ಹೈದರಾಬಾದ್: ಮುಂಗಾರು ಮಳೆ-2 ಸಿನಿಮಾದ ನಟಿ ನೇಹಾ ಶೆಟ್ಟಿ ಅವರು ತಮ್ಮ ಮುಂಬರುವ ಚಿತ್ರ ಡಿಜೆ ಟಿಲ್ಲು ಟ್ರೇಲರ್ ಬಿಡುಗಡೆ ಸಮಾರಂಭದಲ್ಲಿ ಸೆಕ್ಸಿಯಸ್ಟ್ ಪ್ರಶ್ನೆ ಕೇಳಿದ ಪತ್ರಕರ್ತರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.
ಡಿಜೆ ಟಿಲ್ಲು ಸಿನಿಮಾದ ಟ್ರೇಲರ್ ಲಾಂಚ್ ಕಾರ್ಯಕ್ರಮ ಇಂದು ಅದ್ದೂರಿಯಾಗಿ ನೆರವೇರಿತು. ಈ ಟ್ರೇಲರ್‌ನಲ್ಲಿ ನಾಯಕ ಸಿದ್ದು ನಿನಗೆ ಎಷ್ಟು ಮಚ್ಚೆ ಇದೆ ಎಂದು ಕೇಳುತ್ತಾರೆ. ಇದಕ್ಕೆ ನೇಹಾ ಶೆಟ್ಟಿ 16 ಮಚ್ಚೆಗಳಿದೆ ಎಂದು ಹೇಳಿದ್ದಾರೆ. ಸದ್ಯ ರೋಮ್ಯಾಂಟಿಕ್ ದೃಶ್ಯವೊಂದನ್ನು ಉಲ್ಲೇಖಿಸಿ ಪತ್ರಕರ್ತರೊಬ್ಬರು ನಿಮಗೆ ನಿಜವಾಗಿಯೂ ಎಷ್ಟು ಮಚ್ಚೆಗಳಿದೆ ಎಂದು ತಿಳಿದಿದೆಯೇ ಎಂದು ಮುಜುಗರಕ್ಕಿಡಾಗುವ ಪ್ರಶ್ನೆಯನ್ನು ಕೇಳಿದ್ದಾರೆ. ಈ ಪ್ರಶ್ನೆ ಕೇಳಿದಾಗ ಒಂದು ನಿಮಿಷ ಎಲ್ಲರೂ ಮೌನದಿಂದ ಅಚ್ಚರಿಗೊಳ್ಳುತ್ತಾರೆ. ಆಗ ಸಿದ್ದು ಅವರು ನಾನು ಈ ಪ್ರಶ್ನೆಗೆ ಉತ್ತರಿಸುತ್ತೇನೆ ಎಂದಿದ್ದಾರೆ. ಇದನ್ನೂ ಓದಿ: ಅಪ್ಪು ಜೊತೆ ಡ್ಯಾನ್ಸ್ ಕಾರ್ಯಕ್ರಮಕ್ಕೆ ಹೋಗಿದ್ದು, ನನ್ನ ಜೀವನದ ಮರೆಯಲಾಗದ ಕ್ಷಣ: ಅಲ್ಲು ಅರ್ಜುನ್
View this post on Instagram
ಈ ಕುರಿತಂತೆ ನೇಹಾ ಅವರು ತಮ್ಮ ಟ್ವಿಟ್ಟರ್‌ನಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಇಂದು ಟ್ರೇಲರ್ ಲಾಂಚ್‍ನಲ್ಲಿ ಈ ಪ್ರಶ್ನೆ ತುಂಬಾ ಅಸಹ್ಯಕರವಾಗಿತ್ತು. ಅವರ ಮನೆಯಲ್ಲಿರುವ ಹೆಣ್ಣುಮಕ್ಕಳಂತೆ ಕೆಲಸದ ಸಮಯದಲ್ಲಿ ತನ್ನ ಸುತ್ತಮುತ್ತಲಿರುವ ಮಹಿಳೆಯರಿಗೂ ಗೌರವಿಸಬೇಕಾಗುತ್ತದೆ ಎಂದು ಕಿಡಿಕಾರಿದ್ದಾರೆ.
ಇದಕ್ಕೆ ಪತ್ರಕರ್ತ ನನಗೆ ನಿಮ್ಮನ್ನು ಮುಜುಗರಕ್ಕೀಡಾಗಿಸುವ ಉದ್ದೇಶವಿರಲಿಲ್ಲ. ಆದರೆ ಇದು ರೋಮ್ಯಾಂಟಿಕ್ ಸಿನಿಮಾವಾದ್ದರಿಂದ, ನಾನು ರೋಮ್ಯಾಂಟಿಕ್ ಪ್ರಶ್ನೆಯನ್ನು ಕೇಳಿದೆ. ಅಲ್ಲದೇ ಇದು ಬೆಸ್ಟ್ ಟ್ರೇಲರ್ ಎಂದು ಪ್ರತ್ಯುತ್ತರ ನೀಡಿದ್ದಾರೆ. ಇದನ್ನೂ ಓದಿ: ಜಾಕ್ವೆಲಿನ್ ಫರ್ನಾಂಡೀಸ್‍ರನ್ನು ಕೆಟ್ಟದಾಗಿ ಬಿಂಬಿಸಬೇಡಿ: ಸುಕೇಶ್ ಚಂದ್ರಶೇಖರ್