ದಾಲ್ ವಡಾ ಅಹಮದಾಬಾದ್‌ನ ಅತ್ಯಂತ ಜನಪ್ರಿಯ ತಿಂಡಿಗಳಲ್ಲಿ ಒಂದು. ಇದನ್ನು ಹೆಸರು ಬೇಳೆಯಿಂದ ಮಾಡಲಾಗುತ್ತದೆ. ಈ ಸ್ಟ್ರೀಟ್ ಫುಡ್ ಅತ್ಯಂತ ರುಚಿಕರವಾಗಿದ್ದು ಮಾಡೋದು ಕೂಡಾ ಅಷ್ಟೇ ಸರಳ. ಈರುಳ್ಳಿ ಹಾಗೂ ಹುರಿದ ಮೆಣಸಿನಕಾಯಿಯೊಂದಿಗೆ ಇದನ್ನು ಸವಿಯುವ ಮಜವೇ ಬೇರೆ. ಸರಳ ವಿಧಾನದಲ್ಲಿ ಮಾಡಬಹುದಾದ ದಾಲ್ ವಡಾ (Ahmedabadi Dal Vada) ರೆಸಿಪಿಯನ್ನು ನಾವಿಂದು ನಿಮಗೆ ತಿಳಿಸಿಕೊಡುತ್ತೇವೆ.
ಬೇಕಾಗುವ ಪದಾರ್ಥಗಳು:
ಹೆಸರು ಬೇಳೆ (ಹಸಿರು) – 1 ಕಪ್
ಸಣ್ಣಗೆ ಹೆಚ್ಚಿದ ಹಸಿರು ಮೆಣಸಿನಕಾಯಿ – 2
ತುರಿದ ಶುಂಠಿ – 1 ಟೀಸ್ಪೂನ್
ಹಿಂಗ್ – ಅರ್ಧ ಟೀಸ್ಪೂನ್
ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು – 2 ಟೀಸ್ಪೂನ್
ಉಪ್ಪು – ರುಚಿಗೆ ತಕ್ಕಷ್ಟು
ನೀರು – ಅಗತ್ಯಕ್ಕೆ ತಕ್ಕಂತೆ
ಎಣ್ಣೆ – ಡೀಪ್ ಫ್ರೈಗೆ ಬೇಕಾಗುವಷ್ಟು
ಕತ್ತರಿಸಿದ ಈರುಳ್ಳಿ – 1
ಹುರಿದ ಹಸಿರು ಮೆಣಸಿನಕಾಯಿ – 2 ಇದನ್ನೂ ಓದಿ: ಸಖತ್ ರುಚಿಯಾದ ಚೀಸ್ ಕುಲ್ಚಾ ನೀವೂ ಮಾಡಿ
ಮಾಡುವ ವಿಧಾನ:
* ಮೊದಲಿಗೆ ಹೆಸರು ಬೇಳೆಯನ್ನು ಒಂದು ಪಾತ್ರೆಗೆ ಹಾಕಿ ಸಾಕಷ್ಟು ನೀರು ಸೇರಿಸಿ 4-5 ಗಂಟೆಗಳ ಕಾಲ ನೆನೆಯಲು ಬಿಡಿ.
* ಹೆಸರು ಬೇಳೆಯನ್ನು ನೆನೆಸಿದ ಬಳಿಕ ಅದರ ಹಸಿರು ಸಿಪ್ಪೆ ಬೇರ್ಪಡುವಂತೆ ನಿಮ್ಮ ಕೈಗಳ ಸಹಾಯದಿಂದ ಉಜ್ಜಿಕೊಳ್ಳಿ. ಸುಮಾರು ಮುಕ್ಕಾಲು ಭಾಗದಷ್ಟು ಸಿಪ್ಪೆ ಬೇರ್ಪಡುವವರೆಗೆ ಉಜ್ಜುತ್ತಿರಿ.
* ಈಗ ಬೇಳೆಯನ್ನು ಮಿಕ್ಸರ್ ಜಾರ್‌ಗೆ ಹಾಕಿ, ಸ್ವಲ್ಪ ನೀರು ಸೇರಿಸಿ ನಯವಾಗಿ ದಪ್ಪಗೆ ರುಬ್ಬಿಕೊಳ್ಳಿ.
* ಈಗ ಒಂದು ಪಾತ್ರೆಗೆ ಹಿಟ್ಟನ್ನು ಹಾಕಿ, ಹಸಿರು ಮೆಣಸಿನಕಾಯಿ, ಶುಂಠಿ, ಹಿಂಗ್, ಕೊತ್ತಂಬರಿ ಸೊಪ್ಪು ಹಾಗೂ ಉಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.
* ಈಗ ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ, ನಿಮ್ಮ ಕೈಯಲ್ಲಿ ಸ್ವಲ್ಪ ಸ್ವಲ್ಪವೇ ಹಿಟ್ಟನ್ನು ಬಿಡುತ್ತಾ ವಡಾಗಳನ್ನು ಮಾಡಿ.
* ವಡಾಗಳು ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಫ್ರೈ ಮಾಡಿ, ಬಳಿಕ ಎಣ್ಣೆಯಿಂದ ತೆಗೆದು ಟಿಶ್ಯೂ ಪೇಪರ್ ಮೇಲೆ ಹರಡಿ.
* ಈಗ ಅಹಮದಾಬಾದಿ ದಾಲ್ ವಡಾ ಸಿದ್ಧವಾಗಿದ್ದು, ಹೆಚ್ಚಿದ ಈರುಳ್ಳಿ ಹಾಗೂ ಹುರಿದ ಮೆಣಸಿನಕಾಯಿಯೊಂದಿಗೆ ಬಿಸಿ ಬಿಸಿಯಾಗಿ ಸವಿಯಿರಿ. ಇದನ್ನೂ ಓದಿ: ಸಮ್ಮರ್ ಸ್ಪೆಷಲ್ – ಅನನಾಸು, ತೆಂಗಿನಕಾಯಿಯ ಸ್ಮೂದಿ ಮಾಡಿ