ಮುಂಬೈ: ಬಾಲಿವುಡ್‍ನಲ್ಲಿ ತಮ್ಮ ವಿಭಿನ್ನವಾದ ಡ್ಯಾನ್ಸ್ ಸ್ಟೈಲ್ ಮೂಲಕ ಮಿಂಚಿದ್ದ ನಟ ಗೋವಿಂದ್ರವರ ಪುತ್ರ ಇದೀಗ ಬಾಲಿವುಡ್‍ಗೆ ಎಂಟ್ರಿ ಕೊಡಲು ರೆಡಿಯಾಗಿದ್ದಾರೆ ಎಂಬ ಸುದ್ದಿ ಬಹಿರಂಗಗೊಂಡಿದೆ.
ಇತ್ತೀಚೆಗಷ್ಟೆ ಸಂದರ್ಶನವೊಂದರಲ್ಲಿ ಗೋವಿಂದ ಅವರ ಪತ್ನಿ ಸುನಿತಾ ಅಹುಜಾ ಮಾತನಾಡಿದ್ದು, ಈ ಕುರಿತಂತೆ ಈಗಾಗಲೇ ಕೆಲವರೊಟ್ಟಿಗೆ ಮಾತುಕತೆ ನಡೆಸಲಾಗಿದೆ ಎಂಬ ವಿಚಾರವನ್ನು ರಿವೀಲ್ ಮಾಡಿದ್ದಾರೆ. ಕೊರೊನಾ ಲಾಕ್‍ಡೌನ್‍ನಿಂದ ಈ ಯೋಜನೆಗಳು ವಿಳಂಬವಾಗಿದೆ ಮತ್ತು ಮಗನ ಚೊಚ್ಚಲ ಸಿನಿಮಾದ ನಿರ್ಮಾಣಕ್ಕೆ ಉತ್ತಮ ಪ್ರೊಡಕ್ಷನ್ ಹೋಂ ಬೇಕಾಗಿದೆ ಎಂದಿದ್ದಾರೆ. ಇದನ್ನೂ ಓದಿ: ಗೌಡ್ರ ಕುಟುಂಬದಲ್ಲಿ ಸಂಭ್ರಮ – ನಿಖಿಲ್, ರೇವತಿ ದಂಪತಿಗೆ ಗಂಡು ಮಗು
ಹೌದು, ಯಶವರ್ಧನ್ ಚೊಚ್ಚಲ ಸಿನಿಮಾ ಲಾಕ್‍ಡೌನ್‍ನಿಂದ ವಿಳಂಬವಾಗಿದೆ. ಮಗನನ್ನು ಲಾಂಚ್ ಮಾಡಲು ಈಗಾಗಲೇ ಕೆಲವರೊಂದಿಗೆ ಮಾತುಕತೆ ನಡೆಸಲಾಗಿದೆ. ನಮಗೆ ಉತ್ತಮ ನಿರ್ಮಾಣ ಸಂಸ್ಥೆ ಹಾಗೂ ಉತ್ತಮ ಚಿತ್ರ ಕಥೆ ಬೇಕಾಗಿದೆ. ಏಕೆಂದರೆ ಇದು ನಮ್ಮ ಮಗನ ಮೊದಲ ಸಿನಿಮಾ. ಈಗಾಗಲೇ ಯಶವರ್ಧನ್ ತನ್ನ ಮೊದಲ ಸಿನಿಮಾಕ್ಕೆ ನಟನೆ, ನೃತ್ಯ ಮತ್ತು ಫಿಟ್‍ನೆಸ್ ಸೇರಿದಂತೆ ಸಾಕಷ್ಟು ತಯಾರಿ ನಡೆಸಿದ್ದಾರೆ. ನಾವು ಶೀಘ್ರದಲ್ಲಿಯೇ ಯಶವರ್ಧನ್ ಚಿತ್ರರಂಗಕ್ಕೆ ಲಾಂಚ್ ಮಾಡಲಿದ್ದೇವೆ ಎಂದು ಹೇಳಿದ್ದಾರೆ. ಇದನ್ನೂ ಓದಿ: ಆಸ್ಟ್ರೇಲಿಯಾ ಪ್ರಧಾನಿ ಸ್ಕಾಟ್ ಮಾರಿಸನ್ ಜೊತೆ ಪಿಎಂ ಮೋದಿ ದ್ವಿಪಕ್ಷೀಯ ಸಭೆ
ಯಶವರ್ಧನ್ ಸಾಜಿದ್ ನಾಡಿಯದ್ವಾಲಾ ಅವರ ಅಡಿಯಲ್ಲಿ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದ್ದಾರೆ. ಅಲ್ಲದೇ ಡಿಶೂಮ್, ಕಿಕ್ 2 ಮತ್ತು ತಡಪ್ ಸೇರಿದಂತೆ ಹಲವಾರು ಸಿನಿಮಾಗಳಲ್ಲಿ ಕೆಲಸ ಮಾಡಿದ್ದಾರೆ.