ಹುಡುಗಿಯರು ವ್ಯಾಕ್ಸಿಂಗ್ ಮಾಡುವಾಗ ಎಷ್ಟು ನೋವಾಗುತ್ತದೆ ಎಂಬುದನ್ನು ದಿವ್ಯಾ ಉರುಡುಗ, ವೈಷ್ಣವಿ ರಘುಗೆ ತೋರಿಸಿಕೊಟ್ಟಿದ್ದಾರೆ.
ನಿನ್ನೆ ಬಾತ್ ರೂ ಏರಿಯಾದಲ್ಲಿ ರಘು ಮಲಗಿದ್ದ ವೇಳೆ, ದಿವ್ಯಾ ಉರುಡುಗ ನಿಮಗೆ ಹುಡುಗಿಯರ ಕಷ್ಟ ಏನೆಂದು ಅರ್ಥ ಮಾಡಿಸುತ್ತೇನೆ ಇರಿ ಎಂದು ವ್ಯಾಕ್ಸ್ ಸ್ಟ್ರಿಪ್ಸ್ ನನ್ನು ಒಪನ್ ಮಾಡುತ್ತಾರೆ. ಈ ವೇಳೆ ವೈಷ್ಣವಿ ಕೂಡ ದಿವ್ಯಾ ಉರುಡುಗ ಕೈನಲ್ಲಿ ವ್ಯಾಕ್ಸ್ ಸ್ಟ್ರಿಪ್ಸ್ ತೆಗೆದುಕೊಂಡು ರಘು ಕಾಲಿಗೆ ಅಂಟಿಸುತ್ತಾರೆ.
ಇನ್ಮುಂದೆ ನೀವು ಜೀವನ ಶೂನ್ಯ ಅಂತ ಹೇಳುವುದಿಲ್ಲ. ಹುಡುಗಿಯರ ಕಷ್ಟ ನಿಮಗೆ ಇಂದು ಗೊತ್ತಾಗುತ್ತದೆ ಎನ್ನುತ್ತಾ ದಿವ್ಯಾ ಉರುಡುಗ ರೆಡಿ ಒನ್, ಟೂ, ಥ್ರಿ, ಗೋ ಎಂದು ವ್ಯಾಕ್ಸ್ ಸ್ಟ್ರಿಪ್ಸ್ ನನ್ನು ಕಾಲಿನ ಮೇಲಿನಿಂದ ಎಳೆದು ನಿಮ್ಮ ಕೇಶ ರಾಶಿ ತೆಗೆದುಕೊಳ್ಳಿ ಎಂದು ಹೇಳಿ ಸ್ಟ್ರಿಪ್ಸ್ ನೀಡುತ್ತಾರೆ.
ಇದಾದ ನಂತರ ನಿಮಗೆ ನೋವಾಗಲಿಲ್ಲವಾ ಆರಾಮವಾಗಿ ಕುಳಿತುಕೊಂಡಿದ್ರಿ. ನಿಮ್ಮಲ್ಲಿ ಇದನ್ನು ತಡೆದುಕೊಳ್ಳುವಷ್ಟು ಶಕ್ತಿ ಇದೆ ಎಂದ ಮೇಲೆ ಎಲ್ಲಾ ನೋವನ್ನು ತಡೆದುಕೊಳ್ಳುವಷ್ಟು ಶಕ್ತಿ ಇದೆ. ಹಾಗಾಗಿ ತಲೆ ಕೆಡಿಸಿಕೊಳ್ಳಬೇಡಿ ಈ ಮ್ಯಾಜಿಕ್‍ಯಿಂದ ನಿಮಗೆ ಎಲ್ಲಾ ಅರ್ಥ ಆಯ್ತು ಅಂತ ತಿಳಿದುಕೊಳ್ಳುತ್ತೇನೆ ಎಂದು ದಿವ್ಯಾ ಉರುಡುಗ ಹೇಳುತ್ತಾರೆ.
ಇದಕ್ಕೆ ರಘು ಈ ಮ್ಯಾಜಿಕ್ ಶೋನಲ್ಲಿ ಇಷ್ಟೇಲ್ಲಾ ಅರ್ಥ ಇದ್ಯಾ ಎಂದು ಹೇಳುತ್ತಾ ನಗುತ್ತಾರೆ. ಬಳಿಕ ದಿವ್ಯಾ ಉರುಡುಗ ವೈಷ್ಣವಿ ಅಂಟಿಸಿದ್ದ ವ್ಯಾಕ್ಸ್ ಸ್ಟ್ರಿಪ್ಸ್ ನನ್ನು ಎಳೆಯುತ್ತಾರೆ. ನಂತರ ಹೃದಯ ತೋರಿಸಿ ರಘು ಇಲ್ಲಿರುವ ನೋವಿನ ಮುಂದೆ ಇದೆಲ್ಲಾ ಏನು ದಿವ್ಯಾ ಅನ್ನುತ್ತಾರೆ. ಅದಕ್ಕೆ ಹೇಳಿದ್ದು, ಇದನ್ನು ತಡೆದುಕೊಳ್ಳುವ ಶಕ್ತಿ ಇದೆ ಅಂದರೆ ನೋವನ್ನು ತಡೆದುಕೊಳ್ಳುವ ಶಕ್ತಿ ಇದೆ ಅಂತ ಅರ್ಥ ಎಂದು ದಿವ್ಯಾ ಉರುಡುಗ ಹೇಳುತ್ತಾರೆ.
ಎರಡು ವಾರದ ಹಿಂದೆ ನಾನು ಹೇಳಿದ್ದನ್ನು ಮಾಡಬಹುದು, ಮಾಡುತ್ತಾರೆ ಎಂಬ ಸೂಚನೆ ಕೂಡ ಕೊಡದೇ, ಒಂದೇ ವಾರದಲ್ಲಿ ಸಿಕ್ಕಾಪಟ್ಟೆ ಆ್ಯಕ್ಟಿವ್ ಆಗಿರುವ ಈ ವ್ಯಕ್ತಿಗೆ ನಾನು ಪ್ರೋತ್ಸಾಹ ಕೊಟ್ಟೆ ಕೊಡುತ್ತೇನೆ. ಇನ್ನೂ ಚೆನ್ನಾಗಿ ಆಟ ಆಡಬೇಕೆಂದರೆ ಅವರಿಗೆ ಈ ಎನ್‍ಕ್ರೇಜ್‍ಮೆಂಟ್ ಹೋಗಲೇಬೇಕು ಎಂದು ಹೇಳುತ್ತಾ, ಈ ವಾರದ ಕಿಚ್ಚನ ಮೆಚ್ಚುಗೆಯ ಚಪ್ಪಾಳೆ ರಘುರವರಿಗೆ ಎಂದು ಚಪ್ಪಾಳೆ ತಟ್ಟುತ್ತಾರೆ.
