Tag: Follow

ಬೆಂಗಳೂರು: ಇತ್ತೀಚೆಗೆ ಅಭಿಮಾನಿಯೊಬ್ಬರು ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್ ಕಾರನ್ನು ಸುಮಾರು 6 ಕಿ.ಮೀ ಫಾಲೋ ಮಾಡಿದ್ದಾರೆ. ಆ ವ್ಯಕ್ತಿಯನ್ನು ನೋಡಿದ ತಕ್ಷಣ ಪುನೀತ್ ಆ ವ್ಯಕ್ತಿಯನ್ನು ನಿಲ್ಲಿಸಿ ಬುದ್ಧಿ ಮಾತು ಹೇಳಿದ್ದಾರೆ.

ಪುನೀತ್ ರಾಜ್‍ಕುಮಾರ್ ತನ್ನ ಅಣ್ಣ ರಾಘವೇಂದ್ರ ರಾಜ್‍ಕುಮಾರ್ ಅವರ ಎರಡನೇ ಮಗ ಯುವ ರಾಜ್‍ಕುಮಾರ್ ನಿಶ್ಚಿತಾರ್ಥ ಮುಗಿಸಿಕೊಂಡು ವಾಪಾಸ್ ಬರುವಾಗ ಈ ಘಟನೆ ನಡೆದಿದೆ. ಅಣ್ಣನ ಮಗ ಯುವ ರಾಜ್‍ಕುಮಾರ್ ಎಂಗೇಜ್ಮೆಂಟ್‍ಗೆ ಇಡೀ ದೊಡ್ಮನೆ ಮೈಸೂರಿಗೆ ಪಯಣ ಬೆಳೆಸಿತ್ತು. ಅದ್ಧೂರಿಯಾಗಿ ನಿಶ್ಚಿತಾರ್ಥ ಮುಗಿಸಿಕೊಂಡು ಪುನೀತ್ ಮೈಸೂರಿನಿಂದ ಬೆಂಗಳೂರಿಗೆ ವಾಪಾಸ್ ಬರುತ್ತಿದ್ದರು.

ಈ ವೇಳೆ ಪುನೀತ್ ರಾಜ್‍ಕುಮಾರ್ ಅವರನ್ನು ನೋಡಿದ ಅಭಿಮಾನಿ ಕೀರ್ತಿರಾಜ್, ಪುನೀತ್ ಕಾರ್ ನ ಹಿಂಬಾಲಿಸಿಕೊಂಡು ಬಂದಿದ್ದಾರೆ. ಸುಮಾರು 6 ಕಿ.ಮೀ ವರೆಗೂ ಕಾರನ್ನು ಫಾಲೋ ಮಾಡಿದ್ದಾರೆ. ತನ್ನ ಕಾರನ್ನು ಫಾಲೋ ಮಾಡುತ್ತಿರುವ ಅಭಿಮಾನಿಯನ್ನು ಪುನೀತ್ ಗಮನಿಸಿದ್ದಾರೆ. ತಕ್ಷಣ ಕಾರ್ ನಿಲ್ಲಿಸಿ ಆತನಿಗೆ ಹಿಂದೆಂದೂ ಕಾರು ಫಾಲೋ ಮಾಡದಂತೆ ಸಂದೇಶ ಕೊಟ್ಟಿದ್ದಾರೆ. ಪುನೀತ್ ಸರಳತೆ ಹಾಗೂ ಕಾಳಜಿ ಬಗ್ಗೆ ಅಭಿಮಾನಿ ತನ್ನ ಫೇಸ್‍ಬುಕ್‍ನಲ್ಲಿ ಬರೆದುಕೊಂಡಿದ್ದಾರೆ.

ಫೇಸ್‍ಬುಕ್ ಪೋಸ್ಟ್ ನಲ್ಲಿ ಏನಿದೆ?
ಪುನೀತ್ ರಾಜ್‍ಕುಮಾರ್ ಅವರ ಸರಳತೆ ಹಾಗೂ ಅವರ ಸೌಜನ್ಯತೆ ನಾನು ನಿಜಕ್ಕೂ ಮೂಕಾನಾದೇ. ಸುಮಾರು 6 ಕಿ.ಮೀ ಪುನೀತ್ ರಾಜ್‍ಕುಮಾರ್ ರವರ ಚಲಿಸುತ್ತಿದೆ. ಕಾರ್ ಅನ್ನು ಹಿಂಬಾಲಿಸುತ್ತಿದ ನನ್ನನು ಮೀರರ್ ನಲ್ಲಿ ನೋಡಿ ತಮ್ಮ ಕಾರ್ ಅನ್ನು ರಸ್ತೆ ಬದಿಯಲ್ಲಿ ನಿಲ್ಲಿಸಿ. ಮೊದಲು ಪ್ರಾಣ ಮುಖ್ಯ ನಾನು ಮತ್ತೆ ಸಿಗುತ್ತೆನೇ ಏನೂ ಫೋಟೋ ಬೇಕಾ ತಗೊಳ್ಳಿ ಎಂದು ಬುದ್ಧಿವಾದವನ್ನು ಹೇಳಿ ಫೋಟೋ ತೆಗೆಸಿಕೊಂಡರು. ಪುನೀತ್ ರಾಜ್‍ಕುಮಾರ್ ರವರ ಸರಳತೆ ಹಾಗೂ ಅವರ ಸೌಜನ್ಯತೆ ನಾನು ನಿಜಕ್ಕೂ ಮೂಕನಾದೇ. ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಜೊತೆ ಮರೆಯಲಾಗದ ಸುಮಧುರ ಸುಂದರ ಕ್ಷಣಗಳು ಎಂದು ಫೇಸ್‍ಬುಕ್‍ನಲ್ಲಿ ಪೋಸ್ಟ್ ಹಾಕಿದ್ದಾರೆ.