Bloggers Unite

Tag: ಬಜೆಟ್ 2021

  • ಉನ್ನತ ಶಿಕ್ಷಣಕ್ಕೆ ಉತ್ತೇಜನ, ಸಂಶೋಧನೆ ಅಗ್ರಮಾನ್ಯತೆ – ರಾಷ್ಟ್ರ ನಿರ್ಮಾಣಕ್ಕೆ ಪೂರಕ ಬಜೆಟ್ ಅಂದ್ರು ಅಶ್ವಥ್ ನಾರಾಯಣ್

    ಉನ್ನತ ಶಿಕ್ಷಣಕ್ಕೆ ಉತ್ತೇಜನ, ಸಂಶೋಧನೆ ಅಗ್ರಮಾನ್ಯತೆ – ರಾಷ್ಟ್ರ ನಿರ್ಮಾಣಕ್ಕೆ ಪೂರಕ ಬಜೆಟ್ ಅಂದ್ರು ಅಶ್ವಥ್ ನಾರಾಯಣ್

    ಬೆಂಗಳೂರು: ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಇಂದು ಮಂಡಿಸಿರುವ ಬಜೆಟ್ ಅತ್ಯುತ್ತಮವಾದದ್ದು, ಕೋವಿಡ್ ನಂತರ ದೇಶವನ್ನು ಅಭಿವೃದ್ಧಿ ಪಥದಲ್ಲಿ ಸಮರ್ಥವಾಗಿ ಮುನ್ನಡೆಸುವ ಕ್ರಮಗಳನ್ನು ಕೈಗೊಂಡಿದ್ದಾರೆ ಎಂದು ಉಪ ಮುಖ್ಯಮಂತ್ರಿ ಡಾ.ಸಿ.ಎನ್ ಅಶ್ವಥ್ ನಾರಾಯಣ್ ಶ್ಲಾಘಿಸಿದ್ದಾರೆ.

    ಮುಖ್ಯವಾಗಿ ಸಂಶೋಧನೆಗೆ ಹೆಚ್ಚು ಒತ್ತು ನೀಡಿರುವ ಅವರು ಮುಂದಿನ ಐದು ವರ್ಷಗಳಲ್ಲಿ 50,000 ಕೋಟಿ ರೂ.ಗಳನ್ನು ವೆಚ್ಚ ಮಾಡುವುದಾಗಿ ಘೋಷಿಸಿದ್ದಾರೆ. ಜೊತೆಗೆ ರಾಷ್ಟ್ರೀಯ ಸಂಶೋಧನಾ ಪ್ರತಿಷ್ಠಾನ ಸ್ಥಾಪನೆ ಮಾಡುವುದಾಗಿ ಹೇಳಿದ್ದಾರೆ. ನೂತನ ರಾಷ್ಟ್ರೀಯ ಶಿಕ್ಷಣ ನೀತಿ ಜಾರಿಯಾಗುತ್ತಿರುವ ಈ ಹೊತ್ತಿನಲ್ಲಿ ಗುಣಮಟ್ಟದ ಶಿಕ್ಷಣ ಉದ್ದೇಶ ಸಾಕಾರಕ್ಕಾಗಿ ಈ ಉಪಕ್ರಮ ದೊಡ್ಡ ಹೆಜ್ಜೆಯಾಗಿದೆ ಎಂದಿದ್ದಾರೆ.

    ರಾಷ್ಟ್ರೀಯ ಶಿಕ್ಷಣ ನೀತಿ ಜಾರಿಯಾಗುತ್ತಿರುವ ಈ ಸಂದರ್ಭದಲ್ಲಿ ಉನ್ನತ ಶಿಕ್ಷಣಕ್ಕೆ ಹೆಚ್ಚು ಆದ್ಯತೆ ಸಿಕ್ಕಿದೆ. ಕಳೆದ ಬಜೆಟ್‍ನಲ್ಲಿಯೇ ಭಾರತೀಯ ಉನ್ನತ ಶಿಕ್ಷಣ ಆಯೋಗ ಸ್ಥಾಪನೆ ಬಗ್ಗೆ ಪ್ರಸ್ತಾಪ ಮಾಡಲಾಗತ್ತು. ಆಯೋಗ ರಚನೆಗೆ ಈ ವರ್ಷ ಕಾಯ್ದೆ ಜಾರಿಗೊಳಿಸುವುದಾಗಿ ವಿತ್ತ ಸಚಿವರು ಪ್ರಕಟಿಸಿದ್ದಾರೆ. ಇದರಲ್ಲಿ ಒಂದೇ ವೇದಿಕೆಯಡಿಯಲ್ಲಿ ಗುಣಮಟ್ಟ ನಿಗದಿ ಮಾಡುವುದು, ಮಾನ್ಯತೆ, ನಿಯಂತ್ರಣ ಹಾಗೂ ಹಣಕಾಸು ನೆರವಿನ ನಾಲ್ಕು ಪ್ರತ್ಯೇಕ ವಿಭಾಗಗಳಿರುತ್ತವೆ. ರಾಷ್ಟ್ರೀಯ ಉನ್ನತ ಶಿಕ್ಷಣ ಆಯೋಗ ರಚನೆಯಾದರೆ ಉನ್ನತ ಶಿಕ್ಷಣಕ್ಕೆ ಆನೆ ಬಲ ಬರಲಿದೆ ಎಂದು ತಿಳಿಸಿದ್ದಾರೆ.

    ಲೇಹ್‍ನಲ್ಲಿ ಕೇಂದ್ರಿಯ ವಿಶ್ವವಿದ್ಯಾಲಯ ಸ್ಥಾಪನೆ ಮಾಡುವುದು ಅತ್ಯಂತ ಮಹತ್ವದ ಘೋಷಣೆ. ಪ್ರಾಥಮಿಕ ಅಂದರೆ ಶಾಲಾ ಶಿಕ್ಷಣದಲ್ಲಿ 15,000ಕ್ಕೂ ಹೆಚ್ಚು ಶಾಲೆಗಳನ್ನು ಗುಣಾತ್ಮಕವಾಗಿ ಬಲಪಡಿಸಲಾಗುತ್ತದೆ ಎಂಬುದು ಕೂಡ ಪ್ರಮುಖ ಘೋಷಣೆ. ರಾಷ್ಟ್ರೀಯ ಶಿಕ್ಷಣ ನೀತಿಯ ಹಿನ್ನೆಲೆಯಲ್ಲಿ ಇವಿಷ್ಟೂ ಶಾಲೆಗಳನ್ನು ಉನ್ನತ ಮಟ್ಟಕ್ಕೇರಿಸಲಾಗುವುದು. ರಾಷ್ಟ್ರೀಯ ಶಿಕ್ಷಣ ನೀತಿ ಜಾರಿಗೆ ಎಲ್ಲ ರೀತಿಯ ಸಹಕಾರ ನೀಡಲಾಗುವುದು ಎಂಬ ಸಚಿವರ ಹೇಳಿಕೆ ಸ್ವಾಗತಾರ್ಹ ಎಂದು ಹೇಳಿದ್ದಾರೆ.

    ರೈತರಿಗೆ ನೀಡುತ್ತಿರುವ ಕನಿಷ್ಠ ಬೆಂಬಲ ಬೆಲೆ ನಿಲ್ಲಿಸುವುದಿಲ್ಲ ಎಂದು ವಿತ್ತ ಸಚಿವರು ಘೋಷಿಸಿದ್ದಾರೆ. ಇದು ರೈತರ ಬಗ್ಗೆ ಕೇಂದ್ರ ಸರಕಾರಕ್ಕಿರುವ ಬದ್ಧತೆ. ಕೇಂದ್ರದ ಕೃಷಿ ಕಾಯ್ದೆಗಳ ವಿರುದ್ಧ ಅನಗತ್ಯವಾಗಿ ಉಯಿಲೆಬ್ಬಿಸುವವರಿಗೆ ಸ್ಪಷ್ಟ ಉತ್ತರ ನೀಡಿದ್ದಾರೆ. ಭತ್ತಕ್ಕೆ ಕನಿಷ್ಠ ಬೆಂಬಲ ಬೆಲೆ ಘೋಷಿಸಿರುವುದರಿಂದ 1.54 ಕೋಟಿ ರೈತರಿಗೆ ಪ್ರಯೋಜನವಾಗಲಿದೆ. ಇದು ಸಾಮಾನ್ಯ ಸಂಗತಿಯಲ್ಲ ಎಂದಿರುವ ಡಿಸಿಎಂ, ಕೋವಿಡ್ ಹಿನ್ನೆಲೆಯಲ್ಲಿ 27.1 ಲಕ್ಷ ಕೋಟಿ ರೂಪಾಯಿ ಪ್ಯಾಕೇಜ್ ಘೋಷಿಸಿರುವುದು, ಆರೋಗ್ಯ ಕ್ಷೇತ್ರಕ್ಕೆ ಅಗ್ರಮಾನ್ಯತೆ ನೀಡಿರುವುದು ಕ್ರಾಂತಿಕಾರಕ ಅಂಶ ಎಂದು ತಿಳಿಸಿದ್ದಾರೆ.

    ಬೆಂಗಳೂರು ನಗರದ ನಮ್ಮ ಮೆಟ್ರೋಗೆ 14,788 ಕೋಟಿ ರೂ. ಅನುದಾನವನ್ನು ಕೇಂದ್ರ ವಿತ್ತ ಸಚಿವರು ಘೋಷಿಸಿದ್ದಾರೆ. ಇದು ಬೆಂಗಳೂರು ಜನರಿಗೆ ಸಿಕ್ಕಿರುವ ದೊಡ್ಡ ಗಿಫ್ಟ್. ರೈಲ್ವೇ ಮಿಷನ್ 2030 ಯೋಜನೆಯನ್ನು ದೃಷ್ಟಿಯಲ್ಲಿಟ್ಟುಕೊಂಡು ಅವರು ಮೆಟ್ರೋಗೆ ಹೆಚ್ಚಿನ ಅನುದಾನ ಘೋಷಣೆ ಮಾಡಿದ್ದಾರೆ. ಇದು ಸಂತಸದ ಸಂಗತಿ. ನಿರ್ಮಲಾ ಸೀತಾರಾಮನ್ ಅವರು ದೇಶವನ್ನು ಎಲ್ಲ ಆಯಾಮಗಳ ಒಳಗೊಂಡಂತೆ ಪ್ರಗತಿಯತ್ತ ಮುನ್ನಡೆಸಲು ಬೇಕಾದ ಸಮರ್ಥ ಕಾರ್ಯಸೂಚಿಯನ್ನು ಅನಾವರಣ ಮಾಡಿದ್ದಾರೆ. ಜೊತೆಗೆ ತುರ್ತು ಆದ್ಯತೆಗಳ ಬಗ್ಗೆ ಗಮನ ಹರಿಸಿದ್ದಾರೆ.

  • ಬಜೆಟ್ 2021 – ಯಾವುದರ ಬೆಲೆ ಏರಿಕೆ? ಇಳಿಕೆ?

    ಬಜೆಟ್ 2021 – ಯಾವುದರ ಬೆಲೆ ಏರಿಕೆ? ಇಳಿಕೆ?

    ನವದೆಹಲಿ: ಇಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಕೇಂದ್ರ ಬಜೆಟ್ ಮಂಡಿಸಿದ್ದು, ಆಮದು ಸುಂಕವನ್ನ ಏರಿಕೆ ಮಾಡಿದ್ದಾರೆ. ಆಮದು ಸುಂಕ ಏರಿಕೆ ಹಿನ್ನೆಲೆ ರೆಫ್ರಿಜಿರೇಟರ್, ಏರ್ ಕಂಡೀಷನರ್, ಮದ್ಯ, ಕಚ್ಚಾ ರೇಷ್ಮೆ, ಸ್ಪಾಂಡೆಕ್ಸ್ ಫೈಬರ್, ಸೋಲಾರ್ ಲ್ಯಾಂಟೆನ್ರ್ಸ್, ಮೊಬೈಲ್ ಫೋನ್, ಪವರ್ ಬ್ಯಾಂಕ್ ಬೆಲೆ ಏರಿಕೆಯಾಗಲಿದೆ.

    ಮೊಬೈಲ್ ಫೋನ್ ಬಿಡಿಭಾಗಳು ಮತ್ತು ಪವರ್ ಬ್ಯಾಂಕ್ ಮೇಲೆ ಅಬಕಾರಿ ಸುಂಕ ಏರಿಕೆ ಮಾಡಲಾಗಿದ್ದು, ಆದ್ರೆ ಚಿನ್ನ ಮತ್ತು ಬೆಳ್ಳಿ ಮೇಲಿನ ತೆರಿಗೆಯನ್ನ ಇಳಿಕೆ ಮಾಡಲಾಗಿದೆ. ರೆಫ್ರಿಜಿರೇಟರ್, ಏರ್ ಕಂಡೀಷನರ್ ಬಿಡಿ ಭಾಗಗಳ ಮೇಲಿನ ಆಮದು ತೆರಿಗೆ ಶೇ.12.5 ರಿಂದ ಶೇ.15ಕ್ಕೆ ಏರಿಕೆ ಮಾಡಲಾಗಿದೆ. ಏಪ್ರಿಲ್ ಒಂದರಿಂದ ಈ ಉತ್ಪನ್ನಗಳ ಬೆಲೆ ಹೆಚ್ಚಾಗಲಿದೆ.

    ವಿತ್ತ ಸಚಿವರು ಭಾರತದಲ್ಲಿ ಸಿದ್ಧವಾಗುವ ಉತ್ಪನ್ನಗಳ ಮಾರಾಟಕ್ಕೆ ಉತ್ತೇಜನ ನೀಡಿದ್ದಾರೆ. ವಿಶೇಷವಾಗಿ ಸಣ್ಣ ಮತ್ತು ಅತಿ ಸಣ್ಣ ಉದ್ಯಮಗಳಿಗೆ ಬೆಳವಣಿಗೆಗೆ ಸಹಕಾರಿಯಾಗುವ ಕೆಲ ಘೋಷಣೆಗಳನ್ನ ಘೋಷಿಸಿದ್ದಾರೆ. ಎಂಎಸ್‍ಎಂಇ ಗಳು ಉತ್ತಮ ಗುಣಮಟ್ಟ ಮತ್ತು ಬಾಳಿಕೆ ಹೊಂದಿರುತ್ತವೆ. ಹಾಗಾಗಿ ಫಿನಿಶಡ್ ಸಿಂಥೆಟಿಕ್ ಜೆಮ್ ಸ್ಟೋನ್ ಮೇಲೆ ತೆರಿಗೆ ಏರಿಕೆ ಮಾಡಲಾಗಿದೆ. ಇದರಿಂದ ದೇಶಿಯ ಉತ್ಪನ್ನಗಳಿಗೆ ಮಾರುಕಟ್ಟೆ ಸೃಷ್ಟಿ ಆಗಲಿದೆ.

    ಆಟೋಮೊಬೈಲ್ ವಲಯದ ಉತ್ಪನ್ನಗಳಾದ ವೈರಿಂಗ್ ಸೆಟ್, ಸೇಫ್ಟಿ ಗ್ಲಾಸ್ ಮತ್ತು ಸಿಗ್ನಲ್ ಉಪಕರಣಗಳ ಮೇಲಿನ ತೆರಿಗೆ ಶೇ.7.5/10ರಿಂದ ಶೇ.15ಕ್ಕೆ ಏರಿಕೆ ಕಾಣಲಿದೆ. ಪೆಟ್ರೋಲಿಯಂ ಮತ್ತು ರಬ್ಬರ್ ಉತ್ಪನ್ನಗಳ ಮೇಲಿನ ಸೆಸ್ ಶೇ.2.5 ಇಳಿಕೆಯಾಗಲಿದೆ. ಚಿನ್ನ ಮತ್ತು ಬೆಳ್ಳಿ ಆಮದು ಸುಂಕ ಶೇ. 7.5ರಷ್ಟು ಇಳಿಕೆಯಾಗಿದ್ದು, ಪ್ಲಾಟಿನಂ, ಹವಳ ಮೇಲೆ ತೆರಿಗೆ ಶೇ.12.5ರಿಂದ ಶೇ.10ಕ್ಕೆ ಇಳಿಕೆಯಾಗಿದೆ.

    ಯಾವುದರ ಬೆಲೆ ಹೆಚ್ಚಳ?:
    * ಮೊಬೈಲ್ ಫೋನ್, ಪವರ್ ಬ್ಯಾಂಕ್, ಚಾರ್ಜರ್
    * ಕಾಟನ್ ಬಟ್ಟೆ
    * ವಿದೇಶಿ ಮದ್ಯ, ವಿದೇಶಿ ಬಟ್ಟೆ
    * ರೆಫ್ರಿಜಿಟರೇಟರ್
    * ಏರ್ ಕಂಡೀಷನರ್
    * ವಿದೇಶಿ ಆಟಿಕೆ ವಸ್ತುಗಳು
    * ಪೆಟ್ರೋಲ್ ಮತ್ತು ಡೀಸೆಲ್

    ಯಾವುದರ ಬೆಲೆ ಕಡಿಮೆ?
    * ಚಿನ್ನ ಮತ್ತು ಬೆಳ್ಳಿ
    * ಪೆಟ್ರೋಲಿಯಂ ಮತ್ತು ರಬ್ಬರ ಉತ್ಪನ್ನಗಳು
    * ಪೇಂಟ್
    * ಕಾಪರ್ ಸ್ಕ್ರಾಪ್, ಮೆಟಲ್ ಕಾಯಿನ್
    * ನೈಲಾನ್ ಫೈಬರ್
    * ಪ್ಲಾಟಿನಂ
    * ಚರ್ಮದ ವಸ್ತುಗಳು

  • ರೈತರ ಆದಾಯ ವೃದ್ಧಿಗೆ ಬಜೆಟ್‍ನಲ್ಲಿ ನಿರ್ಮಲಾ ಸೂತ್ರಗಳು

    ರೈತರ ಆದಾಯ ವೃದ್ಧಿಗೆ ಬಜೆಟ್‍ನಲ್ಲಿ ನಿರ್ಮಲಾ ಸೂತ್ರಗಳು

    ನವದೆಹಲಿ: ಸರ್ಕಾರ ರೈತರ ಪರವಾಗಿದ್ದು, ಅವರ ಅಭಿವೃದ್ಧಿಗೆ ಪ್ರತಿಬದ್ಧವಾಗಿದೆ ಎಂದ ವಿತ್ತ ಸಚಿವರು ಅನ್ನದಾತರ ಆದಾಯ ಹೆಚ್ಚಳಕ್ಕೆ ಕೆಲವು ಸೂತ್ರಗಳನ್ನ ಘೋಷಣೆ ಮಾಡಿದರು.

    ಸರ್ಕಾರ 2022ರೊಳಗೆ ರೈತರ ಆದಾಯವನ್ನ ದ್ವಿಗುಣಗೊಳಿಸುವ ಕಾರ್ಯದಲ್ಲಿ ಯಶಸ್ಸಿನ ಹೆಜ್ಜೆ ಇರಿಸಿದೆ. ಪ್ರಧಾನಿಗಳು 8 ಕೋಟಿಗೂ ಅಧಿಕ ಕುಟುಂಬಗಳಿಗೆ ಉಚಿತ ಗ್ಯಾಸ್ ನೀಡಿದ್ದಾರೆ. 4 ಕೋಟಿಗೂ ಅಧಿಕ ರೈತ, ಮಹಿಳೆಯರು ಮತ್ತು ಬಡವರ ಖಾತೆಗೆ ನೇರ ನಗದು ವರ್ಗಾವಣೆ ಮಾಡಲಾಗಿದೆ.

    2013-14ರಲ್ಲಿ ಸರ್ಕಾರ ಗೋಧಿ ಖರೀದಿಗಾಗಿ 33 ಸಾವಿರ ಕೋಟಿ ರೂ. ಖರ್ಚು ಮಾಡಿತ್ತು. 2019ರಲ್ಲಿ 63 ಸಾವಿರ ಕೋಟಿ ರೂ. ಖರೀದಿಸಿದ್ರೂ ಅದು 75 ಸಾವಿರ ಕೋಟಿಗೆ ಏರಿಕೆಯಾಯ್ತು. 2020-21ರಲ್ಲಿ 43 ಲಕ್ಷ ರೈತರಿಗೆ ಇದರ ಲಾಭ ಪಡೆದಿದ್ದಾರೆ.

    ಧಾನ್ಯಗಳ ಖರೀದಿಗೆ ಸರ್ಕಾರ 2013-14ರಲ್ಲಿ 63 ಸಾವಿರ ಕೋಟಿ ಖರ್ಚು ಮಾಡಿತ್ತು. ಆದ್ರೆ 1 ಲಕ್ಷ 45 ಸಾವಿರ ಕೋಟಿಗೆ ಏರಿಕೆ ಆಯ್ತು. ಈ ವರ್ಷ ಧಾನ್ಯ ಖರೀದಿಯ ಮೊತ್ತ 1.72 ಲಕ್ಷ ಕೋಟಿಗೆ ಏರಿಕೆಯಾಗುವ ಸಾಧ್ಯತೆಗಳಿವೆ. ಕಳೆದ ಬಾರಿ 1.2 ಕೋಟಿ ರೈತರಿಗೆ ಧಾನ್ಯ ಖರೀದಿಯಿಂದ ಲಾಭವಾಗಿತ್ತು. ಈ ವರ್ಷ ಸುಮಾರು 1.5 ಕೋಟಿ ರೈತರು ಲಾಭ ಪಡೆಯಲಿದ್ದಾರೆ. ಇದನ್ನೂ ಓದಿ: ಕೋವಿಡ್ ಲಸಿಕೆಗೆ 35 ಸಾವಿರ ಕೋಟಿ

    2014ರಲ್ಲಿ ಬೇಳೆ ಖರೀದಿಗಾಗಿ 236 ಕೋಟಿ ರೂ. ವ್ಯಯಿಸಲಾಗಿತ್ತು. ಈ ವರ್ಷ ಸರ್ಕಾರ 10 ಸಾವಿರ 500 ಕೋಟಿಯಷ್ಟು ಬೇಳೆ ಖರೀದಿಸಲಿದೆ. ಈ ಖರೀದಿ ಶೇ.40 ರಷ್ಟು ಏರಿಕೆ. ಎಂಎಸ್‍ಪಿ ಒಂದೂವರೆ ಪಟ್ಟು ಹೆಚ್ಚಿಸಲಾಗುವುದು ಹಾಗೂ ಸರ್ಕಾರ ಅನ್ನದಾತರ ಅಭಿವೃದ್ಧಿಗೆ ಬದ್ಧವಾಗಿದೆ. ಇದನ್ನೂ ಓದಿ: ಪಶ್ಚಿಮ ಬಂಗಾಳದಲ್ಲಿ 6,500 ಕಿ.ಮೀ ಹೆದ್ದಾರಿ ನಿರ್ಮಾಣ

    ಈ ವರ್ಷ ಸ್ವಾಮಿತ್ವ ಸ್ಕೀಂ ಆರಂಭಿಸಲಾಗಿದ್ದು, ಇದುವರೆಗೂ 1.8 ಲಕ್ಷ ಜನಕ್ಕೆ ಕಾರ್ಡ್ ಲಭ್ಯವಾಗಿದೆ. 2021ರೊಳಗೆ ಪ್ರತಿ ರಾಜ್ಯಗಳಲ್ಲಿ ಈ ಪ್ರಕ್ರಿಯೆ ಆರಂಭಗೊಳ್ಳಲಿದೆ. ಅಸಂಘಟಿತ ಕ್ಷೇತ್ರದ ಕಾರ್ಮಿಕರಿಗಾಗಿ ಒಂದು ಪೋರ್ಟಲ್ ರಚನೆ ಮಾಡಲಾಗವುದು. ಕಟ್ಟಡ ನಿರ್ಮಾಣದಲ್ಲಿ ತೊಡಗುವ ಕಾರ್ಮಿಕರಿಗೆ ಆರೋಗ್ಯ, ವಸತಿ ಮತ್ತು ಆಹಾರ ಸ್ಕೀಂ ಆರಂಭಿಸಲು ಸರ್ಕಾರ ಮುಂದಾಗಿದೆ. ಇದನ್ನೂ ಓದಿ:  ಚುನಾವಣೆ ನಡೆಯುಲಿರುವ ರಾಜ್ಯಗಳಿಗೆ ಬಂಪರ್ ಯೋಜನೆಗಳು

  • ಪಶ್ಚಿಮ ಬಂಗಾಳದಲ್ಲಿ 6,500 ಕಿ.ಮೀ ಹೆದ್ದಾರಿ ನಿರ್ಮಾಣ

    ಪಶ್ಚಿಮ ಬಂಗಾಳದಲ್ಲಿ 6,500 ಕಿ.ಮೀ ಹೆದ್ದಾರಿ ನಿರ್ಮಾಣ

    ನವದೆಹಲಿ: 2021ರ ಕೇಂದ್ರ ಬಜೆಟ್ ಮಂಡಿಸುತ್ತಿರುವ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಪಶ್ಚಿಮ ಬಂಗಾಳದಲ್ಲಿ 6,500 ಕಿಲೋ ಮೀಟರ್ ಉದ್ದದ ಹೆದ್ದಾರಿ ನಿರ್ಮಿಸುವ ಗುರಿಯನ್ನ ಸರ್ಕಾರ ಹೊಂದಿದೆ ಎಂದು ತಿಳಿಸಿದರು.

    ಭಾರತಮಾಲಾ ಯೋಜನೆ ಅಡಿಯಲ್ಲಿ ಮೂರು ಸಾವಿರಕ್ಕೂ ಅಧಿಕ ಕಿಲೋ ಮೀಟರ್ ರಸ್ತೆ ನಿರ್ಮಾಣವಾಗಿದೆ. ಮಾರ್ಚ್ ನೊಳಗೆ 8 ಸಾವಿರ ಕಿಲೋ ಮೀಟರ್ ಗುರಿ ತಲುಪಲಾಗುವುದು. ಹೆದ್ದಾರಿಗಳಲ್ಲಿ ಮೂಲ ಸೌಕರ್ಯ ಮತ್ತು ಇಕಾನಾಮಿಕ್ ಕಾರಿಡರ್ ಮೇಲೆ ಸರ್ಕಾರ ಕೆಲಸ ಮಾಡುತ್ತಿದೆ. ತಮಿಳುನಾಡಿನಲ್ಲಿ 3,500 ಕಿಲೋ ಮೀಟರ್ ಉದ್ದದ ರಸ್ತೆ ನಿರ್ಮಿಸಲಾಗುತ್ತಿದ್ದು, ಇದರಲ್ಲಿ ಮಧುರೈ-ಕೊಲ್ಲಂ ಕಾರಿಡರ್ ಒಳಗೊಂಡಿದೆ ಎಂದು ಸೀತಾರಾಮನ್ ಮಾಹಿತಿ ನೀಡಿದರು.

    ಕೇರಳದಲ್ಲಿ 1,100 ಕಿ.ಮೀ ಉದ್ದದ ರಾಷ್ಟ್ರೀಯ ಹೆದ್ದಾರಿ ನಿರ್ಮಾಣವಾಗುತ್ತಿದ್ದು, ಇದಕ್ಕಾಗಿ 65 ಸಾವಿರ ಕೋಟಿ ಖರ್ಚು ಆಗಲಿದೆ. ಮುಂಬೈ-ಕನ್ಯಾಕುಮಾರಿ ಕಾರಿಡರ್ ಇದರ ಭಾಗವಾಗಲಿದೆ. ಪಶ್ಚಿಮ ಬಂಗಾಳದಲ್ಲಿ 6,500 ಕಿಲೋ ಮೀಟರ್ ಹೆದ್ದಾರಿ ನಿರ್ಮಿಸುವ ಗುರಿಯನ್ನ ಸರ್ಕಾರ ಹೊಂದಿದ್ದು, ಇದಕ್ಕಾಗಿ 25 ಸಾವಿರ ಕೋಟಿ ಅನುದಾನ ಮೀಸಲು ಇರಿಸಲಾಗುವುದು. ಇದೇ ಅನುದಾನದಲ್ಲಿ ಕೋಲ್ಕತ್ತಾ-ಸಿಲ್ಲಿಗುಡಿ ರಸ್ತೆಯ ರಿಪೇರಿ ಆಗಲಿದೆ ಎಂದರು.

    ರೈಲ್ವೆ ಡೆಡಿಕೇಟೆಡ್ ಫ್ರಂಟ್ ಕಾರಿಡಾರ್, ಎನ್‍ಎಚ್‍ಎಐನ ಟೋಲ್ ರಸ್ತೆ, ವಿಮಾನ ನಿಲ್ದಾಣ ಮಾರ್ಗ ಸೇರಿದಂತೆ ಇತರ ಆದಾಯವನ್ನು ಅಸೆಟ್ ಮ್ಯಾನೇಜ್‍ಮೆಂಟ್ ಅಡಿಯಲ್ಲಿ ತರಲಾಗುವುದು ಎಂದು ಸೀತಾರಾಮನ್ ಹೇಳಿದರು.

    ರಾಷ್ಟ್ರೀಯ ರೈಲ್ವೇ ಪ್ಲಾನ್-2030 ಸಿದ್ಧಪಡಿಸಲಾಗಿದ್ದು, ಭವಿಷ್ಯದ ರೈಲ್ವೇ ಸಿಸ್ಟಂ ನಿರ್ಮಿಸುವ ಗುರಿಯನ್ನ ಸರ್ಕಾರ ಹೊಂದಿದೆ. ಈ ಗುರಿಯಲ್ಲಿ ಮೇಕ್ ಇನ್ ಇಂಡಿಯಾಗೆ ಪ್ರಾಮುಖ್ಯತೆ ನೀಡಲಾಗುವುದು. ವೆಸ್ಟರ್ನ್ ಮತ್ತು ಈಸ್ಟರ್ನ್ ಫ್ರೆಟ್ ಕಾರಿಡರ್ ಜೂನ್, 2022ರೊಳಗೆ ಪೂರ್ಣಗೊಳಿಸೋದಾಗಿ ತಿಳಿಸಿದರು, ಸೋನ ನಗರ-ಗೋಮೋ ಸೆಕ್ಷನ್ ಪಿಪಿಪಿ (ಸರ್ಕಾರ-ಖಾಸಗಿ ಸಹಭಾಗಿತ್ವ) ಮೋಡ್ ನಲ್ಲಿ ಮಾಡಲಾಗುವುದು.

  • ಕೊರೊನಾ ಮಧ್ಯೆ ಬಜೆಟ್ – ದೇಶದ ಆರ್ಥಿಕತೆ ಚೇತರಿಕೆಗೆ ಸಿಗುತ್ತಾ ಮದ್ದು?

    ಕೊರೊನಾ ಮಧ್ಯೆ ಬಜೆಟ್ – ದೇಶದ ಆರ್ಥಿಕತೆ ಚೇತರಿಕೆಗೆ ಸಿಗುತ್ತಾ ಮದ್ದು?

    ಬೆಂಗಳೂರು: ಪ್ರಧಾನಿ ನರೇಂದ್ರ ಮೋದಿ ಸರ್ಕಾರದ ಬಜೆಟ್ ಇಂದು ಮಂಡನೆ ಆಗ್ತಿದೆ. ಒಂದು ವರ್ಷಗಳ ಕಾಲ ಹೆಮ್ಮಾರಿ ಕೊರೊನಾದಿಂದಾಗಿ ಇಡೀ ಪ್ರಪಂಚವೇ ಹೈರಾಣಾಗಿ ಹೋಗಿದೆ. ಭಾರತ ಕೂಡ ಜನತಾ ಕರ್ಫ್ಯೂ, ಲಾಕ್‍ಡೌನ್, ಸೀಲ್‍ಡೌನ್, ನೈಟ್ ಕರ್ಫ್ಯೂ, ಕಂಟೈನ್ಮೆಂಟ್ ಝೋನ್ ಹೀಗೆ ಎಲ್ಲಾ ಕಂಟ್ರೋಲ್ ಕ್ರಮಗಳನ್ನು ಕಂಡಿದೆ. ಇದರಿಂದಾಗಿ ದೇಶದ ಆರ್ಥಿಕತೆಗೆ ಹೇಳದಷ್ಟು ಹೊಡೆತವೇ ಬಿದ್ದೋಗಿದೆ. ಪ್ರಪಾತಕ್ಕೆ ಕುಸಿದಿರೋ ಆರ್ಥಿಕತೆಗೆ ಉತ್ತೇಜನ, ಬಲವರ್ಧನೆ ಮಾಡುವ ನಿಟ್ಟಿನಲ್ಲಿ ಮೋದಿ ಸರ್ಕಾರ ಅತ್ಯಂತ ಕ್ಲಿಷ್ಟಕರ ಬಜೆಟ್ ಮಂಡಿಸುತ್ತಿದೆ ಎನ್ನಲಾಗಿದೆ.

    ಸ್ವತಂತ್ರ ಭಾರತದ ಇತಿಹಾಸದಲ್ಲೇ ಅತ್ಯಂತ ಕಷ್ಟಕರ ಬಜೆಟ್ ಇದಾಗಿದೆ. ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‍ಗೆ ಇಂದಿನ ಬಜೆಟ್ ಅಗ್ನಿಪರೀಕ್ಷೆಯೇ ಆಗಿದೆ. ಕೋವಿಡ್ ಅವಧಿಯಲ್ಲಿ ಮಧ್ಯ ಮಧ್ಯ ಕೆಲವೊಂದು ಆರ್ಥಿಕ ಪ್ಯಾಕೇಜ್‍ಗಳನ್ನು ನಿರ್ಮಲಾ ಸೀತಾರಾಮನ್ ಘೋಷಿಸಿದ್ದರೂ ಕೂಡ ಅದು ಕಾಗದಗಳಲ್ಲೇ ಉಳಿದವು ಅನ್ನೋ ಟೀಕೆ ಎದುರಿಸಬೇಕಾಗಿತ್ತು. ಈಗ ಕೊರೊನಾ ವ್ಯಾಕ್ಸಿನ್, ರೈತರು, ಬಡ ವರ್ಗ-ಮಧ್ಯಮ ವರ್ಗ, ಆರೋಗ್ಯ, ರಕ್ಷಣೆ, ಉದ್ಯಮದ ಜೊತೆಗೆ ಆತ್ಮನಿರ್ಭರ ಭಾರತ ರೂಪಿಸುವ ಅತಿದೊಡ್ಡ ಸವಾಲು ಮುಂದಿದೆ. ಹಾಗಾಗಿ ಬಜೆಟ್ ಮೇಲೆ ಕೋಟ್ಯಂತರ ಭಾರತೀಯರು ಚಾತಕಪಕ್ಷಿಗಳ ರೀತಿ ನೋಟ ನೆಟ್ಟಿದ್ದಾರೆ.

    ಕೊರೊನಾದಿಂದಾಗಿ ಈ ಬಾರಿಯ ಬಜೆಟ್ ಕಾಗದ ರಹಿತವಾಗಿರಲಿದೆ. ಬದಲಿಗೆ ಕೇಂದ್ರ ಬಜೆಟ್ ವೆಬ್‍ಸೈಟ್ <http://www.indiabudget.gov.in> ನಲ್ಲಿ ಆ್ಯಪ್ ಡೌನ್‍ಲೋಡ್ ಮಾಡಿಕೊಂಡಲ್ಲಿ ಮೊಬೈಲ್‍ನಲ್ಲೇ ಬಜೆಟ್‍ನ 14 ದಾಖಲೆಗಳು ಲಭ್ಯವಾಗಲಿವೆ. ಆಂಡ್ರಾಯ್ಡ್ ಮತ್ತು ಐಎಸ್‍ಓ ಫ್ಲಾಟ್‍ಫಾರ್ಮ್‍ಗಳಲ್ಲೂ ಆ್ಯಪ್ ಲಭ್ಯ ಇದೆ.

  • ಬಜೆಟ್ 2021: ವಿತ್ತ ಸಚಿವೆ ಸೀತಾರಾಮನ್ ಟೀಂ ಸದಸ್ಯರ ಪರಿಚಯ

    ಬಜೆಟ್ 2021: ವಿತ್ತ ಸಚಿವೆ ಸೀತಾರಾಮನ್ ಟೀಂ ಸದಸ್ಯರ ಪರಿಚಯ

    ನವದೆಹಲಿ: ಫೆಬ್ರವರಿ 1ರಂದು ದೇಶದ ಬಜೆಟ್ ಮಂಡನೆಯಾಗಲಿದೆ. ಈ ವರ್ಷದ ಬಜೆಟ್ ಸಂಪೂರ್ಣ ಭಿನ್ನವಾಗಿರಲಿದೆ ಎಂದು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಈಗಾಗಲೇ ಸ್ಪಷ್ಟಪಡಿಸಿದ್ದಾರೆ. ಇಡೀ ದೇಶದ ಕಣ್ಣು ಸೀತಾರಾಮನ್ ಹೊತ್ತು ತರುವ ಹೊತ್ತಿಗೆ ಮೇಲಿದೆ. ಬಜೆಟ್ ಸಿದ್ಧಪಡಿಸುವ ನಿರ್ಮಲಾ ಸೀತಾರಾಮನ್ ಟೀಂನಲ್ಲಿರುವ ಸದಸ್ಯರ ಪರಿಚಯ ಇಲ್ಲಿದೆ.

    1. ಅಜಯ್ ಭೂಷಣ್ ಪಾಂಡೆ: ಹಣಕಾಸು ಸಚಿವಾಲಯದ ಕಾರ್ಯದರ್ಶಿ ಅಜಯ್ ಭೂಷಣ್, 1984ರ ಬ್ಯಾಚ್‍ನ ಐಎಎಸ್ ಅಧಿಕಾರಿ ಮತ್ತು ಯುಐಡಿಎಐ ಸಿಇಓ ಸಹ ಆಗಿದ್ದರು. ಕಾನ್ಪುರ ಐಐಟಿಯಲ್ಲಿ ಇಲೆಕ್ಟ್ರಿಕಲ್ ಇಂಜಿನಿಯರಿಂಗ್ ಪದವಿ ಪಡೆದು, ಮಿನ್‍ಸೇನಾ ವಿಶ್ವವಿದ್ಯಾಲಯದಿಂದ ಕಂಪ್ಯೂಟರ್ ಸೈನ್ಸ್ ನಲ್ಲಿ ಪಿಎಚ್‍ಡಿ ಸಹ ಪಡೆದಿದ್ದಾರೆ. ಫೆಬ್ರವರಿ ಅಂತ್ಯಕ್ಕೆ ಅಜಯ್ ಭೂಷಣ್ ನಿವೃತ್ತಿ ಹೊಂದಲಿದ್ದಾರೆ. ಆರೋಗ್ಯ ಮತ್ತು ರಕ್ಷಣೆಗೆ ನಿಧಿ ಹೆಚ್ಚಳ ಹಾಗೂ ಸಾಂಕ್ರಾಮಿಕ ರೋಗಗಳ ನಿಯಂತ್ರಣ ಅನುದಾನ ಸಮತೋಲನೆ ಜವಾಬ್ದಾರಿ ಪಾಂಡೆ ಅವರ ಮೇಲಿದೆ.

    2. ಕೃಷ್ಣಮೂರ್ತಿ ಸುಬ್ರಮಣಿಯನ್: ಮುಖ್ಯ ಆರ್ಥಿಕ ಸಲಹಗಾರರಾಗಿರುವ ಕೃಷ್ಣಮೂರ್ತಿ ಅವರು ಫೈನಾನಿಶಿಯಲ್ ಇಕಾನಮಿಕ್ಸ್ ನಲ್ಲಿ ಪಿಹೆಚ್‍ಡಿ ಪಡೆದಿದ್ದಾರೆ. ಮುಖ್ಯ ಆರ್ಥಿಕ ಸಲಹೆಗಾರರುವ ಮುನ್ನ ಇಂಡಿಯನ್ ಸ್ಕೂಲ್ ಆಫ್ ಬ್ಯುಸಿನೆಸ್ ಉಪನ್ಯಾಸಕರಾಗಿದ್ದರು. ಬ್ಯಾಂಕಿಂಗ್, ಕಾರ್ಪೋರೇಟ್ ನಿಯಮ, ಆರ್ಥಿಕ ಕಾನೂನುನಗಳ ಎಕ್ಸಪರ್ಟ್ ಆಗಿದ್ದಾರೆ. ಲಾಕ್‍ಡೌನ್ ವೇಳೆ ಸುಬ್ರಮಣಿಯನ್ ಭಾರತದ ಅರ್ಥವ್ಯವಸ್ಥೆ ವಿ ಶೇಪ್ ನಲ್ಲಿ ದಾಖಲಾಗಿದೆ ಎಂದು ಹೇಳಿದ್ದರು.

    3. ಟಿ.ವಿ.ಸೋಮನಾಥನ್: ಇವರು ಖರ್ಚು ವಿಭಾಗದ ಮುಖ್ಯಸ್ಥರಾಗಿದ್ದು, ಅರ್ಥಶಾಸ್ತ್ರದಲ್ಲಿ ಪಿಎಚ್‍ಡಿ ಪಡೆದಿದ್ದಾರೆ. ಸೋಮನಾಥನ್ 1987ನೇ ಬ್ಯಾಚಿನ ಐಎಎಸ್ ಅಧಿಕಾರಿಯಾಗಿದ್ದು, ತಮಿಳುನಾಡಿನಲ್ಲಿ ಸೇವೆ ಸಲ್ಲಿಸಿದ್ದಾರೆ. ಇಷ್ಟು ಮಾತ್ರ ಅಲ್ಲದೇ ಸೋಮನಾಥನ್ ವಿಶ್ವ ಬ್ಯಾಂಕ್ ನಲ್ಲಿಯೂ ಕಾರ್ಯನಿರ್ವಹಿಸಿದ್ದಾರೆ. ಪ್ರಧಾನ ಮಂತ್ರಿ ಕಾರ್ಯಾಲಯದ ಜಂಟಿ ಕಾರ್ಯದರ್ಶಿ ಸಹ ಆಗಿದ್ದರು.

    4. ತರೂಣ್ ಬಜಾಜ್: ಸದ್ಯ ವಿತ್ತ ಸಚಿವಾಲಯದ ಆರ್ಥಿಕ ವಿಭಾಗದಲ್ಲಿ ಕಾರ್ಯದರ್ಶಿಗಳಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. 1988ರ ಹರಿಯಾಣ ಬ್ಯಾಚಿನ ಐಎಎಸ್ ಅಧಿಕಾರಿ. ವಿತ್ತ ಸಚಿವಾಲಯಕ್ಕೂ ಮುನ್ನ ತರೂಣ್ ಬಜಾಜ್ ಪ್ರಧಾನ ಮಂತ್ರಿಗಳ ಕಾರ್ಯಲಯದ ಸೇವೆಯಲ್ಲಿದ್ದರು. ಮೂರು ಆತ್ಮನಿರ್ಭರ ಭಾರತ ಪ್ಯಾಕೇಜ್ ಸಿದ್ಧಪಡಿಸಿದ ತಂಡದಲ್ಲಿ ತರೂಣ್ ಬಜಾಜ್ ಪ್ರಮುಖರು.

    5. ದೇಬಶೀಷ್ ಪಾಂಡಾ: ವಿತ್ತ ಸಚಿವಾಲಯದ ಆರ್ಥಿಕ ವಿಭಾಗದಲ್ಲಿ ಸೇವೆ ಸಲ್ಲಿಸುತ್ತಿರೋ ದೇಶಾಶೀಷ್ ಪಾಂಡೆ, 1987ರ ಉತ್ತರ ಪ್ರದೇಶದ ಬ್ಯಾಚ್ ಐಎಎಸ್ ಅಧಿಕಾರಿ. ರಿಸರ್ವ್ ಬ್ಯಾಂಕ್ ಜೊತೆಗೂಡಿ ಅರ್ಥ ವ್ಯವಸ್ಥೆಯ ಸ್ಥಿರತೆ ಮತ್ತು ಸಮತೋಲನ ಕಾಯ್ದುಕೊಳ್ಳುವ ಜವಾಬ್ದಾರಿ ಪಾಂಡಾ ರ ಮೇಲಿದೆ.

    6. ತುಹೀನ್ ಕಾಂತ್ ಪಾಂಡೆ: ಹೂಡಿಕೆ ಮತ್ತು ಸಾರ್ವಜನಿಕ ಆಸ್ತಿ ನಿರ್ವಹಣೆ ವಿಭಾಗದಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಓಡಿಶಾದ 1987ರ ಬ್ಯಾಚಿನ ಐಎಎಸ್ ಅಧಿಕಾರಿ. ಬಜೆಟ್ ಕಾರ್ಯಗಳ ನಿರ್ವಹಣೆಯ ಜವಾಬ್ದಾರಿ ಪಾಂಡೆ ಅವರ ಮೇಲಿದೆ.