Tag: ಭವನೇಶ್ವರ

ಭುವನೇಶ್ವರ: ಸಾಮಾನ್ಯವಾಗಿ ಎಲ್ಲರೂ ಹಬ್ಬ-ಹರಿದಿನಗಳ ಸಂದರ್ಭದಲ್ಲಿ ಮನೆಗಳಲ್ಲಿ ಬಣ್ಣ-ಬಣ್ಣದ ರಂಗೋಲಿಯನ್ನು ಹಾಕುತ್ತಾರೆ. ಆದರೆ ಒಡಿಶಾದಲ್ಲಿ ಪುಷ್ಪಾಲಂಕರಗಳ ಮೂಲಕ ವಿವಿಧ ರೀತಿಯ ವಿನ್ಯಾಸಗಳಲ್ಲಿ ರಂಗೋಲಿಯನ್ನು ಬಿಡಿಸಲಾಗಿದೆ. ಅವು ನೋಡುಗರ ಗಮನವನ್ನು ಸೆಳೆಯುತ್ತಿದೆ.

ಲಲಿತ್ ಕಲಾ ಅಕಾಡೆಮಿ (ಆರ್ಟ್ ಗ್ಯಾಲರಿ) ಕಳೆದ ವಾರ ನಗರದ ಪ್ರಸಿದ್ಧ ಒಡಿಸ್ಸಿ ನರ್ತಕಿ ಜನ್ಹಾಬಿ ಬೆಹೆರಾರಿಂದ ಹೂವುಗಳಿಂದ ಮಾಡಿದ ರಂಗೋಲಿಯ ಪ್ರದರ್ಶನವನ್ನು ಏರ್ಪಡಿಸಲಾಗಿತ್ತು. ಅಲ್ಲಿ ಪ್ರದರ್ಶನ ಕಂಡ ಹೂ ರಂಗೋಲಿಗಳು ತುಂಬಾ ಆಕರ್ಷಕವಾಗಿದ್ದವು.

ಲಿಲ್ಲಿಗಳು, ಜಾಸ್ಮಿನ್, ಗುಲಾಬಿ ದಳಗಳು, ಚೆಂಡು ಹೂ (ಮಾರಿಗೋಲ್ಡ್) ಸುಗಂಧರಾಜ ಮತ್ತು ಒಣಗಿದ ಎಲೆಗಳನ್ನು ಈ ಚಿತ್ತಾರವಾದ ರಂಗೋಲಿಗಳಿಗಾಗಿ ಬಳಸಿಕೊಳ್ಳಲಾಗಿದೆ. ಇವುಗಳೆಲ್ಲವನ್ನು ಬಳಸಿಕೊಂಡು ವರ್ಣರಂಜಿತವಾದ ಮಾದರಿಗಳಲ್ಲಿ ರಂಗೋಲಿ ಬಿಡಿಸಲಾಗಿದೆ.

ಈ ಬಗ್ಗೆ ಪ್ರತಿಕ್ರಿಯಿಸಿದ ಕಲಾವಿದೆ, “ನಾನು ಯಾವಾಗಲೂ ಹೂವುಗಳಿಗೆ ಆಕರ್ಷಿತನಾಗಿದ್ದೇನೆ. ಅವು ಪ್ರಕೃತಿಯ ಸೌಂದರ್ಯದ ಅಭಿವ್ಯಕ್ತಿಗಳು. ನಾನು ಗಿಡದಿಂದ ಹೂವುಗಳನ್ನು ಕೀಳುವುದನ್ನು ಇಷ್ಟ ಪಡುವುದಿಲ್ಲ. ಆದರೂ ನಮಗೆ ಯಾವಾಗಲೂ ಪ್ರದರ್ಶನದ ನಂತರ ಹೂವುಗಳನ್ನು ಉಡುಗೊರೆಯಾಗಿ ನೀಡುತ್ತಾರೆ. ನಾನು ಈ ಹೂವುಗಳನ್ನು ಮನೆಗೆ ತರುತ್ತೇನೆ. ಬಳಿಕ ಆ ಹೂವುಗಳಿಂದಲೇ ರಂಗೋಲಿ ಬಿಡಿಸುತ್ತೇನೆ. ಆದ್ದರಿಂದ ಹೂ ವ್ಯರ್ಥವಾಗಲ್ಲ ಎಂದು ಹೇಳಿದ್ದಾರೆ.

ಈ ರೀತಿ ಉಡುಗೊರೆಯಾಗಿ ಬಂದಂತ ಹೂಗಳಿಂದ ರಂಗೋಲಿ ಬಿಡಿಸುತ್ತಿದ್ದರು. ಬಳಿಕ ಜನರು ಕೂಡ ಅವರ ಕೆಲಸವನ್ನು ಮೆಚ್ಚಿಕೊಂಡಿದ್ದು, ಕಾಲಕ್ರಮೇಣ ಸಾಮಾಜಿಕ ಜಾಲತಾಣಗಲ್ಲಿ ಸರಳವಾದ ಹೂವಿನ ರಂಗೋಲಿ ವಿಡಿಯೋಗಳನ್ನು ಅಪ್ಲೋಡ್ ಮಾಡಲು ಆರಂಭಿಸಿದರು. ನಂತರ ವಿಡಿಯೋ ನೋಡಿ ಅವರ ಸ್ನೇಹಿತರು ಮತ್ತು ಹಲವಾರು ಪ್ರೋತ್ಸಾಹಿಸಿದರು. ಜನರ ಪ್ರೋತ್ಸಾಹದಿಂದ  ಜನ್ಹಾಬಿ ಬೆಹೆರಾ ಅವರು ” Phula Re Phula Re: A Story in Flowers”ಎಂಬ ಶೀರ್ಷಿಕೆಯಡಿಯಲ್ಲಿ ಹೂ ರಂಗೋಲಿ ಪ್ರದರ್ಶನಗಳನ್ನು ಪ್ರದರ್ಶಿಸಲು ನಿರ್ಧರಿಸಿದ್ದರು.

ಹೀಗೆ ಅಭಿವೃದ್ಧಿ ಪಡೆದ ಹೂ ರಂಗೋಲಿ ಒಡಿಶಾದ ಕೆಲವು ಶ್ರೇಷ್ಠ ಕೈಮಗ್ಗದಿಂದ ಸ್ಫೂರ್ತಿ ಪಡೆದ ಪ್ರಸಿದ್ಧ ಪಸಾಪಾಲಿ ಮಾದರಿಯನ್ನು ಬಿಡಿಸುತ್ತಿದ್ದರು. ಸಾಮಾನ್ಯವಾಗಿ ಒಂದು ವಿನ್ಯಾಸವನ್ನು ಪೂರ್ಣಗೊಳಿಸಲು ಸುಮಾರು ಎರಡು ಗಂಟೆಗಳ ಕಾಲ ತೆಗೆದುಕೊಳ್ಳುತ್ತದೆ. ನಾನು ಪ್ರಮುಖವಾಗಿ ಮಾರಿಗೋಲ್ಡ್ ಹೂವುಗಳ ಮೂಲಕ ಅಧಿಕವಾಗಿ ರಂಗೋಲಿಯನ್ನು ಬಿಡಿಸುತ್ತಿದ್ದೇನೆ ಎಂದು ಜನ್ಹಾಬಿ ಬೆಹೆರಾ ಹೇಳಿದ್ದಾರೆ.