Bloggers Unite

Tag: F-16 fighter jet

  • ಉಗ್ರರ ತವರು ನೆಲ ಪಾಕಿಸ್ತಾನಕ್ಕೆ ಅಮೆರಿಕದಿಂದ 3,500 ಕೋಟಿ ಸೇನಾ ನೆರವು

    ಉಗ್ರರ ತವರು ನೆಲ ಪಾಕಿಸ್ತಾನಕ್ಕೆ ಅಮೆರಿಕದಿಂದ 3,500 ಕೋಟಿ ಸೇನಾ ನೆರವು

    ವಾಷಿಂಗ್ಟನ್: ಭವಿಷ್ಯದ ಭಯೋತ್ಪಾದನಾ ಬೆದರಿಕೆಗಳನ್ನು ನಿಯಂತ್ರಿಸಲು ಎಫ್-16 ಫೈಟರ್ ಜೆಟ್ (F-16 fighter Jet) ಪಡೆಯ ಸುಸ್ಥಿರ ಕಾರ್ಯಕ್ರಮದ ಅಡಿಯಲ್ಲಿ ಪಾಕಿಸ್ತಾನಕ್ಕೆ (Pakistan) 3,500 ಕೋಟಿ (450 ಮಿಲಿಯನ್ ಡಾಲರ್) ಮೊತ್ತದ ಸೇನಾ ನೆರವು ನೀಡುವುದಾಗಿ ಅಮೆರಿಕ ಘೋಷಿಸಿದೆ.

    2018ರಲ್ಲಿ ತಾಲಿಬಾನ್ (Taliban) ಮತ್ತು ಹಕ್ಕಾನಿ ಉಗ್ರ ಸಂಘಟನೆಗಳನ್ನು ಹತ್ತಿಕ್ಕಲು ವಿಫಲವಾದ ಪಾಕಿಸ್ತಾನಕ್ಕೆ ಅಂದಿನ ಯುಎಸ್ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ 15,000 ಕೋಟಿ ನೆರವನ್ನು ತಡೆಹಿಡಿದಿದ್ದರು. ಅದಾದ ಬಳಿಕ ಪಾಕ್‌ಗೆ ಅಮೆರಿಕ ನೀಡುತ್ತಿರುವ ಮೊದಲ ನೆರವು ಇದಾಗಿದೆ. ಇದು ಪಾಕಿಸ್ತಾನ ಅಮೆರಿಕ (US) ದ್ವಿಪಕ್ಷಿಯ ಸಂಬಂಧದ ಭಾಗವಾಗಿದ್ದು, ಭಯೋತ್ಪಾದನೆ ನಿಗ್ರಹಕ್ಕೆ ಎಫ್-16 ಸಹಾಯಕವಾಗಲಿದೆ. ಈ ನೆರವಿನ ಅಡಿಯಲ್ಲಿ ಯಾವುದೇ ಸಾಮರ್ಥ್ಯದ ಶಸ್ತ್ರಾಸ್ತ್ರ ಯುದ್ಧ ಸಾಮಗ್ರಿಗಳನ್ನು ಒಳಗೊಂಡಿಲ್ಲ ಎಂದು ಅಮೆರಿಕ ವಿದೇಶಾಂಗ ಸಚಿವಾಲಯ ತಿಳಿಸಿದೆ. ಇದನ್ನೂ ಓದಿ: ಬ್ರಿಟನ್ ರಾಣಿ ಎಲಿಜಬೆತ್-2 ಇನ್ನಿಲ್ಲ

    2019ರಲ್ಲಿ ಬಾಲಾಕೋಟ್ ದಾಳಿಯ ನಂತರ ಭಾರತವನ್ನು ಗುರಿಯಾಗಿಸಲು ಪಾಕಿಸ್ತಾನ ಇದೇ ವಿಮಾನವನ್ನು ಬಳಲು ಮುಂದಾಗಿತ್ತು. ಜೊತೆಗೆ ಅಂದಿನ ವಿಂಗ್ ಕಮಾಂಡರ್ ಅಭಿನಂದನ್ ವರ್ಧಮಾನ್ ಅವರ ಮಿಗ್-21 ಅನ್ನು ಹೊಡೆದುರುಳಿಸಲು ಪಾಕಿಸ್ತಾನ AIM-120 C-5 AMRAAM (Advanced Medium-Range Air-to-Air Missile) ಬಳಸಿತ್ತು. ಅಮೆರಿಕ ಪಾಕಿಸ್ತಾನಕ್ಕೆ ಈ ಕ್ಷಿಪಣಿಯನ್ನು ಉಗ್ರರ ವಿರುದ್ಧ ಬಳಸಬೇಕೆಂಬ ಷರತ್ತು ವಿಧಿಸಿತ್ತು. ಆದರೆ ಈ ಷರತ್ತು ಉಲ್ಲಂಘಿಸಿ ಭಾರತದ ವಿರುದ್ಧ ಪ್ರಯೋಗಿಸಿತ್ತು.

    ಸದ್ಯ ಪಾಕಿಸ್ತಾನ ವಾಯುಪಡೆಯು ಎಫ್-16 ಫೈಟರ್ ಜೆಟ್ ಹಾಗೂ ಸೇನಾ ಬೆಂಬಲ ಕೋರಿದ ನಂತರ ಯುಎಸ್ ಕಾಂಗ್ರೆಸ್ ಸಂಭವನೀಯ ಮಾರಾಟದ ಕುರಿತು ಬುಧವಾರ ಮಾತುಕತೆ ನಡೆಸಿದೆ. ಇದರಿಂದಾಗಿ ವಿಮಾನ, ಇಂಜಿನ್, ಹಾರ್ಡ್‌ವೇರ್‌ ಮತ್ತು ಸಾಫ್ಟ್‌ವೇರ್‌ ನ ಮಾರ್ಪಾಡುಗಳ ಬೆಂಬಲವನ್ನೂ ಪಾಕಿಸ್ತಾನ ಒಳಗೊಂಡಿರಲಿದೆ. ಜೊತೆಗೆ ಜೆಟ್‌ಗಳು ಹಾಗೂ ಅದರ ಇಂಜಿನ್ ಬಿಡಿ ಭಾಗಗಳ ದುರಸ್ತಿ ಮತ್ತು ವಾಪಾಸಾತಿ, ವರ್ಗೀಕರಿಸದ ತಂತ್ರಾಂಶಗಳ ಬೆಂಬಲವನ್ನೂ ಪಾಕ್ ಒಳಗೊಂಡಿರಲಿದೆ.

    Shehbaz Sharif

    ಪಾಕ್ ಎಫ್-16 ಹಿನ್ನೆಲೆ:
    ಪಾಕಿಸ್ತಾನವು 1980 ರಿಂದ ಎಫ್-16 ಜೆಟ್‌ಗಳನ್ನು ಮಾರಾಟ ಮಾಡುವ ಹಾಗೂ ನವೀಕರಿಸಿದ ನೀತಿಯ ಅಡಿಯಲ್ಲಿ ಯುಎಸ್ ಮಿಲಿಟರಿಯ ಸಹಾಯದ ಭಾಗವಾಗಿದೆ. 1981ರಲ್ಲಿ ಅಫ್ಘಾನಿಸ್ತಾನದ ಮೇಲೆ ಸೋವಿಯತ್ ಆಕ್ರಮಣದ ನಂತರ ಎಫ್ -16 ಜೆಟ್‌ಗಳನ್ನು ಯುಎಸ್ ಪಾಕಿಸ್ತಾನಕ್ಕೆ ಮಾರಾಟ ಮಾಡಲು ಒಪ್ಪಿಕೊಂಡಿತು. ಇದನ್ನೂ ಓದಿ: ಮೋದಿ ಉತ್ತಮ ವ್ಯಕ್ತಿ; ಅದ್ಭುತ ಕೆಲಸಗಳನ್ನು ಮಾಡುತ್ತಿದ್ದಾರೆ – ಟ್ರಂಪ್‌ ಬಣ್ಣನೆ

    ವರದಿಗಳ ಪ್ರಕಾರ 1986 – 1990ರ ನಡುವೆ ಪಾಕಿಸ್ತಾನದ ಎಫ್-16 ಜೆಟ್‌ಗಳು ಕನಿಷ್ಠ 10 ಅಫ್ಘಾನ್ ಮತ್ತು ಸೋವಿಯತ್ ಜೆಟ್‌ಗಳು, ಹೆಲಿಕಾಪ್ಟರ್‌ಗಳು ಹಾಗೂ ವಿಮಾನಗಳನ್ನ ಹೊಡೆದುರುಳಿಸಿವೆ. 1990ರ ದಶಕದಲ್ಲಿ ನಡೆದ ಪಾಕಿಸ್ತಾನದ ಪರಮಾಣು ಕಾರ್ಯಕ್ರಮದ ಬೆಳವಣಿಗೆಯಿಂದಾಗಿ ಅಮೆರಿಕ ಅಸಮಾಧಾನಗೊಂಡಿತು. ಬಳಿಕ ಅಮೆರಿಕ ಎಫ್-16 ಜೆಟ್‌ಗಳ ವಿತರಣೆಯನ್ನು ತಡೆಹಿಡಿದಿತ್ತು.

    Live Tv
    [brid partner=56869869 player=32851 video=960834 autoplay=true]

  • ಆರ್ 73 ಸೆಲೆಕ್ಟ್ ಮಾಡಿದ್ದೇನೆ : ಅಭಿನಂದನ್ ಕೊನೆಯ ರೇಡಿಯೋ ಸಂದೇಶ – ಡಾಗ್ ಫೈಟ್ ಹೇಗೆ ನಡೆಯಿತು?

    ಆರ್ 73 ಸೆಲೆಕ್ಟ್ ಮಾಡಿದ್ದೇನೆ : ಅಭಿನಂದನ್ ಕೊನೆಯ ರೇಡಿಯೋ ಸಂದೇಶ – ಡಾಗ್ ಫೈಟ್ ಹೇಗೆ ನಡೆಯಿತು?

    ನವದೆಹಲಿ: “ಪಾಕಿಸ್ತಾನದ ಎಫ್ 16 ಲಾಕ್ ಆಗಿದೆ. ಆರ್-73 ಸೆಲೆಕ್ಟ್ ಮಾಡಿದ್ದೇನೆ”. ಪಾಕಿಸ್ತಾನ ಎಫ್ 16 ವಿಮಾನವನ್ನು ಹೊಡೆಯುವ ಮುನ್ನಾ ಮಿಗ್ ವಿಮಾನವನ್ನು ಹಾರಿಸುತ್ತಿದ್ದ ವಿಂಗ್ ಕಮಾಂಡರ್ ಅಭಿನಂದನ್ ಕೊನೆಯದಾಗಿ ಕಳುಹಿಸಿದ ರೆಡಿಯೋ ಮೆಸೇಜ್.

    ಹೌದು. ಈ ರೇಡಿಯೋ ಮಸೇಜ್ ಕಳಹಿಸಿದ ನಂತರ ಅಭಿನಂದನ್ ಎಫ್ 16 ವಿಮಾನವನ್ನು ಹೊಡೆದು ಉರುಳಿಸಿದರು ಎಂದು ಮೂಲಗಳನ್ನು ಆಧರಿಸಿ ಮಾಧ್ಯಮವೊಂದು ವರದಿ ಮಾಡಿವೆ.

    ಫೆ.27 ರಂದು ಏನಾಯ್ತು?
    ಬೆಳಗ್ಗೆ 9:52ರ ವೇಳೆಗೆ ಮೂರು ವಾಯುನೆಲೆಯಿಂದ ಪಾಕಿಸ್ತಾನದ ಎಫ್ 16 ಎಸ್, ಜೆಎಫ್ 17, ಮಿರಾಜ್ ಸೇರಿ ಒಟ್ಟು 10 ವಿಮಾನಗಳು ಮೂರು ಗುಂಪುಗಳಾಗಿ ಭಾರತದತ್ತ ಬರುತ್ತಿದೆ ಎನ್ನುವುದನ್ನು ನೇತ್ರಾ (ಏರ್ ಬಾರ್ನ್ ಅರ್ಲಿ ವಾರ್ನಿಂಗ್ ಸಿಸ್ಟಂ) ಮತ್ತು ಉತ್ತರ ಕಮಾಂಡ್ ಪತ್ತೆ ಹಚ್ಚಿತು.

    ಈ ವಿಚಾರ ಗೊತ್ತಾಗುತ್ತಿದ್ದಂತೆ 6 ಮಿಗ್ 21 ವಿಮಾನ, ಸುಖೋಯ್, ಮಿರಾಜ್, ಮಿಗ್ 29 ವಿಮಾನಗಳು ಆಕಾಶಕ್ಕೆ ಹಾರಿತು. ಈ ಸಂದರ್ಭದಲ್ಲಿ ಭಾರತ ಪಾಕಿಸ್ತಾನಕ್ಕೆ ನೀವು ಭಾರತದ ವಾಯುನೆಲೆಯನ್ನು ಬಳಸಿಕೊಂಡಿದ್ದೀರಿ. ಹಿಂದಕ್ಕೆ ಹೋಗಿ ಎಂದು ಎಚ್ಚರಿಕೆಯ ಸಂದೇಶವನ್ನು ನೀಡಿತ್ತು. ಈ ಎಚ್ಚರಿಕೆಗೆ ಸ್ಪಂದನೆ ದೊರೆಯದ ಹಿನ್ನೆಲೆಯಲ್ಲಿ ಪಾಕಿಸ್ತಾನದ ವಾಯುಸೇನೆಗೆ ಎರಡನೇ ಬಾರಿ ಭಾರತ ಎಚ್ಚರಿಕೆ ನೀಡಿತು.

    ಈ ಎಚ್ಚರಿಕೆ ನೀಡಿದರೂ ಮುಂದುವರಿಯುತ್ತಿರುವ ವಿಮಾನಗಳಿಗೆ ಮಿಗ್, ಸುಖೋಯ್, ಮಿರಾಜ್ ಜೊತೆ ನೆಲದಿಂದಲೇ ದಾಳಿ ನಡೆಸಲಾಯಿತು. ಭಾರತದ ದಾಳಿಗೆ ಹೆದರಿ ಸುಮಾರು 1 ಕಿ.ಮೀ ಗಡಿ ದಾಟಿದ್ದ 10ರ ಪೈಕಿ 9 ವಿಮಾನಗಳು ತಮ್ಮ ಪಥವನ್ನು ಬದಲಿಸಿ ಮರಳಿ ಹಿಂದಕ್ಕೆ ಹೋದವು.

    9 ವಿಮಾನಗಳು ಮರಳಿ ಹೋಗಿದ್ದರೂ ಒಂದು ಎಫ್ 16 ವಿಮಾನ ಸುಮಾರು ಮೂರು ಕಿ.ಮೀ ಭಾರತದ ವಾಯುನೆಲೆಯನ್ನು ಕ್ರಮಿಸಿತ್ತು. ಮಿಲಿಟರಿ ತೈಲ ಸಂಗ್ರಹಗಾರವನ್ನು ಧ್ವಂಸ ಮಾಡಲು ಬರುತ್ತಿರುವುದನ್ನು ಗಮನಿಸಿದ ಮಿಗ್ 21 ಬೈಸನ್ ಮತ್ತು ಸುಖೋಯ್ ಎಫ್ 16 ಗೆ ಪ್ರತಿರೋಧ ತೋರಲು ಮುಂದಾಯಿತು.

    ತನ್ನ ಗುರಿಗೆ ಎರಡು ವಿಮಾನಗಳು ಪ್ರತಿರೋಧ ತೋರುತ್ತಿದ್ದು ಮತ್ತೆ ಮುನ್ನುಗ್ಗಿದರೆ ಅಪಾಯ ಎಂದು ಅರಿತ ಎಫ್ 16 ಪೈಲಟ್ ವಿಮಾನವನ್ನು ಪಾಕ್ ಕಡೆಯತ್ತ ತಿರುಗಿಸಿದ್ದ. ಪಾಕ್ ವಿಮಾನ ಹಿಂದಕ್ಕೆ ಹೋದ ಬಳಿಕ ಅಭಿನಂದನ್ ಮರಳಿ ಬರಬಹುದಿತ್ತು. ಆದರೆ ಅಭಿನಂದನ್ ಹಿಂದಕ್ಕೆ ಬಾರದೇ ಎಫ್ 16 ವಿಮಾನವನ್ನು ಹೊಡೆಯಲೇಬೇಕೆಂದು ಜಿದ್ದಿಗೆ ಬಿದ್ದಿದ್ದರು. ಹೀಗಾಗಿ ಮರಳಿ ಹಿಂದಕ್ಕೆ ಹೋಗುತ್ತಿದ್ದ ಎಫ್ 16 ವಿಮಾನವನ್ನು ಪೈಲೆಟ್ ಅಭಿನಂದನ್ ತಮ್ಮ ಮಿಗ್ ವಿಮಾನದಲ್ಲಿ ಚೇಸ್ ಮಾಡಲು ಆರಂಭಿಸಿದರು.

    ಎಫ್ 16 ವಿಮಾನ ಚೇಸಿಂಗ್ ಆರಂಭವಾಗುತ್ತಿದ್ದಂತೆ ಆರ್-73 ಕ್ಷಿಪಣಿಯನ್ನು ಹೊಡೆಯಲು ಸಿದ್ಧಪಡಿಸಿದರು. ಕೂಡಲೇ ತಮ್ಮ ಅಧಿಕಾರಿಗಳಿಗೆ ಆರ್-73 ಸೆಲೆಕ್ಟ್ ಮಾಡಿದ್ದೇನೆ ಎಂದು ರೇಡಿಯೋ ಸಂದೇಶ ಕಳುಹಿಸಿದರು. ಇದಾದ ನಂತರ ಆರ್ 73 ಕ್ಷಿಪಣಿ ಮೂಲಕ ಎಫ್ 16 ವಿಮಾನವನ್ನು ಹೊಡೆದು ಉರುಳಿಸಿದರು.

    ಪಾಕ್ ವಿಮಾನ ಹೊಡೆದ ಬಳಿಕ ತನ್ನ ಮಿಗ್ ವಿಮಾನದ ಮೇಲೂ ದಾಳಿ ಖಂಡಿತ ನಡೆಯಲಿದೆ ಎನ್ನುವುದನ್ನು ಅರಿತ ಅಭಿನಂದನ್ ಬಹಳ ವೇಗವಾಗಿ ಭಾರತದತ್ತ ಬರತೊಡಗಿದರು. ಈ ಸಂದರ್ಭಲ್ಲಿ ವಿಮಾನವನ್ನು ಆಕಾಶದಲ್ಲಿ ತಿರುಗಿಸಬಹುದಾದ ಅಪಾಯಕಾರಿಯಾದ ಸಾಹಸ ಪ್ರದರ್ಶನವನ್ನು ಮಾಡಿ ಕನ್ ಫ್ಯೂಸ್ ಮಾಡಿದ್ದರು. ಈ ವೇಳೆ ಪಾಕಿನ ಭೂಸೇನೆ ಮತ್ತು ವಾಯು ಸೇನೆಗಳು ದಾಳಿ ಮಾಡಿದ ಕಾರಣ ಯಾವುದು ಒಂದು ಅರ್ಟಿಲ್ಲರಿ ಮಿಗ್ ವಿಮಾನವನ್ನು ಹೊಡೆದು ಉರುಳಿಸಿದೆ. ವಿಮಾನ ಪತನಗೊಳ್ಳುತ್ತಿರುವುದನ್ನು ಅರಿತ ಅಭಿ ಪ್ಯಾರಾಚೂಟ್ ಸಹಾಯದಿಂದ ಪಾಕ್ ನೆಲದಲ್ಲಿ ಬಿದ್ದಿದ್ದರು.

    ಭಾರತದ ಅಧಿಕಾರಿಗಳು ಹೇಳೋದು ಏನು?
    ಪಾಕಿಸ್ತಾನ ವಾಯುನೆಲೆಗೆ ನುಗ್ಗಿ ಬಾಲಕೋಟ್ ಮೇಲೆ ದಾಳಿ ನಡೆಸಿದ ಬಳಿಕ ನಮ್ಮ ಮೇಲೂ ಪಾಕ್ ದಾಳಿ ನಡೆಸಬಹುದು ಎಂದು ನಿರೀಕ್ಷೆ ಇತ್ತು. ಆದರೆ ಇಷ್ಟು ಬೇಗ ದಾಳಿ ಮಾಡುತ್ತದೆ ಎನ್ನುವ ನಿರೀಕ್ಷೆ ಇರಲಿಲ್ಲ. ಮಿಗ್ 21 ಮತ್ತು ಎಫ್ 16 ನಡುವಿನ ಡಾಗ್ ಫೈಟ್ 15 ನಿಮಿಷ ನಡೆಯಿತು.

    1960ರಲ್ಲಿ ತಯಾರಾದ ಮಿಗ್ 21 ಅತ್ಯಾಧುನಿಕ ವಿಮಾನವೆಂದೇ ಖ್ಯಾತಿ ಪಡೆದಿರುವ ಎಫ್ 16 ವಿಮಾನವನ್ನು ಹೊಡೆದು ಉರುಳಿಸಿದೆ ಎನ್ನುವುದೇ ಒಂದು ಅಚ್ಚರಿ. ರಷ್ಯಾದ ಮೂಲದ ವಿಮಾನವೊಂದು ಅಮೆರಿಕದ ವಿಮಾನವನ್ನು ಹೊಡೆದಿರುವುದು ವಿಶ್ವದಲ್ಲೇ ಮೊದಲು ಇರಬೇಕು ಎಂದು ಅಧಿಕಾರಿಯೊಬ್ಬರು ಪ್ರತಿಕ್ರಿಯಿಸಿದ್ದಾರೆ.

    ಪಾಕಿಸ್ತಾನ ಎಫ್ 16 ವಿಮಾನವನ್ನು ಬಳಕೆ ಮಾಡಿಲ್ಲ ಎಂದು ಹೇಳಿದರೂ ಆ ವಿಮಾನದಿಂದ ಚಿಮ್ಮಿರುವ ಅಡ್ವಾನ್ಸ್ ಮೀಡಿಯಂ ರೇಜ್ ಏರ್ ಟು ಏರ್ ಮಿಸೈಲ್(ಎಎಂಆರ್‍ಎಎಎಂ) ಅವಶೇಷಗಳು ರಜೌರಿ ಪ್ರದೇಶದಲ್ಲಿ ಪತ್ತೆಯಾಗಿತ್ತು.

    ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv