ತಿರುವನಂತಪುರಂ: ಬಹುಭಾಷಾ ನಟಿಯ ಮೇಲಿನ ಲೈಂಗಿಕ ದೌರ್ಜನ್ಯ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜುಲೈ 10 ರಂದು ಕೇರಳ ಪೊಲೀಸರು ಮಲೆಯಾಳಂ ನಟ ದಿಲೀಪ್‍ರನ್ನು ಬಂಧಿಸಿದ್ದು ಪ್ರಕರಣಕ್ಕೆ ಹೊಸ ತಿರುವು ಸಿಕ್ಕಿದೆ.
ಫೆಬ್ರವರಿಯಲ್ಲಿ ನಟಿಯ ಮೇಲೆ ಲೈಂಗಿಕ ದೌರ್ಜನ್ಯ ನಡೆದ ಬಳಿಕ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಾಕಷ್ಟು ಬೆಳವಣಿಗೆಗಳು ನಡೆದಿದ್ದವು. ಆದ್ರೆ ನಟ ದಿಲೀಪ್ ಅವರ ಬಂಧನದಿಂದ ಪ್ರಮುಖ ತಿರುವು ಸಿಕ್ಕಿದೆ. ಪ್ರಕರಣದ ಪ್ರಮುಖ ಆರೋಪಿ ಪಲ್ಸರ್ ಸುನಿಗೆ ‘ಲಕ್ಷ್ಯ’ದಿಂದ 2 ಲಕ್ಷ ರೂ. ನೀಡಿರೋ ಬಗ್ಗೆ ಸಾಕ್ಷಿ ಇದೆ ಎಂದು ಪೊಲೀಸ್ ಮೂಲಗಳು ತಿಳಿಸಿರುವುದಾಗಿ ಪತ್ರಿಕೆಯೊಂದು ವರದಿ ಮಾಡಿದೆ. ಲಕ್ಷ್ಯ ಆನ್‍ಲೈನ್ ಬಟ್ಟೆ ಅಂಗಡಿಯಾಗಿದ್ದು ದಿಲೀಪ್ ಅವರ ಪತ್ನಿ ಹಾಗೂ ನಟಿ ಕಾವ್ಯಾ ಮಾಧವನ್ ಅವರ ಮಾಲೀಕತ್ವದಲ್ಲಿದೆ. ಆದ್ರೆ ಇದನ್ನ ಅವರ ತಾಯಿ ನಿರ್ವಹಿಸುತ್ತಿದ್ದಾರೆ.
ಇದಲ್ಲದೆ ಪೊಲೀಸರ ಸಂಶಯ ಬಲವಾಗೋದಕ್ಕೆ ಕಾರಣವಾಗಿದ್ದೆಂದರೆ ಫೆಬ್ರವರಿಯಲ್ಲಿ ಈ ಘಟನೆ ನಡೆದ ಮುಂದಿನ ಮೂರು ದಿನಗಳ ಸಿಸಿಟಿವಿ ದೃಶ್ಯಾವಳಿಯನ್ನ ತೆಗೆದುಹಾಕಲಾಗಿದೆ. ದೃಶ್ಯಾವಳಿಗಳನ್ನ ತೆಗೆದುಹಾಕಿದವರಿಂದ ಪೊಲೀಸರು ಹೇಳಿಕೆ ಪಡೆದಿದ್ದಾರೆ. ಮುಚ್ಚಿಡಲು ಏನೂ ಇಲ್ಲವಾದ್ರೆ ಸಿಸಿಟಿವಿ ದೃಶ್ಯಾವಳಿಯನ್ನ ಯಾಕೆ ತೆಗೆದುಹಾಕಬೇಕು ಎಂದು ಪ್ರಶ್ನಿಸಿದ್ದಾರೆ.
ಅಲ್ಲದೆ ಪಲ್ಸರ್ ಸುನಿ ದಿಲೀಪ್ ಅವರಿಗೆ ಬರೆದಿದ್ದ ಪತ್ರದಲ್ಲಿ ತಾನು ಶೋರೂಮ್‍ಗೆ ಭೇಟಿ ನೀಡಿ ಲೈಂಗಿಕ ದೌರ್ಜನ್ಯದ ವಿಡಿಯೋ ಇರುವ ಮೆಮೋರಿ ಕಾರ್ಡ್ ನೀಡಿದ್ದಾಗಿ ಹೇಳಿದ್ದಾನೆ.
ದಿಲೀಪ್ ಹಾಗು ಅವರ ಸ್ನೇಹಿತರಾದ ನಿರ್ದೇಶಕ ಹಾಗೂ ನಿರ್ಮಾಪಕ ನಾದಿರ್ ಶಾ ಅವರ ಹೇಳಿಕೆಗಳು ಒಂದಕ್ಕೊಂದು ವಿರುದ್ಧವಾಗಿವೆ ಎಂದು ಮೂಲಗಳು ಹೇಳಿವೆ. ಪೊಲೀಸ್ ಮೂಲಗಳ ಪ್ರಕಾರ, ದಿಲೀಪ್ ಹಾಗೂ ನಟಿ ಹಲವು ಚಿತ್ರಗಳಲ್ಲಿ ಒಟ್ಟಿಗೆ ಅಭಿನಯಿಸಿದ್ದು, ರಿಯಲ್ ಎಸ್ಟೇಟ್‍ಗೆ ಸಂಬಂಧಿಸಿದಂತೆ ಹಾಗೂ ಕೆಲವು ಹಣಕಾಸು ವ್ಯವಹಾರ ಹೊಂದಿದ್ದರು ಎನ್ನಲಾಗಿದೆ.
ದಿಲೀಪ್ ಹಾಗೂ ಅವರ ಮೊದಲ ಪತ್ನಿ ಮಂಜು ವಾರಿಯರ್ ಅವರ ವೈವಹಿಕ ಜೀವನದಲ್ಲಿ ಬಿರುಕು ಉಂಟಾದಾಗ ನಟಿ ಮಂಜು ಅವರನ್ನು ಬೆಂಬಲಿಸಿದ್ರು. ಆಗಿನಿಂದಲೇ ಇಬ್ಬರನಡುವೆ ಅಪಸ್ವರ ಉಂಟಾಗಿತ್ತು. ನಟಿಯ ಮೇಲೆ ದಾಳಿಗೆ ಚರ್ಚೆ ನಡೆದಿತ್ತು ಎಂದು ಪಲ್ಸರ್ ಸುನಿ ಹೇಳಿಕೊಂಡಿದ್ದಾನೆಂದು ಮೂಲಗಳು ಹೇಳಿವೆ. ಎರಡನೇ ಕಾರಣವೆಂದರೆ ಹಣಕಾಸಿನ ವಿಷಯ. ಆಗಲೇ ದಿಲೀಪ್ ಅವರ ಮ್ಯಾನೇಜರ್ ಹಾಗೂ ಇತರರು ಇದರಲ್ಲಿ ಭಾಗಿಯಾದ್ರು ಎನ್ನಲಾಗಿದೆ.
ಅಲ್ಲದೆ ಪಲ್ಸರ್ ಸುನಿ ಹಾಗೂ ಆತನ ಸ್ನೇಹಿತರು ಸೇರಿದಂತೆ ಈ ಎಲ್ಲರ ಮಧ್ಯೆ ಫೋನ್ ಕರೆಗಳು ಮಾಡಲಾಗಿರುವ ಬಗ್ಗೆ ಪೊಲೀಸರಿಗೆ ಸಾಕ್ಷಿ ಸಿಕ್ಕಿದೆ. ಕೆಲವು ತಿಂಗಳ ಹಿಂದಿನಿಂದಲೂ ಇವರ ಮಧ್ಯೆ ಸಂಭಾಷಣೆ ನಡೆದಿದೆ. ಫೆಬ್ರವರಿಗಿಂತಲೂ ಹಿಂದೆಯೇ ಸಂಚು ರೂಪಿಸಿದ್ದಾರೆ. ಘಟನೆಗೆ ಮುಂಚೆ ಹಾಗೂ ಘಟನೆಯ ಬಳಿಕ ವಿವಿಧ ಫೋನ್‍ಗಳಿಂದ ಮಡಲಾಗಿರುವ ಕರೆಗಳು ಈ ಪ್ರಕರಣದ ಪ್ರಮುಖ ಸಾಕ್ಷಿಗಳು ಎಂದು ಪೊಲೀಸರು ಹೇಳಿದ್ದಾರೆ.
ಸುನಿ ಕೂಡ ಈ ಹಿಂದೆ ಮುಖೇಶ್ ಸೇರಿದಂತೆ ಹಲವು ನಟರೊಂದಿಗೆ ನಟಿಸಿದ್ದಾನೆ. ಪೊಲೀಸರ ಪ್ರಕಾರ ಮುಖೇಶ್‍ರಿಂದಲೇ ದಿಲೀಪ್ ಅವರಿಗೆ ಸುನಿಯ ಪರಿಚಯವಾಗಿತ್ತು. ಆದ್ರೆ ಮೊದಲು ಸುನಿಯನ್ನು ಕೆಲಸಕ್ಕೆ ಸೇರಿಸಿಕೊಂಡಿದ್ದ ಮುಖೇಶ್ ಆತನನ್ನು ತೆಗೆದುಹಾಕಿದ್ದರು ಎಂದು ಪೊಲೀಸರು ಹೇಳಿದ್ದಾರೆ.
ನಮಗೆ ತಿಳಿದಿರುವ ಮಾಹಿತಿಯ ಪ್ರಕಾರ ದಿಲೀಪ್ ಮತ್ತು ಪಲ್ಸರ್ ಸುನಿ ತುಂಬಾ ಆತ್ಮೀಯತೆ ಹೊಂದಿದ್ದರು. ಚಿತ್ರೀಕರಣದ ಸೆಟ್‍ನಲ್ಲಿ ತೆಗೆಯಲಾದ ಕೆಲವು ಫೋಟೋಗಳು ಇದಕ್ಕೆ ಪುಷ್ಠಿ ನೀಡುತ್ತವೆ. ಕೆಲವು ಸಮಯದಿಂದ ದಿಲೀಪ್ ಅವರೊಂದಿಗೆ ಈತ ಒಡನಾಟ ಹೊಂದಿದ್ದಾನೆ. ಆದ್ರೆ ಇವರ ಮೂಲ ಉದ್ದೇಶ ಬ್ಲಾಕ್‍ಮೇಲ್ ಮಾಡುವುದಾಗಿತ್ತು. ನಟಿ ಪೊಲೀಸ್ ಠಾಣೆಗೆ ಹೋಗಿ ದೂರು ನೀಡ್ತಾರೆ ಎಂದು ಅವರು ನಿರೀಕ್ಷಿಸಿರಲಿಲ್ಲ ಎಂದು ಪೊಲೀಸ್ ಮೂಲಗಳು ಹೇಳಿವೆ.
ದುಲ್ಕರ್ ಸಲ್ಮಾನ್ ಅವರು ಕಾರ್‌ಗಳ ಕ್ರೇಜ್ ಹೊಂದಿದ್ದ ನಟರಲ್ಲಿ ಒಬ್ಬರಾಗಿದ್ದಾರೆ. ಇವರು ಹಲವಾರು ವಿದೇಶಿ ಬ್ರ್ಯಾಂಡ್‌ನ ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ. ಅಲ್ಲದೇ ವಿದೇಶಗಳಿಂದ ಲಿಮಿಟೆಡ್ ಎಡಿಷನ್‌ನ ಕಾರುಗಳನ್ನು ಖರೀದಿಸಿದ್ದಾರೆ.
