ಸ್ಯಾಂಡಲ್‌ವುಡ್ ನಟ ನವರಸ ನಾಯಕ ಜಗ್ಗೇಶ್ ಉತ್ತಮ ಸಾಧನೆ ಮಾಡಿರುವ ಪತ್ನಿ ಪರಿಮಳ ಅವರಿನ್ನ ಹಾಡಿ ಹೊಗಳಿದ್ದಾರೆ. 54ನೇ ವಯಸ್ಸಿಗೆ ಪತ್ನಿ ಪರಿಮಳಾ ಸಾಧನೆಯ ಕುರಿತು ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ.
ಕನ್ನಡ ಸಿನಿಮಾಗಳ ಮೂಲಕ ನಟ ಜಗ್ಗೇಶ್ ಖ್ಯಾತಿ ಗಳಿಸಿದ್ರೆ, ಅವರ ಪತ್ನಿ ಪರಿಮಳಾ ಸಾಧನೆಯ ಹಾದಿ ನೋಡಿ ಭೇಷ್ ಎಂದು ಜಗ್ಗೇಶ್ ಪತ್ನಿಗೆ ಹೊಗಳಿದ್ದಾರೆ. ಡಯೆಟ್ ವಿಚಾರದಲ್ಲಿ ಸಾಕಷ್ಟು ಅನುಭವ ಹೊಂದಿದ್ದಾರೆ. ಕೆಲ ವರ್ಷಗಳ ಹಿಂದೆ ಭಾರತದ ಶೇಷ್ಠ 50 ಸಾಧಕರಲ್ಲಿ ಒಬ್ಬಳಾಗಿ ಸಕ್ಕರೆ ಕಾಯಿಲೆ ನಿಯಂತ್ರಣ ಆಧುನಿಕ ಆವಿಷ್ಕಾರಕ್ಕೆ ಡಾಕ್ಟರೇಟ್ ಪ್ರಶಸ್ತಿ ಪಡೆದು ಸುದ್ದಿಯಾಗಿದ್ರು. ಈಗ ಅಮೆರಿಕದ 3 ಡಯೆಟ್ ಕೋರ್ಸ್ ಮಾಡಿ ಎಜುಕೇಶನ್ ಕಂಪ್ಲೀಟ್ ಮಾಡಿದ್ದಾರೆ. ಈ ಕುರಿತು ಖುಷಿಯಿಂದ ಮಡದಿಯ ಸಾಧನೆ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಬರೆದು ಕೊಂಡಿದ್ದಾರೆ.
ಮಡದಿಯ ಸಾಧನೆಯ ಜೊತೆ ಹಳೆಯ ವಿಚಾರವನ್ನು ಜಗ್ಗೇಶ್ ಸಾಮಾಜಿಕ ಜಾಲತಾಣದಲ್ಲಿ ಹೇಳಿಕೊಂಡಿದ್ದಾರೆ. 1954ರಲ್ಲಿ ಪರಿಮಳನ ತಂದೆ ಕೋರ್ಟ್ನಲ್ಲಿ 15 ವರ್ಷದ ಮಗಳ ಭವಿಷ್ಯ ಹಾಳು ಮಾಡಿದ ಎಂದು ಜಡ್ಜ್ ಮುಂದೆ ಕಣ್ಣೀರು ಹಾಕಿದರು. ಆಗ ನಾನು ಓಹೋ ಜೈಲು ಫಿಕ್ಸ್ ಎಂದು ಅದಿರು ಬಿದ್ದೆ. ನಂತರ ಸುಪ್ರೀಂ ಕೋರ್ಟಿನಲ್ಲಿ ನನ್ನ ಕೇಸು ಖುಲಾಸೆ ಆಗಿ, ಪರಿಮಳಾ ನನ್ನ ಮನೆ ಸೇರಿದಾಗ, ಆಕೆ ನನಗೆ ಕೇಳಿದ ಬಳುವಳಿ ಜಗ್ಗಿ, ಓದು ಬಿಟ್ಟು ನಿನ್ನ ಬಳಿ ಬಂದೆ. ಪ್ಲೀಸ್ ನನ್ನನ್ನು ಓದಿಸ್ತಿಯಾ ಎಂದು ಕೇಳಿದ್ದಳು. ಅದಕ್ಕೆ ನಾನು ಕೊಟ್ಟ ಉತ್ತರ, ಪಾರು ನನಗೆ ತಿನ್ನಲು ಅನ್ನವಿಲ್ಲಾ. ಆದರೂ ಐ ಪ್ರಾಮೀಸ್ ಎಷ್ಟೇ ಕಷ್ಟ ಆದರೂ ನಿನ್ನ ಓದಿಸಲು ಯತ್ನಿಸುವೆ ಎಂದು ಮಾತು ಕೊಟ್ಟೆ ಎಂದು ಜಗ್ಗೇಶ್ ಹೇಳಿದ್ದಾರೆ. ಇದನ್ನೂ ಓದಿ: ಹಾಟ್ ಅವತಾರದಲ್ಲಿ ಸಂಯುಕ್ತಾ ಹೊರನಾಡ್
View this post on Instagram
ಇಂದಿಗೂ ಆ ಮಾತು ತಪ್ಪಿಲ್ಲಾ. ಕೊಟ್ಟ ಮಾತಿನಂತೆ ನಡೆದುಕೊಂಡೆ.. ಪರಿಮಳನ್ನು ಪಿಯುಸಿಗೆ ಈಸ್ಟ್ ವೇಸ್ಟ್ ಕಾಲೇಜ್‌ಗೆ ಸೇರಿಸಿದೆ. ಪಿಸಿಯುನಲ್ಲಿ ರ‍್ಯಾಂಕ್ ಬಂದಳು. ಬಿಎಂಎಸ್ ಕಾಲೇಜ್‌ಗೆ ಬಿಇ ಸೇರಿಸಿದೆ. ಅಲ್ಲು ತೇರ್ಗಡೆಯಾಗಿ ನಂತರ ಮತ್ತೊಂದು ಸಾಧನೆ ಕಂಪ್ಯೂಟರ್ ಡಿಪ್ಲೋಮಾ ಮಾಡಿದಳು.ಅಲ್ಲಿಗೂ ನಿಲ್ಲದೆ ʻಮೆಡಿಕಲ್ ಟ್ರಾನ್ಸ್‌ಕ್ರಿಪ್ಷನ್‌ʼ ರಾಮಯ್ಯದಲ್ಲಿ ಮುಗಿಸಿದಳು. ಈಗ ಮುಗಿಯಿತು ಎಂದರೆ ಮತ್ತೆ ಅಮೆರಿಕದ 3 ಡಯೆಟ್ ಕೋರ್ಸ್ ಮಾಡಿದಳು. ಇಂದು ನನಗರಿಯದೆ ಜಗ್ಗಿ, ನೋಡಿದ್ಯಾ ನನ್ನ ಮತ್ತೊಂದು ಡಿಗ್ರಿ ಎಂದು ಇದನ್ನ ಕಳಿಸಿದಳು ಎಂದು ಪತ್ನಿ ಬಗ್ಗೆ ಹೊಗಳಿದ್ದಾರೆ ಜಗ್ಗೇಶ್. ಒಟ್ನಲ್ಲಿ 54ನೇ ವಯಸ್ಸಿನಲ್ಲೂ ಹೆಂಡತಿ ಸಾಧನೆಗೆ ಜಗ್ಗೇಶ್ ತಲೆಬಾಗಿದ್ದಾರೆ. ಓದಿಗೆ ವಯಸ್ಸಿನ ಮಿತಿಯಿಲ್ಲ ಎಂಬುದನ್ನ ಈ ಮೂಲಕ ಜಗ್ಗೇಶ್ ಹೇಳಿಕೊಂಡಿದ್ದಾರೆ.