಬದಲಿ ಪಂಪ್ ಅಳವಡಿಕೆ ಮಾಡಿಕೊಡಲಿದ್ದು, ಈ ಅಭಿಯಾನಕ್ಕೆ ಇಂದು ಚಾಲನೆ ಸಿಕ್ಕಿದೆ.

    2019ರ ಜನವರಿ ಆಗಸ್ಟ್ ನಡುವೆ ಉತ್ಪಾದನೆಗೊಂಡ 36,086 ಅಮೇಝ್ ಕಾರು, ಡಬ್ಲ್ಯೂ ಆರ್ ವಿ ಹೆಸರಿನ 7,871, ಜಾಝ್ – 6,235, 2019 ಜನವರಿ-ಸೆಪ್ಟೆಂಬರ್ ನಡುವೆ ನಿರ್ಮಿಸಿದ ಫೋರ್ಥ್ ಜೆನ್ ಸಿಟಿ-20,248, ಸಿವಿಕ್-5,170, 2019 ಜನವರಿ-ಅಕ್ಟೋಬರ್ ನಡುವೆ ನಿರ್ಮಿಸಿದ ಬಿಆರ್-ವಿ – 1737, 2019 ಜನವರಿಯಿಂದ 2020 ಸೆಪ್ಟೆಂಬರ್ ಅವಧಿಯಲ್ಲಿ ನಿರ್ಮಾಣವಾದ 607 ಕಾರುಗಳು ಸೇರಿ ಒಟ್ಟು 77,954 ಕಾರುಗಳ ಫ್ಯೂಯೆಲ್ ಪಂಪ್‍ನಲ್ಲಿ ದೋಷ ಕಾಣಿಸಿಕೊಂಡಿದೆ ಎಂದು ಹೇಳಿದ್ದು, ಇವುಗಳ ಬದಲಾವಣೆ ಕಾರ್ಯ ಆರಂಭವಾಗಿದೆ.

    ಇಂಧನ ಪಂಪ್ ಬದಲಾವಣೆ ಇಂದಿನಿಂದ ಹಂತ ಹಂತವಾಗಿ ಭಾರತದಾದ್ಯಂತ ಇರುವ ತನ್ನ ಡೀಲರ್‍ಶಿಪ್‍ಗಳಲ್ಲಿ ಉಚಿತವಾಗಿ ನಡೆಯಲಿದೆ ಮತ್ತು ಈ ದೋಷಪೂರಿತ ಕಾರುಗಳ ಮಾಲೀಕರನ್ನು ಹೋಂಡಾ ಸಂಸ್ಥೆಯೇ ವೈಯಕ್ತಿಕವಾಗಿ ಪತ್ತೆ ಹಚ್ಚಿ ಫ್ಯೂಯೆಲ್ ಪಂಪನ್ನು ಉಚಿತವಾಗಿ ಬದಲಾಯಿಸಿ ಕೊಡುವುದಾಗಿ ಹೋಂಡಾ ಸಂಸ್ಥೆ ಹೇಳಿದೆ.

    ಇದಕ್ಕಾಗಿ ಹೋಂಡಾ ಕಾರ್ ಸಂಸ್ಥೆಯು ತನ್ನ ವೆಬ್‍ಸೈಟ್‍ನಲ್ಲಿ ಮೈಕ್ರೋಸೈಟ್ ಓಪನ್ ಮಾಡಿದ್ದು, ಗ್ರಾಹಕರು ತಮ್ಮ ಕಾರಿನ 17 ಅಂಕಿಗಳ ವೆಹಿಕಲ್ ಐಡೆಂಟಿಫಿಕೇಶನ್ ನಂಬರ್ ಬಳಸಿ ತಮ್ಮ ಕಾರು ಇದರ ವ್ಯಾಪ್ತಿಗೆ ಒಳಪಡಲಿದೆಯೇ ಎಂದು ಪತ್ತೆ ಹಚ್ಚಬಹುದು.

    2018ರಲ್ಲಿ ಉತ್ಪಾದನೆಗೊಂಡಿದ್ದ 65,651 ಕಾರುಗಳಲ್ಲಿ ಇಂಥದ್ದೇ ದೋಷ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಕಳೆದ ವರ್ಷ ಅವುಗಳ ಇಂಧನ ಪಂಪ್‍ಗಳನ್ನು ಹೋಂಡಾ ಸಂಸ್ಥೆ ಬದಲಿಸಿಕೊಟ್ಟಿತ್ತು.