Bloggers Unite

Tag: Aadhaar Number

  • ಮತದಾರರ ಪಟ್ಟಿಗೆ ಆಧಾರ್ ಸಂಖ್ಯೆ ಕಡ್ಡಾಯವಲ್ಲ: ಚುನಾವಣಾ ಆಯೋಗ

    ಮತದಾರರ ಪಟ್ಟಿಗೆ ಆಧಾರ್ ಸಂಖ್ಯೆ ಕಡ್ಡಾಯವಲ್ಲ: ಚುನಾವಣಾ ಆಯೋಗ

    ನವದೆಹಲಿ: ಹೊಸ ಮತದಾರರ ಪಟ್ಟಿ (Voter List) ದೃಢೀಕರಣಕ್ಕಾಗಿ ಮತದಾರರ ಆಧಾರ್ ಸಂಖ್ಯೆಯ (Aadhaar Number) ವಿವರಗಳನ್ನು ಕೇಳುವ 6 ಹಾಗೂ 6ಬಿ ನಮೂನೆಗಳಲ್ಲಿ (ಇ-ರೋಲ್‌ನಲ್ಲಿ ನೋಂದಣಿಗಾಗಿ) ಸೂಕ್ತವಾದ ಸ್ಪಷ್ಟ ಬದಲಾವಣೆಗಳನ್ನು ಮಾಡುವುದಾಗಿ ಭಾರತದ ಚುನಾವಣಾ ಆಯೋಗ ಸುಪ್ರೀಂ ಕೋರ್ಟ್ (Supreme Court) ತಿಳಿಸಿದೆ.

    ಚುನಾವಣಾ ಆರೋಗದ ಪರ ಹಾಜರಾದ ಹಿರಿಯ ವಕೀಲರು ಭಾರತದ ಮುಖ್ಯ ನ್ಯಾಯಮೂರ್ತಿ ಡಿವೈ ಚಂದ್ರಚೂಡ್, ನ್ಯಾಯಮೂರ್ತಿ ಜೆಬಿ ಪರ್ದಿವಾಲಾ ಹಾಗೂ ನ್ಯಾಯಮೂರ್ತಿ ಮನೋಜ್ ಮಿಶ್ರಾ ಅವರನ್ನೊಳಗೊಂಡ ಪೀಠಕ್ಕೆ ಮತದಾರರ ನೋಂದಣಿ (ತಿದ್ದುಪಡಿ) ನಿಯಮ 26-ಬಿ 2022ರ ಅಡಿಯಲ್ಲಿ ಆಧಾರ್ ಸಂಖ್ಯೆಯನ್ನು ಸಲ್ಲಿಸುವುದು ಕಡ್ಡಾಯವಲ್ಲ ಎಂದು ಹೇಳಿದ್ದಾರೆ.

    ತೆಲಂಗಾಣ ಪ್ರದೇಶ ಸಮಿತಿಯ ಹಿರಿಯ ಉಪಾಧ್ಯಕ್ಷ ಜಿ ನಿರಂಜನ್ ಅವರು ಅರ್ಜಿ ಸಲ್ಲಿಸಿದ್ದಾರೆ. ಇ-ರೋಲ್‌ನಲ್ಲಿ ನೋಂದಣಿಗಾಗಿ ಇಸಿಐ ಫಾರ್ಮ್ಗಳ ನಮೂನೆ 6 (ಹೊಸ ಮತದಾರರಿಗೆ ಅರ್ಜಿ ನಮೂನೆ) ಮತ್ತು ಫಾರ್ಮ್ 6ಬಿ (ಮತದಾರರ ಪಟ್ಟಿ ದೃಢೀಕರಣದ ಉದ್ದೇಶಕ್ಕಾಗಿ ಆಧಾರ್ ಸಂಖ್ಯೆಯ ಮಾಹಿತಿಯ ಪತ್ರ) ಸಮಸ್ಯೆಗಳನ್ನು ಸೂಚಿಸುವ ಮನವಿಗೆ ಇದನ್ನು ಸ್ಪಷ್ಟಪಡಿಸಲಾಗಿದೆ.

    ಚುನಾವಣಾ ಆಯೋಗದ ಪರವಾಗಿ ಹಾಜರಾದ ಹಿರಿಯ ವಕೀಲ ಸುಕುಮಾರ್ ಪಟ್ಟಜೋಶಿ, ವಕೀಲ ಅಮಿತ್ ಶರ್ಮಾ, ಮತದಾರರ ಪಟ್ಟಿಯನ್ನು ಅಂತಿಮಗೊಳಿಸುವ ಪ್ರಕ್ರಿಯೆಯಲ್ಲಿ ಈಗಾಗಲೇ ಸುಮಾರು 66,23,00,000 ಆಧಾರ್ ಸಂಖ್ಯೆಗಳನ್ನು ಅಪ್‌ಲೋಡ್ ಮಾಡಲಾಗಿದೆ ಎಂದು ತಿಳಿಸಿದರು. ಮತದಾರರ ನೋಂದಣಿ (ತಿದ್ದುಪಡಿ) ನಿಯಮಗಳು 2022ರ ನಿಯಮ 26-ಬಿ ಅಡಿಯಲ್ಲಿ ಆಧಾರ್ ಸಂಖ್ಯೆಯನ್ನು ಸಲ್ಲಿಸುವುದು ಕಡ್ಡಾಯವಲ್ಲ. ಹೀಗಾಗಿ ಚುನಾವಣಾ ಆಯೋಗವು ಪರಿಚಯಿಸಲಾದ ನಮೂನೆಗಳಲ್ಲಿ ಸೂಕ್ತ ಸ್ಪಷ್ಟೀಕರಣ ಬದಲಾವಣೆಗಳನ್ನು ನೀಡಲು ಪರಿಶೀಲಿಸುತ್ತಿದೆ ಎಂದು ಹೇಳಿದ್ದಾರೆ. ಇದನ್ನೂ ಓದಿ: ಸುಪ್ರೀಂ ತೀರ್ಪಿನಲ್ಲಿ ಕರ್ನಾಟಕಕ್ಕೆ ಹಿನ್ನಡೆ- KRS ಡ್ಯಾಂ ಬಳಿ ಬಿಗಿ ಭದ್ರತೆ

    ಇಸಿಐ ಮಾಡಿದ ಒಪ್ಪಂದದ ಆಧಾರದ ಮೇಲೆ ನ್ಯಾಯಾಲಯವು ರಿಟ್ ಅರ್ಜಿಯನ್ನು ನೀಡಿದೆ. ಅರ್ಜಿದಾರರ ಪರವಾಗಿ ವಕೀಲ ನರೇಂದ್ರರಾವ್ ತನೀರ್ ಮತ್ತು ಎಒಆರ್ ಶ್ರವಣ್ ಕುಮಾರ್ ಕರ್ಣಂ ವಾದ ಮಂಡಿಸಿದರು.

    ಮತದಾರರ ನೋಂದಣಿ (ತಿದ್ದುಪಡಿ) ನಿಯಮಗಳು 2022 ಅನ್ನು ಕೇಂದ್ರ ಸರ್ಕಾರ ಜೂನ್ 2022 ರಲ್ಲಿ ಚುನಾವಣಾ ಗುರುತಿನ ಚೀಟಿಗಳೊಂದಿಗೆ ಆಧಾರ್ ಸಂಖ್ಯೆಯನ್ನು ಲಿಂಕ್ ಮಾಡಲು ಒದಗಿಸುವಂತೆ ಸೂಚಿಸಿದೆ. ನಮೂನೆ 6ಬಿ ಎನ್ನುವುದು ಮತದಾರರ ಪಟ್ಟಿ ದೃಢೀಕರಣದ ಉದ್ದೇಶಕ್ಕಾಗಿ ಮತದಾರರು ಆಧಾರ್ ಸಂಖ್ಯೆಯನ್ನು ತಿಳಿಸುವ ಅರ್ಜಿ ನಮೂನೆಯಾಗಿದೆ. ಇದನ್ನೂ ಓದಿ: ಕರ್ನಾಟಕಕ್ಕೆ ಸುಪ್ರೀಂ ಕೋರ್ಟ್‌ ಶಾಕ್‌ – ತ.ನಾಡಿಗೆ ನಿತ್ಯ 5,000 ಕ್ಯೂಸೆಕ್‌ ನೀರು ಹರಿಸುವಂತೆ ಸೂಚನೆ

    Web Stories
    [web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]

  • ನಿಮ್ಮ ಬಳಿ ವೈಯಕ್ತಿಕ ದಾಖಲಾತಿಗಳು ಇಲ್ಲವೇ? ಆಧಾರ್ ಕಾರ್ಡ್ ಮಾಡಿಸೋದು ಹೇಗೆ?

    ನಿಮ್ಮ ಬಳಿ ವೈಯಕ್ತಿಕ ದಾಖಲಾತಿಗಳು ಇಲ್ಲವೇ? ಆಧಾರ್ ಕಾರ್ಡ್ ಮಾಡಿಸೋದು ಹೇಗೆ?

    ಇಂದು ಆಧಾರ್ ಕಾರ್ಡ್ ಅವಶ್ಯಕ ದಾಖಲಾತಿಗಳಲ್ಲಿ ಒಂದಾಗಿದೆ. ಹಣಕಾಸಿನ ವ್ಯವಹಾರಗಳಿಗೆ ಅಧಾರ್ ಕಾರ್ಡ್ ಇಂದು ಅವಶ್ಯಕವಾಗಿದೆ. ಇನ್‍ಕಮ್ ಟ್ಯಾಕ್ಸ್ ರಿಟರ್ನ್ ಅಥವಾ ಸರ್ಕಾರು ಸಬ್ಸಿಡಿ ಪಡೆಯ ಬೇಕಾದ್ರೂ ಆಧಾರ್ ಕಾರ್ಡ್ ನಂಬರ್ ನೀಡಬೇಕು. ಭಾರತೀಯ ನಾಗರಿಕ ಆಧಾರ್ ಕಾರ್ಡ್ ಪಡೆಯಬೇಕಾದ್ರೆ ಗುರುತಿನ ಪತ್ರ (ವ್ಯಾಲಿಟ್ ಐಡೆಂಟಿಫಿಕೇಷನ್ ಪ್ರೂಫ್-PoI) ಅಂದರೆ ಭಾವಚಿತ್ರವುಳ್ಳ ಪಾನ್ ಕಾರ್ಡ್, ಪಾಸ್‍ಪೋರ್ಟ್, ವೋಟರ್ ಐಡಿ ಜೊತೆ ವಿಳಾಸದ ದಾಖಲಾತಿ (PoA) ಯನ್ನು ಹೊಂದಿರಬೇಕು. ಅಡ್ರೆಸ್ ಪ್ರೂಫ್ ಗಾಗಿ ಪಾಸ್‍ಪೋರ್ಟ್, ಬ್ಯಾಂಕ್ ಸ್ಟೇಟಟಮೆಂಟ್/ಪಾಸ್‍ಬುಕ್ ಮೊದಲ ಪುಟ, ವೋಟರ್ ಐಡಿ, ಡ್ರೈವಿಂಗ್ ಲೈಸನ್ಸ್(ಡಿಎಲ್) ಮತ್ತು ಜನ್ಮ ದಿನಾಂಕ ನಮೂದಿಸಲು ದಾಖಲಾತಿ ನೀಡಬೇಕು. ಈ ಮೇಲಿರುವ ದಾಖಲಾತಿಗಳು ನಿಮ್ಮ ಬಳಿಯಲ್ಲಿ ಇಲ್ಲದಿದ್ದರೂ ಆಧಾರ್ ಕಾರ್ಡ್ ಪಡೆಯಲು ಈ ಕೆಳಗಿನಂತೆ ನೀವು ಅರ್ಜಿ ಸಲ್ಲಿಸಬಹುದು.

    UIDAI ನ ಆಧಾರ್ ಅರ್ಜಿಯ ನಮೂನೆಯ ಪ್ರಕಾರ, ಯಾರ ಬಳಿ ಗುರುತಿನ ಮತ್ತು ವಿಳಾಸದ ದಾಖಲಾತಿ ಇಲ್ಲದಿರುವ ನಾಗರಿಕರು ಎರಡು ರೀತಿಯಲ್ಲಿ ಆಧಾರ್ ಗಾಗಿ ಅರ್ಜಿ ಸಲ್ಲಿಸಬಹುದು. 1. ಪರಿಚಯಕಾರ(Introducer) 2. ಕುಟುಂಬದ ಮುಖ್ಯಸ್ಥನ ಮೂಲಕ ಆಧಾರ್ ಪಡೆಯಲು ಅವಕಾಶಗಳಿವೆ.

    ಕುಟುಂಬದ ಮುಖ್ಯಸ್ಥನ ಮೂಲಕ ಆಧಾರ್ ಗೆ ಅರ್ಜಿ ಸಲ್ಲಿಸುವ ವಿಧಾನ
    ವೈಯಕ್ತಿಕ ದಾಖಲಾತಿ ಇಲ್ಲದ ಅರ್ಜಿದಾರ ತನ್ನ ಕುಟುಂಬದ ಮುಖ್ಯಸ್ಥನೊಂದಿಗೆ ಆಧಾರ್ ಕೇಂದ್ರಕ್ಕೆ ತೆರಳಬೇಕು. ಪಡಿತರ ಚೀಟಿಯಲ್ಲಿ ಅರ್ಜಿದಾರನ ಹೆಸರು ಉಲ್ಲೇಖವಾಗಿರಬೇಕು. ಪಡಿತರ ಚೀಟಿ ಜೊತೆ ಮನೆ ಮುಖ್ಯಸ್ಥ ತನ್ನ ವೈಯಕ್ತಿಕ ಗುರುತಿನ ಮತ್ತು ವಿಳಾಸದ ದಾಖಲಾತಿ ಹೊಂದಿರಬೇಕು. ಆಧಾರ್ ಕೇಂದ್ರದಲ್ಲಿ ನೀವು ಸಲ್ಲಿಸುವ ದಾಖಲಾತಿಗಳು ಅರ್ಜಿದಾರ ಮತ್ತು ಮುಖ್ಯಸ್ಥ ನಡುವಿನ ಸಂಬಂಧವನ್ನು ಸ್ಪಷ್ಟವಾಗಿ ಹೇಳುವಂತಿರಬೇಕು. ಅರ್ಜಿದಾರ ಮನೆಯ ಮುಖ್ಯಸ್ಥ ಸಂಬಂಧವನ್ನು ತಿಳಿಸುವ ದಾಖಲಾತಿಗಳ ಪಟ್ಟಿ ಇಲ್ಲಿದೆ.
    1. ಪಿಡಿಎಸ್ ಕಾರ್ಡ್ (ಪಡಿತರ ವಿತರಣಾ ಚೀಟಿ)
    2. ಮನರೇಗಾ ಜಾಬ್ ಕಾರ್ಡ್
    3. CGHS/ECHS/ESIC ಮೆಡಿಕಲ್ ಕಾರ್ಡ್
    4. ಪೆನ್ಷನ್ ಕಾರ್ಡ್
    5. ಆರ್ಮಿ ಕ್ಯಾಂಟಿನ್ ಕಾರ್ಡ್
    6. ಪಾಸ್‍ಪೋರ್ಟ್
    7. ಜನನ ಪ್ರಮಾಣ ಪತ್ರ
    8. ಕೇಂದ್ರ ಅಥವಾ ರಾಜ್ಯ ಸರ್ಕಾರ ನೀಡಿದ ದಾಖಲೆ
    9. ಸರ್ಕಾರದಿಂದ ನೀಡಲಾದ ಮದುವೆ ನೊಂದಣಿ ಪ್ರಮಾಣ ಪತ್ರ
    10. ಅಂಚೆ ಇಲಾಖೆಯಿಂದ ನೀಡಲಾಗಿರುವ ಫೋಟೋವುಳ್ಳ ದಾಖಲಾತಿ
    11. ಸರ್ಕಾರಿ ಯೋಜನೆ ಫಲಾನುಭವಿಯ ಪತ್ರ
    12. ಡಿಸ್ಚಾರ್ಜ್ ಕಾರ್ಡ್/ ಸರ್ಕಾರಿ ಆಸ್ಪತ್ರೆಯಲ್ಲಿ ಜನನ ಪ್ರಮಾಣ ಪತ್ರದ ರಶೀದಿ
    13. ಸಂಸದ, ಶಾಸಕ, ಕಾರ್ಪೋರೇಟರ್ ಅಥವಾ ಗೆಜೆಟೆ ಆಫಿಸರ್ಸ್ ನೀಡಿರುವ ಭಾವಚಿತ್ರವುಳ್ಳ ಪ್ರಮಾಣ ಪತ್ರ
    14. ಪಂಚಾಯಿತಿ ಅಧ್ಯಕ್ಷ ನೀಡಿರುವ ಭಾವಚಿತ್ರವುಳ್ಳ ಪ್ರಮಾಣ ಪತ್ರ

    ಪರಿಚಯಸ್ಥರ ಮೂಲಕ ಅರ್ಜಿ:
    ಗುರುತಿನ ಚೀಟಿ ಮತ್ತು ವಿಳಾಸದ ದಾಖಲೆ ಇಲ್ಲದವರು ತಮ್ಮ ಪರಿಚಯಸ್ಥರು ಆಧಾರ್ ಕಾರ್ಡ್ ಗಾಗಿ ಅರ್ಜಿ ಸಲ್ಲಿಸಬಹುದು. ಇಲ್ಲಿ ಪರಿಚಯದಾರ ಕಡ್ಡಾಯವಾಗಿ ಆಧಾರ್ ಕಾರ್ಡ್ ಹೊಂದಿರಬೇಕು. ಅರ್ಜಿ ಸಲ್ಲಿಸುವ ವೇಳೆ ನಿಮ್ಮ ಜೊತೆಯಲ್ಲಿಯೇ ನಿಮ್ಮ ಪರಿಚಯದಾರ ಇರಬೇಕು. ನಿಮ್ಮ ಅರ್ಜಿಯಲ್ಲಿ ಪರಿಚಯದಾರ ಸಹಿ ಮಾಡಬೇಕು ಮತ್ತು ಅಧಿಕಾರಿಗಳಿಗೆ ಅರ್ಜಿದಾರನ ಇರುವಿಕೆ ಬಗ್ಗೆ ಪತ್ರ ಬರೆದುಕೊಡಬೇಕು. ಇದನ್ನೂ ಓದಿ: ಆಧಾರ್ ಕಾರ್ಡ್ 6 ಬದಲಾವಣೆಗಳಿಗೆ ದಾಖಲೆ ಬೇಕಿಲ್ಲ

  • ಹುಟ್ಟಿದ 6 ನಿಮಿಷದಲ್ಲಿಯೇ ಆಧಾರ್ ನಂಬರ್ ಪಡೆದ ಮಗು

    ಹುಟ್ಟಿದ 6 ನಿಮಿಷದಲ್ಲಿಯೇ ಆಧಾರ್ ನಂಬರ್ ಪಡೆದ ಮಗು

    ಉಸ್ಮನಾಬಾದ್: ಹುಟ್ಟಿದ ತಕ್ಷಣ ನಾವು ಸಿಹಿ ಹಂಚುವುದು, ಮಗುವಿಗೆ ಏನು ಹೆಸರು ಇಡಬೇಕು ಎಂದು ಯೋಚಿಸುತ್ತೇವೆ. ಆದರೆ ಮಹಾರಾಷ್ಟ್ರದ ಉಸ್ಮನಾಬಾದ್ ಜಿಲ್ಲೆಯಲ್ಲಿ ಆಗತಾನೆ ಜನಿಸಿದ ಹೆಣ್ಣು ಮಗುವಿಗೆ ತಮ್ಮ ಪೋಷಕರು ನಮ್ಮ ಪ್ರಮುಖ ಗುರುತಾದ ಆಧಾರ್ ಸಂಖ್ಯೆಯನ್ನು ಉಡುಗೊರೆಯಾಗಿ ನೀಡಿದ್ದಾರೆ.

    ಭಾವನ ಸಂತೋಷ್ ಜಾಧವ್ ಆಧಾರ್ ನಂಬರ್ ಪಡೆದ ಹೆಣ್ಣು ಮಗು. ಜಿಲ್ಲೆಯ ಮಹಿಳಾ ಆಸ್ಪತ್ರೆಯಲ್ಲಿ ಭಾನುವಾರ ಮಗು ಜನಿಸಿದೆ. ತಕ್ಷಣ ಪೋಷಕರು 6 ನಿಮಿಷಗಳಲ್ಲಿ ತಮ್ಮ ಮಗುವಿಗೆ ಆಧಾರ್ ಮಾಡಿಸಿದ್ದಾರೆ.

    ಆಸ್ಪತ್ರೆಯಲ್ಲಿ ಸುಮಾರು 12.03 ಗಂಟೆಗೆ ಮಗು ಜನಿಸಿದೆ. ತಕ್ಷಣ ಪೋಷಕರು ಸುಮಾರು 12.09 ಕ್ಕೆ ಆನ್‍ಲೈನ್ ಮೂಲಕ ಜನನ ಪ್ರಮಾಣ ಪತ್ರ ಪಡೆದು ನಂತರ ಆಧಾರ್ ನಂಬರ್ ಪಡೆದಿದ್ದಾರೆ ಎಂದು ಜಿಲ್ಲಾಧಿಕಾರಿ ರಾಧಾ ಕೃಷ್ಣ ಗೇಮ್ ಹೇಳಿದರು.

    ಇದು ಜಿಲ್ಲೆಯಲ್ಲಿಯೇ ಹೆಮ್ಮೆಯ ವಿಚಾರವಾಗಿದ್ದು, ಶೀಘ್ರವಾಗಿ ನಾವು ಎಲ್ಲಾ ಮಕ್ಕಳ ಆಧಾರ್ ನಂಬರ್ ನೊಂದಾಯಿಸಿಕೊಂಡು ಅವರ ಪೋಷಕರ ಆಧಾರ್ ಖಾತೆಗೆ ಲಿಂಕ್ ಮಾಡುತ್ತೇವೆ ಎಂದು ಹೇಳಿದರು.

    ಕಳೆದ ಒಂದು ವರ್ಷದಲ್ಲಿ ಜಿಲ್ಲೆಯಾ ಮಹಿಳಾ ಆಸ್ಪತ್ರೆಯಲ್ಲಿ ಜನಿಸಿದ 1,300 ಮಕ್ಕಳೆಲ್ಲರೂ ಆಧಾರ್ ನಂಬರ್ ಪಡೆದಿದ್ದಾರೆ. ಸದ್ಯಕ್ಕೆ ತಾಯಿ ಮಗು ಮತ್ತು ಇಬ್ಬರು ಆರೋಗ್ಯವಾಗಿದ್ದಾರೆ ಎಂದು ವೈದ್ಯ ಡಾ. ಏಕ್ನಾಥ್ ಮಾಲ್ ತಿಳಿಸಿದರು.