ರಾಧಿಕಾ ಪಂಡಿತ್ ನೇತೃತ್ವದಲ್ಲಿ ಮಕ್ಕಳ ದರ್ಬಾರ್ ನಡೆದಿದೆ. ತಮ್ಮ ಮಕ್ಕಳಾದ ಆರ್ಯಾ ಮತ್ತು ಯಥರ್ವ ಜೊತೆ ಇತರ ಮಕ್ಕಳೊಂದಿಗೆ ರಾಧಿಕಾ ಸಮಯ ಕಳೆದಿದ್ದಾರೆ. ಆ ಫೋಟೋಗಳನ್ನು ಅವರು ಇನ್ಸ್ಟಾದಲ್ಲಿ ಶೇರ್ ಮಾಡಿ, ಮಕ್ಕಳ ದರ್ಬಾರ್, ಮಕ್ಕಳ ಪಾರ್ಟಿ ಎಂದು ಬರೆದುಕೊಂಡಿದ್ದಾರೆ. ಅಲ್ಲದೇ, ಮಕ್ಕಳ ಜೊತೆ ಆಟವಾಡುತ್ತಿರುವ ಇತರ ಫೋಟೋಗಳನ್ನು ಅವರು ಹಂಚಿಕೊಂಡಿದ್ದಾರೆ.
ಇತ್ತೀಚಿನ ದಿನಗಳಲ್ಲಿ ಮಕ್ಕಳ ಜೊತೆ ಅವರು ಗೋವಾದಲ್ಲಿ ಹೆಚ್ಚು ಸಮಯ ಕಳೆಯುತ್ತಿದ್ದು, ಆ ಸಮಯದ ಕ್ಷಣವನ್ನು ಅವರು ಫೋಟೋಗಳಲ್ಲಿ ಸೆರೆ ಹಿಡಿಯುತ್ತಿದ್ದಾರೆ. ಆ ಸಂಭ್ರಮವನ್ನು ಅವರು ಅಭಿಮಾನಿಗಳ ಜೊತೆ ಹಂಚಿಕೊಳ್ಳುತ್ತಲೇ ಇರುತ್ತಾರೆ. ಈ ಬಾರಿ ಬೀಚ್ ದಂಡೆಯಲ್ಲಿ ಆಟ ಆಡುತ್ತಿರುವುದನ್ನು ಮತ್ತು ಜೋಕಾಲಿಯಲ್ಲಿ ಜೀಕುತ್ತಿರುವುದನ್ನು ಅವರು ಪೋಸ್ಟ್ ಮಾಡಿದ್ದಾರೆ. ಮಕ್ಕಳ ಪಾರ್ಟಿ ಹೇಗಿತ್ತು ಎನ್ನುವುದನ್ನು ಅವರು ಫೋಟೋಗಳ ಮೂಲಕವೇ ವಿವರಿಸುತ್ತಾ ಹೋಗಿದ್ದಾರೆ. ಇದನ್ನೂ ಓದಿ : ಮುಂದಿನ ಚಿತ್ರಕ್ಕಾಗಿ ತೂಕ ಇಳಿಸ್ಕೊತಿರೋ ಯಶ್- ಗಡ್ಡಕ್ಕೂ ಬೀಳಲಿದೆಯಾ ಕತ್ತರಿ?
ಮೊನ್ನೆಯಷ್ಟೇ ಪತಿ ಯಶ್ ಅವರ ಜೊತೆ ಮಕ್ಕಳನ್ನೂ ಕರೆದುಕೊಂಡು ಹೋಗಿ ಕನಕಪುರ ಸಮೀಪದ ಮಿನಿ ಪಕ್ಷಿಗಳ ಧಾಮದಲ್ಲಿ ಕೆಲ ಕ್ಷಣಗಳನ್ನು ರಾಧಿಕಾ ಕಳೆದಿದ್ದರು. ಗಿಣಿಗಳ ಜೊತೆ ಆಟವಾಡುವ ಫೋಟೋಗಳನ್ನು ಅವರು ಶೇರ್ ಮಾಡಿದ್ದರು. ಇದೀಗ ಗೋವಾದಲ್ಲಿ ಮಕ್ಕಳೊಂದಿಗೆ ಕಳೆದ ಕ್ಷಣಗಳನ್ನು ಅಭಿಮಾನಿಗಳಿಗಾಗಿ ಹಂಚಿಕೊಂಡಿದ್ದಾರೆ. ಮಕ್ಕಳ ಪಾಲಕರು ಸಮಯವನ್ನು ಹೇಗೆ ಕೊಡಬೇಕು ಎಂದು ವಿವರಿಸಿದ್ದಾರೆ.
