ಪೇಡ ಅಂದಾಕ್ಷಣ ನಮಗೆ ನೆನಪಾಗುವುದೇ ಧಾರವಾಡ ಪೇಡ. ಮನೆಯಲ್ಲಿ ಯಾವುದೇ ಹಬ್ಬ ಬರಲಿ, ಎಲ್ಲರ ಮನೆಯಲ್ಲಿ ಸಿಹಿ ಪದಾರ್ಥ ಮಾಡುತ್ತಾರೆ. ಪ್ರತಿ ಹಬ್ಬಕ್ಕೂ ಒಂದೇ ರೀತಿಯ ಸ್ವೀಟ್ ಮಾಡಿದರೆ ಮನೆಯರಿಗೂ ಇಷ್ಟವಾಗುವುದಿಲ್ಲ. ಅದರಲ್ಲೂ ಈಗ ದಸರಾ ಹಬ್ಬ ಬೇರೆ. ಹೀಗಾಗಿ ಕಡಿಮೆ ಸಮಯದಲ್ಲಿ ಭಾಂಗ್ ಪೇಡ ಮಾಡಬಹುದು. ಭಾಂಗ್ ಪೇಡದ ಸಿಹಿಯೊಂದಿಗೆ ನಿಮ್ಮ ಹಬ್ಬದ ಸಂತೋಷದ ಕ್ಷಣಗಳನ್ನು ಆನಂದಿಸಿ. ನಿಮಗಾಗಿ ಭಾಂಗ್ ಪೇಡ ಮಾಡುವ ವಿಧಾನ ಇಲ್ಲಿದೆ..
ಬೇಕಾಗುವ ಪದಾರ್ಥಗಳು:
1. ಭಾಂಗ್ ಪುಡಿ- 2 ಚಮಚ
2. ಮವಾ ಪುಡಿ- 1 ಕಪ್
3. ಸಕ್ಕರೆ- ಅರ್ಧ ಕಪ್
4. ಪಿಸ್ತಾ- 2 ಚಮಚ
5. ತುಪ್ಪ_ ಅರ್ಧ ಕಪ್
ಮಾಡುವ ವಿಧಾನ:
* ಒಂದು ಪಾತ್ರೆಯಲ್ಲಿ ತುಪ್ಪವನ್ನು ಬಿಸಿಮಾಡಿಕೊಂಡು ಮವಾ ಮತ್ತು ಸಕ್ಕರೆಯನ್ನು ಮಿಶ್ರಣ ಮಾಡಬೇಕು.
* ಸಕ್ಕರೆ ಸಂಪೂರ್ಣ ಮಿಶ್ರಣವಾಗುವಂತೆ ನೆನೆಸಬೇಕು.
* ಸಕ್ಕರೆಯ ಜೊತೆ ಭಾಂಗ್ ಪೌಡರ್ ಮತ್ತು ಪಿಸ್ತಾವನ್ನು ಮಿಶ್ರಣ ಮಾಡಿ ತಣ್ಣಗಾಗುವ ತನಕ ಬಿಡಬೇಕು.
* ತಣ್ಣಗಾದ ನಂತರ ದುಂಡನೆ ಆಕಾರದಲ್ಲಿ ಪೇಡವನ್ನು ಸಿದ್ಧಪಡಿಸಿ ಸವಿಯಬಹುದು.