Bloggers Unite

Tag: Forbes India

  • ಪ್ರತಿಷ್ಠಿತ ಫೋರ್ಬ್ಸ್ ಪಟ್ಟಿಯಲ್ಲಿ ಕನ್ನಡದ ನಟಿ ರಶ್ಮಿಕಾ ಮಂದಣ್ಣ

    ಪ್ರತಿಷ್ಠಿತ ಫೋರ್ಬ್ಸ್ ಪಟ್ಟಿಯಲ್ಲಿ ಕನ್ನಡದ ನಟಿ ರಶ್ಮಿಕಾ ಮಂದಣ್ಣ

    ರಶ್ಮಿಕಾ ಮಂದಣ್ಣ (Rashmika Mandanna) ಆಕಾಶದಲ್ಲಿ ತೇಲಾಡುತ್ತಿದ್ದಾರೆ. ಕನ್ನಡದ ನಟಿಗೆ ಮೊದಲ ಬಾರಿ ಅಂಥ ಸ್ಥಾನ ನೀಡಿದ ಆ ಜಾಗಕ್ಕೆ ಸಲಾಂ ಹೊಡೆದಿದ್ದಾರೆ. ಭಾರತದ ಮೂವತ್ತು ಸೆಲೆಬ್ರಿಟಿಗಳ ಮಹಾ ಪಟ್ಟಿಯಲ್ಲಿ ರಶ್ಮಿಕಾ ಕೂಡ ಒಬ್ಬರಾ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ. ಅದ್ಯಾವ ಕಿರೀಟ ಇವರನ್ನು ಹುಡುಕಿಕೊಂಡು ಬಂದಿತು? ಮೊದಲ ಬಾರಿ ಕನ್ನಡಕ್ಕೆ ದಕ್ಕಿದ್ದು ಹೇಗೆ ಈ ಸಿಂಹಾಸನ? ಇಲ್ಲಿದೆ ಮಾಹಿತಿ.

    ರಶ್ಮಿಕಾ ಮಂದಣ್ಣ ಈಗ ಬರೀ ಕನ್ನಡದ ನಟಿ ಅಲ್ಲ. ಕನ್ನಡ ಸಿನಿಮಾಗಳಲ್ಲಿ ಅವರು ನಟಿಸುವುದು ಬಿಟ್ಟು ವರ್ಷಗಳು ಕಳೆದಿವೆ. ಈಗ ಅವರು ನ್ಯಾಶನಲ್ ಲೆವೆಲ್ ಸ್ಟಾರ್. ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಮೆರೆಯುತ್ತಿದ್ದಾರೆ. ‘ಪುಷ್ಪ’ (Pushpa) ಮತ್ತು ‘ಅನಿಮಲ್’ (Animal) ಸಕ್ಸಸ್ ಬಳಿಕ ಅದು ಇನ್ನೂ ಹೆಚ್ಚಾಗಿದೆ. ಇದೀಗ ಅದಕ್ಕೆ ಮಹಾ ಗರಿ ಸಿಕ್ಕಿದೆ. ಅದೇ ಫೋರ್ಬ್ಸ್ ಇಂಡಿಯಾ ಪತ್ರಿಕೆಯ 30 ಸಕ್ಸಸ್‌ಫುಲ್ ಸೆಲೆಬ್ರಿಟಿಗಳ ಪಟ್ಟಿನಲ್ಲಿ ಸಾನ್ವಿ ಕೂಡ ಸ್ಥಾನ ಪಡೆದಿದ್ದಾರೆ. ಕನ್ನಡದ ನಟಿಯೊಬ್ಬರು ಮೊದಲ ಬಾರಿ ಫೋರ್ಬ್ಸ್ ಇಂಡಿಯಾದಲ್ಲಿ ಹೀಗೆ ಹೊಳೆಯುತ್ತಿದ್ದಾರೆ. 27 ವರ್ಷದ ಶ್ರೀವಲ್ಲಿಗೆ ಇನ್ನು ಹಿಡಿಯೋರು ಯಾರು? ಇದನ್ನೂ ಓದಿ:ಡಿಬಾಸ್ ಹುಟ್ಟುಹಬ್ಬಕ್ಕೆ ‘ಬಿಗ್ ಬಾಸ್’ ಇಶಾನಿ ಸ್ಪೆಷಲ್ ಸಾಂಗ್ ರಿಲೀಸ್

    ‘ಕಿರಿಕ್ ಪಾರ್ಟಿ’ಯಿಂದ (Kirik Party) ಹೊರಟ ರಶ್ಮಿಕಾ ಮೆರವಣಿಗೆ ಟಾಲಿವುಡ್, ಕಾಲಿವುಡ್ (Kollywood) ದಾಟಿ ಬಾಲಿವುಡ್‌ಗೆ ಹೋಗಿ ನಿಂತಿದೆ. ಇನ್ನೇನು ಅಲ್ಲಿ ಆಟ ನಡೆಯಲ್ಲ ಎನ್ನುವ ಹೊತ್ತಿಗೆ ‘ಅನಿಮಲ್’ ಗೆಲುವು ಅದನ್ನು ಸುಳ್ಳು ಮಾಡಿತು. ಹೀಗಾಗಿ ರಶ್ಮಿಕಾ ಬರೋಬ್ಬರಿ ಮೂರು 4 ಕೋಟಿ ಕೋಟಿಪಡೆಯುತ್ತಿದ್ದಾರೆ. ಅದೇನೆ ಇರಲಿ, ಫೋರ್ಬ್ಸ್ ಪಟ್ಟಿಯಲ್ಲಿ (Forbes India) ಜಾಗ ಪಡೆಯುವುದು ಸಾಮಾನ್ಯ ಅಲ್ಲ. ಅದು ರಶ್ಮಿಕಾಗೆ ಸಿಕ್ಕಿದೆ. ಇದು ಕೊಡುವ ಕಿಕ್ಕು ಅಂತಿಂಥದ್ದಲ್ಲ. ಹೀಗಾಗಿ ರಶ್ಮಿಕಾ ಇನ್ನು ಮುಂದೆ ಇನ್ನಷ್ಟು ಸಿನಿಮಾಗಳಲ್ಲಿ ಕಾಣಿಸುತ್ತಾ. ಅವರಿವರಿಗೆ ಹೊಟ್ಟೆ ಉರಿಸುತ್ತಾ ಬೆಳೆಯಲಿ ಎಂಬುದು ಅಭಿಮಾನಿಗಳ ಆಶಯ.

    ಪುಷ್ಪ 2, ಅನಿಮಲ್ 2, ರೈನ್‌ಬೋ, ಚಾವಾ ಸೇರಿದಂತೆ ಹಲವು ಪ್ರಾಜೆಕ್ಟ್‌ಗಳು ರಶ್ಮಿಕಾ ಮಂದಣ್ಣ ಕೈಯಲ್ಲಿವೆ. ಸೌತ್ ಮತ್ತು ಬಾಲಿವುಡ್ ಸಿನಿಮಾಗಳಲ್ಲಿ ರಶ್ಮಿಕಾ ಮಂದಣ್ಣ ಬ್ಯುಸಿಯಾಗಿದ್ದಾರೆ.

  • ಫೋರ್ಬ್ಸ್ ಇಂಡಿಯಾ ಟಾಪ್ 100 ಸೆಲೆಬ್ರಿಟಿ ಪಟ್ಟಿ ರಿಲೀಸ್: ಯಾರ ಆದಾಯ ಎಷ್ಟು ಕೋಟಿ ಇದೆ ಗೊತ್ತಾ?

    ಫೋರ್ಬ್ಸ್ ಇಂಡಿಯಾ ಟಾಪ್ 100 ಸೆಲೆಬ್ರಿಟಿ ಪಟ್ಟಿ ರಿಲೀಸ್: ಯಾರ ಆದಾಯ ಎಷ್ಟು ಕೋಟಿ ಇದೆ ಗೊತ್ತಾ?

    ನವದೆಹಲಿ: ಫೋರ್ಬ್ಸ್ ಇಂಡಿಯಾ 2017ರ ಟಾಪ್ 100 ಸೆಲೆಬ್ರಿಟಿಗಳ ಪಟ್ಟಿ ಬಿಡುಗಡೆ ಮಾಡಿದ್ದು, ಬಾಲಿವುಡ್‍ನ ಸಲ್ಮಾನ್ ಖಾನ್ ಸತತ ಎರಡನೇ ಬಾರಿಗೆ 232.83 ಕೋಟಿ ರೂ. ಆದಾಯ ಹೊಂದುವ ಮೂಲಕ ಮೊದಲ ಸ್ಥಾನವನ್ನು ಉಳಿಸಿಕೊಂಡಿದ್ದಾರೆ.

    ಸತತ ಎರಡು ವರ್ಷಗಳಿಂದ ಫೋರ್ಬ್ಸ್ ಇಂಡಿಯಾ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ಸಲ್ಮಾನ್ ಖಾನ್ ಮೊದಲ ಸ್ಥಾನ ಪಡೆದಿದ್ದು, ನಂತರದ ಸ್ಥಾನದಲ್ಲಿ ಶಾರೂಖ್ ಖಾನ್ 170.50 ಕೋಟಿ ರೂ. ಆದಾಯ ಗಳಿಸುವುದರೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ.

    ಭಾರತದ ಟಾಪ್ 10 ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ಸಲ್ಮಾನ್, ಶಾರೂಖ್ ನಂತರದ ಸ್ಥಾನವನ್ನು 100.72 ಕೋಟಿ ರೂ. ಆದಾಯದೊಂದಿಗೆ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮೂರನೇ ಸ್ಥಾನದಲ್ಲಿದ್ದಾರೆ. ಟಾಪ್ ಮೂರು ಸ್ಥಾನಗಳನ್ನು ಪಡೆದಿರುವ ಮೂವರ ಒಟ್ಟು ಆದಾಯ ಕಳೆದ ವರ್ಷದ ಆದಾಯಕ್ಕಿಂತ ಶೇ.20 ರಷ್ಟು ಕಡಿಮೆಯಾಗಿದೆ ಎಂಬುವುದು ಗಮನಾರ್ಹ ವಿಷಯವಾಗಿದ್ದು, ಕಳೆದ ವರ್ಷದಲ್ಲಿ ಟಾಪ್ ಮೂವರು ಸೆಲೆಬ್ರಿಟಿಗಳ ಒಟ್ಟು ಆದಾಯ 626.52 ಕೋಟಿ ರೂ. ಇತ್ತು, ಆದರೆ ಈ ಬಾರಿ 504.05 ಕೋಟಿ ರೂ. ಒಟ್ಟು ಆದಾಯಕ್ಕೆ ಇಳಿಕೆಯಾಗಿದೆ.

    ನಂತರದ ನಾಲ್ಕು ಮತ್ತು ಐದನೇ ಸ್ಥಾನದಲ್ಲಿ ರಾಷ್ಟ್ರ ಪ್ರಶಸ್ತಿ ವಿಜೇತ ಅಕ್ಷಯ್ ಕುಮಾರ್ 98.25 ಕೋಟಿ ರೂ. ಹಾಗೂ ಭಾರತ ರತ್ನ ಸಚಿನ್ ತೆಂಡೂಲ್ಕರ್ 82.50 ಕೋಟಿ ರೂ. ಸ್ಥಾನ ಪಡೆದಿದ್ದಾರೆ. ಇನ್ನುಳಿದಂತೆ ಬಾಲಿವುಡ್ ಮಿಸ್ಟರ್ ಫರ್ಪೆಕ್ಟ್ ಅಮಿರ್ ಖಾನ್ 68.75 ಕೋಟಿ ರೂ. ಗಳಿಸಿ ಆರನೇ ಸ್ಥಾನದಲ್ಲಿದ್ದರೆ ಹಾಗೂ ತಮ್ಮ ನಟನೆಯ ಮೂಲಕ ಹಾಲಿವುಡ್ ನಲ್ಲಿ ಮಿಂಚು ಹರಿಸಿರುವ ಬೆಡಗಿ ಪ್ರಿಯಾಂಕ ಚೋಪ್ರಾ 68 ಕೋಟಿ ರೂ. ಗಳಿಸುವ ಮೂಲಕ ಏಳನೇ ಸ್ಥಾನ ಪಡೆದಿದ್ದಾರೆ.

    ಟೀಂ ಇಂಡಿಯಾ ಮಾಜಿ ನಾಯಕ ಎಂ.ಎಸ್. ಧೋನಿ 63.77 ಕೋಟಿ ರೂ. ಗಳಿಸಿ ಎಂಟನೇ ಸ್ಥಾನ ಪಡೆದಿದ್ದಾರೆ. ಹೃತಿಕ್ ರೋಷನ್ 63.12 ಕೋಟಿ ರೂ. ಗಳಿಸಿ 9ನೇ ಸ್ಥಾನ ಹಾಗೂ ರಣವೀರ್ ಸಿಂಗ್ ಗೆ 62.63 ಕೋಟಿ ರೂ. ಆದಾಯದೊಂದಿಗೆ 10ನೇ ಸ್ಥಾನ ಪಡೆದಿದ್ದಾರೆ.

    ಈ ವರ್ಷ ಶೇಕಡಾವಾರು ಆದಾಯ ಪ್ರಮಾಣ ಏರಿಕೆಯಾದ ಸೆಲೆಬ್ರಿಟಿಗಳ ಪೈಕಿ ಬ್ಯಾಡ್ಮಿಂಟನ್ ಆಟಗಾರ್ತಿ ಪಿ.ವಿ ಸಿಂಧು ಮೊದಲ ಸ್ಥಾನ ಸಿಕ್ಕಿದ್ದು, 57.25 ಕೋಟಿ. ರೂ ಆದಾಯ ಹೊಂದುವ ಮೂಲಕ ಪಟ್ಟಿಯಲ್ಲಿ 13 ಸ್ಥಾನ ಪಡೆದಿದ್ದಾರೆ. 2016 ರ ರಿಯೋ ಒಲಿಂಪಿಕ್ಸ್ ನಲ್ಲಿ ಬೆಳ್ಳಿ ಪದಕ ಪಡೆದ ನಂತರ ಹಲವು ಉತ್ಪನ್ನಗಳ ಬ್ರಾಂಡ್ ಅಂಬಾಸಿಡರ್ ಆಗಿರುವ ಸಿಂಧು ಆದಾಯ ಈ ವರ್ಷ 17 ಪಟ್ಟು ಏರಿಕೆಯಾಗಿದೆ.

    ಟಾಪ್ ಟೆನ್ ಸೆಲೆಬ್ರಿಟಿಗಳು
    ಸಲ್ಮಾನ್ ಖಾನ್ – 232.83 ಕೋಟಿ. ರೂ., ವಯಸ್ಸು 51

    ಶಾರುಕ್ ಖಾನ್ – 170.50 ಕೋಟಿ. ರೂ., ವಯಸ್ಸು 52

    ವಿರಾಟ್ ಕೊಹ್ಲಿ _ 100.72 ಕೋಟಿ. ರೂ., ವಯಸ್ಸು 29

    ಅಕ್ಷಯ್ ಕುಮಾರ್ – 98.25 ಕೋಟಿ. ರೂ., ವಯಸ್ಸು 50

    ಸಚಿನ್ ತೆಂಡೂಲ್ಕರ್ – 82.50 ಕೋಟಿ. ರೂ., ವಯಸ್ಸು 44

    ಅಮೀರ್ ಖಾನ್ – 68.75 ಕೋಟಿ. ರೂ., ವಯಸ್ಸು 52

    ಪ್ರಿಯಾಂಕ ಚೋಪ್ರಾ – 68 ಕೋಟಿ. ರೂ., ವಯಸ್ಸು 35

    ಎಂ.ಎಸ್. ಧೋನಿ – 63.77 ಕೋಟಿ. ರೂ., ವಯಸ್ಸು 36

    ಹೃತಿಕ್ ರೋಷನ್ – 63.12 ಕೋಟಿ. ರೂ., ವಯಸ್ಸು 43

    ರಣವೀರ್ ಸಿಂಗ್ – 62.63 ಕೋಟಿ. ರೂ., ವಯಸ್ಸು 32