ಚಂಡೀಗಢ: ಫೆಡರಲ್ ಬ್ಯೂರೋ ಆಫ್ ಇನ್ವೆಸ್ಟಿಗೇಷನ್‌ನ (FBI) ಮೋಸ್ಟ್ ವಾಟೆಂಡ್ ಲಿಸ್ಟ್‌ನಲ್ಲಿದ್ದ ಅಂತಾರಾಷ್ಟ್ರೀಯ ಡ್ರಗ್ ಡೀಲರ್‌ನನ್ನು (International Drug Trafficker) ಪಂಜಾಬ್ ಪೊಲೀಸರು (Punjab Police) ವಶಕ್ಕೆ ಪಡೆದಿದ್ದಾರೆ.
ಕೊಲಂಬಿಯಾ, ಅಮೆರಿಕ, ಕೆನಡಾ ಮತ್ತು ಇತರ ದೇಶಗಳಲ್ಲಿ ಮಾದಕವಸ್ತು ಕಳ್ಳಸಾಗಣೆಯಲ್ಲಿ ತೊಡಗಿದ್ದ ಶೆಹ್ನಾಜ್ ಸಿಂಗ್‌ನನ್ನು ವಶಕ್ಕೆ ಪಡೆಯಲಾಗಿದೆ. ಪಂಜಾಬ್‌ನ ಪೊಲೀಸ್ ಮಹಾನಿರ್ದೇಶಕರು ಎಕ್ಸ್ ಖಾತೆಯಲ್ಲಿ ಈ ಕುರಿತು ಮಾಹಿತಿ ಹಂಚಿಕೊಂಡಿದ್ದಾರೆ. ಅಮೆರಿಕದಲ್ಲಿ ಆತನ ಸಹಚರರನ್ನು ಬಂಧಿಸಿದ ಬಳಿಕ ಕಾರ್ಯಾಚರಣೆ ನಡೆಸಿ ಶೆಹ್ನಾಜ್‌ನನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಪಂಜಾಬ್ ಪೊಲೀಸರು ತಿಳಿಸಿದ್ದಾರೆ. ಇದನ್ನೂ ಓದಿ: ರನ್ಯಾ ರಾವ್‌ಗೆ KIADBಯಿಂದ ಜಮೀನು ಮಂಜೂರು ಮಾಡಿಲ್ಲ: ಸಿಇಓ ಸ್ಪಷ್ಟನೆ
ಶಾನ್ ಭಿಂದರ್ ಅಲಿಯಾಸ್ ಶೆಹ್ನಾಜ್ ಸಿಂಗ್, ಫೆಬ್ರವರಿ 26ರಂದು ತನ್ನ ಸಹಚರರ ಬಂಧನದ ಬಳಿಕ ಭಾರತಕ್ಕೆ ಪಲಾಯನ ಮಾಡಿದ್ದ. ಅಮೆರಿಕದಲ್ಲಿ ಶೆಹ್ನಾಜ್ ಸಹಚರರ ಬಂಧನದ ಸಂದರ್ಭ ಅಧಿಕಾರಿಗಳು ಆರೋಪಿಗಳ ನಿವಾಸ ಮತ್ತು ವಾಹನಗಳಿಂದ 391 ಕೆಜಿ ಮೆಥಾಂಫೆಟಮೈನ್, 109 ಕೆಜಿ ಕೊಕೇನ್ ಮತ್ತು ನಾಲ್ಕು ಬಂದೂಕುಗಳನ್ನು ವಶಪಡಿಸಿಕೊಂಡಿದ್ದರು. ಇದನ್ನೂ ಓದಿ: ಲಲಿತ್ ಮೋದಿಗೆ ನೀಡಿದ್ದ ವಾನುವಾಟು ಪಾಸ್‌ಪೋರ್ಟ್ ರದ್ದು – ವಾನುವಾಟು ಪ್ರಧಾನಿ ಆದೇಶ
ಫೆಬ್ರವರಿ 28 ರಂದು, ಪಂಜಾಬ್ ಸರ್ಕಾರ ರಾಜ್ಯದಲ್ಲಿ ಮಾದಕವಸ್ತು ಪಿಡುಗಿನ ಮೇಲೆ ನಡೆಯುತ್ತಿರುವ ಶಿಸ್ತುಕ್ರಮವನ್ನು ಮೇಲ್ವಿಚಾರಣೆ ಮಾಡಲು ಐದು ಸದಸ್ಯರ ಸಮಿತಿಯನ್ನು ರಚಿಸಿತು. ಮುಖ್ಯಮಂತ್ರಿ ಭಗವಂತ್ ಮಾನ್ ಉನ್ನತ ಪೊಲೀಸ್ ಅಧಿಕಾರಿಗಳೊಂದಿಗೆ ಸಭೆಯನ್ನು ಕರೆದು 3 ತಿಂಗಳೊಳಗಾಗಿ ಪಂಜಾಬ್ ಮಾದಕಮುಕ್ತವಾಗಲು ಸಹಕರಿಸಿ ಎಂದು ಸೂಚನೆ ನೀಡಿದ ಬಳಿಕ ಈ ಸಮಿತಿಯನ್ನು ರಚಿಸಲಾಯಿತು. ಇದನ್ನೂ ಓದಿ: ಕಾಂಗ್ರೆಸ್ ಸಚಿವರಿಗೆ ರನ್ಯಾ ಕರೆ ಮಾಡಿದ್ದಾಳೆ: ಶಾಸಕ ಭರತ್ ಶೆಟ್ಟಿ ಬಾಂಬ್
