Tag: `ಸರ್ಕಾರು ವಾರಿ ಪಾಟ’

ಬಾಕ್ಸಾಫೀಸ್‌ನಲ್ಲಿ `ಸರ್ಕಾರು ವಾರಿ ಪಾಟ’ ಸಿನಿಮಾ ಉತ್ತಮ ಕಲೆಕ್ಷನ್ ಮಾಡುತ್ತಿದೆ. ಮಹೇಶ್ ಬಾಬು ಮತ್ತು ಕೀರ್ತಿ ಸುರೇಶ್ ಮೋಡಿಗೆ ಸಿನಿಮಾ 200 ಕೋಟಿ ಕಲೆಕ್ಷನ್ ಮಾಡಿದೆ. ಹೀಗಿರುವಾಗ ಚಿತ್ರದ ಕುರಿತು ಹೊಸ ವಿವಾದ ಹುಟ್ಟಿಕೊಂಡಿದೆ. ಈ ಚಿತ್ರತಂಡದ ಮೇಲೆ ನೆಟ್ಟಿಗರು ಫುಲ್ ಗರಂ ಆಗಿದ್ದಾರೆ.

`ಸರ್ಕಾರು ವಾರಿ ಪಾಟ’ ಉತ್ತಮ ಕಲೆಕ್ಷನ್ ಮಾಡುತ್ತಿರುವ ಬೆನ್ನಲ್ಲೇ ವಿವಾದವೊಂದು ಚಿತ್ರತಂಡದ ಬೆನ್ನು ಹತ್ತಿದೆ. ಚಿತ್ರದ ದೃಶ್ಯವೊಂದರಲ್ಲಿ ಮಹೇಶ್ ಬಾಬು ನಾಯಕಿ ಕೀರ್ತಿ ಸುರೇಶ್ ಅವರನ್ನು ಮುಟ್ಟಿರುವುದಕ್ಕೆ ವಿವಾದ ಸೃಷ್ಟಿಯಾಗಿದೆ. ಚಿತ್ರದ ಸೀನ್‌ವೊಂದರಲ್ಲಿ ನಟ ಮಹೇಶ್ ಬಾಬು ಬಲವಂತದಿಂದ ಕೀರ್ತಿ ಸುರೇಶ್ ತನ್ನ ಪಕ್ಕ ಮಲಗುವಂತೆ ಮಾಡುತ್ತಾನೆ. ನಂತರ ತನ್ನ ಕಾಲು ಆಕೆಯ ಮೇಲೆ ಹಾಕುತ್ತಾನೆ. ಈ ದೃಶ್ಯ ಇದೀಗ ಚರ್ಚೆಗೆ ಕಾರಣವಾಗಿದೆ.

ಈ ದೃಶ್ಯದ ಕುರಿತು ನಿರ್ದೇಶಕ ಪರಶುರಾಮ್ ಪ್ರತಿಕ್ರಿಯಿಸಿದ್ದಾರೆ, ಆ ದೃಶ್ಯದಲ್ಲಿ ಏನು ತಪ್ಪಿದೆ.ಮಗುವೊಂದು ತನ್ನ ತಾಯಿಯ ಪಕ್ಕ ಮಲಗಲು ಆಸೆಪಟ್ಟಂತೆ ಇಲ್ಲಿ ನಾಯಕ, ನಾಯಕಿಯ ಪಕ್ಕ ಮಲಗಿದ್ದಾರೆ ಎಂದು ಉತ್ತರಿಸಿದ್ದಾರೆ. ನಿರ್ದೇಶಕನ ಉತ್ತರಕ್ಕೆ ನೆಟ್ಟಿಗರು ಇದೀಗ ಕಿಡಿಕಾರಿದ್ದಾರೆ. ಇದನ್ನೂ ಓದಿ: ಬಾಡಿ ಶೇಮಿಂಗ್ ವಿರುದ್ಧ ನಟಿ ಮಯೂರಿ ಮಾತು

ತಾಯಿಗೂ ನಾಯಕಿಗೂ ಕಂಪೇರ್ ಮಾಡಬೇಡಿ. ಕೆಟ್ಟ ದೃಶ್ಯವನ್ನು ಚಿತ್ರೀಕರಿಸಿರುವುದಲ್ಲದೇ ಅದಕ್ಕೆ ಹೀಗೆ ಪ್ರತಿಕ್ರಿಯಿಸುತ್ತೀರಾ ನಾಯಕಿಯನ್ನು ಬೋಗದ ವಸ್ತಗಳಂತೆ ತೋರಿಸುವುದು ನಿಲ್ಲಿಸಿ ಎಂದು ನಿರ್ದೇಶಕ ಪರಶುರಾಮ್ ಮೇಲೆ ಕಿಡಿಕಾರಿದ್ದಾರೆ. ಈ ದೃಶ್ಯದ ಬಗ್ಗೆ ಅಭಿಮಾನಿಗಳು ಖಂಡಿಸಿದ್ದಾರೆ. ಈ ಎಲ್ಲಾ ವಿದಾದಗಳನ್ನು ಮೀರಿ ಮಹೇಶ್ ಬಾಬು ಇನ್ನಷ್ಟು ಉತ್ತಮ ಕಲೆಕ್ಷನ್ ಮಾಡುತ್ತಾ ಅಂತಾ ಕಾದು ನೋಡಬೇಕಿದೆ.