ಹೈದರಾಬಾದ್: ಅಕ್ರಮವಾಗಿ 1,125 ನಕ್ಷತ್ರ ಆಮೆಗಳನ್ನು ಕಳ್ಳ ಸಾಗಾಣೆ ಮಾಡುತ್ತಿದ್ದ 3 ಆರೋಪಿಗಳನ್ನು ಬಂಧಿಸಿರುವ ಘಟನೆ ಆಂಧ್ರಪ್ರದೇಶದ ವಿಶಾಖಪಟ್ಟಣದಲ್ಲಿ ನಡೆದಿದೆ.
ಈ ಆಮೆಗಳನ್ನು ಅಕ್ರಮವಾಗಿ 3 ಆರೋಪಿಗಳು ಕಳ್ಳಸಾಗಾಣೆ ಮಾಡುತ್ತಿದ್ದರು. ಈ ಕುರಿತು ಖಚಿತ ಮಾಹಿತಿ ಪಡೆದ ಕಂದಾಯ ಗುಪ್ತಚರ ನಿರ್ದೇಶನಾಲಯ ಅಧಿಕಾರಿಗಳು ಕಾರ್ಯಾಚರಣೆ ನಡೆಸಿ ಮೂವರನ್ನು ಬಂಧಿಸಿದ್ದಾರೆ.
ಆರೋಪಿಗಳಿಂದ ಸದ್ಯ ವಶಕ್ಕೆ ಪಡೆದ ಆಮೆಗಳನ್ನು ಅರಣ್ಯ ಇಲಾಖೆ ಗೆ ವಶಕ್ಕೆ ನೀಡಲಾಗಿದೆ. ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಅಧಿಕಾರಿಗಳು ಆರೋಪಿಗಳ ಹೆಚ್ಚಿನ ವಿಚಾರಣೆ ನಡೆಯುತ್ತಿದ್ದು, ಸಂಪೂರ್ಣ ತನಿಖೆ ನಡೆದ ಬಳಿಕ ಹೆಚ್ಚಿನ ಮಾಹಿತಿ ನೀಡುವುದಾಗಿ ತಿಳಿಸಿದ್ದಾರೆ.
ಸ್ಟಾರ್ ಆಮೆ ಭಾರತದಲ್ಲಿ ದೊರೆಯುವ ಅಪರೂಪದ ಜಾತಿಗೆ ಸೇರಿದಾಗಿದ್ದು, ಕಾಳಸಂತೆಯಲ್ಲಿ ಇವುಗಳಿಗೆ ಹೆಚ್ಚಿನ ಲಕ್ಷ ರೂ.ಗಳಲ್ಲಿ ಬೆಲೆ ಇರುವುದರಿಂದ ಇತ್ತೀಚೆಗೆ ಇವುಗಳ ಕಳ್ಳಸಾಗಾಣೆ ಪ್ರಕರಣಗಳು ಹೆಚ್ಚಳವಾಗುತ್ತಿದೆ. ಆಮೆಗಳನ್ನು ಮನೆಯಲ್ಲಿ ಸಾಕಾಣೆ ಮಾಡಿದರೆ ಅದೃಷ್ಟ ಬರುತ್ತದೆ ಎಂಬ ಮೂಢ ನಂಬಿಕೆಯೂ ಕಳ್ಳಸಾಗಾಣೆಗೆ ಕಾರಣವಾಗಿದ್ದು, ಭಾರತದಲ್ಲಿ ಮಾತ್ರವಲ್ಲದೇ ವಿದೇಶಿ ಮಾರುಕಟ್ಟೆಯಲ್ಲೂ ನಕ್ಷತ್ರ ಆಮೆಗಳಿಗೆ ಭಾರೀ ಬೇಡಿಕೆ ಇದೆ.
#AndhraPradesh: Directorate of Revenue Intelligence (DRI) arrested Three people who were illegally transporting Indian Star Tortoises from Vizag railway station yesterday. 1125 Indian Star Tortoises have been recovered. Further investigation is underway. pic.twitter.com/Na5eL4Rus6
— ANI (@ANI) August 5, 2018
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictvnews