ವಾಷಿಂಗ್ಟನ್‌: ಸಾಮಾಜಿಕ ಮಾಧ್ಯಮ ವೇದಿಕೆ ಟ್ವಿಟ್ಟರ್‌ ಖರೀದಿಸಿರುವ ಎಲಾನ್‌ ಮಸ್ಕ್, ಈಗ ತಾತ್ಕಾಲಿಕವಾಗಿ ತಾವೇ ಸಿಇಒ ಆಗಲಿದ್ದಾರೆ.
ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿರುವ ಮಸ್ಕ್ ಅವರು ಟೆಸ್ಲಾ ಕಂಪನಿಯ ಸಿಇಒ ಆಗಿದ್ದಾರೆ. ದಿ ಬೋರಿಂಗ್ ಕಂಪನಿ ಮತ್ತು ಸ್ಪೇಸ್‌ಎಕ್ಸ್‌ನ ಇತರ ಎರಡು ಉದ್ಯಮಗಳ ಮುಖ್ಯಸ್ಥರು ಕೂಡ ಆಗಿದ್ದಾರೆ. ತಮ್ಮದೇ ಒಡೆತನಕ್ಕೆ ಸೇರಿರುವ ಟ್ವಿಟ್ಟರ್‌ ಸಿಇಒ ಕೂಡ ಆಗಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಇದನ್ನೂ ಓದಿ: ನಮಗೆ ನಿಮ್ಮ ಸಲಹೆ ಬೇಡ: ನೆದರ್ಲೆಂಡ್‌ಗೆ ತಿರುಗೇಟು ನೀಡಿದ ಭಾರತ
ನವೆಂಬರ್‌ನಲ್ಲಿ ಟ್ವಿಟ್ಟರ್‌ನ ಸಿಇಒ ಆಗಿ ನೇಮಕಗೊಂಡಿದ್ದ ಪರಾಗ್ ಅಗರವಾಲ್, ಮಸ್ಕ್‌ಗೆ ಕಂಪನಿಯ ಮಾರಾಟ ಪ್ರಕ್ರಿಯೆ ಪೂರ್ಣಗೊಳ್ಳುವವರೆಗೆ ಆ ಸ್ಥಾನದಲ್ಲಿ ಮುಂದುವರಿಯುವ ಸಾಧ್ಯತೆಯಿದೆ. ಇಂಟೀರಿಯಮ್‌ ಬೇಸಿಸ್‌ ಮೇಲೆ ಟ್ವಿಟ್ಟರ್‌ನ ಸಿಇಒ ಆಗಲು ಮಸ್ಕ್ ಯೋಜಿಸಿದ್ದಾರೆ ಎಂದು ಸಿಎನ್‌ಬಿಸಿ ಗುರುವಾರ ವರದಿ ಮಾಡಿದೆ. ಇದನ್ನೂ ಓದಿ: 2024ರಲ್ಲಿ ಶುಕ್ರಯಾನಕ್ಕೆ ISRO ಸಜ್ಜು- ಇಲ್ಲಿದೆ ಶುಕ್ರಗ್ರಹದ ಸ್ವಾರಸ್ಯಕರ ಸಂಗತಿ
ಇತ್ತೀಚೆಗೆ ಟೆಸ್ಲಾ ಖ್ಯಾತಿಯ ಉದ್ಯಮಿ ಎಲಾನ್‌ ಮಸ್ಕ್ 44 ಮಿಲಿಯನ್‌ ಡಾಲರ್ (3.36 ಲಕ್ಷ ಕೋಟಿ ರೂ.ಗೆ) ಟ್ವಿಟ್ಟರ್‌ ಖರೀದಿಸಿದರು. ಪೂರ್ತಿ ಷೇರು ಖರೀದಿಸಿ, ಕಂಪನಿಯನ್ನೇ ತನ್ನದಾಗಿಸಿಕೊಳ್ಳುವ ಮೂಲಕ ಮಸ್ಕ್ ಸುದ್ದಿಯಾಗಿದ್ದರು.
