ಬಿರಿಯಾನಿ ಎಲ್ಲೆಡೆ ಫೇಮಸ್. ಆದ್ರೆ ಒಂದೊಂದು ಪ್ರದೇಶದಲ್ಲಿ ಒಂದೊಂದು ರೀತಿಯಲ್ಲಿ ಬಿರಿಯಾನಿ ಮಾಡಲಾಗುತ್ತದೆ. ಅಲ್ಲಲ್ಲಿನ ರುಚಿಗೆ ಅನುಸಾರವಾಗಿ ಮಸಾಲೆಗಳನ್ನು ಹೊಂದಿಸಲಾಗುತ್ತದೆ. ನಾವಿಂದು ಕೊಚ್ಚಿದ ಚಿಕನ್ ಬಳಸಿ ಬಿರಿಯಾನಿ ಹೇಗೆ ಮಾಡ್ಬೋದು ಎಂಬುದನ್ನು ಹೇಳಿಕೊಡುತ್ತೇವೆ. ಸರಳ ಮತ್ತು ತುಂಬಾ ಟೇಸ್ಟಿಯಾದ ಈ ಬಿರಿಯಾನಿಯನ್ನು ಸವಿದವರು ವಾವ್ ಎನ್ನದೇ ಇರೋಕೆ ಆಗಲ್ಲ. ಚಿಕನ್ ಕೀಮಾ ಬಿರಿಯಾನಿ ಮಾಡೋದು ಹೇಗೆಂದು ನೋಡೋಣ.
ಬೇಕಾಗುವ ಪದಾರ್ಥಗಳು:
ಬಿರಿಯಾನಿ ಮಸಾಲೆ ತಯಾರಿಸಲು:
ಕಲ್ಪಸಿ (ಕಲ್ಲಿನ ಹೂವು) – 1 ಟೀಸ್ಪೂನ್
ಸ್ಟಾರ್ ಅನೀಸ್ – ಅರ್ಧ
ದಾಲ್ಚಿನ್ನಿ – ಅರ್ಧ ಇಂಚು
ಏಲಕ್ಕಿ – 3
ಲವಂಗ – 3
ಹಸಿರು ಮೆಣಸಿನಕಾಯಿ – 10
ಬೆಳ್ಳುಳ್ಳಿ – 15
ಶುಂಠಿ – ಅರ್ಧ ಇಂಚು
ನೀರು – ಅರ್ಧ ಕಪ್ (ರುಬ್ಬಲು)
ಇತರ ಪದಾರ್ಥಗಳು:
ಅಕ್ಕಿ – 2 ಕಪ್
ಕಡಲೆಕಾಯಿ ಎಣ್ಣೆ – ಕಾಲು ಕಪ್
ದಾಲ್ಚಿನ್ನಿ ಎಲೆ – 2
ಹೆಚ್ಚಿದ ಈರುಳ್ಳಿ – 1 ಕಪ್
ಉಪ್ಪು – 2 ಟೀಸ್ಪೂನ್
ಹೆಚ್ಚಿದ ಟೊಮೆಟೋ – 2
ಮೊಸರು – ಕಾಲು ಕಪ್
ಹೆಚ್ಚಿದ ಕೊತ್ತಂಬರಿ ಸೊಪ್ಪು – ಕಾಲು ಕಪ್
ಹೆಚ್ಚಿದ ಪುದೀನ ಸೊಪ್ಪು – ಕಾಲು
ಚಿಕನ್ ಕೀಮಾ – 500 ಗ್ರಾಂ
ನೀರು – 4 ಕಪ್
ನಿಂಬೆ ರಸ – ಅರ್ಧ ಇದನ್ನೂ ಓದಿ: ಈರುಳ್ಳಿ, ಟೊಮೆಟೋ ಯಾವ್ದೂ ಬೇಡ – ಹೀಗೆ ಮಾಡಿ ರುಚಿಕರ ಚಿಕನ್ ಫ್ರೈ
ಮಾಡುವ ವಿಧಾನ:
* ಮೊದಲಿಗೆ ಬಿರಿಯಾನಿ ಮಸಾಲೆ ಕೆಳಗೆ ನಮೂದಿಸಿದ ಎಲ್ಲಾ ಪದಾರ್ಥಗಳನ್ನು ಮಿಕ್ಸರ್ ಜಾರ್‌ಗೆ ಹಾಕಿ ನುಣ್ಣಗೆ ಪೇಸ್ಟ್ ಆಗಿ ರುಬ್ಬಿಕೊಳ್ಳಿ. ರುಬ್ಬುವಾಗ ನೀರು ಸೇರಿಸಿ ತುಂಬಾ ನುಣ್ಣಗೆ ರುಬ್ಬಿಕೊಳ್ಳಿ.
* ಅಕ್ಕಿಯನ್ನು ನೀರಿನಲ್ಲಿ ತೊಳೆದು ನೆನೆಸಿಡಿ.
* ಬಾಣಲೆಯಲ್ಲಿ ಎಣ್ಣೆಯನ್ನು ಬಿಸಿ ಮಾಡಿ ಮತ್ತು ದಾಲ್ಚಿನ್ನಿ ಎಲೆ ಸೇರಿಸಿ. ಈರುಳ್ಳಿಯನ್ನು ಸೇರಿಸಿ ಮೃದುವಾಗುವವರೆಗೆ ಹಾಗೂ ಕಂದು ಬಣ್ಣಕ್ಕೆ ಬರುವವರೆಗೆ ಹುರಿಯಿರಿ.
* ಮಸಾಲೆ ಪೇಸ್ಟ್ ಮತ್ತು ಉಪ್ಪು ಸೇರಿಸಿ, ಮಸಾಲೆ ಒಣಗುವವರೆಗೆ ಮತ್ತು ಎಣ್ಣೆ ಬೇರ್ಪಡುವವರೆಗೆ ಫ್ರೈ ಮಾಡಿ.
* ಟೊಮೆಟೋ ಸೇರಿಸಿ, ಬೆಂದು ರಸ ಬಿಡುವವರೆಗೆ ಹುರಿಯಿರಿ.
* ಬಳಿಕ ಮೊಸರು ಸೇರಿಸಿ 1-2 ನಿಮಿಷಗಳ ಕಾಲ ಫ್ರೈ ಮಾಡಿ.
* ಈಗ ಪುದೀನ ಮತ್ತು ಕೊತ್ತಂಬರಿ ಸೊಪ್ಪು ಸೇರಿಸಿ ಒಂದು ನಿಮಿಷ ಹುರಿಯಿರಿ.
* ಬಳಿಕ ಕೊಚ್ಚಿದ ಚಿಕನ್ ಸೇರಿಸಿ 1-2 ನಿಮಿಷ ಬೇಯಿಸಿ.
* ಈಗ ನೀರು ಸೇರಿಸಿ ಮಿಶ್ರಣವನ್ನು ಕುದಿಯಲು ಬಿಡಿ. ಕುದಿ ಬಂದ ನಂತರ ನೆನೆಸಿದ ಅಕ್ಕಿಯನ್ನು ಸೇರಿಸಿ ಚೆನ್ನಾಗಿ ಬೆರೆಸಿ.
* ಬಳಿಕ ನಿಂಬೆ ರಸ ಸೇರಿಸಿ, ಪ್ಯಾನ್ ಅನ್ನು ಮುಚ್ಚಿ ಮತ್ತು 3-4 ನಿಮಿಷ ಕಾಲ ಹೆಚ್ಚಿನ ಉರಿಯಲ್ಲಿ ಬೇಯಿಸಿ.
* ನಂತರ ಮುಚ್ಚಳವನ್ನು ತೆಗೆದು ಎಲ್ಲವನ್ನೂ ಒಮ್ಮೆ ಚೆನ್ನಾಗಿ ಮಿಶ್ರಣ ಮಾಡಿ.
* ಪ್ಯಾನ್ ಅನ್ನು ಮುಚ್ಚಿ ಮಧ್ಯಮ ಉರಿಯಲ್ಲಿ 10 ನಿಮಿಷಗಳ ಕಾಲ ಬೇಯಿಸಿ.
* ಮತ್ತೆ ಮಿಶ್ರಣ ಮಾಡಿ, ಮುಚ್ಚಿ ಮತ್ತು 1-2 ನಿಮಿಷ ಬೇಯಿಸಿ ಬಳಿಕ ಉರಿಯನ್ನು ಆಫ್ ಮಾಡಿ.
* ಈಗ ಬಿರಿಯಾನಿ ಮುಚ್ಚಳ ತೆಗೆಯದೇ 20 ನಿಮಿಷ ಹಾಗೇ ಬಿಡಿ. ಈ ವೇಳೆ ಬಿರಿಯಾನಿ ಹಬೆಯಲ್ಲಿ ಬೇಯುತ್ತದೆ.
* ಇದೀಗ ಚಿಕನ್ ಕೀಮಾ ಬಿರಿಯಾನಿ ತಯಾರಾಗಿದ್ದು, ಬಿಸಿಬಿಸಿಯಾಗಿ ಬಡಿಸಿ. ಇದನ್ನೂ ಓದಿ: ರಾಜಸ್ಥಾನಿ ಲಾಲ್ ಮಾಸ್ ಮಾಡೋದು ಹೇಗೆ?
Web Stories
[web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]
