ಕನ್ನಡ, ತೆಲುಗು, ಹಿಂದಿ ಬಿಗ್ ಬಾಸ್‌ಗಳು ಏಕಕಾಲಕ್ಕೆ ಸದ್ದು ಮಾಡುತ್ತಿರುವ ಬೆನ್ನಲ್ಲೇ ತಮಿಳಿನಲ್ಲೂ ಬಿಗ್ ಬಾಸ್(Bigg Boss Tamil 6) ಹವಾ ಶುರುವಾಗಿದೆ. ಕನ್ನಡ ಕಿರುತೆರೆಯಲ್ಲಿ ಮೋಡಿ ಮಾಡಿದ್ದ ಚೆಲುವೆ ರಚಿತಾ ಮಹಾಲಕ್ಷ್ಮಿ ಇದೀಗ ತಮಿಳಿನ ಬಿಗ್ ಬಾಸ್‌ಗೆ ಲಗ್ಗೆ ಇಟ್ಟಿದ್ದಾರೆ.
View this post on Instagram
ಕಮಲ್ ಹಾಸನ್ (Kamal Hassan) ನೇತೃತ್ವದಲ್ಲಿ ತಮಿಳು ಬಿಗ್ ಬಾಸ್(Bigg Boss Tamil) ಮೂಡಿ ಬರುತ್ತಿದ್ದು, ಕನ್ನಡ ಮತ್ತು ತಮಿಳಿನಲ್ಲಿ ಮೋಡಿ ಮಾಡಿರುವ ಕನ್ನಡತಿ ರಚಿತಾ ದೊಡ್ಮನೆಗೆ ಕಾಲಿಟ್ಟಿದ್ದಾರೆ. ಬೆಂಗಳೂರಿನ ಹುಡುಗಿಯಾಗಿರುವ ರಚಿತಾ ಮಹಾಲಕ್ಷ್ಮಿ (Rachitha Mahalakshmi) ಕನ್ನಡದ ಮೇಘ ಮಂದಾರ, ಸುಪ್ರಭಾತ, ಸವಿಗನಸು, ಹೀಗೆ ಸಾಕಷ್ಟು ಸೀರಿಯಲ್ ಮೂಲಕ ನಟಿ ಫೇಮಸ್ ಆಗಿದ್ದಾರೆ. ಇದನ್ನೂ ಓದಿ:ಭಾಷೆ ಬತ್ತಳಿಕೆ ಇಟ್ಕೊಂಡು ಆಟ ಆಡಬೇಡಿ: ರೂಪೇಶ್‌ ರಾಜಣ್ಣಗೆ ಸಂಬರ್ಗಿ ವಾರ್ನಿಂಗ್‌
View this post on Instagram
ಕನ್ನಡದ ಸೂಪರ್ ಹಿಟ್ ಸೀರಿಯಲ್‌ಗಳ ನಂತರ ತಮಿಳು ಮತ್ತು ತೆಲುಗು ಕಿರುತೆರೆಯಲ್ಲಿ ನಟಿಗೆ ಅವಕಾಶಗಳು ಅರಸಿ ಬಂತು. ಅಲ್ಲಿಯೂ ಕೂಡ ನಟಿ ರಚಿತಾ ನಟಿಸಿರುವ ಸೀರಿಯಲ್ ಸೂಪರ್ ಹಿಟ್ ಆಯ್ತು. ಪತಿಯಿಂದ ದೂರವಾಗಿ ಒಬ್ಬಂಟಿಯಾಗಿ ಜೀವನ ಸಾಗಿಸುತ್ತಿದ್ದಾರೆ. ಇದೀಗ 20 ಸ್ಪರ್ಧಿಗಳ ಮಧ್ಯೆ ತಾವು ಒಬ್ಬರಾಗಿ ಹೊಸ ಹುರುಪಿನೊಂದಿಗೆ ತಮಿಳು ಬಿಗ್ ಬಾಸ್‌ಗೆ ನಟಿ ಕಾಲಿಟ್ಟಿದ್ದಾರೆ.
ಈ ಶೋನಲ್ಲಿ ರಚಿತಾ ಅವರನ್ನು ಸೂಪರ್ ಸ್ಟಾರ್ ಕಮಲ್ ಹಾಸನ್ ಕನ್ನಡದಲ್ಲಿಯೇ ಮಾತನಾಡಿಸಿದ್ದಾರೆ. ಇನ್ನೂ ತಮಿಳು ಬಿಗ್ ಬಾಸ್‌ಗೆ ಎಂಟ್ರಿ ಕೊಟ್ಟಿರುವ ನೆಚ್ಚಿನ ನಟಿಗೆ ಅಭಿಮಾನಿಗಳು ಸಾಮಾಜಿಕ ಜಾಲತಾಣದ ಮೂಲಕ ಶುಭಹಾರೈಸಿದ್ದಾರೆ.