– ಐ ಫೋನ್‍ನಲ್ಲಿ ಮಾತ್ರ ಸೆಲ್ಫಿ ಕ್ಲಿಕ್ಕಿಸಿ, ಇಲ್ಲವಾದ್ರೆ ಬೇಡ
– ಯುವತಿ ಬ್ಯೂಟಿ ಮೋಡ್ ಆನ್ ಮಾಡಿರಲಿಲ್ಲ
– ಮೆಟ್ರೋದಲ್ಲಿ ದೀಪಕ್ ಕಪಾಳಕ್ಕೆ ಬಾರಿಸಿದ ಯುವತಿ
ನವದೆಹಲಿ: ಬಾಲಿವುಡ್ ಡ್ರಾಮಾ ಕ್ವೀನ್ ರಾಖಿ ಸಾವಂತ್ ಮಾಜಿ ಪ್ರಿಯಕರ ದೀಪಕ್ ಕಲಾಲ್ ಗೆ ಯುವತಿಯೊಬ್ಬಳು ಕಪಾಳಕ್ಕೆ ಬಾರಿಸಿದ್ದಾರೆ. ದೆಹಲಿ ಮೆಟ್ರೋದಲ್ಲಿ ನಡೆದ ಗಲಾಟೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಯುವತಿ ಕಪಾಳಕ್ಕೆ ಬಾರಿಸಿರುವ ವಿಡಿಯೋವನ್ನು ದೀಪಕ್ ಕಲಾಲ್ ತಮ್ಮ ಇನ್‍ಸ್ಟಾಗ್ರಾಂನಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದಾರೆ. ವಿಡಿಯೋದಲ್ಲಿ ದೀಪಕ್ ಯುವತಿ ಮೇಲೆ ಕೂಗಾಡುತ್ತಿರೋದನ್ನು ಕಾಣಬಹುದು. ಇದರಿಂದ ಕೋಪಗೊಂಡ ಯುವತಿ ಮೆಟ್ರೋ ರೈಲಿನಲ್ಲಿ ಕಪಾಳಕ್ಕೆ ಬಾರಿಸಿದ್ದಾಳೆ.
https://www.instagram.com/p/B4urI86gHjr/
ನನಗೆ ನೀವು ಯಾರೆಂದು ಗೊತ್ತಿಲ್ಲ. ನನ್ನ ಅನುಮತಿ ಇಲ್ಲದೇ ನೀವು ಹೇಗೆ ಸೆಲ್ಫಿ ತೆಗೆದುಕೊಂಡಿರಿ. ಸೆಲ್ಪಿ ಕ್ಲಿಕ್ಕಿಸುವ ಮುನ್ನ ನನ್ನ ಅನುಮತಿಯನ್ನು ಪಡೆದುಕೊಳ್ಳಬೇಕಿತ್ತು. ನಾನೋರ್ವ ಸೆಲಿಬ್ರಿಟಿಯಾಗಿದ್ದು, ನನ್ನದೇ ಆದ ವೈಯಕ್ತಿಕ ಬದುಕು ಇದೆ ಎಂದು ಕೂಗಾಗಿಡಿದ್ದಾರೆ. ಮೆಟ್ರೋದಲ್ಲಿದವರು ಯಾರು ಈ ವ್ಯಕ್ತಿ ಎಂದು ಪ್ರಶ್ನೆ ಮಾಡಿದ್ದಾರೆ. ಕೂಡಲೇ ದೀಪಕ್ ತಾನು ಸೆಲೆಬ್ರಿಟಿ ಹೇಳಿಕೊಂಡು ಇಂಗ್ಲಿಷ್ ನಲ್ಲಿ ಮಾತು ಆರಂಭಿಸಿದ್ದಾರೆ. ಸಹ ಪ್ರಯಾಣಿಕರು ಇಂಗ್ಲಿಷ್ ನಲ್ಲಿ ಮಾತಾಡೋದನ್ನ ನಿಲ್ಲಿಸು ಎಂದು ಗದರಿದ್ದಾರೆ.
ಈ ಕುರಿತು ಇನ್‍ಸ್ಟಾಗ್ರಾಂನಲ್ಲಿ ವಿಡಿಯೋ ಅಪ್ಲೋಡ್ ಮಾಡಿಕೊಂಡು, ಯುವತಿ ವಿರುದ್ಧ ಕಾನೂನಾತ್ಮಕ ಹೋರಾಟ ನಡೆಸುತ್ತೇನೆ. ಹಾಗಾಗಿ ಅಭಿಮಾನಿಗಳು ನನಗೆ ಬೆಂಬಲ ನೀಡಬೇಕು. ನನ್ನ ಜೊತೆ ಸೆಲ್ಫಿ ತೆಗೆದುಕೊಳ್ಳಲು ಐ-ಫೋನ್ ಇದ್ದರೆ ಮಾತ್ರ ಅವಕಾಶ ನೀಡುತ್ತೇನೆ. ಎರಡು ಕಾಸಿನ ಕಿಮ್ಮತ್ತಿನ ದೆಹಲಿ ಯುವತಿ ಯಾವುದೇ 2 ಮೆಗಾ ಫಿಕ್ಸೆಲ್ ಕ್ಯಾಮೆರಾದಲ್ಲಿ ಬ್ಯೂಟಿ ಮೋಡ್ ಆನ್ ಮಾಡದೇ ಸೆಲ್ಫಿ ತೆಗೆದುಕೊಂಡಿದ್ದಾಳೆ. ಹಾಗಾಗಿ ನನಗೆ ನೋವಾಗಿದೆ ಎಂದು ದೀಪಕ್ ಹೇಳಿಕೊಂಡಿದ್ದಾರೆ.
https://www.instagram.com/p/B4zj6uZgbum/
ನಾನು ಮೆಟ್ರೋದಲ್ಲಿ ಮೊದಲ ಬಾರಿಗೆ ಪ್ರಯಾಣ ಮಾಡಿದ್ದೇನೆ. ಸಾಮಾನ್ಯ ಜನರ ಜೀವನವನ್ನು ಅರ್ಥಮಾಡಿಕೊಳ್ಳಲು ಮೆಟ್ರೋದಲ್ಲಿ ಪ್ರಯಾಣ ಬೆಳೆಸಿದೆ. ಆದ್ರೆ ಯುವತಿ ಬಂದು ಬ್ಯೂಸಿ ಮೋಡ್ ಆನ್ ಮಾಡದೇ ಸೆಲ್ಫಿ ಕ್ಲಿಕ್ಕಿಸಿಕೊಂಡು ಕಪಾಳಕ್ಕೆ ಹೊಡೆದಿದ್ದಾಳೆ. ದೆಹಲಿಯ ಐಷಾರಾಮಿ ಹೋಟೆಲಿನಲ್ಲಿ ಉಳಿದುಕೊಳ್ಳುವ ನನ್ನ ಅಂತಸ್ತು ನೋಡು ಎಂದು ದೀಪಕ್ ಜಂಬ ಕೊಚ್ಚಿಕೊಂಡಿದ್ದಾರೆ.
