Bloggers Unite

Tag: florida

  • ಕಾಯುವಂತೆ ಮಾಡಿದ ಎಂದು ವೃದ್ಧನ ಮೇಲೆ ಕಾಫಿ ಎರಚಿ, ಥಳಿಸಿದ

    ಕಾಯುವಂತೆ ಮಾಡಿದ ಎಂದು ವೃದ್ಧನ ಮೇಲೆ ಕಾಫಿ ಎರಚಿ, ಥಳಿಸಿದ

    ತಲ್ಲಹಸ್ಸೀ: ಗ್ಯಾಸ್ ಸ್ಟೇಷನ್‍ನಲ್ಲಿ ಹೆಚ್ಚು ಸಮಯ ಕಾಯುವಂತೆ ಮಾಡಿದ ಎಂದು ವ್ಯಕ್ತಿಯೊಬ್ಬ ವೃದ್ಧನ ಮೇಲೆ ಕಾಫಿ ಎರಚಿ, ಥಳಿಸಿದ ಘಟನೆ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

    ಫ್ಲೋರಿಡಾದ ಗ್ಯಾಸ್ ಸ್ಟೇಷನ್‍ನಲ್ಲಿ 76 ವರ್ಷದ ವೃದ್ಧ ಬಿಲ್ ಮಾಡಿಸಲು ತಡ ಮಾಡಿದ್ದಾರೆ. ಸರದಿಯಲ್ಲಿ ಕಾಯುತ್ತಿ ಸೀನ್ ರುಯೆಲ್(39) ಸಿಟ್ಟಿಗೆದ್ದು ಕಾಫಿ ಕಪ್ ವೃದ್ಧನ ಕಡೆಗೆ ಎಸೆದು ಗ್ಯಾಸ್ ಸ್ಟೇಷನ್‍ನಿಂದ ಹೊರಟು ಹೋಗುತ್ತಾನೆ. ಇದನ್ನು ಗಮನಿಸಿದ ವೃದ್ಧ ಅವನನ್ನು ಹುಡುಕಿಕೊಂಡು ಹೊರಗೆ ಬಂದಿದ್ದು, ರುಯೆಲ್ ಮತ್ತೆ ಬಂದು ವೃದ್ಧನ ಮುಖಕ್ಕೆ ನೆಲಕ್ಕೆ ಬೀಳುವಂತೆ ಹೊಡೆದಿದ್ದಾನೆ. ಇದನ್ನೂ ಓದಿ:  ರಾಮಮಂದಿರ ಸುತ್ತಮುತ್ತಲಿನ ಮದ್ಯ ಮಾರಾಟಗಾರರ ಪರವಾನಗಿ ರದ್ದು: ಯುಪಿ ಸರ್ಕಾರ 

    ರುಯೆಲ್ ಹೊಡೆದಿದ್ದನ್ನು ನೋಡಿದ ಸ್ಥಳೀಯರು ವೃದ್ಧನ ಸಹಾಯಕ್ಕೆ ಧಾವಿಸಿದ್ದಾರೆ. ಈ ಎಲ್ಲ ದೃಶ್ಯಗಳು ಅಂಗಡಿ ಹೊರಗಿದ್ದ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಈ ವೀಡಿಯೋವನ್ನ ಸೋಶಿಯಲ್ ಮೀಡಿಯೋದಲ್ಲಿ ಶೇರ್ ಮಾಡಿಕೊಳ್ಳಲಾಗಿದೆ. ಪರಿಣಾಮ ವೀಡಿಯೋ ನೋಡಿದ ನೆಟ್ಟಿಗರು ರುಯೆಲ್ ವಿರುದ್ಧ ಆಕ್ರೋಶ ಹೊರಹಾಕುತ್ತಿದ್ದಾರೆ.

    ಘಟನೆಯ ಒಂದು ದಿನದ ನಂತರ, ರುಯೆಲ್‍ನನ್ನು ಪೊಲೀಸರು ಬಂಧಿಸಿದ್ದಾರೆ. ವಿಚಾರಣೆ ವೇಳೆ ಆರೋಪಿಯು, ನಾನು ಹೆಚ್ಚು ಸಮಯ ಕಾಯುತ್ತಿದ್ದರಿಂದ ನನಗೆ ಕೋಪ ಬಂತು. ಅದನ್ನು ನಿಯಂತ್ರಿಸಲು ನನಗೆ ಸಾಧ್ಯವಾಗಲಿಲ್ಲ. ಅದಕ್ಕೆ ನಾನು ಅವರಿಗೆ ಹೊಡೆದೆ ಎಂದು ತಿಳಿಸಿದ್ದಾನೆ.

    ಈ ಕುರಿತು ಮಾಧ್ಯಮಗಳಿಗೆ ಮಾಹಿತಿ ಕೊಟ್ಟ ಪೊಲೀಸರು, ಕ್ಯಾಲಿಫೋರ್ನಿಯಾದಲ್ಲಿ ರುಯೆಲ್ ಕುಡಿದು ವಾಹನ ಚಲಾಯಿಸಿದ್ದಾನೆ. ಇದೇ ರೀತಿ ಅವನ ವಿರುದ್ಧ ಮೂರು ಪ್ರಕರಣ ದಾಖಲಾಗಿದೆ ಎಂದು ಹೇಳಿದ್ದಾರೆ. ಇದನ್ನೂ ಓದಿ: ರಾಜ್ಯಸಭಾ ಚುನಾವಣೆ: ಎಲ್ಲ ನಾಮಪತ್ರಗಳು ಕ್ರಮಬದ್ಧ 

  • ತನ್ನ ಮನೆಯ ಜೊತೆ ಮಾಜಿ ಪತಿಯನ್ನೂ ಮಾರಾಟಕ್ಕಿಟ್ಟಳು!

    ತನ್ನ ಮನೆಯ ಜೊತೆ ಮಾಜಿ ಪತಿಯನ್ನೂ ಮಾರಾಟಕ್ಕಿಟ್ಟಳು!

    ಫ್ಲೋರಿಡಾ: ಮಹಿಳೆಯೊಬ್ಬಳು ತನ್ನ ಮನೆಯ ಜೊತೆ ಮಾಜಿ ಪತಿಯನ್ನು ಕೂಡ ಮಾರಾಟಕ್ಕಿಟ್ಟ ಅಚ್ಚರಿಯ ಘಟನೆಯೊಂದು ಅಮೆರಿಕದ ಫ್ಲೋರಿಡಾದಲ್ಲಿ ನಡೆದಿದೆ.

    43 ವರ್ಷದ ಕ್ರಿಸ್ಟಲ್ ಬಾಲ್ ಮಾಜಿ ಪತಿ ಮಾರಾಟಕ್ಕಿಟ್ಟ ಮಹಿಳೆ. ಈಕೆ ಹಾಗೂ 54 ವರ್ಷದ ಪತಿ ರಿಚರ್ಡ್ ಚೈಲೌ ತಮ್ಮ 7 ವರ್ಷಗಳ ದಾಂಪತ್ಯಕ್ಕೆ ಇತ್ತೀಚೆಗಷ್ಟೇ ಇತಿಶ್ರೀ ಹಾಡಿದ್ದರು. ಆದರೆ ಇಬ್ಬರೂ ತಮ್ಮ ಪುತ್ರರಿಗೆ ಸಹ ಪೋಷಕರಾಗಿ ಮುಂದುವರಿಯುತ್ತಿರುವುದಾಗಿ ಮಾತು ಕೊಟ್ಟಿದ್ದರಿಂದ ವಿಚ್ಛೇದನದ ಬಳಿಕವೂ ಹಲವಾರು ವ್ಯವಹಾರಗಳನ್ನು ಒಟ್ಟಿಗೆ ನಡೆಸಿಕೊಂಡು ಬರುತ್ತಿದ್ದಾರೆ. ಇದನ್ನೂ ಓದಿ: ಪ್ರೇಯಸಿಯ ಸಹೋದರನನ್ನು ಸಾಯಿಸಿ ತಾನೂ ಆತ್ಮಹತ್ಯೆ ಮಾಡಿಕೊಂಡ

    ಪನಾಮಾ ಸಿಟಿ ಬೀಚ್‍ನಲ್ಲಿರುವ ತನ್ನ ಆಸ್ತಿಗಳಲ್ಲಿ ಒಂದನ್ನು ಮಾರಾಟ ಮಾಡುತ್ತಿರುವ ಫ್ಲೋರಿಡಾ ಮಹಿಳೆ ಈ ಬಗ್ಗೆ ಜಾಹೀರಾತು ನೀಡಿದ್ದಾಳೆ. ಅದರಲ್ಲಿ ಮೂರು ಮಲಗುವ ಕೋಣೆಗಳು, ಎರಡು ಸ್ನಾನಗೃಹಗಳು, ಒಳಾಂಗಣ, ಪೂಲ್, ಹಾಟ್ ಟಬ್ ಹಾಗೂ ಮಾಜಿ ಪತಿ ರಿಚರ್ಡ್ ಮನೆಯಲ್ಲಿರುವುದಾಗಿ ವಿವರಿಸಿದ್ದಾಳೆ. ಮನೆ ಕೊಳ್ಳುವವರಿಗೆ ರಿಚರ್ಡ್ ಅಡುಗೆ ಮಾಡಲು ಹಾಗೂ ಸ್ವಚ್ಛತೆ ಮಾಡಲು ಸಹಾಯ ಮಾಡುತ್ತಾನೆ ಎಂದು ತಿಳಿಸಿದ್ದಾಳೆ.

    ಹುಲಿ ಗೊಂಬೆ ಜೊತೆ ರಿಚರ್ಡ್ ಪೋಸ್ ನೀಡುತ್ತಿರುವ ಫೋಟೋವನ್ನು ಜಾಹೀರಾತಿನಲ್ಲಿ ನೀಡಲಾಗಿದೆ. ರಿಚರ್ಡ್ ನಿಮಗೆ ಭಾರವಾಗಿ ಇರುವುದಿಲ್ಲ ಅವರು ಲೈವ್ ಇನ್ ಹ್ಯಾಂಡಿಮ್ಯಾನ್ ಪಾತ್ರದ ಭಾಗವಾಗಿ ಅಡುಗೆ ಮಾಡಲು, ಮನೆ ಸ್ವಚ್ಛಗೊಳಿಸಲು ಮತ್ತು ರಿಪೇರಿಗಳನ್ನು ನಿರ್ವಹಿಸಲು ಸಹಾಯ ಮಾಡುತ್ತಾರೆ ಎಂದು ತನ್ನ ಮಾಜಿ ಗಂಡನ ಬಗ್ಗೆ ಕ್ರಿಸ್ಟಲ್ ವಿವರಿಸಿದ್ದಾಳೆ. ಇದನ್ನೂ ಓದಿ: ಸೌತ್‌ ಸಿನಿಮಾದಿಂದ ಬಾಲಿವುಡ್‌ನಲ್ಲಿ ಅಭದ್ರತೆ – ಖಡಕ್‌ ಉತ್ತರ ಕೊಟ್ಟ ನವಾಜುದ್ದೀನ್ ಸಿದ್ದಿಕಿ

    ಅಲ್ಲದೆ ಆತನ ದೊಡ್ಡದಾದ ಮೂಗು ನಿಮ್ಮ ಮನೆಯಲ್ಲಿ ಏನಾದರೂ ದುರ್ವಾಸನೆ ಬರುತ್ತಿದ್ದರೆ ಅದೂ ನಿಮ್ಮ ಗಮನಕ್ಕೆ ಬರುವ ಮೊದಲು ಆತನ ಮೂಗಿಗೆ ಬಡಿಯುತ್ತದೆ. ಹಾಗೂ ಅದನ್ನು ಆತ ಸ್ವಚ್ಛಗೊಳಿಸುತ್ತಾನೆ. ತಮ್ಮ ನಿಯಮಗಳಿಗೆ ವಿರುದ್ಧವಾಗಿದೆ ಎಂದು ಹಲವು ಬಾರಿ ಈ ಜಾಹೀರಾತನ್ನು ತಿರಸ್ಕರಿಸಲಾಗಿದೆ.

  • ಯೂಟರ್ನ್ ತೆಗೆದುಕೊಳ್ಳುವ ವೇಳೆ ಅಪಘಾತ- ಅಣ್ಣ, ತಂಗಿ ದುರ್ಮರಣ

    ಯೂಟರ್ನ್ ತೆಗೆದುಕೊಳ್ಳುವ ವೇಳೆ ಅಪಘಾತ- ಅಣ್ಣ, ತಂಗಿ ದುರ್ಮರಣ

    ತಲ್ಲಹಸ್ಸಿ(ಫ್ಲೋರಿಡಾ): ಅಣ್ಣ-ತಂಗಿ ಇಬ್ಬರು ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿರುವ ಘಟನೆ ಫ್ಲೋರಿಡಾ ಹೆದ್ದಾರಿಯಲ್ಲಿ ನಡೆದಿದೆ.

    ಮೃತರನ್ನು ಡೊಮಿನಿಕ್ ಮಿಲಿಸ್ (21) ಮತ್ತು ಡ್ಯಾನಿಕಾ ಮಿಲಿಸ್(18) ಎಂದು ಗುರುತಿಸಲಾಗಿದೆ. ಇವರು ವಿಸ್ ಓಮ್ರೊದ ನಿವಾಸಿಗಳಾಗಿದ್ದಾರೆ.

    ಅಣ್ಣ- ತಂಗಿ ಇಬ್ಬರು ಇಂಟನ್ರ್ಯಾಷನಲ್ ಸ್ಪೀಡ್‍ವೇನಲ್ಲಿ ಕ್ರಿಸ್‍ಮಸ್ ದೀಪಗಳನ್ನು ನೋಡಿ ಮನೆಗೆ ಬರುತ್ತಿದ್ದರು. ಸಂಜೆ 7 ಗಂಟೆ ಸುಮಾರಿಗೆ ಡೇಟೋನಾ ಬೀಚ್ ಬಳಿ ಅತೀ ವೇಗವಾಗಿ ಕಾರು ಚಲಾಯಿಸಿಕೊಂಡು ಬಂದ ವ್ಯಕ್ತಿಯೊಬ್ಬನು ಯು-ಟರ್ನ್ ತೆಗೆದುಕೊಳ್ಳಲು ಹೋಗಿದ್ದಾನೆ. ಈ ವೇಳೆ ಅಣ್ಣ- ತಂಗಿ ಇರುವ ವಾಹನಕ್ಕೆ ಡಿಕ್ಕಿಯಾಗಿದೆ. ಕಾರು ಗುದ್ದಿದ ರಭಸಕ್ಕೆ ಡೊಮಿನಿಕ್ ಮಿಲಿಸ್ ಕಾರಿನ ಚಕ್ರದಡಿಯಲ್ಲಿ ಸಿಕ್ಕಿ ಕೊಂಡು ಪ್ರಾಣ ಬಿಟ್ಟಿದ್ದಾನೆ. ತಂಗಿ ಡ್ಯಾನಿಕಾ ಮಿಲಿಸ್‍ಗೆ ರಕ್ತ ಸಾವ್ರವಾಗಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾಳೆ. ಈ ಅಪಘಾತದಲ್ಲಿ ಅಣ್ಣ-ತಂಗಿ ಜೊತೆಗೆ ಇದ್ದ ಇಬ್ಬರು ಸೋದರಸಂಬಂಧಿಗಳಿಗೂ ಸಣ್ಣ ಪುಟ್ಟ ಗಾಯಗಳಾಗಿವೆ ಇವರನ್ನು ಆಸ್ಪತ್ರೆಗೆ ದಾಖಲಾಗಿದೆ.

    ಈ ಅಪಘಾತದಲ್ಲಿ ವೇಗವಾಗಿ ಕಾರು ಚಲಾಯಿಸಿಕೊಂಡು ಬಂದಿರುವ ವ್ಯಕ್ತಿ ರದ್ದುಪಡಿಸಿದ ಪರವಾನಗಿಯೊಂದಿಗೆ ಚಾಲನೆ ಮಾಡುತ್ತಿದ್ದ. ಈತ ಕೂಡ ಅಪಘಾತದಲ್ಲಿ ಸಾವನ್ನಪ್ಪಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

  • ಮೂರನೇ ಮದುವೆಯಾದ WWE ಸೂಪರ್ ಸ್ಟಾರ್ ಜಾನ್ ಸಿನಾ

    ಮೂರನೇ ಮದುವೆಯಾದ WWE ಸೂಪರ್ ಸ್ಟಾರ್ ಜಾನ್ ಸಿನಾ

    – ಯಾರು ಈ ಶೇ ಶರಿಯತ್‍ಜಾಡೆ

    ಫ್ಲೋರಿಡಾ: ಡಬ್ಯ್ಲುಡಬ್ಯ್ಲುಇ ಸೂಪರ್ ಸ್ಟಾರ್ ಜಾನ್ ಸಿನಾ ಅವರು ಮೂರನೇ ಬಾರಿಗೆ ವಿವಾಹವಾಗಿದ್ದು, ತಮ್ಮ ಗೆಳತಿ ಶೇ ಶರಿಯತ್‍ಜಾಡೆ ಅವರನ್ನು ವರಿಸಿದ್ದಾರೆ.

    ಜಾನ್ ಸಿನಾ ಮದುವೆಯಾಗಿರುವುದನ್ನು ಅಧಿಕೃತವಾಗಿ ಘೋಷಣೆ ಮಾಡಿಲ್ಲ. ಆದರೆ ಫ್ಲೋರಿಡಾದ ಸುದ್ದಿ ಮಾಧ್ಯಮಗಳು ಜಾನ್ ಸಿನಾ ಮತ್ತು ಶೇ ಶರಿಯತ್‍ಜಾಡೆ ಅವರು ಬುಧವಾರ ನಡೆದ ಸರಳ ಮತ್ತು ಶಾಂತ ರೀತಿಯ ಮದುವೆ ಕಾರ್ಯಕ್ರಮದಲ್ಲಿ ವಿವಾಹವಾಗಿದ್ದಾರೆ ಎಂದು ವರದಿ ಮಾಡಿವೆ. ಸಿನಾ ತನಗಿಂತ 12 ವರ್ಷ ಚಿಕ್ಕವರಾದ ಶೇ ಶರಿಯತ್‍ಜಾಡೆ ಅವರನ್ನು ಮೂರನೇ ಬಾರಿಗೆ ವಿವಾಹವಾಗಿದ್ದಾರೆ.

    ಯಾರು ಈ ಶೇ ಶರಿಯತ್‍ಜಾಡೆ
    ಶೇ ಶರಿಯತ್‍ಜಾಡೆ ಇರಾನ್‍ನಲ್ಲಿ ಜನಿಸಿದರೂ ಕೆನಡಾದ ಪ್ರಜೆಯಾಗಿದ್ದಾರೆ. 31 ವರ್ಷದ ಶೇ, ಬ್ರಿಟಿಷ್ ಕೊಲಂಬಿಯಾ ವಿಶ್ವವಿದ್ಯಾಲಯದಿಂದ ಎಲೆಕ್ಟ್ರಿಕಲ್ ಮತ್ತು ಎಲೆಕ್ಟ್ರಾನಿಕ್ ಎಂಜಿನಿಯರಿಂಗ್ ಅಧ್ಯಯನ ಮಾಡಿದ್ದಾರೆ. ಜೊತೆಗೆ 2013ರಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೆದಿದ್ದಾರೆ. ಶರಿಯತ್‍ಜಾಡೆ ವ್ಯಾಂಕೋವರ್ ನಲ್ಲಿರುವ ಟೆಕ್ ಕಂಪನಿಯೊಂದರಲ್ಲಿ ಉತ್ಪನ್ನ ಮಟ್ಟದ ಕಾರ್ಯನಿರ್ವಾಹಕರಾಗಿ ಕೆಲಸ ಮಾಡುತ್ತಿದ್ದಾರೆ ಎಂದು ವರದಿಯಾಗಿದೆ.

    ಜಾನ್ ಸಿನಾ ಮತ್ತು ಶೇ ಶರಿಯತ್‍ಜಾಡೆ ಮೊದಲ ಬಾರಿಗೆ ಭೇಟಿಯಾಗಿದ್ದು, 2019ರಲ್ಲಿ ನಡೆದ ಡಬ್ಯ್ಲುಡಬ್ಯ್ಲುಇ ತಾರೆಯರ ಚಿತ್ರೀಕರಣದ ಸಮಯದಲ್ಲಿ. ಈ ವೇಳೆ ಪರಿಚಯವಾದ ಸಿನಾ ಮತ್ತು ಶರಿಯತ್‍ಜಾಡೆ ನಂತರ ಪ್ರೇಮಪಾಶದಲ್ಲಿ ಬಂಧಿಯಾಗಿದ್ದರು. ಇದಾದ ನಂತರ ಪ್ಲೇಯಿಂಗ್ ವಿತ್ ಫೈರ್ ಇನ್ ವ್ಯಾಂಕೋವರ್ ಎಂಬ ಕಾರ್ಯಕ್ರಮದಲ್ಲಿ ಮೊದಲ ಬಾರಿಗೆ ರೆಡ್ ಕಾರ್ಪೆಟ್‍ನಲ್ಲಿ ಕಾಣಿಸಿಕೊಂಡಿದ್ದರು.

    ಸಿನಾಗಿದು ಮೂರನೇ ಮದ್ವೆ
    43 ವರ್ಷದ ಜಾನ್ ಸಿನಾ ಈಗಾಗಲೇ ಇಬ್ಬರನ್ನು ಮದುವೆಯಾಗಿ ವಿಚ್ಛೇದನ ಪಡೆದುಕೊಂಡಿದ್ದಾರೆ. 1999ರಲ್ಲಿ ಡಬ್ಯ್ಲುಡಬ್ಯ್ಲುಇಗೆ ಪಾದಾರ್ಪಣೆ ಮಾಡಿದ ಸಿನಾ 2009ರಲ್ಲಿ ಡಬ್ಯ್ಲುಡಬ್ಯ್ಲುಇ ಲೇಡಿ ಸೂಪರ್ ಸ್ಟಾರ್ ಎಲಿಜಬೆತ್ ಹಬಡ್ರ್ಯೂ ಅವರನ್ನು ವಿವಾಹವಾಗಿದ್ದರು. ಆದರೆ 2012ರಲ್ಲಿ ಈ ಜೋಡಿ ವಿಚ್ಛೇದನ ಪಡೆದು ಬೇರೆಯಾಗಿತ್ತು. ಇದಾದ ನಂತರ ಸಿನಾ ಡಬ್ಯ್ಲುಡಬ್ಯ್ಲುಇದ ಲೇಡಿ ಕುಸ್ತಿಪಟು ನಿಕ್ಕಿ ಬೆಲ್ಲಾ ಅವರ ಜೊತೆ ಡೇಟಿಂಗ್‍ನಲ್ಲಿ ಇದ್ದರು.

    ಸುಮಾರು ಐದು ವರ್ಷಗಳ ಕಾಲ ಜೊತೆಗಿದ್ದ ಸಿನಾ ಮತ್ತು ನಿಕ್ಕಿ ಬೆಲ್ಲಾ ಜೋಡಿ 2018ರಲ್ಲಿ ತಾವು ಬೇರೆಯಾಗುತ್ತೇವೆ ಎಂದು ಘೋಷಿಸಿಕೊಂಡಿತ್ತು. ಇದಾದ ನಂತರ 2019ರಲ್ಲಿ ನಿಕ್ಕಿ ಡ್ಯಾನ್ಸರ್ ಆರ್ಟೆಮ್ ಜೊತೆ ಮದುವೆಯಾದರು. ಜೊತೆಗೆ ಅವರಿಗೆ 2020ರ ಜುಲೈನಲ್ಲಿ ಮಗು ಜನಿಸಿದೆ. ಈಗ ಸಿನಾ ಶೇ ಶರಿಯತ್‍ಜಾಡೆ ಅವರನ್ನು ವರಿಸಿದ್ದಾರೆ.

  • ಅಬ್ಬಾ ಎಷ್ಟು ಉದ್ದ ಇದು – ಹೊಸ ದಾಖಲೆ ಬರೆದ ಹೆಬ್ಬಾವು

    ಅಬ್ಬಾ ಎಷ್ಟು ಉದ್ದ ಇದು – ಹೊಸ ದಾಖಲೆ ಬರೆದ ಹೆಬ್ಬಾವು

    ಫ್ಲೋರಿಡಾ: ಇಬ್ಬರು ಉರಗ ತಜ್ಞರಿಗೆ ಫ್ಲೋರಿಡಾದಲ್ಲಿ ಸಿಕ್ಕ ಬರ್ಮೀಸ್ ಹೆಣ್ಣು ಹೆಬ್ಬಾವೊಂದು ಹೊಸ ದಾಖಲೆಯನ್ನು ನಿರ್ಮಿಸಿದೆ.

    ರಿಯಾನ್ ಆಸ್ಬರ್ನ್ ಮತ್ತು ಅವನ ರೂಮ್ ಮೇಟ್ ಕೆವಿನ್ ಪಾವ್ಲಿಡಿಸ್ಸಿಗೆ ಫ್ಲೋರಿಡಾದ ಎವಗ್ರ್ಲೇಡ್ಸ್ ನಲ್ಲಿ ಸಿಕ್ಕಿದ ಈ ಹಾವು, 18.9 ಅಡಿ ಉದ್ದವಿದ್ದು, ಈ ಮೂಲಕ ಈವರೆಗೂ ಸೆರೆಸಿಕ್ಕ ಹೆಬ್ಬಾವುಗಳ ಪೈಕಿ ಅತೀ ಉದ್ದ ಇರುವ ಹೆಬ್ಬಾವು ಎಂದು ದಾಖಲೆ ಬರೆದಿದೆ. ಈ ಹಿಂದೆ 18.8 ಅಡಿ ಇರುವ ಹೆಬ್ಬಾವು ಸೆರೆಸಿಕ್ಕಿದ್ದು, ಈ ಹಿಂದಿನ ದಾಖಲೆಯಾಗಿತ್ತು.

    ರಿಯಾನ್ ಆಸ್ಬರ್ನ್ ಮತ್ತು ಕೆವಿನ್ ಪಾವ್ಲಿಡಿಸ್ ಇಬ್ಬರು ದಕ್ಷಿಣ ಫ್ಲೋರಿಡಾ ವಾಟರ್ ಮ್ಯಾನೇಜ್ಮೆಂಟ್ ಡಿಸ್ಟ್ರಿಕ್ಟ್ ಮತ್ತು ಫ್ಲೋರಿಡಾದ ಪೈಥಾನ್ ಎಲಿಮಿನೇಷನ್ ನಲ್ಲಿ ಕೆಲಸ ಮಾಡುತ್ತಿದ್ದಾರೆ. ಜೊತೆಗೆ ಫ್ಲೋರಿಡಾದ ವನ್ಯಜೀವಿ ಸಂರಕ್ಷಣಾ ಆಯೋಗಕ್ಕಾಗಿ ಕೂಡ ಕೆಲಸ ಮಾಡುತ್ತಾರೆ. ಈ ಇಬ್ಬರು ರಾತ್ರಿ ವೇಳೆ ಈ ಹೆಬ್ಬಾವನ್ನು ನೀರಿನೊಳಗೆ ಹಿಡಿದಿದ್ದು, ಈ ಹೆಬ್ಬಾವು 47 ಕೆಜಿ ತೂಕ ಮತ್ತು 18.9 ಅಡಿ ಉದ್ದವಿದೆ.

    ಈ ವಿಚಾರವಾಗಿ ಫೇಸ್‍ಬುಕ್‍ನಲ್ಲಿ ಪೋಸ್ಟ್ ಹಾಕಿರುವ ಪಾವ್ಲಿಡಿಸ್, ನಾವು ಕಳೆದ ಶುಕ್ರವಾರ ರಾತ್ರಿ ಈ ಹಾವನ್ನು ಎವಗ್ರ್ಲೇಡ್ಸ್ ನಲ್ಲಿ ಸೊಂಟದಷ್ಟು ಆಳದ ನೀರಿನಿಂದ ಹಿಡಿದು ಹೊರತೆಗೆದಿದ್ದೇವೆ. ಇಷ್ಟೊಂದು ದಪ್ಪ ಇರುವ ಹೆಬ್ಬಾವನ್ನು ನಾನು ಎಂದೂ ನೋಡಿರಲಿಲ್ಲ. ಈ ಹಾವನ್ನು ಹಿಡಿಯುವಾಗಿ ನನ್ನ ಕೈಗಳು ನಡುಗಲು ಆರಂಭಿಸಿದವು. ಆದರೂ ನಾನು ಮತ್ತು ರಿಯಾನ್ ಆಸ್ಬರ್ನ್ ಹಾವನ್ನು ನೀರಿನಿಂದ ಹೊರತೆಗೆದುಕೊಂಡು ಬಂದಿದ್ದೇವೆ ಎಂದು ಬರೆದುಕೊಂಡಿದ್ದಾರೆ.

    https://www.facebook.com/MyFWC/posts/10158692430443349

    ಈ ಹೆಬ್ಬಾವು ಹೊಸ ದಾಖಲೆ ನಿರ್ಮಿಸಿದೆ ಎಂದು ಫ್ಲೋರಿಡಾ ಮೀನು ಮತ್ತು ವನ್ಯಜೀವಿ ಸಂರಕ್ಷಣಾ ಆಯೋಗ ದೃಢಪಡಿಸಿದೆ. ನಮ್ಮ ಪೈಥಾನ್ ಆಕ್ಷನ್ ತಂಡ ಮತ್ತು ದಕ್ಷಿಣ ಫ್ಲೋರಿಡಾ ವಾಟರ್ ಮ್ಯಾನೇಜ್ಮೆಂಟ್ ಸದಸ್ಯರು ಪೈಥಾನ್ ಎಲಿಮಿನೇಷನ್ ಕಾರ್ಯಕ್ರಮದಲ್ಲಿ 18 ಅಡಿ, 9 ಇಂಚು ಉದ್ದದ ಮತ್ತು 47 ಕೆಜಿ ತೂಕದ ಬರ್ಮೀಸ್ ಹೆಣ್ಣು ಹೆಬ್ಬಾವನ್ನು ಸೆರೆಹಿಡಿದಿದ್ದಾರೆ. ಇದು ಹೊಸ ದಾಖಲೆ ಎಂದು ಹೇಳಿದೆ.

  • 225 ಕೆಜಿ ತೂಕ, ದಿನಕ್ಕೆ 10 ಸಾವಿರ ಕ್ಯಾಲೊರಿ ಫುಡ್ – 20 ವರ್ಷದಿಂದ ತೂಕ ಹೆಚ್ಚಿಸುತ್ತಿರುವ ವ್ಯಕ್ತಿ

    225 ಕೆಜಿ ತೂಕ, ದಿನಕ್ಕೆ 10 ಸಾವಿರ ಕ್ಯಾಲೊರಿ ಫುಡ್ – 20 ವರ್ಷದಿಂದ ತೂಕ ಹೆಚ್ಚಿಸುತ್ತಿರುವ ವ್ಯಕ್ತಿ

    – 81 ಕೆಜಿಯಿಂದ 225ಕೆಜಿಯವರೆಗೆ ತೂಕ ಹೆಚ್ಚಳ

    ಫ್ಲೋರಿಡಾ: 225 ಕೆಜಿ ತೂಕವಿರುವ ಓರ್ವ ವ್ಯಕ್ತಿ ತನ್ನ ಆನ್‍ಲೈನ್ ಫಾಲೋವರ್ಸ್‍ಗಳಿಗಾಗಿ ದಿನ 10 ಸಾವಿರ ಕ್ಯಾಲೊರಿ ಫುಡ್ ತಿನ್ನುತ್ತಿದ್ದಾರೆ.

    ತನ್ನ ತೂಕವನ್ನು ಜಾಸ್ತಿ ಮಾಡಿಕೊಳ್ಳಲು ಗೇನರ್ ಬುಲ್ ಹೆಸರಿನ ವ್ಯಕ್ತಿ ದಿನಕ್ಕೆ 10 ಸಾವಿರ ಕ್ಯಾಲೋರಿ ಆಹಾರ ತಿನ್ನುತ್ತಾರೆ. ಇವರ ನಿಜವಾದ ಹೆಸರು ಬ್ರಿಯಾನ್. 20 ವರ್ಷಗಳ ಹಿಂದೆ ಕೇವಲ 81 ಕೆಜಿ ತೂಕವಿದ್ದಾಗ ತನ್ನ ತೂಕ ಹೆಚ್ಚಿಸುವ ಕೆಲಸವನ್ನು ಪ್ರಾರಂಭಿಸಿದರು. ಈಗ ಅವರು ಪ್ರಪಂಚದ ದಪ್ಪಗಿನ ವ್ಯಕ್ತಿಗಳ ಸಮುದಾಯದ ಸದಸ್ಯರಾಗಿದ್ದಾರೆ ಮತ್ತು ತೂಕವನ್ನು ಹೆಚ್ಚಿಸುವಲ್ಲಿ ಸಂತೋಷವನ್ನು ಪಡೆಯುತ್ತಾರೆ.

    https://www.instagram.com/p/B-QrlKKjO-S/?utm_source=ig_embed

    ಈ ಬಗ್ಗೆ ತನ್ನ ಇನ್‍ಸ್ಟಾಗ್ರಾಮ್‍ನಲ್ಲಿ ಪೋಸ್ಟ್ ಹಾಕಿಕೊಂಡಿರುವ ಬ್ರಿಯಾನ್, ನಾನು ಮೊದಲಿನಿಂದ ಈ ರೀತಿ ದಪ್ಪ ವ್ಯಕ್ತಿಯಾಗಬೇಕು ಎಂದುಕೊಂಡವನಲ್ಲ. ಆದರೆ ನಾನು ಚಿಕ್ಕ ವಯಸ್ಸಿನಲ್ಲಿ ಇರಬೇಕಾದರೆ, ದಪ್ಪ ದಪ್ಪ ಇರುವ ಗೊಂಬೆಗಳನ್ನು ಟಿವಿಯಲ್ಲಿ ನೋಡುತ್ತಿದ್ದೆ. ಆಗ ನನಗೆ ನಾನೂ ಈ ರೀತಿ ಆಗಬೇಕು ಎಂದುಕೊಂಡಿದ್ದೆ. ಅದರಂತೆ ನಾನು 24 ವರ್ಷವಿದ್ದಾಗ ತೂಕವನ್ನು ಹೆಚ್ಚಿಸಿಕೊಳ್ಳಬೇಕು ಎಂದು ತೀರ್ಮಾನ ಮಾಡಿದೆ ಎಂದು ಹೇಳಿದ್ದಾರೆ.

    https://www.instagram.com/p/CDUIfNKJBSu/?utm_source=ig_embed

    ಬ್ರಿಯಾನ್ ಪ್ರತಿದಿನ ಸುಮಾರು 10,000 ಕ್ಯಾಲೊರಿಗಳನ್ನು ತಿನ್ನುತ್ತಾರೆ. ಇದು ಸಾಮಾನ್ಯ ಮನುಷ್ಯನು ದಿನದಲ್ಲಿ ಸೇವಿಸುವ ಆಹಾರ ಪ್ರಮಾಣಕ್ಕಿಂತ ನಾಲ್ಕು ಪಟ್ಟು ಹೆಚ್ಚಳವಾಗಿದೆ. ಜೊತೆಗೆ ದಿನಪೂರ್ತಿ ತಿನ್ನುವ ಕೆಲಸದಲ್ಲಿ ನಿರತರಾಗಿರುವ ಬ್ರಿಯಾನ್ ಇದರಿಂದ ಹಣವನ್ನು ಗಳಿಸುತ್ತಾರೆ. ಅವರು ಇನ್ಸ್ಟಾಗ್ರಾಮ್ ಖಾತೆಯನ್ನು ಸಹ ಹೊಂದಿದ್ದು, ಅಲ್ಲಿ ಅವರು ತಮ್ಮ ದಿನಚರಿಯ ಫೋಟೋ ಮತ್ತು ವೀಡಿಯೊಗಳನ್ನು ಹಂಚಿಕೊಳ್ಳುತ್ತಾರೆ. ಇದರಿಂದ ಅವರಿಗೆ ಹಣ ಗಳಿಸುತ್ತಿದ್ದಾರೆ.

  • ನಕಲಿ ಚೆಕ್ ಬಳಸಿ 1 ಕೋಟಿ ಮೌಲ್ಯದ ಕಾರು ಖರೀದಿಸಿದ ಹೈಟೆಕ್ ಕಳ್ಳ

    ನಕಲಿ ಚೆಕ್ ಬಳಸಿ 1 ಕೋಟಿ ಮೌಲ್ಯದ ಕಾರು ಖರೀದಿಸಿದ ಹೈಟೆಕ್ ಕಳ್ಳ

    – ವಾಚ್ ಖರೀದಿಗೆ ಹೋಗಿ ಸಿಕ್ಕಿಬಿದ್ದ

    ಫ್ಲೋರಿಡಾ: ನಕಲಿ ಚೆಕ್ ಬಳಸಿ 1 ಕೋಟಿ ಮೌಲ್ಯದ ಐಷಾರಾಮಿ ಕಾರು ಖರೀದಿ ಮಾಡಿದ್ದ ಹೈಟೆಕ್ ಕಳ್ಳನನ್ನು ಫ್ಲೋರಿಡಾದ ಪೊಲೀಸರು ಬಂಧಿಸಿದ್ದಾರೆ.

    ಬಂಧಿತ ಕಳ್ಳನನ್ನು 42 ವರ್ಷದ ಕೇಸಿ ವಿಲಿಯಂ ಕೆಲ್ಲಿ ಎಂದು ಗುರುತಿಸಲಾಗಿದೆ. ಈತ ತಾನು ಮನೆಯಲ್ಲೇ ತನ್ನ ಕಂಪ್ಯೂಟರ್ ಬಳಸಿ ನಕಲಿ ಚೆಕ್‍ವೊಂದನ್ನು ಪ್ರಿಂಟ್ ಮಾಡಿ ಅದರಲ್ಲಿ ಒಂದು ಕೋಟಿ ಮೌಲ್ಯದ ಪೋರ್ಷೆ ಕಾರು ಖರೀದಿ ಮಾಡಿದ್ದಾನೆ. ನಂತರ ಇದೇ ರೀತಿ ರೋಲೆಕ್ಸ್ ವಾಚ್ ಖರೀದಿ ಮಾಡಲು ಹೋಗಿ ಸಿಕ್ಕಿಬಿದ್ದಿದ್ದಾನೆ.

    https://www.facebook.com/WCSOFL/posts/10157121884506493

    ಪೊಲೀಸರು ನೀಡಿರುವ ಮಾಹಿತಿ ಪ್ರಕಾರ, ಕೆಲ್ಲಿ ಜುಲೈ 27ರಂದು ಫ್ಲೋರಿಡಾದ ಒಕಲೂಸಾ ಕೌಂಟಿ ನಗರಕ್ಕೆ ಹೋಗಿದ್ದಾನೆ. ಅಲ್ಲಿ ಪೋರ್ಷೆ ಡೆಸ್ಟಿನ್ ಶೋರೂಮ್‍ಗೆ ಹೋಗಿ, ಪೋರ್ಷೆ 911 ಟರ್ಬೋ ಎಂಬ ಕಾರನ್ನು ಖರೀದಿ ಮಾಡಿದ್ದಾನೆ. ಖರೀದಿ ವೇಳೆ 1 ಕೋಟಿ 30 ಲಕ್ಷ ಮೌಲ್ಯದ ಚೆಕ್ ನೀಡಿದ್ದಾನೆ. ಇದನ್ನು ನಕಲಿ ಎಂದು ತಿಳಿಯದ ಶೋರೂಮ್ ಸಿಬ್ಬಂದಿ ಆತನಿಗೆ ಕಾರು ಕೊಟ್ಟು ಕಳುಹಿಸಿದ್ದಾರೆ.

    ಇದಾದ ನಂತರ ಶೋರೂಮ್ ಸಿಬ್ಬಂದಿ ಚೆಕ್ ಅನ್ನು ತೆಗೆದುಕೊಂಡು ಬ್ಯಾಂಕ್‍ಗೆ ಹೋದಾಗ, ಇದು ನಕಲಿ ಚೆಕ್ ಎಂದು ತಿಳಿದು ಬಂದಿದೆ. ಆಗ ತಕ್ಷಣ ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ. ಐಷಾರಾಮಿ ಕಾರು ಕೊಳ್ಳುವ ಆಸೆ ಹೊಂದಿದ್ದ, ಕೆಲ್ಲಿ ನಕಲಿ ಚೆಕ್ ಬಳಸಿ ಕಾರುಕೊಂಡು ಅದರ ಜೊತೆಗಿರುವ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾನೆ.

    ಈ ವೇಳೆ ಕೆಲ್ಲಿಯನ್ನು ಪೊಲೀಸರು ಹುಡುಕಲು ಶುರು ಮಾಡಿದ್ದಾರೆ. ಆದರೆ ಆತ ಸಿಕ್ಕಿಲ್ಲ. ಇದರ ಮಧ್ಯೆ ಮತ್ತೆ ಇದೇ ರೀತಿ ಚೆಕ್ ತಯಾರು ಮಾಡಿದ ಕೆಲ್ಲಿ, ಅದನ್ನು ಉಪಯೋಗಿಸಿ ದುಬಾರಿ ರೋಲೆಕ್ಸ್ ವಾಚ್ ಕೊಳ್ಳುಲು ಹೋಗಿದ್ದಾನೆ. ಈ ವೇಳೆ ಆತ ನೀಡಿದ ಚೆಕ್ ನೋಡಿ ಅನುಮಾನಗೊಂಡು ಅಲ್ಲಿನ ಸಿಬ್ಬಂದಿ ಆತನನ್ನು ಅಲ್ಲೇ ಕುರಿಸಿಕೊಂಡು ನಂತರ ಪೊಲೀಸರಿಗೆ ಕರೆ ಮಾಡಿದ್ದಾರೆ. ತಕ್ಷಣ ಬಂದ ಪೊಲೀಸರು ಕೆಲ್ಲಿಯನ್ನು ಬಂಧಿಸಿದ್ದಾರೆ.

  • ಮನಬಂದಂತೆ ರಸ್ತೆಯಲ್ಲಿ ಓಡಾಡುತ್ತಿದ್ದ ಕಾಂಗರೂವನ್ನು ಬಂಧಿಸಿದ ಪೊಲೀಸರು

    ಮನಬಂದಂತೆ ರಸ್ತೆಯಲ್ಲಿ ಓಡಾಡುತ್ತಿದ್ದ ಕಾಂಗರೂವನ್ನು ಬಂಧಿಸಿದ ಪೊಲೀಸರು

    ಫ್ಲೋರಿಡಾ: ಮನಬಂದಂತೆ ರಸ್ತೆಯಲ್ಲಿ ಸುತ್ತುತ್ತಿದ್ದ ಕಾಂಗರೊಂದನ್ನು ಪೊಲೀಸರು ಬಂಧಿಸಿರುವ ವಿಚಿತ್ರ ಘಟನೆ ಫ್ಲೋರಿಡಾದಲ್ಲಿ ನಡೆದಿದೆ.

    ಕಾಂಗರೂ ನಮ್ಮ ನಿವಾಸದ ಬಳಿ ಓಡಾಡುತ್ತಿದೆ. ಜೊತೆಗೆ ರಸ್ತೆಯಲ್ಲಿ ಮಲಗಿಕೊಂಡು ವಾಹನ ಸವಾರರಿಗೆ ತೊಂದರೆ ಕೊಡುತ್ತಿದೆ ಎಂದು ಫ್ಲೋರಿಡಾದ ಲಾಡರ್ಡೇಲ್ ನಿವಾಸಿಗಳು ಪೊಲೀಸರಿಗೆ ದೂರು ನೀಡಿದ್ದಾರೆ. ಈ ದೂರಿನ ಮೇರೆಗೆ ಸ್ಥಳಕ್ಕೆ ಬಂದ ಪೊಲೀಸರು ನಡುರಸ್ತೆಯಲ್ಲಿ ಮಲಗಿದ್ದ ತುಂಟ ಕಾಂಗರೂವನ್ನು ಬಂಧಿಸಿ ಕರೆದುಕೊಂಡು ಹೋಗಿದ್ದಾರೆ.

    ಮೊದಲು ಅಲ್ಲಿನ ನಿವಾಸಿಗಳು ಯಾವುದೋ ಪ್ರಾಣಿ ನಮ್ಮ ಏರಿಯಾದಲ್ಲಿ ಓಡಾಡುತ್ತಾ ಬಹಳ ತೊಂದರೆ ಕೊಡುತ್ತಿದೆ ಎಂದು ಪೊಲೀಸರಿಗೆ ಕರೆ ಮಾಡಿದ್ದಾರೆ. ಪೊಲೀಸರು ಯಾವುದೋ ನಾಯಿ ಆಥವಾ ಬೆಕ್ಕು ಇರಬೇಕು ಎಂದು ಸ್ಥಳಕ್ಕೆ ಬಂದಿದ್ದಾರೆ. ಈ ವೇಳೆ ಅಲ್ಲಿ ಇದ್ದ ಕಾಂಗರೂವನ್ನು ಕಂಡು ಪೊಲೀಸರೇ ದಂಗಾಗಿ ಹೋಗಿದ್ದಾರೆ. ಸತತ ಎರಡು ಗಂಟೆಯ ಕಾರ್ಯಾಚರಣೆಯ ಮೂಲಕ ಕಾಂಗರೂವನ್ನು ಬಂಧಿಸಿರುವ ಪೊಲೀಸರು ಪೊಲೀಸ್ ಠಾಣೆಯಲ್ಲಿ ಕೂಡಿಹಾಕಿದ್ದಾರೆ.

    https://twitter.com/FLPD411/status/1283784930011611137

    ಈ ವಿಚಾರ ತಿಳಿದ ಕಾಂಗರು ಸಾಕಿರುವ ಮಾಲೀಕ ಆಂಟೋನಿ ಮಕಿಯಾಸ್, ತನಗೆ ವಾಪಸ್ ಕೊಡುವಂತೆ ಪೊಲೀಸರಿಗೆ ಮನವಿ ಮಾಡಿದ್ದಾರೆ. ಆದರೆ ಫ್ಲೋರಿಡಾದ ಲಾಡರ್ಡೇಲ್ ಪ್ರದೇಶದಲ್ಲಿ ಕಾಂಗರೂವನ್ನು ಸಾಕಲು ಅನುಮತಿ ಇಲ್ಲದ ಕಾರಣ ಪೊಲೀಸರು ಆತನಿಗೆ ಅದನ್ನು ವಾಪಸ್ ನೀಡಲು ಮುಂದಾಗಿಲ್ಲ.

  • ವರ್ಕ್ ಫ್ರಂ ಹೋಂ ಎಫೆಕ್ಟ್- ಮಗಳು ಲೈವ್ ಮಾಡ್ತಿದ್ದಾಗ ಬಟ್ಟೆ ಹಾಕ್ತಾ ಅಪ್ಪನ ಎಂಟ್ರಿ

    ವರ್ಕ್ ಫ್ರಂ ಹೋಂ ಎಫೆಕ್ಟ್- ಮಗಳು ಲೈವ್ ಮಾಡ್ತಿದ್ದಾಗ ಬಟ್ಟೆ ಹಾಕ್ತಾ ಅಪ್ಪನ ಎಂಟ್ರಿ

    ತಲ್ಲಹಸ್ಸಿ(ಫ್ಲೋರಿಡಾ): ಕೊರೊನಾ ವೈರಸ್ ಭೀತಿಯಿಂದಾಗಿ ದೇಶ ಮಾತ್ರವಲ್ಲದೆ ವಿದೇಶದಲ್ಲೂ ಲಾಕ್ ಡೌನ್ ಮಾಡಲಾಗಿದ್ದು, ಈ ಹಿನ್ನೆಲೆಯಲ್ಲಿ ಹಲವಾರು ಕಂಪನಿಗಳ ಸಿಬ್ಬಂದಿ ಮನೆಯಿಂದಲೇ ಕೆಲಸ ಮಾಡುತ್ತಿದ್ದಾರೆ. ಮುಖ್ಯವಾಗಿ ಸುದ್ದಿವಾಹಿನಿಗಳ ಸಿಬ್ಬಂದಿ ಕೂಡ ಮನೆಯಿಂದಲೇ ಜನರಿಗೆ ಸುದ್ದಿಗಳನ್ನು ಬಿತ್ತರಿಸುತ್ತಿದ್ದಾರೆ. ಹೀಗೆ ಮಹಿಳಾ ವರದಿಗಾರರೊಬ್ಬರು ಮನೆಯಿಂದ್ಲೇ ವರದಿ ನೀಡುತ್ತಿದ್ದಾಗ ನಡೆದ ಘಟನೆಯೊಂದು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ.

    ಫ್ಲೋರಿಡಾದ ಜೆಸ್ಸಿಕಾ ಲ್ಯಾಂಗ್ ಎಂಬಾಕೆ ಅಡುಗೆ ಮನೆಯಿಂದ ಲೈವ್ ಬಂದಿದ್ದರು. ಹೀಗೆ ಕೊರೊನಾ ವೈರಸ್ ಬಗ್ಗೆ ಮಾತನಾಡುತ್ತಿದ್ದ ಸಂದರ್ಭದಲ್ಲಿ ಆಕೆಯ ತಂದೆ ಟೀ-ಶರ್ಟ್ ಹಾಕಿಕೊಂಡು ಒಳಗಡೆಯಿಂದ ಎಂಟ್ರಿ ಕೊಟ್ಟಿದ್ದಾರೆ. ಕೂಡಲೇ ಎಚ್ಚೆತ್ತು ಒಳಗಡೆ ತೆರಳಿದ್ದಾರೆ. ಈ ವಿಚಾರ ಮಗಳಿಗೂ ಗೊತ್ತಾಗಿ ಅಯ್ಯೋ ಡ್ಯಾಡಿ ಎಂದು ಒಂದು ಕ್ಷಣ ದಂಗಾಗಿದ್ದಾರೆ. ಸದ್ಯ ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದ್ದು, ಸಾಕಷ್ಟು ಕಮೆಂಟ್ ಗಳು ಬರುತ್ತಿವೆ.

    ಕಳೆದ ಗುರುವಾರ ಮಗಳು ವರದಿ ಮಾಡುತ್ತಿದ್ದರೆ, ಆಕೆಯ ತಾಯಿಯೇ ವಿಡಿಯೋ ಮಾಡುತ್ತಿದ್ದ ಸಂದರ್ಭದಲ್ಲಿ ತಂದೆ ಕೊಟ್ಟಿದ್ದಾರೆ ಎಂಬುದಾಗಿ ಸುದ್ದಿಸಂಸ್ಥೆಯೊಂದು ವರದಿ ಮಾಡಿದೆ. ಈ ವಿಡಿಯೋವನ್ನು ಸ್ವತಃ ಜೆಸ್ಸಿಕಾ ಅವರೇ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದಾರೆ.

    ಜೆಸ್ಸಿಕಾ ಅವರು ಭಾನುವಾರ ಈ ವಿಡಿಯೋವನ್ನು ಅಪ್ಲೋಡ್ ಮಾಡಿದ್ದು, 7 ಲಕ್ಷಕ್ಕಿಂತಲೂ ಅಧಿಕ ಬಾರಿ ವೀಕ್ಷಣೆಯಾಗಿದ್ದು, 12 ಸಾವಿರಕ್ಕೂ ಅಧಿಕ ಮಂದಿ ಲೈಕ್ ಮಾಡಿದ್ದಾರೆ. ಅಲ್ಲದೆ ಸಾವಿರಾರು ಕಮೆಂಟ್ ಗಳು ಬರುತ್ತಿವೆ.

  • ಆಹಾರವೆಂದು ಭಾವಿಸಿ ಮರಿಗೆ ಸಿಗರೇಟ್ ತುಂಡು ತಿನಿಸಿದ ಹಕ್ಕಿ

    ಆಹಾರವೆಂದು ಭಾವಿಸಿ ಮರಿಗೆ ಸಿಗರೇಟ್ ತುಂಡು ತಿನಿಸಿದ ಹಕ್ಕಿ

    ಫ್ಲೋರಿಡಾ: ಮನುಷ್ಯನ ಸ್ವಾರ್ಥಕ್ಕೆ ಸ್ವರ್ಗದಂತಿದ್ದ ಪ್ರಕೃತಿ ಈಗಾಗಲೇ ನರಕವಾಗುತ್ತಿದೆ. ಮನುಷ್ಯ ತನ್ನ ಸ್ವಾರ್ಥಕ್ಕೆ ನಿಸರ್ಗವನ್ನು ಬಳಸಿಕೊಂಡು ನಾಶ ಮಾಡುತ್ತಿರುವುದಕ್ಕೆ ಹಕ್ಕಿಯೊಂದು ತನ್ನ ಮರಿಗೆ ಆಹಾರವೆಂದು ಭಾವಿಸಿ ಸಿಗರೇಟ್ ತಿನಿಸುತ್ತಿರುವ ಫೋಟೋ ನೋಡುಗರ ಮನಕಲಕುವಂತಿದ್ದು, ಮನುಷ್ಯನ ಸ್ವರ್ಥಕ್ಕೆ ಮೂಕ ಪ್ರಾಣಿ-ಪಕ್ಷಿಗಳು ದುಸ್ಥಿತಿಗೆ ತಲುಪಿರುವುದಕ್ಕೆ ಇದು ಉದಾಹರಣೆಯಾಗಿದೆ.

    ಮನುಷ್ಯನ ತಪ್ಪಿಗೆ ಒಂದಲ್ಲ ಒಂದು ದಿನ ಪ್ರಕೃತಿ ಶಿಕ್ಷೆ ಕೊಟ್ಟೇ ಕೊಡುತ್ತದೆ. ಆದರೆ ಅದರ ಪರಿಣಾಮ ಮನುಷ್ಯನಿಗಿಂತ ಮೊದಲು ಮೂಕ ಪ್ರಾಣಿ-ಪಕ್ಷಿಗಳು ಅನುಭವಿಸುತ್ತಿರುವುದು ವಿಪರ್ಯಾಸ. ಇತ್ತೀಚಿಗೆ ನ್ಯಾಷನಲ್ ಆಡೊನಾನ್ ಸೊಸೈಟಿಯ ಸ್ವಯಂಸೇವಕ ಮತ್ತು ಛಾಯಾಗ್ರಾಹಕರಾಗಿರುವ ಕರೆನ್ ಮೇಸನ್ ಅವರು ಕ್ಲಿಕ್ಕಿಸಿರುವ ಚಿತ್ರವೊಂದು ಈಗ ಭಾರಿ ಚರ್ಚೆಯಲ್ಲಿದೆ. ಮಾನವ ಭೂಮಿ ಮೇಲೆ ಬದಕುವ ಜೀವಿಗಳ ಪಾಲಿಗೆ ಎಂತಹ ಅಪಾಯವನ್ನು ತಂದೊಡ್ಡಿದ್ದಾನೆ ಎನ್ನುವುದನ್ನು ಈ ಚಿತ್ರ ಸ್ಪಷ್ಟವಾಗಿ ತೋರಿಸುತ್ತದೆ.

    ಕೆಲವು ದಿನಗಳ ಹಿಂದೆ ಫ್ಲೋರಿಡಾದ ಸೆಂಟ್ ಪೆಟಿಸ್ ಬೀಚ್‍ನಲ್ಲಿ ಕರೆನ್ ಹೋಗಿದ್ದಾಗ ಈ ಚಿತ್ರವನ್ನು ಸೆರೆಹಿಡಿದಿದ್ದರು. ಬೀಚ್‍ನಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವೇಳೆ ತಾಯಿ ಹಕ್ಕಿಯೊಂದು ಮರಿಗೆ ಆಹಾರವಾಗಿ ಸಿಗರೇಟ್ ತುಂಡನ್ನು ತಿನ್ನಿಸುತ್ತಿರುವುದು ಕಂಡು ಅದರ ಫೋಟೋವನ್ನು ಕರೆನ್ ಕ್ಲಿಕ್ಕಿಸಿದ್ದಾರೆ. ಅಂದರೆ ಆಹಾರವೆಂದು ಭಾವಿಸಿ ನೇರವಾಗಿ ವಿಷವನ್ನು ಮರಿಗೆ ತಾಯಿ ಹಕ್ಕಿ ಉಣ್ಣಿಸುತ್ತಿರುವುದು ನಿಜಕ್ಕೂ ಮಾನವ ಯಾವ ಸ್ಥಿತಿಗೆ ಪ್ರಕೃತಿಯನ್ನು ತಂದು ನಿಲ್ಲಿಸಿದ್ದಾನೆ ಎಂಬುದು ತಿಳಿಯುತ್ತದೆ.

    ಈ ಬಗ್ಗೆ ಮಾತನಾಡಿದ ಕರೆನ್ ಅವರು, ಬೀಚ್‍ನಲ್ಲಿ ತಾಯಿ ಹಕ್ಕಿ ಮರಿಗೆ ಏನೋ ವಿಚಿತ್ರವಾದ ವಸ್ತುವನ್ನು ತಿನಿಸುತ್ತಿರುವುದು ನನ್ನ ಕಣ್ಣಿಗೆ ಬಿತ್ತು. ಹಕ್ಕಿ ಮೀನನ್ನು ತಿನಿಸುತ್ತಿರಲಿಲ್ಲ ಹೀಗಾಗಿ ನಾನು ಅದರ ಫೋಟೋ ತೆಗೆದೆ. ಆಗ ನಾನು ಹಕ್ಕಿ ಸಿಗರೇಟ್ ತಿನಿಸುತ್ತಿದೆ ಎನ್ನುವುದು ಗೊತ್ತಾಗಲಿಲ್ಲ. ಬಳಿಕ ಮನೆಗೆ ಬಂದು ಫೋಟೋಗಳನ್ನು ನೋಡಿದಾಗ ಹಕ್ಕಿ ಮರಿಗೆ ಸಿಗರೇಟ್ ತುಂಡನ್ನು ತಿನ್ನಿಸುತ್ತಿರುವುದನ್ನ ನೋಡಿ ಅಚ್ಚರಿಯಾಯ್ತು ಎಂದು ಆತಂಕ ವ್ಯಕ್ತಪಡಿಸಿದರು.

    ಅಲ್ಲದೆ ಬಳಿಕ ಈ ಆಘಾತಕಾರಿ ಫೋಟೋವನ್ನು ತಾವು ವೈಲ್ಡ್‍ಲೈಫ್ ಗ್ರೂಪ್‍ಗಳಿಗೆ ಕಳುಹಿಸಿದೆ. ಅಲ್ಲದೆ ಈ ಬಗ್ಗೆ ಜಾಗೃತಿ ಮೂಡಿಸಲು ಫೇಸ್‍ಬುಕ್ ಹಾಗೂ ಇತರೇ ಸಾಮಾಜಿಕ ಜಾಲತಾಣಗಳಲ್ಲಿ ಫೋಟೋವನ್ನು ಹರಿಬಿಟ್ಟೆ ಎಂದು ಕರೆನ್ ತಿಳಿಸಿದರು.

    ಪ್ಲಾಸ್ಟಿಕ್ ತ್ಯಾಜ್ಯ ಜಗತ್ತನ್ನು ಬಾಧಿಸುತ್ತಿರುವ ಬಹುದೊಡ್ಡ ಸಮಸ್ಯೆ. ಅದರ ಜತೆಗೆ ಇನ್ನೊಂದು ತ್ಯಾಜ್ಯ ವಸ್ತು ನಮ್ಮ ಸಮುದ್ರ ತೀರಗಳಲ್ಲಿ ರಾಶಿ ಬೀಳುತ್ತಿದೆ. ಅದರಲ್ಲೂ ಬೀಚ್‍ಗೆ ಬಂದ ಮಂದಿ ಬಳಸಿ ಬಿಸಾಡುವ ಸಿಗರೇಟ್ ತುಂಡುಗಳು ಜಲಚರ ಮತ್ತು ಇತರ ಜೀವಿಗಳ ಪಾಲಿಗೆ ಬಹುದೊಡ್ಡ ಅಪಾಯವನ್ನು ಸೃಷ್ಟಿಸುತ್ತಿದೆ.

    ಪ್ರತಿವರ್ಷ 5.5 ಟ್ರಿಲಿಯನ್ ಫಿಲ್ಟರ್ ಸಿಗರೇಟ್ ಅನ್ನು ಪರಿಸರದಲ್ಲಿ ಎಸೆಯಲಾಗುತ್ತದೆ ಎಂದು ಸ್ಯಾನ್ ಡಿಯಾಗೋ ಸ್ಟೇಟ್ ಯೂನಿವರ್ಸಿಟಿ ಗ್ರಾಜುಯೇಟ್ ಸ್ಕೂಲ್ ಆಫ್ ಪಬ್ಲಿಕ್ ಹೆಲ್ತ್ ನಡೆಸಿದ ಅಭಿಯಾನದಿಂದ ತಿಳಿದಿದೆ. ಪ್ಲಾಸ್ಟಿಕ್ ಸ್ಟ್ರಾಗಳಿಗಿಂತ, ಸಿಗರೇಟ್ ತುಂಡುಗಳು ನಮ್ಮ ಸಾಗರಗಳಿಗೆ ದೊಡ್ಡ ಅಪಾಯವಾಗಿದೆ ಎಂದು ವರದಿ ಕೂಡ ಹೇಳುತ್ತದೆ.

    ಒಂದೆಡೆ ಪ್ಲಾಸ್ಟಿಕ್, ಇ ತ್ಯಾಜ್ಯ ಸಮುದ್ರವನ್ನು ಕಲುಷಿತಗೊಳಿಸುತ್ತಿದೆ. ಚಿರತೆ, ಹುಲಿ, ಆನೆಗಳಂತಹ ಕಾಡು ಪ್ರಾಣಿಗಳು ಆಹಾರವನ್ನು ಹುಡುಕಿಕೊಂಡು ಕಾಡಿನಿಂದ ನಾಡಿಗೆ ಬರುತ್ತಿವೆ. ಮಾನವನ ಅಟ್ಟಹಾಸಕ್ಕೆ ಲಕ್ಷಾಂತರ ಜೀವಿಗಳು ಸುಳಿವು ಇಲ್ಲದಂತೆ ಅಳಿದು ಹೋಗಿವೆ. ಇನ್ನಾದರು ಮಾನವ ಇನ್ನ ಸ್ವಾರ್ಥಕ್ಕಾಗಿ ಪರಿಸರವನ್ನು ನಾಶ ಮಾಡುವುದನ್ನು ಬಿಟ್ಟಿ, ಅದರ ಉಳಿವಿಗಾಗಿ ಶ್ರಮಿಸಬೇಕಿದೆ.