ಈ ಕರಿ ಗೋವಾದಲ್ಲಿ ತುಂಬಾ ಫೇಮಸ್ ಮಾತ್ರವಲ್ಲದೇ ಮಾಡೋದೂ ತುಂಬಾ ಸುಲಭವಾಗಿದೆ. ತೆಂಗಿನ ಹಾಲು ಬಳಸಿ ಸಿಗಡಿಯನ್ನು ಬೇಯಿಸಿ ಮಾಡಲಾಗುವ ಕರಿಯ ಸ್ವಾದವೇ ಅದ್ಭುತ ಎನಿಸುತ್ತದೆ. ಮೀನು ಖಾದ್ಯ ಪ್ರಿಯರು ಖಡಿತವಾಗಿಯೂ ಟ್ರೈ ಮಾಡಬೇಕಾದ ರೆಸಿಪಿ ಇದು. ಗೋವಾ ಸ್ಟೈಲ್‌ನ ಸಿಗಡಿ ಕರಿ ರೆಸಿಪಿ ಇಲ್ಲಿದೆ.
ಬೇಕಾಗುವ ಪದಾರ್ಥಗಳು:
ಸಿಗಡಿ – 500 ಗ್ರಾಂ
ಅರಿಶಿನ – ಒಂದೂವರೆ ಟೀಸ್ಪೂನ್
ಹೆಚ್ಚಿದ ಈರುಳ್ಳಿ – 1
ಎಣ್ಣೆ – 1 ಟೀಸ್ಪೂನ್
ತೆಂಗಿನ ತುರಿ – 1 ಕಪ್
ಕೆಂಪು ಮೆಣಸಿನಕಾಯಿ – 5
ಕೊತ್ತಂಬರಿ – 1 ಟೀಸ್ಪೂನ್
ಜೀರಿಗೆ – 1 ಟೀಸ್ಪೂನ್
ಕರಿಮೆಣಸು – 5
ಶುಂಠಿ ಬೆಳ್ಳುಳ್ಳಿ ಪೇಸ್ಟ್ – 1 ಟೀಸ್ಪೂನ್
ಲವಂಗ – 4
ವಿನೆಗರ್ – ಕಾಲು ಕಪ್
ತೆಂಗಿನ ಹಾಲು – 1 ಕಪ್ ಇದನ್ನೂ ಓದಿ: ಟ್ರೈ ಮಾಡಿ ಕೇರಳ ಸ್ಟೈಲ್‌ನ ಟೇಸ್ಟಿ ಸ್ಕ್ವಿಡ್ ರೋಸ್ಟ್
ಮಾಡುವ ವಿಧಾನ:
* ಮೊದಲಿಗೆ ಸಿಗಡಿಗಳನ್ನು ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಮತ್ತು ಅರಿಶಿನದೊಂದಿಗೆ 15-20 ನಿಮಿಷಗಳ ಕಾಲ ಮ್ಯಾರಿನೇಟ್ ಮಾಡಿ.
* ಅರಿಶಿನ, ಕೆಂಪು ಮೆಣಸಿನಕಾಯಿ, ಜೀರಿಗೆ, ಕರಿಮೆಣಸು, ಲವಂಗ ಮತ್ತು ವಿನೆಗರ್ ಅನ್ನು ಮಿಕ್ಸರ್ ಜಾರ್‌ನಲ್ಲಿ ರುಬ್ಬಿ ಪಕ್ಕಕ್ಕಿಡಿ.
* ಒಂದು ಬಾಣಲೆಯಲ್ಲಿ ಎಣ್ಣೆಯನ್ನು ಬಿಸಿ ಮಾಡಿ, ಜೀರಿಗೆ, ಕರಿಬೇವಿನ ಎಲೆಗಳು ಮತ್ತು ಹಸಿರು ಮೆಣಸಿನಕಾಯಿಗಳನ್ನು ಸೇರಿಸಿ ಹುರಿಯಿರಿ.
* ನಂತರ ಈರುಳ್ಳಿ ಸೇರಿಸಿ, ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಫ್ರೈ ಮಾಡಿ.
* ರುಬ್ಬಿಕೊಂಡ ಮಸಾಲೆ ಹಾಗೂ ಸಿಗಡಿಯನ್ನು ಸೇರಿಸಿ, ಸೀಗಡಿಗಳು ಗುಲಾಬಿ ಬಣ್ಣ ಬರುವವರೆಗೆ ಬೇಯಿಸಿಕೊಳ್ಳಿ.
* ಬಳಿಕ ತೆಂಗಿನ ಹಾಲು ಮತ್ತು ತೆಂಗಿನ ತುರಿ ಸೇರಿಸಿ, ಹಾಲು ಕುದಿಯುವ ತನಕ ಬೇಯಿಸಿಕೊಳ್ಳಿ.
* ಇದೀಗ ಗೋವಾ ಸ್ಟೈಲ್‌ನ ಸಿಗಡಿ ಕರಿ ತಯಾರಾಗಿದ್ದು, ಬಿಸಿ ಅನ್ನದೊಂದಿಗೆ ಬಡಿಸಿ. ಇದನ್ನೂ ಓದಿ: ತಂದೂರಿ ಫಿಶ್ ಟಿಕ್ಕಾ ಮಾಡಿ ಸಂಡೇಯನ್ನು ಮಜವಾಗಿಸಿ
Web Stories
[web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]