Bloggers Unite

Tag: auction

  • ಚಾಮುಂಡಿ ದೇವಿಯ ಸೀರೆಯಿಂದ ಬಂತು ಕೋಟಿ ಆದಾಯ

    ಚಾಮುಂಡಿ ದೇವಿಯ ಸೀರೆಯಿಂದ ಬಂತು ಕೋಟಿ ಆದಾಯ

    ಮೈಸೂರು: ಚಾಮುಂಡಿ ಬೆಟ್ಟದಲ್ಲಿ ಭಕ್ತರು ಚಾಮುಂಡಿ ದೇವಿಗೆ ಹರಕೆ ರೂಪದಲ್ಲಿ ನೀಡುವ ಸೀರೆಗಳ ಹರಾಜಿನಿಂದ ದೇವಸ್ಥಾನಕ್ಕೆ ಬಾರಿ ಆದಾಯ ಬಂದಿದೆ.

    ದೇವಿಗೆ ಉಡಿಸುವ ಸೀರೆಗಳ ಹರಾಜಿನಿಂದ ಈ ವರ್ಷ ಒಂದು ಕೋಟಿ 73 ಲಕ್ಷ ರೂಪಾಯಿ ಆದಾಯ ಬಂದಿದೆ. ಈ ಮೊದಲು ಬಹಿರಂಗ ಹರಾಜಿನಲ್ಲಿ ಸೀರೆ ಹರಾಜು ಮಾಡಲಾಗುತ್ತಿತ್ತು. ಆಗ ಬಾರಿ ಬೆಲೆಯ ಸೀರೆಗಳು ಕಡಿಮೆ ಬೆಲೆಗೆ ಹರಾಜು ಆಗುತಿತ್ತು. ಹೀಗಾಗಿ ಸೀರೆಗಳ ಬಹಿರಂಗ ಹರಾಜಿನಿಂದ ಕಡಿಮೆ ಆದಾಯ ಬರುತ್ತಿತ್ತು.

    ಈಗ ಈ ಪದ್ಧತಿ ಬದಲಾಯಿಸಿ ಸೀರೆಯ ಮುಖಬೆಲೆಯ ಮೇಲೆ ಶೇಕಡಾ 25 ರಷ್ಟು ನೀಡಿ ಹರಾಜು ಮಾಡಲಾಗುತ್ತಿದೆ. ಪರಿಣಾಮ ಸೀರೆ ಹರಾಜಿನಿಂದ ಆದಾಯ ದುಪ್ಪಟ್ಟವಾಗಿದೆ. ಆದ್ದರಿಂದ ಈ ಬಾರಿ ಸೀರೆಗಳು ಹರಾಜಿನಿಂದ ಆದಾಯ ಹೆಚ್ಚಳವಾಗಿ ಬಂದಿದೆ.

  • ಬಹಿರಂಗವಾಗಿ ಸೇಬಿನ ಹಾರ ಹರಾಜು: ಸಂಗ್ರಹವಾದ ಹಣವನ್ನು ಅಭ್ಯರ್ಥಿಗೆ ನೀಡಿದ ಎಚ್‍ಡಿಡಿ

    ಬಹಿರಂಗವಾಗಿ ಸೇಬಿನ ಹಾರ ಹರಾಜು: ಸಂಗ್ರಹವಾದ ಹಣವನ್ನು ಅಭ್ಯರ್ಥಿಗೆ ನೀಡಿದ ಎಚ್‍ಡಿಡಿ

    ಮಂಡ್ಯ: ತಮಗೆ ಹಾಕಿದ ಸೇಬಿನ ಹಾರವನ್ನು ಹರಾಜು ಹಾಕಿ ಆ ಹಣವನ್ನು ತಮ್ಮ ಪಕ್ಷದ ನಾಗಮಂಗಲ ಕ್ಷೇತ್ರದ ಅಭ್ಯರ್ಥಿ ಸುರೇಶ್‍ಗೌಡ ಅವರಿಗೆ ಮಾಜಿ ಪ್ರಧಾನಿ ದೇವೇಗೌಡರು ನೀಡಿದ್ದಾರೆ.

    ನಾಗಮಂಗಲ ಕ್ಷೇತ್ರ ವ್ಯಾಪ್ತಿಗೆ ಬರುವ ಮದ್ದೂರು ತಾಲೂಕಿನ ಕೊಪ್ಪ ಗ್ರಾಮದಲ್ಲಿ ಮಾಜಿ ಪ್ರಧಾನಿ ದೇವೇಗೌಡ ಅವರು ತಮ್ಮ ಪಕ್ಷದ ಅಭ್ಯರ್ಥಿ ಸುರೇಶ್‍ಗೌಡ ಪರವಾಗಿ ಪ್ರಚಾರ ಮಾಡಲು ಆಗಮಿಸಿದ್ದರು. ಈ ವೇಳೆ ದೇವೇಗೌಡರಿಗೆ ಅಭಿಮಾನಿಗಳು ಸುಮಾರು 200ಕೆಜಿ ತೂಕದ ಸೇಬಿನ ಹಾರ ಹಾಕಿದ್ದರು.

    ಸೇಬಿನ ಹಾರವನ್ನು ವೇದಿಕೆಯ ಮೇಲೆ ಹರಾಜು ಹಾಕಲಾಯಿತ್ತು. ಮೊದಲು ಮಾಜಿ ಶಾಸಕ ಶಿವರಾಮೇಗೌಡ ಸೇಬಿನ ಹಾರಕ್ಕೆ ಒಂದು ಲಕ್ಷ ಬೆಲೆ ಕಟ್ಟಿದ್ದರು. ನಂತರ ಬೆಟ್ಟೇಗೌಡ ಸೇಬಿನ ಹಾರಕ್ಕೆ ಮೂರು ಲಕ್ಷ ಬೆಲೆ ಕಟ್ಟಿದ್ದರು. ಅವರನ್ನೂ ಮೀರಿಸಿ ಬೆಂಗಳೂರಿನ ಜೆಡಿಎಸ್ ಮುಖಂಡರೊಬ್ಬರು ಸೇಬಿನ ಹಾರಕ್ಕೆ ಮೂರೂವರೆ ಲಕ್ಷ ಬೆಲೆ ಕಟ್ಟಿದ್ದರು.

    ನಂತರ ಐದು ಲಕ್ಷಕ್ಕೆ ಹರಾಜು ಕೂಗಲಾಯಿತ್ತು. ಅಂತಿಮವಾಗಿ ಮಂಡ್ಯ ಜಿಲ್ಲಾ ಪಂಚಾಯತ್ ಅಧ್ಯಕ್ಷೆ ನಾಗರತ್ನಸ್ವಾಮಿ ಸೇಬಿನ ಹಾರವನ್ನು ಆರು ಲಕ್ಷಕ್ಕೆ ಹರಾಜಿನಲ್ಲಿ ಕೊಂಡುಕೊಂಡರು. ಹರಾಜಿನ ನಂತರ ವೇದಿಕೆಯಲ್ಲೇ ಜೆಡಿಎಸ್ ಮುಖಂಡರು ಒಂದೊಂದು ಸೇಬನ್ನು ತಿಂದು ರುಚಿ ನೋಡಿದ್ದು ವಿಶೇಷವಾಗಿತ್ತು.

  • ಹರಾಜಿನಲ್ಲಿ ಖರೀದಿಸಿದ ಯುವತಿಯನ್ನ ಮದ್ವೆಯಾದ-ಅರ್ಧ ಹಣ ಪಾವತಿಸದಕ್ಕೆ ಪತ್ನಿಯನ್ನ ಕರ್ಕೊಂಡ ಹೋಗಿದಕ್ಕೆ ಆತ್ಮಹತ್ಯೆಗೆ ಶರಣಾದ

    ಹರಾಜಿನಲ್ಲಿ ಖರೀದಿಸಿದ ಯುವತಿಯನ್ನ ಮದ್ವೆಯಾದ-ಅರ್ಧ ಹಣ ಪಾವತಿಸದಕ್ಕೆ ಪತ್ನಿಯನ್ನ ಕರ್ಕೊಂಡ ಹೋಗಿದಕ್ಕೆ ಆತ್ಮಹತ್ಯೆಗೆ ಶರಣಾದ

    ಲಕ್ನೋ: ಹೆಣ್ಣು ಮಕ್ಕಳನ್ನು ಹರಾಜಿನಲ್ಲಿ ಮಾರಾಟ ಮಾಡುವ ಪದ್ಧತಿ ಉತ್ತರ ಪ್ರದೇಶದಲ್ಲಿ ಬಾಗ್ಪಾಟ್ ಜಿಲ್ಲೆಯಲ್ಲಿ ಬೆಳಕಿಗೆ ಬಂದಿದೆ.

    ಯುವಕನೊಬ್ಬ ಹರಾಜಿನಲ್ಲಿ ಯುವತಿಯೊಬ್ಬಳನ್ನು 22 ಸಾವಿರ ರೂ ನೀಡಿ ಖರೀದಿಸಿ ಮದುವೆಯಾಗಿದ್ದಾನೆ. ಆದರೆ ಹರಾಜಿನ ವೇಳೆ ಪೂರ್ತಿ ಹಣ ನೀಡದ ಕಾರಣ ಯುವತಿಯನ್ನು ಮತ್ತೆ ವಾಪಸ್ ಕರೆದುಕೊಂಡು ಹೋದ ವೇಳೆ ಆತ ಮನನೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಯುವಕನ ಪೋಷಕರು ಪೊಲೀಸರಿಗೆ ದೂರು ನೀಡಿದ ಬಳಿಕ ಘಟನೆ ಬೆಳಕಿಗೆ ಬಂದಿದೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ.

    ಘಟನೆ ನಾಲ್ಕು ದಿನಗಳ ಹಿಂದೆ ನಡೆದಿದ್ದು, ಮೃತ ಯುವಕ ಇಟ್ಟಿಗೆ ಕಾರ್ಖಾನೆಯಲ್ಲಿ ಕೆಲಸ ನಿರ್ವಹಸುತ್ತಿದ್ದನು. ಕಳೆದ ಕೆಲ ದಿನಗಳ ಹಿಂದೆ ಹೆಣ್ಣು ಮಕ್ಕಳ ಹರಾಜಿನಲ್ಲಿ ಭಾಗವಹಿಸಿದ್ದ ಈತ 22 ಸಾವಿರ ರೂ. ಗಳಿಗೆ ಯುವತಿಯನ್ನು ಖರೀದಿಸಿ ಮದುವೆಯಾಗಿದ್ದನು. ಆದರೆ ಯುವತಿ ಖರೀದಿಯ ವೇಳೆ 17 ಸಾವಿರ ರೂ. ಮಾತ್ರ ಪಾವತಿಸಿದ್ದ ಆತ ಮದುವೆ ನಂತರ ಉಳಿದ ಹಣ ನೀಡುವುದಾಗಿ ತಿಳಿಸಿದ್ದ. ಆದರೆ ನಿಗದಿತ ವೇಳೆಯಲ್ಲಿ ಹಣ ನೀಡದ ಕಾರಣ ಯುವತಿ ಮಾರಾಟ ಮಾಡಿದ್ದ ಮುಕೇಶ್ ಮತ್ತು ಮೊನು ಎಂಬ ವ್ಯಕ್ತಿಗಳು ಆಕೆಯನ್ನು ವಾಪಸ್ ಕರೆದುಕೊಂಡು ಹೋಗಿದ್ದಾರೆ. ಇದರಿಂದ ಮನನೊಂದು ಯುವಕ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.

    ಪ್ರಸ್ತುತ ಘಟನೆ ಕುರಿತು ದೂರು ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.

  • ಕೊನೆಗೂ ಸೇಲಾದ ಗೇಲ್, ಉನಾದ್ಕತ್‍ಗೆ 11. 6 ಕೋಟಿ..!

    ಕೊನೆಗೂ ಸೇಲಾದ ಗೇಲ್, ಉನಾದ್ಕತ್‍ಗೆ 11. 6 ಕೋಟಿ..!

    ಬೆಂಗಳೂರು: ಕ್ರಿಕೆಟ್ ಅಭಿಮಾನಿಗಳಲ್ಲಿ ತೀವ್ರ ಕುತೂಹಲ ಮೂಡಿಸಿದ್ದ ಐಪಿಎಲ್‍ನ 11ನೇ ಆವೃತ್ತಿಯ ಆಟಗಾರರ ಹರಾಜು ಪ್ರಕ್ರಿಯೆಗೆ ಸಿಲಿಕಾನ್ ಸಿಟಿಯಲ್ಲಿ ತೆರೆ ಬಿದ್ದಿದೆ. ಕಳೆದೆರಡು ದಿನಗಳಿಂದ ಚರ್ಚೆಯಲ್ಲಿದ್ದ ದೈತ್ಯ ಬ್ಯಾಟ್ಸ್ ಮನ್ ಕ್ರಿಸ್ ಗೇಲ್ ಎರಡನೇ ದಿನ ನಡೆದ ಮೂರನೇ ಬಾರಿಯ ಬಿಡ್ಡಿಂಗ್‍ನಲ್ಲಿ ಕಿಂಗ್ಸ್ ಇಲೆವನ್ ಪಂಜಾಬ್‍ಗೆ ಸೇಲ್ ಆಗಿದ್ದಾರೆ.

    ಮೂಲ ಬೆಲೆ 2 ಕೋಟಿ ನಿಗದಿಯಾಗಿದ್ದ ಸಿಕ್ಸರ್ ಕಿಂಗ್‍ರನ್ನು ಬಿಡ್ಡಿಂಗ್ ನಲ್ಲಿ ಕೇಳುವವರೇ ಇಲ್ಲದ ಪರಿಸ್ಥಿತಿ ನಿರ್ಮಾಣವಾಗಿತ್ತು. ರಿಟೆನ್ಶನ್ ಹಾಗೂ ರೈಟ್ ಟು ಮ್ಯಾಚ್ ಕಾರ್ಡ್‍ನಲ್ಲಿಯೂ ಗೇಲ್‍ರನ್ನು ಉಳಿಸಿಕೊಳ್ಳಲು ರಾಯಲ್ ಚಾಲೆಂಜರ್ಸ್ ಮನಸ್ಸು ಮಾಡಿರಲಿಲ್ಲ. ಆದರೆ 3ನೇ ಹಾಗೂ ಅಂತಿಮ ಬಾರಿ ಹರಾಜಿನಲ್ಲಿ ಮತ್ತೆ ಗೇಲ್ ಹೆಸರು ಬಂದಾಗ ಪ್ರೀತಿ ಜಿಂಟಾ ಮೂಲ ಬೆಲೆಗೆ ಗೇಲ್‍ರನ್ನು ತಂಡಕ್ಕೆ ಸೇರಿಸಿಕೊಂಡರು.

    ಕುತೂಹಲಕಾರಿ ಅಂಶವೆಂದರೆ ಐಪಿಎಲ್ ಇತಿಹಾಸದಲ್ಲಿ ಕ್ರಿಸ್ ಗೇಲ್, ಕಿಂಗ್ಸ್ ಪಂಜಾಬ್ ಬೌಲರ್ ಗಳನ್ನು ಅತಿಹೆಚ್ಚು ದಂಡಿಸಿದ ದಾಖಲೆ ಹೊಂದಿದ್ದಾರೆ. ಆದರೆ ಈ ಬಾರಿ ಗೇಲ್ ಅದೇ ತಂಡದ ಪರ ಬ್ಯಾಟ್ ಬೀಸಲಿದ್ದಾರೆ. ಜೊತೆಗೆ ಆರ್ ಸಿಬಿ ಪರ ಇನ್ನಿಂಗ್ಸ್ ಆರಂಭಿಸುತ್ತಿದ್ದ ಕೆ.ಎಲ್. ರಾಹುಲ್ ಹಾಗೂ ಕ್ರಿಸ್ ಗೇಲ್ ಈ ಬಾರಿ ಪಂಜಾಬ್ ಪರ ಇನ್ನಿಂಗ್ಸ್ ಆರಂಭಿಸುವ ಸಾಧ್ಯತೆ ಇದೆ. ಆ ಮೂಲಕ ಹರಾಜಿನಲ್ಲಿ ತಮ್ಮನ್ನು ನಿರ್ಲಕ್ಷಿಸಿದ ಫ್ರಾಂಚೈಸಿಗಳಿಗೆ ಗೇಲ್ ಯಾವ ರೀತಿಯಲ್ಲಿ ಬ್ಯಾಟ್ ಮೂಲಕ ಉತ್ತರಿಸುತ್ತಾರೆ ಎಂಬ ಕುತೂಹಲವೂ ಅಭಿಮಾನಿಗಳಲ್ಲಿ ಗರಿಗೆದರಿದೆ.

    https://twitter.com/IPLCricket/status/957561761762291712

    ಐಪಿಎಲ್‍ನಲ್ಲಿ ಗೇಲ್ ಬ್ಯಾಟಿಂಗ್ ಸಾಧನೆ:
    ಇನ್ನಿಂಗ್ಸ್ – 100
    ರನ್ – 3626
    ಅತಿಹೆಚ್ಚು ಮೊತ್ತ – 175*
    ಶತಕ – 5
    ಸಿಕ್ಸರ್ – 263
    ಬೌಂಡರಿ – 293
    ಬ್ಯಾಟಿಂಗ್ ಸರಾಸರಿ – 41.20
    ಸ್ಟ್ರೈಕ್‍ರೇಟ್ – 151.21

    ಹರಾಜಿಗೆ ತೆರೆ.. ಉನಾದ್ಕತ್‍ಗೆ ಬಂಪರ್..!
    ಸಿಲಿಕಾನ್ ಸಿಟಿಯಲ್ಲಿ ನಿನ್ನೆ ಆರಂಭವಾದ ಐಪಿಎಲ್ ಹರಾಜು ಪ್ರಕ್ರಿಯೆಗೆ ಇಂದು ತೆರೆ ಬಿದ್ದಿದೆ. ಒಟ್ಟು 578 ಆಟಗಾರರ ಹೆಸರಿದ್ದ ಬಿಡ್ಡಿಂಗ್ ಪ್ರಕ್ರಿಯೆಯಲ್ಲಿ 182 ಗರಿಷ್ಠ ಆಟಗಾರರನ್ನು ಸೇರಿಸಿಕೊಳ್ಳಲು 8 ಫ್ರಾಂಚೈಸಿಗಳಿಗೆ ಅವಕಾಶವಿತ್ತು. ಆದರೆ ಕೇವಲ 169 ಆಟಗಾರರಷ್ಟೇ ಎರಡು ದಿನಗಳ ಕಾಲ ನಡೆದ ಬಿಡ್ಡಿಂಗ್ ಪ್ರಕ್ರಿಯೆಯಲ್ಲಿ ಬಿಕರಿಯಾಗಿದ್ದಾರೆ.

    169 ಆಟಗಾರರಲ್ಲಿ 113 ಇಂಡಿಯನ್ ಪ್ಲೇಯರ್ಸ್, 56 ವಿದೇಶಿ ಆಟಗಾರರು, 91 ಅಂತರಾಷ್ಟ್ರೀಯ ಪಂದ್ಯ ಆಡಿದ ಆಟಗಾರರು, 77 ದೇಶಿ ಟೂರ್ನಿಗಳಲ್ಲಿ ಆಡಿ ಗಮನ ಸೆಳೆದಿರುವ ಆಟಗಾರರು, ಓರ್ವ ಐಸಿಸಿ ಸಹ ಸದಸ್ಯ ರಾಷ್ಟ್ರಗಳ ಆಟಗಾರ, ಹಾಗೂ 19 ಮಂದಿ ಆಟಗಾರರನ್ನು ಫ್ರಾಂಚೈಸಿಗಳು ರೈಟ್ ಟು ಮ್ಯಾಚ್ ಕಾರ್ಡ್ ಬಳಸಿ ತಮ್ಮಲ್ಲೇ ಉಳಿಸಿಕೊಂಡಿವೆ.

    169 ಆಟಗಾರರಿಗೆ ಫ್ರಾಂಚೈಸಿಗಳು 2 ದಿನದಲ್ಲಿ ಒಟ್ಟು 431. 4 ಕೋಟಿ ರೂ. ವೆಚ್ಚ ಮಾಡಿವೆ. ಇದರಲ್ಲಿ ಕಳೆದ ಬಾರಿಯಂತೆ ಇಂಗ್ಲೆಂಡ್‍ನ ಬೆನ್ ಸ್ಟೋಕ್ಸ್ ದುಬಾರಿ ಆಟಗಾರನಾಗಿ ಹೊರ ಹೊಮ್ಮಿದ್ದು, 12. 5 ಕೋಟಿಗೆ ರಾಜಸ್ಥಾನ ರಾಯಲ್ಸ್ ತಂಡದ ಪಾಲಾಗಿದ್ದಾರೆ. ಭಾರತೀಯ ಆಟಗಾರರಲ್ಲಿ ವೇಗದ ಬೌಲರ್ ಜಯದೇವ್ ಉನಾದ್ಕತ್‍ಗೆ ಬಂಪರ್ ಮೊತ್ತ ಲಭಿಸಿದೆ. 11. 5 ಕೋಟಿಗೆ ಉನಾದ್ಕತ್ ರಾಜಸ್ಥಾನ ರಾಯಲ್ಸ್ ತಂಡವನ್ನು ಸೇರಿಕೊಂಡಿದ್ದಾರೆ. ವಿಶೇಷವೆಂದರೆ ಇದೇ ಮೊದಲ ನೇಪಾಳಿ ಆಟಗಾರನೊಬ್ಬ ಐಪಿಎಲ್‍ಗೆ ಎಂಟ್ರಿ ಪಡೆದಿದ್ದಾರೆ.

    ವೇಗದ ಬೌಲರ್ ಸಂದೀಪ್ ಲಮಿಚ್ಚಾನೆಗೆ ಮೂಲ ಬೆಲೆ 20 ಲಕ್ಷ ಕೊಟ್ಟು ಡೆಲ್ಲಿ ಡೇರ್‍ಡೆವಿಲ್ಸ್ ತಂಡಕ್ಕೆ ಸೇರಿಸಿಕೊಂಡಿದೆ. ಅದೇ ರೀತಿ ನಾಲ್ವರು ಅಫ್ಘನ್ ಆಟಗಾರರು ಇದೇ ಮೊದಲ ಬಾರಿಗೆ ಐಪಿಎಲ್‍ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

    ಈ ಬಾರಿ ಅತಿ ಹೆಚ್ಚು ಬೆಲೆಗೆ ಮಾರಾಟವಾದವರ ಪಟ್ಟಿಯನ್ನು ನೋಡೋದಾದ್ರೆ..
    1. ಬೆನ್ ಸ್ಟೋಕ್ಸ್ – ರಾಜಸ್ಥಾನ ರಾಯಲ್ಸ್ – 12. 50 ಕೋಟಿ ರೂ.
    2. ಜಯದೇವ್ ಉನಾದ್ಕತ್ – ರಾಜಸ್ಥಾನ ರಾಯಲ್ಸ್ – 11. 50 ಕೋಟಿ ರೂ.
    3. ಮನೀಶ್ ಪಾಂಡೆ – ಸನ್‍ರೈಸರ್ಸ್ ಹೈದ್ರಾಬಾದ್ – 11 ಕೋಟಿ ರೂ.
    4. ಕೆ. ಎಲ್ ರಾಹುಲ್ – ಕಿಂಗ್ಸ್ ಇಲೆವೆನ್ ಪಂಜಾಬ್ – 11 ಕೋಟಿ ರೂ.
    5. ಕ್ರಿಸ್ ಲಿನ್ – ಕೋಲ್ಕತ್ತಾ ನೈಟ್ ರೈಡರ್ಸ್ – 9. 6 ಕೋಟಿ ರೂ.
    6. ಮಿಚೆಲ್ ಸ್ಟಾರ್ಕ್ – ಕೋಲ್ಕತ್ತಾ ನೈಟ್ ರೈಡರ್ಸ್ – 9.4 ಕೋಟಿ ರೂ.
    7. ಗ್ಲೇನ್ ಮ್ಯಾಕ್ಸ್ ವೆಲ್ – ಡೆಲ್ಲಿ ಡೇರ್‍ಡೆವಿಲ್ಸ್ – 9 ಕೋಟಿ ರೂ.
    8. ರಶೀದ್ ಖಾನ್ – ಸನ್‍ರೈಸರ್ಸ್ ಹೈದ್ರಾಬಾದ್ – 9 ಕೋಟಿ ರೂ.
    9. ಕೃನಾಲ್ ಪಾಂಡ್ಯ – ಮುಂಬೈ ಇಂಡಿಯನ್ಸ್ – 8.8 ಕೋಟಿ ರೂ.
    10. ಸಂಜು ಸ್ಯಾಮ್ಸನ್ – ರಾಜಸ್ಥಾನ ರಾಯಲ್ಸ್ – 8 ಕೋಟಿ ರೂ.
    11. ಕೇದಾರ್ ಜಾಧವ್ – ಚೆನ್ನೈ ಸೂಪರ್ ಕಿಂಗ್ಸ್ – 7.8 ಕೋಟಿ ರೂ.
    12. ಕೃಷ್ಣಪ್ಪ ಗೌತಮ್ – ರಾಜಸ್ಥಾನ ರಾಯಲ್ಸ್ – 6. 20 ಕೋಟಿ ರೂ.

    ಆಟಗಾರರ ಸಂಖ್ಯೆ – ತಂಡ – ವ್ಯಯಿಸಿದ ಮೊತ್ತ (ಕೋಟಿ ರೂ.ಗಳಲ್ಲಿ )
    25 – ಚೆನ್ನೈ ಸೂಪರ್ ಕಿಂಗ್ಸ್ – 73.5 ಕೋಟಿ ರೂ.
    25 – ಡೆಲ್ಲಿ ಡೇರ್‍ಡೆವಿಲ್ಸ್ – 78.4 ಕೋಟಿ ರೂ.
    25 – ಮುಂಬೈ ಇಂಡಿಯನ್ಸ್ – 79.35 ಕೋಟಿ ರೂ.
    25 – ಸನ್‍ರೈಸರ್ಸ್ ಹೈದ್ರಾಬಾದ್ – 79.35 ಕೋಟಿ ರೂ.
    24 – ರಾಯಲ್ ಚಾಲೆಂಜರ್ಸ್ – ಬೆಂಗಳೂರು 79.85 ಕೋಟಿ ರೂ.
    23 – ರಾಜಸ್ಥಾನ ರಾಯಲ್ಸ್ – 78.35 ಕೋಟಿ ರೂ.
    21 – ಕಿಂಗ್ಸ್ ಇಲೆವನ್ ಪಂಜಾಬ್ – 79.80 ಕೋಟಿ ರೂ.
    19 – ಕೋಲ್ಕತ್ತಾ ನೈಟ್ ರೈಡರ್ಸ್ – 80 ಕೋಟಿ ರೂ.

    ಒಬ್ಬ ಆಟಗಾರನಿಗೆ ಯಾವ ತಂಡ ಎಷ್ಟು ಲಕ್ಷ ರೂ. ಹಣ ಖರ್ಚು ಮಾಡಿದೆ?

  • 7 ಟಿ20 ಆಡಿದ 16 ವರ್ಷದ ಅಫ್ಘಾನ್ ಆಟಗಾರ 4 ಕೋಟಿಗೆ ಸೇಲ್!

    7 ಟಿ20 ಆಡಿದ 16 ವರ್ಷದ ಅಫ್ಘಾನ್ ಆಟಗಾರ 4 ಕೋಟಿಗೆ ಸೇಲ್!

    ಬೆಂಗಳೂರು: 2018 ನೇ ಸಾಲಿನ ಇಂಡಿಯನ್ ಪ್ರೀಮಿಯರ್ ಲೀಗ್ ಹರಾಜು ಪ್ರಕ್ರಿಯೆ ಎರಡನೇ ದಿನವು ಹಲವು ಅಚ್ಚರಿಯ ಬಿಡ್‍ಗಳಿಗೆ ಕಾರಣವಾಗಿದ್ದು, ಅಫ್ಘಾನಿಸ್ತಾನದ 16 ವರ್ಷದ ಆಟಗಾರನಿಗೆ ಈ ಬಾರಿ ಜಾಕ್ ಪಾಟ್ ಹೊಡೆದಿದೆ.

    ನೆರೆಯ ರಾಷ್ಟ್ರ ಅಫ್ಘಾನಿಸ್ತಾನದ ಯುವ ಆಟಗಾರ 16 ವರ್ಷದ ಮುಜೀಬ್ ಜಾಡ್ರನ್ ಅವರನ್ನು ಬರೋಬ್ಬರಿ ನಾಲ್ಕು ಕೋಟಿ ರೂ. ಗಳಿಗೆ ಕಿಂಗ್ಸ್ ಇಲೆವೆನ್ ಪಂಜಾಬ್ ಖರೀದಿಸಿದೆ. ಇದರೊಂದಿಗೆ ಈ ಬಾರಿಯ ಐಪಿಎಲ್‍ನಲ್ಲಿ ರಶೀದ್ ಖಾನ್ (09 ಕೋಟಿ ರೂ.), ಮೊಹಮ್ಮದ್ ನಬಿ (1 ಕೋಟಿ ರೂ.) ಸನ್ ರೈಸರ್ಸ್ ಹೈದರಾಬಾದ್ ತಂಡದ ಪಾಲದರೆ ಅಫ್ಘಾನ್ ನ ಮೂರನೇ ಆಟಗಾರನಾಗಿ ಮುಜೀಬ್ ಮಾರಾಟವಾದರು.

    ಹರಾಜು ಪ್ರಕ್ರಿಯೆಯಲ್ಲಿ 50 ಲಕ್ಷ ರೂ. ಮೂಲ ಬೆಲೆ ಹೊಂದಿದ್ದ ಮಜೀಬ್ ಜಾಡ್ರನ್ ರನ್ನು ತೀವ್ರ ಪೈಪೋಟಿಯ ನಡುವೆ ನಾಲ್ಕು ಕೋಟಿ ರೂ. ಗಳಿಗೆ ಬಿಡ್ ಮಾಡಿ ಪಂಜಾಬ್ ಖರೀದಿಸಿತು. 2001ರ ಮಾರ್ಚ್ 28 ರಂದು ಜನಿಸಿದ ಮುಜೀಬ್ ಬಲಗೈ ಆಫ್ ಬ್ರೇಕ್ ಸ್ಪಿನ್ನರ್ ಆಗಿದ್ದು, 21 ನೇ ಶತಮಾನದಲ್ಲಿ ಹುಟ್ಟಿ ಅಂತರಾಷ್ಟ್ರೀಯ ಕ್ರಿಕೆಟ್ ಗೆ ಪದಾರ್ಪಣೆ ಮಾಡಿದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆ ಪಡೆದಿದ್ದಾರೆ.

    ಮುಜೀಬ್ ಜಾಡ್ರನ್ ಸಾಧನೆ: 2017 ಡಿಸೆಂಬರ್ 05 ದಂದು ಐಲ್ರ್ಯಾಂಡ್ ವಿರುದ್ಧ ನಡೆದ ಏಕದಿನ ಪಂದ್ಯದಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್‍ಗೆ ಪದಾರ್ಪಣೆ ಮಾಡಿದ ಮುಜೀಬ್ ಇದುವರೆಗೂ 3 ಪಂದ್ಯಗಳನ್ನು ಆಡಿದ್ದು, 3.86 ಎಕನಾಮಿ ಯೊಂದಿಗೆ ಏಳು ವಿಕೆಟ್ ಉರುಳಿಸಿದ್ದರೆ. ಟಿ20 ಮಾದರಿಯಲ್ಲಿ 7 ಪಂದ್ಯಗಳಲ್ಲಿ ಆಡಿದ್ದು 6.71 ಎಕನಾಮಿಯೊಂದಿಗೆ 5 ವಿಕೆಟ್ ಪಡೆದಿದ್ದಾರೆ. 2017 ಡಿಸೆಂಬರ್ 02 ರಂದು ಕೊನೆಯ ಟಿ20 ಪಂದ್ಯವನ್ನು ಆಡಿದ್ದಾರೆ. ಐಸಿಸಿ ಅಂಡರ್ 19 ತಂಡದಲ್ಲಿ ಅಫ್ಘಾನ್ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.

    ಮಲೇಷ್ಯಾದ ಕೌಲಾಲಂಪುರದಲ್ಲಿ ನಡೆದ ಅಂಡರ್ 19 ಏಷ್ಯಾ ಕಪ್ ಕ್ರಿಕೆಟ್ ನಲ್ಲಿ ಅಫ್ಘಾನಿಸ್ತಾನ ಪಾಕ್ ಸೋಲಿಸಿ ಪ್ರಶಸ್ತಿ ಜಯಿಸಿತ್ತು. ಈ ಟೂರ್ನಿಯಲ್ಲಿ ಒಟ್ಟು 20 ವಿಕೆಟ್ ಮುಜೀಬ್ ಪಡೆದಿದ್ದರು. ನಂತರ ಬಾಂಗ್ಲಾ ವಿರುದ್ಧ ಸರಣಿಯಲ್ಲಿ ಒಟ್ಟು 17 ವಿಕೆಟ್ ಕಬಳಿಸಿ ಟೂರ್ನಿಯಲ್ಲಿ ಮಿಂಚಿದ್ದರು.

  • 2018 ಐಪಿಎಲ್ ಹರಾಜು – ಮೊದಲ ದಿನವೇ ಆಟಗಾರರಿಗೆ ಧಮಾಕಾ

    2018 ಐಪಿಎಲ್ ಹರಾಜು – ಮೊದಲ ದಿನವೇ ಆಟಗಾರರಿಗೆ ಧಮಾಕಾ

    ಬೆಂಗಳೂರು: ಪ್ರಸಕ್ತ ಸಾಲಿನ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಆಟಗಾರರ ಹರಾಜು ಪ್ರಕ್ರಿಯೆ ನಗರದಲ್ಲಿ ನಡೆಯುತ್ತಿದ್ದು, ಟೀಂ ಪ್ರಾಂಚೈಸಿಗಳು ಹಣದ ಹೊಳೆ ಹರಿಸಿ ಆಟಗಾರರನ್ನು ಖರೀಧಿಸಿದ್ದಾರೆ. ಅದರಲ್ಲೂ ಈ ಬಾರಿಯ ಐಪಿಎಲ್‍ನಲ್ಲಿ ಕರ್ನಾಟಕದ ಆಟಗಾರರಿಗೆ ನಿರೀಕ್ಷೆ ಮೀರಿದ ಬಂಪರ್ ಆಫರ್ ಲಭಿಸಿದೆ.

    ಪ್ರಮುಖವಾಗಿ ಈ ಬಾರಿ 2 ಕೋಟಿ ರೂ. ಮೂಲ ಬೆಲೆ ನಿಗದಿಪಡಿಸಿದ್ದ ಕೆ.ಎಲ್ ರಾಹುಲ್ ರನ್ನು ಕಿಂಗ್ಸ್ ಇಲೆವೆನ್ ತಂಡ ಬರೋಬ್ಬರಿ 11 ಕೋಟಿ ರೂ. ಕೊಟ್ಟು ಖರೀದಿಸಿದೆ. ಅದೇ ರೀತಿ ಮನೀಶ್ ಪಾಂಡೆಗೆ 11 ರೂ. ಕೋಟಿ ಕೊಟ್ಟು ಸನ್ ರೈಸರ್ಸ್ ಹೈದರಾಬಾದ್ ತನ್ನ ತೆಕ್ಕೆಗೆ ಸೇರಿಸಿಕೊಂಡಿದೆ. ಕರುಣ್ ನಾಯರ್ ಅವರಿಗೆ 5.6 ಕೋಟಿ ರೂ. ನೀಡಿ ಪಂಜಾಬ್ ಖರೀದಿಸಿದೆ. ರಾಬಿನ್ ಉತ್ತಪ್ಪ ಅವರನ್ನು ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡ 6.40 ಕೋಟಿ ರೂ. ನೀಡಿ ಖರೀದಿಸಿದೆ.

     ಇಂದು ಹರಾಜಿನಲ್ಲಿ ಅತಿ ಹೆಚ್ಚು ಮೊತ್ತ ಪಡೆದ ಟಾಪ್ ಟೆನ್ ಆಟಗಾರರ ಪಟ್ಟಿ
    1. ಬೆನ್ ಸ್ಟೋಕ್ಸ್ – ರಾಜಸ್ಥಾನ ರಾಯಲ್ಸ್ – 12.5 ಕೋಟಿ ರೂ.
    2. ಮನೀಶ್ ಪಾಂಡೆ – ಸನ್‍ರೈಸರ್ಸ್ ಹೈದ್ರಾಬಾದ್ – 11 ಕೋಟಿ ರೂ.
    3. ಕೆ. ಎಲ್ ರಾಹುಲ್ – ಕಿಂಗ್ಸ್ ಇಲೆವೆನ್ ಪಂಜಾಬ್ – 11 ಕೋಟಿ ರೂ.
    4. ಕ್ರಿಸ್ ಲಿನ್ – ಕೊಲ್ಕತ್ತಾ ನೈಟ್ ರೈಡರ್ಸ್ – 9.6 ಕೋಟಿ ರೂ.
    5. ಮಿಚೆಲ್ ಸ್ಟಾರ್ಕ್ – ಕೊಲ್ಕತ್ತಾ ನೈಟ್ ರೈಡರ್ಸ್ -9.4 ಕೋಟಿ ರೂ.
    6. ಗ್ಲೇನ್ ಮ್ಯಾಕ್ಸ್ ವೆಲ್ – ಡೆಲ್ಲಿ ಡೇರ್ ಡೆವಿಲ್ಸ್ – 9 ಕೋಟಿ ರೂ.
    7. ಕೃನಾಲ್ ಪಾಂಡ್ಯ – ಮುಂಬೈ ಇಂಡಿಯನ್ಸ್‌ – 8.8 ಕೋಟಿ ರೂ.
    8. ಸಂಜು ಸ್ಯಾಮ್ಸನ್‌ – ರಾಜಸ್ಥಾನ ರಾಯಲ್ಸ್‌ – 8 ಕೋಟಿ ರೂ.
    9. ಕೇದಾರ್‌ ಜಾಧವ್‌ –  ಚೆನ್ನೈ ಸೂಪರ್‌ ಕಿಂಗ್ಸ್‌ – 7.8 ಕೋಟಿ ರೂ.
    10. ಆರ್.ಅಶ್ವಿನ್ – ಕಿಂಗ್ಸ್ ಇಲೆವೆನ್ ಪಂಜಾಬ್ – 7.6 ಕೋಟಿ ರೂ.

    https://twitter.com/IPLCricket/status/957241773977415680

    ಹರಾಜಿನಲ್ಲಿ ಖರೀದಿಯಾದ ಯುವ ಆಟಗಾರರು :
    1) ಸಿದ್ಧಾರ್ಥ್ ಕೌಲ್ – ಸನ್ ರೈಸರ್ಸ್ ಹೈದರಾಬಾದ್ – 3.8 ಕೋಟಿ ರೂ.
    2) ಬಸಿಲ್ ಥಾಂಪಿ – ಸನ್ ರೈಸರ್ಸ್ ಹೈದರಾಬಾದ್ -95 ಲಕ್ಷ ರೂ.
    3) ಸೂರ್ಯ ಕುಮಾರ್ ಯಾದವ್ – ಮುಂಬೈ ಇಂಡಿಯನ್ಸ್ – 3.2 ಕೋಟಿ ರೂ.
    4) ಶುಬ್ಮಾನ್ ಗಿಲ್ – ಕೊಲ್ಕತ್ತಾ ನೈಟ್ ರೈಡರ್ಸ್ – 1.8 ಕೋಟಿ ರೂ.
    5) ಕುಲ್ವಂತ್ ಖೇಜ್ರೋಲಿಯಾ – ರಾಯಲ್ ಚಾಲೆಂಜರ್ಸ್ ಬೆಂಗಳೂರು – 85 ಲಕ್ಷ

    https://twitter.com/IPLCricket/status/957239277162778624

    ಹರಾಜಿನಲ್ಲಿ ಮಾರಾಟವಾಗದ ಪ್ರಮುಖ ಆಟಗಾರರು : ಐಪಿಎಲ್‍ನಲ್ಲಿ ಅತಿ ಹೆಚ್ಚು ಸಿಕ್ಸರ್ ಸಿಡಿಸಿದ ದಾಖಲೆ ಹೊಂದಿರುವ ಕ್ರಿಸ್ ಗೇಲ್ ಹಾಗೂ ವಿಕೆಟ್ ದಾಖಲೆ ಹೊಂದಿರುವ ಲಸಿಂತ್ ಮಲಿಂಗಾ ಇಬ್ಬರೂ ಮಾರಾಟವಾಗದೇ ಉಳಿದರು. ಐಸಿಸಿ ಟಿ-20 ಬೌಲಿಂಗ್ ರ್ಯಾಂಕಿಂಗ್‍ನಲ್ಲಿ ನಂ. 1 ಸ್ಥಾನದಲ್ಲಿರುವ ನ್ಯೂಜಿಲೆಂಡ್‍ನ ಇಶ್ ಸೋಧಿ, ವೇಗದ ಬೌಲರ್ ಇಶಾಂತ್ ಶರ್ಮಾ, ಟಿಮ್ ಸೌಥಿ, ಮುರಳಿ ವಿಜಯ್, ಜಾಯ್ ರೂಟ್, ಹಿಮಾಂಶು ರಾಣಾ, ಮುಚೇಲ್ ಜಾನ್ಸನ್ ಮಾರಟವಾಗದೆ ಉಳಿದರು.

    https://twitter.com/IPLCricket/status/957238327240949760

    https://twitter.com/IPLCricket/status/957216135132471296

  • ಕಷ್ಟ ಬಗೆಹರಿಸಿಕೊಳ್ಳಲು ಚಿನ್ನ ಅಡವಿಟ್ರು – ಎಸ್‍ಬಿಐ ಬ್ಯಾಂಕ್ ನವರು ಒಡವೆಗಳನ್ನ ಹರಾಜು ಹಾಕಿದ್ರು

    ಕಷ್ಟ ಬಗೆಹರಿಸಿಕೊಳ್ಳಲು ಚಿನ್ನ ಅಡವಿಟ್ರು – ಎಸ್‍ಬಿಐ ಬ್ಯಾಂಕ್ ನವರು ಒಡವೆಗಳನ್ನ ಹರಾಜು ಹಾಕಿದ್ರು

    – ಕಣ್ಣೀರಲ್ಲಿ ಕೈತೊಳೀತಿದೆ ಕೋಲಾರದ ರೈತ ಕುಟುಂಬ

    ಕೋಲಾರ: ಈ ರೈತ ಕಷ್ಟ ಎಂದು ಹತ್ತಾರು ವರ್ಷಗಳ ಕಾಲ ಕೂಡಿಟ್ಟಿದ್ದ ಚಿನ್ನದ ಒಡವೆಗಳನ್ನು ತಂದು ಬ್ಯಾಂಕ್ ನಲ್ಲಿ ಅಡವಿಟ್ಟಿದ್ದರು. ಬಡ್ಡಿಯನ್ನು ಕೂಡ ಸಮಯಕ್ಕೆ ಸರಿಯಾಗೇ ಕಟ್ಟಿದ್ದಾರೆ. ಆದರೆ ಬ್ಯಾಂಕ್ ಅಧಿಕಾರಿಗಳ ಯಡವಟ್ಟಿನಿಂದ ರೈತ ಕುಟುಂಬ ಕಂಗಾಲಾಗಿದೆ.

    2014ರಲ್ಲಿ ಕೋಲಾರದ ಚಲಪತಿ ಎಂಬವರು 62 ಗ್ರಾಂ. ಚಿನ್ನದ ಒಡವೆ ಅಡವಿಟ್ಟು ಎಸ್‍ಬಿಐ ಬ್ಯಾಂಕ್ ನ ಶಾಖೆಯಲ್ಲಿ 90,000 ರೂ. ಸಾಲ ಪಡೆದಿದ್ದರು. ಟೈಮ್ ಗೆ ಸರಿಯಾಗಿ ಬಡ್ಡಿ ಕೂಡ ಕಟ್ಟಿದ್ದರು. ಕೇವಲ 2,511 ರೂ. ಬಡ್ಡಿ ಮಾತ್ರ ಬಾಕಿ ಇದೆ ಎಂದು ಬ್ಯಾಂಕ್ ನವರು ಹೇಳಿದ್ದರು. ಹೀಗಿರುವಾಗಲೇ ಏಕಾಏಕಿ ಚಲಪತಿ ಅವರಿಗೆ ನೋಟಿಸ್ ಕೊಟ್ಟು ಅವರ ಒಡವೆಯನ್ನು ಹರಾಜ್ ಹಾಕಿದ್ದಾರೆ. ಏನ್ರಿ ಇದೆಲ್ಲಾ ಎಂದು ಬ್ಯಾಂಕ್ ಅಧಿಕಾರಿಗಳನ್ನು ಕೇಳಿದ್ದರೆ ಬೆದರಿಸುತ್ತಾರೆ ಎಂದು ಚಲಪತಿ ಹೇಳುತ್ತಾರೆ.

    ಇಷ್ಟೇ ಅಲ್ಲ. ಬ್ಯಾಂಕ್ ನವರು ಹರಾಜು ಪ್ರಕ್ರಿಯೆಯನ್ನು ಕಾನೂನಿನ ಪ್ರಕಾರ ನಡೆಸಿಲ್ಲ. ಎಲ್ಲಾ ರೂಲ್ಸ್ ಬ್ರೇಕ್ ಮಾಡಿ ಎಸ್‍ಬಿಐ ಬ್ಯಾಂಕ್ ಸಿಬ್ಬಂದಿ ಚಲಪತಿಯವರಿಂದ ಬರಬೇಕಿದ್ದ 1.05 ಲಕ್ಷ ರೂಪಾಯಿಗೆ 2 ಲಕ್ಷ ರೂಪಾಯಿ ಮೌಲ್ಯದ ಒಡವೆಗಳನ್ನು ಹರಾಜು ಹಾಕಿದ್ದಾರೆ. ಈ ವೇಳೆ ವಿಚಾರಣೆ ಮಾಡಿದಾಗ ಬ್ಯಾಂಕ್ ಸಿಬ್ಬಂದಿಯೇ ಯಡವಟ್ಟು ಮಾಡಿರೋದು ಮೇಲ್ನೋಟಕ್ಕೆ ತಿಳಿದು ಬಂದಿದೆ. ಇನ್ನು ಈ ಬಗ್ಗೆ ಪರಿಶೀಲನೆ ಮಾಡುತ್ತೀವಿ ಎಂದು ಬ್ಯಾಂಕ್ ಅಧಿಕಾರಿಗಳು ಹೇಳುತ್ತಿದ್ದಾರೆ.

    ಒಟ್ಟಿನಲ್ಲಿ ಬ್ಯಾಂಕ್ ನ ಯಡವಟ್ಟಿನಿಂದ ರೈತನ ಕುಟುಂಬ ಮೋಸ ಹೋಗಿದೆ. ಕೂಡಲೇ ಬ್ಯಾಂಕ್ ಅಧಿಕಾರಿಗಳು ರೈತನ ಕುಟುಂಬಕ್ಕೆ ಆಗಿರುವ ಅನ್ಯಾಯವನ್ನು ಸರಿಪಡಿಸಿ ನ್ಯಾಯ ಒದಗಿಸಬೇಕಿದೆ.

  • ದಾವೂದ್ ಇಬ್ರಾಹಿಂ ಒಡೆತನದಲ್ಲಿದ್ದ ಹೋಟೆಲ್ ಇನ್ನು ಸಾರ್ವಜನಿಕ ಶೌಚಾಲಯ..!

    ದಾವೂದ್ ಇಬ್ರಾಹಿಂ ಒಡೆತನದಲ್ಲಿದ್ದ ಹೋಟೆಲ್ ಇನ್ನು ಸಾರ್ವಜನಿಕ ಶೌಚಾಲಯ..!

    ಮುಂಬೈ: ಭೂಗತ ಪಾತಕಿ ಹಾಗೂ ಮುಂಬೈ ಸ್ಫೋಟದ ರುವಾರಿ ದಾವೂದ್ ಇಬ್ರಾಹಿಂ ಒಡೆತನದಲ್ಲಿದ್ದ ಮುಂಬೈನ ಹೋಟೆಲ್‍ವೊಂದು ಕೆಲವೇ ದಿನಗಳಲ್ಲಿ ಸಾರ್ವಜನಿಕ ಶೌಚಾಲಯವಾಗಿ ಪರಿವರ್ತನೆಯಾಗಲಿದೆ.

    ಈ ಹಿಂದೆ ಹಿಂದೂ ಮಹಾ ಸಭಾ ದಾವೂದ್ ಇಬ್ರಾಹಿಂ ಬಳಸುತ್ತಿದ್ದ ಕಾರನ್ನು ಹರಾಜಿನಲ್ಲಿ ಖರೀದಿಸಿ ನಂತರ ಅದನ್ನು ಸುಟ್ಟು ಹಾಕಿತ್ತು. ಈ ಬಾರಿ ನಡೆಯುವ ಹರಾಜಿನಲ್ಲಿ ದಾವೂದ್ ಒಡೆತನದಲ್ಲಿದ್ದ ಹೋಟೆಲ್ ನ್ನು ಖರೀದಿಸಿಲು ಹಿಂದೂ ಮಹಾಸಭಾ ನಿರ್ಧರಿಸಿದೆ. ನಂತರ ಈ ಕಟ್ಟಡವನ್ನು ಸಾರ್ವಜನಿಕ ಶೌಚಾಲಯವಾಗಿ ಪರಿವರ್ತಿಸಲು ಮುಂದಾಗಿದೆ ಎಂದು ಮೂಲಗಳು ತಿಳಿಸಿವೆ.

    ಭಾರತದಲ್ಲಿ ದಾವೂದ್ ಇಬ್ರಾಹಿಂ ನೆಲೆಸಿದ್ದ ಸಂದರ್ಭದಲ್ಲಿ ಬಳಕೆ ಮಾಡಲಾಗಿದ್ದ ಹಲವು ಬೆಲೆಬಾಳುವ ಸ್ವತ್ತುಗಳನ್ನು ಕೇಂದ್ರ ಸರ್ಕಾರ ವಶಕ್ಕೆ ಪಡೆದಿತ್ತು. ಈ ಸ್ವತ್ತುಗಳನ್ನು ನವೆಂಬರ್ 14 ರಂದು ಹರಾಜು ನಡೆಸಲು ಸರ್ಕಾರ ನಿರ್ಧರಿಸಿದೆ. ಇದರಲ್ಲಿ ಮುಂಬೈನ ಪ್ರಮುಖ ಸ್ಥಳ `ದಿಲ್ಲಿ ಝೈಕಾ’ ಎಂದು ಪ್ರಸಿದ್ಧಿ ಪಡೆದಿರುವ `ಹೋಟೆಲ್ ರೌನಕ್ ಅಫ್ರೋಜ್’ ಕಟ್ಟಡವನ್ನು ಹರಾಜು ಮಾಡಲಾಗುತ್ತಿದೆ.

    ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಅಖಿಲ ಭಾರತ ಹಿಂದೂ ಮಹಾಸಭಾದ ರಾಷ್ಟ್ರೀಯ ಅಧ್ಯಕ್ಷ ಸ್ವಾಮಿ ಚಕ್ರಪಾಣಿಯವರು, ದಾವೂದ್ ಒಡೆತನದಲ್ಲಿದ್ದ ಕಟ್ಟಡವನ್ನು ಸಾರ್ವಜನಿಕ ಶೌಚಾಲವಾಗಿ ಪರಿವರ್ತನೆ ಮಾಡಿ ಸಾರ್ವಜನಿಕರಿಗೆ ಇದನ್ನು ಬಳಸಲು ಉಚಿತವಾಗಿ ನೀಡಲಾಗುತ್ತದೆ. ಈ ಮೂಲಕ ಭಾರತದಲ್ಲಿ ಭಯೋತ್ಪಾದನೆ ನಡೆಸಿದರೆ ಯಾವ ಸ್ಥಿತಿ ಬರುತ್ತದೆ ಎಂಬ ಸಂದೇಶವನ್ನು ನೀಡಲಾಗುತ್ತದೆ ಎಂದು ತಿಳಿಸಿದರು.

    ಅಲ್ಲದೇ ಕಟ್ಟಡವನ್ನು ಸಾರ್ವಜನಿಕ ಶೌಚಾಲಯವಾಗಿ ಪರವರ್ತನೆ ಮಾಡಿದ ಬಳಿಕ ಮಹಾರಾಷ್ಟ್ರ ಸಿಎಂ ದೇವೇಂದ್ರ ಫಡ್ನವಿಸ್ ಅವರಿಂದ ಇದನ್ನು ಉದ್ಘಾಟನೆ ಮಾಡಿಸಲಾಗುತ್ತದೆ ಎಂದು ಹೇಳಿದರು.

     

  • ಯಾರು, ಯಾವ ತಂಡಕ್ಕೆ, ಎಷ್ಟು ಹಣಕ್ಕೆ ಸೇಲ್: ಪೂರ್ಣ ಪಟ್ಟಿ ಓದಿ

    ಯಾರು, ಯಾವ ತಂಡಕ್ಕೆ, ಎಷ್ಟು ಹಣಕ್ಕೆ ಸೇಲ್: ಪೂರ್ಣ ಪಟ್ಟಿ ಓದಿ

    ಬೆಂಗಳೂರು: ಏಪ್ರಿಲ್ ತಿಂಗಳಲ್ಲಿ ನಡೆಯಲಿರುವ ಐಪಿಎಲ್ ಹತ್ತನೇ ಆವೃತ್ತಿಯ ಟೂರ್ನಿಗಾಗಿ ಒಟ್ಟು 352 ಆಟಗಾರರ ಪೈಕಿ 66 ಆಟಗಾರರನ್ನು ಫ್ರಾಂಚೈಸಿಗಳು ಖರೀದಿ ಮಾಡಿವೆ.

    ರಿಟ್ಜ್ ಕಾರ್ಲಟನ್ ಹೋಟೆಲ್‍ನಲ್ಲಿ ನಡೆದ ಆಟಗಾರರ ಹರಾಜು ಪ್ರಕ್ರಿಯೆಯಲ್ಲಿ ಇಂಗ್ಲೆಂಡಿನ ಬೆನ್ ಸ್ಟೋಕ್ಸ್ ಅತೀ ಹೆಚ್ಚು ಮೊತ್ತಕ್ಕೆ ಮಾರಾಟವಾಗಿದ್ದಾರೆ. 14.5 ಕೋಟಿ ರೂ.ಗೆ ಸ್ಟೋಕ್ಸ್ ಪುಣೆ ಪಾಲಾದರೆ, ಇಂಗ್ಲೆಂಡಿನ ಮತ್ತೊಬ್ಬ ಆಟಗಾರ ಟೈಮಲ್ ಮಿಲ್ಸ್ ಅವರನ್ನು 12 ಕೋಟಿ ನೀಡಿ ರಾಯಲ್ ಚಾಲೆಂಜರ್ಸ್ ಖರೀದಿಸಿದೆ. ಹೀಗಾಗಿ ಇಲ್ಲಿ ಯಾರು ಎಷ್ಟು ರೂ. ಮಾರಾಟವಾಗಿದ್ದಾರೆ ಎನ್ನುವ ಪೂರ್ಣ ಮಾಹಿತಿಯನ್ನು ನೀಡಲಾಗಿದೆ.

    ರಾಯಲ್ ಚಾಲೆಂಜರ್ಸ್ ಬೆಂಗಳೂರು
    ಟೈಮಲ್ ಮಿಲ್ಸ್ (ಇಂಗ್ಲೆಂಡ್) – 12 ಕೋಟಿ ರೂ.
    ಅನಿಕೇತ್ ಚೌಧರಿ (ಭಾರತ) – 2 ಕೋಟಿ. ರೂ.
    ಪವನ್ ನೇಗಿ (ಭಾರತ) – 1 ಕೋಟಿ ರೂ.
    ಪ್ರವೀಣ್ ದುಬೆ (ಭಾರತ) – 10 ಲಕ್ಷ ರೂ.
    ಬಿಲ್ಲಿ ಸ್ಟಾನ್ಲೇಕ್ (ಆಸ್ಟ್ರೇಲಿಯಾ) – 30 ಲಕ್ಷ ರೂ.
    ಮುಂಬೈ ಇಂಡಿಯನ್ಸ್
    ಕರಣ್ ಶರ್ಮಾ (ಭಾರತ) – 3.2 ಕೋಟಿ ರೂ.
    ಮಿಷೆಲ್ ಜಾನ್ಸನ್ (ಆಸ್ಟ್ರೇಲಿಯಾ) – 2 ಕೋಟಿ ರೂ.
    ಕೆ ಗೌತಮ್ (ಭಾರತ) – 2 ಕೋಟಿ ರೂ.
    ನಿಕೊಲಾಸ್ ಪೂರಣ್ (ವೆಸ್ಟ್ ಇಂಡೀಸ್) – 30 ಲಕ್ಷ ರೂ.
    ಅಸೇಲ ಗುಣರತ್ನೆ (ಶ್ರೀಲಂಕಾ) – 30 ಲಕ್ಷ ರೂ.
    ಸೌರಭ್ ತಿವಾರಿ (ಭಾರತ) – 30 ಲಕ್ಷ ರೂ.
    ಕುಲ್ವಂತ್ ಖೆಜ್ರೋಲಿಯಾ (ಭಾರತ) – 10 ಲಕ್ಷ ರೂ.

    ಸನ್ ರೈಸರ್ಸ್ ಹೈದರಾಬಾದ್
    ರಶೀದ್ ಖಾನ್ ಅರ್ಮಾನ್ (ಅಫ್ಘಾನಿಸ್ತಾನ) – 4 ಕೋಟಿ ರೂ.
    ಏಕಲವ್ಯ ದ್ವಿವೇದಿ (ಭಾರತ) – 75 ಲಕ್ಷ ರೂ.
    ಕ್ರಿಸ್ ಜೋರ್ಡಾನ್ (ಇಂಗ್ಲೆಂಡ್) – 50 ಲಕ್ಷ ರೂ.
    ಮೊಹಮ್ಮದ್ ನಬಿ (ಅಫ್ಘಾನಿಸ್ತಾನ) – 30 ಲಕ್ಷ ರೂ.
    ಬೆನ್ ಲಾಫ್ಲಿನ್ (ಆಸ್ಟ್ರೇಲಿಯಾ) – 30 ಲಕ್ಷ ರೂ.
    ತನ್ಮಯ್ ಅಗರವಾಲ್ (ಭಾರತ) – 10 ಲಕ್ಷ ರೂ.
    ಪ್ರವೀಣ್ ತಂಬೆ (ಭಾರತ) – 10 ಲಕ್ಷ ರೂ.

    ಗುಜರಾತ್ ಲಯನ್ಸ್
    ಜೇಸನ್ ರಾಯ್ (ಇಂಗ್ಲೆಂಡ್) – 1 ಕೋಟಿ ರೂ.
    ಬಸಿಲ್ ಥಂಪಿ (ಭಾರತ) – 85 ಲಕ್ಷ ರೂ.
    ಮನಪ್ರೀತ್ ಗೋನಿ (ಭಾರತ) – 60 ಲಕ್ಷ ರೂ.
    ನಾಥು ಸಿಂಗ್ (ಭಾರತ) – 50 ಲಕ್ಷ ರೂ.
    ಮುನಾಫ್ ಪಟೇಲ್ (ಭಾರತ) – ರು. 30 ಲಕ್ಷ ರೂ.
    ತೇಜಸ್ ಸಿಂಗ್ ಬರೋಕಾ (ಭಾರತ) – 10 ಲಕ್ಷ ರೂ.
    ಚಿರಾಗ್ ಸೂರಿ (ಭಾರತ) – 10 ಲಕ್ಷ ರೂ.
    ಶೆಲ್ಲಿ ಶೌರ್ಯ (ಭಾರತ) – 10 ಲಕ್ಷ ರೂ.
    ಶುಭಂ ಅಗರವಾಲ್ (ಭಾರತ) – 10 ಲಕ್ಷ ರೂ.
    ಪ್ರಥಮ್ ಸಿಂಗ್ (ಭಾರತ) – 10 ಲಕ್ಷ ರೂ.

    ರೈಸಿಂಗ್ ಪುಣೆ ಸೂಪರ್ ಜೈಂಟ್ಸ್
    ಬೆನ್ ಸ್ಟೋಕ್ಸ್ (ಇಂಗ್ಲೆಂಡ್) – 14.5 ಕೋಟಿ ರೂ.
    ಡ್ಯಾನಿಯೆಲ್ ಕ್ರಿಸ್ಟಿಯನ್ (ಆಸ್ಟ್ರೇಲಿಯಾ) – 1 ಕೋಟಿ ರೂ.
    ಲೋಕಿ ಫಗ್ರ್ಯೂಸನ್ (ನ್ಯೂಜಿಲೆಂಡ್) – 50 ಲಕ್ಷ
    ಜಯದೇವ್ ಉನದ್ಕತ್ (ಭಾರತ) – 30 ಲಕ್ಷ ರೂ.
    ರಾಹುಲ್ ಚಹಾರ್ (ಭಾರತ) – 10 ಲಕ್ಷ ರೂ.
    ಸೌರಭ್ ಕುಮಾರ್ (ಭಾರತ) – 10 ಲಕ್ಷ ರೂ.
    ಮಿಲಿಂದ್ ಟಂಡನ್ (ಭಾರತ) – 10 ಲಕ್ಷ ರೂ.
    ರಾಹುಲ್ ತ್ರಿಪಾಠಿ (ಭಾರತ) – 10 ಲಕ್ಷ ರೂ.

    ಕೊಲ್ಕತ್ತಾ ನೈಟ್ ರೈಡರ್ಸ್
    ಟ್ರೆಂಟ್ ಬೋಲ್ಟ್ (ನ್ಯೂಜಿಲೆಂಡ್) – 5 ಕೋಟಿ ರೂ.
    ಕ್ರಿಸ್ ವೋಕ್ಸ್ (ಇಂಗ್ಲೆಂಡ್) – 4.2 ಕೋಟಿ ರೂ.
    ನೇಥನ್ ಕೌಲ್ಟರ್ ನೈಲ್ (ಆಸ್ಟ್ರೇಲಿಯಾ) – 3.5 ಕೋಟಿ ರೂ.
    ರಿಶಿ ಧವನ್ (ಭಾರತ) – 55 ಲಕ್ಷ ರೂ.
    ರೌಮನ್ ಪಾವೆಲ್ (ವೆಸ್ಟ್ ಇಂಡೀಸ್) – 30 ಲಕ್ಷ ರೂ.
    ಆರ್ ಸಂಜಯ್ ಯಾದವ್ (ಭಾರತ) – 10 ಲಕ್ಷ ರೂ.
    ಇಶಾಂಕ್ ಜಗ್ಗಿ (ಭಾರತ) – 10 ಲಕ್ಷ ರೂ.
    ಸಯನ್ ಘೋಷ್ – 10 ಲಕ್ಷ ರೂ.

    ಕಿಂಗ್ಸ್ ಇಲೆವನ್ ಪಂಜಾಬ್
    ತಂಗರಸು ನಟರಾಜನ್ (ಭಾರತ) – 3 ಕೋಟಿ ರೂ.
    ವರುಣ್ ಆರೋನ್ (ಭಾರತ) – 2.8 ಕೋಟಿ ರೂ.
    ಇಯಾನ್ ಮಾರ್ಗನ್ (ಇಂಗ್ಲೆಂಡ್) – 2 ಕೋಟಿ ರೂ.
    ಮ್ಯಾಟ್ ಹೆನ್ರಿ (ನ್ಯೂಜಿಲೆಂಡ್) – 50 ಲಕ್ಷ ರೂ.
    ಮಾರ್ಟಿನ್ ಗುಪ್ಟಿಲ್ (ನ್ಯೂಜಿಲೆಂಡ್) – 50 ಲಕ್ಷ ರೂ.
    ಡ್ಯಾರೆನ್ ಸಮ್ಮಿ (ವೆಸ್ಟ್ ಇಂಡೀಸ್) – 30 ಲಕ್ಷ ರೂ.
    ರಾಹುಲ್ ತೆವಾತಿಯಾ (ಭಾರತ) – 25 ಲಕ್ಷ ರೂ.
    ರಿಂಕು ಸಿಂಗ್ (ಭಾರತ) – 10 ಲಕ್ಷ ರೂ.

    ಡೆಲ್ಲಿ ಡೇರ್ ಡೆವಿಲ್ಸ್
    ಕಾಗಿಸೋ ರಬಡ (ದಕ್ಷಿಣ ಆಫ್ರಿಕಾ) – 5 ಕೋಟಿ ರೂ.
    ಪ್ಯಾಟ್ರಿಕ್ ಜೇಮ್ಸ್ ಕುಮಿನ್ಸ್ (ಆಸ್ಟ್ರೇಲಿಯಾ) – 4.5 ಕೋಟಿ ರೂ.
    ಏಂಜಲೋ ಮ್ಯಾಥ್ಯೂಸ್ (ಶ್ರೀಲಂಕಾ) – 2 ಕೋಟಿ ರೂ.
    ಕೋರೆ ಆಂಡರ್ಸನ್ (ನ್ಯೂಜಿಲೆಂಡ್) – 1 ಕೋಟಿ ರೂ.
    ಮುರುಗನ್ ಅಶ್ವಿನ್ (ಭಾರತ) – 1 ಕೋಟಿ ರೂ.
    ಆದಿತ್ಯ ತಾರೆ (ಭಾರತ) – 25 ಲಕ್ಷ ರೂ.
    ಅಂಕೀತ್ ಬಾವನೆ (ಭಾರತ) – 10 ಲಕ್ಷ ರೂ.
    ನವದೀಪ್ ಸೈನಿ (ಭಾರತ) – 10 ಲಕ್ಷ ರೂ.
    ಶಶಾಂಕ್ ಸಿಂಗ್ (ಭಾರತ) – 10 ಲಕ್ಷ ರೂ.