Bloggers Unite

Tag: ಫುಡ್

  • ಹಬ್ಬದ ಮನೆಯಲ್ಲಿರಲಿ ರುಚಿಯಾದ ಹಸಿರು ಬಟಾಣಿ ಪಾಯಸ

    ಹಬ್ಬದ ಮನೆಯಲ್ಲಿರಲಿ ರುಚಿಯಾದ ಹಸಿರು ಬಟಾಣಿ ಪಾಯಸ

    ಹಬ್ಬ ಅಂದ್ರೆ ಮನೆಯಲ್ಲಿ ಸಿಹಿ ಇರಲೇ ಬೇಕು. ಸಾಮಾನ್ಯವಾಗಿ ಒಬ್ಬಟ್ಟು, ಕಡಬು, ಕೇಸರಿಬಾತ್ ಮಾಡುತ್ತಾರೆ. ಆದ್ರೆ ಮಕ್ಕಳು ಮಾತ್ರ ಹಬ್ಬದ ದಿನ ಹೊಸ ಸಿಹಿ ಅಡುಗೆ ಬೇಕೆಂದು ಹಠ ಮಾಡುತ್ತಾರೆ. ಇತ್ತ ನೈವೇದ್ಯಕ್ಕೂ ಸಿಹಿ ಮಾಡಿ, ಮಕ್ಕಳಿಗೂ ಬೇರೆ ಅಡುಗೆ ಮಾಡೋದು ಅಂದ್ರೆ ಬಲು ಕಷ್ಟ. ಹಾಗಾಗಿ ಸರಳವಾಗಿ ಕೆಲವೇ ನಿಮಿಷಗಳಲ್ಲಿ ಹಸಿರು ಬಟಾಣಿ ಪಾಯಸ ಮಾಡಿ ಸವಿಯಿರಿ.

    ಬೇಕಾಗುವ ಸಾಮಾಗ್ರಿಗಳು
    * ಹಸಿ ಬಟಾಣಿ – 1 ಕಪ್
    * ತುಪ್ಪ – 4 ಸ್ಪೂನ್
    * ಡ್ರೈಫ್ರೂಟ್ಸ್ – ಕಾಲು ಕಪ್ (ಗೋಡಂಬಿ, ಬಾದಾಮಿ, ದ್ರಾಕ್ಷಿ)
    * ಗಸಗಸೆ – 1 ಸ್ಪೂನ್
    * ಬೆಲ್ಲ – ಅರ್ಧ ಕಪ್
    * ತೆಂಗಿನ ತುರಿ – ಅರ್ಧ ಕಪ್
    * ಹಾಲು – 1 ಕಪ್
    * ಏಲಕ್ಕಿ – 2

    ಮಾಡುವ ವಿಧಾನ
    * ಒಂದು ಪ್ಯಾನ್‍ಗೆ ತುಪ್ಪ ಹಾಕಿ ಬಟಾಣಿಯನ್ನು ಸ್ವಲ್ಪ ಫ್ರೈ ಮಾಡಿಕೊಳ್ಳಿ. ಬಳಿಕ ಬೇಕಾದಷ್ಟು ನೀರು ಹಾಕಿ ಬೇಯಿಸಿಕೊಳ್ಳಿ.
    * ಈಗ ಬಟಾಣಿಯನ್ನು ತಣ್ಣಗಾಗಲು ಬಿಡಿ.
    * ಈ ವೇಳೆ ಗಸಗಸೆ, ತುಪ್ಪದಲ್ಲಿ ಡ್ರೈಫ್ರೂಟ್ಸ್ ಅನ್ನು ಪ್ರತ್ಯೇಕವಾಗಿ ಹುರಿದುಕೊಳ್ಳಿ.
    * ಬಳಿಕ ಬೇಯಿಸಿದ ಬಟಾಣಿಯನ್ನು ಸ್ವಲ್ಪ ಭಾಗ ಮಿಕ್ಸಿ ಜಾರ್‍ಗೆ ಹಾಕಿಕೊಳ್ಳಿ.
    * ಅದೇ ಜಾರ್‍ಗೆ ಹುರಿದ ಗಸಗಸೆ, ತೆಂಗಿನತುರಿ, ಏಲಕ್ಕಿ, 2 ಬಾದಾಮಿ ಹಾಕಿ ಚೆನ್ನಾಗಿ ಪೇಸ್ಟ್ ಮಾಡಿಕೊಳ್ಳಿ.
    * ಈಗ ಉಳಿದ ಬಟಾಣಿಗೆ ಬೆಲ್ಲವನ್ನು ಸೇರಿಸಿ ಚೆನ್ನಾಗಿ ಕುದಿಸಿ. ಕುದಿ ಬಂದ ಮೇಲೆ ಪೇಸ್ಟ್ ಮಾಡಿದ ಮಿಶ್ರಣವನ್ನು ಸೇರಿಸಿಕೊಳ್ಳಿ.
    * ಈಗ ಕುದಿಯುತ್ತಿರುವಾಗ ಕಾಯಿಸಿದ ಹಾಲು, ತುಪ್ಪದಲ್ಲಿ ಹುರಿದ ಡ್ರೈಫ್ರೂಟ್ಸ್, ತುಪ್ಪವನ್ನು ಸೇರಿಸಿ ಕೆಳಗಿಳಿಸಿದ್ರೆ ಸವಿಯಲು ಹಸಿರು ಬಟಾಣಿ ಪಾಯಸ ರೆಡಿ.
    (ತುಂಬಾ ನೀರಿನಂತೆ ಮಾಡಿಕೊಳ್ಳಬೇಡಿ)

  • ಹಬ್ಬದ ಸ್ಪೆಷಲ್ – ಅವಲಕ್ಕಿ ಕೇಸರಿಬಾತ್ ಮಾಡುವ ವಿಧಾನ

    ಹಬ್ಬದ ಸ್ಪೆಷಲ್ – ಅವಲಕ್ಕಿ ಕೇಸರಿಬಾತ್ ಮಾಡುವ ವಿಧಾನ

    ಇಂದಿನಿಂದ ನವರಾತ್ರಿ ಆರಂಭವಾಗಿದ್ದು, 9 ದಿನ ವಿಶೇಷ ಪೂಜೆಗಳು ನಡೆಯುತ್ತವೆ. ಹಾಗಾಗಿ ಪ್ರತಿದಿನ ನೈವೇದ್ಯಕ್ಕಾಗಿ ಸಿಹಿ ಅಡುಗೆ ಮಾಡಲೇಬೇಕು. ಸಾಮಾನ್ಯವಾಗಿ ಹೋಳಿಗೆ, ಕಡಬು, ಕೇಸರಿಬಾತ್ ಮಾಡಿರ್ತೀರಿ. ಒಮ್ಮೆ ಅವಲಕ್ಕಿ ಕೇಸರಿಬಾತ್ ಟ್ರೈ ಮಾಡಿ.

     

    ಬೇಕಾಗುವ ಸಾಮಾಗ್ರಿಗಳು
    ಗಟ್ಟಿ ಅವಲಕ್ಕಿ – 1ಕಪ್
    ಸಕ್ಕರೆ – 1 ಕಪ್
    ತುಪ್ಪ- 3 ಸ್ಪೂನ್
    ಒಣ ಹಣ್ಣುಗಳು – ಸ್ವಲ್ಪ
    ಹಾಲು – ಅರ್ಧ ಕಪ್
    ಏಲಕ್ಕಿ ಪುಡಿ – ಚಿಟಿಕೆ
    ಕೇಸರಿ ಬಣ್ಣ – ಚಿಟಿಕೆ

    ಮಾಡುವ ವಿಧಾನ
    * ಮೊದಲಿಗೆ ಅವಲಕ್ಕಿಯನ್ನು ಶುದ್ದೀಕರಿಸಿ. ಮಿಕ್ಸಿಗೆ ಹಾಕಿ ತರಿತರಿ ಮಾಡಿಕೊಳ್ಳಿ. (ಹೆಚ್ಚು ನುಣ್ಣಗೆ ಮಾಡಬೇಡಿ)
    * ತುಪ್ಪದಲ್ಲಿ ಒಣ ಹಣ್ಣುಗಳನ್ನು ಫ್ರೈ ಮಾಡಿಕೊಳ್ಳಿ.
    * ಈಗ ಒಂದು ಪಾತ್ರೆಯನ್ನು ಒಲೆಯ ಮೇಲಿಟ್ಟು ಅದಕ್ಕೆ ಸಕ್ಕರೆ, ಹಾಲನ್ನು ಸೇರಿಸಿ ಚೆನ್ನಾಗಿ ಕುದಿಸಿ.
    * ಕುದಿ ಬಂದ ಮೇಲೆ ಕೇಸರಿ ಬಣ್ಣ ಹಾಕಿ ಕಲಸಿ.
    * ಈಗ ನಿಧಾನವಾಗಿ ಅವಲಕ್ಕಿ ತರಿಯನ್ನು ಸೇರಿಸಿ, ಕಲಸಿರಿ.
    * ಬಳಿಕ ತುಪ್ಪ, ಏಲಕ್ಕಿ ಪುಡಿ ಸೇರಿಸಿ ಚೆನ್ನಾಗಿ ತಿರುಗಿಸಿ.
    * ಕೊನೆಗೆ ಇಳಿಸುವಾಗ ಒಣಹಣ್ಣುಗಳನ್ನು ಸೇರಿಸಿ
    (ಬೇಕಿದ್ದಲ್ಲಿ ತುಪ್ಪ ಸೇರಿಸಿಕೊಳ್ಳಬಹುದು)

  • ರುಚಿಯಾದ, ಆರೋಗ್ಯಕರ ಕುಂಬಳಕಾಯಿ ದೋಸೆ ಮಾಡುವ ವಿಧಾನ

    ರುಚಿಯಾದ, ಆರೋಗ್ಯಕರ ಕುಂಬಳಕಾಯಿ ದೋಸೆ ಮಾಡುವ ವಿಧಾನ

    ಖಾಲಿ, ಮಸಾಲೆ, ಸೆಟ್ ದೋಸೆ ತಿಂದು ಬೇಸರವಾಗಿದ್ರೆ ಒಮ್ಮೆ ಕುಂಬಳಕಾಯಿ ದೋಸೆ ಟ್ರೈ ಮಾಡಿ ನೋಡಿ. ನಾಲಿಗೆಗೆ ರುಚಿ ನೀಡುವದರ ಜೊತೆ ಆರೋಗ್ಯಕ್ಕೂ ಕುಂಬಳಕಾಯಿ ದೋಸೆ ಒಳ್ಳೆಯದು. ಭಾನುವಾರ ಮನೆಯಲ್ಲಿ ಎಲ್ಲರೂ ಇರ್ತಾರೆ. ರಜಾ ದಿನಗಳಲ್ಲಿ ದೋಸೆ ಮಾಡೋದು ಕಾಮನ್. ಆದ್ರೆ ಕುಂಬಳಕಾಯಿ ದೋಸೆಯ ರುಚಿಯೇ ವಿಭಿನ್ನ.

    ಬೇಕಾಗುವ ಸಾಮಾಗ್ರಿಗಳು
    * ದೋಸೆ ಅಕ್ಕಿ – 1 ಕಪ್
    * ಕಡಲೆಬೇಳೆ – 2 ಸ್ಪೂನ್
    * ಕುಂಬಳಕಾಯಿ – ಸಣ್ಣಗೆ ಹೆಚ್ಚಿದ್ದು 1 ಕಪ್
    * ಕಾಯಿ ತುರಿ – ಅರ್ಧ ಕಪ್
    * ಶುಂಠಿ – ಸ್ವಲ್ಪ
    * ಕೆಂಪು ಮೆಣಸಿನಕಾಯಿ – ಖಾರಕ್ಕೆ ತಕ್ಕಷ್ಟು
    * ಜೀರಿಗೆ – ಸ್ವಲ್ಪ
    * ಕರಿಬೇವು – ಸ್ವಲ್ಪ
    * ಉಪ್ಪು – ರುಚಿಗೆ ತಕ್ಕಷ್ಟು
    * ಎಣ್ಣೆ – ಸ್ವಲ್ಪ

    ಮಾಡುವ ವಿಧಾನ
    * ದೋಸೆ ಅಕ್ಕಿ ಮತ್ತು ಕಡ್ಲೆಬೇಳೆಯನ್ನು 2 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿ, ಸೋಸಿಕೊಳ್ಳಿ.
    * ಈಗ ಸೋಸಿದ ಅಕ್ಕಿಯನ್ನು ಚೆನ್ನಾಗಿ ನುಣ್ಣಗೆ ರುಬ್ಬಿ ಒಂದು ಮಿಕ್ಸಿಂಗ್ ಬೌಲ್‍ಗೆ ಹಾಕಿ.
    * ಈಗ ಅದೇ ಜಾರ್ ಗೆ ಸಿಪ್ಪೆ ತೆಗೆದು ಸಣ್ಣಗೆ ಹೆಚ್ಚಿದ ಕುಂಬಳಕಾಯಿಯನ್ನು ಹಾಕಿ ಪೇಸ್ಟ್ ಮಾಡಿಕೊಳ್ಳಿ.
    * ಅದೇ ಜಾರ್ ಗೆ ಕಾಯಿ ತುರಿ, ಶುಂಠಿ, ಕೆಂಪು ಮೆಣಸಿನಕಾಯಿ, ಕರಿಬೇವು ಹಾಕಿ ಚೆನ್ನಾಗಿ ರುಬ್ಬಿಕೊಳ್ಳಿ.
    * ಈಗ ಎಲ್ಲವನ್ನು ಹಾಕಿ ಮಿಕ್ಸಿಂಗ್ ಬೌಲ್‍ಗೆ ಹಾಕಿ ರುಚಿಗೆ ತಕ್ಕಷ್ಟು ಉಪ್ಪು, ಜೀರಿಗೆ ಸೇರಿಸಿ.
    * 5-10 ನಿಮಿಷ ನೆನೆಯಲು ಬಿಡಿ.
    * ಈಗ ದೋಸೆ ತವ ಕಾದ ಬಳಿಕ ದೋಸೆ ರೀತಿಯೇ ಮಾಡಿ. ಎಣ್ಣೆ ಹಾಕಿ ಎರಡೂ ಕಡೆ ಬೇಯಿಸಿ. ರುಚಿಯಾದ ಪಮ್ಕಿನ್ ದೋಸೆ ರೆಡಿ.

  • ನಾಲಿಗೆಗೆ ಹೊಸ ರುಚಿ ನೀಡುವ ಪಕ್ಕಾ ದೇಸಿ ತಿಂಡಿ-ತಿಂದವರು ಫುಲ್ ಖುಷ್

    ನಾಲಿಗೆಗೆ ಹೊಸ ರುಚಿ ನೀಡುವ ಪಕ್ಕಾ ದೇಸಿ ತಿಂಡಿ-ತಿಂದವರು ಫುಲ್ ಖುಷ್

    ಪ್ರತಿದಿನ ಬೆಳಗ್ಗೆ ಉಪ್ಪಿಟ್ಟು, ಪಲಾವ್, ಅವಲಕ್ಕಿ ಮಾಡಿ ಬೇಜಾರು ಆಗಿರುತ್ತೆ. ಸಂಡೇ ದಿನ ಹೊಸ ಅಡುಗೆ ಮಾಡೋಣ ಅಂದ್ರೆ ಹೆಚ್ಚು ಸಮಯ ಬೇಕು. ಹೊರಗೆ ತಿರುಗಾಡಿಕೊಂಡು ತಿಂದು ಬರೋಣ ಅಂದ್ರೆ ಕೊರೊನಾ ಭಯ. ಮನೆಯಲ್ಲಿಯೇ ಬೆಳಗ್ಗೆ ಅಥವಾ ಸಂಜೆ ಮನೆಯಲ್ಲಿಯೇ ಕಡಿಮೆ ಸಮಯದಲ್ಲಿ ಹೆಚ್ಚು ಶ್ರಮವಿಲ್ಲದೆ ನಾಲಿಗೆಗೆ ಹೊಸ ರುಚಿ ಪಕ್ಕಾ ದೇಸಿ ತಿಂಡಿ ಮಾಡುವ ವಿಧಾನ ಇಲ್ಲಿದೆ. ಈ ತಿಂಡಿ ತಿಂದವರು ಫುಲ್ ಖುಷಿ ಆಗೋದಂತೂ ಗ್ಯಾರೆಂಟಿ

    ಬೇಕಾಗುವ ಸಾಮಾಗ್ರಿಗಳು
    ಚಿರೋಟಿ/ಸಣ್ಣ ರವೆ- ಒಂದು ಕಪ್
    ಹಸಿ ಮೆಣಸಿನಕಾಯಿ- 2 ರಿಂದ 3
    ಟೊಮಾಟೋ- 3
    ಈರುಳ್ಳಿ- 1 (ಚಿಕ್ಕದು)
    ಕರಿಬೇವು- 12 ರಿಂದ 15 ಎಲೆ
    ಜೀರಿಗೆ – 1 ಟೀ ಸ್ಪೂನ್
    ಗಟ್ಟಿ ಮೊಸರು- 1 ಕಪ್
    ಹಸಿ ಶುಂಠಿ- ಒಂದು ಇಂಚು
    ಬೆಳ್ಳುಳ್ಳಿ- 8 ರಿಂದ 10 ಎಸಳು
    ಎಣ್ಣೆ
    ಉಪ್ಪು-ರುಚಿಗೆ ತಕ್ಕಷ್ಟು
    ಕೋತಂಬರಿ ಸೊಪ್ಪು-ಸ್ವಲ್ಪ
    ಅರಿಶಿನ-ಚಿಟಿಕೆ
    ಅಚ ಖಾರದ ಪುಡಿ- ಚಿಟಿಕೆ
    ನೀರು- ಒಂದು ಕಪ್

    ಮಾಡುವ ವಿಧಾನ
    * ಮೊದಲಿಗೆ ಒಂದು ಮಿಕ್ಸಿಂಗ್ ಬೌಲ್ ತೆಗೆದುಕೊಳ್ಳಿ. ಇದಕ್ಕೆ ಒಂದು ಚಿರೋಟಿ ರವೆ ಹಾಕಿ. ನಂತರ ಸಣ್ಣಕ್ಕೆ ಕತ್ತರಿಸಿದ ಒಂದು ಟೊಮಾಟೋ, ಹಸಿ ಮೆಣಸಿನಕಾಯಿ, ಈರುಳ್ಳಿ, 1/2 ಟೀ ಸ್ಪೂನ್ ಜೀರಿಗೆ, 5 ರಿಂದ 6 ದಳ ಕರಿಬಬೇವು ಮತ್ತು ಗಟ್ಟಿ ಮೊಸರು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ.
    * ಮಿಶ್ರಣ ಚೆನ್ನಾಗಿ ಮಿಕ್ಸ್ ಆಗ್ತಿದ್ದಂತೆ ಸ್ವಲ್ಪ ಕೋತಂಬರಿ ಸೊಪ್ಪು ಮತ್ತು ಉಪ್ಪು ಸೇರಿಸಿ. ನಂತರ ಅದಕ್ಕೆ ಒಂದು ಕಪ್ ನೀರು ಸೇರಿಸಿ ಇಡ್ಲಿ ಹಿಟ್ಟಿನ ಹದಕ್ಕೆ ತಯಾರು ಮಾಡಿಕೊಳ್ಳಿ. ತದನಂತರ ಮುಚ್ಚಳ ಮುಚ್ಚಿ 15 ರಿಂದ 20 ನಿಮಿಷ ಎತ್ತಿಡಿ. ರವೆ ನೆನದಷ್ಟು ಚೆನ್ನಾಗಿರುತ್ತದೆ.

    * ಮಿಕ್ಸಿ ಜಾರಿಗೆ ಕತ್ತರಿಸಿದ ಎರಡು ಟೊಮಾಟೋ, ಹಸಿ ಶುಂಠಿ, ಬೆಳ್ಳುಳ್ಳಿ, ಕೋತಂಬರಿ ಸೊಪ್ಪು ಹಾಕಿ ಚೆನ್ನಾಗಿ ರುಬ್ಬಿಕೊಂಡು ಎತ್ತಿಟ್ಟುಕೊಳ್ಳಿ.
    * ಸ್ಟೌವ್ ಮೇಲೆ ಪ್ಯಾನ್ ಇರಿಸಿ ಎರಡು ಟೇಬಲ್ ಸ್ಪೂನ್ ಎಣ್ಣೆ ಹಾಕಿ. ಎಣ್ಣೆ ಬಿಸಿಯಾಗ್ತಿದ್ದಂತೆ ಕರಿಬೇವು, ಬೆಳ್ಳುಳ್ಳಿ, 1/2 ಟೀ ಸ್ಪೂನ್ ಜೀರಿಗೆ ಹಾಕಿ ಚೆನ್ನಾಗಿ ಫ್ರೈ ಮಾಡಿಕೊಂಡ ನಂತರ ರುಬ್ಬಿಕೊಂಡಿರುವ ಟೊಮಾಟೋ ಮಿಶ್ರಣದ ಜೊತೆಗೆ ಚಿಟಿಕೆ ಅರಿಶಿನ, ಉಪ್ಪು ಮತ್ತು ಅಚ್ಚ ಖಾರದ ಪುಡಿ ಹಾಕಿ ಮಿಕ್ಸ್ ಮಾಡಿ. ಟೊಮಾಟೊ ಹಸಿ ವಾಸನೆ ಹೋಗುವರೆಗೂ ಮಿಶ್ರಣವನ್ನು ಬೇಯಸಿಕೊಳ್ಳಬೇಕು.

    * ಸ್ಟೌವ್ ಆನ್ ಮಾಡಿ ಪಡ್ಡು ಮಣೆಯನ್ನು ಇಟ್ಟಿಕೊಳ್ಳಿ. ಪಡ್ಡು ಮಣೆ ಬಿಸಿ ಆಗುತ್ತಿದ್ದಂತೆ ಎಣ್ಣೆ ಸವರಿ ಮೊದಲು ಕಲಿಸಿಕೊಂಡಿರುವ ರವೆ ಮಿಶ್ರಣವನ್ನು ಪಡ್ಡು ರೀತಿಯಲ್ಲಿ ಹಾಕಿಕೊಳ್ಳಿ. ಎರಡೂ ಕಡೆ ಪ್ಲಿಪ್ ಮಾಡಿಕೊಂಡ ನಂತರ ರವೆ ಪಡ್ಡುಗಳನ್ನು ಎತ್ತಿಕೊಳ್ಳಿ.
    * ರೆಡಿಯಾಗಿರುವ ಟೊಮಾಟೋ ಮಿಶ್ರಣಕ್ಕೆ ಸಿದ್ಧವಾಗಿರುವ ರವೆ ಪಡ್ಡುಗಳನ್ನು ಸೇರಿಸಿ ಎರಡರಿಂದ ಮೂರು ನಿಮಿಷ ಫ್ರೈ ಮಾಡಿಕೊಂಡ್ರೆ ನಾಲಿಗೆಗೆ ಹೊಸ ರುಚಿ ನೀಡುವ ಪಕ್ಕಾ ದೇಸಿ ತಿಂಡಿ ಸಿದ್ಧವಾಗುತ್ತದೆ.

  • ರೆಸ್ಟೊರೆಂಟ್ ಶೈಲಿಯ ಸ್ಪೈಸಿ ಮುಗಲಾಯಿ ಚಿಕನ್ ಗ್ರೇವಿ ರೆಸಿಪಿ

    ರೆಸ್ಟೊರೆಂಟ್ ಶೈಲಿಯ ಸ್ಪೈಸಿ ಮುಗಲಾಯಿ ಚಿಕನ್ ಗ್ರೇವಿ ರೆಸಿಪಿ

    ರೆಸ್ಟೋರೆಂಟ್, ಡಾಬಾಗಳಲ್ಲಿ ಸಿಗುವ ಚಿಕನ್ ಖಾದ್ಯ ತಿಂದವರಿಗೆ ಮನೆಯಲ್ಲಿ ಇದನ್ನ ಹೇಗೆ ಮಾಡೋದು ಅಂತ ತಲೆ ಕೆಡಿಸಿಕೊಂಡಿರುತ್ತಾರೆ. ಹಾಗಾಗಿ ಇದೀಗ ರೆಸ್ಟೊರೆಂಟ್ ಶೈಲಿಯ ಸ್ಪೈಸಿ ಮುಗಲಾಯಿ ಚಿಕನ್ ಗ್ರೇವಿ ಮಾಡುವ ವಿಧಾನ ನಿಮ್ಮ ಮುಂದಿದೆ. ಸಾಮಾನ್ಯವಾಗಿ ಭಾನುವಾರದ ದಿನ ಬಹುತೇಕರ ಮನೆಯಲ್ಲಿ ಬಾಡುಟದ ಪರಿಮಳ ಇರಲೇಬೇಕು. ಪ್ರತಿವಾರ ಸಾಮಾನ್ಯ ಚಿಕನ್ ರೆಸಿಪಿ ಮಾಡಿ ಬೇಜಾರು ಆಗಿದ್ರೆ ಒಮ್ಮೆ ರೆಸ್ಟೊರೆಂಟ್ ಶೈಲಿಯ ಸ್ಪೈಸಿ ಮೊಗಲಾಯಿ ಚಿಕನ್ ಗ್ರೇವಿ ರೆಸಿಪಿ ಮಾಡಿ. ಮನೆಗೆ ವಿಶೇಷ ಅತಿಥಿ, ಪಾರ್ಟಿ ಸಂದರ್ಭಗಳಲ್ಲಿ ಈ ರೀತಿಯ ರುಚಿಕರ ಖಾದ್ಯ ಮಾಡಬಹುದು.

    ಬೇಕಾಗುವ ಸಾಮಾಗ್ರಿಗಳು
    * ಚಿಕನ್-1 ಕೆಜಿ
    * ಈರುಳ್ಳಿ- 3 (ಮಧ್ಯಮ ಗಾತ್ರದ್ದು)
    * ಮೊಸರು-1 ಕಪ್
    * ಹಾಲು- 1 ಕಪ್
    * ತುಪ್ಪ- 1 ಕಪ್
    * ಬದಾಮಿ- 50 ಗ್ರಾಂ
    * ಶುಂಠಿ, ಬೆಳ್ಳುಳ್ಳಿ ಪೇಸ್ಟ್- 1 ಟಿ ಸ್ಪೂನ್
    * ಹಸಿ ಮೆಣಸಿನಕಾಯಿ- 3 ರಿಂದ 4
    * ಧನಿಯಾ ಪೌಡರ್- 1 ಟೀ.ಸ್ಪೂನ್
    * ಅಚ್ಚ ಖಾರದ ಪುಡಿ-1/2 ಟೀ ಸ್ಪೂನ್
    * ಅರಿಶಿನ- 1/2 ಟೀ ಸ್ಪೂನ್
    * ಉಪ್ಪು- ರುಚಿಗೆ ತಕ್ಕಷ್ಟು
    * ಕೆಂಪು ಮೆಣಸಿನಕಾಯಿ- 4
    * ಧನಿಯಾ- 1 ಟೀಸ್ಪೂನ್
    * ಜೀರಿಗೆ- 1 ಟೀ ಸ್ಪೂನ್
    * ಕಾಳು ಮೆಣಸು- 1 ಟೀ ಸ್ಪೂನ್

    ಮಾಡುವ ವಿಧಾನ
    * ಮೊದಲಿಗೆ ಸ್ಟೌವ್ ಮೇಲೆ ಪ್ಯಾನ್ ಇರಿಸಿ ಕಡಿಮೆ ಉರಿಯಲ್ಲಿ ಬದಾಮಿ, ಕಾಳು ಮೆಣಸು, ಜೀರಿಗೆ, ಕೆಂಪು ಮೆಣಸಿನಕಾಯಿ ಮತ್ತು ಧನಿಯಾ ಹಾಕಿ ಎರಡರಿಂದ ಮೂರು ನಿಮಿಷ ಫ್ರೈ ಮಾಡಿಕೊಳ್ಳಿ. ನಂತರ ಮಿಕ್ಸಿ ಬೌಲಿಗೆ ಹಾಕಿ ಪೌಡರ್ ಮಾಡಿಕೊಳ್ಳಿ.
    * ಮತ್ತೊಂದು ಪ್ಯಾನ್ ಇಟ್ಟುಕೊಂಡು ಒಂದು ಟೀ ಸ್ಪೂನ್ ತುಪ್ಪ ಹಾಕಿ. ಉದ್ದವಾಗಿ ಕತ್ತರಿಸಿಕೊಂಡಿರುವ ಈರುಳ್ಳಿಯನ್ನು ಹಾಕಿ ಗೋಲ್ಡನ್ ಕಲರ್ ಬರೋವರೆಗೂ ಹುರಿದು ಎತ್ತಿಟ್ಟುಕೊಳ್ಳಿ.

    * ಇನ್ನೊಂದು ಮಿಕ್ಸಿಂಗ್ ಬೌಲ್ ನಲ್ಲಿ ತೊಳೆದುಕೊಂಡಿರುವ ಚಿಕನ್ ಹಾಕಿ. ಅದಕ್ಕೆ ಅಚ್ಚ ಖಾರದ ಪುಡಿ, ಚಿಟಿಕೆ ಅರಿಶಿನ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಅರ್ಧ ಕಪ್ ಮೊಸರು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ಮುಚ್ಚಳ ಮುಚ್ಚಿ 15 ನಿಮಿಷ ಎತ್ತಿಡಿ.
    * ಈರುಳ್ಳಿ ಫ್ರೈ ಮಾಡಿದ ಪಾತ್ರೆಯಲ್ಲಿ ಮಸಾಲೆಯಲ್ಲಿ ಮಿಕ್ಸ್ ಮಾಡಿರುವ ಚಿಕನ್ ಹಾಕಿ. ತುಪ್ಪದಲ್ಲಿ ಚಿಕನ್ ಚೆನ್ನಾಗಿ ಎರಡರಿಂದ ಮೂರು ನಿಮಿಷ ಫ್ರೈ ಮಾಡಿ, ರುಬ್ಬಿಕೊಂಡಿರುವ ಮಸಾಲೆಯನ್ನ ಸೇರಿಸಿ.

    * ಮಸಾಲೆ ಸೇರಿಸಿದ ನಂತರ ಕಡಿಮೆ ಉರಿಯಲ್ಲಿ ಚಿಕನ್ ಚೆನ್ನಾಗಿ ಎರಡು ನಿಮಿಷ ಬೇಯಿಸಿ. ತದನಂತರ ಅರ್ಧ ಕಪ್ ಮೊಸರು, ಒಂದು ಕಪ್ ಹಾಲು ಹಾಗೂ ಫ್ರೈ ಮಾಡಿಕೊಂಡಿರುವ ಈರುಳ್ಳಿ ಸೇರಿಸಿ ಚೆನ್ನಾಗಿ ಪ್ಲಿಪ್ ಮಾಡಬೇಕು.
    * ಕೊನೆಗೆ ಒಂದು ಕಪ್ ನೀರು, ಮೂರು ಹಸಿ ಮೆಣಸಿನಕಾಯಿ ಹಾಕಿ ಮುಚ್ಚಳ ಮುಚ್ಚಿ 10 ನಿಮಿಷ ಬೇಯಿಸಿದ್ರೆ ಮುಗಲಾಯಿ ಚಿಕನ್ ರೆಡಿ.

     

  • ಮನೆಗೆ ಗೆಸ್ಟ್ ಬರ್ತಿದ್ದೀರಾ? ಲೆಮನ್ ಪೆಪ್ಪರ್ ಚಿಕನ್ ಫ್ರೈ ಮಾಡಿ

    ಮನೆಗೆ ಗೆಸ್ಟ್ ಬರ್ತಿದ್ದೀರಾ? ಲೆಮನ್ ಪೆಪ್ಪರ್ ಚಿಕನ್ ಫ್ರೈ ಮಾಡಿ

    -ಒಮ್ಮೆ ತಿಂದವರು ನಿಮ್ಮ ಮನೆಯೂಟ ಮರೆಯಲ್ಲ

    ಭಾನುವಾರ ಬಂದ್ರೆ ಸಾಕು ಮನೆಯಲ್ಲಿ ನಾನ್-ವೆಜ್ ಬೇಕು ಎಂಬುವುದು ಕುಟುಂಬಸ್ಥರ ಆಸೆ. ನಾರ್ಮಲ್ ಆಗಿ ಚಿಕನ್ ಕಬಾಬ್, ಚಿಕನ್ ಸಾಂಬಾರ್ ತಿಂದು ಬೇಜಾರು ಆಗಿರುತ್ತೆ. ಭಾನುವಾರ ರಜಾ ದಿನ ಆಗಿದ್ದರಿಂದ ನಿಧಾನವಾಗಿ ಅಡುಗೆ ಮಾಡಲು ಸಮಯ ಇರುತ್ತೆ. ಯಾರಾದ್ರೂ ಗೆಸ್ಟ್ ನಿಮ್ಮ ಮನೆಗೆ ಬರುತ್ತಿದ್ರೆ ಲೆಮನ್ ಪೆಪ್ಪರ್ ಚಿಕನ್ ಫ್ರೈ ಮಾಡಿ ಉಣಬಡಿಸಿ. ಒಮ್ಮೆ ಲೆಮನ್ ಪೆಪ್ಪರ್ ಚಿಕನ್ ಫ್ರೈ ತಿಂದವರು ನಿಮ್ಮ ಮನೆಯೂಟವನ್ನ ಮರೆಯಲು ಸಾಧ್ಯವಿಲ್ಲ. ಲೆಮನ್ ಪೆಪ್ಪರ್ ಚಿಕನ್ ಫ್ರೈ ಮಾಡುವ ವಿಧಾನ ಇಲ್ಲಿದೆ.

    ಬೇಕಾಗುವ ಸಾಮಾಗ್ರಿಗಳು
    ಚಿಕನ್-1/2 ಕೆಜಿ
    ಮೊಸರು- 1 ಕಪ್
    ಬೆಣ್ಣೆ- 1 ಟಿ ಸ್ಪೂನ್
    ಪೆಪ್ಪರ್ ಪೌಡರ್- 1 ಟೀ ಸ್ಪೂನ್
    ಶುಂಠಿ ಬೆಳ್ಳುಳ್ಳಿ ಪೇಸ್ಟ್ – 1 ಟೀ ಸ್ಪೂನ್
    ನಿಂಬೆ ರಸ- 2 ಟೀ ಸ್ಪೂನ್
    ಕಾಳು ಮೆಣಸು- 4 ರಿಂದ 5
    ಚಕ್ಕೆ- ಸ್ಪಲ್ಪ
    ಲವಂಗ-3 ರಿಂದ 4
    ಏಲಕ್ಕಿ -2 ರಿಂದ 3
    ಹಸಿ ಮೆಣಸಿನಕಾಯಿ- 4 ರಿಂದ 8
    ಕೋತಂಬರಿ ಸೊಪ್ಪು
    ಎಣ್ಣೆ
    ಉಪ್ಪು-ರುಚಿಗೆ ತಕ್ಕಷ್ಟು

    ಮಾಡುವ ವಿಧಾನ
    * ಮೊದಲಿಗೆ ಚಿಕನ್ ದೊಡ್ಡ ಪೀಸ್ ಗಳಲ್ಲಿ ಕತ್ತರಿಸಿಕೊಳ್ಳಿ (ಲೆಗ್ ಪೀಸ್). ಬಿಸಿ ನೀರಿನಲ್ಲಿ ಚೆನ್ನಾಗಿ ತೊಳೆದುಕೊಂಡು ಮಿಕ್ಸಿಂಗ್ ಬೌಲ್ ಗೆ ಹಾಕಿಕೊಳ್ಳಿ. ಮಿಕ್ಸಿಂಗ್ ಬೌಲ್ ಗೆ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಉಪ್ಪು, ನಿಂಬೆ ರಸ, ಎರಡು ಟೀ ಸ್ಪೂನ್ ಮೊಸರು, ಪೆಪ್ಪರ್ ಪೌಡರ್ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ, ಮುಚ್ಚಳ ಮುಚ್ಚಿ ಒಂದು ಗಂಟೆ ಎತ್ತಿಡಿ. (ಚಿಕನ್ ಮಸಾಲೆಯಲ್ಲಿ ನೆನೆಯಬೇಕು)
    * ಸ್ಟೌವ್ ಮೇಲೆ ಪ್ಯಾನ್ ಇಟ್ಟುಕೊಂಡು ಮೂರು ಟೀ ಸ್ಪೂನ್ ಎಣ್ಣೆ, ಒಂದು ಟೀ ಸ್ಪೂನ್ ಬೆಣ್ಣೆ ಹಾಕಿ. ಎಣ್ಣೆ ಬಿಸಿಯಾಗತ್ತಿದ್ದಂತೆ ಕಡಿಮೆ ಉರಿಯಲ್ಲಿ ಕಾಳು ಮೆಣಸು, ಚಕ್ಕೆ, ಲವಂಗ ಮತ್ತು ಏಲಕ್ಕಿ ಹಾಕಿ ಚೆನ್ನಾಗಿ ಬಾಡಿಸಿಕೊಳ್ಳಿ.

    * ಮಸಾಲೆ ಕಂದು ಬಣ್ಣಕ್ಕೆ ತಿರುಗಿದಾದ ಮಸಾಲೆಯಲ್ಲಿ ಮಿಕ್ಸ್ ಮಾಡಿರುವ ಚಿಕನ್ ಪೀಸ್ ಒಂದೊಂದಾಗಿ ಬಾಣಲೆಗೆ ಹಾಕಿಕೊಳ್ಳಿ. ಎರಡು ನಿಮಿಷ ನಂತರ ಚಿಕನ್ ಪೀಸ್ ಪ್ಲಿಪ್ ಮಾಡಿ.
    * ಐದು ನಿಮಿಷಗಳ ನಂತರ ಚಿಕನ್ ಗೆ ಮೂರರಿಂದ ನಾಲ್ಕು ಟೀ ಸ್ಪೂನ್ ಮೊಸರು, ಪೆಪ್ಪರ್ ಪೌಡರ್, ಕತ್ತರಿಸಿ ಮೆಣಸಿನ ಕಾಯಿ ಹಾಕಿ ಕಡಿಮೆ ಉರಿಯಲ್ಲಿ ಮೂರು ನಿಮಿಷವರೆಗೆ ಬೇಯಿಸಿ, ಕೋತಂಬರಿ ಸೊಪ್ಪು ಉದುರಿಸಿದ್ರೆ ಲೆಮನ್ ಪೆಪ್ಪರ್ ಚಿಕನ್ ಫ್ರೈ ರೆಡಿ.

  • ಒಮ್ಮೆ ತಿಂದ್ರೆ ಪದೇ ಪದೇ ಬೇಕೆನಿಸುವ ಗರಂ ಚಿಕನ್ ಫ್ರೈ

    ಒಮ್ಮೆ ತಿಂದ್ರೆ ಪದೇ ಪದೇ ಬೇಕೆನಿಸುವ ಗರಂ ಚಿಕನ್ ಫ್ರೈ

    ಭಾನುವಾರ ಬಂದ್ರೆ ಸಾಕು ಬಾಡೂಟ ಬೇಕೇ ಬೇಕು. ಅದೇ ಚಿಕನ್ ಸಾಂಬಾರ್, ಚಿಕನ್ 65 ತಿಂದು ಬೇಜಾರಾಗಿರುತ್ತೆ. ಮನೆಯಲ್ಲಿಯೇ ಗರಂ ಮಸಾಲಾ ಪೌಡರ್ ಮಾಡಿಕೊಂಡು ಈರುಳ್ಳಿ ಮಿಕ್ಸಡ್ ಚಿಕನ್ ಫ್ರೈ ಮಾಡಿದ್ರೆ ತಿಂದವರು ಮತ್ತೊಮ್ಮೆ ಕೇಳುತ್ತಾರೆ.

    ಬೇಕಾಗುವ ಸಾಮಾಗ್ರಿಗಳು
    ಚಿಕನ್-1 ಕೆಜಿ
    ಅರುಳ್ಳಿ – 4 (ಮಧ್ಯಮ ಗಾತ್ರದ್ದು)
    ಟೊಮೆಟೋ-1 (ದೊಡ್ಡದು)
    ಅರಿಶಿನ- 1/2 ಟೀ ಸ್ಪೂನ್
    ಧನಿಯಾ ಪೌಡರ್- 1/2 ಟೀ ಸ್ಪೂನ್
    ಗರಂ ಮಸಾಲ- 1/2 ಟೀ ಸ್ಪೂನ್
    ಅಚ್ಚು ಖಾರದ ಪುಡಿ- 2 ಟೀ ಸ್ಪೂನ್
    ಉಪ್ಪು- ರುಚಿಗೆ ತಕ್ಕಷ್ಟು
    ನಿಂಬೆಹಣ್ಣು- 1
    ಶುಂಠಿ, ಬೆಳ್ಳುಳ್ಳಿ ಪೇಸ್ಟ್- 1 ಟೀ ಸ್ಪೂನ್
    ಕೋತಂಬರಿ ಸೊಪ್ಪು
    ಎಣ್ಣೆ

    ಮಸಾಲಾ ಪೌಡರ್ ಮಾಡಲು ಬೇಕಾಗುವ ಸಾಮಾಗ್ರಿಗಳು:
    ಧನಿಯಾ-2 ಟೀ ಸ್ಪೂನ್
    ಚಕ್ಕೆ- 4 ರಿಂದ 5 ಇಂಚು
    ಲವಂಗ- 5 ರಿಂದ 6
    ಕೆಂಪು ಮೆಣಸಿನಕಾಯಿ- 8 ರಿಂದ 10
    ಏಲಕ್ಕಿ- 3 ರಿಂದ 4
    ಕಾಳು ಮೆಣಸು- 5 ರಿಂದ 6
    ಸೋಂಪು- 1 ಟೀ ಸ್ಪೂನ್
    ಜೀರಿಗೆ- 1/2 ಟೀ ಸ್ಪೂನ್

    ಮಾಡುವ ವಿಧಾನ:
    * ಚಿಕನ್ ನನ್ನ ದೊಡ್ಡ ಪೀಸ್ ಗಳಲ್ಲಿ ಕತ್ತರಿಸಿಕೊಂಡು ಬಿಸಿನೀರಿನಲ್ಲಿ ಎರಡರಿಂದ ಮೂರು ಬಾರಿ ತೊಳೆದುಕೊಂಡು ಮಿಕ್ಸಿಂಗ್ ಬೌಲ್ ಗೆ ಹಾಕಿಕೊಳ್ಳಿ.
    * ಚಿಕನ್ ಗೆ ಅರಿಶಿನ, ಧನಿಯಾ ಪೌಡರ್, ಗರಂ ಮಸಾಲಾ, ನಿಂಬೆ ಹಣ್ಣಿನ ರಸ, ಉಪ್ಪು, ಕತ್ತರಿಸಿದ ಒಂದು ಈರುಳ್ಳಿ, ಅಚ್ಚು ಖಾರದ ಪುಡಿ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ಪಾತ್ರೆಗೆ ಮುಚ್ಚಳ ಮುಚ್ಚಿ 10 ರಿಂದ 15 ನಿಮಿಷ ಎತ್ತಿಡಿ.

    * ಮಸಾಲಾ ಪೌಡರ್: ಸ್ಟೌವ್ ಮೇಲೆ ಪ್ಯಾನ್ ಇಟ್ಟುಕೊಂಡು ಧನಿಯಾ, ಚಕ್ಕೆ, ಲವಂಗ, ಕೆಂಪು ಮೆಣಸಿನಕಾಯಿ, ಏಲಕ್ಕಿ, ಕಾಳು ಮೆಣಸು, ಸೋಂಪು ಮತ್ತು ಜೀರಿಗೆ ಹಾಕಿ ಕಡಿಮೆ ಉರಿಯಲ್ಲಿ ಹುರಿದುಕೊಳ್ಳಿ. ಹುರಿದುಕೊಂಡಿರುವ ಮಸಾಲಾ ತಣ್ಣಗಾದ ಕೂಡಲೇ ಮಿಕ್ಸಿಗೆ ಹಾಕಿ ರುಬ್ಬಿಕೊಂಡ್ರೆ ಹೋಮ್ ಮೇಡ್ ಗರಂ ಮಸಾಲಾ ಸಿದ್ಧವಾಗುತ್ತೆ.
    * ಸ್ಟೌವ್ ಆನ್ ಮಾಡಿಕೊಂಡು ಪ್ಯಾನ್ ಇಟ್ಟುಕೊಳ್ಳಿ. ಇದಕ್ಕೆ ಸ್ವಲ್ಪ ಎಣ್ಣೆ ಹಾಕಿ. ಎಣ್ಣೆ ಬಿಸಿ ಆಗುತ್ತಿದ್ದಂತೆ ಕತ್ತರಿಸಿಕೊಂಡಿರುವ ಈರುಳ್ಳಿ ಹಾಕಿ ಹಸಿ ವಾಸನೆ ಹೋಗುವರೆಗೂ ಬೇಯಿಸಿಕೊಳ್ಳಬೇಕು. ಈರುಳ್ಳಿ ಗೋಲ್ಡನ್ ಕಲರ್ ಬರುತ್ತಿದ್ದಂತೆ ಟೊಮೆಟೋ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಮಿಕ್ಸ್ ಮಾಡಿ ಪ್ಲಿಫ್ ಮಾಡುತ್ತಿರಬೇಕು.

    * ಟೊಮೆಟೋ ಬೆಂದ ನಂತರ ಈ ಮೊದಲು ಮಸಾಲಾದಲ್ಲಿ ಮಿಕ್ಸ್ ಮಾಡಿಕೊಂಡಿರುವ ಚಿಕನ್ ಹಾಕಿ ಮುಚ್ಚಳ ಮುಚ್ಚಿ 4 ರಿಂದ 5 ನಿಮಿಷ ಬೇಯಿಸಿಕೊಳ್ಳಿ.
    * ಚಿಕನ್ ಬೆಂದ ನಂತರ ರುಬ್ಬಿಕೊಂಡಿರುವ ಮಸಾಲಾ ಜೊತೆಗೆ ಸ್ಪಲ್ಪ ಉಪ್ಪು ಸೇರಿಸಿ ಎರಡರಿಂದ ಮೂರು ನಿಮಿಷ ಫ್ರೈ ಮಾಡಿಕೊಳ್ಳಿ.
    * ಫ್ರೈ ಆಗುತ್ತಿದ್ದಂತೆ ಸಣ್ಣದಾಗಿ ಕತ್ತರಿಸಿಕೊಂಡಿರುವ ಕೋತಂಬರಿ ಸೊಪ್ಪು ಹಾಕಿದ್ರೆ ನಿಮ್ಮ ಚಿಕನ್ ಫ್ರೈ ಸಿದ್ಧ.

  • ಸಂಜೆ ಟೀ ಜೊತೆಗಿರಲಿ ಕ್ರಿಸ್ಪಿಯಾದ ಅಕ್ಕಿ ಹಿಟ್ಟಿನ ಆಂಬೋಡೆ

    ಸಂಜೆ ಟೀ ಜೊತೆಗಿರಲಿ ಕ್ರಿಸ್ಪಿಯಾದ ಅಕ್ಕಿ ಹಿಟ್ಟಿನ ಆಂಬೋಡೆ

    ಈಗ ಎಲ್ಲಿ ನೋಡಿದ್ರೂ ಮಳೆ, ಮೋಡ ಮುಸುಕಿದ ವಾತಾವರಣ. ಸಂಜೆಯಾದ ಕೂಡಲೇ ಬಿಸಿ ಬಿಸಿ ಕಾಫೀ ಬೇಡುವ ಮನಸ್ಸು ಜೊತೆಗೆ ಸ್ನಾಕ್ಸ್ ಸಹ ಕೇಳುತ್ತೆ. ಏನಾದ್ರೂ ಹೋಟೆಲಿನಿಂದ ತರೋಣ ಅಂದ್ರೆ ಮಳೆಯ ಕಾಟದ ಕೊರೊನಾ ಭಯ. ಹಾಗಾಗಿ ಮನೆಯಲ್ಲಿ ನಾಲಿಗೆ ಹಿತ ನೀಡುವ ಅಕ್ಕಿ ಹಿಟ್ಟಿನ ಆಂಬೋಡೆ ಮಾಡಿಕೊಂಡು ತಿನ್ನಿ.

    ಬೇಕಾಗುವ ಸಾಮಾಗ್ರಿಗಳು
    ಅಕ್ಕಿ ಹಿಟ್ಟು- 1 ಕಪ್
    ಮೈದಾಹಿಟ್ಟು- 2 ಟೀ ಸ್ಪೂನ್
    ಗಟ್ಟಿ ಮೊಸರು- ಮುಕ್ಕಾಲು ಕಪ್
    ಕರಿಬೇವು- ಎರಡರಿಂದ ಮೂರು ಎಲೆ
    ಜೀರಿಗೆ- 1/2 ಟೀ ಸ್ಪೂನ್
    ಒಣ ಮೆಣಸಿನಕಾಯಿ- 1
    ಅಡುಗೆ ಸೋಡಾ- 1/2 ಟೀ ಸ್ಪೂನ್
    ಎಣ್ಣೆ- ಕರಿಯಲು
    ಉಪ್ಪು- ರುಚಿಗೆ ತಕ್ಕಷ್ಟು

    ಮಾಡುವ ವಿಧಾನ:
    * ಮೊದಲಿಗೆ ಒಂದು ಮಿಕ್ಸಿಂಗ್ ಬೌಲ್ ಗೆ ಅಕ್ಕಿ ಹಿಟ್ಟು, ಮೈದಾ ಹಿಟ್ಟು, ಗಟ್ಟಿ ಮೊಸರು ಹಾಕಿಕೊಳ್ಳಬೇಕು.
    * ತದನಂತರ ಇದೇ ಬೌಲ್ ಗೆ ಸಣ್ಣದಾಗಿ ಕತ್ತರಿಸಿದ ಒಣ ಮೆಣಸಿನಕಾಯಿ, ಕರಿಬೇವು ಹಾಕಿ. ಬಳಿಕ ಜೀರಿಗೆ, ಅಡುಗೆ ಸೋಡಾ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಬೇಕು. ಮೊಸರು ಹಾಕಿದ್ದರಿಂದ ಸ್ವಲ್ಪ ಪ್ರಮಾಣದಲ್ಲಿ ಹಾಕಿ ಮಿಶ್ರಣವನ್ನು ಬಜ್ಜಿ ಹಿಟ್ಟಿನ ಹದಕ್ಕೆ ಬರೋವರೆಗೆ ಮಿಕ್ಸ್ ಮಾಡಿ.
    * ಒಂದು ಪ್ಯಾನ್ ನಲ್ಲಿ ಕರಿಯಲು ಬೇಕಾಗುವಷ್ಟು ಎಣ್ಣೆ ಹಾಕಿ ಬಿಸಿ ಮಾಡಿಕೊಳ್ಳಿ. ಎಣ್ಣೆ ಬಿಸಿಯಾದ ನಂತ್ರ ಈಗಾಗಲೇ ರೆಡಿ ಮಾಡಿಕೊಂಡಿರುವ ಮಿಶ್ರಣದಿಂದ ಒಂದೊಂದೆ ಚಿಕ್ಕ ಉಂಡೆಗಳನ್ನಾಗಿ ಮಾಡಿ ಪ್ಯಾನ್ ಗೆ ಹಾಕಿ.
    * ಆಂಬೊಡೆಯನ್ನ ಆಗಾಗ್ಗೆ ಪ್ಲಿಪ್ ಮಾಡ್ತಿರಬೇಕು. ಗೋಲ್ಡನ್ ಕಲರ್ ಬರೋವರೆಗೆ ಫ್ರೈ ಮಾಡಿ ತೆಗೆದ್ರೆ ಕ್ರಿಸ್ಪಿಯಾದ ಆಂಬೋಡೆ ರೆಡಿ.

  • ಆಸ್ಪತ್ರೆಯಲ್ಲಿ ಕೋವಿಡ್ ರೋಗಿಗಳಿಗೆ ಯಾವ ದಿನ, ಏನು ಆಹಾರ?

    ಆಸ್ಪತ್ರೆಯಲ್ಲಿ ಕೋವಿಡ್ ರೋಗಿಗಳಿಗೆ ಯಾವ ದಿನ, ಏನು ಆಹಾರ?

    ಬೆಂಗಳೂರು: ಕೊರೊನಾ ಸೋಂಕಿತ ರೋಗಿಗಳಿಗೆ ಯಾವ ದಿನ, ಯಾವ ಆಹಾರ ನೀಡಬೇಕು ಎಂಬುದರ ಕುರಿತು ಸರ್ಕಾರ ಸುತ್ತೋಲೆ ಹೊರಡಿಸಿದ್ದು, ರಾಜ್ಯದ ಎಲ್ಲ ಜಿಲ್ಲೆಯ ಕೊರೊನಾ ಆಸ್ಪತ್ರೆಗಳಲ್ಲಿ ಮೆನು ಪ್ರಕಾರ ಆಹಾರ ನೀಡುವಂತೆ ಸೂಚಿಸಿದೆ.

    ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ರೋಗಿಗಳಿಗೆ ಉತ್ತಮ ಗುಣಮಟ್ಟದ ಹಾಗೂ ಪೌಷ್ಠಿಕಾಂಶಯುಕ್ತ ಆಹಾರ ನೀಡಲಾಗುತ್ತಿಲ್ಲ. ಸೂಕ್ತ ಆಹಾರವಿಲ್ಲದೆ ಕೊರೊನಾ ರೋಗಿಗಳು ನರಳುತ್ತಿದ್ದಾರೆ ಎಂಬ ಆರೋಪ ಕೇಳಿ ಬಂದಿತ್ತು. ಈ ಹಿನ್ನಲೆ ಸರ್ಕಾರ ತಜ್ಞರ ಜೊತೆ ಚರ್ಚಿಸಿ ಪ್ರತಿ ದಿನ ಹಾಗೂ ಪ್ರತಿ ಹೊತ್ತಿನ ಊಟದ ಮೆನುವನ್ನು ಸಿದ್ಧಪಡಿಸಿದೆ. ರಾಜ್ಯದ ಎಲ್ಲ ಜಿಲ್ಲೆಗಳ ಆಸ್ಪತ್ರೆಗಳಲ್ಲಿ ಮೆನು ಪ್ರಕಾರ ರೋಗಿಗಳಿಗೆ ಊಟ, ಉಪಹಾರ ನೀಡಲು ತಿಳಿಸಿದೆ.

    ಬೆಳಗಿನ ಉಪಹಾರ ಯಾವ ದಿನ ಏನು?
    ಸೋಮವಾರ
    ಬೆಳಗ್ಗೆ 7ಕ್ಕೆ ರವೆ ಇಡ್ಲಿ, ಬೆಳಗ್ಗೆ 10ಕ್ಕೆ ಕಲ್ಲಂಗಡಿ ಹಣ್ಣು, ರಾಗಿ ಗಂಜಿ

    ಮಂಗಳವಾರ
    ಬೆಳಗ್ಗೆ 7ಕ್ಕೆ ಪೊಂಗಲ್, ಬೆಳಗ್ಗೆ 10ಕ್ಕೆ ಪಪ್ಪಾಯ ಹಣ್ಣು, ಪಾಲಾಕ್ ಸೂಪ್.

    ಬುಧವಾರ
    ಬೆಳಗ್ಗೆ 7ಕ್ಕೆ ಸೆಟ್ ದೋಸೆ, ಬೆಳಗ್ಗೆ 10ಕ್ಕೆ ಕರಬೂಜ ಹಣ್ಣು, ರವೆ ಗಂಜಿ.

    ಗುರುವಾರ
    ಬೆಳಗ್ಗೆ 7ಕ್ಕೆ ಅಕ್ಕಿ ಇಡ್ಲಿ, ಬೆಳಗ್ಗೆ 10ಕ್ಕೆ ಕಲ್ಲಂಗಡಿ ಹಣ್ಣು, ಕ್ಯಾರೆಟ್ ಸೂಪ್.

    ಶುಕ್ರವಾರ
    ಬೆಳಗ್ಗೆ 7ಕ್ಕೆ ಬಿಸಿಬೇಳೆ ಬಾತ್, ಬೆಳಗ್ಗೆ 10ಕ್ಕೆ ಪಪ್ಪಾಯ ಹಣ್ಣು, ರಾಗಿ ಗಂಜಿ

    ಶನಿವಾರ
    ಬೆಳಗ್ಗೆ 7ಕ್ಕೆ ಚೌಚೌ ಬಾತ್, ಬೆಳಗ್ಗೆ 10ಕ್ಕೆ ಕರಬೂಜ ಹಣ್ಣು, ಟೊಮ್ಯಾಟೊ ಸೂಪ್

    ಭಾನುವಾರ
    ಬೆಳಗ್ಗೆ 7ಕ್ಕೆ ಸೆಟ್ ದೋಸೆ, ಬೆಳಗ್ಗೆ 10ಕ್ಕೆ ಪಪ್ಪಾಯ ಹಣ್ಣು, ರವೆ ಗಂಜಿ

    ಊಟ ಏನೇನಿರುತ್ತೆ?
    ಪ್ರತಿ ದಿನ ಬೆಳಗ್ಗೆ 7ಕ್ಕೆ ಉಪಹಾರ, ಬೆಳಗ್ಗೆ 10ಕ್ಕೆ ಹಣ್ಣು, ಗಂಜಿ ಅಥವಾ ಸೂಪ್, ಮಧ್ಯಾಹ್ನ 1ಕ್ಕೆ ಊಟ ರೊಟ್ಟಿ ಅಥವಾ ಚಪಾತಿ, ಪಲ್ಯ, ಅನ್ನ, ಬೇಳೆ ಸಾರು, ಮೊಸರು, ಮೊಟ್ಟೆ ನೀಡಲಾಗುತ್ತದೆ. ಸಂಜೆ 5.30ಕ್ಕೆ ಲಘು ಉಪಹಾರ ಏಲಕ್ಕಿ ಬಾಳೆಹಣ್ಣು, ಮಾರಿ ಬಿಸ್ಕೆಟ್-3, ಪ್ರೊಟೀನ್ ಬಿಸ್ಕೆಟ್-2, ಫ್ರೆಶ್ ಡೇಟ್ಸ್-2, ಮ್ಯಾಂಗೋ ಬಾರ್(ವಿಟಮಿನ್-ಸಿ ಯುಕ್ತ) ನೀಡಲಾಗುತ್ತದೆ. ರಾತ್ರಿ 7ಕ್ಕೆ ಊಟ ರೊಟ್ಟಿ ಅಥವಾ ಚಪಾತಿ-2, ಪಲ್ಯ, ಅನ್ನ, ಬೇಳೆ ಸಾರು, ಮೊಸರು ಹಾಗೂ ರಾತ್ರಿ 9ಕ್ಕೆ ಫ್ಲೇವರ್ಡ್ ಹಾಲು ನೀಡಲಾಗುತ್ತದೆ.

    ದಿನವೂ ಮೊಟ್ಟೆ, ಫ್ಲೇವರ್ಡ್ ಮಿಲ್ಕ್ ಕಡ್ಡಾಯ ಕಡ್ಡಾಯವಾಗಿದೆ. ಪ್ರತಿ ದಿನ ರೋಗಿಗಳಿಗೆ, ವೈದ್ಯರಿಗೆ, ಅಧಿಕಾರಿಗಳಿಗೆ ಆಹಾರ ಒದಗಿಸಬೇಕು. ಅಲ್ಲದೆ ಸಮಯಕ್ಕೆ ಸರಿಯಾಗಿ ಊಟ ನೀಡಬೇಕು. ಪ್ರತಿ ವ್ಯಕ್ತಿಗೆ ಆಹಾರದ ವೆಚ್ಚಕ್ಕಾಗಿ 250 ರೂ.ಮೀರದಂತೆ ಕ್ರಮ ವಹಿಸಬೇಕು. ಈ ಮೊತ್ತವನ್ನು ಎಆರ್‍ಎಸ್ ನಿಧಿಯಿಂದ, ಜಿಲ್ಲಾಧಿಕಾರಿಗಳ ಅಧೀನದ ವಿಪತ್ತು ಪರಿಹಾರ ನಿಧಿಯಿಂದ ಪಡೆದುಕೊಳ್ಳುವಂತೆ ಸುತ್ತೋಲೆಯಲ್ಲಿ ತಿಳಿಸಲಾಗಿದೆ.

  • ಫುಡ್ ಡೆಲಿವರಿ ಬಾಯ್ಸ್‌ಗೆ 7 ಟಫ್ ರೂಲ್ಸ್ – ಆನ್‍ಲೈನ್ ಫುಡ್ ಆರ್ಡರ್ ಮುನ್ನ ಈ ಸ್ಟೋರಿ ಓದಿ

    ಫುಡ್ ಡೆಲಿವರಿ ಬಾಯ್ಸ್‌ಗೆ 7 ಟಫ್ ರೂಲ್ಸ್ – ಆನ್‍ಲೈನ್ ಫುಡ್ ಆರ್ಡರ್ ಮುನ್ನ ಈ ಸ್ಟೋರಿ ಓದಿ

    ಬೆಂಗಳೂರು: ದಿನೇ ದಿನೇ ಸಿಲಿಕಾನ್ ಸಿಟಿಯಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿದೆ. ಸರ್ಕಾರ ಎಷ್ಟೇ ಕಠಿಣ ನಿಮಯಗಳನ್ನು ಜಾರಿ ಮಾಡಿದ್ರೂ ಜನರು ಮಾತ್ರ ಸುಖಾಸುಮ್ಮನೆ ಓಡಾಡಲು ಶುರು ಮಾಡಿದ್ದಾರೆ. ಇದೀಗ ಫುಡ್ ಡೆಲಿವರಿ ಬಾಯ್ಸ್‌ಗೆ ಟಫ್ ರೂಲ್ಸ್ ಜಾರಿಯಾಗಲಿದೆ. ಹೀಗಾಗಿ ಆನ್‍ಲೈನ್ ಫುಡ್ ಆರ್ಡರ್ ಮಾಡುವ ಮುನ್ನ ಈ ಸ್ಟೋರಿ ಓದಿ.

    ಸರ್ಕಾರದಿಂದ ಫುಡ್ ಡೆಲಿವರಿ ಬಾಯ್ಸ್‌ಗೆ ಕಠಿಣ ನಿಮಯ ಜಾರಿಗೆ ಬಂದಿದೆ. ಸರ್ಕಾರ ಜಾರಿ ಮಾಡಿರುವ ನಿಯಮಗಳನ್ನು ಕಡ್ಡಾಯವಾಗಿ ಪಾಲನೆ ಮಾಡುವಂತೆ ಸರ್ಕಾರ ಸೂಚನೆ ನೀಡಿದೆ. ಫುಡ್ ಡೆಲಿವರಿ ಬಾಯ್ಸ್‌ಗೆ ಏಳು ನಿಯಮಗಳನ್ನು ಪಾಲಿಸಬೇಕೆಂದು ಸೂಚಿಸಿದೆ. ಒಂದು ವೇಳೆ ಫುಡ್ ಡೆಲಿವರಿ ಬಾಯ್ಸ್ ಈ ನಿಯಮಗಳನ್ನು ಪಾಲಿಸದಿದ್ದರೆ ಅವರ ವಿರುದ್ಧ ಸೂಕ್ತ ಕ್ರಮಕೈಗೊಳ್ಳಲಾಗುತ್ತದೆ ಎಂದು ತಿಳಿದುಬಂದಿದೆ.

    ಏಳು ಕಠಿಣ ನಿಮಯ:
    1. ಫೇಸ್ ಮಾಸ್ಕ್ ಮತ್ತು ಫೇಸ್ ಸೀಲ್ಡ್ ಕಡ್ಡಾಯವಾಗಿ ಬಳಸಬೇಕು.
    2. ಫುಡ್ ಡೆಲಿವರಿಗೆ ಮುನ್ನ ಮತ್ತು ನಂತರ ಕೈಗಳನ್ನ ಸ್ಯಾನಿಟೈಸ್ ಮಾಡಬೇಕು.
    3. ಫುಡ್ ಡೆಲಿವರಿ ಕೊಡುವಾಗ 3 ರಿಂದ 6 ಅಡಿ ಅಂತರ ಪಾಲಿಸಬೇಕು.
    4. ಕಾಲಿಂಗ್ ಬೆಲ್, ಬಾಗಿಲು, ಗೇಟ್ ಮುಟ್ಟಬಾರದು. ಮುಟ್ಟಿದರೆ ತಕ್ಷಣ ಕೈಗಳಿಗೆ ಸ್ಯಾನಿಟೈಸ್ ಮಾಡಬೇಕು.
    5. ಯುಪಿಐ ಅಥವಾ ಆನ್‍ಲೈನ್ ಮೂಲಕ ಹಣ ಪಡೆಯುವುದು ಸೂಕ್ತ.
    6. ಹಣ ಪಡೆದರೆ ತಕ್ಷಣ ಕೈಗಳಿಗೆ ಸ್ಯಾನಿಟೈಸ್ ಮಾಡಬೇಕು.
    7. ಕ್ರೆಡಿಟ್ ಕಾರ್ಡ್ ಅಥವಾ ಡೆಬಿಟ್ ಕಾರ್ಡ್ ಮುಟ್ಟಿದರು ಕೈಗಳಿಗೆ ಸ್ಯಾನಿಟೈಸ್ ಮಾಡಬೇಕು.