ಪೋರ್ಟ್-ಔ-ಪ್ರಿನ್ಸ್: ಹೈಟಿಯ (Haitian migrants) ಉತ್ತರ ಕರಾವಳಿಯಲ್ಲಿ ಬೋಟ್‌ಗೆ ಬೆಂಕಿ ಹೊತ್ತಿಕೊಂಡು 40 ವಲಸಿಗರು ಸಾವನ್ನಪ್ಪಿದ್ದಾರೆ ಎಂದು ಯುಎನ್‌ ಏಜೆನ್ಸಿ ತಿಳಿಸಿದೆ.
ಇಂಟರ್ನ್ಯಾಷನಲ್ ಆರ್ಗನೈಸೇಶನ್ ಫಾರ್ ಮೈಗ್ರೇಷನ್ (IOM) ಹೈಟಿಯ ಕೋಸ್ಟ್ ಗಾರ್ಡ್, ಅವಘಡದಲ್ಲಿ ಸಿಲುಕಿದ್ದ 41 ಮಂದಿಯನ್ನು ರಕ್ಷಿಸಿದೆ. ಅವರಲ್ಲಿ 11 ಜನರು ಸುಟ್ಟಗಾಯಗಳಿಂದಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಇದನ್ನೂ ಓದಿ: ಮೀಸಲಾತಿ ವಿರೋಧಿಸಿ ಪ್ರತಿಭಟನೆ; ಘರ್ಷಣೆಯಲ್ಲಿ 105 ಮಂದಿ ಸಾವು – 300ಕ್ಕೂ ಹೆಚ್ಚು ಭಾರತೀಯರು ತವರಿಗೆ!
ಬೋಟ್‌ನಲ್ಲಿ ಪ್ರಯಾಣಿಕನೊಬ್ಬ ವೂಡೂ ಆಚರಣೆಗಾಗಿ ಮೇಣದಬತ್ತಿ ಹೊತ್ತಿಸಿದ್ದಾನೆ. ಈ ವೇಳೆ ಬೆಂಕಿ ಬೋಟ್‌ಗೆ ತಗುಲಿ ಹೊತ್ತಿ ಉರಿದಿದೆ ಎಂದು ಪೊಲೀಸ್‌ ವಕ್ತಾರ ಅರಾಲ್ಡ್‌ ಜೀನ್‌ ತಿಳಿಸಿದ್ದಾರೆ.
80 ಕ್ಕೂ ಹೆಚ್ಚು ಜನರನ್ನು ಹೊತ್ತ ಬೋಟ್ ಬುಧವಾರ ಲಬಾಡಿ ಬಂದರಿನಿಂದ ಟರ್ಕ್ಸ್ ಮತ್ತು ಕೈಕೋಸ್ ದ್ವೀಪಗಳಿಗೆ 150 ಮೈಲಿ (240 ಕಿಲೋಮೀಟರ್) ಪ್ರಯಾಣದ ಮಾರ್ಗದಲ್ಲಿ ಹೊರಟಿತ್ತು. ಗಡಿ ಭಾಗಗಳಲ್ಲಿ ಕ್ರಿಮಿನಲ್‌ ಗ್ಯಾಂಗ್‌ಗಳ ಹಿಂಸಾಚಾರದಿಂದಾಗಿ ಜನರು ಬೇರೆ ಪ್ರದೇಶಗಳಿಗೆ ವಲಸೆ ಹೋಗುತ್ತಿದ್ದಾರೆ. ಇದನ್ನೂ ಓದಿ: Microsoft Outage: ದೇಶಾದ್ಯಂತ ವಿಮಾನ ನಿಲ್ದಾಣಗಳಲ್ಲಿ ಅಲ್ಲೋಲ ಕಲ್ಲೋಲ; ಇದು ಸೈಬರ್‌ ದಾಳಿಯಲ್ಲ – ಕ್ರೌಡ್‌ಸ್ಟ್ರೈಕ್‌ ಸಿಇಒ ಸ್ಪಷ್ಟನೆ!
