ಸಂಜೆ ತಿಂಡಿಗೆ ಬಿಸಿಬಿಸಿಯಾಗಿ ಏನಾದರೂ ತಿನ್ನಬೇಕು ಎಂದು ನಾಲಿಗೆ ಬಯಸುತ್ತದೆ. ಬಜ್ಜಿ, ಪಕೋಡ ತಿಂದು ಬೇಜಾರು ಆಗಿರುವ ನೀವು ಇಂದು ಪನ್ನೀರ್ ಪಕೋಡವನ್ನು ಮಾಡಿ ಸಂಜೆ ಟೀ, ಕಾಫಿ ಜೊತೆಗೆ ಸವಿಯಲು ಮಾಡುವ ವಿಧಾನ ಇಲ್ಲಿದೆ.
ಬೇಕಾಗುವ ಸಾಮಗ್ರಿಗಳು:
* ಶುಂಠಿ ಬೆಳ್ಳುಳ್ಳಿ ಪೇಸ್ಟ್- ಅರ್ಧ ಟೀ ಸ್ಪೂನ್
* ಕೆಂಪು ಮೆಣಸಿನ ಪುಡಿ- 2 ಟೀ ಸ್ಪೂನ್
* ಚಾಟ್ ಮಸಾಲ- ಅರ್ಧ ಟೀ ಸ್ಪೂನ್
* ಕಸೂರಿ ಮೆಥಿ
* ಪನ್ನೀರ್- 1 ಕಪ್
* ಕಡಲೆ ಹಿಟ್ಟು ಅರ್ಧ ಕಪ್
* ಅಕ್ಕಿ ಹಿಟ್ಟು- ಅರ್ಧ ಕಪ್
* ಅರಿಶಿಣ- 1 ಟೀ ಸ್ಪೂನ್
* ಅಡುಗೆ ಎಣ್ಣೆ- 1ಕಪ್
* ರುಚಿಗೆ ಉಪ್ಪು
ಮಾಡುವ ವಿಧಾನ:
* ಒಂದು ದೊಡ್ಡ ಮಿಕ್ಸಿಂಗ್ ಬೌಲ್‍ನಲ್ಲಿ ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಮೆಣಸಿನ ಪುಡಿ, ಚಾಟ್ ಮಸಾಲ, ಕಸೂರಿ ಮೆಥಿ ಮತ್ತು ಉಪ್ಪು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ ಪೇಸ್ಟ್ ತಯಾರಿಸಿಕೊಳ್ಳಬೇಕು. ನಂತರ ಅದಕ್ಕೆ ಪನ್ನೀರ್ ತುಂಡುಗಳನ್ನು ಸೇರಿಸಿ, ಮಿಕ್ಸ್ ಮಾಡಿ, ಮುಚ್ಚಿಡಬೇಕು.
* ಮತ್ತೊಂದು ಬಟ್ಟಲಿನಲ್ಲಿ ಒಂದು ಅರಿಶಿಣ,ಕಡಲೆ ಹಿಟ್ಟು, ಅಕ್ಕಿ ಹಿಟ್ಟು, ಮೆಣಸಿನ ಪುಡಿ, ಚಾಟ್ ಮಸಾಲ ಉಪ್ಪು. ಸ್ವಲ್ಪ ಅಡುಗೆ ಸೋಡಾ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಬೇಕು.
* ನಂತರ ಪನೀರ್ ಅನ್ನು ಈ ಕಡಲೆಹಿಟ್ಟಿನ ಮಿಶ್ರಣದಲ್ಲಿ ಅದ್ದಿ ಬಿಸಿ ಎಣ್ಣೆಯಲ್ಲಿ ಡೀಪ್ ಫ್ರೈ ಮಾಡಬೇಕು. ಇದೀಗ ಬಿಸಿಬಿಸಿ ಪನ್ನೀರ್ ಪಕೋಡಾ ಚಟ್ನಿಯೊಂದಿಗೆ ಸವಿಯಲು ಸಿದ್ಧವಾಗುತ್ತದೆ.