ವಾತಾವರಣ ದಿನದಿಂದ ದಿನಕ್ಕೆ ಬದಲಾಗುತ್ತಿದೆ. ಚಳಿ ಮತ್ತು ಮಳೆಯ ವಾತಾವರಣ ಇದ್ದು ತಂಪಾಗಿರುವುದರಿಂದ ನಾಲಿಗೆ ಬಿಸಿ ಬಿಸಿಯಾದ ಮತ್ತು ರುಚಿಯಾಗಿ ಏನನ್ನಾದರೂ ತಿನ್ನಲು ಬಯಸುತ್ತದೆ. ಹಾಗಾಗಿ ಮನೆಯಲ್ಲಿಯೇ ರುಚಿಯಾದ ಮತ್ತು ಆರೋಗ್ಯಕರವಾದ ಕ್ರಿಸ್ಪಿ ಮೊಟ್ಟೆ ಮಂಚೂರಿ ಮಾಡಿ ಸವಿಯಿರಿ.
ಬೇಕಾಗುವ ಸಾಮಗ್ರಿಗಳು :
* ಬೇಯಿಸಿದ ಮೊಟ್ಟೆ- 4 ರಿಂದ 5
* ಅಕ್ಕಿಹಿಟ್ಟು ಅಥವಾ ಕಾನ್‍ಫ್ಲೋರ್ -2 ರಿಂದ 3 ಟೀ ಸ್ಪೂನ್
* ಅರಿಶಿಣ- ಚಿಟಿಕೆಯಷ್ಟು
* ಕೆಂಪು ಮೆಣಸಿನ ಪೌಡರ್
* ಗರಂಮಸಾಲಾ- 1 ಟೀ ಸ್ಪೂನ್
* ಜೀರಿಗೆ ಪೌಡರ್- ಅರ್ಧ ಟೀ ಸ್ಪೂನ್
* ಈರುಳ್ಳಿ- 1 ದೊಡ್ಡ ಗಾತ್ರದ್ದು
* ಬ್ರೇಡ್ ಪೌಡರ್- 4 ಟೀ ಸ್ಪೂನ್
* ರುಚಿಗೆ ತಕ್ಕಷ್ಟು ಉಪ್ಪು
* ಹಸಿಮೆಣಸು – 5 ರಿಂದ 6
* ಎಣ್ಣೆ -1 ಕಪ್
* ಶುಂಠಿ
* ಟೊಮೆಟೊ ಸಾಸ್ – ಅರ್ಧ ಕಪ್
* ಸೊಯಾಸಾಸ್
* ಕೊತ್ತಂಬರಿ
ಮಾಡುವ ವಿಧಾನ :
* ಬೇಯಿಸಿದ ಮೊಟ್ಟೆಯನ್ನು ತೆಗೆದುಕೊಳ್ಳಬೇಕು. ಮೊಟ್ಟೆಯ ಒಳಗೆ ಇರುವ ಹಳದಿ ಅಂಶವನ್ನು ತೆಗೆದು ಹಾಕಬೇಕು.
* ನಂತರ ಮೊಟ್ಟೆಯನ್ನು ಸಣ್ಣಸಣ್ಣದಾಗಿ ಕತ್ತರಿಸಿ ಒಂದು ಬೌಲ್‍ನಲ್ಲಿ ಹಾಕಿಟ್ಟುಕೊಳ್ಳಬೇಕು.
* ಹಾಗೆ ಬೆಕರಿಯಲ್ಲಿ ಸಿಗುವ ಬ್ರೆಡ್‍ನ್ನು ಸಣ್ಣದಾಗಿ ಪೌಡರ್ ಮಾಡಿ ತಯಾರಿಸಿಟ್ಟುಕೊಂಡಿರಬೇಕು.
* ಈ ಬೌಲ್‍ಗೆ ಅರಿಶಿಣ, ಕೆಂಪು ಮೆಣಸಿನ ಪೌಡರ್, ಗರಂಮಸಾಲಾ, ಜೀರಿಗೆ ಪೌಡರ್, ಸಣ್ಣದಾಗಿ ಕತ್ತರಿಸಿದ ಈರುಳ್ಳಿ ಹಾಕಬೇಕು. ಈ ಮೊದಲೇ ತಯಾರಿಸಿ ಇಟ್ಟಿರುವ ಬ್ರೆಡ್ ಪೌಡರ್ ಹಾಗೂ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಮೊಟ್ಟೆಯೊಂದಿಗೆ ಮಸಾಲೆ ಮಿಶ್ರಣವಾಗಲು ಒಂದು ಹಸಿಮೊಟ್ಟೆಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು.
* ಈ ಮೊಟ್ಟೆ ಮಸಾಲೆಯ ಮಿಶ್ರಣವನ್ನು ಸಣ್ಣ ಉಂಡೆಗಳನ್ನಾಗಿ ಮಾಡಿ ಕಾದ ಎಣ್ಣೆಯಲ್ಲಿ ಹಾಕಿ ಫ್ರೈ ಮಾಡಬೇಕು.
* ಮಸಾಲೆಯೊಂದಿಗೆ ಮಿಶ್ರಣವಾದ ಮೊಟ್ಟೆಯನ್ನು ಚೆನ್ನಾಗಿ ಕೆಂಪಗಾಗುವವರೆಗೂ ಫ್ರೈ ಮಾಡಿ ತೆಗೆಯಬೇಕು.
* ನಂತರ ಇನ್ನೊಂದು ಪಾತ್ರೆಯನ್ನು ತೆಗೆದುಕೊಳ್ಳಬೇಕು ಸಣ್ಣ ಉರಿ ಬೆಂಕಿಯಲ್ಲಿ ಇಟ್ಟು ಎಣ್ಣೆಯನ್ನು ಹಾಕಬೇಕು.
* ಎಣ್ಣೆ ಚೆನ್ನಾಗಿ ಕಾದ ನಂತರ ಇದಕ್ಕೆ ಸಣ್ಣದಾಗಿ ಕತ್ತರಿಸಿದ ಹಸಿಮೆಣಸು, ಶುಂಠಿ, ಟೊಮೆಟೊ ಸಾಸ್, ಸೊಯಾ ಸಾಸ್ ಹಾಗೂ ಅರ್ಧ ಕಪ್ ನೀರನ್ನು ಹಾಕಿ ಚೆನ್ನಾಗಿ ಕುದಿಸಬೇಕು.
* ಮಸಾಲೆ ಚೆನ್ನಾಗಿ ಬೆಂದ ನಂತರ ಇದಕ್ಕೆ ಈ ಮೊದಲೇ ಫ್ರೈ ಮಾಡಿಟ್ಟ ಮೊಟ್ಟೆಯನ್ನು ಹಾಕಬೇಕು.
* ಚೆನ್ನಾಗಿ ಮಸಾಲೆ ಹೀರಿಕೊಳ್ಳುವರೆಗೂ ಪ್ರೈಮಾಡಬೇಕು. ಕೊನೆಯಲ್ಲಿ ಕೊತ್ತಂಬರಿಯನ್ನು ಹಾಕಿದರೆ ರುಚಿ ರುಚಿಯಾದ ಕ್ರಿಸ್ಪಿ ಮೊಟ್ಟೆ ಮಂಚೂರಿ ಸವಿಯಲು ಸಿದ್ಧವಾಗುತ್ತದೆ.
