ದೂದ್ ಪಾಕ್ ಹಾಲು, ಅಕ್ಕಿ ಮತ್ತು ಒಣ ಬೀಜಗಳನ್ನು ಬಳಸಿ ಮಾಡುವ ಕೆನೆಭರಿತ ಭಾರತೀಯ ಸಿಹಿ. ಹಬ್ಬ ಹರಿದಿನಗಳಲ್ಲಿ ಸಾಮಾನ್ಯವಾಗಿ ಇದನ್ನು ತಯಾರಿಸಿ ಹಂಚಲು ಸೂಕ್ತವಾಗಿದೆ. ಊಟದ ನಂತರ ಇದನ್ನು ಸವಿದರೆ ಭೋಜನ ಸಂಪೂರ್ಣವಾಗುತ್ತದೆ. ಇದನ್ನು ತಯಾರಿಸಿದ ಬಳಿಕ ತಣ್ಣಾಗಿಸಿ ಸವಿದರೆ ಅದ್ಭುತ ಎನಿಸುತ್ತದೆ. ಸಿಹಿಯಾದ ದೂದ್ ಪಾಕ್ ನೀವೂ ಮಾಡಿ, ಊಟದ ಬಳಿಕ ಮನೆಮಂದಿಗೆ ಹಂಚಿ.
ಬೇಕಾಗುವ ಪದಾರ್ಥಗಳು:
ಹಾಲು – 1 ಲೀಟರ್
ತೊಳೆದು ನೆನೆಸಿದ ಅಕ್ಕಿ – ಅರ್ಧ ಕಪ್
ಸಕ್ಕರೆ – ಅರ್ಧ ಕಪ್
ಏಲಕ್ಕಿ ಪುಡಿ – ಅರ್ಧ ಟೀಸ್ಪೂನ್
ಕೇಸರಿ ಎಳೆಗಳು – ಚಿಟಿಕೆ
ಕತ್ತರಿಸಿದ ಬಾದಾಮಿ – 2 ಟೀಸ್ಪೂನ್
ಕತ್ತರಿಸಿದ ಪಿಸ್ತಾ – 2 ಟೀಸ್ಪೂನ್ ಇದನ್ನೂ ಓದಿ: ಗುಲಾಬ್ ಜಾಮೂನ್ ಗೊತ್ತು.. ಗುಲಾಬ್ ಬರ್ಫಿನೂ ಟ್ರೈ ಮಾಡಿ
ಮಾಡುವ ವಿಧಾನ:
* ಮೊದಲಿಗೆ ತಳವಿರುವ ಪ್ಯಾನ್‌ನಲ್ಲಿ ಹಾಲನ್ನು ಕಡಿಮೆ ಉರಿಯಲ್ಲಿ ಕುದಿಸಿಕೊಳ್ಳಿ.
* ತೊಳೆದು ನೆನೆಸಿದ ಅಕ್ಕಿಯನ್ನು ಹಾಲಿಗೆ ಸೇರಿಸಿ, ಅಕ್ಕಿ ಮೃದುವಾಗುವವರೆಗೆ ಮತ್ತು ಹಾಲು ದಪ್ಪವಾಗುವವರೆಗೆ ಬೇಯಿಸಿ.
* ಹಾಲಿನ ಮಿಶ್ರಣಕ್ಕೆ ಸಕ್ಕರೆ, ಏಲಕ್ಕಿ ಪುಡಿ, ಚಿಟಿಕೆ ಕೇಸರಿ ಸೇರಿಸಿ ಚೆನ್ನಾಗಿ ಬೆರೆಸಿ.
* ಸಕ್ಕರೆ ಕರಗುವವರೆಗೆ ಕಡಿಮೆ ಉರಿಯಲ್ಲಿ ಬೇಯಿಸುವುದನ್ನು ಮುಂದುವರಿಸಿ.
* ಬಳಿಕ ಉರಿಯನ್ನು ಆಫ್ ಮಾಡಿ, ತಣ್ಣಗಾಗಲು ಬಿಡಿ.
* ನಂತರ ಅದನ್ನು ಫ್ರಿಜ್‌ನಲ್ಲಿ 1-2 ಗಂಟೆ ಇಡಿ.
* ಬಡಿಸುವುದಕ್ಕೂ ಮೊದಲು ಹೆಚ್ಚಿದ ಬೀಜಗಳಿಂದ ಅಲಂಕರಿಸಿ. ಇದನ್ನೂ ಓದಿ: ದೀಪಾವಳಿ ಸ್ಪೆಷಲ್- ವಾಲ್ನಟ್ ಬರ್ಫಿ ಮಾಡಿ ಹಬ್ಬವನ್ನಾಚರಿಸಿ
ಭಾರತೀಯರು ಸಿಹಿ ತಿಂಡಿಗಳನ್ನು ಪ್ರೀತಿಸುತ್ತಾರೆ. ಯಾವುದೇ ಹಬ್ಬ ಹರಿದಿನಗಳಲ್ಲಿ ಸಿಹಿ ಹಂಚುವ ಮೂಲಕ ಪದಗಳಿಲ್ಲದೆ ಪ್ರೀತಿಯನ್ನು ವ್ಯಕ್ತಪಡಿಸುತ್ತಾರೆ. ದೀಪಾವಳಿಯಂತಹ ಹಬ್ಬ ಬಂದಾಗ ಗುಲಾಬ್ ಜಾಮೂನ್, ರಸಮಲೈ, ಲಡ್ಡು, ಬರ್ಫಿ ಮಾಡೋದು ಸಾಮಾನ್ಯ. ಇದು ಹಲವು ವರ್ಷಗಳಿಂದಲೇ ಜನರು ಮಾಡಿಕೊಂಡು ಬಂದಿದ್ದಾರೆ. ನಾವಿಂದು ನಿಮಗಾಗಿ ಒಂದು ಸ್ಪೆಷಲ್ ಸಿಹಿಯನ್ನು ಹೇಳಿಕೊಡುತ್ತೇವೆ. ಗುಲಾಬ್ ಜಾಮೂನ್ ಅನ್ನು ನೀವು ಯಾವಾಗಲೂ ಮಾಡಿರುತ್ತೀರಿ. ಆದರೆ ಗುಲಾಬ್ ಬರ್ಫಿ ಕೇಳಿದ್ದೀರಾ? ಇಲ್ಲ ಎಂದರೆ ಇಂದೇ ಇದನ್ನು ಮಾಡಿ, ಎಲ್ಲರಿಗೂ ಹಂಚಿ.
ಬೇಕಾಗುವ ಪದಾರ್ಥಗಳು:
ತುಪ್ಪ – 2 ಟೀಸ್ಪೂನ್
ಹಾಲು – 100 ಮಿ.ಲೀ
ಏಲಕ್ಕಿ ಪುಡಿ – ಚಿಟಿಕೆ
ಹಾಲಿನ ಪುಡಿ – 1 ಕಪ್
ಗುಲಾಬಿ ದಳಗಳು – 2-3 ಟೀಸ್ಪೂನ್
ಸಕ್ಕರೆ – 5 ಟೀಸ್ಪೂನ್
ಹೆಚ್ಚಿದ ಪಿಸ್ತಾ – ಕೆಲವು ಇದನ್ನೂ ಓದಿ: ದೀಪಾವಳಿ ಸ್ಪೆಷಲ್- ವಾಲ್ನಟ್ ಬರ್ಫಿ ಮಾಡಿ ಹಬ್ಬವನ್ನಾಚರಿಸಿ
ಮಾಡುವ ವಿಧಾನ:
* ಮೊದಲಿಗೆ ಪ್ಯಾನ್ ಅನ್ನು ಬಿಸಿ ಮಾಡಿ ಅದಕ್ಕೆ ತುಪ್ಪ ಸೇರಿಸಿ.
* ನಂತರ ಹಾಲು ಹಾಕಿ 2-3 ನಿಮಿಷಗಳ ಕಾಲ ಬೆರೆಸಿ.
* ಈಗ ಹಾಲಿನ ಪುಡಿಯನ್ನು ಸೇರಿಸಿ ಮತ್ತು ಎಲ್ಲವನ್ನೂ ಒಟ್ಟಿಗೆ ಸೇರಿಸಿ.
* ಮಿಶ್ರಣವನ್ನು ಚೆನ್ನಾಗಿ ಬೆರೆಸಿ, ಯಾವುದೇ ಉಂಡೆಗಳಿಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
* ನಂತರ ಸಕ್ಕರೆ ಸೇರಿಸಿ, ಕಡಿಮೆ ಉರಿಯಲ್ಲಿ ಚೆನ್ನಾಗಿ ಮಿಶ್ರಣ ಮಾಡಿ. ತಳ ಹಿಡಿಯುವುದನ್ನು ತಡೆಯಲು ಆಗಾಗ ಬೆರೆಸಿಕೊಳ್ಳಿ.
* ಮಿಶ್ರಣ ಸಾಕಷ್ಟು ದಪ್ಪವಾದ ಬಳಿಕ ಸ್ವಲ್ಪ ಗುಲಾಬಿ ದಳಗಳು ಮತ್ತು ಹೆಚ್ಚಿದ ಪಿಸ್ತಾಗಳನ್ನು ಸೇರಿಸಿ, ಉರಿಯನ್ನು ಆಫ್ ಮಾಡಿ.
* ಒಂದು ಟ್ರೇ ತೆಗೆದುಕೊಂಡು ಸ್ವಲ್ಪ ತುಪ್ಪವನ್ನು ಗ್ರೀಸ್ ಮಾಡಿ. ಅದರ ಮೇಲೆ ಬಟರ್ ಪೇಪರ್ ಇರಿಸಿ.
* ಅದರ ಮೇಲೆ ಕೆಲವು ಗುಲಾಬಿ ದಳಗಳು ಮತ್ತು ಕತ್ತರಿಸಿದ ಪಿಸ್ತಾಗಳನ್ನು ಹರಡಿ.
* ತಯಾರಿಸಿಟ್ಟ ಮಿಶ್ರಣವನ್ನು ಅದರಲ್ಲಿ ಸುರಿದು, ಒಂದು ಚಾಕು ಬಳಸಿ ಅದನ್ನು ಎಚ್ಚರಿಕೆಯಿಂದ ಹರಡಿ.
* ಅದರ ಮೇಲೆ ಮತ್ತೆ ಸ್ವಲ್ಪ ಗುಲಾಬಿ ದಳಗಳು ಮತ್ತು ಕತ್ತರಿಸಿದ ಪಿಸ್ತಾ ಸೇರಿಸಿ.
* ಅದನ್ನು ಫ್ರಿಜ್‌ನಲ್ಲಿ 6-7 ಗಂಟೆಗಳ ಕಾಲ ಇರಿಸಿ.
* ನಂತರ ಅದನ್ನು ತೆಗೆದು ತುಂಡುಗಳಾಗಿ ಕತ್ತರಿಸಿ.
* ಇದೀಗ ಗುಲಾಬ್ ಬರ್ಫಿ ತಯಾರಾಗಿದ್ದು, ಮನೆಮಂದಿಗೆ ಹಂಚಿ ಹಬ್ಬವನ್ನಾಚರಿಸಿ. ಇದನ್ನೂ ಓದಿ: ಫಟಾಫಟ್ ಅಂತ ಮಾಡಿ ಬೀಟ್ರೂಟ್ ಹಲ್ವಾ!
ದೀಪಾವಳಿ ಹಬ್ಬ ಬಂತು ಎಂದರೆ ಚಳಿಗಾಲವೂ ಆರಂಭವಾಯ್ತು ಎಂದರ್ಥ. ಈ ಸಂದರ್ಭದಲ್ಲಿ ಆರೋಗ್ಯವನ್ನು ರಕ್ಷಿಸಿಕೊಳ್ಳುವುದು ತುಂಬಾ ಮುಖ್ಯ. ತಣ್ಣಗಿನ ಈ ದಿನಗಳಲ್ಲಿ ಹೆಚ್ಚಾಗಿ ಒಣ ಹಣ್ಣುಗಳನ್ನು ಸೇವಿಸುವುದರಿಂದ ಚರ್ಮದ ಆರೋಗ್ಯ ಕಾಪಾಡಿಕೊಳ್ಳಬಹುದು. ನಾವು ಈ ವಿಶೇಷ ದಿನಕ್ಕೆ ವಾಲ್ನಟ್ ಬರ್ಫಿ ಮಾಡೋದು ಹೇಗೆಂದು ಹೇಳಿಕೊಡುತ್ತಿದ್ದೇವೆ. ಈ ರೆಸಿಪಿಯನ್ನು ನೀವು ಟ್ರೈ ಮಾಡಿ, ಸವಿದು ನಿಮ್ಮ ಆರೋಗ್ಯವನ್ನು ಕಾಪಾಡಿಕೊಳ್ಳಿ. ಮಾತ್ರವಲ್ಲದೇ ಕುಟುಂಬ, ಸ್ನೇಹಿತರಿಗೂ ಹಂಚಿ ಸಂಬಂಧಗಳನ್ನು ಗಟ್ಟಿಗೊಳಿಸಿ.
ಬೇಕಾಗುವ ಪದಾರ್ಥಗಳು:
ಒರಟಾಗಿ ಪುಡಿ ಮಾಡಿದ ವಾಲ್ನಟ್ – 1 ಕಪ್
ಸಕ್ಕರೆ – 4 ಟೀಸ್ಪೂನ್
ಹಾಲಿನ ಪುಡಿ – 4 ಟೀಸ್ಪೂನ್
ಹಾಲು – 4 ಟೀಸ್ಪೂನ್
ಜಾಯಿಕಾಯಿ ಪುಡಿ – ಚಿಟಿಕೆ
ತುಪ್ಪ – 4 ಟೀಸ್ಪೂನ್
ಮಾವಾ – ಕಾಲು ಕಪ್ ಇದನ್ನೂ ಓದಿ: ಕೆಲವೇ ನಿಮಿಷ ಸಾಕು – ಸಿಂಪಲ್ ಆಗಿ ಪೈನಾಪಲ್ ರವಾ ಕೇಸರ್ ಮಾಡಿ
ಬೇಕಾಗುವ ಪದಾರ್ಥಗಳು:
* ಮೊದಲಿಗೆ ಮೈಕ್ರೊವೇವ್ ಸೇಫ್ ಬೌಲ್‌ನಲ್ಲಿ ಮಾವಾ ಮತ್ತು 2 ಟೀಸ್ಪೂನ್ ತುಪ್ಪವನ್ನು ಸೇರಿಸಿ ಮತ್ತು 1 ನಿಮಿಷ ಬಿಸಿ ಮಾಡಿ.
* ಸಕ್ಕರೆ, ಹಾಲಿನ ಪುಡಿ, ಹಾಲು ಮತ್ತು ಜಾಯಿಕಾಯಿ ಪುಡಿ ಸೇರಿಸಿ ಪಕ್ಕಕ್ಕೆ ಇರಿಸಿ.
* ಉಳಿದ ತುಪ್ಪವನ್ನು ವಾಲ್ನಟ್‌ಗೆ ಸೇರಿಸಿ 1 ನಿಮಿಷ ಬೆರೆಸಿ. ಅದನ್ನು 2 ನಿಮಿಷಗಳ ಕಾಲ ಹೆಚ್ಚಿನ ತಾಪದಲ್ಲಿ ಬಿಸಿ ಮಾಡಿ.
* ಮಿಶ್ರಣಕ್ಕೆ ಹಾಲು ಮತ್ತು ಸಕ್ಕರೆ ಮಿಶ್ರಣ ಸೇರಿಸಿ ಮೈಕ್ರೊವೇವ್‌ನಲ್ಲಿ 1 ನಿಮಿಷ ಹೆಚ್ಚಿನ ತಾಪದಲ್ಲಿ ಬಿಸಿ ಮಾಡಿ.
* ಈಗ ಗ್ರೀಸ್ ಮಾಡಿದ ಪಾತ್ರೆಯಲ್ಲಿ ಈ ಮಿಶ್ರಣವನ್ನು ಹರಡಿ, 1 ಗಂಟೆ ತಣ್ಣಗಾಗಲು ಪಕ್ಕಕ್ಕೆ ಇರಿಸಿ.
* ನಂತರ ಅದನ್ನು ಚಾಕುವಿನ ಸಹಾಯದಿಂದ ಚೌಕಾಕಾರ ಇಲ್ಲವೇ ನಿಮ್ಮಿಷ್ಟದ ಆಕಾರಕ್ಕೆ ಕತ್ತರಿಸಿಕೊಳ್ಳಿ.
* ಇದೀಗ ವಾಲ್ನಟ್ ಬರ್ಫಿ ತಯಾರಾಗಿದ್ದು, ಕುಟುಂಬ, ಸ್ನೇಹಿತರಿಗೆ ಹಂಚಿ. ಇದನ್ನೂ ಓದಿ: ನಾಲ್ಕೇ ಪದಾರ್ಥ ಬಳಸಿ ಮಾಡಿ ಸಿಹಿಯಾದ ಚಾಕ್ಲೇಟ್ ಮೈಸೂರ್ ಪಾಕ್
ಸಿಹಿ ಬೇಕು ಎನ್ನುವವರಲ್ಲಿ ವಯಸ್ಸಿನ ಮಿತಿಯಿಲ್ಲ. ಪುಟ್ಟ ಮಕ್ಕಳಿಂದ ಹಿಡಿದು ಹಿರಿಯರವರೆಗೂ ಸಿಹಿ ತಿನಿಸನ್ನು ಹೆಚ್ಚಿನವರು ಇಷ್ಟಪಡುತ್ತಾರೆ. ಮಾತ್ರವಲ್ಲದೇ ಸಿಹಿ ಸವಿಯಬೇಕೆಂದು ಯಾವ ಸಮಯದಲ್ಲೂ ಎನಿಸಬಹುದು. ಅಂತಹವರಿಗಾಗಿ ಕ್ವಿಕ್ ಆಗಿ ತಯಾರಿಸಬಹುದಾದ ರೆಸಿಪಿಯನ್ನು ಹೇಳಿಕೊಡುತ್ತೇವೆ. ಸಿಹಿ ಸವಿಯಬೇಕೆನಿಸಿದಾಗ ಸಿಂಪಲ್ ಆಗಿ ಪೈನಾಪಲ್ ರವಾ ಕೇಸರ್ ನೀವು ಕೂಡಾ ಮಾಡಿ, ಮನೆ ಮಂದಿಗೂ ಹಂಚಿ.
ಬೇಕಾಗುವ ಪದಾರ್ಥಗಳು:
ರವೆ – ಅರ್ಧ ಕಪ್
ಸಕ್ಕರೆ – ಅರ್ಧ ಕಪ್
ನೀರು – 1 ಕಪ್
ತುಪ್ಪ – 2 ಟೀಸ್ಪೂನ್
ಏಲಕ್ಕಿ – ಕಾಲು ಟೀಸ್ಪೂನ್
ಕೇಸರಿ – ಕೆಲವು ಎಳೆಗಳು
ಸಣ್ಣಗೆ ಹೆಚ್ಚಿದ ಅನನಾಸ್ – ಕಾಲು ಕಪ್
ಬೆಚ್ಚಗಿನ ಹಾಲು – 2 ಟೀಸ್ಪೂನ್
ಹೆಚ್ಚಿದ ಗೋಡಂಬಿ, ಬಾದಾಮಿ – 1 ಟೀಸ್ಪೂನ್
ಒಣ ದ್ರಾಕ್ಷಿ – 2 ಟೀಸ್ಪೂನ್
ಆಹಾರ ಬಣ್ಣ – ಚಿಟಿಕೆ ಇದನ್ನೂ ಓದಿ: ನಾಲ್ಕೇ ಪದಾರ್ಥ ಬಳಸಿ ಮಾಡಿ ಸಿಹಿಯಾದ ಚಾಕ್ಲೇಟ್ ಮೈಸೂರ್ ಪಾಕ್
ಮಾಡುವ ವಿಧಾನ:
* ಮೊದಲಿಗೆ ಬೆಚ್ಚಗಿನ ಹಾಲಿನಲ್ಲಿ ಕೇಸರಿ ಎಳೆಗಳನ್ನು ನೆನೆಸಿ.
* ಒಂದು ಪಾತ್ರೆಯಲ್ಲಿ ನೀರು ಹಾಕಿ ಅದರಲ್ಲಿ ಅನನಾಸ್ ತುಂಡುಗಳನ್ನು ಕುದಿಸಿ.
* ಬಾಣಲೆಯಲ್ಲಿ ತುಪ್ಪ ಬಿಸಿ ಮಾಡಿ, ಅದರಲ್ಲಿ ಗೋಡಂಬಿ, ಬಾದಾಮಿ ಹಾಗೂ ಒಣ ದ್ರಾಕ್ಷಿಗಳನ್ನು ಹುರಿದು, ಒಂದು ಬೌಲ್‌ಗೆ ವರ್ಗಾಯಿಸಿ.
* ಪ್ಯಾನ್ ಅನ್ನು ಬಿಸಿಗೆ ಇಟ್ಟು, ಅದರಲ್ಲಿ ಕಡಿಮೆ ಉರಿಯಲ್ಲಿ ರವೆಯನ್ನು 5-6 ನಿಮಿಷಗಳ ಕಾಲ ಹುರಿಯಿರಿ.
* ಏಲಕ್ಕಿ, ಕೇಸರಿ ಹಾಲು, ಅನನಾಸ್ ಅನ್ನು ಕುದಿಸಿದ ನೀರು ಹಾಗೂ ಆಹಾರ ಬಣ್ಣವನ್ನು ಸೇರಿಸಿ. ಉಂಡೆಗಳಾಗುವುದನ್ನು ತಪ್ಪಿಸಲು ಬಿಸಿ ನೀರನ್ನು ಸುರಿಯುವಾಗ ಬೆರೆಸಿಕೊಳ್ಳಿ. ಅದನ್ನು 1 ನಿಮಿಷ ಬೇಯಿಸಿ.
* ನಂತರ ಸಕ್ಕರೆ ಸೇರಿಸಿ, ಚೆನ್ನಾಗಿ ಬೆರೆಸಿ ಮತ್ತು 2 ನಿಮಿಷ ಬೇಯಿಸಿ.
* ತುಪ್ಪ ಸಮೇತ ಹುರಿದ ಒಣ ಬೀಜಗಳನ್ನು ಅದಕ್ಕೆ ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಿ.
* ಇದೀಗ ಸಿಂಪಲ್ ಪೈನಾಪಲ್ ರವಾ ಕೇಸರ್ ತಯಾರಾಗಿದ್ದು, ಬಿಸಿ ಅಥವಾ ತಣ್ಣಗಾದ ಬಳಿಕ ಸವಿಯಿರಿ. ಇದನ್ನೂ ಓದಿ: ಸಿಂಪಲ್ ಸ್ಟ್ರಾಬೆರಿ ಕಪ್‌ಕೇಕ್ ಹೀಗೆ ಮಾಡಿ
ಕರಿ ಎಳ್ಳನ್ನು ಬಳಸಿ ಚೈನೀಸ್ ಸ್ಟೈಲ್‌ನ ಸಿಹಿ ರೆಸಿಪಿಯೊಂದನ್ನು ನಾವಿಂದು ಹೇಳಿಕೊಡಲಿದ್ದೇವೆ. ಡಂಪ್ಲಿಂಗ್ ಎನ್ನಲಾಗುವ ಈ ಸಿಹಿ ಚೀನಾದ ಫೇಮಸ್ ಡಿಶ್. ಇದನ್ನು ಟ್ಯಾಂಗ್ ಯುವಾನ್ ಎಂತಲೂ ಕರೆಯಲಾಗುತ್ತದೆ. ಬಿಸಿ ನೀರು ಅಥವಾ ಶುಂಠಿಯ ಸಿರಪ್‌ನಲ್ಲಿ ಅದ್ದಿ, ಈ ಡಂಪ್ಲಿಂಗ್ ಅನ್ನು ಬಡಿಸಲಾಗುತ್ತದೆ. ಮಳೆ ಅಥವಾ ತಣ್ಣಗಿನ ದಿನಗಳಲ್ಲಿ ಬೆಚ್ಚಗಿನ ಸಿಹಿ ಸವಿಯಲು ಆಹ್ಲಾದಕರವಾಗಿರುತ್ತದೆ. ಹಾಗಿದ್ರೆ ಟ್ಯಾಂಗ್ ಯುವಾನ್ ಮಾಡೋದು ಹೇಗೆಂದು ನೋಡೋಣ.
ಬೇಕಾಗುವ ಪದಾರ್ಥಗಳು:
ಜಿಗುಟಾದ ಅಕ್ಕಿ ಹಿಟ್ಟು – 250 ಗ್ರಾಂ
ನೀರು – 180 ಮಿ.ಲೀ.
ಕರಿ ಎಳ್ಳು – ಕಾಲು ಕಪ್
ಸಕ್ಕರೆ – ಕಾಲು ಕಪ್
ಬೆಣ್ಣೆ – ಕಾಲು ಕಪ್
ಶುಂಠಿ ಸಿರಪ್ ತಯಾರಿಸಲು:
ನೀರು – 5 ಕಪ್
ಸಕ್ಕರೆ – 1 ಕಪ್
ಸಿಪ್ಪೆ ತೆಗೆದು ಕತ್ತರಿಸಿದ ಶುಂಠಿ – 100 ಗ್ರಾಂ ಇದನ್ನೂ ಓದಿ: ಹಸಿವನ್ನು ತಣಿಸಲು ಒನ್ ಪಾಟ್ ಗಾರ್ಲಿಕ್ ಚಿಕನ್ ಪಾಸ್ತಾ ಟ್ರೈ ಮಾಡಿ
ಮಾಡುವ ವಿಧಾನ:
* ಮೊದಲಿಗೆ ಕರಿ ಎಳ್ಳನ್ನು ಬಾಣಲೆಯಲ್ಲಿ ಮಧ್ಯಮ ಉರಿಯಲ್ಲಿ ಪರಿಮಳ ಬರುವವರೆಗೆ ಹುರಿದುಕೊಳ್ಳಬೇಕು. ಎಳ್ಳು ಬಿಸಿಯಾದಾಗ ಸಿಡಿಯುತ್ತದೆ. ಇದಕ್ಕಾಗಿ ಬಾಣಲೆಗೆ ಮುಚ್ಚಳ ಬಳಸಿ. ಎಳ್ಳು ಸುಡದಂತೆ ಜಾಗ್ರತೆವಹಿಸಿ.
* ಎಳ್ಳು ಸುವಾಸನೆ ಬರಲು ಪ್ರಾರಂಭವಾಗುತ್ತಿದ್ದಂತೆ ಉರಿಯನ್ನು ಆಫ್ ಮಾಡಿ ತಕ್ಷಣ ಅದನ್ನು ಇನ್ನೊಂದು ತಟ್ಟೆಗೆ ವರ್ಗಾಯಿಸಿ, ತಣ್ಣಗಾಗಲು ಬಿಡಿ.
* ಬಳಿಕ ಒಂದು ಬ್ಲೆಂಡರ್ ಬಳಸಿ ಅದರಲ್ಲಿ ಎಳ್ಳನ್ನು ಪುಡಿ ಮಾಡಿಕೊಳ್ಳಿ.
* ನಂತರ ಅದನ್ನು ಬಾಣಲೆಗೆ ವರ್ಗಾಯಿಸಿ, ಸಕ್ಕರೆ ಮತ್ತು ಬೆಣ್ಣೆ ಬೆರೆಸಿ ದಪ್ಪಗಿನ ಪೇಸ್ಟ್ ಆಗುವಂತೆ ಮಿಶ್ರಣ ಮಾಡಿಕೊಳ್ಳಿ. ಮಿಶ್ರಣ ಒಣ ಎನಿಸಿದರೆ ಇನ್ನಷ್ಟು ಬೆಣ್ಣೆ ಸೇರಿಸಬಹುದು.
* ಬಳಿಕ ಈ ಮಿಶ್ರಣವನ್ನು ಫ್ರಿಜ್‌ನಲ್ಲಿಟ್ಟು ತಣ್ಣಗಾಗಿಸಿ.
* ಈಗ ಒಂದು ದೊಡ್ಡ ಬಟ್ಟಲು ತೆಗೆದುಕೊಂಡು ಅದರಲ್ಲಿ ಅಂಟು ಅಕ್ಕಿ ಹಿಟ್ಟನ್ನು ಹಾಕಿ ನಿಧಾನಕ್ಕೆ ನೀರನ್ನು ಬೆರೆಸುತ್ತಾ ಮಿಶ್ರಣ ಮಾಡಿಕೊಳ್ಳಿ. ಇದರಲ್ಲಿ ಸುಮಾರು 15-20 ಉಂಡೆಗಳಾಗುವಂತೆ ವಿಭಜಿಸಿ, ನಿಮ್ಮ ಅಂಗೈ ಸಹಾಯದಿಂದ ಉಂಡೆಯನ್ನು ಚಪ್ಪಟೆಗೊಳಿಸಿ.
* ಈಗ ಎಳ್ಳಿನ ಪೇಸ್ಟ್ ಅನ್ನು ಒಂದೊಂದೇ ಚಮಚದಷ್ಟು ಚಪ್ಪಟೆಗೊಳಿಸಿದ ಹಿಟ್ಟಿನ ಮೇಲೆ ಹಾಕಿ, ಹಿಟ್ಟಿನ ಅಂಚುಗಳನ್ನು ಮಧ್ಯಕ್ಕೆ ತಂದು ಜೋಡಿಸಿ. ಎರಡೂ ಅಂಗೈಗಳನ್ನು ಬಳಸಿ ಮೃದುವಾಗಿ ಚೆಂಡಿನಾಕಾರಕ್ಕೆ ತನ್ನಿ. ಎಲ್ಲ ಹಿಟ್ಟನ್ನು ಇದೇ ರೀತಿ ಮಾಡುವುದನ್ನು ಮುಂದುವರಿಸಿ.
* ಶುಂಠಿ ಸಿರಪ್ ತಯಾರಿಸಲು ಒಂದು ಪಾತ್ರೆಯಲ್ಲಿ ನೀರು ತೆಗೆದುಕೊಂಡು, ಅದಕ್ಕೆ ಶುಂಠಿ ತುಂಡುಗಳನ್ನು ಹಾಕಿ, ಸುಮಾರು 10-15 ನಿಮಿಷ ಕುದಿಸಿಕೊಳ್ಳಿ.
* ಸಕ್ಕರೆ ಸೇರಿಸಿ ಮತ್ತೆ 5 ನಿಮಿಷ ಕುದಿಸಿ ನಂತರ ಪಕ್ಕಕ್ಕಿಡಿ.
* ಈಗ ಇನ್ನೊಂದು ಪಾತ್ರೆಯಲ್ಲಿ ನೀರನ್ನು ಬಿಸಿ ಮಾಡಿ, ಡಂಪ್ಲಿಂಗ್‌ಗಳನ್ನು ಕುದಿಯುತ್ತಿರುವ ನೀರಿಗೆ ಹಾಕಿ. ಅದು ತೇಲಲು ಪ್ರಾರಂಭಿಸಿದ ತಕ್ಷಣ ನೀರಿನಿಂದ ತೆಗೆದು ಶುಂಠಿಯ ಸಿರಪ್‌ಗೆ ವರ್ಗಾಯಿಸಿ.
* ಇದೀಗ ಕರಿ ಎಳ್ಳಿನ ಡಂಪ್ಲಿಂಗ್ ಅಥವಾ ಟ್ಯಾಂಗ್ ಯುವಾನ್ ತಯಾರಾಗಿದ್ದು, ಬಿಸಿಬಿಸಿಯಾಗಿ ಸವಿಯಿರಿ. ಇದನ್ನೂ ಓದಿ: ಕಬಾಬ್ ಪೌಡರ್ ಇಲ್ಲದೇ ಸೋಯಾ ಕಬಾಬ್ ಮಾಡಿ
ವರ್ಷವಿಡೀ ಸಿಗುವ ಹಣ್ಣು ಎಂದರೆ ಅದು ಬಾಳೆ ಹಣ್ಣು. ಹಣ್ಣಾದರೂ ಸರಿ, ಕಾಯಿಯಾದರೂ ಸರಿ, ಮಾಗಿದರೂ ಸರಿ. ಇದನ್ನು ಬಳಸಿ ವಿವಿಧ ರೀತಿಯಲ್ಲಿ ಅಡುಗೆ ಮಾಡಬಹುದು. ಮನೆಯಲ್ಲಿ ಒಂದಷ್ಟು ಬಿಸ್ಕಿಟ್ ಹಾಗೂ ಬಾಳೆಹಣ್ಣು ಉಳಿದು ಹೋಗಿದ್ದರೆ ಇನ್ನು ಕೆಲವು ಅಡುಗೆ ಮನೆಯಲ್ಲಿ ಸಿಗುವ ಸಾಮಾನ್ಯ ಪದಾರ್ಥಗಳನ್ನು ಬಳಸಿ ಸಿಹಿ ಸಿಹಿಯಾದ ಹಲ್ವಾ ಮಾಡಬಹುದು ಎಂಬುದು ನಿಮಗೆ ತಿಳಿದಿದ್ಯಾ? ಇಲ್ಲ ಎಂದರೆ ಈ ಒಂದು ಸಿಂಪಲ್ ರೆಸಿಪಿಯನ್ನು ನೋಡಿ ಫ್ರೀ ಟೈಮ್‌ನಲ್ಲಿ ಟ್ರೈ ಮಾಡಿ.
ಬೇಕಾಗುವ ಪದಾರ್ಥಗಳು:
ಮಾಗಿದ ಬಾಳೆಹಣ್ಣು – 6
ಬಿಸ್ಕಿಟ್ – 10-12 (ಯಾವುದೇ ಫ್ಲೇವರ್, ಕ್ರೀಂ ಬಳಸದ್ದು)
ತುಪ್ಪ – 3 ಟೀಸ್ಪೂನ್
ಹಾಲು – ಕಾಲು ಕಪ್
ಏಲಕ್ಕಿ ಪುಡಿ – ಅರ್ಧ ಟೀಸ್ಪೂನ್ ಇದನ್ನೂ ಓದಿ: ಮಕ್ಕಳು ಇಷ್ಟಪಡೋ ಆಪಲ್ ಕಾಫಿ ಕೇಕ್ ರೆಸಿಪಿ
ಮಾಡುವ ವಿಧಾನ:
* ಮೊದಲಿಗೆ ಬಾಳೆಹಣ್ಣುಗಳನ್ನು ಒಂದು ಬೌಲ್‌ಗೆ ಹಾಕಿ ಫೋರ್ಕ್ ಸಹಾಯದಿಂದ ಮ್ಯಾಶ್ ಮಾಡಿಕೊಳ್ಳಿ ಮತ್ತು ಪಕ್ಕಕ್ಕಿರಿಸಿ.
* ಬಿಸ್ಕಿಟ್‌ಗಳನ್ನು ಮಿಕ್ಸರ್ ಜಾರ್ ಅಥವಾ ಕಾಫಿ ಗ್ರೈಂಡರ್‌ನಲ್ಲಿ ಹಾಕಿ ಒರಟಾಗಿ ಪುಡಿ ಮಾಡಿಕೊಳ್ಳಿ.
* ರುಬ್ಬಿದ ಬಿಸ್ಕಿಟ್ ಮತ್ತು ಕಿವುಚಿದ ಬಾಳೆಹಣ್ಣನ್ನು ಒಟ್ಟಿಗೆ ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಿ.
* ಒಂದು ಕಡಾಯಿಯನ್ನು ಬಿಸಿ ಮಾಡಿ, ಅದರಲ್ಲಿ 2 ಟೀಸ್ಪೂನ್ ತುಪ್ಪ ಹಾಕಿ.
* ತುಪ್ಪ ಬಿಸಿಯಾದ ಬಳಿಕ ಬಾಳೆಹಣ್ಣು, ಬಿಸ್ಕಿಟ್ ಮಿಶ್ರಣ, ಹಾಲು ಹಾಗೂ ಏಲಕ್ಕಿ ಪುಡಿಯನ್ನು ಸೇರಿಸಿ ಮಿಶ್ರಣ ಮಾಡಿ.
* ಉರಿಯನ್ನು ಮಧ್ಯಮದಲ್ಲಿಟ್ಟು 5 ನಿಮಿಷಗಳ ಕಾಲ ಬೇಯಿಸಿಕೊಳ್ಳಿ. ಆಗಾಗ ಬೆರೆಸಿಕೊಳ್ಳುತ್ತಿರಿ.
* ರುಚಿಯನ್ನು ಪರಿಶೀಲಿಸಿ, ಅಗತ್ಯವಿದ್ದರೆ ಸಕ್ಕರೆ ಸೇರಿಸಿ (ಬಾಳೆಹಣ್ಣು ಹೆಚ್ಚು ಸಿಹಿಯಿದ್ದರೆ ಸಕ್ಕರೆ ಅಗತ್ಯವಿಲ್ಲ)
* 5 ನಿಮಿಷ ಬೆಂದ ಬಳಿಕ ಉಳಿದ 1 ಟೀಸ್ಪೂನ್ ತುಪ್ಪ ಬೆರೆಸಿ ಮತ್ತೆ 4-5 ನಿಮಿಷ ಬೇಯಿಸಿಕೊಳ್ಳಿ.
* ಉರಿಯನ್ನು ಆಫ್ ಮಾಡಿ, ಬೇಕೆಂದರೆ ಒಣ ಹಣ್ಣುಗಳಿಂದ ಹಲ್ವಾವನ್ನು ಅಲಂಕರಿಸಿ.
* ಇದೀಗ ಬಾಳೆಹಣ್ಣು, ಬಿಸ್ಕಿಟ್ ಹಲ್ವಾ ತಯಾರಾಗಿದ್ದು, ಬಿಸಿಯಾಗಿ ಅಥವಾ ತಣ್ಣಗಾದಬಳಿಕ ಸವಿಯಿರಿ. ಇದನ್ನೂ ಓದಿ: ಮೃದುವಾದ ಶುಗರ್ ಕುಕ್ಕೀಸ್ ಎಂದಾದ್ರೂ ಟ್ರೈ ಮಾಡಿದ್ದೀರಾ?
ಚಾಕ್ಲೇಟ್ ಎಂದರೆ ಎಲ್ಲರಿಗೂ ಇಷ್ಟ. ಪುಟ್ಟ ಮಕ್ಕಳಿಂದ ಹಿಡಿದು ಹಿರಿಯರವರೆಗೂ ಚಾಕ್ಲೇಟ್ ಇಷ್ಟಪಡದವರಿಲ್ಲ. ಇದೇ ಚಾಕ್ಲೇಟ್‌ನ ನಾನಾತರಹದ ಅಡುಗೆ ಮಾಡೋದೂ ಸಾಧ್ಯ. ಚಾಕ್ಲೇಟ್ ಕೇಕ್‌ನಿಂದ ಹಿಡಿದು ಹಾಟ್ ಚಾಕ್ಲೇಟ್ ವರೆಗೂ ಎಲ್ಲಾ ರೆಸಿಪಿಗಳೂ ಅದ್ಭುತ. ನಾವಿಂದು ದೇಸೀ ಟಚ್ ನೀಡಿ ಚಾಕ್ಲೇಟ್‌ನ ಶೀರಾ (Chocolate Sheera) ಹೇಗೆ ಮಾಡಬಹುದು ಎಂದು ಹೇಳಿಕೊಡುತ್ತೇವೆ.
ಬೇಕಾಗುವ ಪದಾರ್ಥಗಳು:
ರವೆ – 1 ಕಪ್
ಸಕ್ಕರೆ – ಅರ್ಧ ಕಪ್
ತುಪ್ಪ – ಅರ್ಧ ಕಪ್
ಹಾಲು – 1 ಕಪ್
ಕೋಕೋ ಪೌಡರ್ – 2 ಟೀಸ್ಪೂನ್
ಕತ್ತರಿಸಿದ ಒಣ ಹಣ್ಣುಗಳು – 3 ಟೀಸ್ಪೂನ್
ಚಾಕ್ಲೇಟ್ ಚಿಪ್ಸ್ – 1 ಟೀಸ್ಪೂನ್ ಇದನ್ನೂ ಓದಿ: ಚೈನೀಸ್ ಸ್ಟೈಲ್‌ನ ಯಮ್ಮೀ ಯಮ್ಮೀ ಆರೆಂಜ್ ಚಿಕನ್ ರೆಸಿಪಿ
ಮಾಡುವ ವಿಧಾನ:
* ಮೊದಲಿಗೆ ಬಾಣಲೆಯಲ್ಲಿ ತುಪ್ಪ ಬಿಸಿ ಮಾಡಿ, ರವೆ ಸೇರಿಸಿ, ಕಡಿಮೆ ಉರಿಯಲ್ಲಿ ಮಿಶ್ರಣ ಮಾಡುತ್ತಾ ಹುರಿದುಕೊಳ್ಳಿ.
* ಒಂದು ಬೌಲ್‌ನಲ್ಲಿ ಹಾಲಿನ ಕಾಲು ಭಾಗದಷ್ಟು ತೆಗೆದುಕೊಂಡು, ಕೋಕೋ ಪೌಡರ್ ಹಾಕಿ, ಮಿಶ್ರಣ ಮಾಡಿಟ್ಟುಕೊಳ್ಳಿ.
* ರವೆ ಚೆನ್ನಾಗಿ ಹುರಿದ ಬಳಿಕ ಸಾದ ಹಾಲನ್ನು ರವೆಗೆ ಸೇರಿಸಿ, ಮಿಶ್ರಣ ಮಾಡಿ.
* ಬಳಿಕ ಕೋಕೋ ಪೌಡರ್ ಹಾಗೂ ಹಾಲಿನ ಮಿಶ್ರಣವನ್ನು ಸೇರಿಸಿ, ಚೆನ್ನಾಗಿ ಬೆರೆಸಿ.
* ಈಗ ಸಕ್ಕರೆ ಸೇರಿಸಿ, ಮಿಶ್ರಣ ಮಾಡಿ.
* ಉರಿಯನ್ನು ಆಫ್ ಮಾಡಿ, ಶೀರಾವನ್ನು ಆರಲು ಬಿಡಿ.
* ಇದೀಗ ಚಾಕ್ಲೆಟ್ ಶೀರಾ ತಯಾರಾಗಿದ್ದು, ಒಣ ಹಣ್ಣುಗಳು ಹಾಗೂ ಚಾಕ್ಲೇಟ್ ಚಿಪ್ಸ್‌ನಿಂದ ಅಲಂಕರಿಸಿ, ಸವಿಯಿರಿ. ಇದನ್ನೂ ಓದಿ: ಸ್ಪೈಸಿ, ಟ್ಯಾಂಗಿ ಟೇಸ್ಟ್‌ನ ಬೀಟ್ರೂಟ್ ಪಾಸ್ತಾ ರೆಸಿಪಿ
ನಾವು ಯಾವುದೇ ಪ್ರದೇಶಕ್ಕೆ ಹೋದರೂ ಅಲ್ಲೊಂದು ಫೇಮಸ್ ಅಡುಗೆ ಅಥವಾ ತಿಂಡಿ ಎಂಬುದು ಇದ್ದೇ ಇರುತ್ತದೆ. ಭಾರತದ ಸಣ್ಣ ಪುಟ್ಟ ಪ್ರದೇಶಗಳಲ್ಲೂ ಅದೆಷ್ಟೋ ಸಾಂಪ್ರದಾಯಿಕ ಖಾದ್ಯಗಳಿವೆ. ನಾವಿಂದು ಗೋಕಾಕ್‌ನ ಫೇಮಸ್ ಸಿಹಿ ಒಣ ಹಣ್ಣುಗಳಿಂದ ತಯಾರಿಸಲಾಗುವ ಕರದಂಟು (Karadantu) ಮಾಡುವುದು ಹೇಗೆಂದು ಹೇಳಿಕೊಡುತ್ತೇವೆ. ಇದನ್ನು ಒಮ್ಮೆ ನೀವೂ ಮನೆಯಲ್ಲಿ ಖಂಡಿತಾ ಟ್ರೈ ಮಾಡಿ.
ಬೇಕಾಗುವ ಪದಾರ್ಥಗಳು:
ತುಪ್ಪ – ಕಾಲು ಕಪ್
ಗೊಂದ್ – 50 ಗ್ರಾಂ
ಕತ್ತರಿಸಿದ ಬಾದಾಮಿ – ಕಾಲು ಕಪ್
ಕತ್ತರಿಸಿದ ಗೋಡಂಬಿ – ಕಾಲು ಕಪ್
ಕತ್ತರಿಸಿದ ಪಿಸ್ತಾ – 2 ಟೀಸ್ಪೂನ್
ಕತ್ತರಿಸಿದ ಅಂಜೂರ – ಕಾಲು ಕಪ್
ಒಣದ್ರಾಕ್ಷಿ – 2 ಟೀಸ್ಪೂನ್
ಒಣ ಕುಂಬಳಕಾಯಿ ಬೀಜ – 2 ಟೀಸ್ಪೂನ್
ಒಣ ತೆಂಗಿನ ತುರಿ – 1 ಕಪ್
ಗಸಗಸೆ – 2 ಟೀಸ್ಪೂನ್
ತುಪ್ಪ – 2 ಟೀಸ್ಪೂನ್
ಕತ್ತರಿಸಿದ ಒಣ ಖರ್ಜೂರ – 5 (ಬೀಜ ಬೇರ್ಪಡಿಸಿ)
ಬೆಲ್ಲ – 1 ಕಪ್
ನೀರು – ಕಾಲು ಕಪ್
ಜಾಯಿಕಾಯಿ ಪುಡಿ – ಕಾಲು ಟೀಸ್ಪೂನ್
ಏಲಕ್ಕಿ ಪುಡಿ – ಅರ್ಧ ಟೀಸ್ಪೂನ್ ಇದನ್ನೂ ಓದಿ: ರುಚಿಕರವಾದ ದಹಿ ವಡಾ ಮಾಡುವುದು ಹೇಗೆ ಗೊತ್ತಾ?
ಮಾಡುವ ವಿಧಾನ:
* ಮೊದಲಿಗೆ ಪ್ಯಾನ್‌ನಲ್ಲಿ ಕಾಲು ಕಪ್ ತುಪ್ಪ ಮತ್ತು ಕಾಲು ಕಪ್ ಗೊಂದ್ ತೆಗೆದುಕೊಳ್ಳಿ. ಗೊಂದ್ ಸ್ವಲ್ಪ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಕಡಿಮೆ ಉರಿಯಲ್ಲಿ ಹುರಿಯಿರಿ. ಬಳಿಕ ಅದನ್ನು ಪಕ್ಕಕ್ಕಿಡಿ.
* ಈಗ ಉಳಿದ ತುಪ್ಪದಲ್ಲಿ ಬಾದಾಮಿ, ಗೋಡಂಬಿ, ಪಿಸ್ತಾ, ಅಂಜೂರ, ಒಣದ್ರಾಕ್ಷಿ ಮತ್ತು ಕುಂಬಳಕಾಯಿ ಬೀಜಗಳನ್ನು ಸೇರಿಸಿ ಗರಿಗರಿಯಾಗುವವರೆಗೆ ಕಡಿಮೆ ಉರಿಯಲ್ಲಿ ಹುರಿಯಿರಿ. ಬಳಿಕ ಅದನ್ನು ಪಕ್ಕಕ್ಕಿರಿಸಿ.
* ಒಣ ತೆಂಗಿನ ತುರಿಯನ್ನು ಪ್ಯಾನ್‌ಗೆ ಹಾಕಿ, ಪರಿಮಳ ಬರುವವರೆಗೆ ಕಡಿಮೆ ಉರಿಯಲ್ಲಿ ಹುರಿದುಕೊಳ್ಳಿ.
* ಇದೀಗ ಒಂದು ದೊಡ್ಡ ಬಟ್ಟಲು ತೆಗೆದುಕೊಂಡು, ಹುರಿದ ಎಲ್ಲಾ ಪದಾರ್ಥಗಳನ್ನೂ (ಗೋಂದ್, ಒಣ ಹಣ್ಣುಗಳು, ತೆಂಗಿನ ತುರಿಯನ್ನು) ಅದಕ್ಕೆ ಹಾಕಿ, ಮಿಶ್ರಣ ಮಾಡಿ.
* ಈಗ ಒಂದು ಕಡಾಯಿಯಲ್ಲಿ 2 ಟೀಸ್ಪೂನ್ ತುಪ್ಪ ಬಿಸಿ ಮಾಡಿ, ಅದಕ್ಕೆ ಒಣ ಖರ್ಜೂರ ಹಾಕಿ ಹುರಿದುಕೊಳ್ಳಿ.
* ಅದಕ್ಕೆ ಬೆಲ್ಲ ಹಾಗೂ ನೀರು ಸೇರಿಸಿ, ಬೆಲ್ಲವನ್ನು ಚೆನ್ನಾಗಿ ಕರಗಿಸಿಕೊಳ್ಳಿ.
* ಮಿಶ್ರಣ ನೊರೆನೊನೆರೆಯಾಗುತ್ತಿದ್ದಂತೆ ಅದಕ್ಕೆ ಹುರಿದಿಟ್ಟಿದ್ದ ಪದಾರ್ಥಗಳನ್ನು ಹಾಕಿ, ಜಾಯಿಕಾಯಿ ಪುಡಿ ಹಾಗೂ ಏಲಕ್ಕಿ ಪುಡಿ ಸೇರಿಸಿ, ಎಲ್ಲವನ್ನೂ ಚೆನ್ನಾಗಿ ಮಿಶ್ರಣ ಮಾಡಿ.
* ಈಗ ಒಂದು ಟ್ರೇ ತೆಗೆದುಕೊಂಡು, ಅದಕ್ಕೆ ಬೇಕಿಂಗ್ ಪೇಪರ್ ಹಾಕಿ, ಅದರ ಮೇಲೆ ಮಿಶ್ರಣವನ್ನು ಸುರಿಯಿರಿ.
* ಮಿಶ್ರಣ ಸೆಟ್ ಆಗಲು 30 ನಿಮಿಷ ಹಾಗೆಯೇ ಬಿಡಿ.
* ಬಳಿಕ ಚಾಕು ಸಹಾಯದಿಂದ ನಿಮಗೆ ಬೇಕಾದ ಆಕಾರಕ್ಕೆ ತುಂಡುಗಳಾಗಿ ಕತ್ತರಿಸಿಕೊಳ್ಳಿ.
* ಇದೀಗ ಕರದಂಟು ತಯಾರಾಗಿದ್ದು, ಸವಿಯಲು ಸಿದ್ಧವಾಗಿದೆ. ಇದನ್ನು ನೀವು ಗಾಳಿಯಾಡದ ಡಬ್ಬಿಯಲ್ಲಿ ಸಂಗ್ರಹಿಸಿಟ್ಟರೆ 1 ತಿಂಗಳ ವರೆಗೆ ಬೇಕೆಂದಾಗ ಸವಿಯಬಹುದು. ಇದನ್ನೂ ಓದಿ: ವಿಶೇಷ ದಿನಗಳಿಗಾಗಿ ಸಿಹಿ ಸಿಹಿ ಮಲಾಯಿ ಲಡ್ಡು ರೆಸಿಪಿ
Live Tv
[brid partner=56869869 player=32851 video=960834 autoplay=true]
ಅನುದಿನ ಒಂದಿಲ್ಲೊಂದು ವಿಶೇಷ ಇದ್ದೇ ಇರುತ್ತದೆ. ಹುಟ್ಟುಹಬ್ಬ ಇಲ್ಲವೇ ವಾರ್ಷಿಕೋತ್ಸವ. ಮನೆಯಲ್ಲಿ ಸಣ್ಣ-ಪುಟ್ಟ ಫಂಕ್ಷನ್ ಇರೋವಾಗ ಏನಾದರೂ ಸಿಹಿ ಮಾಡಬೇಕಲ್ವಾ. ನಾವಿಂದು ಒಂದು ಸ್ಪೆಷಲ್ ಆದ ಸಿಹಿ ರೆಸಿಪಿಯನ್ನು ಹೇಳಿಕೊಡುತ್ತೇವೆ. ಸುಲಭದ ಮಲಾಯಿ ಲಡ್ಡು (Malai Laddu) ಒಮ್ಮೆ ನೀವೂ ಮಾಡಿ, ವಿಶೇಷ ದಿನಗಳನ್ನು ಆನಂದಿಸಿ.
ಬೇಕಾಗುವ ಪದಾರ್ಥಗಳು:
ಪನೀರ್ – 200 ಗ್ರಾಂ
ಕಂಡೆನ್ಸ್‌ಡ್ ಮಿಲ್ಕ್ – ಮುಕ್ಕಾಲು ಕಪ್
ಕುದಿಸಿದ ಹಾಲು – ಕಾಲು ಕಪ್
ಸಕ್ಕರೆ – 1 ಟೀಸ್ಪೂನ್
ತುಪ್ಪ – ಅಗತ್ಯಕ್ಕೆ ತಕ್ಕಂತೆ
ಏಲಕ್ಕಿ – 2
ರೋಸ್ ಎಸೆನ್ಸ್ – 2 ಹನಿ
ಕೇಸರಿ – ಕೆಲವು ಎಸಳು
ಕತ್ತರಿಸಿದ ಪಿಸ್ತಾ – ಅಲಂಕಾರಕ್ಕೆ ಇದನ್ನೂ ಓದಿ: ಅತಿಥಿಗಳು ಬಂದಾಗ ಫಟಾಫಟ್ ಅವಲಕ್ಕಿ ಲಾಡು ಮಾಡಿ
ಮಾಡುವ ವಿಧಾನ:
* ಮೊದಲಿಗೆ ಒಂದು ಪಾತ್ರೆಯಲ್ಲಿ ಬಿಸಿ ನೀರನ್ನು ಹಾಕಿ, ಅದರಲ್ಲಿ ಪನೀರ್ ಅನ್ನು ಸುಮಾರು 10-15 ನಿಮಿಷಗಳ ವರೆಗೆ ಇರಿಸಿ. ಇದರಿಂದ ಪನೀರ್ ಮೃದುವಾಗುತ್ತದೆ.
* ಬಳಿಕ ಪನೀರ್ ಅನ್ನು ನೀರಿನಿಂದ ತೆಗೆದು, ನಿಮ್ಮ ಬೆರಳುಗಳಿಂದ ಪುಡಿ ಮಾಡಿ.
* ಈಗ ಪನೀರ್ ಅನ್ನು ಮಿಕ್ಸರ್ ಜಾರ್‌ಗೆ ವರ್ಗಾಯಿಸಿ, ಅದಕ್ಕೆ ಕುದಿಸಿ ಆರಿಸಿದ ಹಾಲು, ಕಂಡೆನ್ಸ್‌ಡ್ ಮಿಲ್ಕ್, ಕೇಸರಿ, ಏಲಕ್ಕಿ, ಸಕ್ಕರೆ ಹಾಗೂ ರೋಸ್ ಎಸೆನ್ಸ್ ಅನ್ನು ಸೇರಿಸಿ ರುಬ್ಬಿಕೊಳ್ಳಿ.
* ಈಗ ಕಡಿದ ಮಿಶ್ರಣವನ್ನು ಒಂದು ಪ್ಯಾನ್‌ಗೆ ಹಾಕಿ ಕುದಿಸಿ.
* ಉರಿಯನ್ನು ಮಧ್ಯಮದಲ್ಲಿಟ್ಟು ಕೈಯಾಡಿಸುತ್ತಾ ದಪ್ಪವಾಗುವವರೆಗೆ ಬೇಯಿಸಿ.
* ಮಿಶ್ರಣ ಪ್ಯಾನ್ ಅನ್ನು ಬಿಟ್ಟು ಮುದ್ದೆಯಂತಾದಾಗ ಉರಿಯನ್ನು ಆಫ್ ಮಾಡಿ, ತುಪ್ಪ ಸವರಿದ ತಟ್ಟೆಗೆ ವರ್ಗಾಯಿಸಿ.
* ಮಿಶ್ರಣ ಸ್ವಲ್ಪ ತಣ್ಣಗಾದ ಬಳಿಕ ಕೈಗಳಿಂದ ಚಿಕ್ಕ ಚಿಕ್ಕ ಉಂಡೆಗಳನ್ನು ತಯಾರಿಸಿ.
* ಪ್ರತಿ ಉಂಡೆಗಳಿಗೂ ಕತ್ತರಿಸಿದ ಪಿಸ್ತಾವನ್ನು ಇಟ್ಟು ಅಲಂಕರಿಸಿದರೆ ಮಲಾಯಿ ಲಡ್ಡು ತಯಾರಾಗುತ್ತದೆ.
* ಮಲಾಯಿ ಲಡ್ಡುಗಳನ್ನು ನೀವು ಬೇಕೆಂದರೆ 5-6 ದಿನಗಳ ವರೆಗೆ ಕೆಡದಂತೆ ಇಡಬಹುದು. ಇದನ್ನೂ ಓದಿ: ರುಚಿಯಾದ ರಾಗಿ ಪಾಯಸ ಮಾಡುವ ವಿಧಾನ
Live Tv
[brid partner=56869869 player=32851 video=960834 autoplay=true]
ಎಲ್ಲೇ ಹೋದರೂ ಕೈಗೆ ಸಿಗುವ ಹಣ್ಣುಗಳಲ್ಲೊಂದು ಆಪಲ್. ಫ್ರೂಟ್ ಸಲಾಡ್ ಮಾಡಲು ಹೆಚ್ಚಾಗಿ ಆಪಲ್‌ಗಳನ್ನು ಬಳಸಿರುತ್ತೇವೆ. ಆದರೆ ಆಪಲ್‌ನಿಂದಲೂ ಹಲ್ವಾ ಮಾಡಬಹುದು ಎಂಬುದು ಹೆಚ್ಚಿನವರಿಗೆ ತಿಳಿದಿರಲಿಕ್ಕಿಲ್ಲ. ಎಷ್ಟು ಕುತೂಹಲಕಾರಿ ರೆಸಿಪಿಯೋ ಅಷ್ಟೇ ಟೇಸ್ಟಿಯಾಗಿರುವ ಆಪಲ್ ಹಲ್ವಾವನ್ನು ನೀವು ಕೂಡಾ ಒಮ್ಮೆ ಟ್ರೈ ಮಾಡಿ ನೋಡಿ.
ಬೇಕಾಗುವ ಪದಾರ್ಥಗಳು:
* ಆಪಲ್ – 4
* ತುಪ್ಪ – 2 ಟೀಸ್ಪೂನ್
* ಗೋಡಂಬಿ – 8
* ಸಕ್ಕರೆ – 4 ಕಪ್
* ಕೇಸರಿ – 4 ಟೀಸ್ಪೂನ್
* ವೆನಿಲ್ಲಾ ಸಾರ – 1 ಟೀಸ್ಪೂನ್
* ದಾಲ್ಚಿನಿ ಪೌಡರ್ – 4 ಟೀಸ್ಪೂನ್
ಮಾಡುವ ವಿಧಾನ:
* ಮೊದಲಿಗೆ ಆಪಲ್‌ಗಳನ್ನು ಕತ್ತರಿಸಿಕೊಂಡು ನಂತರ ತುರಿಯಿರಿ. ಬೇಕೆಂದರೆ ಮೆದುವಾಗಿ ಪೇಸ್ಟ್ನಂತೆ ರುಬ್ಬಿಕೊಳ್ಳಬಹುದು.
* ದೊಡ್ಡ ಕಡಾಯಿಯಲ್ಲಿ ತುಪ್ಪ ಬಿಸಿ ಮಾಡಿ ಗೋಡಂಬಿಯನ್ನು ಹುರಿದುಕೊಳ್ಳಿ. ಗೋಲ್ಡನ್ ಬ್ರೌನ್ ಬಣ್ಣಕ್ಕೆ ತಿರುಗುತ್ತಿದ್ದಂತೆ ಗೋಡಂಬಿಯನ್ನು ಮಾತ್ರವೇ ತೆಗೆದು ಪಕ್ಕಕ್ಕೆ ಇರಿಸಿ.
* ಕಡಾಯಿಯಲ್ಲಿ ಉಳಿದ ತುಪ್ಪಕ್ಕೆ ತುರಿದ ಆಪಲ್‌ಅನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಅದರ ರಸ ಬಿಡುಗಡೆಯಾಗುವವರೆಗೂ ಕೈಯಾಡಿಸುತ್ತಿರಿ.
* ಆಪಲ್ ಮೃದುವಾದ ಬಳಿಕ ಅದಕ್ಕೆ ಸಕ್ಕರೆ, ಕೇಸರಿ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ಕೈ ಆಡಿಸಿ ಸಕ್ಕರೆಯನ್ನು ಕರಗಿಸಿ.
* ಮಿಶ್ರಣ ದಪ್ಪವಾದ ಬಳಿಕ ವೆನಿಲ್ಲಾ ಸಾರ, ದಾಲ್ಚಿನಿ ಪೌಡರ್ ಹಾಗೂ ಹುರಿದ ಗೋಡಂಬಿ ಸೇರಿಸಿ ಬೇಯಿಸಿ.
* ಆಪಲ್ ಹಲ್ವಾ ಇದೀಗ ತಯಾರಾಗಿದ್ದು, ಗೋಡಂಬಿಯಿಂದ ಅಲಂಕರಿಸಿ ಸವಿಯಿರಿ.
Live Tv
[brid partner=56869869 player=32851 video=960834 autoplay=true]
