ಕೋವಿಡ್-19 ರೋಗಿಗಳಿಗಾಗಿ ತನ್ನ ತಾಯಿ ಸಿದ್ಧಪಡಿಸಿದ ಊಟದ ಡಬ್ಬದ ಮೇಲೆ ಬಾಲಕನೋರ್ವ ವಿಶೇಷ ಸಂದೇಶವನ್ನು ಬರೆದಿರುವ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ಊಟದ ಪ್ಯಾಕ್ ಮೇಲೆ ಬಾಲಕ ಖುಷಿಯಾಗಿರಿ ಎಂದು ಹಿಂದಿಯಲ್ಲಿ ಬರೆದಿದ್ದು, ಫೋಟೋಗೆ ನೆಟ್ಟಿಗರು ಪ್ರಶಂಸೆ ವ್ಯಕ್ತಪಡಿಸುತ್ತಿದ್ದಾರೆ. ದೇಶವು ಕೊರೊನಾ ವೈರಸ್ ಎರಡನೇ ಅಲೆ ವಿರುದ್ಧ ಹೋರಾಡುತ್ತಿರುವ ಸಮಯದಲ್ಲಿ ಈ ಫೋಟೋ ಅನೇಕ ಜನರ ಹೃದಯ ಗೆಲ್ಲುತ್ತಿದೆ.
इस बच्चे की माँ Covid patient के लिए खाना बनाती है और यह प्यारा बच्चा खाने वाली हर packing पर उनके लिये खुश रहिए लिखता है ????✌️????#Jalandhar #Punjab pic.twitter.com/mTZ10jJR4y
— Thinker!!!!! (@manishsarangal1) May 18, 2021
ಫೋಟೋದಲ್ಲಿ ಬಾಲಕ ಹಸಿರು ಬಣ್ಣದ ಶರ್ಟ್ ಧರಿಸಿದ್ದು, ಊಟದ ಡಬ್ಬದ ರಟ್ಟಿನ ಮುಚ್ಚಳದ ಮೇಲೆ ‘ಖುಷ್ ರಹಿಯೆ'(ಸಂತೋಷವಾಗಿರಿ) ಎಂದು ಪ್ರತಿಯೊಂದು ಡಬ್ಬದ ಮೇಲೆ ಹಿಂದಿಯಲ್ಲಿ ಬರೆದುಕೊಂಡು ಬರುತ್ತಿರುತ್ತಾನೆ. ಪದಗಳ ಜೊತೆಗೆ ನಗು ಮುಖದ ಚಿಹ್ನೆಯನ್ನು ಕೂಡ ಬರೆದಿದ್ದಾನೆ.
ಈ ಫೋಟೋವನ್ನು ಮನೀಷ್ ಸಾರನ್‍ಗಲ್ ಎಂಬವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ಇಲ್ಲಿಯವರೆಗೂ ಫೋಟೋಗೆ 12,000 ಲೈಕ್ಸ್ ಹಾಗೂ ನೂರಕ್ಕೂ ಹೆಚ್ಚು ಕಮೆಂಟ್‍ಗಳು ಹರಿದುಬಂದಿದೆ.