ಇಂದು ಮಾಡುವ ಅಡುಗೆಗಳೆಲ್ಲವು ಮಸಾಲೆ ಪದಾರ್ಥಗಳನ್ನು ಒಳಗೊಂಡಿರುತ್ತದೆ. ಇಂದು ನಾವು ಪೋಷಕಾಂಶಗಳನ್ನು ಒಳಗೊಂಡಿರುವ ಸೊಪ್ಪನ್ನು ಬಳಕೆ ಮಾಡಿಕೊಂಡು ಬೆಳಗ್ಗಿನ ತಿಂಡಿಗೆ ಅಡುಗೆ ಮಾಡಿದರೆ ತುಂಬಾ ಚೆನ್ನಾಗಿರುತ್ತದೆ. ಬನ್ನಿ ಇನ್ಯಾಕೆ ತಡ ಪಾಲಕ್ ಪಲಾವ್ ಮಾಡುವ ಸರಳ ವಿಧಾನ ನೋಡೋಣ
ಬೇಕಾಗುವ ಸಾಮಗ್ರಿಗಳು:
* ಪಾಲಕ್ ಸೊಪ್ಪು – ಎರಡು ಕಟ್ಟು
* ಚೆಕ್ಕೆ, ಏಲಕ್ಕಿ, ಲವಂಗ – ಸ್ವಲ್ಪ
* ಕಾಳುಮೆಣಸು- ಸ್ವಲ್ಪ
* ದಾಲ್ಚಿನ್ನಿ ಎಲೆ – ಒಂದು
* ಜೀರಿಗೆ- 1 ಚಮಚ
* ಟೊಮೆಟೋ – 1
* ತುಪ್ಪ- ಅರ್ಧ ಕಪ್
* ಹಸಿಮೆಣಸಿನಕಾಯಿ- 4
* ಅರಿಶಿಣ- 1 ಚಮಚ
* ದಿನಿಯಾ ಪೌಡರ್- 1 ಚಮಚ
* ಜೀರಿಗೆ ಪುಡಿ- 1 ಚಮಚ
* ರುಚಿಗೆ ತಕ್ಕಷ್ಟು ಉಪ್ಪು
ಮಾಡುವ ವಿಧಾನ:
* ಕುಕ್ಕರ್‌ಗೆ ತುಪ್ಪ, ದಾಲ್ಚಿನ್ನಿ ಎಲೆ, ಜೀರಿಗೆ, ಹಸಿಮೆಣಸು, ಏಲಕ್ಕಿ, ಕಾಳುಮೆಣಸು, ಚೆಕ್ಕೆ ಹಾಕಿ ಹುರಿಯಿರಿ. ಇದನ್ನೂ ಓದಿ: ಚಳಿಗೆ ಬಿಸಿ ಬಿಸಿಯಾದ ಇಡ್ಲಿ ಮಂಚೂರಿ ಸಖತ್ ಟೇಸ್ಟ್
* ನಂತರ ಪಾಲಕ್ ಸೊಪ್ಪು, ಟೊಮೆಟೋ, ಉಪ್ಪು, ಅರಿಶಿನ, ದನಿಯಾ ಪುಡಿ, ಜೀರಿಗೆ ಪುಡಿ ಹಾಕಿ ಕೊಂಚ ಸಮಯ ಬೇಯಿಸಿಕೊಳ್ಳಿ.
* ನಂತರ ಕುಕ್ಕರ್‌ಗೆ ಅಕ್ಕಿ ಹಾಗೂ ಅಳತೆಗೆ ತಕ್ಕಂತೆ ನೀರು ಹಾಕಿ ಕುಕ್ಕರಿನ ಮುಚ್ಚಳ ಮುಚ್ಚಿ ಬೇಯಿಸಿದರೆ ಪಾಲಕ್ ಪಲಾವ್ ಸವಿಯಲು ಸಿದ್ಧವಾಗುತ್ತದೆ. ಇದನ್ನೂ ಓದಿ: ಮೆಲೆನಾಡ ಸ್ಪೆಷಲ್ ಮಾವಿನಕಾಯಿ ಅಪ್ಪೆಹುಳಿ ಮಾಡುವ ವಿಧಾನ