ಬಿಗ್ ಮನೆಯಲ್ಲಿ ಎರಡನೇ ಇನ್ನಿಂಗ್ಸ್ ಆಡುತ್ತಿರುವ ಸ್ಪರ್ಧಿಗಳು ಒಬ್ಬರಿಗೊಬ್ಬರು ಕತ್ತಿಮಸೆಯುವ ಮಾತು ಮತ್ತೆ ಮುಂದುವರಿದಿದೆ. ಉತ್ತಮ ಸ್ನೇಹಿತರಾಗಿದ್ದವರು ಇದೀಗ ಕೋಪಿಸಿಕೊಂಡು ಒಬ್ಬರಿಗೊಬ್ಬರು ಮಾತು ಬಿಡುವಷ್ಟರ ಮಟ್ಟಿಗೆ ಹೋಗಿದ್ದಾರೆ.
ಹೌದು ನಿಧಿ ಸುಬ್ಬಯ್ಯ ಮತ್ತು ಶುಭಾ ಪೂಂಜ ಉತ್ತಮ ಸ್ನೇಹಿತರಾಗಿದ್ದರು. ಆದರೆ ಇದೀಗ ನಿಧಿ, ತನ್ನ ಆತ್ಮೀಯ ಸ್ನೇಹಿತೆ ಶುಭಾ ಆಟವನ್ನು ಕಂಡು ನನಗೆ ನೆತ್ತಿವರೆಗೆ ಬಂದು ನಿಂತಿದೆ ಎಂದು ಸಹ ಸ್ಪರ್ಧಿಗಳಲ್ಲಿ ದೂರಿಕೊಂಡಿದ್ದಾರೆ.
ಶುಭಾ ಎಲ್ಲವನ್ನೂ ಸ್ಪರ್ಧೆ ಎಂದು ನೋಡಬೇಡಿ. ಅದು ಮಾಡಬೇಡ, ಇದು ಮಾಡಬೇಡ ಎಂದು ನಮ್ಮ ಬಳಿ ಹೇಳುತ್ತಾರೆ. ನಾವೆಲ್ಲ ಇಲ್ಲಿ ಆಡೋಕೆ ಬಂದಿದ್ದೇವೆ ಅವರು ಮಾತ್ರ ಪಿಕ್‍ನಿಕ್ ಬಂದಂತೆ ವರ್ತಿಸುತ್ತಿದ್ದಾರೆ ಎಂದು ನಿಧಿ, ದಿವ್ಯಾ ಸುರೇಶ್ ಮತ್ತು ಮಂಜು ಬಳಿ ಅಸಮಾಧಾನ ತೋಡಿಕೊಂಡಿದ್ದಾರೆ.
ನಾವು ಇಲ್ಲಿ ಫ್ರೇಂಡ್‍ಶಿಪ್ ಎಲ್ಲ ಪಕ್ಕಕ್ಕೆ ಇಟ್ಟು ಆಟ ಎಂದು ಬಂದಾಗ ಸರಿಯಾಗಿ ಆಟವಾಡಬೇಕು. ಟಾಸ್ಕ್ ಮುಗಿದ ಮೇಲೆ ಬೇಕಾದರೆ ಏನೇ ಮಾಡಲಿ ನಾವು ಡ್ಯಾನ್ಸ್, ಹರಟೆ ಕಾಮಿಡಿ ಎಲ್ಲ ಮಾಡೋಣ ಆದರೆ ಟಾಸ್ಕ್ ಬಂದಾಗ ಸರಿಯಾಗಿ ಇರಬೇಕು ಎಂದು ದಿವ್ಯಾ ಕೂಡ ಶುಭಾ ಬಗ್ಗೆ ಮಾತನಾಡಿದ್ದಾರೆ. ಇದನ್ನೂ ಓದಿ :ಈ ಭೂಮಿ ಆಕಾಶ ಇರುವವರೆಗೆ ಇದು ಸಾಧ್ಯವಿಲ್ಲ ಎಂದ ಮಂಜ
ಬಿಗ್‍ಬಾಸ್ ನೀಡಿದ್ದ ಪೈಂಟ್ ಮಾಡುವ ಟಾಸ್ಕ್ ವೇಳೆ ಶುಭಾ ನಾವು ಮಾಡುತ್ತಿದ್ದ ಪೈಂಟ್ ಬಿಟ್ಟು ಬೇರೆ ಏನೊ ಮಾಡುತ್ತಾ ನಮ್ಮ ಸ್ಪರ್ಧೆಗೆ ಅಡ್ಡಿಮಾಡಿದ್ದಾರೆ. ಇದು ಫ್ರೆಂಡ್‍ಶಿಪ್ ತರ ಕಾಣಿಸುತ್ತಿಲ್ಲ ಇದರಿಂದ ತುಂಬಾ ಕಿರಿಕಿರಿ ಆಗುತ್ತದೆ. ನಮ್ಮ ಎದುರಾಳಿ ತಂಡ ಆರಾಮವಾಗಿ ಗೆಲ್ಲುತ್ತಿದೆ. ನಾವು ಸೋಲುತ್ತಿದ್ದೇವೆ. ನಮ್ಮ ತಂಡದಿಂದಾಗಿ ಪೈಂಟ್ ಹೊಡೆಯುವ ಟಾಸ್ಕ್‍ನಲ್ಲಿ ಎದುರಾಳಿ ತಂಡ ಗೆದ್ದಿದೆ. ಶುಭಾ ಮಾಡಿದಂತಹ ಕೆಲಸದಿಂದಾಗಿ ನಮ್ಮ ತಂಡ ಗೆದ್ದಿದೆ ಎಂದು ವೈಷ್ಣವಿ ಧನ್ಯವಾದ ಹೇಳಿದ್ದರು ಇದನ್ನೆಲ್ಲ ನೋಡಿ ತುಂಬಾ ಬೇಸರವಾಗುತ್ತಿದೆ ಎಂದು ನಿಧಿ ಶುಭಾ ವಿರುದ್ಧ ರೊಚ್ಚಿಗೆದ್ದಿದ್ದಾರೆ.
