ಸ್ಯಾಂಡಲ್‌ವುಡ್‌ಗೆ `ನಿನ್ನ ಸನಿಹಕೆ’ ಚಿತ್ರದ ಮೂಲಕ ಪರಿಚಿತರಾದ ನಟಿ ಧನ್ಯಾ ರಾಮ್‌ಕುಮಾರ್‌ಗೆ ಸಾಲು ಸಾಲು ಸಿನಿಮಾ ಅವಕಾಶಗಳು ಹರಿದು ಬರುತ್ತಿದೆ. ಸದ್ಯ ಹೊಸ ಚಿತ್ರದ ಕುರಿತು ಧನ್ಯ ಸುದ್ದಿಯಲ್ಲಿದ್ದಾರೆ. ನಟ ಅನೂಪ್ ರೇವಣ್ಣಗೆ ನಾಯಕಿಯಾಗಿ ಧನ್ಯ ರಾಮ್ಕುಮಾರ್ ಆಯ್ಕೆಯಾಗಿದ್ದಾರೆ.
ಪುನೀತ್ ಗೌಡ ನಿರ್ದೇಶನದ ಚಿತ್ರದಲ್ಲಿ ಅನೂಪ್ ರೇವಣ್ಣಗೆ ಜೋಡಿಯಾಗಿ ಪ್ರತಿಭಾನ್ವಿತ ನಟಿ ಧನ್ಯಾ ರಾಮ್ಕುಮಾರ್ ಕಾಣಿಸಿಕೊಳ್ಳುತ್ತಿದ್ದಾರೆ. ಎಂದೂ ಮಾಡಿರದ ಭಿನ್ನ ಪಾತ್ರದಲ್ಲಿ ಥ್ರಿಲರ್ ಸಬ್‌ಜೆಕ್ಟ್‌ನಲ್ಲಿ ಧನ್ಯಾ ಕಾಣಿಸಿಕೊಳ್ಳುತ್ತಿದ್ದಾರೆ. ಈಗಾಗಲೇ ಈ ಸಿನಿಮಾದ ಚಿತ್ರೀಕರಣ ಶುರುವಾಗಿದೆ. ಚಿತ್ರೀಕರಣ ಭರದಿಂದ ಸಾಗುತ್ತಿದೆ. ಇದನ್ನೂ ಓದಿ:ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್‌ಗೆ ಅರ್ಜುನ್ ಜನ್ಯ ಆ್ಯಕ್ಷನ್ ಕಟ್
ಇನ್ನು ಈಗಾಗಲೇ `ಲಕ್ಷ್ಮಣ’ ಮತ್ತು `ನಾ ಪಂಟ ಕಣೋ’ ಚಿತ್ರದಲ್ಲಿ ನಟಿಸಿರುವ ನಟ ಅನೂಪ್ ರೇವಣ್ಣಗೆ ನಾಯಕಿಯಾಗಿ ಅಣ್ಣಾವ್ರ ಮೊಮ್ಮಗಳು ಧನ್ಯಾ ಕಾಣಿಸಿಕೊಳ್ಳಲಿದ್ದಾರೆ. ಭಿನ್ನ ಕಥೆಯನ್ನ ತೆರೆಯ ಮೇಲೆ ತರಲು ಪುನೀತ್ ಗೌಡ ರೆಡಿಯಾಗಿದ್ದಾರೆ. ಸದ್ಯದಲ್ಲೇ ಈ ಚಿತ್ರದ ಕುರಿತು ಅಧಿಕೃತವಾಗಿ ಅನೌನ್ಸ್‌ ಮಾಡಲಿದ್ದಾರೆ. ಹೊಸ ಜೋಡಿ ಅನೂಪ್ ಮತ್ತು ಧನ್ಯಾ ತೆರೆಯ ಮೇಲೆ ಹೇಗೆಲ್ಲಾ ಮೋಡಿ ಮಾಡಬಹುದು ಅಂತಾ ಕಾದುನೋಡಬೇಕಿದೆ.
ಇನ್ನು ಕನ್ನಡದ ʻಕಾಲಾಪತ್ಥರ್‌ʼ ಸದ್ಯದಲ್ಲೇ ತೆರೆಗೆ ಬರಲಿದ್ದು, ಈಗ ಮತ್ತೊಂದು ಹೊಸ ಚಿತ್ರಕ್ಕೆ ಧನ್ಯಾ ಗ್ರೀನ್‌ ಸಿಗ್ನಲ್‌ ಕೊಟ್ಟಿದ್ದಾರೆ. ಸೌತ್‌ ಸಿನಿರಂಗದಿಂದಲೂ ಧನ್ಯಾಗೆ ಅವಕಾಶಗಳು ಹರಿದುಬರುತ್ತಿದೆ. ಒಳ್ಳೆಯ ಕಥೆಯ ಆಯ್ಕೆಯ ದೃಷ್ಟಿಯಿಂದ ಯೋಚಿಸಿ ಈ ನಟಿ ಆಯ್ಕೆ ಮಾಡ್ತಿದ್ದಾರೆ.