ನವದೆಹಲಿ: ಮಾರಣಾಂತಿಕ ಸ್ಟೀಲ್ ಕೋರ್ ಬುಲೆಟ್‍ಗಳಿಂದ ಯೋಧರನ್ನು ರಕ್ಷಿಸಲು ಭಾರತೀಯ ಸೇನೆಯು (Indian Army) ಮುಂಚೂಣ ಪಡೆಗಳಿಗಾಗಿ 47,627 ಬುಲೆಟ್‍ಪ್ರೂಫ್ ಜಾಕೆಟ್‍ಗಳಿಗಾಗಿ (Bulletproof Jackets) ಟೆಂಡರ್ ನೀಡಿದೆ.
ರಕ್ಷಣಾ ಸಚಿವಾಲಯವು ಮೇಕ್ ಇನ್ ಇಂಡಿಯಾ (Make in India) ಅಡಿಯಲ್ಲಿ ಜಾಕೆಟ್‍ಗಳಿಗೆ ಟೆಂಡರ್ ನೀಡಿದ್ದು, ಎಲ್ಲಾ ವಿಧಾನಗಳನ್ನು ಅಂತಿಮಗೊಳಿಸಿ, ಜಾಕೆಟ್ ಬಳಸಲು ಸೂಕ್ತವಾಗಿದೆಯೇ ಎಂದು ಪರಿಶೀಲನೆ ನಡೆಸಿದ ನಂತರ 12 ರಿಂದ 24 ತಿಂಗಳ ಅವಧಿಯೊಳಗೆ ಜಾಕೆಟ್ ತಯಾರಿಸಲಾಗುತ್ತದೆ ಎಂದು ಭಾರತೀಯ ರಕ್ಷಣಾ ಇಲಾಖೆ (Ministry of Defence) ತಿಳಿಸಿದೆ. ಇದನ್ನೂ ಓದಿ: ಮೋದಿಯಿಂದ ಏಷ್ಯಾದ ಮೊದಲ ಗಾರ್ಡನ್‌ ಟರ್ಮಿನಲ್‌ ಉದ್ಘಾಟನೆ – ವಿಶೇಷತೆ ಏನು?
7.62 ಎಂಎಂ ರಕ್ಷಾಕವಚ ಚುಪಾದ ರೈಫಲ್ ಮದ್ದುಗುಂಡುಗಳು ಮತ್ತು 10 ಮೀಟರ್ ದೂರದಿಂದ ವೇಗವಾಗಿ ಬರುವ ಉಕ್ಕಿನ ಕೋರ್ ಬುಲೆಟ್‍ಗಳಿಂದ ಸೈನಿಕನನ್ನು ರಕ್ಷಿಸಲು ಸಾಮಥ್ರ್ಯವನ್ನು ಈ ಜಾಕೆಟ್ ಹೊಂದಿರಲಿದೆ. ಈ ಜಾಕೆಟ್ ಸರಿಸುಮಾರು 10 ಕೆಜಿಗಿಂತ ಕಡಿಮೆ ಇರಲಿದೆ. ಇದನ್ನೂ ಓದಿ : ಯಾರಿಗೂ ಭಯಪಡಬೇಡಿ, ದೇಶದಲ್ಲಿ ಪ್ರೀತಿ, ಭ್ರಾತೃತ್ವವನ್ನು ಹರಡಿ – ಯುವ ಜನತೆಗೆ ರಾಹುಲ್ ಸಂದೇಶ
ಭಾರತದ ಸೇನೆ ಬುಲೆಟ್ ಪ್ರೂಫ್ ಜಾಕೆಟ್‍ಗಳ ಕೊರತೆ ಅನುಭವಿಸುತ್ತಿದೆ. ಹಲವು ವರ್ಷಗಳಿಂದ ಖರೀದಿಗೆ ಸಿದ್ಧತೆ ನಡೆಸುತ್ತಿದ್ದರೂ ಗುಣಮಟ್ಟದ ವಿಷಯದಿಂದಾಗಿ ಈ ಪ್ರಕ್ರಿಯೆ ತಡವಾಗುತ್ತಿತ್ತು. ಮುಂದಿನ ದಿನಗಳಲ್ಲಿ ಸೈನಿಕರಿಗೆ ಪೂರ್ಣ ದೇಹಕ್ಕೆ ರಕ್ಷಣೆ ನೀಡುವ ಬುಲೆಟ್ ಪ್ರೂಫ್ ಜಾಕೆಟ್ ತಯಾರಿಸಲು ಟೆಂಡರ್ ನೀಡುವ ಸಾಧ್ಯತೆಯಿದೆ.