Tag: Anjali Singh

ನವದೆಹಲಿ: ಭಾರತೀಯ ವಾಯುಪಡೆಯ ಮಹಿಳಾ ವಿಂಗ್ ಕಮಾಂಡರ್ ಅಂಜಲಿ ಸಿಂಗ್ ಅವರು ರಷ್ಯಾದ ಮಾಸ್ಕೊದಲ್ಲಿರುವ ಭಾರತೀಯ ರಾಯಭಾರಿ ಕಚೇರಿಯಲ್ಲಿ ಡೆಪ್ಯೂಟಿ ಏರ್ ಅಟ್ಯಾಚೆ ಸೇವೆಗೆ ನಿಯೋಜನೆಗೊಂಡಿದ್ದಾರೆ. ಈ ಮೂಲಕ ವಿದೇಶಿ ಸೇವೆಗೆ ನೇಮಕವಾದ ಭಾರತದ ಮೊದಲ ಸೇನಾ ಮಹಿಳೆ ಎಂಬ ಕೀರ್ತಿಗೆ ಪಾತ್ರವಾಗಿದ್ದಾರೆ.

ಡೆಪ್ಯೂಟಿ ಏರ್ ಅಟ್ಯಾಚೆ ಸೇವೆಗೆ ನೇಮಕವಾದ ಅಧಿಕಾರಿ ವಿದೇಶಗಳಲ್ಲಿರುವ ಭಾರತೀಯ ರಾಯಭಾರಿ ಕಚೇರಿಗಳಲ್ಲಿ ರಕ್ಷಣಾ ವ್ಯವಹಾರಗಳನ್ನು ನೋಡಿಕೊಳ್ಳುತ್ತಾರೆ. ಇಂತಹ ಉನ್ನತ ಹುದ್ದೆಗೆ ನೇಮಕವಾದ ಮೊದಲ ಮಹಿಳಾ ಕಮಾಂಡರ್ ಆಗಿ ಅಂಜಲಿ ಅವರು ಹೆಗ್ಗಳಿಕೆಗೆ ಪಾತ್ರವಾಗಿದ್ದಾರೆ. ಇಲ್ಲಿಯವರೆಗೂ ಈ ಹುದ್ದೆಗೆ ಭಾರತದ ಮೂರೂ ಶಸಸ್ತ್ರ ಪಡೆಗಳಲ್ಲಿ ಪುರುಷ ಅಧಿಕಾರಿಗಳನ್ನೇ ನೇಮಕ ಮಾಡಲಾಗುತ್ತಿತ್ತು.

Indian Embassy in Russia: Wing Commander Anjali Singh joined Indian Embassy in Russia on 10th September as the Deputy Air Attache. She is the first female Indian Armed Forces Officer to be posted as a military diplomat in any of the Indian missions abroad. pic.twitter.com/OqEszKSJ79

— ANI (@ANI) September 16, 2019

ಈ ಬಾರಿ ಈ ಸಂಪ್ರದಾಯವನ್ನು ವಾಯುಪಡೆ ಮುರಿದು ಮೊದಲ ಬಾರಿಗೆ ಮಹಿಳಾ ಅಧಿಕಾರಿಯನ್ನು ನೇಮಿಸಿದೆ. ಈ ಮೂಲಕ ಅಂಜಲಿ ಅವರಿಗೆ ವಿದೇಶದಲ್ಲಿ ದೇಶದ ಪರವಾಗಿ ಸೇವೆ ಸಲ್ಲಿಸಲು ಅವಕಾಶ ಮಾಡಿಕೊಟ್ಟಿದೆ.

ಸೆ. 10ರಂದು ಅಂಜಲಿ ಸಿಂಗ್ ಅವರು ಮಾಸ್ಕೊದಲ್ಲಿರುವ ಭಾರತೀಯ ರಾಯಭಾರಿ ಕಚೇರಿಯಲ್ಲಿ ಡೆಪ್ಯೂಟಿ ಏರ್ ಅಟ್ಯಾಚೆ ಹುದ್ದೆಗೆ ಸೇರಿದ್ದಾರೆ. ವಿದೇಶದಲ್ಲಿರುವ ಭಾರತೀಯ ಕಾರ್ಯಾಚರಣೆಗಳಲ್ಲಿ ಮಿಲಿಟರಿ ರಾಜತಾಂತ್ರಿಕರಾಗಿ ನೇಮಕಗೊಂಡ ಭಾರತದ ಮೊದಲ ಮಹಿಳಾ ಸಶಸ್ತ್ರ ಪಡೆ ಅಧಿಕಾರಿ ಎಂಬ ಕೀರ್ತಿಗೆ ಭಾಜನರಾಗಿದ್ದಾರೆ ಎಂದು ಭಾರತೀಯ ರಾಯಭಾರ ಕಚೇರಿ ಟ್ವೀಟ್ ಮಾಡಿದೆ.

Wg Cdr Anjali is an AE(L) officer with 17 yrs of service. She is trained on MiG-29 aircraft. @MEAIndia @IndianDiplomacy @ANI @PTI_News @WIONews @IAF_MCC @SpokespersonMoD @DefenceMinIndia @RT_com @SputnikInt @tass_agency @riabreakingnews pic.twitter.com/WFOYwDSaoe

— India in Russia (@IndEmbMoscow) September 16, 2019

ಮಿಗ್-29 ಯುದ್ಧ ವಿಮಾನ ಹಾರಾಟದ ತರಬೇತಿ ಪಡೆದಿರುವ ಅಂಜಲಿ ಅವರು, ಏರೋನಾಟಿಕಲ್ ಎಂಜಿನಿಯರ್ ಅಧಿಕಾರಿಯಾಗಿ 17 ವರ್ಷಗಳ ಸೇವಾ ಅನುಭವವನ್ನು ಹೊಂದಿದ್ದಾರೆ.