Bloggers Unite

Tag: brazil

  • ಆಶ್ಚರ್ಯವಾದರೂ ಸತ್ಯ- ಮದುವೆ ಫಿಕ್ಸ್ ಆದ್ಮೇಲೆ ಕೈಕೊಟ್ಟ ಹುಡುಗಿ, ತನ್ನನ್ನು ತಾನೇ ವಿವಾಹವಾದ ಹುಡುಗ

    ಆಶ್ಚರ್ಯವಾದರೂ ಸತ್ಯ- ಮದುವೆ ಫಿಕ್ಸ್ ಆದ್ಮೇಲೆ ಕೈಕೊಟ್ಟ ಹುಡುಗಿ, ತನ್ನನ್ನು ತಾನೇ ವಿವಾಹವಾದ ಹುಡುಗ

    ಬ್ರೆಸಿಲಿಯಾ: ವಿವಾಹ ನಿಗದಿಯಾಗಿ ಎಲ್ಲ ರೀತಿಯ ಸಿದ್ಧತೆಗಳನ್ನು ಸಹ ಮಾಡಿಕೊಳ್ಳಲಾಗಿತ್ತು. ಆದರೆ ಕೆಲ ಎಡವಟ್ಟುಗಳಿಂದ ಸಂಬಂಧ ಕಡಿತವಾಗುತ್ತದೆ. ಇದರಿಂದ ತೀವ್ರ ಬೇಸರವಾದ ಹುಡುಗ ಕನ್ನಡಿಯ ಪ್ರತಿಬಿಂಬದೊಂದಿಗೆ ತನ್ನನ್ನು ತಾನೇ ವಿವಾಹವಾಗಿ ವಿಚಿತ್ರ ಖುಷಿಪಟ್ಟಿದ್ದಾರೆ. ಅಲ್ಲದೆ ಇಂದು ನಾನು ಬೇಸರದಿಂದ ಇರಬೇಕಾದ ದಿನ. ಆದರೆ ತುಂಬಾ ಖುಷಿಯಾಗಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ.

    ಬ್ರೆಜಿಲ್‍ನ ಇಟಾಕೆರ್ ನ ಬಾಹಿಯಾದಲ್ಲಿ ಘಟನೆ ನಡೆದಿದ್ದು, ವ್ಯಕ್ತಿ ತನ್ನನ್ನು ತಾನೇ ವಿವಾಹವಾಗಿರುವ ಫೋಟೋಗಳನ್ನು ಇನ್‍ಸ್ಟಾಗ್ರಾಮ್‍ನಲ್ಲಿ ಹಂಚಿಕೊಂಡಿದ್ದಾನೆ. ಈ ಫೋಟೋಗಳು ಇದೀಗ ಸಖತ್ ವೈರಲ್ ಆಗಿವೆ. ಡಿಯಾಗೋ ರಾಬೆಲೊ ಹಾಗೂ ಮಿಟರ್ ಬ್ಯಾನೊ ಕಳೆದ ನವೆಂಬರ್‍ನಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಬಳಿಕ ಈ ವರ್ಷ ಅಕ್ಟೋಬರ್‍ನಲ್ಲಿ ವಿವಾಹವಾಗಲು ದಿನಾಂಕವನ್ನೂ ನಿಗದಿ ಮಾಡಲಾಗಿತ್ತು. ಆದರೆ ಇಬ್ಬರ ಮಧ್ಯೆ ವಿಪರೀತ ಜಗಳವಾಗಿದ್ದರಿಂದ ವಿವಾಹ ಮುರಿದು ಬಿದ್ದಿತ್ತು.

     

    View this post on Instagram

     

    A mim, Eu acredito que tudo seja vaidade. Tudo é efêmero e só o desconhecido, que procuro conhecer, me traz a paz em saber que Ele é eterno, Deus. E o que me liga a Deus se não a manifestação do amor? Por isso eu me desapego para ir ao encontro do criador. Eu me desapego de uma ilusão de felicidade, onde 1 + 1 = 1. Eu me desapego da ostentação, eu me desapego do orgulho e eu me entrego à humildade. Eu tenho a mim o que Nietzche afirma sobre “alegria trágica”, como aquele que celebra a vida porque ela é frágil, finita e sem sentido, ou seja, ser feliz, perdoar, acreditar, amar é uma escolha, e a nossa vida é feita de nossas escolhas, simples. Mas, Diogo, se a vida é sem sentido, qual seria o sentido disso tudo? Viver é perder-se. É preciso ter coragem para descobrir seu sentido. É preciso beber da vida para saber seu gosto. É preciso entregar as fichas para alguém e ser traído para saber o valor das suas fichas. A gente cresce na experiência, e quando me perguntares por que tatuei “pain” em meu braço, é para lembrar de que a evolução, infelizmente, vem com dor e choro. Chega um momento em nossa vida que para continuarmos é necessário largar nossos hábitos, vícios, lembranças e traumas para poder seguir adiante. E este ato simbólico de casar comigo mesmo é o meu ponto mais alto de expressão ao meu amor próprio. Eu aprendi que tenho o meu valor e que eu não preciso ser amado por ninguém para me sentir bem. E vou além: eu não preciso mudar minha personalidade ou o meu jeitinho de ser para que alguém possa ficar comigo. Eu descobri o meu valor e eu amo quem eu sou, eu amo a minha história, de onde eu vim, pelo o que passei, e tenho foco aonde eu quero chegar. E para finalizar, eu afirmo o meu maior desejo: que eu nunca deixe de acreditar no amor. Que eu perca a razão, que eu perca a cabeça, mas que eu não perca o amor. “É preciso amar as pessoas como se não houvesse amanhã”, sim, hoje está sendo um dos dias mais felizes da minha vida, pois eu estou com as pessoas que mais amo nessa vida, celebrando o que poderia ser uma tragédia, mas fiz uma comédia ????

    A post shared by Dr Diogo Rabelo CRMSP 161208 (@drdiogorabelo) on

    ಇದರಿಂದ ಡಿಯಾಗೋ ವಿಚಲಿತನಾಗಿದ್ದ. ವಿವಾಹವನ್ನು ನಿಲ್ಲಿಸಲೂ ಆತನಿಗೆ ಮನಸ್ಸಿರಲಿಲ್ಲ. ಅಲ್ಲದೆ ಮಿಟರ್ ಳನ್ನು ಕರೆ ತರುವ ಪ್ರಯತ್ನವನ್ನು ಸಹ ಮಾಡಲಿಲ್ಲ. ಬದಲಿಗೆ ತನ್ನನ್ನು ತಾನೇ ವಿವಾಹವಾಗುವ ಮೂಲಕ ಅಚ್ಚರಿ ಮೂಡಿಸಿದ್ದಾನೆ. ಅಕ್ಟೋಬರ್ 16ರಂದು ಇಟಾಕೆರ್ ನ ಬಾಹಿಯಾದ ರೆಸಾರ್ಟ್‍ನಲ್ಲಿ ವಿವಾಹವಾಗಿದ್ದಾನೆ. ಅಲ್ಲದೆ ಈ ವಿವಾಹದಲ್ಲಿ 40ಕ್ಕೂ ಹೆಚ್ಚು ಸಂಬಂಧಿಕರು, ಸ್ನೇಹಿತರು ಆಗಮಿಸಿ ಡಿಯಾಗೋ ಜೊತೆ ಸಂಭ್ರಮಿಸಿದ್ದಾನೆ.

     

    View this post on Instagram

     

    Ao meu último amor: Nós sonhamos com este momento, era para ser o grande dia de nossas vidas. Até brincamos como se fosse o nosso “lugar secreto” (aquele lugar na praia, debaixo dos coqueiros), mas no meio do caminho você preferiu ficar e me deixar ir sozinho. Cá estou, honrando minha palavra. E mesmo assim eu ainda o respeito porque quero que você seja livre para ir aonde quiser e para ficar onde quiser. Como eu te amei! Amei muito e continuo te amando porque você é um cara incrível! E levo comigo todas as lembranças, tanto as boas quanto as pouquíssimas más, dos momentos em que estivemos juntos. Você foi um grande professor na minha vida. Com você aprendi o valor de uma pessoa. Você me mostrou o quanto sou especial e o quanto tenho de potencial para realizar meus sonhos, inclusive este: assumir o meu compromisso em me amar primeiro. Onde quer que você esteja, eu oro para que a felicidade esteja sempre contigo e a mão de Deus te carregue na mais profunda paz e segurança, que só Ele pode conceder. ????

    A post shared by Dr Diogo Rabelo CRMSP 161208 (@drdiogorabelo) on

    ಡಿಯಾಗೋ ಕನ್ನಡಿಯ ಮುಂದೆ ನಿಂತು ತನ್ನನ್ನು ತಾನೇ ವಿವಾಹವಾಗಿದ್ದು, ಈ ವೇಳೆ ಮಾತನಾಡಿದ್ದಾನೆ. ನಾನು ತಿಂಗಳುಗಳ ಕಾಲ ಪರಿಸ್ಥಿತಿಯನ್ನು ಅವಲೋಕಿಸಿದ್ದು, ನನ್ನನ್ನು ನಾನೇ ಪ್ರೋತ್ಸಾಹಿಸಿಕೊಂಡು ಹಾಗೂ ಪ್ರೀತಿಸಿಕೊಂಡು ವಿವಾಹ ಸಮಾರಂಭವನ್ನು ಏರ್ಪಡಿಸಿದ್ದೇನೆ. ಸುಮಾರು 40-50 ಜನ ಅತಿಥಿಗಳು ಭಾಗವಹಿಸಿದ್ದಾರೆ ಎಂದು ತಿಳಿಸಿದ್ದಾನೆ. ವಿವಾಹ ಸಮಾರಂಭದಲ್ಲಿ ಮಿಟರ್ ಸಂಬಂಧಿಕರು, ಸ್ನೇಹಿತರು ಭಾಗವಹಿಸಿರಲಿಲ್ಲ.

    ವಿವಾಹದ ಮೇಲೆ ನನ್ನ ಸಂತೋಷ ಅವಲಂಬಿತವಾಗಿಲ್ಲ. ಇತರರಂತೆ ನಾನೂ ಯಾವುದೇ ಹುಡುಗಿಯನ್ನು ವಿವಾಹವಾಗಿ, ಮಕ್ಕಳನ್ನೂ ಮಾಡಬಹುದಿತ್ತು ಆದರೆ ನನ್ನ ಸಂತೋಷ ಅದರ ಮೇಲೆ ಅವಲಂಬಿತವಾಗಿಲ್ಲ. ನಾನು ಈ ರೀತಿ ವಿವಾಹವಾಗಿ ಇತರರಿಗೆ ಸಂದೇಶ ರವಾನಿಸುತ್ತಿದ್ದೇನೆ. ನಾನೊಬ್ಬ ಸಂತ್ರಸ್ತನಾಗಿ ಈ ವಿವಾಹವಾಗುತ್ತಿಲ್ಲ. ವಿವಾಹವಾದರೆ ಮಾತ್ರ ಸಂತೋಷವಾಗಿರುತ್ತೇವೆ ಎಂದು ನಾನು ನಂಬಿಲ್ಲ. ನಾನು ಬೇರೆ ಯಾವ ಹುಡುಗಿಯನ್ನು ಬೇಕಾದರೂ ವಿವಾಹವಾಗಬಹುದಿತ್ತು. ಮಕ್ಕಳನ್ನು ಮಾಡಬಹುದಿತ್ತು. ಆದರೆ ನನ್ನ ಸಂತೋಷ ಅದರ ಮೇಲೆ ಅವಲಂಬಿತವಾಗಿಲ್ಲ ಎಂದು ಹೇಳಿದ್ದಾನೆ. ಈ ಮೂಲಕ ತನ್ನ ಸೋಲೋ ವಿವಾಹವನ್ನು ಸಮರ್ಥಿಸಿಕೊಂಡಿದ್ದಾನೆ.

     

    View this post on Instagram

     

    “Essa será uma cerimônia um tanto diferente do que nós estamos acostumados a presenciar. Geralmente se espera encontrar aqui na frente um par. E aqui você está. Por ocupar esse lugar nada convencional, alguns podem achar tudo isso estranho ou até mesmo questionar a necessidade. Mas outras pessoas, talvez por serem mais sensíveis, ou mesmo por curiosidade, aproveitam um momento como esse para refletir e pensar sobre nosso próprio percurso. Em muitas culturas humanas, a pessoa, o herói da sua própria estória, precisa de um momento para se encontrar. Para os espartanos era chamado agoge. Os aborígenes australianos adotaram o termo inglês: walkabout, que significa, literalmente, vagar sem rumo até o momento de uma revelação. Fazer uma jornada. Então, essa cerimônia é na verdade, uma forma de expressão de duas necessidades humanas: o auto-conhecimento e a comunhão. Quando conversei com sua avó e tias, Diogo, elas me disseram que uma vez que você disse uma frase para elas que as marcou muito. Numa viagem, a sua tia, Simone, te agradeceu pelos momentos que você havia proporcionada à família em uma viagem e você respondeu: “Tia, a felicidade só é real quando compartilhada”. A descrição dessa cena também me marcou. Porque essa frase que você disse, Diogo, foi citado num livro e filme que descrevem uma jornada solitária de um jovem em busca do auto- conhecimento. Ao se lançar no mundo, abandonando tudo pra entender o que seria de fato essencial ao ser humano, a conclusão que aquele jovem chega é essa: “A felicidade só é real quando compartilhada”. Sozinhos somos muito menos do que podemos ser. Precisamos das pessoas certas do nosso lado. E as pessoas certas não são aquelas que nos completam, a nossa outra metade. As pessoas certas são aquelas que nos amam tanto que nos permitem que nós nos amemos. Ao nosso lado, faz bem aquela pessoa saudável. Que sabe se cuidar, que se conhece, que não despeja em nós suas frustações, suas expectativas. É isso que estamos celebrando hoje: O seu amor-próprio. Seu caminho e aprendizado até aqui. Seu encontro consigo mesmo. Hoje vamos celebrar como todo casamento deveria começar: pela promessa de amar, cuidar e respeitar a si próprio”

    A post shared by Dr Diogo Rabelo CRMSP 161208 (@drdiogorabelo) on

  • ನನಗಾಗಿ ಕಾಯ್ತಿರು ಅಂತ ಹೋದ ಪ್ರೇಮಿ – ನಿಶ್ಚಿತಾರ್ಥ ಆದ ಕೆಲ ಕ್ಷಣಗಳಲ್ಲೇ ಯುವಕ ಸಾವು

    ನನಗಾಗಿ ಕಾಯ್ತಿರು ಅಂತ ಹೋದ ಪ್ರೇಮಿ – ನಿಶ್ಚಿತಾರ್ಥ ಆದ ಕೆಲ ಕ್ಷಣಗಳಲ್ಲೇ ಯುವಕ ಸಾವು

    – ಭಾವಿ ಪತ್ನಿಗೆ ಕಿಸ್ ಕೊಟ್ಟು ಹೋಗಿದ್ದ

    ಬ್ರೆಸಿಲಿಯಾ: ನಿಶ್ಚಿತಾರ್ಥವಾದ ಕೇವಲ ಐದು ನಿಮಿಷಗಳಲ್ಲೇ ಸ್ನೇಹಿತರೊಂದಿಗೆ ಈಜಲು ಹೋಗಿದ್ದ ಯುವಕ ಸಾವನ್ನಪ್ಪಿರುವ ಘಟನೆ ಬ್ರೆಜಿಲ್‍ನಲ್ಲಿ ನಡೆದಿದೆ.

    ಬ್ರೆಜಿಲ್‍ನ ಉದ್ಯಮಿ ಜೊವಾವೊ ಗಿಲ್ಹೆರ್ಮ್ ಟೊರೆಸ್ ಫಡಿನಿ (24) ಮೃತ ಯುವಕ. ಈ ಘಟನೆ ಕೆಲ ದಿನಗಳ ಹಿಂದೆ ನಡೆದಿದೆ. ಮೃತ ಫಡಿನಿ ಮತ್ತು ಭಾವಿ ಪತ್ನಿ ಲಾರಿಸ್ಸಾ ಕ್ಯಾಂಪೋಸ್ ಬ್ರೆಜಿಲ್‍ನ ಸೊರೊಕಬಾ ಪ್ರದೇಶದಲ್ಲಿರುವ ಪ್ರಖ್ಯಾತ ಇಟುಪರಾರಂಗ ಜಲಾಶಯದ ಬಳಿ ತಮ್ಮ ಸ್ನೇಹಿತರೊಂದಿಗೆ ನಿಶ್ಚಿತಾರ್ಥವನ್ನು ಆಚರಿಸಿಕೊಂಡಿದ್ದರು. ನಂತರ ಎಲ್ಲರೂ ನಿಶ್ಚಿತಾರ್ಥದ ಫೋಟೋ ಕ್ಲಿಕ್ಕಿಸಿಕೊಂಡಿದ್ದಾರೆ.

    ಫೋಟೋ ತೆಗೆದ ಕೆಲವೇ ಕ್ಷಣಗಳಲ್ಲಿ ಫಡಿನಿ ತನ್ನ ಸ್ನೇಹಿತರೊಂದಿಗೆ ಸ್ವಿಮ್ಮಿಂಗ್ ರೇಸ್‍ಗೆಂದು ಡ್ಯಾಮ್‍ಗೆ ಧುಮುಕಿದನು. ಆದರೆ ಸ್ವಿಮ್ ಮಾಡುತ್ತಲೇ ಫಡಿನಿ ನೀರಿನಲ್ಲಿ ಕಣ್ಮರೆಯಾಗಿದ್ದಾನೆ. ಫಡಿನಿ ಉತ್ತಮ ಈಜುಗಾರನಾಗಿದ್ದು, ಆತ ಜಲಾಶಯಕ್ಕೆ ಧುಮುಕುವ ಮೊದಲು ಭಾವಿ ಪತ್ನಿ ಲಾರಿಸ್ಸಾ ಹಣೆಗೆ ಮುತ್ತಿಟ್ಟಿದ್ದನು.

    ಫಡಿನಿ ಕಿಸ್ ಮಾಡಿದ ನಂತರ ತನ್ನ ಶರ್ಟ್ ಬಿಚ್ಚಿ ನಮ್ಮ ಸ್ನೇಹಿತರೊಂದಿಗೆ ನೀರಿಗೆ ಜಿಗಿದನು. ನಾನು ಬೇಗ ಬರುತ್ತೇನೆ ಕಾಯುತ್ತಿರು, ನಾನು ನಿನ್ನನ್ನು ತುಂಬಾ ಪ್ರೀತಿಸುತ್ತಿದ್ದೇನೆ ಎಂದು ಹೇಳಿ ಹೋಗಿದ್ದ. ಸ್ನೇಹಿತರು ಈ ತಡದಿಂದ ಮುಂದಿನ ದಡಕ್ಕೆ ಈಜು ಸ್ಪರ್ಧೆಯನ್ನು ಪ್ರಾರಂಭಿಸಿದರು. ಆದರೆ ಫಡಿನಿ ಇದ್ದಕ್ಕಿದ್ದಂತೆ ನೀರಿನ ಕೆಳಗೆ ಕಣ್ಮರೆಯಾದನು ಎಂದು ಲಾರಿಸ್ಸಾ ಹೇಳಿದ್ದಾಳೆ.

    ಕೂಡಲೇ ಸ್ನೇಹಿತರು ಆತನಿಗಾಗಿ ಹುಡುಕಾಡಿದರೂ ಎಲ್ಲೂ ಪತ್ತೆಯಾಗಿಲ್ಲ. ನಂತರ ತುರ್ತು ಸೇವೆಗಳು ಸ್ಥಳಕ್ಕೆ ಆಗಮಿಸಿದ್ದು, ಮುಳುಗು ತಜ್ಞರು ದೋಣಿಗಳೊಂದಿಗೆ ಹುಡುಕಾಡಿದರು. ಆದರೂ ಫಡಿನಿ ಎಲ್ಲೂ ಪತ್ತೆಯಾಗಿಲ್ಲ. ಕೊನೆಗೆ ಅಗ್ನಿಶಾಮಕ ಸಿಬ್ಬಂದಿ ಬಂದ ಸುಮಾರು ಒಂದೂವರೆ ಗಂಟೆಯ ನಂತರ ಅವನ ದೇಹವನ್ನು ಪತ್ತೆಯಾಗಿದೆ.

    ಈಗಾಗಲೇ ಮದುವೆ ದಿನಾಂಕ ನಿಗದಿಯಾಗಿತ್ತು. ಆದರೆ ನಿಶ್ಚಿತಾರ್ಥದಲ್ಲಿಯೇ ಈ ದುರಂತ ಸಂಭವಿಸಿದೆ. ನಾನು ಯೋಚಿಸುವುದು ಮತ್ತು ಕನಸು ಕಾಣುವುದು ಅವನ ಬಗ್ಗೆ ಮಾತ್ರ. ಈಗ ನಾವು ಒಟ್ಟಿಗೆ ಕಳೆದ ಸುಂದರ ಕ್ಷಣಗಳ ನೆನಪು ಮಾತ್ರ ಉಳಿದುಕೊಂಡಿದೆ ಎಂದು ಲಾರಿಸ್ಸಾ ಕಣ್ಣೀರು ಹಾಕಿದ್ದಾಳೆ.

  • ಬ್ರೆಜಿಲ್‍ನಲ್ಲಿ ರಾಷ್ಟ್ರ ಧ್ವಜಾರೋಹಣ ಮಾಡಿ ದೇಶ ಪ್ರೇಮ ಮೆರೆದ ಕನ್ನಡಿಗ

    ಬ್ರೆಜಿಲ್‍ನಲ್ಲಿ ರಾಷ್ಟ್ರ ಧ್ವಜಾರೋಹಣ ಮಾಡಿ ದೇಶ ಪ್ರೇಮ ಮೆರೆದ ಕನ್ನಡಿಗ

    ರಾಯಚೂರು: 74ನೇ ಸ್ವಾತಂತ್ರ್ಯೋತ್ಸವವನ್ನ ಭಾರತದಲ್ಲಿ ಮಾತ್ರವಲ್ಲ ದೇಶಪ್ರೇಮಿಗಳು ಬ್ರೆಜಿಲ್‍ನಲ್ಲೂ ಆಚರಿಸಿದ್ದಾರೆ.

    ಬ್ರೆಜಿಲ್‍ನ ಪರಾನಾ ರಾಜ್ಯದ ರಾಜಧಾನಿ ಕುರಿಟಿಬಾ ನಗರದಲ್ಲಿ ಕನ್ನಡಿಗ ರಾಯಚೂರಿನ ರಂಗರಾವ್ ದೇಸಾಯಿ ಕುಟುಂಬ ತಮ್ಮ ಮಗಳ ಶಾಲೆಯಲ್ಲಿ ಭಾರತದ ರಾಷ್ಟ್ರಧ್ವಜಾರೋಣ ಮಾಡಿ ದೇಶ ಭಕ್ತಿ ಮೆರೆದಿದ್ದಾರೆ. ಮಕ್ಕಳಾದ ಲಹರಿ ದೇಸಾಯಿ ,ರಘುಮಾನ್ಯ ಓದುವ ಕಾಲೇಜಿಯೋ ಪೊಸಿಟಿವೋ ಇಂಟರ್ ನ್ಯಾಷನಲ್ ಸ್ಕೂಲ್ ನಲ್ಲಿ ಧ್ವಜಾರೋಹಣ ಮಾಡಿದ್ದಾರೆ.

    ತಾಯಿ ಸುವರ್ಣ ದೇಸಾಯಿ, ಹೆಂಡತಿ ಅಶ್ವಿನಿ ದೇಸಾಯಿ ಹಾಗೂ ಮಕ್ಕಳ ಜೊತೆ ರಾಷ್ಟ್ರಗೀತೆಯನ್ನ ಹಾಡಿ ಶಾಲೆ ಸಿಬ್ಬಂದಿಗೂ ಭಾರತ ಸ್ವಾತಂತ್ರ್ಯ ದಿನಾಚರಣೆಯ ಮಹತ್ವ ತಿಳಿಸಿದ್ದಾರೆ. ಬಳಿಕ ಭಾರತದ ಮಹಾನ್ ಚೇತನರ ಹಾಗೂ ಸ್ವತಂತ್ರ್ಯಹೋರಾಟಗಾರರ ಪುಸ್ತಕಗಳನ್ನು ಸ್ವಾತಂತ್ರ್ಯದಿನದ ನಿಮಿತ್ತ, ಶಾಲೆಯ ನಿರ್ದೇಶಕರಿಗೆ, ಅವರ ಪರಿವಾರದವರಿಗೆ ಮತ್ತು ಶಾಲೆಯ ಸಿಬ್ಬಂದಿಗಳಿಗೆ ಉಡುಗೊರೆಯಾಗಿ ನೀಡಿದ್ದಾರೆ.

    ಎರಡು ವರ್ಷಗಳಿಂದ ಬ್ರೆಜಿಲ್‍ನಲ್ಲಿ ನೆಲೆಸಿರುವ ರಂಗರಾವ್ ದೇಸಾಯಿ ರಾಬರ್ಟ ಬಾಷ್ ಸಂಸ್ಥೆಯಲ್ಲಿ ಪ್ರಾಜೆಕ್ಟ್ ಲೀಡರ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಕಳೆದ ವರ್ಷ ಸಹ ಮಗಳ ಶಾಲೆಯಲ್ಲಿ ಆಡಳಿತ ಮಂಡಳಿ ಅನುಮತಿ ಪಡೆದು ಸ್ವಾತಂತ್ರ್ಯ ದಿನಾಚರಣೆಯನ್ನ ಆಚರಿಸಿದ್ದರು.

  • ಸೊಂಟ ನೋವು ಎಂದು ಬಂದವನಲ್ಲಿ 3 ಕಿಡ್ನಿ ಕಂಡು ದಂಗಾದ ವೈದ್ಯರು!

    ಸೊಂಟ ನೋವು ಎಂದು ಬಂದವನಲ್ಲಿ 3 ಕಿಡ್ನಿ ಕಂಡು ದಂಗಾದ ವೈದ್ಯರು!

    ಬ್ರೆಸಿಲಿಯಾ(ಬ್ರೆಜಿಲ್): ಸೊಂಟ ನೋವು ಹೆಚ್ಚಾಗಿ ಎಲ್ಲರಲ್ಲೂ ಕಂಡು ಬರುತ್ತದೆ. ಹಾಗೆಯೇ ವ್ಯಕ್ತಿಯೊಬ್ಬನಿಗೆ ವಿಪರೀತ ಸೊಂಟ ನೋವು ಕಾಣಿಸಿಕೊಂಡಿದ್ದು, ಚಿಕಿತ್ಸೆಗೆಗಾಗಿ ಆಸ್ಪತ್ರೆಗೆ ಬಂದಿದ್ದಾನೆ. ಈ ವೇಳೆ ಈತನನ್ನು ಪರೀಕ್ಷಿಸಿದ ಬ್ರೆಜಿಲ್ ವೈದ್ಯರೇ ಶಾಕ್ ಗೆ ಒಳಗಾಗಿದ್ದಾರೆ.

    ಹೌದು. ಸೊಂಟ ನೋವು ಎಂದು ಆಸ್ಪತ್ರೆಗೆ ಬಂದ 38 ವರ್ಷದ ರಿಮ್ ನನ್ನು ವೈದ್ಯರು ಪರೀಕ್ಷಿಸಿದ್ದು, ಸಿಟಿ ಸ್ಕ್ಯಾನ್ ಮಾಡಿಸಿದ್ದಾರೆ. ಈ ವೇಳೆ ಆತನ ಸೊಂಟದ ಡಿಸ್ಕ್ ಸ್ವಲ್ಪ ಜಾರಿರುವುದು ಕಂಡುಬಂದಿದೆ. ಆದರೆ ಇದು ಸಾಮಾನ್ಯವಾಗಿ ಎಲ್ಲರಲ್ಲೂ ಕಂಡುಬರುತ್ತದೆ. ಇದಕ್ಕಿಂತಲೂ ವೈದ್ಯರಿಗೆ ಅಚ್ಚರಿಸಿ ಮೂಡಿಸಿದ್ದು ಎಂದರೆ ವ್ಯಕ್ತಿಗೆ ಎರಡು ಕಿಡ್ನಿಯ ಬದಲು ಮೂರು ಕಿಡ್ನಿ ಇರುವುದು.

    ಸಾಮಾನ್ಯವಾಗಿ ಮನುಷ್ಯನಿಗೆ ಎರಡು ಕಿಡ್ನಿಗಳು ಇರುವುದು ಎಲ್ಲರಿಗೂ ತಿಳಿದಿರುವ ವಿಚಾರ. ಆದರೆ ಸೊಂಟ ನೋವು ಎಂದು ಬಂದಂತಹ ವ್ಯಕ್ತಿಗೆ ಎರಡು ಕಿಡ್ನಿಯ ಬದಲು ಮೂರು ಕಿಡ್ನಿಗಳಿರುವುದನ್ನು ನೋಡಿ ವೈದ್ಯರೇ ದಂಗಾಗಿದ್ದಾರೆ. ಒಂದು ಕಿಡ್ನಿ ಬಲಬದಿಯಲ್ಲಿದ್ದರೆ, ಮತ್ತೆರಡು ಕಿಡ್ನಿಗಳು ಸೊಂಟದಲ್ಲಿರುವುದು ಸ್ಕ್ಯಾನಿಂಗ್ ನಲ್ಲಿ ಕಂಡುಬಂದಿದೆ.

    ಮುಖ್ಯವಾದ ವಿಚಾರವೆಂದರೆ ವ್ಯಕ್ತಿಗೆ ಮೂತ್ರ ಪಿಂಡದ ಸಮಸ್ಯೆಯ ಯಾವುದೇ ಲಕ್ಷಣಗಳಿಲ್ಲ. ಅಲ್ಲದೆ ಆತನ ದೇಹದ ಇತರ ಅಂಗಗಳು ಸಾಮಾನ್ಯವಾಗಿ ಕಾರ್ಯನಿರ್ವಹಿಸುತ್ತಿವೆ ಎಂದು ದಿ ನ್ಯೂ ಇಂಗ್ಲೆಂಡ್ ಜರ್ನಲ್ ಆಫ್ ಮೆಡಿಸಿನ್(ಎನ್‍ಇಜೆಎಂ) ವರದಿಯಲ್ಲಿ ತಿಳಿಸಿದೆ.

    ಭ್ರೂಣದ ಬೆಳವಣಿಗೆಯ ಸಮಯದಲ್ಲಿ ಈ ಸ್ಥಿತಿ ಉದ್ಭವಿಸಿರಬಹುದು ಎಂದು ಶಂಕಿಸಲಾಗಿದೆ. ಒಟ್ಟಿನಲ್ಲಿ ಸೊಂಟದ ನೋವೆಂದು ಬಂದ ವ್ಯಕ್ತಿಗೆ ಯಾವುದೇ ರೀತಿಯ ವಿಶೇಷ ಚಿಕಿತ್ಸೆ ನೀಡಿಲ್ಲ. ಸದ್ಯ ಸೊಂಟ ನೋವಿಗೆ ಪೈನ್ ಕಿಲ್ಲರ್ ಅಷ್ಟೇ ನೀಡಲಾಗಿದೆ.

  • ಈ ಬಾರಿಯ ಗಣರಾಜ್ಯೋತ್ಸವಕ್ಕೆ ಬರ್ತಿದ್ದಾರೆ ಬ್ರೆಜಿಲ್ ಅಧ್ಯಕ್ಷ

    ಈ ಬಾರಿಯ ಗಣರಾಜ್ಯೋತ್ಸವಕ್ಕೆ ಬರ್ತಿದ್ದಾರೆ ಬ್ರೆಜಿಲ್ ಅಧ್ಯಕ್ಷ

    ನವದೆಹಲಿ: ಪ್ರತಿ ಬಾರಿಯೂ ಗಣರಾಜ್ಯೋತ್ಸವಕ್ಕೆ ಆಹ್ವಾನಿಸುವ ವಿಶೇಷ ಅತಿಥಿಯ ಕುರಿತು ಕುತೂಹಲವಿರುತ್ತದೆ. ಈ ಬಾರಿ ವಿಶೇಷ ಅತಿಥಿಯನ್ನು ಈಗಾಗಲೇ ಆಹ್ವಾನಿಸಲಾಗಿದ್ದು, ಪ್ರಧಾನಿ ನರೇಂದ್ರ ಮೋದಿಯವರ ಆಹ್ವಾನವನ್ನು ಅವರು ಸಹ ಸ್ವೀಕರಿಸಿ ಆಗಮಿಸಲು ಒಪ್ಪಿಗೆ ನೀಡಿದ್ದಾರೆ.

    ಈ ಬಾರಿಯ ಗಣರಾಜ್ಯೋತ್ಸವಕ್ಕೆ ಮುಖ್ಯ ಅತಿಥಿಯಾಗಿ ಬ್ರೆಜಿಲ್ ಅಧ್ಯಕ್ಷ ಜೈರ್ ಬೋಲ್ಸನಾರೊ ಆಗಮಿಸಲಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿಯವರು ನೀಡಿದ್ದ ಆಹ್ವಾನವನ್ನು ಬ್ರೆಜಿಲ್ ಅಧ್ಯಕ್ಷ ಬುಧವಾರ ಸ್ವೀಕರಿಸಿದ್ದು, ಈ ಮೂಲಕ ಗಣರಾಜ್ಯೋತ್ಸವದ ಕಾರ್ಯಕ್ರಮದಲ್ಲಿ ಭಾಗವಹಿಸುವುದು ಪಕ್ಕಾ ಆಗಿದೆ.

    ಬ್ರೆಜಿಲ್ ಅಧ್ಯಕ್ಷರೇ ಏಕೆ?
    ಭಯೋತ್ಪಾದನೆ ನಿಗ್ರಹಕ್ಕೆ ಸಹಕಾರ ನೀಡುವುದಕ್ಕಾಗಿ ಯಾಂತ್ರಿಕ ವ್ಯವಸ್ಥೆ ನಿರ್ಮಿಸುವ ಹಾಗೂ ವಿಶ್ವದ ಐದು ಪ್ರಮುಖ ಆರ್ಥಿಕತೆಯೊಂದಿಗೆ ಭಾರತದ ಸಂಬಂಧವನ್ನು ಬಲಪಡಿಸುವ 11ನೇ ಬ್ರಿಕ್ಸ್ ಶೃಂಗಸಭೆಯಲ್ಲಿ ಪ್ರಧಾನಿ ಮೋದಿ ಬ್ರೆಜಿಲ್ ಅಧ್ಯಕ್ಷರನ್ನು ಭೇಟಿಯಾಗಿದ್ದರು. ಇದನ್ನು ಹೊರತಾಗಿಯೂ ಸಭೆಯ ಸಂದರ್ಭದಲ್ಲಿ ಸಮಯ ಸಿಕ್ಕಾಗಲೆಲ್ಲ ಪ್ರಧಾನಿ ಮೋದಿ ಬೋಲ್ಸನಾರೊ ಅವರನ್ನು ಭೇಟಿಯಾಗಿದ್ದರು. ಈ ಮೂಲಕ ಉಭಯ ರಾಷ್ಟ್ರಗಳ ಕುರಿತು ಮಾತುಕತೆ ನಡೆಸಿದ್ದರು. ಈ ವೇಳೆ ಸಾರ್ವಜನಿಕರ ಹಿತದೃಷ್ಟಿಯಿಂದ ಭಯೋತ್ಪಾದನೆ ನಿಗ್ರಹಕ್ಕೆ ನಮಗೆ ಸಹಕಾರ ನೀಡಿ ಎಂದು ಮೋದಿ ಮನವಿ ಮಾಡಿದ್ದರು. ಅಲ್ಲದೆ ಎರಡೂ ದೇಶಗಳ ನಡುವಿನ ದ್ವಿಪಕ್ಷೀಯ ಸಂಬಂಧವನ್ನು ವೃದ್ಧಿಸಲು ಪರಸ್ಪರ ಮಾತುಕತೆ ನಡೆಸಿದ್ದರು.

    ಇದರ ಭಾಗವಾಗಿ ಪ್ರಧಾನಿ ನರೇಂದ್ರ ಮೋದಿಯವರು ಇದೀಗ ಗಣರಾಜ್ಯೋತ್ಸವಕ್ಕೆ ಬೋಲ್ಸೊನಾರೊ ಅವರನ್ನು ಆಹ್ವಾನಿಸುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ. ಬ್ರೆಜಿಲ್ ಅಧ್ಯಕ್ಷರು ಸಹ ಅಷ್ಟೇ ಪ್ರೀತಿಯಿಂದ ಭಾರತದ ಆಹ್ವಾನವನ್ನು ಸ್ವೀಕರಿಸಿದ್ದಾರೆ ಎಂದು ಅಧಿಕೃತ ಹೇಳಿಕೆಯಿಂದ ತಿಳಿದು ಬಂದಿದೆ.

    ಈ ಸಂದರ್ಭದಲ್ಲಿ ಉಭಯ ದೇಶಗಳ ಕಾರ್ಯತಂತ್ರದ ಸಹಭಾಗಿತ್ವವನ್ನು ಹೆಚ್ಚಿಸುತ್ತಿವೆ. ಈ ಸಮಾರಂಭಕ್ಕೆ ಇಬ್ಬರು ನಾಯಕರು ಸಹ ಒಪ್ಪಿಗೆ ಸೂಚಿಸಿದ್ದಾರೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.

    ವ್ಯಾಪಾರಕ್ಕೆ ಸಂಬಂಧಿಸಿದ ವಿಷಯಗಳ ಕುರಿತು ಚರ್ಚಿಸಲು ಎದುರು ನೋಡುತ್ತಿದ್ದೇನೆ. ಕೃಷಿ ಉಪಕರಣಗಳು, ಪಶುಸಂಗೋಪನೆ, ಸುಗ್ಗಿಯ ನಂತರದ ತಂತ್ರಜ್ಞಾನಗಳು ಸೇರಿದಂತೆ ಬ್ರೆಜಿಲ್‍ನಿಂದ ಹೂಡಿಕೆ ಮಾಡಲು ಸಾಧ್ಯವಿರುವ ಪ್ರದೇಶಗಳ ಬಗ್ಗೆ ಪ್ರಧಾನಿ ಮೋದಿ ವಿವರಿಸಿದ್ದಾರೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.

    ಬ್ರೆಜಿಲ್ ಅಧ್ಯಕ್ಷರು ತಮ್ಮ ಸನ್ನದ್ಧತೆಯನ್ನು ವ್ಯಕ್ತಪಡಿಸಿದ್ದು, ಭಾರತಕ್ಕೆ ದೊಡ್ಡ ವ್ಯಾಪಾರ ನಿಯೋಗವೊಂದು ಬರಲಿದೆ ಎಂದು ಪ್ರಧಾನಿ ನರೇಂದ್ರ ಮೋದಿಯವರಿಗೆ ತಿಳಿಸಿದ್ದಾರೆ. ಉಭಯ ನಾಯಕರು ಬಾಹ್ಯಾಕಾಶ ಮತ್ತು ರಕ್ಷಣಾ ಕ್ಷೇತ್ರಗಳು ಸೇರಿದಂತೆ ಸಹಕಾರ ಹಾಗೂ ಇತರೆ ಕ್ಷೇತ್ರಗಳ ಬಗ್ಗೆಯೂ ಚರ್ಚಿಸಿದ್ದಾರೆ ಎಂದು ಹೇಳಿಕೆಯಲ್ಲಿ ಉಲ್ಲೇಖವಾಗಿದೆ. ಅಲ್ಲದೆ ಭಾರತೀಯ ನಾಗರಿಕರಿಗೆ ವೀಸಾ ರಹಿತ ಪ್ರಯಾಣಕ್ಕೆ ಅವಕಾಶ ನೀಡಿರುವ ಅಧ್ಯಕ್ಷರ ನಿರ್ಧಾರವನ್ನು ಪ್ರಧಾನಿ ಮೋದಿ ಸ್ವಾಗತಿಸಿದ್ದಾರೆ.

  • ಕಳ್ಳತನಕ್ಕೆ ಬಂದು ವೃದ್ಧೆಯ ಹಣ ಪಡೆಯದೆ ತಲೆಗೆ ಮುತ್ತಿಟ್ಟ

    ಕಳ್ಳತನಕ್ಕೆ ಬಂದು ವೃದ್ಧೆಯ ಹಣ ಪಡೆಯದೆ ತಲೆಗೆ ಮುತ್ತಿಟ್ಟ

    ಬ್ರೆಸಿಲಿಯಾ: ಕಳ್ಳತನಕ್ಕೆ ಎಂದು ಔಷಧಿ ಅಂಗಡಿಯೊಂದಕ್ಕೆ ನುಗ್ಗಿದ ಕಳ್ಳರು ಗ್ರಾಹಕಿ ವೃದ್ಧೆಯ ಬಳಿ ಹಣ ಪಡೆಯದೆ ಆಕೆಯ ತಲೆಗೆ ಮುತ್ತಿಟ್ಟು ಹೋಗಿರುವ ಘಟನೆ ಈಶಾನ್ಯ ಬ್ರೆಜಿಲ್‍ನಲ್ಲಿ ನಡೆದಿದೆ.

    ಕಳ್ಳತನ ಮಾಡಲು ಈಶಾನ್ಯ ಬ್ರೆಜಿಲ್‍ನಲ್ಲಿ ಇರುವ ಔಷಧಿ ಅಂಗಡಿಗೆ ಇಬ್ಬರು ಕಳ್ಳರು ನುಗ್ಗಿದ್ದಾರೆ. ಈ ವೇಳೆ ಅಂಗಡಿಯಲ್ಲಿ ಶಾಪ್ ಮಾಲೀಕ ಮತ್ತು ಕೆಲಸಗಾರ ಜೊತೆಗೆ ಅಂಗಡಿಗೆ ಬಂದಿದ್ದ ವೃದ್ಧೆಯೂ ಕೂಡ ಇರುತ್ತಾರೆ. ಈ ವೇಳೆ ಅಂಗಡಿಯನ್ನು ದೋಚಿದ ಕಳ್ಳರು ವೃದ್ಧೆಯೊಬ್ಬರು ತಾವೇ ತಮ್ಮ ಬಳಿ ಇದ್ದ ಹಣ ನೀಡಲು ಹೋದರೆ ಪಡೆಯದೇ ತಲೆಗೆ ಮುತ್ತು ಕೊಟ್ಟು ಹೋಗಿದ್ದಾರೆ.

    ಕಳ್ಳತನ ನಡೆದಿರುವ ದೃಶ್ಯ ಅಂಗಡಿಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಈ ವಿಡಿಯೋದಲ್ಲಿ, ಗನ್ ಹಿಡಿದು ಅಂಗಡಿಯೊಳಗೆ ಬಂದ ಇಬ್ಬರು ಕಳ್ಳರು ಅಂಗಡಿ ಮಾಲೀಕ ಮತ್ತು ಕೆಲಸಗಾರನ್ನು ಹೆದರಿಸಿ ಕ್ಯಾಶ್ ಬೋರ್ಡಿನಲ್ಲಿದ್ದ ಹಣವನ್ನು ದೋಚಿಕೊಳ್ಳುತ್ತಿರುತ್ತಾರೆ. ಈ ವೇಳೆ ಸ್ಥಳದಲ್ಲಿದ್ದ ವೃದ್ಧೆಯೊಬ್ಬರು ತಮ್ಮ ಬಳಿ ಇದ್ದ ಹಣವನ್ನು ಕಳ್ಳನಿಗೆ ನೀಡಲು ಹೋಗುತ್ತಾರೆ. ಆಗ ಕಳ್ಳ ಹಣವನ್ನು ಪಡೆಯದೇ ವೃದ್ಧೆಯ ತಲೆಗೆ ಮುತ್ತಿಟ್ಟು ಮುಂದೆ ಹೋಗುತ್ತಾನೆ.

    ಈ ವಿಚಾರದ ಬಗ್ಗೆ ಮಾತನಾಡಿರುವ ಅಂಗಡಿಯ ಮಾಲೀಕ ಸ್ಯಾಮ್ಯುಯೆಲ್ ಅಲ್ಮೀಡಿಯಾ, ಸಂಜೆ ಸುಮಾರು 5 ಗಂಟೆಗೆ ಇಬ್ಬರು ಕಳ್ಳರು ನಮ್ಮ ಅಂಗಡಿಗೆ ನುಗ್ಗಿದರು. ಆಗ ಅಂಗಡಿಯೊಳಗೆ ನಾನು ನಮ್ಮ ಅಂಗಗಡಿಯ ಕೆಲಸಗಾರ ಮತ್ತು ವೃದ್ಧ ಮಹಿಳೆ ಸೇರಿ ಮೂವರು ಇದ್ದೇವು. ತಕ್ಷಣ ಒಳ ಬಂದ ಇಬ್ಬರು ಯುವಕರು ನಿಮ್ಮ ಅಂಗಡಿಯಲ್ಲಿರುವ ಹಣವನ್ನು ಕೊಡಲು ಹೇಳಿದರು.

    ಈ ವೇಳೆ ಒಬ್ಬ ಒಳಗೆ ಬಂದು ಹಣವನ್ನು ತುಂಬಿಕೊಳ್ಳುತ್ತಿದ್ದ ಮತ್ತು ಇನ್ನೊಬ್ಬ ಹೊರಗೆ ನಿಂತಿದ್ದ. ಆಗ ನಮ್ಮ ಅಂಗಡಿಯಲ್ಲಿದ್ದ ವೃದ್ಧ ಮಹಿಳೆ ಕಳ್ಳನಿಗೆ ತಮ್ಮ ಬಳಿ ಇದ್ದ ಹಣವನ್ನು ಕೊಡಲು ಹೋದರು ಆಗ ಆತ ‘ಇಲ್ಲ ಅಮ್ಮ ನಿಮ್ಮ ಹಣ ನಮಗೆ ಬೇಡ ನೀವು ಸುಮ್ಮನೆ ಇರಬಹುದು ನಾವು ನಿಮಗೆ ಏನೂ ಮಾಡುವುದಿಲ್ಲ’ ಎಂದು ಹೇಳಿ ತಲೆಗೆ ಮುತ್ತಿಟ್ಟು ನಮ್ಮ ಅಂಗಡಿಯಲ್ಲಿದ್ದ 71 ಸಾವಿರ ಹಣವನ್ನು ದೋಚಿಕೊಂಡು ಹೋದರು ಎಂದು ಹೇಳಿದ್ದಾರೆ.

    ಕಳ್ಳ ವೃದ್ಧೆಯ ತಲೆಗೆ ಮುತ್ತಿಟ್ಟ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದ್ದು, ಈ ವಿಡಿಯೋವನ್ನು ಆಧಾರವಾಗಿ ಇಟ್ಟಿಕೊಂಡು ಬ್ರೆಜಿಲ್ ಪೊಲೀಸರು ಕಳ್ಳರನ್ನು ಬಂಧಿಸಲು ಪ್ರಯತ್ನಿಸುತ್ತಿದ್ದಾರೆ. ಆದರೆ ಇಲ್ಲಿಯವರೆಗೂ ಯಾವುದೇ ಶಂಕಿತನನ್ನು ಬಂಧಿಸಿಲ್ಲ.

  • ಅಮೆಜಾನ್ ಕಾಡ್ಗಿಚ್ಚು ತಣಿಸಲು ಜಿ7 ದೇಶಗಳ ನೆರವನ್ನು ತಿರಸ್ಕರಿದ ಬ್ರೆಜಿಲ್

    ಅಮೆಜಾನ್ ಕಾಡ್ಗಿಚ್ಚು ತಣಿಸಲು ಜಿ7 ದೇಶಗಳ ನೆರವನ್ನು ತಿರಸ್ಕರಿದ ಬ್ರೆಜಿಲ್

    ಬ್ರೆಜಿಲಿಯಾ: ಕಾಡ್ಗಿಚ್ಚಿಗೆ ಹೊತ್ತಿ ಉರಿಯುತ್ತಿರುವ ಅಮೆಜಾನ್ ಮಳೆ ಕಾಡನ್ನು ತಣಿಸಲು ಜಿ7 ದೇಶಗಳು 22 ದಶಲಕ್ಷ ಡಾಲರ್ ದೇಣಿಗೆಯನ್ನು ನೀಡಲು ಮುಂದಾಗಿತ್ತು. ಆದರೆ ಈ ನೆರವನ್ನು ಬ್ರೆಜಿಲ್ ಸರ್ಕಾರ ತಿರಸ್ಕರಿಸಿದೆ.

    ಅಮೆರಿಕ, ಜಪಾನ್, ಜರ್ಮನಿ, ಫ್ರಾನ್ಸ್, ಇಟಲಿ, ಬ್ರಿಟನ್ ಮತ್ತು ಕೆನಡಾ ಈ 7 ದೇಶದ ಗುಂಪನ್ನೇ ಜಿ7 ಎಂದು ಕರೆಯಲಾಗುತ್ತದೆ. ಸೋಮವಾರ ಜಿ7 ಶೃಂಗಸಭೆಯಲ್ಲಿ ಮಾತನಾಡಿದ ಫ್ರೆಂಚ್ ಅಧ್ಯಕ್ಷ ಎಮ್ಮಾನ್ಯುಯಲ್ ಮ್ಯಾಕ್ರಾನ್ ಅವರು, ಅಮೆಜಾನ್ ಕಾಡಿನಲ್ಲಿ ಹೊತ್ತಿಕೊಂಡಿರುವ ಬೆಂಕಿಯನ್ನು ತಣಿಸಲು ಜಿ 7 ಗುಂಪಿನ ದೇಶಗಳು 22 ಮಿಲಿಯನ್ ಡಾಲರ್(ಅಂದಾಜು 157 ಕೋಟಿ ರೂ.) ನೆರವು ನೀಡಲು ನಿರ್ಧರಿಸಿದೆ. ಅದರಲ್ಲೂ ಬ್ರಿಟನ್ 12 ಮಿಲಿಯನ್ ಹಾಗೂ ಕೆನಡಾ 11 ಮಿಲಿಯನ್ ಡಾಲರ್ ಹಣವನ್ನು ಪ್ರತ್ಯೇಕವಾಗಿ ನೀಡಲು ನಿರ್ಧರಿಸಿದೆ ಎಂದು ತಿಳಿಸಿದ್ದರು.

    ಈ ಹಣವನ್ನು ತಕ್ಷಣವೇ ಬ್ರೆಜಿಲ್‍ಗೆ ನೀಡಲಾಗುತ್ತದೆ ಮತ್ತು ಫ್ರೆಂಚ್‍ನಿಂದ ಸೇನೆಯ ಸಹಕಾರವನ್ನು ಒದಗಿಸಲಾಗುತ್ತದೆ ಎಂದು ಮ್ಯಾಕ್ರಾನ್ ಘೋಷಿಸಿದ್ದರು. ಆದರೆ ಈ ನೆರವನ್ನು ಬ್ರೆಜಿಲ್ ತಿರಸ್ಕರಿಸಿದೆ. ಯಾವ ಕಾರಣಕ್ಕೆ ಸಹಾಯಧನ ತಿರಸ್ಕರಿಸಲಾಗಿದೆ ಎನ್ನುವ ಬಗ್ಗೆ ಬ್ರೆಜಿಲ್ ಈವರೆಗೂ ಸ್ಪಷ್ಟನೆ ನೀಡಿಲ್ಲ.

    ಈ ಬಗ್ಗೆ ಮಾತನಾಡಿದ ಬ್ರೆಜಿಲ್ ಅಧ್ಯಕ್ಷ ಜೈರ್ ಬೋಸ್ಲಾನರೊ ಅವರು, ನೀವು ನೆರವು ನೀಡಲು ಮುಂದಾಗಿರುವುದಕ್ಕೆ ಧನ್ಯವಾದ. ಆದರೆ ನಾವು ನಿಮ್ಮ ನೆರವನ್ನು ಸ್ವೀಕರಿಸಲ್ಲ, ಫ್ರಾನ್ಸ್ ಅಧ್ಯಕ್ಷ ಮ್ಯಾಕ್ರಾನ್ ಅವರು ಬ್ರೆಜೆಲ್ ಅನ್ನು ಒಂದು ವಸಾಹತು ದೇಶವನ್ನಾಗಿ ನೋಡುತ್ತಿದ್ದಾರೆ. ಆದರೆ ನಮ್ಮದು ಸ್ವಾತಂತ್ರ್ಯ ದೇಶ ಎಂದು ಕಿಡಿಕಾರಿದ್ದಾರೆ.

    ಈ ಮಧ್ಯೆ ಫ್ರಾನ್ಸ್ ಅಧ್ಯಕ್ಷ ಮ್ಯಾಕ್ರಾನ್ ಅವರು ಅಮೆಜಾನ್ ಕುರಿತಂತೆ ಮಾಡಿದ ಟ್ವೀಟ್ ಬ್ರೆಜಿಲ್ ಹಾಗೂ ಫ್ರಾನ್ಸ್ ನಡುವೆ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣ ಮಾಡಿದೆ. ಮ್ಯಾಕ್ರಾನ್ ಅವರು ಟ್ವೀಟಿನಲ್ಲಿ, ಅಮೆಜಾನ್ ಅರಣ್ಯದಲ್ಲಿ ಕಾಡ್ಗಿಚ್ಚು ಹಚ್ಚಿರುವುದು ಅಂತರಾಷ್ಟ್ರೀಯ ಬಿಕ್ಕಟ್ಟು ಉಂಟಾಗಲು ಕಾರಣವಾಗುತ್ತದೆ. ಹೀಗಾಗಿ ಈ ಬಗ್ಗೆ ಜಿ7 ಶೃಂಗಸಭೆಯಲ್ಲಿ ಉನ್ನತ ಮಟ್ಟದ ಸಭೆ ಮಾಡಿ ಚರ್ಚಿಸಬೇಕಿದೆ ಎಂದು ಬರೆದುಕೊಂಡಿದ್ದರು. ಈ ಟ್ವೀಟ್‍ಗೆ ಬೋಸ್ಲಾನರೊ ಅವರು ರೀ-ಟ್ವೀಟ್ ಮಾಡಿ ಮ್ಯಾಕ್ರಾನ್ ಅವರು ವಸಾಹತುಶಾಹಿ ಮನಸ್ಥಿತಿ ಹೊಂದಿದ್ದಾರೆ ಎಂದು ಗುಡುಗಿದ್ದರು.

    ಕಳೆದ ಕೆಲವು ದಿನಗಳಿಂದ ಅಮೆಜಾನ್ ಕಾಡಿನಲ್ಲಿ ಬೃಹತ್ ಪ್ರಮಾಣದ ಕಾಡ್ಗಿಚ್ಚು ಹಬ್ಬಿದ್ದು, ಸರಿಸುಮಾರು 950 ಸಾವಿರ ಹೆಕ್ಟರ್(2.3 ಮಿಲಿಯನ್ ಎಕ್ರೆ) ಅರಣ್ಯ ಪ್ರದೇಶ ಸುಟ್ಟು ಭಸ್ಮವಾಗಿದೆ ಎನ್ನಲಾಗಿದೆ. ಅಮೆಜಾನ್ ಮಳೆಕಾಡಿನ ಕಾಡ್ಗಿಚ್ಚು ಜಾಗತಿಕವಾಗಿ ಆತಂಕವನ್ನು ಸೃಷ್ಟಿಮಾಡಿದೆ.

    ಅಮೆಜಾನ್ ಅರಣ್ಯವನ್ನು ಭೂಮಿಯ ಶ್ವಾಸಕೋಶ ಎಂದು ಕರೆಯಲಾಗುತ್ತದೆ. ಯಾಕೆಂದರೆ ಭೂಮಿಗೆ ಬೇಕಾಗುವ ಸುಮಾರು 20% ಆಮ್ಲಾಜನಕವನ್ನು ಅಮೆಜಾನ್ ಅರಣ್ಯ ಒದಗಿಸುತ್ತದೆ. ಅಲ್ಲದೆ ಅಮೆಜಾನ್ ಕಾಡು ವಿಶ್ವದ ಅತೀದೊಡ್ಡ ಅರಣ್ಯವಾಗಿದ್ದು, ಇಲ್ಲಿ ಸರಿಸುಮಾರು 10 ಮಿಲಿಯನ್(1 ಕೋಟಿ) ವಿವಿಧ ಪ್ರಭೇದಗಳ ಗಿಡ, ಮರಗಳು, ಹುಳುಗಳು ಹಾಗೂ ಅಪರೂಪದ ಪ್ರಾಣಿಗಳು ವಾಸವಾಗಿದೆ. ಈಗ ಅರಣ್ಯ ಪ್ರದೇಶ ಕಾಡ್ಗಿಚ್ಚಿಗೆ ಸುಡುತ್ತಿರುವುದರಿಂದ ಬಹುತೇಕ ಪ್ರಾಣಿಗಳು, ಗಿಡ, ಮರಗಳು ಬೆಂಕಿ ಕೆನ್ನಾಲಿಗೆಗೆ ಸುಟ್ಟು ಭಸ್ಮವಾಗಿದೆ.

  • ಬ್ರೆಜಿಲ್ ಶಾಲೆಯಲ್ಲಿ ಸ್ವಾತಂತ್ರ್ಯ ದಿನವನ್ನು ಆಚರಿಸಿದ ರಾಯಚೂರು ದಂಪತಿ

    ಬ್ರೆಜಿಲ್ ಶಾಲೆಯಲ್ಲಿ ಸ್ವಾತಂತ್ರ್ಯ ದಿನವನ್ನು ಆಚರಿಸಿದ ರಾಯಚೂರು ದಂಪತಿ

    ರಾಯಚೂರು: 73ನೇ ಸ್ವಾತಂತ್ರ್ಯ ದಿನಾಚರಣೆಯನ್ನ ಭಾರತದಲ್ಲಿ ಮಾತ್ರವಲ್ಲದೆ ಬ್ರೆಜಿಲ್ ದೇಶದಲ್ಲೂ ಆಚರಿಸಲಾಗಿದೆ. ಬ್ರೆಜಿಲ್‍ನಲ್ಲಿ ನೆಲೆಸಿರುವ ರಾಯಚೂರಿನ ದಂಪತಿ ರಾಷ್ಟ್ರಗೀತೆಯನ್ನ ಹಾಡಿ ಸ್ವಾತಂತ್ರ್ಯ ದಿನಾಚರಣೆ ಆಚರಿಸಿ ದೇಶಪ್ರೇಮ ಮೆರೆದಿದ್ದಾರೆ.

    ಜಿಲ್ಲೆಯ ಕಾಡ್ಲೂರು ಗ್ರಾಮದ ರಂಗಾರಾವ್ ದೇಸಾಯಿ ದಂಪತಿ ಬ್ರೆಜಿಲ್‍ನಲ್ಲಿ ನೆಲೆಸಿದ್ದು, ಅವರ ಮಗಳ ಶಾಲೆಯಲ್ಲಿ ಸ್ವಾತಂತ್ರ್ಯ ದಿನದ ಅಂಗವಾಗಿ ಧ್ವಜಾರೋಹಣ ನೆರವೇರಿಸಿ, ರಾಷ್ಟ್ರಗೀತೆಯನ್ನ ಹಾಡಿ ಸ್ವಾತಂತ್ರ್ಯ ದಿನಾಚರಣೆ ಆಚರಿಸಿ ಸಂಭ್ರಮಿಸಿದ್ದಾರೆ. ದಂಪತಿ ಪುತ್ರಿ ಲಹರಿ ಓದುತ್ತಿರುವ ಬ್ರೆಜಿಲ್‍ನ ಕ್ಯುರಿಟಿಬಾದ ಕೊಲಿಗಿಯೋ ಪಾಸಿಟಿವೊ ಇಂಟರ್‌ನ್ಯಾಶನಲ್ ಸ್ಕೂಲ್‍ನಲ್ಲಿ ಸ್ವಾತಂತ್ರ್ಯ ದಿನಾಚರಣೆಯನ್ನ ಆಚರಿಸಲಾಗಿದೆ.

    ಧ್ವಜಾರೋಹಣ ನೆರೆವೇರಿಸಲು ಸಹಕರಿಸಿದ ಶಾಲಾ ಆಡಳಿತ ಮಂಡಳಿಗೆ ರಂಗಾರಾವ್ ದಂಪತಿ ಧನ್ಯವಾದ ತಿಳಿಸಿದ್ದಾರೆ. ಜೊತೆಗೆ ಇಂದು ರಕ್ಷಾಬಂಧನ ಹಬ್ಬ ಕೂಡ ಇರುವುದರಿಂದ ರಾಖಿ ಹಬ್ಬವನ್ನು ಕೂಡ ಶಾಲೆಯಲ್ಲಿ ಆಚರಿಸಿ ಖುಷಿಪಟ್ಟಿದ್ದಾರೆ. ದಂಪತಿಗೆ ಅಲ್ಲಿನ ಸ್ಥಳೀಯರು ಕೂಡ ಸಾಥ್ ನೀಡಿ ಅವರ ಸಂತೋಷದಲ್ಲಿ ಭಾಗಿಯಾಗಿದ್ದಾರೆ.

  • ಪರಾರಿಯಾಗಲು ಮಗಳ ವೇಷ ಧರಿಸಿದ್ದ ಗ್ಯಾಂಗ್‍ಸ್ಟರ್ ಮತ್ತೆ ಜೈಲು ಸೇರಿದ

    ಪರಾರಿಯಾಗಲು ಮಗಳ ವೇಷ ಧರಿಸಿದ್ದ ಗ್ಯಾಂಗ್‍ಸ್ಟರ್ ಮತ್ತೆ ಜೈಲು ಸೇರಿದ

    ಬ್ರೆಜಿಲಿಯಾ: ಹೆಣ್ಣಿನ ವೇಷ ಧರಿಸಿ ಕೈದಿಯೋರ್ವ ಜೈಲಿನಿಂದ ಪರಾರಿ ಆಗಲು ಯತ್ನಿಸಿ, ಪೊಲೀಸರ ಕೈಗೆ ಸೆರೆಸಿಕ್ಕಿ ಪುನಃ ಜೈಲು ಸೇರಿದ ವಿಚಿತ್ರ ಘಟನೆ ಬ್ರೆಜಿಲ್‍ನಲ್ಲಿ ನಡೆದಿದೆ.

    ಕೈದಿಗಳು ಜೈಲಿನಿಂದ ಎಸ್ಕೇಪ್ ಆಗಲು ಯಾವೆಲ್ಲಾ ಚಿತ್ರ-ವಿಚಿತ್ರ ಉಪಾಯಗಳನ್ನು ಮಾಡುತ್ತಾರೆ ಎನ್ನುವುದಕ್ಕೆ ಬ್ರೆಜಿಲ್‍ನ ರಿಯೊ ಡಿ ಜನೈರೊದ ಪಶ್ಚಿಮ ಭಾಗದ ಜೈಲಿನ ಕೈದಿ ಉದಾಹರಣೆಯಾಗಿದ್ದಾನೆ. ಬ್ರೆಜಿಲ್‍ನಲ್ಲಿ ಡ್ರಗ್ಸ್ ಹಾಗೂ ಇತರೇ ಕಾನೂನುಬಾಹಿರ ಚಟುವಟಿಕೆಗಳನ್ನು ನಡೆಸುವ ಗುಂಪೊಂದರ ನಾಯಕನಾದ ಕ್ಲಾವಿನೋ ಡಾ ಸಿಲ್ವಾ ಖತರ್ನಾಕ್ ಎಸ್ಕೇಪ್ ಪ್ಲಾನ್ ಮಾಡಿ ಸಿಕ್ಕಿಹಾಕಿಕೊಂಡಿದ್ದಾನೆ.

    ರಿಯೋ ಜೈಲಿನಲ್ಲಿ ಕೈದಿಯಾಗಿದ್ದ ಡಾ ಸಿಲ್ವಾ ಹೇಗಾದರೂ ಅಲ್ಲಿಂದ ಎಸ್ಕೇಪ್ ಆಗಬೇಕು ಎಂದು ಪ್ಲಾನ್ ಮಾಡುತ್ತಿದ್ದನು. ಇದೇ ವೇಳೆ ಅದೃಷ್ಟವೆನ್ನುವಂತೆ ಆತನನ್ನು ನೋಡಲು ಅವನ ಮಗಳು ಜೈಲಿಗೆ ಭೇಟಿ ನೀಡಿದ್ದಳು. ಆಗ ಮಗಳ ವೇಷ ಧರಿಸಿ, ಆಕೆಯನ್ನು ಜೈಲಿನಲ್ಲಿಯೇ ಬಿಟ್ಟು, ತಾನು ಅಲ್ಲಿಂದ ಎಸ್ಕೇಪ್ ಆಗೋದಕ್ಕೆ ಡಾ ಸಿಲ್ವಾ ಸಿದ್ಧನಾದನು. ಯಾರಿಗೂ ತಿಳಿಯದಂತೆ ಮಗಳಂತೆ ಬಟ್ಟೆ, ವಿಗ್ ಹಾಗೂ ಮುಖವಾಡ ಧರಿಸಿ ಸಿದ್ಧನಾಗಿ ಜೈಲಿಂದ ಹೊರ ಬರುತ್ತಿದ್ದ.

    ಆದರೆ ಕೈದಿ ಹೆಣ್ಣು ವೇಷ ಧರಿಸಿದ್ದಾಗ ಆತ ವಿಚಿತ್ರವಾಗಿ ವರ್ತಿಸುತ್ತಿದ್ದ ಕಾರಣಕ್ಕೆ ಪೊಲೀಸರಿಗೆ ಅನುಮಾನ ಮೂಡಿದ್ದು, ಆತನನ್ನು ನಿಲ್ಲಿಸಿ ಪರಿಶೀಲನೆ ನಡೆಸಿದ್ದಾರೆ. ಆಗ ಸತ್ಯಾಂಶ ಹೊರಬಿದ್ದಿದ್ದು, ಪೊಲೀಸರು ಆತನನ್ನು ಹಿಡಿದು ಪುನಃ ಕಂಬಿ ಒಳಗಡೆ ಕಳುಹಿಸಿದ್ದಾರೆ.

    ಖತರ್ನಾಕ್ ಖದೀಮ ತಾನು ಧರಿಸಿದ್ದ ವೇಷವನ್ನು ಬಿಚ್ಚುತ್ತಿರುವ ವಿಡಿಯೋವನ್ನೂ ಕೂಡ ಪೊಲೀಸರು ಸೆರೆಹಿಡಿದಿದ್ದು, ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

    ಈ ಘಟನೆ ನಡೆದ ಬಳಿಕ ಡಾ ಸಿಲ್ವಾಗೆ ಪೊಲೀಸರು ಬಿಗಿ ಭದ್ರತೆ ಇರುವ ಕೊಠಡಿಗೆ ಶಿಫ್ಟ್ ಮಾಡಿದ್ದು, ಕೈದಿಗೆ ವಿಶೇಷ ಭದ್ರತೆ ನೀಡಿ, ಆತ ಮತ್ತೆ ಈ ರೀತಿ ಖತರ್ನಾಕ್ ಉಪಾಯವನ್ನು ಮಾಡದಂತೆ ನೋಡಿಕೊಳ್ಳುತ್ತಿದ್ದಾರೆ.

  • ಹೈವೇ ದಾಟಿದ 3 ಮೀ. ಉದ್ದದ ಅನಕೊಂಡ!- ವಿಡಿಯೋ ನೋಡಿ

    ಹೈವೇ ದಾಟಿದ 3 ಮೀ. ಉದ್ದದ ಅನಕೊಂಡ!- ವಿಡಿಯೋ ನೋಡಿ

    ರಿಯೋ ಡಿ ಜನೈರೋ: 3 ಮೀ. ಉದ್ದದ ಅನಕೊಂಡ ಹೈವೇ ದಾಟುತ್ತಿರುವ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ.

    ಹೌದು. ಹೆದ್ದಾರಿ ದಾಟುತ್ತಿದ್ದಾಗ ಜನರು ತಮ್ಮ ವಾಹನಗಳನ್ನು ನಿಲ್ಲಿಸಿ ಅನಕೊಂಡ ರಸ್ತೆ ದಾಟಲು ಅನುವುಮಾಡಿಕೊಟ್ಟ ಘಟನೆ ಬ್ರೆಜಿಲ್‍ನಲ್ಲಿ ನಡೆದಿದೆ.

    ಯಾವಾಗಲೂ ಬ್ಯುಸಿಯಾಗಿ ಓಡಾಡುವ ವಾಹನಗಳ ದಟ್ಟಣೆಯಿರುವ ಬ್ರೆಜಿಲ್‍ನ ಪೊರ್ಟೊ ವೆಲೊ ನಗರದಲ್ಲಿ ಅನಕೊಂಡ ಕಾಣಿಸಿಕೊಂಡಿತ್ತು. ರಸ್ತೆ ದಾಟಲು ಒದ್ದಾಡುತ್ತಿದ್ದ ಬರೋಬ್ಬರಿ 3 ಮೀಟರ್ ಉದ್ದದ, 30 ಕೆಜಿ ತೂಕದ ಬೃಹತ್ ಅನಕೊಂಡವನ್ನು ಕಂಡು ಜನರು ದಂಗಾಗಿದ್ದರು. ಆದ್ರೆ ಹಾವನ್ನು ನೋಡಿ ಭಯಪಡದೇ ರಸ್ತೆ ದಾಟಲು ಒದ್ದಾಡುತ್ತಿದ್ದ ಹಾವಿಗೆ ತಮ್ಮ ವಾಹನಗಳನ್ನು ನಿಲ್ಲಿಸಿ, ಆ ಹಾವು ರಸ್ತೆ ದಾಟುವವರೆಗೂ ಕಾದು ನಂತರ ವಾಹನಗಳನ್ನು ಚಲಾಯಿಸಿದ್ದಾರೆ.

    https://twitter.com/brunzilla/status/1121828711651659777

    ವಾಹನ ಸವಾರರು ವಾಹನ ನಿಲ್ಲಿಸಿ ಅನಕೊಂಡ ರಸ್ತೆ ದಾಟುತ್ತಿರುವುದನ್ನು ನೋಡುತ್ತಿರುವ ದೃಶ್ಯವನ್ನು ಸ್ಥಳೀಯರು ವಿಡಿಯೋ ಮಾಡಿದ್ದು, ಅದನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡಿದ್ದಾರೆ. ಸದ್ಯ ಈ ವೀಡಿಯೋ ಎಲ್ಲೆಡೆ ಸಖತ್ ಸದ್ದು ಮಾಡುತ್ತಿದೆ.