Bloggers Unite

Tag: Banana Chips

  • ಕಣ್ಣು ಕಾಣಲ್ಲವೆಂದು ಕೊರಗುವವರಿಗೆ ಸ್ಪೂರ್ತಿ ಈ ವ್ಯಕ್ತಿ – ವೀಡಿಯೋ ನೋಡಿ

    ಕಣ್ಣು ಕಾಣಲ್ಲವೆಂದು ಕೊರಗುವವರಿಗೆ ಸ್ಪೂರ್ತಿ ಈ ವ್ಯಕ್ತಿ – ವೀಡಿಯೋ ನೋಡಿ

    – ಬಾಳೆಕಾಯಿ ಚಿಪ್ಸ್ ತಯಾರಿಸಿ ಜೀವನ ಸಾಗಿಸ್ತಿದ್ದಾರೆ

    ಮುಂಬೈ: ಕಠಿಣ ಪರಿಶ್ರಮ ಮತ್ತು ಶ್ರದ್ಧೆ ಎಂದಿಗೂ ವ್ಯರ್ಥವಾಗುವುದಿಲ್ಲ ಎಂಬುವುದಕ್ಕೆ ಈ ಕಥೆಯ ಸಾಕ್ಷಿ. ಎರಡು ಕಣ್ಣು ಕಾಣಿಸದಿದ್ದರೂ ವ್ಯಕ್ತಿಯೋರ್ವ ರಸ್ತೆ ಬದಿಯಲ್ಲಿ ಕುಳಿತು ಬಾಳೆಕಾಯಿ ಚಿಪ್ಸ್ ತಯಾರಿಸುತ್ತಿರುವ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.

    blind man

    ವ್ಯಕ್ತಿ ತನ್ನ ಎರಡು ಕಣ್ಣುಗಳನ್ನು ಕಳೆದುಕೊಂಡಿದ್ದು, ನಾಸಿನ್‍ನ ಮಖ್ಮಲಾಬಾದ್ ರಸ್ತೆ ಬದಿಯಲ್ಲಿ ಅಂಗಡಿ ಇಟ್ಟುಕೊಂಡಿರುವುದಾಗಿ ತಿಳಿಸಿದ್ದಾನೆ. ಇದನ್ನೂ ಓದಿ: ಕೊರೊನಾ ನಡುವೆ ಸಾವಿರಾರು ಬೆಂಬಲಿಗರೊಂದಿಗೆ ಎಂಎಲ್‍ಸಿ ಅದ್ದೂರಿ ಹುಟ್ಟುಹಬ್ಬ

    blind man

    ವೀಡಿಯೋದಲ್ಲಿ, ಬಾಳೆಕಾಯಿಯನ್ನು ಸಕ್ರಿಯವಾಗಿ ತುರಿದು ಬಾಣಲಿಗೆ ಬಿಡುತ್ತಾನೆ. ನಂತರ ಬಿಸಿ ಎಣ್ಣೆಯಲ್ಲಿ ಅದನ್ನು ಬೇಯಿಸಿ  ದೊಡ್ಡ ಪಾತ್ರೆಗೆ ಹಾಕುತ್ತಾನೆ. ಬಳಿಕ ಸಹಾಯಕನೋರ್ವ ಅದನ್ನು ಮಸಾಲೆಯೊಂದಿಗೆ ಮಿಶ್ರಣ ಮಾಡಿ, ಪ್ಲಾಸ್ಟಿಕ್ ಕವರ್‌ನಲ್ಲಿ ಪ್ಯಾಕ್ ಮಾಡುವುದನ್ನು ಕಾಣಬಹುದಾಗಿದೆ.

    ಈ ವೀಡಿಯೋವನ್ನು ಸಂಸ್ಕರ್ ತಮ್ಮ ಇನ್‍ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ಈ ವ್ಯಕ್ತಿಯನ್ನು ಗೌರವಿಸಿ. ನಾಸಿಕ್‍ನಲ್ಲಿ ನಿಮಗೆ ಯಾರಾದರೂ ತಿಳಿದಿದ್ದರೆ, ಈ ವ್ಯಕ್ತಿಯ ಬಳಿ ಬಾಳೆಕಾಯಿ ಚಿಪ್ಸ್ ಖರೀದಿಸಲು ಹೇಳಿ. ಅವರ ದೃಷ್ಟಿಯಲ್ಲಿ ಮರಳಿ ಪಡೆಯಲು ನಾವೆಲ್ಲರೂ ಒಟ್ಟಾಗಿ ಅವರಿಗೆ ಸಹಾಯ ಮಾಡೋಣ ಎಂದು ಕ್ಯಾಪ್ಷನ್‍ನಲ್ಲಿ ಬರೆದುಕೊಂಡಿದ್ದಾರೆ. ಇದನ್ನೂ ಓದಿ: ಶಾರೂಖ್ ಮಗನ ಅರೆಸ್ಟ್ ಹಿಂದೆ ಬಿಜೆಪಿ ಉಪಾಧ್ಯಕ್ಷ – NCB ಅಧಿಕಾರಿಗಳಿಂದ್ಲೇ ಪಿತೂರಿ ಆರೋಪ

    ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿರುವ ಈ ವೀಡಿಯೋವನ್ನು ಇಲ್ಲಿಯವರೆಗೂ ಸುಮಾರು 12 ಮಿಲಿಯನ್‍ಗಿಂತಲೂ ಹೆಚ್ಚು ಮಂದಿ ವೀಕ್ಷಿಸಿದ್ದು, ಈತನ ಸ್ಥಿತಿಗೆ ನೆಟ್ಟಿಗರು ಕಂಬನಿ ಮಿಡಿದಿದ್ದಾರೆ ಮತ್ತು ಆತನ ಶ್ರಮಕ್ಕೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಇದನ್ನೂ ಓದಿ: ಏಷ್ಯಾದ ಹಳೆಯ ರಾಷ್ಟ್ರೀಯ ಉದ್ಯಾನವನಕ್ಕೆ ರಾಮಗಂಗಾ ಹೆಸರಿಡುವಂತೆ ಒತ್ತಾಯ

  • ಸುಲಭವಾಗಿ ಬಾಳೆಕಾಯಿ ಚಿಪ್ಸ್ ಮಾಡುವ ವಿಧಾನ

    ಸುಲಭವಾಗಿ ಬಾಳೆಕಾಯಿ ಚಿಪ್ಸ್ ಮಾಡುವ ವಿಧಾನ

    ಕೆಲವು ದಿನಗಳಿಂದ ಮಳೆಯಾದ ಪರಿಣಾಮ ವಾತಾವರಣ ತುಂಬಾ ತಣ್ಣಗೆ ಚಳಿ ಚಳಿಯಾಗಿ ಇದೆ. ಈ ವಾತಾವರಣದಲ್ಲಿ ಬಿಸಿ ಬಿಸಿಯಾಗಿ ಏನಾದರೂ ಖಾರವಾಗಿ ತಿನ್ನೋಣ ಅನ್ನಿಸುತ್ತಿದೆ. ಅದರಲ್ಲೂ ಆಗ ತಾನೇ ಮಾಡಿದ ಬಿಸಿ ತಿಂಡಿಯನ್ನು ಸವಿಯಲು ಇಷ್ಟ ಪಡುತ್ತೀರಾ. ಆದ್ದರಿಂದ ನಿಮಗಾಗಿ ಸುಲಭವಾಗಿ ಬಾನಾನ ಚಿಪ್ಸ್ ಮಾಡುವ ವಿಧಾನ ಇಲ್ಲಿದೆ.

    ಬೇಕಾಗುವ ಸಾಮಾಗ್ರಿಗಳು
    1. ಬಾಳೆಕಾಯಿ – 2-4
    2. ಅರಿಶಿನ ಪುಡಿ – ಚಿಟಿಕೆ
    3. ಖಾರದ ಪುಡಿ – ಅರ್ಧ ಚಮಚ
    4. ಗರಂ ಮಸಾಲ – ಅರ್ಧ ಚಮಚ
    5. ಉಪ್ಪು – ರುಚಿಗೆ ತಕ್ಕಷ್ಟು
    6. ಎಣ್ಣೆ – ಕರಿಯಲು

    ಮಾಡುವ ವಿಧಾನ
    *  ಒಂದು ಪ್ಯಾನ್‍ ಗೆ ಎಣ್ಣೆ ಹಾಕಿ ಬಿಸಿಯಾಗಲು ಇಡಿ.
    *  ಬಾಳೆಕಾಯಿಯ ಹಸಿರು ಸಿಪ್ಪೆಯನ್ನು ತೆಗೆದು, ಸ್ಲೈಸ್ ಗಳನ್ನಾಗಿ ಮಾಡಿ.
    *  ಪ್ಯಾನ್ ಮೇಲೆ ಸ್ಲೈಸರ್ ಇಟ್ಟುಕೊಂಡು ಕಾದ ಎಣ್ಣೆಗೆ ಬಾಳೆಕಾಯಿಯ ಸ್ಲೈಸ್ ಗಳನ್ನು ಹಾಕಿ.
    *  ಬಾಳೆಕಾಯಿಯನ್ನು ಚೆನ್ನಾಗಿ ಫ್ರೈ ಮಾಡಿ, ಟಿಶ್ಯೂ ಪೇಪರ್ ಮೇಲೆ ಹಾಕಿ.
    *  ಅದಕ್ಕೆ ಉಪ್ಪು, ಅರಶಿನ ಪುಡಿ, ಖಾರದ ಪುಡಿ, ಗರಂ ಮಸಾಲ ಪುಡಿಯನ್ನು ಚುಮುಕಿಸಿ ಮಿಕ್ಸ್ ಮಾಡಿ, ಚೆನ್ನಾಗಿ ಕಲಸಿ.
    *  ಗರಿ ಗರಿಯಾದ ಬಾಳೆಕಾಯಿ ಚಿಪ್ಸ್ ಸವಿಯಲು ಸಿದ್ಧ, ಚಿಪ್ಸ್ ತಣ್ಣಗಾದ ಮೇಲೆ ಗಾಳಿಯಾಡದ ಬಾಕ್ಸ್ ನಲ್ಲಿ ಹಾಕಿ ಬಳಸಬಹುದು.