Tag: ಶುಭಾಪೂಂಜಾ

ಬಿಗ್‍ಬಾಸ್ ಮನೆಯಲ್ಲಿ ಮಂಜು ಮದುವೆ ವಿಚಾರವಾಗಿ ಭಾನುವಾರ ಚರ್ಚೆ ನಡೆದಿದೆ. ಈ ವೇಳೆ ಒಂದು ಹುಡುಗಿಯ ಕೈಯನ್ನು ಹೇಗೆ ಮುಟ್ಟಬೇಕು ಎಂದು ಶುಭಾ ಪೂಂಜಾ ಮಂಜುಗೆ ಟ್ರೈನಿಂಗ್ ನೀಡಿರುವುದಾಗಿ ಹೇಳಿದ್ದಾರೆ.

ಈ ವಿಚಾರವಾಗಿ ಸುದೀಪ್‍ರವರು, ಮ್ಯಾರೇಜ್ ವಿಚಾರವಾಗಿ ಶುಭಾ ಹತ್ತಿರ ನೀವು ಟ್ಯೂಶನ್ ತೆಗೆದುಕೊಳ್ಳುತ್ತಿದ್ರಿ ಎಂದು ಕೇಳುತ್ತಿದ್ದಂತೆಯೇ ಮಂಜು ಹೌದು, ಹುಡುಗಿಯನ್ನು ಹೇಗೆ ಮುಟ್ಟಬೇಕು, ಹೇಗೆ ನಿಭಾಯಿಸಬೇಕು ಎಂದು ಹೇಳಿ ಕೊಡುತ್ತಿದ್ದರು ಎಂದಿದ್ದಾರೆ. ಆಗ ಶುಭಾ, ನಾವು ಅವನ ಪಕ್ಕ ಕುಳಿತುಕೊಂಡಿದ್ದಾಗ, ತುಂಬಾ ಜೋರಾಗಿ ನಟ್ಟಿಗೆ ತೆಗೆಯುತ್ತಾನೆ. ಅವನು ತುಂಬಾ ಒರಟು, ಒಂದು ರೀತಿ ಪ್ರಾಣಿಯಂತೆ ಹುಡುಗಿಯರ ಕೈಯಿಂದ ನಟ್ಟಿಗೆ ತೆಗೆಯುತ್ತಾನೆ. ಹಾಗಾಗಿ ನೀನು ಮದುವೆಯಾದರೆ ಹೇಗೆ ನಿನ್ನ ಪರಿಸ್ಥಿತಿ ಎಂದು ಹೇಳುತ್ತಾ ಸ್ವಲ್ಪ ಸಮಾಧಾನದಿಂದ ಇರು, ಒಂದು ಹುಡುಗಿ ಕೈಯನ್ನು ಸಾಫ್ಟ್ ಆಗಿ ಹಿಡಿದುಕೋ ಎಂದು ಹೇಳಿಕೊಟ್ಟೆ. ಅದು ಅಲ್ಲದೇ ಈ ವರ್ಷ ಮದುವೆಯಾಗುತ್ತಾನೆ ಅಲ್ವಾ ಸರ್ ಎಂದು ಹೇಳುತ್ತಾರೆ.

ಮಂಜು ನಾನು ಹೇಳಿಕೊಡುತ್ತಿರುವುದನ್ನು ಸರಿಯಾಗಿ ಕಲಿಯುತ್ತಿಲ್ಲ. ಒಂದು ಹುಡುಗಿ ಕೈಯನ್ನು ಹೀಗೆ ಹಿಡಿದುಕೊಳ್ಳಬೇಕು ಎಂದರೆ ಒಳ್ಳೆ ಚಪಾತಿ ರೀತಿ ಕೈ ಇಡುತ್ತಾನೆ ಎನ್ನುತ್ತಾರೆ. ಆಗ ಸುದೀಪ್, ಮಂಜುಗೆ ಅರವಿಂದ್ ಕೈಯನ್ನು ಹುಡುಗಿ ಕೈ ಎಂದು ತಿಳಿದುಕೊಂಡು ಹಿಡಿದುಕೊಳ್ಳುವಂತೆ ಹೇಳುತ್ತಾರೆ. ಈ ವೇಳೆ ಅರವಿಂದ್ ಮಂಜುಗೆ ಕೈ ನೀಡಲು ಆಟ ಆಡಿಸುತ್ತಾರೆ. ನಂತರ ಹೀಗೆ ಹಿಡಿದುಕೊಳ್ಳಬೇಕು ಎಂದು ಹೇಳಿಕೊಟ್ಟಿದ್ದಾರೆ ಎಂದು ಮಂಜು ಕೈ ಹಿಡಿದು ತೋರಿಸುತ್ತಾರೆ. ಈ ವೇಳೆ ಸುದೀಪ್‍ರವರು, ಇಷ್ಟು ಕೆಟ್ಟದಾಗಿ ಹೇಳಿಕೊಟ್ರಾ? ಇಷ್ಟು ದಿನ ಡೀಲ್ ಮಾಡಿರುವುದೇ ಚಪಾತಿ ಜೊತೆ, ಯಾರು ಮಂಜು ನನ್ನ ಕೈ ಹಿಡಿದುಕೋ ಎಂದು ಕೈ ನೀಡಿದ್ದಾರೆ. ಈಗ ಅರವಿಂದ್‍ರವರೇ ನಿಮಗೆ ಕೈ ಕೊಡಲಿಲ್ಲ ಎಂದು ಹಾಸ್ಯ ಮಾಡುತ್ತಾರೆ.

ಜೊತೆಗೆ ಒಂದು ಕ್ಯೂಟ್ ಎಕ್ಸ್‌ಪ್ರೇಶನ್‌ ಕೂಡ ಹೇಳಿಕೊಟ್ಟಿರುವುದಾಗಿ ಹೇಳಿ ಕೊಟ್ಟಿದ್ದೇನೆ. ಆದರೆ ಅದು ಕೂಡ ಅವನಿಗೆ ಬರುವುದಿಲ್ಲ ಎಂದು ಶುಭಾ ಬೈಯ್ಯುತ್ತಾರೆ. ಆಗ ಆ ಎಕ್ಸ್‌ಪ್ರೇಶನ್‌ ತೋರಿಸುವಂತೆ ಸುದೀಪ್ ಮಂಜುಗೆ ಕೇಳಿದಾಗ ತಪ್ಪಾಯಿತು ಬಿಟ್ಟುಬಿಡಿ ಸರ್, ನನಗೆ ಆ ರೀತಿ ಎಕ್ಸ್‌ಪ್ರೇಶನ್‌ ನೀಡಲು ಬರುವುದಿಲ್ಲ. ಕೈ ಕಾಲು ನಡುಗುತ್ತಿದೆ ಎನ್ನುತ್ತಾರೆ. ನಂತರ ವೈಷ್ಣವಿ ಕಡೆಗೆ ಮಂಜು ಪ್ರೀತಿಯ ಎಕ್ಸ್‍ಪ್ರೇಶನ್ ಕೊಡುತ್ತಾರೆ. ಅದಕ್ಕೆ ಅವನು ಸರಿಯಾಗಿ ಎಕ್ಸ್‌ಪ್ರೇಶನ್‌ ತೋರಿಸುವುದಿಲ್ಲ ಎಂದು ಶುಭಾ ಜಸ್ಟ್ ಲೈಟ್ ಆಗಿ, ರೊಮ್ಯಾಂಟಿಕ್ ಆಗಿ, ಹೈಬ್ರೋ ಎತ್ತಿ, ಕ್ಯೂಟ್ ಆಗಿ ನೋಡಬೇಕು ಎಂದು ಎಕ್ಸ್‌ಪ್ರೇಶನ್‌ ತೋರಿಸುತ್ತಾರೆ.

ಇದನ್ನು ಕಂಡು ಸುದೀಪ್‍ರವರು ಇದನ್ನು ಇನ್ಮುಂದೆ ನಾನು ಟ್ರೈ ಮಾಡುತ್ತೇನೆ, ಎಲ್ಲರೂ ಟ್ರೈ ಮಾಡಿ, ಇಡೀ ವಾರ ಯಾರೇ ಎದುರುಗಡೆ ಬಂದರೆ ಇದೇ ಎಕ್ಸ್‌ಪ್ರೇಶನ್‌ ಕೊಡೋಣಾ ಮುಂದೆ ಏನೇನು ಆಗುತ್ತದೆ. ಯಾರು ಹೊಡಿಸಿಕೊಳ್ಳುತ್ತೀರಿ, ಯಾರು ಬೈಸಿಕೊಳ್ಳುತ್ತೀರಾ ಆಮೇಲೆ ನೋಡೋಣಾ ಎನ್ನುತ್ತಾರೆ. ಈ ವೇಳೆ ಮನೆಮಂದಿಯೆಲ್ಲಾ ಶುಭಾ ಎಕ್ಸ್‌ಪ್ರೇಶನ್‌, ಸುದೀಪ್ ಜೋಕ್ ಕೇಳಿ ಎದ್ದು ಬಿದ್ದು ಸಿಕ್ಕಾಪಟ್ಟೆ ನಕ್ಕಿದ್ದಾರೆ. ಇದನ್ನೂ ಓದಿ:ವೈಷ್ಣವಿಯಂತೆ ಇನ್ನೊಬ್ಬರು ಮನೆಯಲ್ಲಿ ಮಾತನಾಡಲು ಸಾಧ್ಯವಿಲ್ಲ: ಸುದೀಪ್