ಬಿಗ್ ಬಾಸ್ ಓಟಿಟಿ ಕನ್ನಡ ಇದೀಗ 27ನೇ ದಿನಕ್ಕೆ ಕಾಲಿಟ್ಟಿದೆ. ಸಾಕಷ್ಟು ವಿಚಾರಗಳಿಂದ ದೊಡ್ಮನೆ ಹೈಲೈಟ್ ಆಗಿದೆ. ಇದೀಗ ಹಬ್ಬದ ಹ್ಯಾಂಗೋವರ್‌ನಿಂದ ಹೊರಬಂದಿರುವ ಸೋನು ಅಚ್ಚರಿಯ ವಿಚಾರವೊಂದನ್ನ ರಿವೀಲ್ ಮಾಡಿದ್ದಾರೆ. ತಾವು ಸ್ಕೂಲಲ್ಲಿ ಇದ್ದಾಗ ಕಳ್ಳತನ ಮಾಡುತ್ತಿದ್ದೆ ಎಂದು ಸೋನು ಬಿಗ್ ಬಾಸ್ ಮನೆಯಲ್ಲಿ ಹೇಳಿದ್ದಾರೆ.
ದೊಡ್ಮನೆಯಲ್ಲಿ ಗೌರಿ ಮತ್ತು ಗಣೇಶ ಹಬ್ಬವನ್ನ ಬಿಗ್ ಬಾಸ್ ಮನೆ ಮಂದಿ ಅದ್ದೂರಿಯಾಗಿ ಆಚರಿಸಿದ್ದರು. ಸದ್ಯ ಈ ಹಬ್ಬದ ಹ್ಯಾಂಗೋವರ್‌ನಿಂದ ಹೊರಬಂದಿರುವ ಸೋನು, ಬಳಸಿರುವ ಆಭರಣವನ್ನು ಎತ್ತಿಡಲು ಮುಂದಾಗಿದ್ದರು. ಈ ವೇಳೆ ತಮ್ಮ ಜೀವನದ ಇಂಟ್ರೆಸ್ಟಿಂಗ್ ವಿಚಾರವೊಂದನ್ನ ಸೋನು ಹೇಳಿದ್ದಾರೆ. ಇದನ್ನೂ ಓದಿ: ಹುಟ್ಟುಹಬ್ಬಕ್ಕೆ ಅಭಿಮಾನಿಗಳಿಗೆ ಗಿಫ್ಟ್ ತನ್ನಿ ಎಂದ ರಿಯಲ್‌ ಸ್ಟಾರ್ ಉಪೇಂದ್ರ
ನಾನು ಜಾತ್ರೆಗೆ ಹೋದಾಗ ಕದಿಯುತ್ತಿದ್ದೆ. ಸುಮ್ಮನೆ ಹೇಳಿದ್ದೀನಿ ನಾನು ಕದಿಯುತ್ತಿರಲಿಲ್ಲ. ಈ ವೇಳೆ ಸೋಮಣ್ಣ ಜಾತ್ರೆಯಲ್ಲಿ ಕದಿಯುತ್ತಿದ್ರಾ ನೀವು? ಸುಮ್ಮನೆ ಸುಮ್ಮನೆ ಈ ರೀತಿ ಹೇಳಿಕೆ ನೀಡಬಾರದು ಎಂದಿದ್ದಾರೆ. ಚಿಕ್ಕ ವಯಸ್ಸಿನಲ್ಲಿ ಎಲ್ಲೂ ಕದ್ದಿರುತ್ತಾರೆ. ಪೆನ್ಸಿಲ್ ಕದಿಯೋದು ಎಲ್ಲಾ. ನೀವೂ ಕದ್ದಿರುತ್ತೀರಾ ಅಲ್ವಾ ಎಂದು ಸೋನು, ಚೈತ್ರಾ ಅವರನ್ನ ಕೇಳಿದ್ದಾರೆ. ನಾನು ಯಾಕೆ ಕದಿಯಲಿ? ಇವಳು ಕದಿಯೋದು ಆಮೇಲೆ ಎಲ್ಲರಿಗೂ ಹೇಳ್ಕೊಂಡು ಬರೋದು ಎಂದು ತಮಾಷೆಯಾಗಿ ಉತ್ತರ ನೀಡಿದ್ದಾರೆ. ಸ್ಕೂಲ್‌ನಲ್ಲಿ ಫ್ರೆಂಡ್ಸ್ ಬಾಕ್ಸ್‌ನಲ್ಲಿ ನಾನು ರಬರ್ ಕದಿಯುತ್ತಿದ್ದೆ, ಹಲ್ಲಲ್ಲಿ ರಬರ್‌ನ ಜಾಸ್ತಿ ಕಚುತ್ತಿದ್ದೆ ಆಮೇಲೆ ಫ್ರೆಂಡ್ಸ್ ಹೊಸದು ತಂದಾಗ ನಾನು ಮನೆಗೆ ಎತ್ಕೊಂಡು ಹೋಗುತ್ತಿದ್ದೆ ಎಂದು ಸೋನು ತಮ್ಮ ಶಾಲಾ ದಿನಗಳನ್ನ ನೆನಪು ಮಾಡಿಕೊಂಡಿದ್ದಾರೆ.
ಸೋನು ಗೌಡ ತಮ್ಮ ಸ್ಕೂಲ್ ದಿನಗಳನ್ನು ನೆನಪಿಸಿಕೊಳ್ಳುವಾಗ ಸೋಮಣ್ಣ ಕೂಡ ಕಳ್ಳತನ ಮಾಡಿರುವ ಘಟನೆಯನ್ನು ವಿವರಿಸುತ್ತಾರೆ. ಮೈಸೂರಿನ ಕಾಳಿದಾಸ ರಸ್ತೆಯಲ್ಲಿ ಒಂದು ಗಿಫ್ಟ್ ಅಂಗಡಿ ಇತ್ತು ಅಲ್ಲಿ ಸಣ್ಣ ಸಣ್ಣ ಸೈಜ್‌ನಲ್ಲಿ ಗ್ರೀಟಿಂಗ್ ಕಾರ್ಡ್‌ಗಳು ಬರುತ್ತಿತ್ತು. ಆಗ ನನ್ನ ಕೈಯಲ್ಲಿ ಕಮಾಯಿ ಇರಲಿಲ್ಲ ಅದಿಕ್ಕೆ ಕಳ್ಳತನ ಮಾಡಿದ್ದೆ ಎಂದು ಸೋಮಣ್ಣ ಕೂಡ ಹೇಳಿದ್ದಾರೆ.
