ದೈನಂದಿನ ಸುದ್ದಿಗಳನ್ನು ಬಿಗ್ ಬುಲೆಟಿನ್ ಮೂಲಕ ನಾಡಿಗೆ ವಿಭಿನ್ನವಾಗಿ ನೀಡುವ ಪಬ್ಲಿಕ್ ಟಿವಿ (Public TV) ಮುಖ್ಯಸ್ಥ ಹೆಚ್.ಆರ್ ರಂಗನಾಥ್ (HR Ranganath) ಅವರು ಹಾಲಿವುಡ್ ಸಿನಿಮಾಗೆ ಸಾಥ್ ನೀಡಿದ್ದಾರೆ.
ಹಾಲಿವುಡ್ ‘ಫಾಸ್ಟ್ & ಫ್ಯೂರಿಯಸ್ 10’ (Fast and Furious 10) ಸಿನಿಮಾ ರಿಲೀಸ್‌ಗೂ (ಮೇ 19) ಮುನ್ನವೇ ವೀಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಕನ್ನಡದ ಹೆಮ್ಮೆಯ ಪತ್ರಕರ್ತ ಹೆಚ್.ಆರ್ ರಂಗನಾಥ್ ಅವರು ಈ ಚಿತ್ರ ಭಾಗವಾಗಿದ್ದಾರೆ. ರೋಮ್‌ನಲ್ಲಿ ಬಾಂಬ್ ಬ್ಲಾಸ್ಟ್ ಆಗಿರುವ ಸುದ್ದಿಯನ್ನು ರಂಗನಾಥ್ ಅವರು ಈ ಚಿತ್ರದ ಮೂಲಕ ಪ್ರಸ್ತುತ ಪಡಿಸಿದ್ದಾರೆ. ಇದನ್ನೂ ಓದಿ: ‘ಟೈಗರ್‌ 3’ ಚಿತ್ರೀಕರಣದ ವೇಳೆ ಸಲ್ಮಾನ್ ಖಾನ್ ಭುಜಕ್ಕೆ ಗಾಯ
ಈ ಸುದ್ದಿ ಪಬ್ಲಿಕ್ ಟಿವಿ ಆಫೀಸಿನಲ್ಲಿ ಚಿತ್ರೀಕರಣವಾಗಿದ್ದೂ, ಈ ಮೂಲಕ ಹಾಲಿವುಡ್‌ಗೆ ಹಾರಿದ ಕನ್ನಡದ ಎರಡನೇ ವ್ಯಕ್ತಿ ಇವರಾಗಿದ್ದಾರೆ. ಇವರ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಈ ಹಿಂದೆ ಮೈಸೂರಿನ ಸಾಬು ದಸ್ತಗಿರಿ ಹಲವು ಹಾಲಿವುಡ್ ಸಿನಿಮಾಗಳಲ್ಲಿ ನಟಿಸಿದ್ದರು. ನಂತರ ಮೊದಲ ಬಾರಿಗೆ ಕನ್ನಡ ಮಾಧ್ಯಮ ಮುಖ್ಯಸ್ಥರು ಹಾಲಿವುಡ್ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಆ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಇದನ್ನೂ ಓದಿ: Cannes 2023: ಸ್ಟನ್ನಿಂಗ್‌ ಲುಕ್‌ನಲ್ಲಿ ಕಾಣಿಸಿಕೊಂಡ ಬಾಲಿವುಡ್ ಬೆಡಗಿಯರು