Bloggers Unite

Tag: Cambodia

  • ಹಸು ಜೊತೆಗೆ ವಿವಾಹವಾದ ಮಹಿಳೆ

    ಹಸು ಜೊತೆಗೆ ವಿವಾಹವಾದ ಮಹಿಳೆ

    ಕಾಂಬೋಡಿಯಾ: ವೃದ್ಧೆಯೊಬ್ಬಳು ತನ್ನ ತೀರಿ ಹೋದ ಪತಿಯ ಎಲ್ಲಾ ಗುಣ ಲಕ್ಷಣಗಳು ಈ ಹಸುವಿನಲ್ಲಿ ಇದೆ ಎಂದು  ಅದರ ಜೊತೆಗೆ ವಿವಾಹವಾಗಿರುವುದು  ಸುದ್ದಿಯಾಗಿದೆ.

    ಕಾಂಬೋಡಿಯಾದ ಕ್ರಾತಿ ಪ್ರಾಂತ್ಯದಲ್ಲಿ ವಾಸಿಸುವ 74 ವರ್ಷದ ಖಿಮ್ ಹ್ಯಾಂಗ್ ಹೆಸರಿನ ವೃದ್ಧೆ ತೀರಿ ಹೋದ ತನ್ನ  ಪತಿಯ ಎಲ್ಲಾ ಗುಣಲಕ್ಷಣಗಳನ್ನು ಒಂದು ಹಸುವಿನಲ್ಲಿ ಕಂಡಿದ್ದಾಳೆ. ಆ ಹಸುವನ್ನು ಮದುವೆಯಾಗಿದ್ದಾಳೆ. ಈಕೆ ವಯೋವೃದ್ಧೆಯಾಗಿದ್ದು, ಮದುವೆಯಾಗಿರುವುದಕ್ಕೆ ಯಾವುದೇ ವೀಡಿಯೋ ಸಾಕ್ಷಿಗಳಿಲ್ಲ. ಆದರೆ ಗ್ರಾಮದ ಅನೇಕ ಜನರು ಮದುವೆಯನ್ನು ನೋಡಿದ್ದೇವೆ, ಮದುವೆಯಲ್ಲಿ ಭಾಗವಹಿಸಿದ್ದೇವೆ ಎಂದು ಹೇಳಿದ್ದಾರೆ. ಇದನ್ನೂ ಓದಿ: ನಡು ರಸ್ತೆಯಲ್ಲೇ ಶಿಶುವಿನ ತಲೆ ಕಂಡು ಭಯಭೀತರಾದ ಜನ

    ಮರುಜನ್ಮ ಪಡೆದು ತನ್ನ ಪತಿ ಹಸುವಿನ ರೂಪದಲ್ಲಿ ಮರಳಿದ್ದಾನೆ ಎಂದು ಮಹಿಳೆಗೆ ಹೇಗೆ ಅನಿಸಿತು ಎಂಬ ಪ್ರಶ್ನೆ ಉದ್ಭವಿಸುತ್ತದೆ? ಇದಕ್ಕೆ ಉತ್ತರವನ್ನು ನೋಡೋದಾದರೆ ಹಸು ಜನಿಸಿದಾಗ, ಮಹಿಳೆ ಅದರೊಂದಿಗೆ ಸಾಕಷ್ಟು ಸಮಯ ಕಳೆಯುತ್ತಿದ್ದಳು. ಆಗ ಹಸು ಆಕೆಯ ಕೈ ಮತ್ತು ಮುಖವನ್ನು ನೆಕ್ಕುತ್ತಿತ್ತು ಮತ್ತು ಅನೇಕ ಬಾರಿ ಮುಖಕ್ಕೆ ಮುತ್ತು ನೀಡುತ್ತಿತ್ತು. ತನ್ನ ಪತಿ ತನ್ನನ್ನು ಹೇಗೆ ಪ್ರೀತಿಸುತ್ತಿದ್ದನೋ ಅದೇ ರೀತಿ ಹಸು ತನ್ನನ್ನು ಪ್ರೀತಿಸುತ್ತದೆ ಎಂದು ಅಂದುಕೊಂಡು ಹಸುವನ್ನು ತನ್ನ ಗಂಡನಂತೆ ಪ್ರೀತಿಸುತ್ತಾಳೆ. ಇದನ್ನೂ ಓದಿ: ನಾಗರಹಾವಿನೊಂದಿಗೆ ಹುಡುಗಾಟವಾಡಿ ಮಸಣ ಸೇರಿದ ವೃದ್ಧ

    ಗಂಡನ ಕೋಣೆಯಲ್ಲಿ ಇಟ್ಟಿದ್ದ ದಿಂಬನ್ನು ಹಸುವಿಗೆ ಕೊಟ್ಟಿದ್ದಾಳೆ. ಅಷ್ಟೇ ಅಲ್ಲ ಆಕೆ ಹಸು ಒಟ್ಟಿಗೆ ವಾಸವಾಗಿದ್ದಾಳೆ. ಖಿಮ್ ಮಕ್ಕಳೂ ಈ ಹಸುವೇ ತಮ್ಮ ತಂದೆ ಎಂದು ನಂಬಿಕೊಂಡಿದ್ದಾರೆ. ಅವರು ಗೋವಿಗೆ ಸಾಕಷ್ಟು ಸೇವೆ ಸಲ್ಲಿಸುತ್ತಿದ್ದಾರೆ. ತನ್ನ ಮರಣದ ನಂತರ ಹಸುವನ್ನು ತಂದೆಯಂತೆ ಪ್ರೀತಿಸಬೇಕು, ಅದನ್ನು ಮಾರಾಟ ಮಾಡಬಾರದು, ಅದು ಮರಣ ಹೊಂದಿದರೆ ಅಂತ್ಯಕ್ರಿಯೆಯನ್ನು ಮಾಡಬೇಕು. ಚೆನ್ನಾಗಿ ಮೇವು ನೀಡಬೇಕು ಎಂದು ಖಿಮ್ ಆಣೆ ಪ್ರಮಾಣವನ್ನು ತನ್ನ ಮಕ್ಕಳಿಂದ  ಮಾಡಿಸಿಕೊಂಡಿದ್ದಾಳೆ ಎನ್ನಲಾಗಿದೆ.

  • ಗಮನಿಸಿ, ಬೈಕ್ ಸವಾರರು ನೀರಿನಲ್ಲಿ ಕೊಚ್ಚಿ ಹೋದ ವಿಡಿಯೋ ಕೊಡಗಿನದ್ದಲ್ಲ

    ಗಮನಿಸಿ, ಬೈಕ್ ಸವಾರರು ನೀರಿನಲ್ಲಿ ಕೊಚ್ಚಿ ಹೋದ ವಿಡಿಯೋ ಕೊಡಗಿನದ್ದಲ್ಲ

    ಬೆಂಗಳೂರು: “ಕೊಡಗು ಜಿಲ್ಲೆಯ ವಿರಾಜಪೇಟೆ ತಾಲೂಕಿನ ಕೊರಂಗಾಲದಲ್ಲಿ ಬೈಕ್ ಸವಾರರಿಬ್ಬರು ಮಣ್ಣಿನ ಸೇತುವೆಯೊಂದಿಗೆ ಕೊಚ್ಚಿ ಹೋಗಿದ್ದಾರೆ. ಸವಾರರ ಮಾಹಿತಿ ಲಭ್ಯವಾಗಿಲ್ಲ” ಎಂಬ ಸಾಲುಗಳೊಂದಿಗೆ ಒಂದು ವಿಡಿಯೋ ಸಾಮಾಜಿಕ ಜಾಲತಾಣ, ವಾಟ್ಸಪ್ ನಲ್ಲಿ ಹರಿದಾಡುತ್ತಿದೆ. ಆದರೆ ಈ ವಿಡಿಯೋ ಮಡಿಕೇರಿಗೆ ಸಂಬಂಧಿಸಿಲ್ಲ. ಇದೊಂದು ಸುಳ್ಳು ಸುದ್ದಿಯಾಗಿದ್ದು, ಈ ವಿಡಿಯೋ ಶೇರ್ ಮಾಡುವುದನ್ನು ನಿಲ್ಲಿಸಿ.

    ಸಾಮಾಜಿಕ ಜಾಲತಾಣ ಮಾತ್ರವಲ್ಲದೇ ಕೆಲ ಸುದ್ದಿ ಮಾಧ್ಯಮಗಳಲ್ಲಿ ಕೂಡ ಈ ವಿಡಿಯೋವನ್ನು ಪ್ರಸಾರ ಮಾಡಿದ್ದು ಕೊಡಗು ಜಿಲ್ಲೆಯ ಕೊರಂಗಾಲದಲ್ಲಿ ಘಟನೆ ನಡೆದಿದೆ ಎಂದು ತಿಳಿಸಲಾಗಿದೆ.

    ವಿಡಿಯೋ ಎಲ್ಲಿಯದ್ದು?
    ಸದ್ಯ ವೈರಲ್ ಆಗುತ್ತಿರುವ ಈ ವಿಡಿಯೋ ಕಾಂಬೋಡಿಯಾಗೆ ಸೇರಿದ್ದು, ದುರ್ಘಟನೆಯೊಂದರಲ್ಲಿ ಇಬ್ಬರು ಬೈಕ್ ಸವಾರರು ನೀರಿನಲ್ಲಿ ಕೊಚ್ಚಿ ಹೋಗಿದ್ದರು. ಈ ಬೈಕ್ ಸವಾರರು ಕಾಂಬೋಡಿಯಾದ ಸೈನ್ಯಕ್ಕೆ ಸೇರಿದವರು.

    ಸೈನಿಕರಾದ ಕಿನಾಕ್ ಡಾಲಿ ಮತ್ತು ಸಿಕ್ ವಾಂಡಿ ಎಂಬವರು ನದಿಗೆ ಅಡ್ಡಲಾಗಿ ಮಣ್ಣು ಮತ್ತು ಮರದಿಂದ ನಿರ್ಮಿಸಲಾಗಿದ್ದ ಸೇತುವೆಯನ್ನು ಬೈಕಿನಲ್ಲಿ ದಾಟುತ್ತಿದ್ದರು. ಈ ಸಂದರ್ಭದಲ್ಲಿ ಮಣ್ಣಿನ ಸೇತುವೆ ನೀರಿನ ರಭಸಕ್ಕೆ ಸಿಕ್ಕಿ ಕೊಚ್ಚಿ ಹೋಗಿತ್ತು. ಇಬ್ಬರು ಸೈನಿಕರು ಘಟನೆಯಲ್ಲಿ ನಾಪತ್ತೆಯಾಗಿದ್ದರು. ಈ ವಿಡಿಯೋವನ್ನು 2019 ಜುಲೈ 25 ರಂದು ಯೂಟ್ಯೂಬ್ ನಲ್ಲಿ ಅಪ್‍ಲೋಡ್ ಮಾಡಲಾಗಿದೆ. ಜುಲೈ 24 ರಂದು ಘಟನೆ ನಡೆದಿರುವುದಾಗಿ ಮಾಹಿತಿ ನೀಡಲಾಗಿದೆ.

    ಕರ್ನಾಟಕದ ಕರಾವಳಿ ಸೇರಿದಂತೆ ಕೊಡಗು, ದಕ್ಷಿಣ ಕನ್ನಡ ಜಿಲ್ಲೆಗಳಲ್ಲಿ ಭಾರೀ ಮಳೆಯಾಗುತ್ತಿದ್ದು, ಹಲವು ಪ್ರದೇಶದಲ್ಲಿ ಪ್ರವಾಹ ಪರಿಸ್ಥಿತಿ ಹಾಗೂ ಗುಡ್ಡ ಕುಸಿತ ಘಟನೆಗಳು ನಡೆದಿದೆ. ಪ್ರವಾಹದಲ್ಲಿ ಸಿಲುಕಿರುವ ಜನರನ್ನು ರಕ್ಷಣೆ ಮಾಡಿ ಸುರಕ್ಷಿತ ಸ್ಥಳಗಳಿಗೆ ಕರೆತರುವ ಕಾರ್ಯವನ್ನು ರಾಜ್ಯ ಆಯಾ ಜಿಲ್ಲಾಡಳಿತಗಳು ಎನ್‍ಡಿಆರ್ ಎಫ್ ಹಾಗೂ ಅಗ್ನಿಶಾಮಕ ದಳದ ಸಿಬ್ಬಂದಿಯೊಂದಿಗೆ ನಡೆಸುತ್ತಿವೆ.

    https://www.youtube.com/watch?v=S9z1OcVXNdg&feature=youtu.be

  • ಮಗನಿಗಾಗಿ ವಿಶೇಷ ಶಾಲಾ ಬ್ಯಾಗ್ ತಯಾರಿಸಿದ ಬಡ ರೈತ – ಫೋಟೋ ವೈರಲ್

    ಮಗನಿಗಾಗಿ ವಿಶೇಷ ಶಾಲಾ ಬ್ಯಾಗ್ ತಯಾರಿಸಿದ ಬಡ ರೈತ – ಫೋಟೋ ವೈರಲ್

    ನೋಮ್ ಪೆನ್: ಅದೆಷ್ಟೋ ಮಂದಿ ಮಕ್ಕಳು ಶಿಕ್ಷಣದಿಂದ ವಂಚಿತರಾಗಿದ್ದಾರೆ. ಬಡತನಕ್ಕೆ ತಮ್ಮ ನೂರಾರು ಕನಸುಗಳನ್ನು ಬಲಿಕೊಟ್ಟಿದ್ದಾರೆ. ಆದರೆ ಕಾಂಬೋಡಿಯಾದಲ್ಲಿ ರೈತರೊಬ್ಬರು ತಮ್ಮ ಮಗನ ಶಾಲಾ ಬ್ಯಾಗ್ ಖರೀದಿಸಲು ಹಣವಿಲ್ಲದೆ ತಾವೇ ಸ್ವತಃ ಒಂದು ಸುಂದರ ಬ್ಯಾಗ್ ತಯಾರಿಸಿ ಎಲ್ಲೆಡೆ ಸುದ್ದಿಯಾಗಿದ್ದಾರೆ.

    ಮಕ್ಕಳ ಉತ್ತಮ ಭವಿಷ್ಯಕ್ಕೆ ಅವರಿಗೆ ಶಿಕ್ಷಣ ಕೊಡಿಸುವ ಹೊಣೆ ಪೋಷಕರ ಮೇಲೆ ಇರುತ್ತದೆ. ಆದರೆ ಬಡತನ ಕೆಲವೊಮ್ಮೆ ಅದಕ್ಕೆ ಅಡ್ಡಿಯಾಗುತ್ತದೆ. ಆದ್ದರಿಂದ ಹಲವು ಮಕ್ಕಳು ಬಡತನದಿಂದ ತಮ್ಮ ಕನಸನ್ನು ಬಲಿಕೊಡಬೇಕಾಗುತ್ತದೆ. ಆದರೆ ಕಾಂಬೋಡಿಯಾದ ರೈತರೊಬ್ಬರು ಬಡತನವಿದ್ದರೂ ಮಗನಿಗೆ ಶಿಕ್ಷಣ ಕೊಡಿಸುತ್ತಿದ್ದಾರೆ. ಅಲ್ಲದೆ ಮಗನ ಓದಿಗೆ ಬೇಕಾದ ಅಗತ್ಯ ವಸ್ತುಗಳನ್ನು ಖರೀದಿಸುವಷ್ಟು ಹಣ ಅವರ ಬಳಿ ಇಲ್ಲ. ಆದರೆ ತಮ್ಮ ಮಗ ಶಿಕ್ಷಣ ಪಡೆಯುವುದು ಮುಖ್ಯವೆಂದು ಸ್ವತಃ ತಾವೇ ವಿಶೇಷವಾಗಿ ಬ್ಯಾಗ್ ತಯಾರಿಸಿ ಮಗನಿಗೆ ನೀಡಿದ್ದಾರೆ.

    ಈ ಬ್ಯಾಗ್ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ. ಹೌದು. ಅಂತ ವಿಶೇಷತೆ ಏನಿದೆಪ್ಪ ಈ ಬ್ಯಾಗ್‍ನಲ್ಲಿ ಎಂದು ಪ್ರಶ್ನೆಹುಟ್ಟುವುದು ಸಹಜ. ತಂದೆಯೊಬ್ಬರು ತನ್ನ ಮಗನಿಗೆ ಶಾಲಾ ಬ್ಯಾಗ್ ಕೊಡಿಸಲು ಆಗದಿದ್ದರೂ ಸ್ವತಃ ತಾವೇ ರಾಫೀಯಾ ಸ್ಟ್ರಿಂಗ್(ಪ್ಲಾಸ್ಟಿಕ್ ಹಗ್ಗ) ಬ್ಯಾಗ್ ತಯಾರಿಸಿದ್ದಾರೆ. ಬೇರೆ ಮಕ್ಕಳನ್ನು ನೋಡಿ ತನ್ನ ಬಳಿ ಬ್ಯಾಗ್ ಇಲ್ಲವೆಂದು ಮಗ ಬೇಸರಪಡಬಾರದು ಎಂದು ತಂದೆ ಈ ಉಪಾಯ ಮಾಡಿದ್ದಾರೆ. ಇವರು ವಾಸಿಸುವ ಪ್ರದೇಶದಲ್ಲಿ ಶಾಲಾ ಬ್ಯಾಗ್ ದುಬಾರಿಯಾಗಿತ್ತು. ಅಲ್ಲದೆ ಅಷ್ಟು ಹಣವನ್ನು ರೈತ ಬರಿಸಲು ಆಗುತ್ತಿರಲಿಲ್ಲ. ಹೀಗಾಗಿ ಬ್ಯಾಗ್‍ಗೆ ಖರ್ಚು ಮಾಡುವ ಹಣವನ್ನು ಉಳಿಸಲು ಪ್ಲಾಸ್ಟಿಕ್ ಹಗ್ಗವನ್ನು ಬಳಸಿ ಬ್ಯಾಗ್ ತಯಾರಿಸಿ ಎಲ್ಲರ ಮೆಚ್ಚುಗೆ ಪಡೆದಿದ್ದಾರೆ.

    ವಿದ್ಯಾರ್ಥಿ ವೈ.ಎನ್ ಕೆಂಗ್(5) ತನ್ನ ತಂದೆ ತಯಾರಿಸಿದ ಈ ಬ್ಯಾಗ್ ಧರಿಸಿ ಶಾಲೆಗೆ ಹೋಗಿದ್ದನು. ಈ ವೇಳೆ ಶಿಕ್ಷಕಿ ಬ್ಯಾಗ್ ನೋಡಿ ಎಲ್ಲಿ ಖರೀದಿಸಿದ್ದು ಎಂದು ಪ್ರಶ್ನಿಸಿದ್ದಾರೆ. ಆಗ ನನ್ನ ತಂದೆ ಈ ಬ್ಯಾಗ್ ತಯಾರಿಸಿದ್ದು ಎಂದನು. ಆದ ವಿದ್ಯಾರ್ಥಿಯ ಬಡತನ ಕಂಡು ಶಿಕ್ಷಕಿ ಈ ಬ್ಯಾಗ್ ಫೋಟೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾರೆ. ಬ್ಯಾಗ್ ಲುಕ್‍ಗೆ ನೆಟ್ಟಿಗರು ಫಿದಾ ಆಗಿದ್ದು, ತಂದೆ ಉಪಾಯವನ್ನು ಮೆಚ್ಚಿದ್ದಾರೆ. ಅಲ್ಲದೆ ಹಲವರು ಈ ಬದ ವಿದ್ಯಾರ್ಥಿಯ ಶಿಕ್ಷಣಕ್ಕೆ ನೆರವನ್ನು ನೀಡಲು ಮುಂದೆ ಬಂದಿದ್ದಾರೆ.

    https://www.facebook.com/alway.smile.758/posts/1380883075412376

    ವಿಶ್ವಸಂಸ್ಥೆಯ ವರದಿ ಪ್ರಕಾರ ಸುಮಾರು 60 ದಶಲಕ್ಷ ಮಕ್ಕಳು ಶಿಕ್ಷಣದಿಂದ ದೂರ ಉಳಿದಿದ್ದಾರೆ. ಅದರಲ್ಲಿ ಬಹುತೇಕ ಮಂದಿ ಬಡತನದ ಕಾರಣದಿಂದ ಚಿಕ್ಕ ವಯಸ್ಸಿನಲ್ಲಿಯೇ ಮನೆಯ ಜವಾಬ್ದಾರಿಯನ್ನು ವಹಿಸಿಕೊಂಡು ಜೀವನ ಸಾಗಿಸುತ್ತಿದ್ದಾರೆ. ಈ ಮಧ್ಯೆ ಈ ತಂದೆಯ ಉಪಾಯ ಎಲ್ಲರ ಮನ ಗೆದ್ದಿದ್ದು, ಸದ್ಯ ಈ ವಿಶೇಷ ಬ್ಯಾಗ್ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ.

  • ಹಾರರ್ ಸಿನಿಮಾ ಶೂಟಿಂಗ್ ವೇಳೆ ಸಹನಟಿಯ ಮೇಲೆ ದಾಳಿ ಮಾಡಿದ್ಳು ದೆವ್ವ ಪಾತ್ರಧಾರಿ ನಟಿ- ವಿಡಿಯೋ ವೈರಲ್

    ಹಾರರ್ ಸಿನಿಮಾ ಶೂಟಿಂಗ್ ವೇಳೆ ಸಹನಟಿಯ ಮೇಲೆ ದಾಳಿ ಮಾಡಿದ್ಳು ದೆವ್ವ ಪಾತ್ರಧಾರಿ ನಟಿ- ವಿಡಿಯೋ ವೈರಲ್

    ನೋಮ್ ಪೆನ್: ಸಿನಿಮಾ ಚಿತ್ರೀಕರಣದ ವೇಳೆ ದೆವ್ವದ ವೇಷ ಧರಿಸಿದ್ದ ನಟಿಯೊಬ್ಬಳು ತನ್ನ ಸಹನಟಿಯ ಮೇಲೆ ದಾಳಿ ಮಾಡಿ ಗಾಯಗೊಳಿಸಿದ್ದು, ಇದರ ವಿಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ.

    ಕಾಂಬೋಡಿಯಾದಲ್ಲಿ ಹಾರರ್ ಸಿನಿಮಾ ಚಿತ್ರೀಕರಣದ ವೇಳೆ ಈ ಘಟನೆ ನಡೆದಿದೆ. ದೆವ್ವದ ಪಾತ್ರ ನಿರ್ವಹಿಸುತ್ತಿದ್ದ ನಟಿ ಕಪ್ಪು ಸೀರೆಯುಟ್ಟಿದ್ದು, ವಿಕಾರವಾಗಿ ಮೇಕಪ್ ಮಾಡಲಾಗಿತ್ತು.

    ಸಿನಿಮಾ ಸೆಟ್‍ನಲ್ಲಿ ಇದ್ದಕ್ಕಿದ್ದಂತೆ ಆಕೆ ವಿಚಿತ್ರವಾಗಿ ವರ್ತಿಸಿದ್ದು, ತೆಳುವಾದ ವೈರ್‍ನಿಂದ ಬೇರೊಬ್ಬ ನಟಿಯ ಕತ್ತು ಬಿಗಿದಿದ್ದಾಳೆ. ದಾಳಿಗೊಳಗಾದ ನಟಿಗೆ ಕತ್ತಿನ ಭಾಗದಲ್ಲಿ ಗಾಯವಾಗಿದೆ.

    ವಿಡಿಯೋದಲ್ಲಿ ಚಿತ್ರತಂಡ ನಟಿಯ ಮೈಮೇಲೆ ದೆವ್ವ ಬಂದಿದೆ ಎಂಬಂತೆ ಬಿಂಬಿಸಿದ್ದು, ಆಕೆಯ ಜೊತೆ ಮಾತನಾಡಿ ನಟಿಯ ದೇಹವನ್ನು ಬಿಟ್ಟುಹೋಗುವಂತೆ ಕೇಳಿಕೊಳ್ತಿರೋದನ್ನ ಕಾಣಬಹುದು. ಘಟನೆಯ ಫೋಟೋ ಹಾಗೂ ವಿಡಿಯೋವನ್ನ ಫೇಸ್‍ಬುಕ್ ಬಳಕೆದಾರರಾದ ಖೋಮ್ ಸೊಖ್ಖಾಯ್‍ತಿಟ್ ಎಂಬವರು ಹಂಚಿಕೊಂಡಿದ್ದಾರೆ.

    ಹಲ್ಲೆಗೊಳಗಾದ ನಟಿ ಫೋನಿನಲ್ಲಿ ಮಾತನಾಡುತ್ತಾ ಅಳುತ್ತಿರೋದನ್ನ ಕಾಣಬಹುದು. ಘಟನೆಯಿಂದಾಗಿ ಆಕೆ ತುಂಬಾ ಭಯಭೀತಳಾಗಿದ್ದಳು ಎಂದು ವರದಿಯಾಗಿದೆ. ವಿಡಿಯೋ ನೋಡಿದವರು ಸಾಮಾಜಿಕ ಜಾಲತಾಣದಲ್ಲಿ ವಿವಿಧ ರೀತಿಯಲ್ಲಿ ಕಮೆಂಟ್ ಮಾಡಿದ್ದಾರೆ. ಕೆಲವರು ಈ ಬಗ್ಗೆ ತಮಾಷೆ ಮಾಡಿದ್ರೆ, ಇನ್ನೂ ಕೆಲವರು ಇದು ನಿಜಾನಾ ಅಂತ ಹುಬ್ಬೇರಿಸಿದ್ದಾರೆ.

    ಆದ್ರೆ ನಟಿ ಬೇಕಂತಲೇ ಹೀಗೆಲ್ಲಾ ಮಾಡಿದಳಾ? ಇದೆಲ್ಲಾ ಸಿನಿಮಾ ಪ್ರಮೋಷನ್‍ಗಾಗಿ ನಡೆದ ಗಿಮಿಕ್ಕಾ ಎಂಬ ಪ್ರಶ್ನೆಗಳು ಮೂಡಿವೆ.

    https://www.facebook.com/visalsak.ratanak/videos/pcb.1410207952441699/1410207595775068/?type=3&theater

  • ಫಸ್ಟ್ ನೈಟ್‍ನಲ್ಲೇ ಕುಡಿದು ಹೊರಗೆ ಮಲಗಿದ ವರ, ಪತಿಯಂತೆ ಬಂದು ಪಕ್ಕದಲ್ಲಿ ಮಲಗಿದ ನೆರೆಮನೆಯ ಹುಡುಗ- ಬೆಳಗ್ಗೆ ವಧುವಿಗೆ ಶಾಕ್

    ಫಸ್ಟ್ ನೈಟ್‍ನಲ್ಲೇ ಕುಡಿದು ಹೊರಗೆ ಮಲಗಿದ ವರ, ಪತಿಯಂತೆ ಬಂದು ಪಕ್ಕದಲ್ಲಿ ಮಲಗಿದ ನೆರೆಮನೆಯ ಹುಡುಗ- ಬೆಳಗ್ಗೆ ವಧುವಿಗೆ ಶಾಕ್

    ನೋಮ್ ಪೆನ್: ಮೊದಲ ರಾತ್ರಿಯಂದೇ ಕುಡಿದು ರೂಮಿನ ಹೊರಗಡೆ ವರ ಮಲಗಿಕೊಂಡಿದ್ದ. ಈ ವೇಳೆ ಪಕ್ಕದ ಮನೆಯ ಹುಡುಗ ಹೋಗಿ ವಧುವಿನ ಜೊತೆ ಲೈಂಗಿಕ ಕ್ರಿಯೆ ನಡೆಸಿರುವ ಘಟನೆ ಕಾಂಬೋಡಿಯಾದಲ್ಲಿ ನಡೆದಿದೆ.

    ಆರೋಪಿ 18 ವರ್ಷದ ಚೋಯೆನ್ ಚಾನ್ಸೆಂಗ್ ನನ್ನು ಪೊಲೀಸರು ಬಂಧಿಸಿದ್ದಾರೆ. ಮೂಲತಃ ಕಾಂಬೋಡಿಯಾದ ಸಂತ್ರಸ್ತೆ ಮದುವೆಯ ಮೊದಲ ರಾತ್ರಿಯಂದು ರೂಮಿಗೆ ಹೋಗಿದ್ದಾರೆ. ಆದರೆ ಪತಿ ಅಂದು ತುಂಬಾ ಕುಡಿದಿದ್ದರಿಂದ ಹೊರಗಡೆಯೇ ಒಂದು ಮೇಜಿನ ಮೇಲೆ ಮಲಗಿಕೊಂಡಿದ್ದಾನೆ. ಇದನ್ನು ನೋಡಿದ ಆರೋಪಿ ಯುವಕ ಪರಿಸ್ಥಿತಿಯ ಲಾಭ ಪಡೆದು ಪತಿಯಂತೆ ಹೋಗಿ ವಧುವಿನ ಜೊತೆ ಲೈಂಗಿಕ ಕ್ರಿಯೆ ನಡೆಸಿದ್ದಾನೆ.

    ಅದಾಗಲೇ ರೂಮಿನಲ್ಲಿ ಲೈಟ್ ಆಫ್ ಮಾಡಿದ್ದರಿಂದ ಆರೋಪಿ ವಧುವಿನ ಪತಿಯಂತೆ ಒಳಗೆ ಹೋಗಿದ್ದಾನೆ. 18 ವರ್ಷದವಳಾದ ವಧುವಿಗೆ ಅದು ಬೇರೆ ವ್ಯಕ್ತಿ ಎಂಬುದು ಗೊತ್ತಾಗಿಲ್ಲ. ಸಂತ್ರಸ್ತೆ ಆರೋಪಿಯನ್ನ ತನ್ನ ಪತಿ ಎಂದುಕೊಂಡಿದ್ದಳು. ಬಳಿಕ ಮುಂಜಾನೆ ಎದ್ದಾಗ ತನ್ನ ಪಕ್ಕದಲ್ಲಿ ಮಲಗಿರುವುದು ಬೇರೆ ಹುಡುಗ, ನನಗೆ ಮೋಸ ಮಾಡಿ ಲೈಂಗಿಕ ಕ್ರಿಯೆ ನಡೆಸಿದ್ದಾನೆ ಎಂದು ಗೊತ್ತಾಗಿ ಕೂಗಿಕೊಂಡಿದ್ದಾಳೆ.

    ಆರೋಪಿ ಚೋಯೆನ್ ಚಾನ್ಸೆಂಗ್ ತುಂಬಾ ದಿನದಿಂದ ಸಂತ್ರಸ್ತೆಯನ್ನು ಪ್ರೀತಿಸುತ್ತಿದ್ದನು. ಆದರೆ ಬಡ ಕುಟುಂಬದಿಂದ ಬಂದ ಕಾರಣ ಅವನು ಆಕೆಗೆ ಪ್ರೀತಿಯ ಬಗ್ಗೆ ಪ್ರಸ್ತಾಪಿಸಿರಲಿಲ್ಲ. ಬಳಿಕ ಮದುವೆಯ ದಿನ ಅವನು ದಂಪತಿಯ ಮೇಲೆ ಕಣ್ಣಿಟ್ಟಿದ್ದ. ವಧುವಿನ ಪಕ್ಕದಲ್ಲೇ ಆರೋಪಿಯ ಮನೆ ಇದ್ದುದ್ದರಿಂದ ಅವರ ಮೇಲೆ ಗಮನವಿರಿಸುವುದು ಸುಲಭವಾಗಿ ಈ ಕೃತ್ಯ ಎಸಗಿದ್ದಾಗಿ ಒಪ್ಪಿಕೊಂಡಿದ್ದಾನೆಂದು ಪೊಲೀಸರು ತಿಳಿಸಿದ್ದಾರೆ.

    ಆರೋಪಿ ವಿಚಾರಣೆ ವೇಳೆ ಸಂತ್ರಸ್ತೆ ಮೇಲೆ ಮೂರು ಬಾರಿ ಅತ್ಯಾಚಾರ ಮಾಡಿದ್ದೇನೆ ಎಂದು ಮೊದಲು ಹೇಳಿದ್ದಾನೆ. ನಂತರ ಒಂದು ಬಾರಿ ಅತ್ಯಾಚಾರ ಮಾಡಿದ್ದಾಗಿ ಹೇಳಿಕೆ ನೀಡಿದ್ದಾನೆ.

    ಪೊಲೀಸರು ಆರೋಪಿಯನ್ನು ಸದ್ಯ ಬಂಧಿಸಿದ್ದಾರೆ. ಆರೋಪಿಯ ಈ ಕೃತ್ಯ ಸಾಬೀತಾದ್ರೆ 10 ವರ್ಷಗಳ ಕಾಲ ಕಠಿಣ ಕಾರಾಗೃಹ ಶಿಕ್ಷೆ ವಿಧಿಸಲಾಗುತ್ತದೆ. ಅತ್ತ ವರನ ಕುಟುಂಬದವರು ವಧುವನ್ನು ಬೇಡ ಎಂದು ನಿರಾಕರಿಸಿದ್ದು, ಮದುವೆಯನ್ನು ಕ್ಯಾನ್ಸಲ್ ಮಾಡಬೇಕೆಂದು ಹೇಳಿದ್ದಾರೆ.