Bloggers Unite

Tag: australia

  • ಮಿಡ್‍ನೈಟ್ ಡ್ಯೂಟಿಯಲ್ಲಿ ಡಾಕ್ಟರ್-ನರ್ಸ್ ಸೆಕ್ಸ್

    ಮಿಡ್‍ನೈಟ್ ಡ್ಯೂಟಿಯಲ್ಲಿ ಡಾಕ್ಟರ್-ನರ್ಸ್ ಸೆಕ್ಸ್

    -ಕ್ಯಾಮೆರಾದಲ್ಲಿ ಸೆರೆಯಾಯ್ತು ಇಬ್ಬರ ಕಳ್ಳಾಟ

    ಕ್ಯಾನ್ಬೆರಾ: ವೈದ್ಯನೊಬ್ಬ ನರ್ಸ್ ಜೊತೆ ಆಸ್ಪತ್ರೆಯಲ್ಲಿಯೇ ಸೆಕ್ಸ್ ಮಾಡಿ ಸಿಕ್ಕಿಬಿದ್ದಿರುವ ಘಟನೆ ಆಸ್ಟ್ರೇಲಿಯಾದಲ್ಲಿ ನಡೆದಿದೆ.

    ಕರ್ತವ್ಯದಲ್ಲಿದ್ದ ವೈದ್ಯ ಮತ್ತು ನರ್ಸ್ ಇಬ್ಬರೂ ಸೆಕ್ಸ್ ಮಾಡುತ್ತಿರುವ ವಿಡಿಯೋ ಆಸ್ಪತ್ರೆಯ ಸಿಸಿ ಕ್ಯಾಮೆರಾದಲ್ಲಿ ರೆಕಾರ್ಡ್ ಆಗಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಜಾನ್ಸನ್ ಮೆಲ್ಬೋರ್ನ್ ನಲ್ಲಿ ಆಸ್ಪತ್ರೆಯೊಂದರಲ್ಲಿ ವೈದ್ಯನಾಗಿ ಕೆಲಸ ಮಾಡುತ್ತಿದ್ದನು. ಈತ ಅದೇ ಆಸ್ಪತ್ರೆಯಲ್ಲಿ ನರ್ಸ್ ಆಗಿ ಕೆಲಸ ಮಾಡುತ್ತಿದ್ದ ಮೆರ್ಲಿನ್ ಜೊತೆ ಅನೈತಿಕ ಸಂಬಂಧ ಇಟ್ಟುಕೊಂಡಿದ್ದನು.

    ಇವರಿಬ್ಬರ ಸಂಬಂಧದ ಬಗ್ಗೆ ಆಸ್ಪತ್ರೆ ಮಾಲೀಕರಿಗೆ ದೂರು ನೀಡಿದ್ರು, ಈ ವಿಚಾರ ಅವರ ವೈಯಕ್ತಿಕ ಜೀವನಕ್ಕೆ ಸಂಬಂಧಿಸಿದೆ ಎಂದು ಆಡಳಿತ ಮಂಡಳಿ ನಿರ್ಲಕ್ಷ್ಯ ಮಾಡಿತ್ತು. ಆದರೆ ಕೆಲವು ದಿನಗಳ ಹಿಂದೆ ಜಾನ್ಸನ್ ಮತ್ತು ಮೆರ್ಲಿನ್ ಇಬ್ಬರಿಗೂ ನೈಟ್ ಡ್ಯೂಟಿ ಇತ್ತು.

    ಮಧ್ಯರಾತ್ರಿ ಜಾನ್ಸನ್ ತನ್ನ ಪ್ರಿಯತಮೆಯನ್ನು ಸೆಕ್ಸ್‌ಗೆ ಬಲವಂತ ಮಾಡಿದ್ದಾನೆ. ಆದರೆ ಆಕೆ ಆಸ್ಪತ್ರೆಯಲ್ಲಿ ಇಂತಹ ಕೆಲಸ ಮಾಡುವುದು ತಪ್ಪು ಎಂದು ಹೇಳಿದ್ದಾಳೆ. ಆದರೂ ಆತ ಬಲವಂತ ಮಾಡಿ ಕೊನೆಗೆ ರೋಗಿಗಳಿಗೆ ನಿಗದಿಪಡಿಸಿದ್ದ ರೂಮಿಗೆ ಹೋಗಿ ಇಬ್ಬರು ಸೆಕ್ಸ್ ಮಾಡಿದ್ದಾರೆ. ಈ ದೃಶ್ಯಗಳು ಆಸ್ಪತ್ರೆಯ ಭದ್ರತಾ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಇದನ್ನು ಆಸ್ಪತ್ರೆಯ ಭದ್ರತಾ ಸಿಬ್ಬಂದಿ ಗಮನಿಸಿ ಮೇಲಾಧಿಕಾರಿಗಳಿಗೆ ದೂರು ನೀಡಿದ್ದರು.

    ಆಸ್ಪತ್ರೆ ಉನ್ನತ ಅಧಿಕಾರಿಗಳು ದೂರು ಪಡೆದು ಆಸ್ಪತ್ರೆಯಲ್ಲಿ ಅಳವಡಿಸಿದ್ದ ಸಿಸಿ ಕ್ಯಾಮೆರಾವನ್ನು ಪರಿಶೀಲನೆ ಮಾಡಿದ್ದಾರೆ. ಅದರಲ್ಲಿ ವೈದ್ಯ ಮತ್ತು ನರ್ಸ್ ಇಬ್ಬರು ರೊಮ್ಯಾನ್ಸ್ ಮಾಡಿದ್ದು, ನಂತರ ರೂಮಿಗೆ ಹೋಗಿ ಸೆಕ್ಸ್ ಮಾಡಿರುವುದು ರೆಕಾರ್ಡ್ ಆಗಿದೆ. ಪರಿಣಾಮ ತಕ್ಷಣವೇ ಇಬ್ಬರನ್ನು ಕೆಲಸದಿಂದ ವಜಾ ಮಾಡಿದ್ದಾರೆ. ಆದರೆ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.

  • ಒಳ ಉಡುಪಿನಲ್ಲಿ ಮಹಿಳೆಯರ ಫೋಟೋ ಪೋಸ್ಟ್ – ಕ್ಷಮೆ ಕೇಳಿದ ವ್ಯಾಟ್ಸನ್

    ಒಳ ಉಡುಪಿನಲ್ಲಿ ಮಹಿಳೆಯರ ಫೋಟೋ ಪೋಸ್ಟ್ – ಕ್ಷಮೆ ಕೇಳಿದ ವ್ಯಾಟ್ಸನ್

    ಸಿಡ್ನಿ: ಆಸ್ಟ್ರೇಲಿಯಾದ ಮಾಜಿ ಆಲ್‍ರೌಂಡರ್ ಶೇನ್ ವ್ಯಾಟ್ಸನ್ ತಮ್ಮ ಇನ್‍ಸ್ಟಾಗ್ರಾಂ ಖಾತೆಯಲ್ಲಿ ಒಳ ಉಡುಪಿನಲ್ಲಿ ಇರುವ ಮಹಿಳೆಯರ ಫೋಟೋ ಪೋಸ್ಟ್ ಆಗಿದ್ದಕ್ಕೆ ಕ್ಷಮೆ ಕೇಳಿದ್ದಾರೆ.

    ಕಳೆದ ವಾರವಷ್ಟೇ ವ್ಯಾಟ್ಸನ್ ಅವರ ಟ್ವಿಟ್ಟರ್ ಅಕೌಂಟ್ ಹ್ಯಾಕ್ ಮಾಡಿದ್ದ ಕಿಡಿಗೇಡಿಗಳು ಮಂಗಳವಾರ ಅವರ ಇನ್‍ಸ್ಟಾಗ್ರಾಂ ಅನ್ನು ಹ್ಯಾಕ್ ಮಾಡಿ ಅವರ ಖಾತೆಯಿಂದ ಒಳ ಉಡುಪಿನಲ್ಲಿರುವ ಮೂರು ಮಹಿಳೆಯರ ಫೋಟೋವನ್ನು ಪೋಸ್ಟ್ ಮಾಡಿದ್ದಾರೆ.

    ಕಳೆದ ವಾರ ವ್ಯಾಟ್ಸನ್ ಅವರ ಟ್ವಿಟ್ಟರ್ ಖಾತೆಯನ್ನು ಹ್ಯಾಕ್ ಮಾಡಿದ್ದ ಕಿಡಿಗೇಡಿಗಳು ಅವರ ಖಾತೆಯಿಂದ ಜನಾಂಗೀಯ ನಿಂದನೆ ಮತ್ತು ಕೋಮುವಾದ ಸೃಷ್ಠಿ ಮಾಡುವ ಟ್ವೀಟ್ ಮಾಡಿ ಕೆಲವರಿಗೆ ಅವಹೇಳನಕಾರಿಯಾಗಿ ಕಮೆಂಟ್ ಕೂಡ ಮಾಡಿದ್ದರು. ಈಗ ಇನ್‍ಸ್ಟಾಗ್ರಾಂ ಖಾತೆ ಹ್ಯಾಕ್ ಮಾಡಿ ಮಹಿಳೆಯರು ಒಳ ಉಡುಪಿನಲ್ಲಿರುವ ಮೂರು ಅಸಭ್ಯ ಫೋಟೋಗಳನ್ನು ಪೋಸ್ಟ್ ಮಾಡಿದ್ದರು.

    ಈ ವಿಚಾರದ ಬಗ್ಗೆ ಇಂದು ಅಭಿಮಾನಿಗಳಲ್ಲಿ ಕ್ಷಮೆಯಾಚಿಸಿರುವ ವ್ಯಾಟ್ಸನ್ ಅವರು, ನನ್ನ ಇನ್‍ಸ್ಟಾಗ್ರಾಂ ಖಾತೆಯಲ್ಲಿ ಪೋಸ್ಟ್ ಮಾಡಲಾದ ಅಕ್ರಮ ಫೋಟೋಗಳ ವಿಚಾರವಾಗಿ ನಾನು ಎಲ್ಲರ ಬಳಿ ಕ್ಷಮೆಯಾಚಿಸುತ್ತೇನೆ. ಕಳೆದ ಶುಕ್ರವಾರ ನನ್ನ ಟ್ವಿಟ್ಟರ್ ಖಾತೆಯನ್ನು ಹ್ಯಾಕ್ ಮಾಡಿದ್ದರು. ಈಗ ಇನ್‍ಸ್ಟಾಗ್ರಾಂ ಅನ್ನು ಹ್ಯಾಕ್ ಮಾಡಿದ್ದಾರೆ. ಅದರಲ್ಲಿ ಅಕ್ರಮ ಫೋಟೋಗಳು ಮತ್ತು ಅಸಭ್ಯ ವಿಡಿಯೋಗಳನ್ನು ಹಾಕಿದ್ದಾರೆ. ಇದು ನಾಚಿಕೆಗೇಡಿನ ಸಂಗತಿ ಎಂದು ಟ್ವೀಟ್ ಮಾಡಿದ್ದಾರೆ.

    ಇನ್‍ಸ್ಟಾಗ್ರಾಂ ಮತ್ತು ಟ್ವಿಟ್ಟರ್ ಖಾತೆಯಲ್ಲಿ 20 ಲಕ್ಷಕ್ಕೂ ಅಧಿಕ ಅಭಿಮಾನಿಗಳನ್ನು ಹೊಂದಿರುವ ವ್ಯಾಟ್ಸನ್ ಅವರ ಎರಡು ಖಾತೆಗಳು ಒಂದು ವಾರದಲ್ಲಿ ಎರಡು ಬಾರಿ ಹ್ಯಾಕ್ ಹಾಕಿದ್ದು, ಈ ವಿಚಾರವಾಗಿ ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ.

    ಆಸ್ಟ್ರೇಲಿಯಾ ಪರ ಉತ್ತಮ ಆಲ್‍ರೌಂಡರ್ ಆಟವಾಡಿದ್ದ ವ್ಯಾಟ್ಸನ್ 190 ಏಕದಿನ ಪಂದ್ಯಗಳನ್ನು ಆಡಿ 5,757 ರನ್ ಬಾರಿಸಿದ್ದಾರೆ ಮತ್ತು 168 ವಿಕೆಟ್ ಪಡೆದಿದ್ದಾರೆ. 59 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಅವರು 3,731 ರನ್ ಹೊಡೆದು 75 ವಿಕೆಟ್ ಕಬಳಿಸಿದ್ದಾರೆ. 58 ಅಂತಾರಾಷ್ಟ್ರೀಯ ಟಿ-20 ಪಂದ್ಯಗಳನ್ನಾಡಿರುವ ಅವರು 1,462 ರನ್ ಹೊಡೆದು ಒಟ್ಟು 48 ವಿಕೆಟ್ ಪಡೆದಿದ್ದಾರೆ. ಐಪಿಎಲ್ ನಲ್ಲಿ ಆಡುತ್ತಿರುವ ವ್ಯಾಟ್ಸನ್ ಧೋನಿ ನಾಯಕತ್ವದ ಚೆನ್ನೈ ಸೂಪರ್ ಕಿಂಗ್ಸ್ ತಂಡದಲ್ಲಿ ಪ್ರಮುಖ ಆಟಗಾರ ಆಗಿದ್ದಾರೆ.

  • ಗೋಡೆಗೆ ಪಂಚ್ ಕೊಟ್ಟು ಆಸ್ಪತ್ರೆ ಸೇರಿದ ಆಸೀಸ್ ಕ್ರಿಕೆಟರ್

    ಗೋಡೆಗೆ ಪಂಚ್ ಕೊಟ್ಟು ಆಸ್ಪತ್ರೆ ಸೇರಿದ ಆಸೀಸ್ ಕ್ರಿಕೆಟರ್

    ಪರ್ತ್: ಇತ್ತೀಚೆಗೆ ನಡೆದ ಆ್ಯಶಸ್ ಟೆಸ್ಟ್ ಟೂರ್ನಿಯ ಅಂತಿಮ ಪಂದ್ಯದಲ್ಲಿ 5 ವಿಕೆಟ್ ಪಡೆದು ತಂಡದ ಗೆಲುವಿಗೆ ಕಾರಣರಾಗಿದ್ದ ಆಸೀಸ್ ಆಟಗಾರ ಮಿಚೆಲ್ ಮಾರ್ಷ್, ಸ್ವತಃ ಮಾಡಿದ ಎಡವಟ್ಟಿನಿಂದ ಆಸ್ಪತ್ರೆ ಸೇರಿದ್ದಾರೆ.

    ಶೆಫಿಲ್ಡ್ ಶೀಲ್ಡ್ ಟೂರ್ನಿಯ ಭಾಗವಾಗಿ ವೆಸ್ಟರ್ನ್ ಆಸ್ಟೇಲಿಯಾ ತಂಡದ ನಾಯಕತ್ವ ವಹಿಸಿಕೊಂಡಿರುವ ಮಿಚೆಲ್ ಮಾರ್ಷ್, ಪರ್ತ್ ನಲ್ಲಿ ನಡೆದಿದ್ದ ಪಂದ್ಯದಲ್ಲಿ ಎದುರಾಳಿ ತಂಡದ ವಿರುದ್ಧ ಅರ್ಧ ಶತಕ ಗಳಿಸಿ ಮಿಂಚಿದ್ದರು. ಆದರೆ ಪಂದ್ಯ ಅಂತಿಮವಾಗಿ ಡ್ರಾದಲ್ಲಿ ಅಂತ್ಯವಾಗಿತ್ತು.

    ಪಂದ್ಯ ಡ್ರಾ ಆದ ಅಸಮಾಧಾನದಿಂದ ಆಟಗಾರರ ಕೊಠಡಿಗೆ ತೆರಳಿದ್ದ ಮಾರ್ಷ್ ತನ್ನ ಬಲಗೈಯಿಂದ ಗೋಡೆಗೆ ಪಂಚ್ ನೀಡಿದ್ದು, ಪರಿಣಾಮ ಅವರ ಕೈಗೆ ತೀವ್ರ ಪೆಟ್ಟಾಗಿತ್ತು. ನೋವಿನಿಂದ ಬಳಲುತ್ತಿದ್ದ ಮಾರ್ಷ್ ರನ್ನು ತಂಡದ ಮ್ಯಾನೇಜ್‍ಮೆಂಟ್ ಆಸ್ಪತ್ರೆಗೆ ದಾಖಲು ಮಾಡಿದೆ.

    ಮಾರ್ಷ್ ಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಿದ್ದು, ಅವರ ಕೈಗೆ ಬಲವಾದ ಪೆಟ್ಟು ಬಿದ್ದ ಕಾರಣದಿಂದ ಸದ್ಯ ಅವರು ಟೂರ್ನಿಯ ಕೆಲ ಪಂದ್ಯಗಳಿಂದ ಹೊರಬಿದ್ದಿದ್ದಾರೆ. ಈ ಕುರಿತು ಪ್ರತಿಕ್ರಿಯೆ ನೀಡಿರುವ ತಂಡದ ವಕ್ತಾರರು, ಮಾರ್ಷ್ ಮುಂದಿನ ಆಡುತ್ತಾರಾ ಎಂಬ ಬಗ್ಗೆ ವೈದ್ಯರ ಸಲಹೆಗೆ ಕಾದು ನೋಡುತ್ತಿದ್ದೇವೆ. ಅವರಿಗೆ ಆಗಿರುವ ಗಾಯದ ಬಗ್ಗೆ ಸ್ಪಷ್ಟ ಮಾಹಿತಿ ಲಭಿಸಲು ಇನ್ನು ಕೆಲ ಸಮಯದ ಬೇಕಿದೆ ಎಂದಿದ್ದಾರೆ.

    ಈಗಾಗಲೇ ಹಲವು ಬಾರಿ ಗಾಯದ ಸಮಸ್ಯೆಯಿಂದ ತಂಡದಿಂದ ಹೊರಗುಳಿದಿದ್ದ ಮಾರ್ಷ್ ಇತ್ತೀಚೆಗಷ್ಟೇ ಕಮ್ ಬ್ಯಾಕ್ ಮಾಡಿದ್ದರು. ಅಲ್ಲದೇ ಉತ್ತಮ ಪ್ರದರ್ಶನ ನೀಡುವುದರೊಂದಿಗೆ ತಂಡದಲ್ಲಿ ಸ್ಥಾನ ಉಳಿಸಿಕೊಳ್ಳುವ ವಿಶ್ವಾಸವನ್ನು ವ್ಯಕ್ತಪಡಿಸಿದ್ದರು. ಆದರೆ ಈ ನಡುವೆಯೇ ಸ್ವಂತ ತಪ್ಪಿನಿಂದ ತಂಡದಿಂದ ಹೊರಗುಳಿಯುವ ಸ್ಥಿತಿಗೆ ತಲುಪಿದ್ದಾರೆ.

  • ಆ್ಯಶಸ್ ಟೆಸ್ಟ್: 113 ವರ್ಷಗಳ ಹಿಂದಿನ ಕೆಟ್ಟ ದಾಖಲೆ ಬ್ರೇಕ್

    ಆ್ಯಶಸ್ ಟೆಸ್ಟ್: 113 ವರ್ಷಗಳ ಹಿಂದಿನ ಕೆಟ್ಟ ದಾಖಲೆ ಬ್ರೇಕ್

    ಲಂಡನ್: ಇಂಗ್ಲೆಂಡ್ ಹಾಗೂ ಆಸ್ಟ್ರೇಲಿಯಾ ನಡುವೆ ನಡೆದ ಆ್ಯಶಸ್ ಟೆಸ್ಟ್ ಸರಣಿಯಲ್ಲಿ 113 ವರ್ಷಗಳ ಹಿಂದಿನ ಕೆಟ್ಟ ದಾಖಲೆಯನ್ನು ಇತ್ತಂಡಗಳ ಆರಂಭಿಕ ಆಟಗಾರರು ಮುರಿದಿದ್ದಾರೆ.

    ಇಂಗ್ಲೆಂಡ್ ನೆಲದಲ್ಲಿ ನಡೆದ ಈ ಸಾಲಿನ ಆ್ಯಶಸ್ ಟೂರ್ನಿ 2-2 ಅಂತರದಲ್ಲಿ ಟೈನೊಂದಿಗೆ ಅಂತ್ಯವಾಗಿದೆ. ಆದರೆ ಟೂರ್ನಿಯಲ್ಲಿ ಇತ್ತಂಡಗಳ ಆರಂಭಿಕ ಆಟಗಾರರು ಮಾತ್ರ ತೀವ್ರ ನಿರಾಸೆ ಮೂಡಿಸಿದ್ದು, 12.55ರ ಸರಾಸರಿಯಲ್ಲಿ ರನ್ ಗಳಿಸಿದ್ದಾರೆ. ಭಾನುವಾರ ಅಂತ್ಯವಾದ ಅಂತಿಮ ಟೆಸ್ಟ್ ನ 5ನೇ ದಿನದಾಟದಲ್ಲಿ ಆಸೀಸ್ ತಂಡದ ಡೇವಿಡ್ ವಾರ್ನರ್ 11 ರನ್ ಹಾಗೂ ಹ್ಯಾರಿಸ್ 09 ರನ್ ಗಳಿಸಿ ಔಟಾಗಿದ್ದರು. ಪರಿಣಾಮ ಐದು, ಅದಕ್ಕಿಂತ ಹೆಚ್ಚಿನ ಟೆಸ್ಟ್ ಪಂದ್ಯಗಳ ಟೂರ್ನಿಯಲ್ಲಿ ಇತ್ತಂಡಗಳ ಆರಂಭಿಕ ಆಟಗಾರರು ಗಳಿಸಿದ ಸರಾಸರಿ ಕಡಿಮೆ ರನ್ ಗಳಸಿದ ಕೆಟ್ಟ ದಾಖಲೆಗೆ ಕಾರಣರಾಗಿದ್ದಾರೆ.

    ಈ ಹಿಂದೆ 1906 ರಲ್ಲಿ ನಡೆದಿದ್ದ ದಕ್ಷಿಣ ಆಫ್ರಿಕಾ ಹಾಗೂ ಇಂಗ್ಲೆಂಡ್ ನಡುವಿನ ಐದು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಇತ್ತಂಡಗಳ ಆರಂಭಿಕ ಆಟಗಾರರು 14.16 ಸರಾಸರಿಯಲ್ಲಿ ರನ್ ಗಳಿಸಿದ್ದರು. ಸದ್ಯ ಆಸೀಸ್ ಹಾಗೂ ಇಂಗ್ಲೆಂಡ್ ಆರಂಭಿಕ ಆಟಗಾರರು ಇದಕ್ಕಿಂತ ಕಡಿಮೆ ಸರಾಸರಿಯಲ್ಲಿ ರನ್ ಗಳಿಸಿದ್ದಾರೆ.

    ಆ್ಯಶಸ್ ಸರಣಿಯ ಅಂತಿಮ ಟೆಸ್ಟ್ ಪಂದ್ಯದ 2ನೇ ಇನ್ನಿಂಗ್ಸ್ ನಲ್ಲಿ ಇಂಗ್ಲೆಂಡ್ 329 ರನ್ ಗಳಿಗೆ ಆಲೌಟ್ ಆಗಿ ಆಸೀಸ್‍ಗೆ 399 ರನ್‍ಗಳ ಗುರಿ ನೀಡಿತ್ತು. ಪರಿಣಾಮ 2001ರ ಬಳಿಕ ಆಸೀಸ್ ವಿದೇಶಿ ನೆಲದಲ್ಲಿ ಆ್ಯಶಸ್ ಟೂರ್ನಿ ಗೆಲುವಿಗೆ 399 ರನ್ ಗಳಿಸಬೇಕಿತ್ತು. ಆದರೆ ಆಸೀಸ್ ಆಟಗಾರರು 2ನೇ ಇನ್ನಿಂಗ್ ನಲ್ಲಿ 263 ರನ್ ಗಳಿಗೆ ಆಲೌಟ್ ಆದ ಹಿನ್ನೆಲೆಯಲ್ಲಿ ಇಂಗ್ಲೆಂಡ್ 135 ರನ್ ಗಳ ಜಯ ಪಡೆಯಿತು. ಇದರೊಂದಿಗೆ ಆಸೀಸ್ ಸರಣಿ 2-2 ಅಂತರದಲ್ಲಿ ಸಮಬಲದೊಂದೊಗೆ ಅಂತ್ಯವಾಯಿತು. 47 ವರ್ಷಗಳ ಬಳಿಕ ಆ್ಯಶಸ್ ಸರಣಿ ಡ್ರಾದೊಂದಿಗೆ ಅಂತ್ಯಗೊಂಡಿತು. ಈ ಹಿಂದೆ 1972 ರಲ್ಲಿ ಆ್ಯಶಸ್ ಸರಣಿ ಡ್ರಾಗೊಂಡಿತ್ತು.

  • ಕುಡಿದ ಮತ್ತಿನಲ್ಲಿ ‘ಬಾಲ್ ಟ್ಯಾಂಪರಿಂಗ್’ ಗುಟ್ಟು ಬಿಚ್ಚಿಟ್ಟಿದ್ದ ವಾರ್ನರ್

    ಕುಡಿದ ಮತ್ತಿನಲ್ಲಿ ‘ಬಾಲ್ ಟ್ಯಾಂಪರಿಂಗ್’ ಗುಟ್ಟು ಬಿಚ್ಚಿಟ್ಟಿದ್ದ ವಾರ್ನರ್

    ಲಂಡನ್: ಆಸ್ಟ್ರೇಲಿಯಾ ತಂಡದ ಆಟಗಾರ ಡೇವಿಡ್ ವಾರ್ನರ್ ಮೋಸದಾಟವಾಡಿ ಶಿಕ್ಷೆಯನ್ನು ಅನುಭವಿಸಿದ್ದರು. ಆದರೆ ಅವರು ಕೇವಲ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಮಾತ್ರವಲ್ಲದೇ ದೇಶಿಯ ಕ್ರಿಕೆಟ್ ಟೂರ್ನಿಗಳಲ್ಲೂ ಬಾಲ್ ಟ್ಯಾಂಪರಿಂಗ್ ಮಾಡುತ್ತಿದ್ದ ಸಂಗತಿ ಸದ್ಯ ಬೆಳಕಿಗೆ ಬಂದಿದೆ.

    ಇಂಗ್ಲೆಂಡ್ ತಂಡದ ಮಾಜಿ ಆಟಗಾರ ಅಲಿಸ್ಟ್ರೈರ್ ಕುಕ್ ಈ ಸಂಗತಿಯನ್ನು ಬಹಿರಂಗ ಪಡಿಸಿದ್ದು, ಸೆ.5 ರಂದು ಬಿಡುಗಡೆಯಾದ ಕುಕ್‍ರ ಆತ್ಮಚರಿತ್ರೆಯಲ್ಲಿ ಈ ಕುರಿತು ವಿವರಿಸಿದ್ದಾರೆ.

    2017-18ರ ಆ್ಯಶಸ್ ಸರಣಿಯ ವೇಳೆ ನಡೆದ ಘಟನೆಯನ್ನು ಕುಕ್ ತಿಳಿಸಿದ್ದು, ವಾರ್ನರ್ ಹಾಗೂ ಇಂಗ್ಲೆಂಡಿನ ಕೆಲ ಆಟರೊಂದಿಗೆ ಬಿಯರ್ ಕುಡಿಯುತ್ತಿದ್ದ ವೇಳೆ ವಾರ್ನರ್ ಈ ಸಂಗತಿಯನ್ನು ತಿಳಿಸಿದ್ದಾಗಿ ಹೇಳಿದ್ದಾರೆ. 2 ಬಾಟಲ್ ಬಿಯರ್ ಕುಡಿದ ಮೇಲೆ ವಾರ್ನರ್ ದೇಶಿಯ ಕ್ರಿಕೆಟ್ ಪಂದ್ಯವೊಂದರ ಸಂದರ್ಭದಲ್ಲಿ ಬಾಲ್ ಟ್ಯಾಪರಿಂಗ್ ನಡೆಸಲು ಬೇಕಾದ ವಸ್ತುವನ್ನು ಕೈಬೆರಳಿಗೆ ಕಟ್ಟಿಕೊಂಡು ತೆರಳುತ್ತಿದ್ದಾಗಿ ತಿಳಿಸಿದ್ರು. ಆದರೆ ಸ್ಮಿತ್ ತಕ್ಷಣ ಎಚ್ಚೆತ್ತು, ಇದನ್ನು ನೀನು ಹೇಳಬಾರದಿತ್ತು ಎಂದು ಎಚ್ಚರಿಕೆ ನೀಡಿದ್ದಾಗಿ ಅಂದು ಘಟನೆಯ ಬಗ್ಗೆ ಕುಕ್ ವಿವರಿಸಿದ್ದಾರೆ.

    ದಕ್ಷಿಣ ಆಫ್ರಿಕಾ ಸರಣಿ ಸಂದರ್ಭದಲ್ಲಿ ನಡೆದ ಬಾಲ್ ಟ್ಯಾಪರಿಂಗ್ ಪ್ರಕರಣದಲ್ಲಿ ತಂಡದ ನಾಯಕರಾಗಿದ್ದ ಸ್ಮಿತ್, ಉಪನಾಯಕ ವಾರ್ನರ್ 1 ವರ್ಷ ನಿಷೇಧ ಅನುಭವಿಸಿದ್ದರು. ಇತ್ತ ಇಂಗ್ಲೆಂಡ್ ಪರ ಅತಿ ಹೆಚ್ಚು ರನ್ ಸಿಡಿಸಿ ದಾಖಲೆ ಹೊಂದಿರುವ ಕುಕ್ 2018ರಲ್ಲಿ ಭಾರತ ಪ್ರವಾಸ ಬಳಿಕ ಕ್ರಿಕೆಟ್ ವೃತ್ತಿ ಜೀವನಕ್ಕೆ ನಿವೃತ್ತಿ ಘೋಷಿಸಿದ್ದರು.

  • ರೂಮಿನ ಕಿಟಕಿ ತೆರೆದು ಸೆಕ್ಸ್ ಪಾರ್ಟಿ – ಪ್ರೇಯಸಿ, ವೇಶ್ಯೆಯರ ಜೊತೆ ವಾರ್ನ್ ಸಲ್ಲಾಪ

    ರೂಮಿನ ಕಿಟಕಿ ತೆರೆದು ಸೆಕ್ಸ್ ಪಾರ್ಟಿ – ಪ್ರೇಯಸಿ, ವೇಶ್ಯೆಯರ ಜೊತೆ ವಾರ್ನ್ ಸಲ್ಲಾಪ

    ಲಂಡನ್: ಆಸ್ಟ್ರೇಲಿಯಾ ಮಾಜಿ ಸ್ಪಿನ್ ಬೌಲರ್ ಶೇನ್ ವಾರ್ನ್ ಮತ್ತೊಮ್ಮೆ ತಮ್ಮ ಸೆಕ್ಸ್ ಸ್ಕ್ಯಾಂಡಲ್ ಮೂಲಕ ಸುದ್ದಿಯಾಗಿದ್ದಾರೆ. ಕಳೆದ 2 ದಿನಗಳ ಹಿಂದೆ 19 ಹಾಗೂ 27 ವರ್ಷದ ವೇಶ್ಯೆಯರನ್ನು ಮನೆಗೆ ಕರೆತಂದು ತಮ್ಮ ಪ್ರೇಯಸಿಯೊಂದಿಗೆ ಸರಸ ಸಲ್ಲಾಪದಲ್ಲಿ ತೊಡಗಿದ್ದರು. ಈ ಕುರಿತು ಅಲ್ಲಿನ ಸ್ಥಳೀಯ ಮಾಧ್ಯಮವೊಂದು ವರದಿ ಮಾಡಿದೆ.

    ಶೇನ್ ವಾರ್ನ್ ಲಂಡನಿನಲ್ಲಿ 30 ಕೋಟಿ ರೂ. ಮೌಲ್ಯದ ಮನೆಯನ್ನು ಹೊಂದಿದ್ದು, ತನ್ನ ರೂಮಿನ ಕಿಟಕಿಗಳನ್ನು ತೆರೆದು ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದರು ಎಂಬ ಆರೋಪ ಕೇಳಿಬಂದಿದೆ. ವಾರ್ನ್ ನಡೆಯಿಂದ ಸಮಸ್ಯೆ ಎದುರಿಸಿದ ನೆರೆ ಮನೆಯ ನಿವಾಸಿಗಳು ಸ್ಥಳೀಯ ಮಾಧ್ಯಮವೊಂದಕ್ಕೆ ಮಾಹಿತಿ ನೀಡಿದ್ದಾರೆ. ಈ ಕುರಿತು ವರದಿ ಮಾಡಿರುವ ಮಾಧ್ಯಮ, ಇಬ್ಬರು ವೇಶ್ಯೆಯರಿಗೆ ವಾರ್ನ್ 1 ಗಂಟೆಗೆ 40 ರಿಂದ 50 ಸಾವಿರ ರೂ. ಪಾವತಿ ಮಾಡಿರುವುದಾಗಿ ಉಲ್ಲೇಖಿಸಿದೆ.

    ಕ್ರಿಕೆಟ್ ವೃತ್ತಿ ಜೀವನದ ಸಮಯದಲ್ಲೇ ಹಲವು ಯುವತಿಯರನ್ನು ಪ್ರೀತಿ ಮಾಡಿ ಮದುವೆ ಮಾಡಿಕೊಂಡು ವಿಚ್ಛೇದನ ನೀಡುವ ಮೂಲಕ ವಾರ್ನ್ ಸುದ್ದಿಯಾಗಿದ್ದರು. ಅಲ್ಲದೇ ಹಲವರೊಂದಿಗೆ ಸುತ್ತಾಡಿ ಆ ಬಳಿಕ ಸಂಬಂಧ ಕಡಿದುಕೊಂಡಿದ್ದರು. ಈ ಹಿಂದೆ ಇದೇ ಕಾರಣಕ್ಕಾಗಿಯೇ ವಾರ್ನ್ ಕೆಲ ಕ್ರಿಕೆಟ್ ಪಂದ್ಯಗಳಿಂದಲೂ ದೂರವಾಗಿದ್ದರು. ಎಷ್ಟೋ ಬಾರಿ ನಿದ್ದೆ ಮಂಪರಿನಲ್ಲೇ ಕ್ರಿಕೆಟ್ ಮೈದಾನಕ್ಕೆ ಬಂದಿದ್ದರು ಎಂದು ಕೆಲ ಸಹ ಆಟಗಾರರು ಕೂಡ ಹೇಳಿಕೆ ನೀಡಿದ್ದರು.

    ತನ್ನ ಈ ಲೈಂಗಿಕತೆಯ ಬಗ್ಗೆ ಹಲವು ಬಾರಿ ನೇರ ನೇರ ಮಾತನಾಡಿರುವ ವಾರ್ನ್, ನಾನು ಯಾವುದೇ ಅಪರಾಧವನ್ನು ಮಾಡುತ್ತಿಲ್ಲ. ನನಗೆ ಸುಂದರ ಯುವತಿಯರು ಎಂದರೇ ಇಷ್ಟ. ಯುವತಿಯ ಅನುಮತಿಯೊಂದಿಗೆ ನಾನು ಆಕೆಯ ಜೊತೆ ಸಮಯ ಕಳೆಯುತ್ತೇನೆ ಎಂದಿದರು. ತನ್ನ ಮಗಳಿಗಿಂತ ಕಿರಿಯ ಯುವತಿಯರೊಂದಿಗೆ ವಾರ್ನ್ ಸುತ್ತಾಟ ನಡೆಸಿದ್ದ ಕುರಿತು ಕೆಲ ಮಾಧ್ಯಮಗಳು ವರದಿ ಮಾಡಿದ್ದವು. 2000 ರಲ್ಲಿ ವಾರ್ನ್ ಆಸ್ಪತ್ರೆಯ ನರ್ಸ್ ಒಬ್ಬರಿಗೆ ಕಾಮಪ್ರಚೋದಕ ಮೇಸೆಜ್ ಕಳುಹಿಸಿದ ಕಾರಣದಿಂದ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಉಪನಾಯಕನ ಸ್ಥಾನವನ್ನು ಕಳೆದುಕೊಂಡಿದ್ದರು.

    ಉಳಿದಂತೆ 1993 ರಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್‍ನಲ್ಲಿ ಪ್ರಮುಖ ಬೌಲರ್ ಆಗಿ ಮಿಂಚಿದ್ದ ವಾರ್ನ್ 1995 ರಲ್ಲಿ ಮೊದಲ ಬಾರಿಗೆ ವಿವಾಹವಾಗಿದ್ದರು. 2003 ರಲ್ಲಿ ನಿಷೇಧಿತ ಔಷಧಿ ಸೇವಿಸಿ ಕ್ರಿಕೆಟ್‍ನಿಂದ ದೂರವಾಗಿದ್ದರು. ಪರಿಣಾಮ ಅವರು ವಿಶ್ವಕಪ್ ಕ್ರಿಕೆಟ್ ಟೂರ್ನಿಯಿಂದಲೂ ಹೊರಗುಳಿದಿದ್ದರು. 2005 ರಲ್ಲಿ ಮೊದಲ ಪತ್ನಿಗೆ ವಿಚ್ಛೇದನ ನೀಡಿದ್ರು. 2006 ರಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್‍ಗೆ ನಿವೃತ್ತಿ ಘೋಷಿಸಿದ್ದರು. 2011 ರಲ್ಲಿ 2ನೇ ಮದುವೆಯಾದ ವಾರ್ನ್ ಸದ್ಯ ಆಕೆಗೂ ಗುಡ್ ಬಾಯ್ ಹೇಳಿದ್ದಾರೆ ಎನ್ನಲಾಗಿದೆ.

  • ಹೆಣ್ಣು ಮಗುವಿನ ತಾಯಿಯಾಗಿದ್ದಾರೆ `ಅಗ್ನಿಸಾಕ್ಷಿಯ’ ಚಂದ್ರಿಕಾ

    ಹೆಣ್ಣು ಮಗುವಿನ ತಾಯಿಯಾಗಿದ್ದಾರೆ `ಅಗ್ನಿಸಾಕ್ಷಿಯ’ ಚಂದ್ರಿಕಾ

    ಬೆಂಗಳೂರು: ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ‘ಅಗ್ನಿಸಾಕ್ಷಿ’ ಧಾರಾವಾಹಿಯಲ್ಲಿ ಈ ಹಿಂದೆ ಚಂದ್ರಿಕಾ ಪಾತ್ರಧಾರಿಯಾಗಿ ರಾಜೇಶ್ವರಿ ಪಾರ್ಥಸಾರ್ಥಿ ಅವರು ಅಭಿನಯಿಸುತ್ತಿದ್ದರು. ಅವರು ಈ ಧಾರಾವಾಹಿಯಿಂದ ಹೊರಬಂದು ಕೆಲವು ವರ್ಷಗಳಾಗಿದ್ದು, ಇದೀಗ ಅವರು ಸಂಪೂರ್ಣ ಬದಲಾಗಿದ್ದಾರೆ.

    ರಾಜೇಶ್ವರಿ ಅವರು ಮದುವೆಯಾದ ನಂತರ ಸೀರಿಯಲ್‍ನಿಂದ ಹೊರಬಂದು ಪತಿ ಕಲ್ಯಾಣ್ ಕ್ರಿಶ್ ಅವರೊಂದಿಗೆ ಆಸ್ಟ್ರೇಲಿಯಾದಲ್ಲಿ ವಾಸಿಸುತ್ತಿದ್ದಾರೆ. ಈ ದಂಪತಿಗೆ ಹೆಣ್ಣು ಮಗುವಾಗಿದ್ದು, ಮಗುವಿಗೆ ಹವ್ಯಾ ಕೃಷ್ಣ ಎಂದು ನಾಮಕರಣವನ್ನೂ ಮಾಡಿದ್ದಾರೆ. ಗರ್ಭಿಣಿಯಾಗಿದ್ದ ಸಂದರ್ಭದಲ್ಲಿ ಫೋಟೋಶೂಟ್ ಕೂಡ ಮಾಡಿಸಿಕೊಂಡಿದ್ದರು.

    ರಾಜೇಶ್ವರಿ ಅವರು ಮದುವೆಯಾದ ನಂತರ ಸಿನಿಮಾರಂಗದಿಂದ ದೂರ ಸರಿದಿದ್ದು, ಇದೀಗ ಆಸ್ಟ್ರೇಲಿಯಾದಲ್ಲಿ ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದಾರೆ. ರಾಜೇಶ್ವರಿ ಅವರ ವೇಷ ಭೂಷಣ ಕೂಡ ಸಂಪೂರ್ಣ ಬದಲಾಗಿದೆ.

    ಧಾರಾವಾಹಿಯಲ್ಲಿ ರಾಜೇಶ್ವರಿ ಅವರು ತಮ್ಮ ಉದ್ದವಾದ ಕೂದಲಿನಿಂದಲೇ ಎಲ್ಲರ ಗಮನ ಸೆಳೆದಿದ್ದರು. ಆದರೆ ಈಗ ಕೂದಲನ್ನು ಕತ್ತರಿಸಿ ವಿಭಿನ್ನವಾಗಿ ಕಾಣುತ್ತಿದ್ದಾರೆ. ನಟಿ ರಾಜೇಶ್ವರಿ ಅವರು ‘ಅಗ್ನಿಸಾಕ್ಷಿ’ ಧಾರಾವಾಹಿಯಲ್ಲಿ ಖಳನಟಿಯಾಗಿ ಅಭಿನಯಿಸುತ್ತಿದ್ದು, ಚಂದ್ರಿಕಾ ಹೆಸರಿನಲ್ಲಿ ಪ್ರೇಕ್ಷಕರ ಮನದಲ್ಲಿದ್ದರು.

  • ನಾನು ರಾಣಿಯ ಪುನರ್ಜನ್ಮವೆಂದ 4ರ ಪೋರ

    ನಾನು ರಾಣಿಯ ಪುನರ್ಜನ್ಮವೆಂದ 4ರ ಪೋರ

    ಲಂಡನ್: ಆಸ್ಟ್ರೇಲಿಯಾದ 4 ವರ್ಷದ ಪೋರನೊಬ್ಬ ತಾನು ಬ್ರಿಟನ್ ರಾಣಿ ಡಯಾನಾಳ ಪುನರ್ಜನ್ಮ ಎಂದು ಹೇಳಿಕೊಂಡಿದ್ದಾನೆ.

    ಹುಡುಗನ ತಂದೆ ಆಸ್ಟ್ರೇಲಿಯಾದ ಟಿವಿ ವಾಹಿನಿಯೊಂದರಲ್ಲಿ ನಿರೂಪಕರಾಗಿದ್ದು, ತನ್ನ ಮಗ ಹೇಳುವಂತೆ ಡಯಾನಾಳ ಪುನರ್ಜನ್ಮವೆಂದು ನಂಬಿದ್ದಾನೆ ಎಂದು ಯುಕೆ ಮಾಧ್ಯಮವೊಂದು ವರದಿ ಮಾಡಿದೆ.

    https://www.instagram.com/p/ByuhpsiAziw/?

    ಆಸ್ಟ್ರೇಲಿಯಾದ ಟಿವಿ ವಾಹಿನಿ ನಿರೂಪಕ ಡೇವಿಡ್ ಕ್ಯಾಂಪ್‍ಬೆಲ್ ಪುತ್ರ ಬಿಲ್ಲಿ ಕ್ಯಾಂಪ್‍ಬೆಲ್. ರಾಣಿ ಡಯಾನಾ 1997ರಲ್ಲಿ ಕಾರ್ ಅಪಘಾತದಲ್ಲಿ ಸಾವನ್ನಪ್ಪಿದ್ದಾಳೆ. ರಾಣಿಯ ಸಾವಿನ 18 ವರ್ಷಗಳ ನಂತರ ಈ ಪೋರ ಜನಿಸಿದ್ದು, ಇದೀಗ ರಾಣಿಯ ಪುನರ್ಜನ್ಮ ನಾನೇ ಎಂದು ಹೇಳುತ್ತಿದ್ದಾನೆ.

    https://www.instagram.com/p/BuP9FXxgoUO/?

    ಮಗನ ಮಾತು ಕೇಳಿ ದಿಗ್ಬ್ರಮೆಗೊಂಡ ಅವನ ತಂದೆ, ಬಿಲ್ಲಿ(ಈಗ ಎರಡು ವರ್ಷ) ರಾಣಿ ಡಯಾನಾ ಅವರ ಫೋಟೊ ತೋರಿಸಿ ನೋಡಿ ಇದು ನಾನು ರಾಣಿಯಾಗಿದ್ದಾಗಿನ ಫೋಟೊ ಎಂದು ಹೇಳುತ್ತಾರೆ. ಈ ವರೆಗೂ ಡಯಾನಾಳೊಂದಿಗಿನ ನನ್ನ ಮಗನ ಗೀಳು ಇನ್ನೂ ನಿಂತಿಲ್ಲ ಎಂದು ಡೆವಿಡ್ ವಿವರಿಸಿದ್ದಾರೆ.

    ವಿಚಿತ್ರವೆಂದರೆ, ಬಿಲ್ಲಿ ಎಂಬ ಬಾಲಕ ಡಯಾನಾಳ ಜೀವನದ ಯಾವುದೇ ಘಟನೆಯನ್ನು ವಿವರಿಸ ಬಲ್ಲನು. ಅಲ್ಲದೆ, ರಾಜಕುಮಾರಿ ಡಯಾನಳ ಮಕ್ಕಳಾದ ರಾಜಕುಮಾರ ವಿಲಿಯಂ ಮತ್ತು ಹ್ಯಾರಿ ನನ್ನ ಮಕ್ಕಳು ಎಂದು ಹೇಳುತ್ತಾನೆ. ಅಲ್ಲದೆ, ಬಾಲಕ ಪರಿಚಿತರಲ್ಲದ ಕುಡುಂಬ ಸದಸ್ಯರೊಂದಿಗೆ ಆತ್ಮೀರಂತೆ ಮಾತನಾಡುತ್ತಾನೆ. ಅದರಲ್ಲಿ ಕೆಲವು ಹುಡುಗರ ಹೆಸರನ್ನೂ ಹೇಳುತ್ತಾನೆ ಎಂದು ಹುಡುಗನ ತಂದೆ ವಿವರಿಸಿದ್ದಾರೆ.

    ಹುಟ್ಟಿ ಕೆಲವೇ ಗಂಟೆಗಳಲ್ಲಿ ಮರಣ ಹೊಂದಿದ ರಾಣಿ ಡಯಾನಾಳ ಸಹೋದರ ಜಾನ್ ಬಗ್ಗೆಯೂ ಸಹ ಬಿಲ್ಲಿ ಮಾತನಾಡುತ್ತಾನೆ ಎಂದು ಹುಡುಗನ ತಂದೆ ಡೆವಿಡ್ ತಿಳಿಸಿದ್ದಾರೆ.

  • ರಕ್ತ ಸುರಿಯುತ್ತಿದ್ದರೂ ಬ್ಯಾಟಿಂಗ್ ನಡೆಸಿ ಅಭಿಮಾನಿಗಳ ಮನಗೆದ್ದ ಆಸೀಸ್ ಆಟಗಾರ

    ರಕ್ತ ಸುರಿಯುತ್ತಿದ್ದರೂ ಬ್ಯಾಟಿಂಗ್ ನಡೆಸಿ ಅಭಿಮಾನಿಗಳ ಮನಗೆದ್ದ ಆಸೀಸ್ ಆಟಗಾರ

    ಲಂಡನ್: ವಿಶ್ವಕಪ್ ಟೂರ್ನಿಯ 2ನೇ ಸೆಮಿಫೈನಲ್ ಪಂದ್ಯದಲ್ಲಿ ಆಸೀಸ್ ತಂಡದ ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ಅಲೆಕ್ಸ್ ಕ್ಯಾರಿ ಇಂಗ್ಲೆಂಡ್ ವೇಗದ ಬೌಲರ್ ಜೋಫ್ರೇ ಆರ್ಚರ್ ಬೌಲಿಂಗ್ ನಲ್ಲಿ ಗಾಯಗೊಂಡರು. ಈ ಸಂದರ್ಭದಲ್ಲಿ ಅವರ ಗಲ್ಲದಿಂದ ರಕ್ತ ಸುರಿಯುತ್ತಿದ್ದರೂ ಪೆವಿಲಿಯನ್‍ಗೆ ತೆರಳದೆ ಬ್ಯಾಟಿಂಗ್ ನಡೆಸಿ ಕ್ರಿಕೆಟ್ ಅಭಿಮಾನಿಗಳ ಮನಗೆದ್ದಿದ್ದಾರೆ.

    ಪಂದ್ಯದ 8ನೇ ಓವರಿನ ಅಂತಿಮ ಎಸೆತದಲ್ಲಿ ಘಟನೆ ನಡೆದಿದ್ದು, ಆರ್ಚರ್ ಅವರ ಬೌನ್ಸರ್ ನೇರ ಅಲೆಕ್ಸ್ ರ್ ಮುಖಕ್ಕೆ ಬಡಿದ ಪರಿಣಾಮ ಅವರ ಹೆಲ್ಮೆಟ್ ಕೂಡ ಕಳಚಿ ಬಂದಿತ್ತು. ತಕ್ಷಣ ಕ್ಯಾರಿ ತಮ್ಮ ಹೆಲ್ಮೆಟನ್ನು ಹಿಡಿದರು. ಈ ಸಂದರ್ಭದಲ್ಲಿ ಕ್ಯಾರಿ ಅವರ ಗಲ್ಲದಿಂದ ರಕ್ತ ಸೋರುತ್ತಿತ್ತು. ಕೂಡಲೇ ಅವರಿಗೆ ಚಿಕಿತ್ಸೆ ನೀಡಲಾಯಿತು. ಈ ಸಂದರ್ಭದಲ್ಲಿ ಆಟಗಾರರಲ್ಲಿ ಆತಂಕ ಮನೆ ಮಾಡಿತ್ತು.

    https://twitter.com/LucyBluck_/status/1149261581039165440

    ಗಾಯಗೊಂಡಿದ್ದರೂ ಮೈದಾನದಿಂದ ಹೊರ ತೆರಳದ ಕ್ಯಾರಿ ಬ್ಯಾಟಿಂಗ್ ಮುಂದುವರಿಸಿದರು. ಪಂದ್ಯದಲ್ಲಿ 70 ಎಸೆತ ಎದುರಿಸಿದ ಕ್ಯಾರಿ 4 ಬೌಂಡರಿ ನೆರವಿನಿಂದ 46 ರನ್ ಗಳಿಸಿ ಔಟಾದರು. ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆರಂಭಿಸಿದ ಆಸ್ಟ್ರೇಲಿಯಾ ಮೊದಲ 10 ಓವರ ಗಳಲ್ಲಿ 3 ವಿಕೆಟ್ ಕಳೆದುಕೊಂಡು ಕೇವಲ 27 ರನ್ ಗಳಿಸಿತ್ತು.

    ಸಾಮಾಜಿಕ ಜಾಲತಾಣದಲ್ಲಿ ಅಲೆಕ್ಸ್ ಕ್ಯಾರಿರ ವಿಡಿಯೋ ಸಾಕಷ್ಟು ವೈರಲ್ ಆಗಿದ್ದು, ಅವರ ಹೋರಾಟದ ಮನೋಭಾವಕ್ಕೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ. ವಿಶ್ವಕಪ್ ನಂತಹ ಟೂರ್ನಿಯಲ್ಲಿ ತಂಡದ ಪರ ಆಡುವುದು ಪ್ರತಿಯೊಬ್ಬ ಆಟಗಾರನ ಕನಸಾಗಿರುತ್ತದೆ. ಈ ಹಿನ್ನೆಲೆಯಲ್ಲಿ ಬ್ಯಾಂಡೇಜ್ ಕಟ್ಟಿಕೊಂಡೇ ಅಲೆಕ್ಸ್ ಕ್ಯಾರಿ ಬ್ಯಾಟಿಂಗ್ ನಡೆಸಿದ್ದರು. ಉಳಿದಂತೆ ಪಂದ್ಯದಲ್ಲಿ ಗೆಲುವು ಪಡೆದ ತಂಡ ಜುಲೈ 14 ರಂದು ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ನ್ಯೂಜಿಲೆಂಡ್ ತಂಡವನ್ನು ಎದುರಿಸಲಿದೆ.

  • ಮಿಸ್ ಯೂನಿವರ್ಸ್ ಆಸ್ಟ್ರೇಲಿಯಾ ಪಟ್ಟದೊಡತಿಯಾದ ಉಡುಪಿಯ ಚೆಲುವೆ

    ಮಿಸ್ ಯೂನಿವರ್ಸ್ ಆಸ್ಟ್ರೇಲಿಯಾ ಪಟ್ಟದೊಡತಿಯಾದ ಉಡುಪಿಯ ಚೆಲುವೆ

    ಸಿಡ್ನಿ: 2019ರ ಮಿಸ್ ಯೂನಿವರ್ಸ್ ಆಸ್ಟ್ರೇಲಿಯಾ ಕಿರೀಟವನ್ನು ಉಡುಪಿ ಮೂಲದ ಪ್ರಿಯಾ ಸೆರಾವೋ ತಮ್ಮ ಮುಡಿಗೆ ಏರಿಸಿಕೊಂಡಿದ್ದಾರೆ. ಗುರುವಾರ ಮೆಲ್ಬರ್ನ್ ನಗರದ ಪಂಚತಾರಾ ಹೋಟೆಲ್ ನಲ್ಲಿ ನಡೆದ ಸ್ಪರ್ಧೆಯಲ್ಲಿ 27 ಸ್ಪರ್ಧಿಗಳನ್ನು ಹಿಂದಿಕ್ಕಿ ಮಿಸ್ ಯೂನಿವರ್ಸ್ ಆಸ್ಟ್ರೇಲಿಯಾ ಆಗಿ ಪ್ರಿಯಾ ಹೊರ ಹೊಮ್ಮಿದ್ದಾರೆ. ಉಗಾಂಡ ಮೂಲದ ಬೆಲ್ಲಾ ಕಸಿಂಬಾ ದ್ವಿತೀಯಾ ಸ್ಥಾನಕ್ಕೆ ತೃಪ್ತಿಪಟ್ಟರು.

    ಕಾನೂನು ಪದವಿಧರೆಯಾಗಿರುವ 26 ವರ್ಷದ ಪ್ರಿಯಾ ಮೆಲ್ಬರ್ನ್ ನಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಉಡುಪಿಯ ಬೆಳ್ಮಣ್ಣುವಿನ ಮೂಲದ ಪ್ರಿಯಾ 11 ವರ್ಷದವರಿದ್ದಾಗ ಪೋಷಕರೊಂದಿಗೆ ದುಬೈ, ಒಮನ್ ನತ್ತ ವಲಸೆ ಬಂದಿದ್ದರು. ಸದ್ಯ ಮೆಲ್ಬರ್ನ್ ನಲ್ಲಿ ವಾಸವಾಗಿದ್ದಾರೆ. ಗೆಲುವಿನ ಬಳಿಕ ಮಾಧ್ಯಮಗಳ ಜೊತೆ ಮಾತನಾಡಿರುವ ಪ್ರಿಯಾ ಸೆರಾವೋ, ಆಸ್ಟ್ರೇಲಿಯಾದ ಬಹುತೇಕ ವಲಯಗಳಲ್ಲಿ ಅನ್ಯರು ಕಾಣಿಸುವುದಿಲ್ಲ. ಹಾಗಾಗಿ ನನ್ನ ಗೆಲುವು ಸಾಂಸ್ಕೃತಿಕ ವೈವಿಧ್ಯತೆಗೆ ಸಂದ ಗೌರವವಾಗಿದೆ ಎಂದಿದ್ದಾರೆ.

    https://www.instagram.com/p/Bw3BwC1jPBS/?utm_source=ig_embed

    ಪ್ರಶ್ನೋತ್ತರ ಸುತ್ತಿನಲ್ಲಿ ತೀರ್ಪುಗಾರರು, ನಿಮ್ಮ ಪ್ರಕಾರ ಟೀನೇಜ್ ಯುವತಿಯರಿಗೆ ಯಾರು ಪಾಸಿಟಿವ್ ಮಾಡೆಲ್ (ಆದರ್ಶ ವ್ಯಕ್ತಿ) ಆಗುತ್ತಾರೆ ಮತ್ತು ಯಾಕೆ ಎಂದು ಕೇಳಲಾಗಿತ್ತು. 16 ವರ್ಷದ ಗ್ರೇಟಾ ಥನ್ಬರ್ಗಾ ಟೀನೇಜ್ ಯುವತಿಯರಿಗೆ ಮಾದರಿ ಆಗುತ್ತಾರೆ. ಆಕೆ ಸಿಂಡ್ರೋಮ್ (Asperger syndrome) ನಿಂದ ಬಳಲುತ್ತಿದ್ದರೂ, ತನ್ನ ಹೋರಾಟವನ್ನು ಬಿಟ್ಟಿಲ್ಲ. ಹವಾಮಾನ ಬದಲಾವಣೆಯ ನಿಯಂತ್ರಣಕ್ಕಾಗಿ ಜಾಗತಿಕ ಮಟ್ಟದಲ್ಲಿ ವಿದ್ಯಾರ್ಥಿಗಳ ಮುನ್ನಡೆ ವಹಿಸಿಕೊಂಡು ಕೆಲಸ ಮಾಡುತ್ತಿದ್ದಾರೆ ಎಂದು ಉತ್ತರಿಸಿದ್ದಾರೆ.

    https://www.instagram.com/p/BxyZ33dj1Tc/

    ಸ್ಪರ್ಧೆಯಿಂದ ಬಂದಿರೋ 20 ಸಾವಿರ ಡಾಲರ್ (9.68 ಲಕ್ಷ ರೂ.) ಹಣವನ್ನ ಸಾರ್ವಜನಿಕ ನೀತಿ (Public Policy) ವಿಷಯದಲ್ಲಿ ಸ್ನಾತಕೋತ್ತರ ಪದವಿ ಪಡೆಯಲು ವ್ಯಯಿಸುತ್ತೇನೆ ಎಂದು ಪ್ರಿಯಾ ತಿಳಿಸಿದ್ದಾರೆ.

    ಪ್ರಿಯಾ ಸೆರೆವೋ ತಂದೆ ಕಿನ್ನಿಗೋಳಿಯವರಾಗಿದ್ದು, ತಾಯಿ ಬೆಳ್ಮಣ್ಣುವರಾಗಿದ್ದಾರೆ. ಸುಮಾರು 16 ವರ್ಷಗಳ ಹಿಂದೆಯೇ ದುಬೈ, ಒಮನ್ ನತ್ತ ವಲಸೆ ಹೋಗಿದ್ದರಿಂದ ಪ್ರಿಯಾರ ಶಿಕ್ಷಣ ವಿದೇಶದಲ್ಲಿ ಮುಗಿದಿದೆ.