Bloggers Unite

Tag: even

  • ದೆಹಲಿಯಲ್ಲಿ ಮತ್ತೆ ಸಮ, ಬೆಸ ಸಂಖ್ಯೆ ವಾಹನ ಸಂಚಾರ ಆರಂಭ

    ದೆಹಲಿಯಲ್ಲಿ ಮತ್ತೆ ಸಮ, ಬೆಸ ಸಂಖ್ಯೆ ವಾಹನ ಸಂಚಾರ ಆರಂಭ

    ನವದೆಹಲಿ: ಮಾಲಿನ್ಯ ನಿಯಂತ್ರಣವನ್ನು ನಿಯಂತ್ರಿಸುವ ನಿಟ್ಟಿನಲ್ಲಿ ದೆಹಲಿಯಲ್ಲಿ ಮತ್ತೆ ಕೆಲ ದಿನಗಳವರೆಗೆ ಸಮ ಬೆಸ ಸಂಖ್ಯೆ ವಾಹನ ಸಂಚಾರ ವ್ಯವಸ್ಥೆ ಜಾರಿಯಾಗಲಿದೆ.

    ಸಿಎಂ ಅರವಿಂದ್ ಕೇಜ್ರಿವಾಲ್ ಅವರು ಸುದ್ದಿಗೋಷ್ಠಿ ನಡೆಸಿ ನವೆಂಬರ್ 4 ರಿಂದ 15 ರವರೆಗೆ ಈ ಪದ್ದತಿ ಇರಲಿದೆ ಎಂದು ತಿಳಿಸಿದರು.

    ನವೆಂಬರ್ ತಿಂಗಳಿನಲ್ಲಿ ದೀಪಾವಳಿ ಹಬ್ಬ ಇರುವ ಕಾರಣ ಜಾಸ್ತಿ ಮಾಲಿನ್ಯ ಉಂಟಾಗಿ ಉಸಿರಾಡಲು ಕಷ್ಟವಾಗುತ್ತದೆ. ಹೀಗಾಗಿ ಮಾಲಿನ್ಯವನ್ನ ನಿಯಂತ್ರಿಸಲು ಈ ಕ್ರಮ ಅನಿವಾರ್ಯ ಎಂದು ಸರ್ಕಾರದ ನಡೆಯನ್ನು ಸಮರ್ಥಿಸಿಕೊಂಡಿದ್ದಾರೆ.

    ಈ ಸಂದರ್ಭದಲ್ಲಿ ಪಟಾಕಿ ಹೊಡೆಯದಂತೆ ಜನತೆಯಲ್ಲಿ ಮನವಿ ಮಾಡಿದ ಅವರು ಸರ್ಕಾರದ ವತಿಯಿಂದ ಲೇಸರ್ ಶೋ ಆಯೋಜಿಸಲಾಗುವುದು ಎಂದು ತಿಳಿಸಿದರು.

    ದೂಳಿನ ಸಮಸ್ಯೆ ನಿವಾರಣೆಗೆ ನಗರದ ಹಲವು ಕಡೆ ನೀರನ್ನು ಸಿಂಪಡಿಸಲಾಗುತ್ತಿದೆ. ಹೊಸ ಮೋಟಾರು ವಾಹನ ಕಾಯ್ದೆ ಜಾರಿಯಾದ ನಂತರ ನಗರದ ಟ್ರಾಫಿಕ್ ಬಹಳ ಸುಧಾರಣೆಯಾಗಿದೆ. ಜನರಿಗೆ ದಂಡ ಕಟ್ಟಲು ಸಾಧ್ಯವಾಗದಿದ್ದರೆ ದಂಡದ ಮೊತ್ತವನ್ನು ಇಳಿಸಲಾಗುವುದು ಎಂದು ಹೇಳಿದರು.