Bloggers Unite

Tag: anushka shetty

  • Jawan ರಿಲೀಸ್ ದಿನವೇ ಬರುತ್ತಿದೆ ಕನ್ನಡತಿ ಅನುಷ್ಕಾ ಶೆಟ್ಟಿ ಸಿನಿಮಾ

    Jawan ರಿಲೀಸ್ ದಿನವೇ ಬರುತ್ತಿದೆ ಕನ್ನಡತಿ ಅನುಷ್ಕಾ ಶೆಟ್ಟಿ ಸಿನಿಮಾ

    ಸತತ ಸೋಲಿನಿಂದ ಹೈರಾಣ ಆಗಿರುವ ಅನುಷ್ಕಾ ಶೆಟ್ಟಿ ನಟನೆಯ ‘ಮಿಸ್ ಶೆಟ್ಟಿ ಮಿಸ್ಟರ್ ಪೋಲಿ ಶೆಟ್ಟಿ’ ಸಿನಿಮಾ ಜವಾನ್ ರಿಲೀಸ್ ಆಗ್ತಿರುವ ದಿನವೇ ಬಿಡುಗಡೆಗೆ ಸಜ್ಜಾಗಿದೆ. ಸೆ.7ರಂದು ಶಾರುಖ್-ನಯನತಾರಾ ನಟನೆಯ ಜವಾನ್ ಸಿನಿಮಾದ ಎದುರು ಅನುಷ್ಕಾ ಶೆಟ್ಟಿ ಸಿನಿಮಾ ರಿಲೀಸ್ ಆಗುತ್ತಿದೆ.

    ಅನುಷ್ಕಾ ಶೆಟ್ಟಿ (Anushka Shetty) ಅವರು ಚಿತ್ರರಂಗ ಕಂಡಿರುವ ಪ್ರತಿಭಾನ್ವಿತ ನಟಿ. ಅದರಲ್ಲಿ ಎರಡು ಮಾತಿಲ್ಲ. ಪಠಾಣ್ ಸಿನಿಮಾದ ಸಕ್ಸಸ್ ನಂತರ ಜವಾನ್ (Jawan) ಆಗಿ ಅಬ್ಬರಿಸುತ್ತಿರುವ ಶಾರುಖ್ (Sharukh Khan) ಸಿನಿಮಾ ಎದುರು ಅನುಷ್ಕಾ ನಟನೆಯ ಸಿನಿಮಾ ಬರುತ್ತಾ ಇರೋದು ಅಭಿಮಾನಿಗಳಿಗೆ ತಲೆ ಬಿಸಿಯಾಗಿದೆ.

    ಸತತ ಸೋಲಿನಿಂದ ಸುಸ್ತಾಗಿರುವ ನಟಿ ಅನುಷ್ಕಾ, ಈ ಬಾರಿ ಗೆಲುವಿನ ನಗೆ ಬೀರಬೇಕು ಎಂಬುದು ಕೋಟಿ ಕೋಟಿ ಅಭಿಮಾನಿಗಳ ಆಶಯ. ಜವಾನ್ ಚಿತ್ರದ ಮುಂದೆ ಅನುಷ್ಕಾ ಚಿತ್ರ ರಿಲೀಸ್ ಆಗ್ತಿರೋದು ಸೂಕ್ತವಲ್ಲ ಎಂಬುದು ಸಿನಿಪಂಡಿತರ ಮತ್ತು ಅಭಿಮಾನಿಗಳ ಲೆಕ್ಕಾಚಾರವಾಗಿದೆ. ಇದನ್ನೂ ಓದಿ:‘ಕ್ಯಾಡ್ಬರಿಸ್’ ಸಿನಿಮಾದಲ್ಲಿ ಸೋನು ಗೌಡ- ಪೋಸ್ಟರ್ ಔಟ್

    ಅದಕ್ಕೆ ತಾಜಾ ಉದಾಹರಣೆ ಎಂದರೆ, ಈ ಹಿಂದೆ ಕೆಜಿಎಫ್ 2 (KGF 2) ಮುಂದೆ ವಿಜಯ್ ದಳಪತಿ (Vijay Thalapathy) ನಟನೆಯ ಬೀಸ್ಟ್ ಸಿನಿಮಾ ರಿಲೀಸ್ ಆಗಿ ಮಕಾಡೆ ಮಲಗಿತ್ತು. ತಮಿಳು ನಟ ವಿಜಯ್ ದೊಡ್ಡ ಮಟ್ಟದಲ್ಲಿ ಫ್ಯಾನ್ ಬೇಸ್ ಇದ್ದರೂ ಕೂಡ ಸಿನಿಮಾ ಕ್ಲಿಕ್ ಆಗಿರಲಿಲ್ಲ. ಅದರಂತೆಯೇ ಅನುಷ್ಕಾ ಶೆಟ್ಟಿ ಸಿನಿಮಾ ಆಗಬಾರದು ಎಂದು ಫ್ಯಾನ್ಸ್ ಯೋಚಿಸುತ್ತಿದ್ದಾರೆ. ಜವಾನ್ (Jawan) ಮುಂದೆ ತೆಲುಗು ಸಿನಿಮಾ ರಿಲೀಸ್ ಮಾಡುವ ಯೋಚನೆ ಟೀಂಗೆ ಎಫೆಕ್ಟ್ ಆಗುತ್ತೆ ಎಂಬುದರ ನೆಟ್ಟಿಗರ ಅಭಿಪ್ರಾಯ. ಅಭಿಮಾನಿಗಳ ಲೆಕ್ಕಚಾರವೇ ಉಲ್ಟಾ ಆಗಿ ಅನುಷ್ಕಾ ಸಿನಿಮಾ ಗೆದ್ದು ಬೀಗುತ್ತಾ ಕಾಯಬೇಕಿದೆ.

    ‘ಮಿಸ್ ಶೆಟ್ಟಿ ಮಿಸ್ಟರ್ ಪೋಲಿ ಶೆಟ್ಟಿ’ (Miss Shetty Mr Poli Shetty) ಬಹುಭಾಷೆಗಳಲ್ಲಿ ಸೆ.7ರಂದು ರಿಲೀಸ್ ಆಗುತ್ತಿದೆ. ಚಿತ್ರದ ಲುಕ್, ಟ್ರೈಲರ್ ಎಲ್ಲವೂ ಫ್ಯಾನ್ಸ್ ಕಿಕ್ ಕೊಟ್ಟಿದೆ. ನವೀನ್ ಪೋಲಿ ಶೆಟ್ಟಿಗೆ ಅನುಷ್ಕಾ ನಾಯಕಿಯಾಗಿದ್ದಾರೆ.

    [web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]

  • ಅನುಷ್ಕಾ ಅಲ್ಲ, ದೀಪಿಕಾ ಪಡುಕೋಣೆ ಅಂದರೆ ಇಷ್ಟ ಅಂತಾ ವರಸೆ ಬದಲಿಸಿದ ಪ್ರಭಾಸ್

    ಅನುಷ್ಕಾ ಅಲ್ಲ, ದೀಪಿಕಾ ಪಡುಕೋಣೆ ಅಂದರೆ ಇಷ್ಟ ಅಂತಾ ವರಸೆ ಬದಲಿಸಿದ ಪ್ರಭಾಸ್

    ‘ಬಾಹುಬಲಿ’ (Bahubali) ಪ್ರಭಾಸ್ (Prabhas) ಅವರು ಪಠಾಣ್ ಬ್ಯೂಟಿ ದೀಪಿಕಾ ಪಡುಕೋಣೆ (Deepika Padukone) ಬಗ್ಗೆ ಅಚ್ಚರಿ ಹೇಳಿಕೆಯೊಂದನ್ನ ಹೇಳಿದ್ದಾರೆ. ಕಾರ್ಯಕ್ರಮದಲ್ಲಿ ನಟ ಪ್ರಭಾಸ್ ಅವರು ಅನುಷ್ಕಾ ಅಲ್ಲ, ದೀಪಿಕಾ ಪಡುಕೋಣೆ ಅಂದರೆ ಇಷ್ಟ ಅಂತಾ ವರಸೆ ಬದಲಿಸಿದ್ದಾರೆ. ಸಲಾರ್ ನಟನ ಮಾತು ಈಗ ಭಾರೀ ಸದ್ದು ಮಾಡ್ತಿದೆ.

    ‘ಕಲ್ಕಿ 2898 AD’ ಸಿನಿಮಾದಲ್ಲಿ ಪ್ರಭಾಸ್-ದೀಪಿಕಾ ಜೋಡಿಯಾಗಿ ನಟಿಸಿದ್ದಾರೆ. ನಾಗ್ ಅಶ್ವೀನ್ ನಿರ್ದೇಶನ ಮಾಡಿದ್ದಾರೆ. ಚಿತ್ರದಲ್ಲಿ ಬಿಗ್ ಬಿ, ಕಮಲ್ ಹಾಸನ್ ಸೇರಿದಂತೆ ಹಲವು ಸ್ಟಾರ್ ಕಲಾವಿದರು ಈ ಚಿತ್ರದಲ್ಲಿದೆ. ಚಿತ್ರ ಶುರುವಾದ ದಿನದಿಂದ ಒಂದಲ್ಲಾ ಒಂದು ವಿಚಾರಕ್ಕೆ ಸದ್ದು ಮಾಡುತ್ತಲೇ ಇದೆ. ಇದನ್ನೂ ಓದಿ:‘ಸಂಜೆ ಮೇಲೆ ಸುಮ್ನೆ ಹಂಗೆ’ ಅಂತಿದ್ದಾರೆ ನೀನಾಸಂ ಸತೀಶ್: ಮ್ಯಾಟ್ನಿ ಹಾಡು ವೈರಲ್

    ಇದೀಗ ಸಮಾರಂಭವೊಂದರಲ್ಲಿ ದೀಪಿಕಾ ಪಡುಕೋಣೆ ಬಗ್ಗೆ ಮನಬಿಚ್ಚಿ ಪ್ರಭಾಸ್ ಮಾತನಾಡಿದ್ದಾರೆ. ದೀಪಿಕಾ ಸೆಟ್‌ಗಳಲ್ಲಿ ತುಂಬಾ ಸಕ್ರಿಯರಾಗಿರುತ್ತಾರೆ. ಅವರು ಸೆಟ್‌ಗೆ ಬಂದಾಗ ಎಲ್ಲರೂ ಸಂತೋಷವಾಗಿರುತ್ತಾರೆ. ಹಾಗಾಗಿ ನಟಿ ದೀಪಿಕಾ ಎಂದರೆ ನನಗೆ ತುಂಬಾ ಇಷ್ಟ ನಾನು ಯಾವಾಗಲೂ ಅವಳನ್ನ ಇಷ್ಟ ಪಡ್ತೀನಿ ಅಂತ ಪ್ರಭಾಸ್ ಹೇಳಿದರು. ದೀಪಿಕಾ ಬಗ್ಗೆ ಆಡಿದ ಪ್ರಭಾಸ್ ಮಾತುಗಳು ವೈರಲ್ ಆಗುತ್ತಿವೆ. ಪ್ರಭಾಸ್ ಅವರ ಹೆಸರು ಅನುಷ್ಕಾ ಶೆಟ್ಟಿ(Anushka Shetty), ಕೃತಿ ಸನೋನ್ (Kriti Sanon) ಜೊತೆ ತಳುಕು ಹಾಕಿಕೊಂಡಿತ್ತು. ಹಾಗಾಗಿ ದೀಪಿಕಾ ಬಗ್ಗೆ ಪ್ರಭಾಸ್ ಹೇಳಿದ ಮಾತು ನೆಟ್ಟಿಗರಿಗೆ ಅಚ್ಚರಿ ಮೂಡಿಸಿದೆ.

    ನಿರ್ದೇಶಕ ನಾಗ್ ಅಶ್ವಿನ್ ‘ಕಲ್ಕಿ 2898 AD’ ಸಿನಿಮಾವನ್ನು ವೈಜಯಂತಿ ಮೂವೀಸ್ ಬ್ಯಾನರ್ ಅಡಿಯಲ್ಲಿ ಅಶ್ವನಿ ದತ್ ಸುಮಾರು 600 ಕೋಟಿ ಬಜೆಟ್‌ನಲ್ಲಿ ನಿರ್ಮಿಸುತ್ತಿದ್ದಾರೆ. ಈ ಸಿನಿಮಾದಿಂದ ಬಿಡುಗಡೆಯಾಗಿರುವ ಗ್ಲಿಂಪ್ಸಸ್ ವಿಡಿಯೋ ಈಗಾಗಲೇ ದಾಖಲೆಗಳನ್ನು ಸೃಷ್ಟಿಸಿದೆ.

    ಸಾಲು ಸಾಲು ಸಿನಿಮಾ ಸೋಲಿನಿಂದ ಕೆಂಗೆಟ್ಟಿರುವ ಪ್ರಭಾಸ್‌ಗೆ ಈಗ ಗೆಲುವಿನ ರುಚಿ ಬೇಕಾಗಿದೆ. ಪ್ರಭಾಸ್ ಜೊತೆ ಪಠಾಣ್ ಸೂಪರ್ ಸ್ಟಾರ್ ದೀಪಿಕಾ ಇರೋದ್ರಿಂದ ಚಿತ್ರದ ನಿರೀಕ್ಷೆ ಹೆಚ್ಚಿದೆ. ಇಬ್ಬರ ಕೆಮಿಸ್ಟ್ರಿ ಸಿನಿಮಾದಲ್ಲಿ ನೋಡಲು ಅಭಿಮಾನಿಗಳು ಕಾಯುತ್ತಿದ್ದಾರೆ.

    [web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]

  • ‘ಬಾಹುಬಲಿ’ ಪ್ರಭಾಸ್- ಅನುಷ್ಕಾ ಶೆಟ್ಟಿ ಅಭಿಮಾನಿಗಳಿಗೆ ಕೊನೆಗೂ ಸಿಕ್ತು ಗುಡ್‌ ನ್ಯೂಸ್

    ‘ಬಾಹುಬಲಿ’ ಪ್ರಭಾಸ್- ಅನುಷ್ಕಾ ಶೆಟ್ಟಿ ಅಭಿಮಾನಿಗಳಿಗೆ ಕೊನೆಗೂ ಸಿಕ್ತು ಗುಡ್‌ ನ್ಯೂಸ್

    ತೆಲುಗಿನ ಮಿರ್ಚಿ, ಬಾಹುಬಲಿ, ಬಾಹುಬಲಿ 2 (Bahubali2) ಸಿನಿಮಾಗಳ ಮೂಲಕ ಅಭಿಮಾನಿಗಳ ಮನಗೆದ್ದ ಜೋಡಿ ಪ್ರಭಾಸ್- ಅನುಷ್ಕಾ ಶೆಟ್ಟಿ (Anushka Shetty) ಇದೀಗ ಫ್ಯಾನ್ಸ್‌ಗೆ ಗುಡ್ ನ್ಯೂಸ್ ನೀಡಿದ್ದಾರೆ. ಬಾಹುಬಲಿ 2 ನಂತರ ಮತ್ತೆ ಈ ಜೋಡಿ ತೆರೆಮೇಲೆ ರೊಮ್ಯಾನ್ಸ್ ಮಾಡೋಕೆ ರೆಡಿಯಾಗಿದ್ದಾರೆ.

    ಕರಾವಳಿ ಸುಂದರಿ ಅನುಷ್ಕಾ ಶೆಟ್ಟಿ ಅವರಿಗೆ ದೊಡ್ಡ ಅಭಿಮಾನಿ ಬಳಗ ಇದೆ. ‘ಬಾಹುಬಲಿ’ ಸರಣಿ ಚಿತ್ರ ಅವರಿಗೆ ದೊಡ್ಡ ಯಶಸ್ಸು ತಂದುಕೊಟ್ಟಿತು. ಆದರೆ, ಇದಾದ ಬಳಿಕ ಅವರು ಸಿನಿಮಾ ಆಯ್ಕೆಯಲ್ಲಿ ಚ್ಯೂಸಿ ಆದರು. ಹೆಚ್ಚು ಚಿತ್ರಗಳನ್ನು ಅವರು ಒಪ್ಪಿಕೊಳ್ಳುತ್ತಿಲ್ಲ. ಇದಕ್ಕೆ ಕಾರಣ ಏನು ಎಂಬುದನ್ನು ಅವರು ರಿವೀಲ್ ಮಾಡಿಲ್ಲ. ಸದ್ಯ ಅನುಷ್ಕಾ ಶೆಟ್ಟಿ ‘ಮಿಸ್ ಶೆಟ್ಟಿ ಮಿಸ್ಟರ್ ಪೊಲಿಶೆಟ್ಟಿ’ ಚಿತ್ರದ ಕೆಲಸದಲ್ಲಿ ಬ್ಯುಸಿ ಆಗಿದ್ದಾರೆ. ಈ ಸಿನಿಮಾದ ಮೂಲಕ ಅನುಷ್ಕಾ ಮತ್ತೆ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ.

    ಇತ್ತ ಪ್ರಭಾಸ್ (Prabhas) ಸಲಾರ್, ಪ್ರಾಜೆಕ್ಟ್ ಕೆ, ಕಲ್ಕಿ ಸಿನಿಮಾಗಳಲ್ಲಿ ಬ್ಯುಸಿಯಿದ್ದಾರೆ. ಇದೀಗ ಟಾಲಿವುಡ್‌ನ (Tollywood) ಬಿಗ್ ಬ್ರೇಕಿಂಗ್ ನ್ಯೂಸ್ ಎನಂದರೆ ಪ್ರಭಾಸ್- ಅನುಷ್ಕಾ ಶೆಟ್ಟಿ ಮತ್ತೆ ಒಟ್ಟಿಗೆ ನಟಿಸು ಸೂಚನೆ ಸಿಕ್ಕಿದೆ. ಒಂದು ವಿಭಿನ್ನ ಕಥೆಗೆ ಈ ಜೋಡಿ ಮತ್ತೆ ಜೊತೆಯಾಗುತ್ತಿದೆ. ಅದಕ್ಕೆ ‘ವಿಕ್ರಂ’ (Vikram) ಖ್ಯಾತಿಯ ಲೋಕೇಶ್ ಕನಗರಾಜ್ ನಿರ್ದೇಶನ ಮಾಡ್ತಿದ್ದಾರೆ. ಇದನ್ನೂ ಓದಿ:‘ಡಿಜೆ ಟಿಲ್ಲು’ ಹೀರೋ ಜೊತೆ ರಶ್ಮಿಕಾ ಮಂದಣ್ಣ ರೊಮ್ಯಾನ್ಸ್

    ಪ್ರಭಾಸ್ ಅವರು ತಮಿಳು ನಿರ್ದೇಶಕ ಲೋಕೇಶ್ ಕನಗರಾಜ್ ಜೊತೆ ಸಿನಿಮಾ ಮಾಡಲಿದ್ದಾರೆ ಎಂಬುದು ಸದ್ಯದ ಟಾಲಿವುಡ್‌ ಗಲ್ಲಿಯ ನ್ಯೂಸ್ ಈ ಸುದ್ದಿ ಕೇಳಿ ಫ್ಯಾನ್ಸ್ ಖುಷಿಪಟ್ಟಿದ್ದಾರೆ. ಈ ಸಿನಿಮಾ ಬಗ್ಗೆ ಸದ್ಯ ನಿರೀಕ್ಷೆ ಇದೀಗ ಡಬಲ್ ಆಗಿದೆ. ಈ ಸಿನಿಮಾಗಾಗಿ ಅಭಿಮಾನಿಗಳು ಕಾದಿದ್ದಾರೆ. ಒಟ್ನಲ್ಲಿ ಬಾಹುಬಲಿ ಜೋಡಿಯ ಮಿರ್ಚಿ ಲವ್ ಸ್ಟೋರಿ ನೋಡೋಕೆ ಅಭಿಮಾನಿಗಳು ಎದುರು ನೋಡ್ತಿದ್ದಾರೆ. ಪ್ರಭಾಸ್‌-ಅನುಷ್ಕಾ ರಿಯಲ್‌ ಲೈಫ್‌ನಲ್ಲೂ ಲವ್‌ ಮಾಡ್ತಿದ್ದಾರೆ ಎನ್ನಲಾಗಿತ್ತು. ಬಳಿಕ ಈ ಸುದ್ದಿ ಟುಸ್‌ ಪಟಾಕಿ ಎಂದು ಹೇಳಲಾಯ್ತು.ಈಗ ಸಿನಿಮಾ ಅಪ್‌ಡೇಟ್‌ನಿಂದ ಫ್ಯಾನ್ಸ್‌ಗೆ ಸಿಹಿಸುದ್ದಿ ನೀಡಿದ್ದಾರೆ.

    [web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]

  • ಸ್ವೀಟಿ ಫ್ಯಾನ್ಸ್‌ಗೆ ಇದು ಬೇಸರದ ಸಂಗತಿ- ಅನುಷ್ಕಾ ಶೆಟ್ಟಿ ಬಗ್ಗೆ ಏನಿದು ಸುದ್ದಿ?

    ಸ್ವೀಟಿ ಫ್ಯಾನ್ಸ್‌ಗೆ ಇದು ಬೇಸರದ ಸಂಗತಿ- ಅನುಷ್ಕಾ ಶೆಟ್ಟಿ ಬಗ್ಗೆ ಏನಿದು ಸುದ್ದಿ?

    ವಾಟ್ ಅನುಷ್ಕಾ ಶೆಟ್ಟಿ (Anushka Shetty) ಸಿನಿಮಾ ಮಾಡಲ್ವಾ? ಬಣ್ಣದ ಲೋಕದಿಂದ ಸ್ವೀಟಿ ದೂರ ಉಳಿತಾರ? ಹೀಗೊಂದು ಸುದ್ದಿ ಕೇಳಿ ಶಾಕ್ ಆಗಿದ್ದಾರೆ ಟಾಲಿವುಡ್ (Tollywood) ಫ್ಯಾನ್ಸ್. ಅಸಲಿಗೆ ಈ ಸುದ್ದಿ ನಿಜವಾ? ಶೂಟಿಂಗ್‌ನಿಂದ ದೂರವಾಗುವಂತ ಸಮಸ್ಯೆ ಏನಾಗಿದೆ ಸ್ವೀಟಿಗೆ? ಯಾರಾದ್ರು ಅನುಷ್ಕಾಗೆ ಬೇಸರ ಮಾಡಿದ್ರ? ಈ ಎಲ್ಲಾ ಪ್ರಶ್ನೆಗಳಿಗೆ ಉತ್ತರ ಇಲ್ಲಿದೆ.

    ಅನುಷ್ಕಾ ಶೆಟ್ಟಿ ಮಾಸ್ ಹೀರೋಗಳ ಜೊತೆಗೆ ಒಪ್ಪುವಂತ ಕ್ಲಾಸ್ ಹೀರೋಯಿನ್. ಒಳ್ಳೆ ಸಿನಿಮಾಗಳನ್ನ ಮಾಡಿಕೊಂಡು ಬಂದ ಅನುಷ್ಕಾ ಶೆಟ್ಟಿ ಆಫ್ಟರ್ ಬಾಹುಬಲಿ ಸ್ವಲ್ಪ ಡಲ್ ಆದ್ರು. ಸಿನಿಮಾಗಳು ಡಲ್ ಆದ್ರು ಈಕೆಯ ಫ್ಯಾನ್ಸ್ ಮಾತ್ರ ಯಾವತ್ತು ಅನುಷ್ಕಾ ಮೇಲಿನ ಪ್ರೀತಿ ಕಡಿಮೆ ಮಾಡ್ಲಿಲ್ಲ. ಒಂದು ಸಿನಿಮಾ ಸೋಲುತ್ತೆ ಒಂದು ಸಿನಿಮಾ ಗೆಲ್ಲುತ್ತೆ ನೀವು ಫಿಲ್ಮ್ಂ ಮಾಡಿ ನಾವು ನೋಡ್ತಿವಿ ಅಂತ ಸ್ವೀಟಿ ಬೆನ್ನಿಗೆ ನಿಂತ್ರು ಈಕೆಯ ಫ್ಯಾನ್ಸ್. ಈ ಫ್ಯಾನ್ಸ್‌ಗೆ ಖುಷಿ ಜೊತೆಗೆ ಭರವಸೆ ಕೊಟ್ಟಿತ್ತು ‘ಮಿಸ್ ಶೆಟ್ಟಿ ಮಿಸ್ಟರ್ ಪೋಲಿ ಶೆಟ್ಟಿ’ (Miss Shetty Mr Poli Shetty) ಟೀಸರ್.

    ಪ್ರಭಾಸ್ (Prabhas) ಜೊತೆ ಪ್ಯಾನ್‌ ಇಂಡಿಯಾ ಸಿನಿಮಾದಲ್ಲಿ ಮಿಂಚಿದ ಹೀರೋಯಿನ್ ಈಗ ಮತ್ತೊಂದು ಇನ್ನಿಂಗ್ಸ್ ಆರಂಭಿಸ್ತಿದ್ದಾರೆ ಅಂತ ಅಭಿಮಾನಿಗಳು ಸಂಭ್ರಮಿಸಿದ್ರು. ಟೀಸರ್‌ನಲ್ಲಿ ರಿವೀಲ್ ಆದ ಕಂಟೆಂಟ್ ಕೂಡ ಅಷ್ಟೇ ಚೆನ್ನಾಗಿತ್ತು. ಈಗ ಇದೇ ಸಿನಿಮಾ ಅನುಷ್ಕಾ ಅಭಿನಯಿಸುವ ಕಡೆ ಸಿನಿಮಾ ಅಂತ ಸುದ್ದಿಯಾಗಿದೆ. ಒಂದೊಳ್ಳೆ ಸಿನಿಮಾದಿಂದ ಚಿತ್ರರಂಗಕ್ಕೆ ಅನುಷ್ಕಾ ವಿದಾಯ ಹೇಳಬೇಕು ಅಂತ ಡಿಸೈಡ್ ಆಗಿದ್ದಾರೆ ಎನ್ನಲಾಗ್ತಿದೆ. ಹಾಗಾದ್ರೆ ಇನ್ನುಂದೆ ಅನುಷ್ಕಾ ಸಿನಿಮಾ ಮಾಡಲ್ವಾ ಅಂತಿದ್ದಾರೆ ಅಭಿಮಾನಿಗಳು. ಅದಕ್ಕೆ ಸರಿಯಾಗಿ ‘ಮಿಸ್ ಶೆಟ್ಟಿ ಮಿಸ್ಟರ್ ಪೋಲಿ ಶೆಟ್ಟಿ’ ರಿಲೀಸ್ ಡೇಟ್ ಕೂಡ ಮುಂದಕ್ಕೆ ಹೋಗಿದೆ. ಈ ಸುದ್ದಿ ಕೂಡ ಫ್ಯಾನ್ಸ್ ನಿರಾಸೆ ಮೂಡಿಸಿದೆ. ಎಲ್ಲಾ ಸರಿ ಇದ್ದಿದ್ರೆ ಇದೇ ಆಗಸ್ಟ್ 4ಕ್ಕೆ ತೆರೆಗೆ ಬರಬೇಕಿತ್ತು. ಕಾರಣಾಂತರಗಳಿಂದ ಅದಕ್ಕೂ ಬ್ರೇಕ್ ಬಿದ್ದಿದೆ. ಇದನ್ನೂ ಓದಿ:‘ಆ ದಿನಗಳ’ ನೆನೆದು ಕಣ್ಣೀರಿಟ್ಟ ನಟಿ ಸಂಯುಕ್ತ ಹೆಗ್ಡೆ

    ಆದ್ರೆ ಅನುಷ್ಕಾ ಮಾತ್ರ ಈ ಬಗ್ಗೆ ಏನೂ ಹೇಳಿಲ್ಲ. ಆದ್ರೆ ಇಷ್ಟೆಲ್ಲಾ ಅಂತೆ-ಕಂತೆಗಳಿಗೆ ‘ಸೈಜ್ ಜೀರೋ’ ಸಿನಿಮಾನೆ ಕಾರಣ ಅಂತಿದೆ ಟಾಲಿವುಡ್ ಮೂಲಗಳು. ಈ ಸಿನಿಮಾಗಾಗಿ ಅನುಷ್ಕಾ ಸಿಕ್ಕಾಪಟ್ಟೆ ತೂಕ ಹೆಚ್ಚಿಸಿಕೊಂಡಿದ್ರು. ಸಿನಿಮಾ ಮುಗಿದ್ಮೇಲೆ ಮತ್ತೆ ದೇಹ ಕರಗಿಸುವ ಕೆಲಸ ಮಾಡಿದ್ರು ಆದ್ರೆ ಅದು ವರ್ಕ್ಔಟ್ ಆಗ್ತಿಲ್ಲ. ‘ಸೈಜ್ ಜೀರೋ’ (Size Zero Film) ಆದ್ಮೇಲೆ ಬಂದ ಭಾಗಮತಿ, ನಿಶಬ್ಧಂ ಕೂಡ ಅಷ್ಟೊಂದು ಒಳ್ಳೆ ಸೌಂಡ್ ಮಾಡಲಿಲ್ಲ. ತೂಕ ಹೆಚ್ಚಿದ ಕಾರಣ ಒಂದಷ್ಟು ತಿಂಗಳು ಅವರು ಯಾರಿಗೂ ಕಾಣಿಸಿಕೊಂಡಿಲ್ಲ ಅಂತ ಕೂಡ ಮಾತಾಗಿತ್ತು.

    ಪ್ರಭಾಸ್ ಜೊತೆ ಮದುವೆ ಆಗ್ತಾರೆ ಅನುಷ್ಕಾ ಅಂತ ಫಿಕ್ಸ್ ಆಗಿದ್ರು ಫ್ಯಾನ್ಸ್. ಆದ್ರೆ ಅದ್ಯಾಕೋ ಮದುವೆ (Wedding) ಆಗಲಿಲ್ಲ. ಈಗ ಅನುಷ್ಕಾ ಸಿನಿಮಾಗಳಿಂದ ರಿಟೈರ್ ಆಗ್ತಾರೆ ಅನ್ನೊ ಸುದ್ದಿ ಕಾಡ್ಗಿಚ್ಚಿನಂತೆ ಹಬ್ಬಿಕೊಳ್ತಿದೆ. ಅಸಲಿಗೆ ಮೇಕಪ್‌ಗೆ ಸ್ವೀಟಿ ಪ್ಯಾಕಪ್ ಹೇಳ್ತಾರ? ಕಾದು ನೋಡ್ಬೇಕಿದೆ. ಸೆಲಬ್ರೆಟಿಗಳ ವಿಚಾರದಲ್ಲಿ ಈ ರೀತಿಯ ಸುದ್ದಿಗಳು ಕಾಮನ್. ಅವರೇ ಖುದ್ದು ಹೇಳಿದ್ರೆ ಮಾತ್ರ ಅದನ್ನ ನಂಬಲು ಸಾಧ್ಯ. ಶೆಟ್ಟರಿಗೆ ಒಳ್ಳೆ ಸಿನಿಮಾಗಳು ಕೈ ಹಿಡಿಲಿ ಮತ್ತಷ್ಟು ವರ್ಷಗಳು ಅಭಿಮಾನಿಗಳನ್ನ ರಂಜಿಸಲಿ ಅಲ್ವಾ?

    [web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]

  • ಕಮ್‌ಬ್ಯಾಕ್ ಆಗ್ತಿರೋ ಅನುಷ್ಕಾ ಶೆಟ್ಟಿ ಸಿನಿಮಾದಿಂದ ದೂರವಾಗಿದ್ಯಾಕೆ? ಇಲ್ಲಿದೆ ಅಪ್‌ಡೇಟ್

    ಕಮ್‌ಬ್ಯಾಕ್ ಆಗ್ತಿರೋ ಅನುಷ್ಕಾ ಶೆಟ್ಟಿ ಸಿನಿಮಾದಿಂದ ದೂರವಾಗಿದ್ಯಾಕೆ? ಇಲ್ಲಿದೆ ಅಪ್‌ಡೇಟ್

    ಅನುಷ್ಕಾ ಶೆಟ್ಟಿ (Anushka Shetty) ಕೆಲವು ವರ್ಷ ಅಜ್ಞಾತವಾಸದಲ್ಲಿ ಜೀವನ ಕಳೆದರಾ? ಯಾರಿಗೂ ಮುಖ ತೋರಿಸದೇ ಬದುಕಿಬಿಟ್ಟರಾ? ಇನ್ನೊಬ್ಬರನ್ನು ಕಂಡರೆ ಸಾಕು ಮೈಲು ದೂರ ಓಡಿ ಹೋಗುತ್ತಿದ್ದರಾ? ಅದ್ಯಾಕೆ ಹೀಗೆ ಮಾಡುತ್ತಿದ್ದರು ಸ್ವೀಟಿ? ಅದ್ಯಾವ ಕಾರಣದಿಂದ ಅಷ್ಟೊಂದು ತಿಂಗಳು ಸಾರ್ವಜನಿಕ ಜೀವನದಿಂದ ಹೊರಗೆ ಉಳಿದಿದ್ದರು? ಅದಕ್ಕೆಲ್ಲ ಏನು ಕಾರಣ? ಇದಕ್ಕೆ ಅದೊಬ್ಬ ವ್ಯಕ್ತಿ ಉತ್ತರ ಕೊಟ್ಟಿದ್ದಾರೆ. ಇದನ್ನೂ ಓದಿ:ತಮಿಳು ‘ಜೈಲರ್’ ವಿರುದ್ದ ಮಲಯಾಳಂ ‘ಜೈಲರ್’ ರಿಲೀಸ್: ರಜನಿ ಸಿನಿಮಾಗೆ ಟಕ್ಕರ್

    ಅನುಷ್ಕಾ ಶೆಟ್ಟಿ. ಅದೊಂದು ಕಾಲದಲ್ಲಿ ಟಾಪ್ ಹೀರೋಯಿನ್. ಅಫ್‌ಕೋರ್ಸ್ ಈಗಲೂ ಸ್ವೀಟಿ ಸಿನಿಮಾಕ್ಕಾಗಿ ಜನರು ಕಾಯುತ್ತಿದ್ದಾರೆ. ಆದರೆ ಅದ್ಯಾಕೊ ಏನೊ ಸರಿಯಾದ ಸಮಯದಲ್ಲಿ ಅವರು ಗಟ್ಟಿ ನಿರ್ಧಾರ ಮಾಡಲಿಲ್ಲ. ಅಥವಾ ಮಾಡಿದ ನಿರ್ಧಾರ ಕೈ ಹಿಡಿಯಲಿಲ್ಲ. ಇನ್ನೇನು ಮತ್ತೆ ಎದ್ದು ಬರಬೇಕು ಎನ್ನುವಷ್ಟರಲ್ಲಿ ಹೊಸ ನೀರಿನ ಹಾವಳಿ ಆರಂಭವಾಗಿತ್ತು. ರಶ್ಮಿಕಾ, ಪೂಜಾ, ಶ್ರೀಲೀಲಾ, ಕೃತಿ…ಒಬ್ಬೊಬ್ಬರೇ ಆಕೆಯ ಜಾಗ ತುಂಬಲು ಸಜ್ಜಾಗಿದ್ದರು. ಇದೀಗ ಅದೇ ಅನುಷ್ಕಾ ಶೆಟ್ಟಿಯ ಆ ಅಜ್ಞಾತವಾಸದ ದಿನಗಳನ್ನು ಟಾಲಿವುಡ್ ಪತ್ರಕರ್ತ ಚೆಯ್ಯರು ಬಾಲು (Cheyyaru Balu) ಬಿಚ್ಚಿಟ್ಟಿದ್ದಾರೆ. ಅದ್ಯಾಕೆ ಸಾರ್ವಜನಿಕ ಜೀವನದಿಂದ ದೂರವಾಗಿದ್ದರು ಎಂದು ವಿವರಿಸಿದ್ದಾರೆ.

    ಸೈಜ್ ಜೀರೋ (Size Zero) ಇದು ಅನುಷ್ಕಾ ಅಭಿನಯದ ಸಿನಿಮಾ. ಪಾತ್ರ ನೈಜವಾಗಿರಲೆಂದು ದೇಹದ ತೂಕ ಹೆಚ್ಚಿಸಿಕೊಂಡಿದ್ದರು. ಆ ಶೂಟಿಂಗ್ ಮುಗಿದ ಮೇಲೆ ನಿಜವಾದ ತಾಪತ್ರಯ ಶುರುವಾಯಿತು. ಆ ತೂಕ ಇಳಿಸಿಕೊಳ್ಳಲು ತುಂಬಾ ಕಷ್ಟಪಟ್ಟರು. ಕೆಲವರು ದೇಹದ ತೂಕ ಇಳಿಸುವ ಚಿಕಿತ್ಸೆ ಪಡೆಯಲು ಸಲಹೆ ನೀಡಿದರು. ಅದನ್ನು ಅವರು ಒಪ್ಪಲಿಲ್ಲ. ಹೀಗಾಗಿ ದೇಹದ ತೂಕದಿಂದ ಎಷ್ಟೋ ತಿಂಗಳು ಅವರು ಮನೆ ಬಿಟ್ಟು ಈಚೆ ಬರಲಿಲ್ಲ. ಯಾರಿಗೂ ಮುಖ ತೋರಿಸಲಿಲ್ಲ. ಒಟ್ಟಿನಲ್ಲಿ ಸಿನಿಮಾ ಹಾಗೂ ಸಾರ್ವಜನಿಕ ಬದುಕಿಂದ ಹೊರಗೆ ಉಳಿದರು.

    ಬಹುಶಃ ಇದೂ ಅನುಷ್ಕಾ ಶೆಟ್ಟಿ ಕೆರಿಯರ್ ಗ್ರಾಫ್ ಇಳಿಯಲು ಇನ್ನೊಂದು ಕಾರಣವಾಯಿತು. ಸೈಜ್ ಜೀರೋ ಮುಂಚೆಯೇ ಬಾಹುಬಲಿ ಮೊದಲ ಭಾಗ ಮಾಡಿದ್ದರು. ತೂಕವನ್ನು ಹೇಗೊ ಇಳಿಸಿಕೊಂಡ ಮೇಲೆ ಎರಡನೇ ಭಾಗದಲ್ಲಿ ನಟಿಸಿದರು. ಹೀಗಾಗಿಯೇ ನೀವು ಗಮನಿಸಿ ನೋಡಿದರೆ ವ್ಯತ್ಯಾಸ ಗೊತ್ತಾಗುತ್ತದೆ. ಬಹುಶಃ ಸೈಜ್ ಜೀರೊ ಮಾಡದಿದ್ದರೆ ಒಳ್ಳೆಯದಿತ್ತೇನೊ…ಹೀರೋ ರೀತಿ ಪಾತ್ರದ ನೈಜತೆಗಾಗಿ ದಪ್ಪಗಾದರು. ಅದನ್ನು ಇಳಿಸಿಕೊಳ್ಳಲು ಸಾಕಷ್ಟು ಶ್ರಮ ಪಟ್ಟರು. ಬಾಹುಬಲಿ (Bahubali) ಎರಡನೇ ಭಾಗ ಹಿಟ್ ಆದರೂ ಅದ್ಯಾಕೊ ಉದ್ಯಮ ಅವರನ್ನು ಮತ್ತೆ ಮೊದಲಿನಂತೆ ನೋಡಲಿಲ್ಲ. ಅಲ್ಲೊಂದು ಇಲ್ಲೊಂದು ಪಾತ್ರ ಮಾಡಿದರು. ಅವೂ ಆಕಾಶ ನೋಡೋದು ಮರೆಯಲಿಲ್ಲ.

    ಇಷ್ಟು ವರ್ಷದ ನಂತರ ಈಗ ಮತ್ತೆ ಎದ್ದು ನಿಂತಿದ್ದಾರೆ ಅರುಂಧತಿ. ‘ಮಿಸ್ ಶೆಟ್ಟಿ ಮಿಸ್ಟರ್ ಪೋಲಿಶೆಟ್ಟಿ’ ಸಿನಿಮಾಕ್ಕೆ ಬಣ್ಣ ಹಚ್ಚಿದ್ದಾರೆ. ಅಷ್ಟೇನೂ ಹೆಸರು ಗೊತ್ತಿಲ್ಲದ ಹೀರೊ. ಪಕ್ಕಾ ಕಾಮಿಡಿ ಸಿನಿಮಾ. ಅದು ಹಿಟ್ ಆಗಲಿ ಫ್ಲಾಪ್ ಆಗಲಿ…ಅನುಷ್ಕಾ ಮತ್ತೆ ಮೊದಲಿನ ಜಾತ್ರೆ ಮಾಡುವುದು ಕಷ್ಟ ಕಷ್ಟ. ಕಾರಣ ರಶ್ಮಿಕಾ(Rashmika), ಪೂಜಾ, ಕೃತಿ ಹಾಗೂ ಶ್ರೀಲೀಲಾ (Sreeleela) ಕುದುರೆ ಏರಿ ಕುಂತಿದ್ದಾರೆ. ಇರೋದು ಒಂದೇ ಕುದುರೆ…ಅದರ ಮೇಲೆಯೇ ಆ ನಾಲ್ಕು ಜನ..ಸರದಿ ಸಾಲಿನಲ್ಲಿ ಸವಾರಿ ಮಾಡುತ್ತಿದ್ದಾರೆ. ಇನ್ನು ಅನುಷ್ಕಾಗೆ ಎಲ್ಲಿ ಸವಾರಿ ಮಾಡಲು ಜಾಗ ಹಾಗೂ ಯೋಗ? ಅದೃಷ್ಟ ಬಾಗಿಲು ಬಡಿದಾಗ ಮೈಮರೆಯಬಾರದಲ್ವೆ?

    [web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]

  • ಪ್ರೀತಿಯಿಂದ ಪ್ರಭಾಸ್‌ಗೆ ಅನುಷ್ಕಾ ಶೆಟ್ಟಿ ಏನೆಂದು ಕರೀತಾರೆ ಗೊತ್ತಾ?

    ಪ್ರೀತಿಯಿಂದ ಪ್ರಭಾಸ್‌ಗೆ ಅನುಷ್ಕಾ ಶೆಟ್ಟಿ ಏನೆಂದು ಕರೀತಾರೆ ಗೊತ್ತಾ?

    ಕರಾವಳಿ ಬ್ಯೂಟಿ ಅನುಷ್ಕಾ ಶೆಟ್ಟಿ (Anushka Shetty) ಅವರು ತೆಲುಗು ಮತ್ತು ತಮಿಳು ಚಿತ್ರರಂಗದಲ್ಲಿ ಸ್ಟಾರ್ ನಟಿಯಾಗಿ ಗಟ್ಟಿ ನೆಲೆ ಗಿಟ್ಟಿಸಿಕೊಂಡಿದ್ದಾರೆ. ಸದ್ಯ ‘ಮಿಸ್ ಶೆಟ್ಟಿ ಮಿಸ್ಟರ್ ಪೋಲಿ ಶೆಟ್ಟಿ’ ಚಿತ್ರದ ಮೂಲಕ ಕಂಬ್ಯಾಕ್ ಆಗ್ತಿದ್ದಾರೆ. ಈ ನಡುವೆ ಪ್ರೀತಿಯಿಂದ ಪ್ರಭಾಸ್‌ಗೆ ಅನುಷ್ಕಾ ಏನೆಂದು ಕರೆಯುತ್ತಾರೆ ಎಂಬುದನ್ನ ರಿವೀಲ್ ಮಾಡಿದ್ದಾರೆ. ಇದನ್ನೂ ಓದಿ:ಗೃಹ ಪ್ರವೇಶದ ಸಂಭ್ರಮದಲ್ಲಿ ‘ರಾಧಾ ರಮಣ’ ನಟಿ ಕಾವ್ಯ ಗೌಡ

    ಮಿರ್ಚಿ, ಬಿಲ್ಲಾ, ಬಾಹುಬಲಿ, ಬಾಹುಬಲಿ 2 ಸೇರಿದಂತೆ ಹಲವು ಸಿನಿಮಾಗಳಲ್ಲಿ ಅನುಷ್ಕಾ ಶೆಟ್ಟಿ- ಪ್ರಭಾಸ್ (Prabhas) ಜೋಡಿಯಾಗಿ ನಟಿಸಿದ್ದರು. ಇಬ್ಬರ ಕೆಮಿಸ್ಟ್ರಿ ತೆರೆಯ ಮೇಲೆ ಮೋಡಿ ಮಾಡಿತ್ತು. ಸಿನಿಮಾ ನೋಡಿದವರು, ತೆರೆ ಹಿಂದೆ ಕೂಡ ಇಬ್ಬರ ನಡುವೆ ಲವ್ವಿ-ಡವ್ವಿ ಇದೆ ಎಂದು ಹೇಳಲಾಗಿತ್ತು. ಈ ಮಧ್ಯೆ ಕೃತಿ ಸನೋನ್ (Kriti Sanon) ಹೆಸರು ಕೂಡ ಪ್ರಭಾಸ್ ಜೊತೆ ತಳುಕು ಹಾಕಿತ್ತು. ಈಗ ಮತ್ತೆ ಬಾಹುಬಲಿ ಜೋಡಿಯ ಮ್ಯಾಟ್ರರ್ ಚಾಲ್ತಿಗೆ ಬಂದಿದೆ.

    ಇತ್ತೀಚಿಗೆ ಅನುಷ್ಕಾ ನಟಿಸಿರುವ ‘ಮಿಸ್ ಶೆಟ್ಟಿ ಮಿಸ್ಟರ್ ಪೋಲಿ ಶೆಟ್ಟಿ’ (Miss Shetty Mr Poli Shetty) ಸಿನಿಮಾದ ಟೀಸರ್ ರಿಲೀಸ್ ಆಗಿತ್ತು. ಅನುಷ್ಕಾ- ನವೀನ್ ಪೋಲಿ ಶೆಟ್ಟಿ ಜೋಡಿಗೆ ಮೆಚ್ಚುಗೆ ವ್ಯಕ್ತವಾಗಿತ್ತು. ಇದೀಗ ಪ್ರಭಾಸ್ ಕೂಡ ಚಿತ್ರದ ಟೀಸರ್ ನೋಡಿ ಭೇಷ್ ಎಂದಿದ್ದಾರೆ. ಸಿನಿಮಾದ ಟೀಸರ್ ಮನರಂಜನೆಯನ್ನ ಒಳಗೊಂಡಿದೆ. ಇಡೀ ತಂಡಕ್ಕೆ ಶುಭವಾಗಲಿ ಎಂದು ವಿಶ್ ಮಾಡಿದ್ದಾರೆ. ಇದನ್ನ ನಟಿ ಅನುಷ್ಕಾ ತಮ್ಮ ಖಾತೆ ರೀ ಶೇರ್ ಮಾಡಿ, ಧನ್ಯವಾದ ಪಪ್ಸು ಎಂದು ಬರೆದುಕೊಂಡಿದ್ದಾರೆ. ಈ ಪೋಸ್ಟ್ ಸಖತ್ ಸದ್ದು ಮಾಡ್ತಿದೆ.

    ಅನುಷ್ಕಾ- ಪ್ರಭಾಸ್ ನಡುವೆ ಏನು ಸರಿ ಇಲ್ಲಾ ಅದಕ್ಕೆ ದೂರವಾಗಿದ್ದಾರೆ ಎಂದು ಹೇಳಲಾಗಿತ್ತು. ಆದರೆ ಈಗ ಒಬ್ಬರ ಚಿತ್ರಕ್ಕೆ ಮತ್ತೊಬ್ಬರು ಬೆಂಬಲ ಸೂಚಿಸೋದು ನೋಡಿ, ಇಬ್ಬರ ನಡುವೆ ಸಮ್‌ಥಿಂಗ್ ಸಮ್‌ಥಿಂಗ್ ಇದೆ ಎಂದು ಹೇಳಲಾಗುತ್ತಿದೆ. ಬಾಹುಬಲಿ ಜೋಡಿ ರಿಯಲ್ ಲೈಫ್‌ನಲ್ಲೂ ಒಂದಾಗಲಿ ಎಂದು ಫ್ಯಾನ್ಸ್ ಆಶಿಸುತ್ತಿದ್ದಾರೆ.

  • 3 ವರ್ಷಗಳ ನಂತರ ಸ್ವೀಟಿ ಅನುಷ್ಕಾ ಶೆಟ್ಟಿ ಕಮ್‌ಬ್ಯಾಕ್

    3 ವರ್ಷಗಳ ನಂತರ ಸ್ವೀಟಿ ಅನುಷ್ಕಾ ಶೆಟ್ಟಿ ಕಮ್‌ಬ್ಯಾಕ್

    ಕರಾವಳಿ ಬ್ಯೂಟಿ ಅನುಷ್ಕಾ ಶೆಟ್ಟಿ ಅವರು 3 ವರ್ಷಗಳ ನಂತರ ಕಮ್‌ಬ್ಯಾಕ್ ಆಗಿದ್ದಾರೆ. ‘ಮಿಸ್ ಶೆಟ್ಟಿ ಮಿಸ್ಟರ್ ಪೋಲಿ ಶೆಟ್ಟಿ’ (Miss Shetty Mr Poli Shetty) ಸಿನಿಮಾ ಮೂಲಕ ಸ್ವೀಟಿ ಸದ್ದು ಮಾಡ್ತಿದ್ದಾರೆ. ಸದ್ಯ ಚಿತ್ರದ ಟೀಸರ್ ಝಲಕ್‌ನಿಂದ ಅನುಷ್ಕಾ ಶೆಟ್ಟಿ (Anushka Shetty) ಹೈಪ್ ಕ್ರಿಯೇಟ್ ಮಾಡಿದ್ದಾರೆ.

    ಬಾಹುಬಲಿ 2 (Bahubali 2), ನಿಶಬ್ಧಂ ಚಿತ್ರದ ನಂತರ ಸ್ವೀಟಿ, ಅನ್ವಿತಾ ರಾವಲಿ ಶೆಟ್ಟಿಯಾಗಿ ಬರುತ್ತಿದ್ದಾರೆ. ಹೋಟೆಲ್‌ವೊಂದರ ಶೆಫ್ ಆಗಿ ಅನುಷ್ಕಾ ನಟಿಸಿದ್ದಾರೆ. ಅನ್ವಿತಾ ರಾವಲಿ ಶೆಟ್ಟಿಗೆ ಮದುವೆ ಅಂದ್ರೆ ಇಷ್ಟ ಇರಲ್ಲ, ಆ ವಿಷಯದಲ್ಲಿ ಫ್ಯಾಮಿಲಿ ಸಪೋರ್ಟ್ ಕೂಡ ಇರುತ್ತದೆ. ಮತ್ತೊಂದು ಕಡೆ ಪೋಷಕರಿಗೆ ಇಷ್ಟವಿಲ್ಲದಿದ್ದರೂ ಸ್ಟ್ಯಾಂಡಪ್ ಕಾಮೆಡಿಯನ್ ಆಗಬೇಕು ಎನ್ನುವ ಕನಸು ಕಾಣುವ ಯುವಕ ನವೀನ್ ಪೋಲಿ ಶೆಟ್ಟಿ. ಆಕಸ್ಮಿಕವಾಗಿ ಇವರಿಬ್ಬರ ನಡುವೆ ಪರಿಚಯ ಆಗಿ ಅದು ಸ್ನೇಹಕ್ಕೆ ತಿರುಗುತ್ತದೆ. ಮುಂದೆ ಆ ಸ್ನೇಹ ಎಲ್ಲಿಗೆ ಹೋಗಿ ತಲುಪುತ್ತದೆ ಅನ್ನೋದನ್ನು ತೆರೆಮೇಲೆಯೇ ನೋಡಬೇಕು. ಇಬ್ಬರ ನಡುವಿನ ದೃಶ್ಯಗಳು ತುಂಬಾ ಫ್ರೆಶ್ ಆಗಿ ಮೋಡಿ ಬಂದಿದೆ. ವಿಶೇಷವಾಗಿ ರಾವಲಿ ಶೆಟ್ಟಿ, ಪೋಲಿ ಶೆಟ್ಟಿನ ಸಂದರ್ಶನ ಮಾಡುವ ಸನ್ನಿವೇಶ ಮಜವಾಗಿದೆ.ಇದನ್ನೂ ಓದಿ:ಪತ್ನಿಗೆ ಸಿನಿಮಾ ಮಾಡಲು ಬಿಡಿ ಎಂದ ಅಭಿಮಾನಿಗೆ ಅಭಿಷೇಕ್ ಬಚ್ಚನ್ ಏನಂದ್ರು ಗೊತ್ತಾ?

    ನವೀನ್‌ನ ನಿನ್ನ ಸ್ಟ್ರೆಂತ್ ಏನು ಎಂದು ಆಕೆ ಕೇಳಿದಾಗ ಅವಕಾಶ ಸಿಕ್ಕಾಗಲೆಲ್ಲಾ ಕಾಮಿಡಿ ಮಾಡ್ತೀನಿ ಅಂತಾನೆ. ವೀಕ್‌ನೆಸ್ ಏನು ಅಂದ್ರೆ ಸಿಚ್ಯುವೇಷನ್‌ಗೆ ಸಂಬಂಧ ಇಲ್ಲದೇ ಕಾಮಿಡಿ ಮಾಡ್ತಿರ್ತೀನಿ ಅಂತಾ ಉತ್ತರ ಕೊಡುತ್ತಾನೆ. ಇನ್ನು ಕೊನೆಗೆ ನಿನ್ನ ಟೈಮಿಂಗ್ ಯಾವಾಗಲೂ ಹೀಗೇನಾ? ಎನ್ನುವ ಪ್ರಶ್ನೆಗೆ ಕಾಮಿಡಿ ಟೈಮಿಂಗ್ ಮಾತ್ರ ಪರ್ಫೆಕ್ಟ್ ಆಗಿ ಇರುತ್ತೆ ಎನ್ನುತ್ತಾನೆ. ಟೀಸರ್ ನೋಡಿದ್ಮೇಲೆ ಇದು ಪಕ್ಕಾ ಕಾಮೆಡಿ ಎಂಟರ್‌ಟೈನರ್ ಸಿನಿಮಾ ಅನ್ನೋದು ಅರ್ಥವಾಗ್ತಿದೆ. ಟೀಸರ್ ಹೊಸ ಫೀಲ್ ಕೊಡುವಂತಿದೆ. ಯುವಿ ಕ್ರಿಯೇಷನ್ಸ್ ಸಂಸ್ಥೆ ಈ ಚಿತ್ರವನ್ನು ನಿರ್ಮಾಣ ಮಾಡಿದೆ. ಮಹೇಶ್ ಬಾಬು ಪಿ ನಿರ್ದೇಶನದಲ್ಲಿ ಈ ಚಿತ್ರ ಮೂಡಿ ಬಂದಿದೆ.

    ಡಿಫರೆಂಟ್ ಲುಕ್, ಫ್ರೆಶ್ ಕಥೆ ಜೊತೆ ಬರುತ್ತಿರುವ ಅನುಷ್ಕಾಳನ್ನ ನೋಡಲು ಅಭಿಮಾನಿಗಳು ಎದುರು ನೋಡ್ತಿದ್ದಾರೆ. ನವೀನ್ ಪೋಲಿ ಶೆಟ್ಟಿ- ಅನುಷ್ಕಾ ನಟನೆಯ ಈ ಚಿತ್ರ ಕನ್ನಡ ಸೇರಿದಂತೆ ಹಲವು ಭಾಷೆಗಳಲ್ಲಿ ಚಿತ್ರ ಮೂಡಿ ಬಂದಿದೆ. ಸದ್ಯದಲ್ಲೇ ಸಿನಿಮಾ ತೆರೆಗೆ ಬರಲಿದೆ.

  • ಅನುಷ್ಕಾ ಶೆಟ್ಟಿ ‘ಪೊನ್ನಿಯಿನ್ ಸೆಲ್ವನ್’ ಕೈಬಿಟ್ಟಿದ್ದಕ್ಕೆ ಮೀ ಟೂ ಕಾರಣವಾ?

    ಅನುಷ್ಕಾ ಶೆಟ್ಟಿ ‘ಪೊನ್ನಿಯಿನ್ ಸೆಲ್ವನ್’ ಕೈಬಿಟ್ಟಿದ್ದಕ್ಕೆ ಮೀ ಟೂ ಕಾರಣವಾ?

    ಇಂದು ವಿಶ್ವದಾದ್ಯಂತ ರಿಲೀಸ್ ಆಗಿರುವ ‘ಪೊನ್ನಿಯಿನ್ ಸೆಲ್ವನ್’ (Ponniyin Selvan) ಸಿನಿಮಾದಲ್ಲಿ ಅಂದುಕೊಂಡಂತೆ ಆಗಿದ್ದರೆ ಅನುಷ್ಕಾ ಶೆಟ್ಟಿ (Anushka Shetty) ನಟಿಸಬೇಕಿತ್ತು. ಸ್ವತಃ ನಿರ್ದೇಶಕ ಮಣಿರತ್ನಂ (Mani Ratnam) ಅವರೇ ಅನುಷ್ಕಾಗೆ ಕರೆ ಮಾಡಿ, ಮಹತ್ವದ ಪಾತ್ರವೊಂದನ್ನು ಮಾಡಬೇಕು ಎಂದು ಹೇಳಿದ್ದರಂತೆ. ಹೆಸರಾಂತ ನಿರ್ದೇಶಕರು ಕರೆ ಮಾಡಿದರೂ, ಆ ಆಫರ್ ಅನ್ನು ತಿರಸ್ಕಾರ ಮಾಡಿದರಂತೆ ಅನುಷ್ಕಾ. ಅದಕ್ಕೆ ಕಾರಣ ಮೀ ಟೂ (Me Too) ಎಂದು ಹೇಳಲಾಗುತ್ತಿದೆ.

    ತಮಿಳು ಮಾಧ್ಯಮಗಳ ಸುದ್ದಿ ಮಾಡಿದಂತೆ, ಮೀ ಟೂ ಕಾರಣದಿಂದಾಗಿ ಪೊನ್ನಿಯಿನ್ ಸೆಲ್ವನ್ ಸಿನಿಮಾವನ್ನು ಅನುಷ್ಕಾ ಕೈ ಬಿಟ್ಟಿದ್ದಾರಂತೆ. ಐಶ್ವರ್ಯ ರೈ ಮಾಡಿರುವ ಪಾತ್ರವನ್ನೇ ಅನುಷ್ಕಾ ನಿರ್ವಹಿಸಬೇಕಿತ್ತಂತೆ. ಆದರೆ, ಮೀ ಟೂ ಆರೋಪಿತ ವ್ಯಕ್ತಿಯೊಬ್ಬರು ಆ ಸಿನಿಮಾದಲ್ಲಿ ಕೆಲಸ ಮಾಡುತ್ತಿರುವುದರಿಂದ ಅವರ ಜೊತೆ ನಾನು ಕೆಲಸ ಮಾಡಲಾರೆ ಎಂದು ಅನುಷ್ಕಾ ತಿರಸ್ಕಾರ ಮಾಡಿದ್ದಾರಂತೆ.

    ಪೊನ್ನಿಯಿನ್ ಸೆಲ್ವನ್ ಸಿನಿಮಾದಲ್ಲಿ ಗೀತರಚನೆಕಾರ ವೈರಮುತ್ತು (Vairamuthu) ಕೆಲಸ ಮಾಡಿದ್ದಾರೆ. ಇವರ ಮೇಲೆ ಅನೇಕರು ಮೀ ಟೂ ಆರೋಪವನ್ನು ಮಾಡಿದ್ದಾರೆ. ಹಾಗಾಗಿ ತಾವು ಈ ಸಿನಿಮಾದಲ್ಲಿ ನಟಿಸುವುದಿಲ್ಲ ಎಂದು ನೇರವಾಗಿಯೇ ಅನುಷ್ಕಾ ಹೇಳಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ. ಈ ಕುರಿತು ಅನುಷ್ಕಾ ಆಗಲಿ ಅಥವಾ ಚಿತ್ರತಂಡದ ಯಾವುದೇ ಸದಸ್ಯರಾಗಲಿ ಅಧಿಕೃತ ಹೇಳಿಕೆ ನೀಡದೇ ಇದ್ದರೂ, ತಮಿಳು ಚಿತ್ರೋದ್ಯಮದಲ್ಲಿ ಈ ವಿಷಯ ಭಾರೀ  ಸದ್ದು ಮಾಡುತ್ತಿದೆ. ಇದನ್ನೂ ಓದಿ:ಸಂಪತ್ ಪತ್ನಿ 5 ತಿಂಗಳ ಗರ್ಭಿಣಿ- ಸಹನಟನ ನೆನೆದು ಕಣ್ಣೀರಿಟ್ಟ ವೈಷ್ಣವಿ

    ಇಂದು ವಿಶ್ವದಾದ್ಯಂತ ರಿಲೀಸ್ ಆಗಿರುವ ‘ಪೊನ್ನಿಯಿನ್ ಸೆಲ್ವನ್ 2’ ಮೊದಲ ದಿನವೇ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ. ಪೊನ್ನಿಯಿನ್ ಸೆಲ್ವನ್ 1 ಚಿತ್ರವೂ ಸಾಕಷ್ಟು ಸದ್ದು ಮಾಡಿತ್ತು. ತ್ರಿಷಾ, ಐಶ್ವರ್ಯ ರೈ, ಚಿಯಾನ್ ವಿಕ್ರಮ್, ಕಾರ್ತಿ ಸೇರಿದಂತೆ ಬಹುತಾರಾಗಣವೇ ಸಿನಿಮಾದಲ್ಲಿದೆ. ಈ ಚಿತ್ರಕ್ಕೆ ಎ.ಆರ್.ರೆಹಮಾನ್ ಸಂಗೀತ ಸಂಯೋಜನೆ ಮಾಡಿದ್ದಾರೆ.

  • ನಟಿ ಅನುಷ್ಕಾ ಶೆಟ್ಟಿಗೆ ನಿನ್ನೆ ಎಲೋನ್ ಮಸ್ಕ್ ಕೊಟ್ಟ ಗಿಫ್ಟ್ ಏನು?

    ನಟಿ ಅನುಷ್ಕಾ ಶೆಟ್ಟಿಗೆ ನಿನ್ನೆ ಎಲೋನ್ ಮಸ್ಕ್ ಕೊಟ್ಟ ಗಿಫ್ಟ್ ಏನು?

    ದಕ್ಷಿಣದ ಖ್ಯಾತ ತಾರೆ, ಕರ್ನಾಟಕ ಮೂಲದ ಅನುಷ್ಕಾ ಶೆಟ್ಟಿ (Anushka Shetty) ನಿಜವಾಗಲೂ ಅದೃಷ್ಟವಂತೆ. ಸಾಲು ಸಾಲು ಸಿನಿಮಾಗಳನ್ನೂ ಗೆದ್ದಿರುವ ಅವರು, ಇದೀಗ ಟ್ವಿಟರ್ (Twitter) ಸಂಸ್ಥೆಯ ಮಾಲೀಕನ ಮನಸೂ ಗೆದ್ದಿದ್ದಾರೆ. ಈ ಕಾರಣದಿಂದಾಗಿಯೇ ಟ್ವಿಟರ್ ಸಂಸ್ಥೆಯ ಮಾಲೀಕ ಎಲೋನ್ ಮಸ್ಕ್ (Elon Musk) ನಿಂದ ಅನುಷ್ಕಾ ಉಡುಗೊರೆ ಪಡೆದಿದ್ದಾರೆ.

    ಎಲೋನ್ ಮಸ್ಕ್ ಗೂ ಅನುಷ್ಕಾಗೆ ಹೇಗೆ ಪರಿಚಯ ಅಂತ ಕೇಳಿದರೆ, ಅದಕ್ಕೆ ಉತ್ತರವಿಲ್ಲ. ಬಹುಶಃ ಅನುಷ್ಕಾ ಯಾರು ಎನ್ನುವುದು ಎಲೋನ್ ಮಸ್ಕ್ ಗೂ ಗೊತ್ತಿರಲಿಕ್ಕಿಲ್ಲ. ಆದರೆ, ಎಲೋನ್ ತಗೆದುಕೊಂಡ ಒಂದು ನಿರ್ಧಾರ ಅನುಷ್ಕಾಗೆ ವರವಾಗಿದೆ. ಹಾಗಾಗಿ ಅದನ್ನು ಗಿಫ್ಟ್ ಎಂದೇ ಅಭಿಮಾನಿಗಳು ಭಾವಿಸಿದ್ದಾರೆ. ಇದನ್ನೂ ಓದಿ:ಪತಿ ಜೊತೆ ಪ್ರಿಯಾಂಕಾ ಚೋಪ್ರಾ ರೊಮ್ಯಾಂಟಿಕ್ ಫೋಟೋಶೂಟ್

    ಹಣಕೊಟ್ಟು ಚಂದಾದಾರರಾದ ವ್ಯಕ್ತಿಗಳಿಗೆ ಮಾತ್ರ ಟ್ವಿಟರ್ ನಲ್ಲಿ ಬ್ಲೂಟಿಕ್ (BlueTick) ಸಿಗಲಿದೆ ಎಂದು ಮಸ್ಕ್ ಈ ಹಿಂದೆ ಪ್ರಕಟಿಸಿದ್ದರು. ಅದರಂತೆ ಹಣ ಪಾವತಿಸದ ಪ್ರತಿಯೊಬ್ಬರ ಖಾತೆಯಿಂದಲೂ ಬ್ಲೂಟಿಕ್ ಮಾಯವಾಗಿತ್ತು. ಇದನ್ನು ಕೆಲವರು ಸ್ವಾಗತಿಸಿದ್ದರೆ, ಹೆಚ್ಚಿನ ಸಂಖ್ಯೆಯ ಸಿಲೆಬ್ರಿಟಿಗಳು ತಟಸ್ಥರಾಗಿ ಉಳಿದಿದ್ದರು. ಬೆರಳೆಣಿಕೆಯ ಗಣ್ಯರಷ್ಟೇ ಹಣ ಪಾವತಿಸಿದ್ದರಿಂದ, ಟ್ವಿಟರ್ ಗೆ ಬೇರೆ ರೀತಿಯಲ್ಲಿ ಪರಿಣಾಮ ಬೀರಬಹುದು ಎಂದು ಎಲೋನ್ ಮತ್ತೊಂದು ಪ್ಲ್ಯಾನ್ ಮಾಡಿದ್ದರು. ಅದು ಅನುಷ್ಕಾಗೆ ವರವಾಗಿದೆ.

    ನಿನ್ನೆಯಷ್ಟೇ ಅನುಷ್ಕಾ ಶೆಟ್ಟಿಯ ಟ್ವಿಟರ್ ಖಾತೆ  ಒಂದು ಮಿಲಿಯನ್ ಹಿಂಬಾಲಕರನ್ನು ಪಡೆದಿದೆ. ಈ ಖುಷಿಯನ್ನು ಅವರು ಹಂಚಿಕೊಂಡಿದ್ದರು. ಇದೇ ಸಮಯದಲ್ಲೇ ಎಲೋನ್ ಮಸ್ಕ್ ಹತ್ತು ಲಕ್ಷ ಹಿಂಬಾಲಕರನ್ನು ಹೊಂದಿದ ಟ್ವಿಟರ್ ಖಾತೆಗೆ ಉಚಿತವಾಗಿ ಬ್ಲೂಟಿಕ್ ನೀಡುವುದಾಗಿ ಘೋಷಿಸಿದೆ. ಹೀಗಾಗಿ ಅನುಷ್ಕಾ ಉಚಿತವಾಗಿ ಬ್ಲೂಟಿಕ್ ಪಡೆದಿದ್ದಾರೆ.

  • ಕನ್ನಡ ಸಿನಿ ಪ್ರೇಕ್ಷಕರಿಗೆ ಸಿಹಿಸುದ್ದಿ ಕೊಟ್ಟ ಅನುಷ್ಕಾ ಶೆಟ್ಟಿ

    ಕನ್ನಡ ಸಿನಿ ಪ್ರೇಕ್ಷಕರಿಗೆ ಸಿಹಿಸುದ್ದಿ ಕೊಟ್ಟ ಅನುಷ್ಕಾ ಶೆಟ್ಟಿ