ಪ್ರತಿದಿನ ಚಿಕನ್‌.. ಮಟನ್ (Chicken Mutton) ತಿಂದು ಬೇಸರ ಆಗಿದ್ಯಾ… ಹೊಸದೇನಾದ್ರೂ ಟ್ರೈ ಮಾಡ್ಬೇಕು ಅಂದ್ಕೊಂಡಿದ್ದೀರಾ… ಅಥವಾ ಸಮಯ ಸಾಕಾಗ್ತಿಲ್ವಾ? ಇನ್ಮುಂದೆ ಯೋಚನೆಯೇ ಮಾಡ್ಬೇಕಾಗಿಲ್ಲ.. ಮನೆಯಲ್ಲೇ ಸಿಂಪಲ್ಲಾಗಿ ಮಾಡಬಹುದಾದ ಸ್ಪೆಷಲ್ ಫುಡ್‌ ಬಗ್ಗೆ ನಾವು ನಿಮಗೆ ತಿಳಿಸಿಕೊಡ್ತೇವೆ.. ರುಚಿಯಾದ ಆಹಾರ ಎಂದರೆ ಯಾರಿಗೆ ತಾನೇ ಇಷ್ಟ ಇಲ್ಲ ಹೇಳಿ. ಅನ್ನದೊಂದಿಗೆ ಸಿಗಡಿ ಸುಕ್ಕ (Prawns Sukka) ಇದ್ರೆ ಎಷ್ಟು ಚಂದ ಅಲ್ವಾ? ರುಚಿಯಾದ ಸಿಗಡಿ ಸುಕ್ಕ ನೀವೂ ಒಮ್ಮೆ ಟ್ರೈ ಮಾಡಿ. ನಿಮ್ಮ ಮನೆ ಮಂದಿ ಇಷ್ಟ ಪಟ್ಟು ಸವಿಯುವುದರಲ್ಲಿ ಯಾವುದೇ ಅನುಮಾನ ಇಲ್ಲ..
ಬೇಕಾಗುವ ಸಾಮಗ್ರಿಗಳು:
* ಸಿಗಡಿ- ಅರ್ಧ ಕೆಜಿ
* ಹಸಿಮೆಣಸು- 2
* ಈರುಳ್ಳಿ-1
* ಟೊಮೆಟೊ – 1
* ತೆಂಗಿನತುರಿ – 1 ಕಪ್
* ಅಡುಗೆ ಎಣ್ಣೆ- ಅರ್ಧ ಕಪ್
* ಅರಿಸಿನಪುಡಿ- ಅರ್ಧ ಚಮಚ
* ಹುಣಸೆಹಣ್ಣು- ಸ್ವಲ್ಪ
* ನಿಂಬೆಹಣ್ಣಿನ-1
* ಕರಿಬೇವು- ಸ್ವಲ್ಪ
* ಕೊತ್ತಂಬರಿ ಸೊಪ್ಪು- ಸ್ವಲ್ಪ
* ದನಿಯಾ ಪೌಡರ್- ಸ್ವಲ್ಪ
ಮಾಡುವ ವಿಧಾನ:
* ಒಂದು ಬಾಣಲೆಗೆ ಒಂದು ಚಮಚ ಎಣ್ಣೆ ಹಾಕಿ ಬಿಸಿ ಮಾಡಿ. ಕರಿಬೇವು, ತೆಂಗಿನತುರಿ ಸೇರಿಸಿ ಹುರಿದಿಟ್ಟಕೊಳ್ಳಿ.
* ಬಾಣಲೆಗೆ ಅಡುಗೆ ಎಣ್ಣೆ ಹಾಕಿ ಕರಿಬೇವು, ಈರುಳ್ಳಿ ಹಾಕಿ ಅದನ್ನೂ ಬಣ್ಣ ಬದಲಾಗುವವರೆಗೂ ಹುರಿದುಕೊಳ್ಳಿ. ಅದಕ್ಕೆ ತೊಳೆದು ಸ್ವಚ್ಛ ಮಾಡಿದ ಸಿಗಡಿ, ರುಚಿಗೆ ತಕ್ಕಷ್ಟು ಉಪ್ಪು, ಅರಿಸಿಣ ಪುಡಿ, ಹಸಿಮೆಣಸು ಹಾಕಿ ಎಲ್ಲವನ್ನೂ ಮಿಶ್ರಣ ಮಾಡಿ ಪಾತ್ರೆಯನ್ನು ಮುಚ್ಚಿ ಬೇಯಿಸಿ.
* ದನಿಯಾ, ಹುಣಸೆರಸ ಹಾಗೂ ಅಗತ್ಯವಿದ್ದಷ್ಟು ನೀರು ಸೇರಿಸಿ ಮಿಶ್ರಣ ಮಾಡಿ, ಕೊತ್ತಂಬರಿ ಸೊಪ್ಪನ್ನು ಹಾಕಿ ಸುಕ್ಕ ಸ್ವಲ್ಪ ಗಟ್ಟಿಯಾದಾಗ ಅದಕ್ಕೆ ಹುರಿದುಕೊಂಡ ತೆಂಗಿನತುರಿ ಸೇರಿಸಿ ಮಿಶ್ರಣ ಮಾಡಿದರೆ ರುಚಿಯಾದ ಸಿಗಡಿ ಸುಕ್ಕಾ ಸವಿಯಲು ಸಿದ್ಧವಾಗುತ್ತದೆ.
