ಮುಂಬೈ: ಶನಿವಾರ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ ಮುಂಬೈ ಇಂಡಿಯನ್ಸ್ (Mumbai Indians)ಹಾಗೂ ಪಂಜಾಬ್‌ ಕಿಂಗ್ಸ್ (Punjab Kings) ನಡುವಿನ ಪಂದ್ಯವು ರೋಚಕತೆಯಿಂದ ಕೂಡಿತ್ತು. ಇತ್ತಂಡಗಳ ನಡುವೆ ಭರ್ಜರಿಯಾಗಿಯೇ ರನ್ ಹೊಳೆ ಹರಿದಿತ್ತು. ಫಾರ್ಮ್‌ ಕಳೆದುಕೊಂಡಿದ್ದ ಸೂರ್ಯಕುಮಾರ್ ಯಾದವ್ ಪಂಜಾಬ್‌ ಬೌಲರ್‌ಗಳನ್ನು ಬೆಂಡೆತ್ತಿ ಭರ್ಜರಿ ಅರ್ಧ ಶತಕ ಸಿಡಿಸಿದ್ದರು.
ARSHDEEP SINGH – BREAKING STUMPS FOR FUN ????pic.twitter.com/NNVlKWppaC
— Johns. (@CricCrazyJohns) April 22, 2023
ಕೊನೆಯ ಓವರ್‌ನಲ್ಲಿ ಮುಂಬೈಗೆ 16 ರನ್ ಗಳ ಅಗತ್ಯವಿದ್ದಾಗ ಯುವ ಎಡಗೈ ವೇಗಿ ಅರ್ಷ್‌ದೀಪ್‌ ಸಿಂಗ್‌ (Arshdeep Singh) ಎಸೆದ ಸತತ 2 ಯಾರ್ಕರ್‌ಗಳ ಮೂಲಕ ತಿಲಕ್ ವರ್ಮಾ ಮತ್ತು ನೆಹಾಲ್‌ ವಧೇರ ಅವರನ್ನ ಕ್ಲೀನ್‌ ಬೌಲ್ಡ್‌ ಮಾಡಿ ಮುಂಬೈಗೆ ಮರ್ಮಾಘಾತ ನೀಡಿದರು. ಅರ್ಷ್‌ದೀಪ್‌ ಎಸೆದ ಬೌಲಿಂಗ್ ವೇಗಕ್ಕೆ ಸತತವಾಗಿ 2 ಬಾರಿ ಸ್ಟಂಪ್‌ಗಳು ಮುರಿದು ಹೋಯಿತು. ಇದರಿಂದ ಬಿಸಿಸಿಐಗೆ ಭಾರೀ ನಷ್ಟವಾಗಿದೆ ಎಂದು ಅಂದಾಜು ಮಾಡಲಾಗಿದೆ. ಇದನ್ನೂ ಓದಿ: ಒಂದೇ ಓವರ್‌ನಲ್ಲಿ 31 ರನ್ ಕೊಟ್ಟ ಅರ್ಜುನ್‌ ತೆಂಡೂಲ್ಕರ್‌; ಹರ್ಷ ತಂದ ಅರ್ಷ್‌ದೀಪ್‌ – ಪಂಜಾಬ್‌ಗೆ 13 ರನ್‌ಗಳ ಜಯ
ಪಂದ್ಯದಲ್ಲಿ 215 ರನ್‌ಗಳ ಗುರಿ ಬೆನ್ನತ್ತಿದ್ದ ಮುಂಬೈ ಇಂಡಿಯನ್ಸ್, ಸ್ಟಾರ್ ಬ್ಯಾಟರ್‌ಗಳಾದ ಕ್ಯಾಮರೂನ್‌ ಗ್ರೀನ್‌ (Cameron Green) ಮತ್ತು ಸೂರ್ಯಕುಮಾರ್ ಯಾದವ್ (Suryakumar Yadav) ಅವರ ಸ್ಪೋಟಕ ಅರ್ಧಶತಕಗಳ ಬಲದಿಂದ ಜಯದತ್ತ ದಾಪುಗಾಲಿಟ್ಟಿತ್ತು. ಆದ್ರೆ ಇನಿಂಗ್ಸ್‌ನ ಅಂತಿಮ ಓವರ್‌ನಲ್ಲಿ ಅರ್ಷ್‌ದೀಪ್‌ ಸಿಂಗ್‌ ಅವರ ಮಾರಕ ಯಾರ್ಕರ್‌ಗಳ ಎದುರು ಮುಂಬೈ ಇಂಡಿಯನ್ಸ್ ಲೆಕ್ಕಾಚಾರ ತಲೆಕೆಳಗಾದವು. ರೋಚಕ ಪಂದ್ಯದಲ್ಲಿ ಪಂಜಾಬ್‌ಗೆ 13 ರನ್‌ಗಳ ಜಯ ತಂದುಕೊಡುವಲ್ಲಿ ಅರ್ಷ್‌ದೀಪ್‌ ಸಿಂಗ್‌ ಯಶಸ್ವಿಯಾದರು. ಇದನ್ನೂ ಓದಿ: ಒಂದೇ ಓವರ್‌ನಲ್ಲಿ 31 ರನ್ – ಸಚಿನ್‌ ತೆಂಡೂಲ್ಕರ್‌ ಪುತ್ರನ ವಿರುದ್ಧ ಸಿಕ್ಕಾಪಟ್ಟೆ ಟ್ರೋಲ್‌
LED ಸ್ಟಂಪ್ಸ್‌ನ ಬೆಲೆ ಎಷ್ಟು ಗೊತ್ತಾ?
ಆಸ್ಟ್ರೇಲಿಯಾ ಮೂಲದ ಕ್ರೀಡಾ ಸರಕು ಉತ್ಪಾದನಾ ಸಂಸ್ಥೆ ತಯಾರಿಸುವ ಈ ಎಲ್‌ಇಡಿ ಸ್ಟಂಪ್ಸ್‌ ಮತ್ತು ಝಿಂಗ್‌ ಬೇಲ್ಸ್‌ ಸೆಟ್‌ನ ಬೆಲೆ 40 ರಿಂದ 50 ಸಾವಿರ ಡಾಲರ್‌. ಭಾರತೀಯ ರೂಪಾಯಿ ಮೌಲ್ಯಕ್ಕೆ ಇದನ್ನು ಪರಿವರ್ತಿಸಿದರೆ, 32 ರಿಂದ 41 ಲಕ್ಷ ರೂ. ಬೆಲೆ ಬಾಳುತ್ತದೆ. ಅರ್ಷ್‌ದೀಪ್‌ ಕ್ಯಾಮೆರಾ ಇರುವ ಮಧ್ಯದ ಸ್ಟಂಪ್ ಮುರಿದಿದ್ದು, ಈ ಸ್ಟಂಪ್ ಒಂದರ ಬೆಲೆಯೇ 24 ಲಕ್ಷ ರೂ. ಆಗಿದೆ ಎಂದು ಅಂದಾಜಿಸಲಾಗಿದೆ. 2 ಸ್ಟಂಪ್ಸ್‌ನಿಂದ ಒಟ್ಟಾರೆ 48 ಲಕ್ಷ ರೂ.ಗಳ ನಷ್ಟ ಬಿಸಿಸಿಗೆ ಎದುರಾಗಿದೆ. ಅಂದಹಾಗೆ ಈ ಬೆಲೆಗೆ ಎರಡು ಕಾರುಗಳನ್ನೇ ಖರೀದಿಸಬಹುದಿತ್ತು ಎಂದು ಹೇಳಲಾಗುತ್ತಿದೆ.
