ನವದೆಹಲಿ: ಮೊದಲ ಹಂತದ ಲೋಕಸಭಾ ಚುನಾವಣೆಗೆ ಇನ್ನೇನು ಕೆಲ ದಿನ ಬಾಕಿ ಇರುವಂತೆ ಸಿ-ವೋಟರ್ ಜನಾಭಿಪ್ರಾಯ ಸಮೀಕ್ಷೆ ಪ್ರಕಟಗೊಂಡಿದೆ.
ಮತ್ತೆ ಅಧಿಕಾರಕ್ಕೇರುವ ಕನಸು ಕಾಣುತ್ತಿರುವ ಬಿಜೆಪಿ ನೇತೃತ್ವದ ಎನ್‍ಡಿಎಗೆ ಸಮೀಕ್ಷೆಯಲ್ಲಿ ಕೊಂಚ ಕಹಿ ಸುದ್ದಿ ಹೊರಬಿದ್ದಿದ್ದು, ಯಾವುದೇ ಮೈತ್ರಿಕೂಟ ಸ್ಪಷ್ಟ ಬಹುಮತ ಪಡೆಯುವುದಿಲ್ಲ ಎಂದು ಸರ್ವೆ ಭವಿಷ್ಯ ನುಡಿದಿದೆ.
ವಿಶೇಷ ಅಂದ್ರೆ ಯುಪಿಯಲ್ಲಿ ಬಿಜೆಪಿ ತೀವ್ರ ಹಿನ್ನಡೆ ಅನುಭವಿಸಲಿದೆ. ಆದ್ರೆ ಬಿಹಾರ ಹಾಗೂ ಬಂಗಾಳದಲ್ಲಿ ಕೇಸರಿ ಪಡೆ ಉತ್ತಮ ಸಾಧನೆ ಮಾಡಲಿದೆ ಅಂತ ಸಮೀಕ್ಷೆಯಲ್ಲಿ ತಿಳಿಸಲಾಗಿದೆ. ಮಾರ್ಚ್ ಮೂರನೇ ವಾರದಲ್ಲಿ ನಡೆಸಲಾಗಿದ್ದ ಈ ಸಮೀಕ್ಷೆಯಲ್ಲಿ ಎನ್‍ಡಿಎ ಮೈತ್ರಿಕೂಟ ಹಿನ್ನಡೆ ಅನುಭವಿಸಿದ್ರೂ ಅಧಿಕಾರದ ಸನಿಹಕ್ಕೆ ಬಂದು ನಿಲ್ಲಲಿದೆಯೆಂದು ಸಮೀಕ್ಷೆ ಹೇಳಿದೆ. ಹಾಗಾದ್ರೆ ಸಿ-ವೋಟರ್ ಜನಾಭಿಪ್ರಾಯದಂತೆ ಯಾರ್ಯಾರಿಗೆ ಎಷ್ಟೆಷ್ಟು ಸ್ಥಾನ ಲಭಿಸಲಿದೆ ಎಂಬುದನ್ನು ನೋಡೋಣ..
ದೇಶದಲ್ಲಿ ಯಾರಿಗೆ ಎಷ್ಟು ಸ್ಥಾನ..?
ಒಟ್ಟು ಸ್ಥಾನ : 543
ಎನ್‍ಡಿಎ : 261
ಯುಪಿಎ : 143
ಎಂಜಿಬಿ+ಇತರೆ: 139
ದಕ್ಷಿಣ ಭಾರತದಲ್ಲಿ ಯಾರಿಗೆ ಎಷ್ಟು ಸ್ಥಾನ
ಒಟ್ಟು ಸ್ಥಾನ : 130
ಎನ್‍ಡಿಎ : 23
ಯುಪಿಎ : 62
ಇತರೆ : 45
ಉ.ಪ್ರದೇಶದಲ್ಲಿ ಯಾರಿಗೆ ಎಷ್ಟು ಸ್ಥಾನ?
ಒಟ್ಟು ಸ್ಥಾನ : 80
ಎನ್‍ಡಿಎ : 28
ಯುಪಿಎ : 04
ಮಹಾಘಟಬಂಧನ್ : 48
ಮಹಾರಾಷ್ಟ್ರದಲ್ಲಿ ಯಾರಿಗೆ ಎಷ್ಟು ಸ್ಥಾನ?
ಒಟ್ಟು ಸ್ಥಾನ : 48
ಎನ್‍ಡಿಎ : 34
ಯುಪಿಎ : 14
ಇತರೆ : 00
ಒಟ್ಟಾರೆ ಶೇಕಡಾವಾರು ಮತ ಹಂಚಿಕೆ
ಎನ್‍ಡಿಎ : 42.7 %
ಯುಪಿಎ : 30.3 %
ಇತರೆ : 27 %
ಪ್ರಧಾನಿ ಹುದ್ದೆಗೆ ಯಾರು ಸೂಕ್ತ?
ದೇಶದ ಪ್ರಧಾನಮಂತ್ರಿ ಸ್ಥಾನಕ್ಕೆ ಯಾರು ಸೂಕ್ತ ಎಂಬ ಸೀವೋಟರ್ ಜನಾಭಿಪ್ರಾಯದ ಪ್ರಕಾರ ನರೇಂದ್ರ ಮೋದಿಯವರೇ ಮತ್ತೆ ಪ್ರಧಾನಿಯಾಗಬೇಕು ಎಂದು ಶೇ. 59.3ರಷ್ಟು ಜನ ಅಭಿಪ್ರಾಯ ವ್ಯಕ್ತಪಡಿಸಿದ್ರೆ, ಶೇ.33.53ರಷ್ಟು ಮಂದಿ ರಾಹುಲ್ ಗಾಂಧಿ ಪ್ರಧಾನಿಯಾಗಬೇಕು ಎಂದು ಅಭಿಪ್ರಾಯಿಸಿದ್ದಾರೆ.
