Bloggers Unite

Tag: ಚಾಕೊಲೇಟ್

  • ಚಾಕೊಲೇಟ್ ಆಸೆ ತೋರಿಸಿ ಅಪ್ರಾಪ್ತೆ ಮೇಲೆ ಅತ್ಯಾಚಾರ – ತಲೆಮರೆಸಿಕೊಂಡಿದ್ದ ಆರೋಪಿ ಬಂಧನ

    ಚಾಕೊಲೇಟ್ ಆಸೆ ತೋರಿಸಿ ಅಪ್ರಾಪ್ತೆ ಮೇಲೆ ಅತ್ಯಾಚಾರ – ತಲೆಮರೆಸಿಕೊಂಡಿದ್ದ ಆರೋಪಿ ಬಂಧನ

    ರಾಯಚೂರು: ಚಾಕೊಲೇಟ್ (Chocolate) ಆಮಿಷವೊಡ್ಡಿ 11 ವರ್ಷದ ಅಪ್ರಾಪ್ತ (Minor) ಬಾಲಕಿಯ ಮೇಲೆ ವ್ಯಕ್ತಿಯೋರ್ವ ಅತ್ಯಾಚಾರವೆಸಗಿರುವ (Rape) ಘಟನೆ ರಾಯಚೂರು (Raichur) ಜಿಲ್ಲೆಯ ಸಿಂಧನೂರು (Sindhanur) ತಾಲೂಕಿನ ಆರ್‌ಹೆಚ್ ಕ್ಯಾಂಪ್‌ನಲ್ಲಿ ನಡೆದಿದೆ.

    ಸಪನ್ ಮಂಡಲ್ (52) ಅತ್ಯಾಚಾರ ಎಸಗಿರುವ ಆರೋಪಿ. ಈತ ಬಾಲಕಿಯ ಮನೆಯ ಪಕ್ಕದಲ್ಲೇ ವಾಸಿಸುತ್ತಿದ್ದು, ಚಾಕೊಲೇಟ್ ಕೊಡಿಸುವುದಾಗಿ ಬಾಲಕಿಯನ್ನು ಕರೆದೊಯ್ದಿದ್ದಾನೆ. ಬಳಿಕ ಆಕೆಗೆ ಸ್ಕೂಟರ್ ಕಲಿಸುವುದಾಗಿ ಗ್ರಾಮದ ಹೊರವಲಯಕ್ಕೆ ಕರೆದೊಯ್ದು ಜಮೀನಿನಲ್ಲಿ ಅತ್ಯಾಚಾರ ಮಾಡಿದ್ದಾನೆ. ಅತ್ಯಾಚಾರಕ್ಕೆ ಒಳಗಾದ ಬಾಲಕಿ ಕಣ್ಣೀರು ಹಾಕುತ್ತಾ ಮನೆಗೆ ಬಂದ ವೇಳೆ ವಿಷಯ ಬೆಳಕಿಗೆ ಬಂದಿದೆ. ಇದನ್ನೂ ಓದಿ: ಒಂಟಿ ಮಹಿಳೆ ಕೊಲೆ ಪ್ರಕರಣ – ಆರೋಪಿಯ ತಾಯಿಯಿಂದ ಆತ್ಮಹತ್ಯೆ ಯತ್ನ

    ಸಂತ್ರಸ್ತ ಬಾಲಕಿ 4ನೇ ತರಗತಿ ಓದುತ್ತಿದ್ದು, ಆಕೆಯ ಪೋಷಕರು ಆರೋಪಿ ಸಪನ್ ಮಂಡಲ್ ವಿರುದ್ಧ ದೂರು ದಾಖಲಿಸಿದ್ದಾರೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದು, ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ. ಈ ಕುರಿತು ಸಿಂಧನೂರು ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಇದನ್ನೂ ಓದಿ: ಕೌಟುಂಬಿಕ ಕಲಹ – ಮಕ್ಕಳ ಕತ್ತು ಸೀಳಿ ಕೊಲೆಗೈದ ಪಾಪಿ ತಂದೆ

  • ಚಾಕೊಲೇಟ್‌ನಲ್ಲಿ ಗಾಂಜಾ ಬೆರೆಸಿ ಮಾರಾಟ – ವ್ಯಕ್ತಿ ಅರೆಸ್ಟ್

    ಚಾಕೊಲೇಟ್‌ನಲ್ಲಿ ಗಾಂಜಾ ಬೆರೆಸಿ ಮಾರಾಟ – ವ್ಯಕ್ತಿ ಅರೆಸ್ಟ್

    ಚೆನ್ನೈ: ಚಾಕೊಲೇಟ್‍ಗಳ ಜೊತೆಗೆ 20.5 ಕೆಜಿ ಗಾಂಜಾ ಬೆರೆಸಿ ಮಾರಾಟ ಮಾಡುತ್ತಿದ್ದ 58 ವರ್ಷದ ವ್ಯಕ್ತಿಯನ್ನು ಕೊಯಮತ್ತೂರಿನಲ್ಲಿ ಪೊಲೀಸರು ಬಂಧಿಸಿದ್ದಾರೆ.

    ಆರೋಪಿಯನ್ನು ಅರಿವೋಲಿ ನಗರದ ಕೆ.ಬಾಲಾಜಿ ಎಂದು ಗುರುತಿಸಲಾಗಿದ್ದು, ಈತನೊಂದಿಗೆ ಇನ್ನೂ 15 ಮಂದಿಯನ್ನು ಕೂಡ ಪೊಲೀಸರು ಬಂಧಿಸಿದ್ದಾರೆ. ಇದನ್ನೂ ಓದಿ: ಪ್ರವೀಣ್ ನೆಟ್ಟಾರು ಕೇಸಲ್ಲಿ ಇನ್ನಿಬ್ಬರ ಬಂಧನ- ಪ್ರಕರಣದ ಮಾಸ್ಟರ್ ಮೈಂಡ್ ಬಗ್ಗೆಯೂ ಸುಳಿವು

    ಇದೀಗ ಆರೋಪಿ ವಿರುದ್ಧ ಭಾರತೀಯ ದಂಡ ಸಂಹಿತೆ (ಐಪಿಸಿ) ಸೆಕ್ಷನ್ 272, 273, 328 ಮತ್ತು (ಮಾದಕ ವಸ್ತುಗಳು ಹಾಗೂ ಅಮಲು ಪದಾರ್ಥಗಳ ನಿಯಂತ್ರಣ ಕಾಯ್ದೆ) ಸೇರಿದಂತೆ ವಿವಿಧ ಸೆಕ್ಷನ್‍ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ. ನಿಷೇಧಿತ ಪದಾರ್ಥಗಳ ಪರೀಕ್ಷೆಗಾಗಿ ಮಾದರಿಯನ್ನು ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದೆ.

    Live Tv
    [brid partner=56869869 player=32851 video=960834 autoplay=true]

  • ಎಗ್‍ಲೆಸ್ ‘ಚಾಕೊಲೇಟ್ ಬ್ರೌನಿ’ ಮಾಡುವ ವಿಧಾನ

    ಎಗ್‍ಲೆಸ್ ‘ಚಾಕೊಲೇಟ್ ಬ್ರೌನಿ’ ಮಾಡುವ ವಿಧಾನ

    ಚಾಕೊಲೇಟ್ ಎಂದರೇ ಚಿಕ್ಕವರಿಂದ ದೊಡ್ಡವರ ತನಕ ಇಷ್ಟಪಟ್ಟು ತಿನ್ನುತ್ತಾರೆ. ಇತ್ತೀಚೆಗೆ ಹೆಚ್ಚು ಫೇಮಸ್ ಆಗುತ್ತಿರುವ ‘ಚಾಕೊಲೇಟ್ ಬ್ರೌನಿ’ಯನ್ನು ಮೊಟ್ಟೆಯಿಲ್ಲದೇ ಹೇಗೆ ಮಾಡಬಹುದು ಎಂದು ಹೇಳಿಕೊಡುತ್ತಿದ್ದೇವೆ. ನೀವು ಸಹ ಮನೆಯಲ್ಲಿ ಸುಲಭವಾಗಿ ಮಾಡಿ ಸವಿಯಿರಿ.

    ಬೇಕಾಗಿರುವ ಪದಾರ್ಥಗಳು:
    * ಸಕ್ಕರೆ – 1 ಕಪ್
    * ಮೈದಾ – 3/4 ಕಪ್
    * ಬೇಕಿಂಗ್ ಪೌಡರ್ – 1ವರೆ ಟೀಸ್ಪೂನ್
    * ಕೋಕೋ ಪೌಡರ್ – 1/3 ಕಪ್(30 ಗ್ರಾಂ)
    * ಬೆಣ್ಣೆ – 1/2 ಕಪ್
    * ಮೊಸರು – 1/2 ಕಪ್
    * ವೆನಿಲ್ಲಾ ಸಿರಂ – 1 ಟೀ ಸ್ಪೂನ್
    * ಸೆಮಿ ಸ್ವೀಟ್ ಚಾಕೊಲೇಟ್ ಚಿಪ್ಸ್ – 1/2 ಕಪ್

    ಮಾಡುವ ವಿಧಾನ:
    * 10 ನಿಮಿಷಗಳ ಕಾಲ ಬಾಣಲೆ ಬಿಸಿ ಮಾಡಿ. ಅದಕ್ಕೆ ಬೆಣ್ಣೆಯನ್ನು ಹಾಕಿ ಬಿಸಿ ಮಾಡಿ.
    * ಮಿಕ್ಸರ್‍ಗೆ ಹಾಕಿ ಸಕ್ಕರೆಯನ್ನು ಪುಡಿ ಮಾಡಿ. ನಂತರ ಮೈದಾ ಮತ್ತು ಕೋಕೋ ಪೌಡರ್‍ನನ್ನು ಜರಡಿ ಮಾಡಿಕೊಮಡು ಎರಡನ್ನು ಮಿಶ್ರಣ ಮಾಡಿ.
    * ಮತ್ತೊಂದು ಬಟ್ಟಲಿನಲ್ಲಿ ಕರಗಿದ ಮತ್ತು ತಂಪಾಗಿಸಿದ ಬೆಣ್ಣೆಯನ್ನು ತೆಗೆದುಕೊಳ್ಳಿ. ಅದಕ್ಕೆ ಮೊಸರು ಸೇರಿಸಿ. 1 ಟೀಚಮಚ ವೆನಿಲ್ಲಾ ಸಿರಂ ಸೇರಿಸಿ. ಚೆನ್ನಾಗಿ ಮಿಕ್ಸ್ ಮಾಡಿ.


    * ಅದಕ್ಕೆ ಚಾಕೊಲೇಟ್ ಚಿಪ್ಸ್ ಸೇರಿಸಿ. ಚೆನ್ನಾಗಿ ಬೆರೆಸಿ. ಅದನ್ನು ಕೇಕ್ ಪ್ಯಾನ್‍ಗೆ ಚಾಕೋಲೇಟ್ ಮಿಶ್ರಣವನ್ನು ಹಾಕಿ ಗ್ಯಾಸ್ ಮೇಲೆ 20 ರಿಂದ 30ನಿಮಿಷಗಳ ಬಿಸಿ ಮಾಡಿ.
    * ನಂತರ ಪ್ಯಾನ್‍ನಿಂದ ತೆಗೆದುಹಾಕುವ ಮೊದಲು ಅದನ್ನು ಸಂಪೂರ್ಣವಾಗಿ ತಣ್ಣಗಾಗಲು ಬಿಡಿ. ಅದು ತಣ್ಣಗಾದ ನಂತರ,‌ ಕೇಕ್ ಪ್ಯಾನ್‍ ಬದಿ ಹಿಡಿದು ಬ್ರೌನಿ ಕೇಕ್ ಎಚ್ಚರಿಕೆಯಿಂದ ಮೇಲಕ್ಕೆತ್ತಿ.
    * ಚಾಕುವಿನಿಂದ ಅದನ್ನು ಕಟ್ ಮಾಡಿ.

    Live Tv
    [brid partner=56869869 player=32851 video=960834 autoplay=true]

  • ಬ್ಯಾಕ್ಟೀರಿಯಾ ಪತ್ತೆ- ವಿಶ್ವದ ಅತಿ ದೊಡ್ಡ ಚಾಕೊಲೇಟ್ ಫ್ಯಾಕ್ಟರಿ ಸ್ಥಗಿತ

    ಬ್ಯಾಕ್ಟೀರಿಯಾ ಪತ್ತೆ- ವಿಶ್ವದ ಅತಿ ದೊಡ್ಡ ಚಾಕೊಲೇಟ್ ಫ್ಯಾಕ್ಟರಿ ಸ್ಥಗಿತ

    ಬ್ರಸೆಲ್ಸ್: ವಿಶ್ವದ ಅತಿ ದೊಡ್ಡ ಚಾಕೊಲೇಟ್ ಫ್ಯಾಕ್ಟರಿಯಲ್ಲಿ ಸಲ್ಮೊನೆಲ್ಲಾ ಬ್ಯಾಕ್ಟೀರಿಯಾ ಪತ್ತೆಯಾಗಿದೆ. ಸದ್ಯ ಚಾಕೊಲೇಟ್ ಫ್ಯಾಕ್ಟರಿಯಲ್ಲಿ ಉತ್ಪಾದನೆಯನ್ನು ಸ್ಥಗಿತಗೊಳಿಸಲಾಗಿದೆ.

    ಬೆಲ್ಜಿಯಂನ ವೈಜ್ ನಗರದಲ್ಲಿರುವ ಸ್ವಿಸ್ ದೈತ್ಯ ಬ್ಯಾರಿ ಕ್ಯಾಲೆಬಾಟ್ ನಡೆಸುತ್ತಿರುವ ಚಾಕೊಲೇಟ್ ಫ್ಯಾಕ್ಟರಿ ವಿಶ್ವದಲ್ಲೇ ಅತ್ಯಂತ ದೊಡ್ಡ ಫ್ಯಾಕ್ಟರಿಯಾಗಿದೆ. ಅದರಲ್ಲಿ ಸಲ್ಮೊನೆಲ್ಲಾ ಬ್ಯಾಕ್ಟೀರಿಯಾ ಪತ್ತೆಯಾಗಿರುವುದು ಚಾಕೊಲೇಟ್ ಪ್ರಿಯರಿಗೆ ಆಘಾತ ತಂದಿದೆ. ಸದ್ಯ ಕಾರ್ಖಾನೆಯಲ್ಲಿ ಉತ್ಪಾದನೆಯನ್ನು ಸ್ಥಗಿತಗೊಳಿಸಿಲಾಗಿದೆ ಎಂದು ಕಂಪನಿ ತಿಳಿಸಿದೆ. ಇದನ್ನೂ ಓದಿ: ಪ್ರವಾಹದಿಂದ ರಕ್ಷಿಸಿಕೊಳ್ಳಲು ತೇಲುವ ಮನೆ ನಿರ್ಮಿಸಿದ ಜಪಾನ್ – ಏನಿದರ ವಿಶೇಷತೆ?

    ಈ ಬಗ್ಗೆ ಮಾಹಿತಿ ನೀಡಿರುವ ಕಂಪನಿ ವಕ್ತಾರ ಕಾರ್ನೀಲ್ ವಾರ್ಲೋಪ್, ಪರೀಕ್ಷೆಯ ಬಳಿಕ ತಯಾರಿಸಲಾದ ಎಲ್ಲಾ ಉತ್ಪನ್ನಗಳನ್ನು ನಿರ್ಬಂಧಿಸಲಾಗಿದೆ. ಬ್ಯಾಕ್ಟೀರಿಯಾ ಕಂಡುಬಂದಂತೆ ಉತ್ಪನ್ನಗಳನ್ನು ಪಡೆದಿರುವ ಎಲ್ಲಾ ಗ್ರಾಹಕರನ್ನು ಸಂಪರ್ಕಿಸಲಾಗುತ್ತಿದೆ. ಮುಂದಿನ ಸೂಚನೆ ಬರುವವರೆಗೂ ಚಾಕೊಲೇಟ್ ಉತ್ಪಾದನೆಯನ್ನು ಸ್ಥಗಿತಗೊಳಿಸಲಾಗುವುದು ಎಂದು ತಿಳಿಸಿದ್ದಾರೆ.

    ಬ್ಯಾಕ್ಟೀರಿಯಾ ಪತ್ತೆಯಾದ ಬಳಿಕದ ಹೆಚ್ಚಿನ ಉತ್ಪನ್ನಗಳು ಮಾರಾಟವಾಗಿಲ್ಲ. ಆದರೂ ಗ್ರಾಹಕರನ್ನು ಸಂಪರ್ಕಿಸಲಾಗುತ್ತಿದೆ. ಜೂನ್ 25ರಿಂದ ತಯಾರಿಸಲಾದ ಉತ್ಪನ್ನಗಳನ್ನು ರವಾನಿಸದಂತೆ ಕೇಳಿಕೊಂಡಿದ್ದೇವೆ ಎಂದು ಹೇಳಿದ್ದಾರೆ. ಇದನ್ನೂ ಓದಿ: ಸಿಂಗರ್ ಕೆಲ್ಲಿಗೆ 30 ವರ್ಷ ಜೈಲು ಶಿಕ್ಷೆ: 9 ಆರೋಪ ಸಾಬೀತು

    ವಿಶ್ವದ ನಂ.1 ಚಾಕೊಲೇಟ್ ತಯಾರಿಕಾ ಕಂಪನಿ ಇದಾಗಿದ್ದು, 2020-2021 ಹಣಕಾಸು ವರ್ಷದಲ್ಲಿ 2 ಕೋಟಿ ಟನ್‌ಗಳಷ್ಟು ಉತ್ಪನ್ನಗಳು ಮಾರಾಟವಾಗಿವೆ. ಕಂಪನಿಯಲ್ಲಿ 13,000ಕ್ಕೂ ಹೆಚ್ಚು ಉದ್ಯೋಗಿಗಳಿದ್ದು, ಪ್ರಪಂಚದಾದ್ಯಂತ 60ಕ್ಕೂ ಹೆಚ್ಚು ಉತ್ಪಾದನಾ ಘಟಕಗಳಿವೆ.

    Live Tv

  • ಇಡ್ಲಿ ಪಾತ್ರೆಯಲ್ಲಿ ಮಾಡಿ ‘ಚಾಕೊಲೇಟ್ ಚಿಪ್ ಕುಕೀಸ್’

    ಇಡ್ಲಿ ಪಾತ್ರೆಯಲ್ಲಿ ಮಾಡಿ ‘ಚಾಕೊಲೇಟ್ ಚಿಪ್ ಕುಕೀಸ್’

    ಚಾಕೊಲೇಟ್ ಎಂದರೇ ಎಲ್ಲರಿಗೂ ಇಷ್ಟ. ಚಾಕೊಲೇಟ್‍ನಿಂದ ಮಾಡುವ ಎಲ್ಲ ತಿನಿಸುಗಳನ್ನು ಜನರು ಇಷ್ಟಪಟ್ಟು ತಿನ್ನುತ್ತಾರೆ. ಈಗ ಟ್ರೆಂಡಿಯಾಗಿ ಪ್ರಾರಂಭವಾಗಿರುವ ‘ಚಾಕೊಲೇಟ್ ಚಿಪ್ ಕುಕೀಸ್’ ರೆಸಿಪಿಯನ್ನು ಮಾಡುವುದು ತುಂಬಾ ಸುಲಭ. ಇದಕ್ಕೆ ಕುಕೀಸ್ ಮೇಕಿಂಗ್ ಬೇಕು ಎಂಬುದೇನಿಲ್ಲ. ಇಡ್ಲಿ ಪಾತ್ರೆ ಇದ್ರೆ ಈ ಕುಕೀಸ್ ಸುಲಭವಾಗಿ ಮನೆಯಲ್ಲಿಯೇ ತಯಾರಿಸಬಹುದು. ನೀವು ಇದನ್ನು ಮನೆಯಲ್ಲಿ ಟ್ರೈ ಮಾಡಿ, ಟೇಸ್ಟ್ ನೋಡಿ.

    ಬೇಕಾಗಿರುವ ಪದರ್ಥಾಗಳು:
    * ಬೆಣ್ಣೆ – 1 ಕಪ್
    * ಸಕ್ಕರೆ – 1 ಕಪ್
    * ಬ್ರೌನ್ ಶುಗರ್ – 1 ಕಪ್
    * ಮೊಟ್ಟೆ – 2
    * ವೆನಿಲ್ಲಾ ಸಿರಂ – 2 ಟೀಸ್ಪೂನ್


    * ಅಡಿಗೆ ಸೋಡಾ – 1 ಟೀಸ್ಪೂನ್
    * ಬಿಸಿ ನೀರು – 2 ಟೀಸ್ಪೂನ್
    * ಉಪ್ಪು – ಅರ್ಧ ಟೀಸ್ಪೂನ್
    * ಮೈದಾ ಹಿಟ್ಟು – 3 ಕಪ್
    * ಚಾಕೊಲೇಟ್ ಚಿಪ್ಸ್ – 2 ಕಪ್
    * ಮಾಡಿದ ವಾಲ್ನುಟ್ಸ್ – 1 ಕಪ್ ಕಟ್

    ಮಾಡುವ ವಿಧಾನ:
    * ಪ್ಯಾನ್ ಬಿಸಿಯಾದ ಮೇಲೆ ಅದಕ್ಕೆ ಬೆಣ್ಣೆ, ಸಕ್ಕರೆ ಮತ್ತು ಬ್ರೌನ್ ಶುಗರ್ ಹಾಕಿ ಅದು ಪಾಕದ ರೀತಿ ಆಗುವವರೆಗೂ ಬೇಯಿಸಿ.
    * ನಂತರ ಮೊಟ್ಟೆಗಳನ್ನು ಒಡೆದು ಈ ಮಿಶ್ರಣಕ್ಕೆ ಹಾಕಿ. ನಂತರ ವೆನಿಲ್ಲಾ, ಅಡಿಗೆ ಸೋಡಾವನ್ನು ಬೆರೆಸಿ ಪಾಕ ರೆಡಿ ಮಾಡಿಕೊಳ್ಳಿ.
    * ಇನ್ನೊಂದು ಪಾತ್ರೆಯಲ್ಲಿ ಮೈದಾ ಹಿಟ್ಟಿಗೆ ಸ್ವಲ್ಪ ಉಪ್ಪು ಹಾಕಿ ಕಲಸಿ. ನಂತರ ಹಿಟ್ಟಿಗೆ ಚಾಕೊಲೇಟ್ ಚಿಪ್ಸ್ ಮತ್ತು ವಾಲ್ನುಟ್ಸ್ ಬೆರೆಸಿ. ನಂತರ ಇದಕ್ಕೆ ಪಾಕವನ್ನು ಹಾಕಿ ಸರಿಯಾಗಿ ಮಿಕ್ಸ್ ಮಾಡಿ.
    * ಇದನ್ನು ಚಾಕೊಲೇಟ್ ಮೇಕಿಂಗ್‍ಗೆ ಅಥವಾ ಇಡ್ಲಿ ಪಾತ್ರೆಗೆ ಕುಕೀಸ್ ಮಿಶ್ರಣವನ್ನು ಹಾಕಿ, 20 ನಿಮಿಷ ಬಿಡಿ.

    _ ಈಗ ಬಿಸಿ, ಬಿಸಿಯಾದ ‘ಚಾಕೊಲೇಟ್ ಚಿಪ್ ಕುಕೀಸ್’ ಸವಿಯಲು ಸಿದ್ಧ.

    Live Tv

  • ಚಾಕೊಲೇಟ್‌ಗೋಸ್ಕರ ಭಾರತದ ಗಡಿ ದಾಟಿ ಬಂದಿದ್ದ ಬಾಂಗ್ಲಾ ಹುಡುಗ ಅರೆಸ್ಟ್‌

    ಚಾಕೊಲೇಟ್‌ಗೋಸ್ಕರ ಭಾರತದ ಗಡಿ ದಾಟಿ ಬಂದಿದ್ದ ಬಾಂಗ್ಲಾ ಹುಡುಗ ಅರೆಸ್ಟ್‌

    ಅಗರ್ತಲ: ಚಾಕೊಲೇಟ್‌ ಖರೀದಿಸಲು ಗಡಿ ದಾಟಿ ಭಾರತಕ್ಕೆ ಪ್ರವೇಶಿಸಿದ್ದ ಬಾಂಗ್ಲಾದೇಶದ ಹುಡುಗನನ್ನು ಬಂಧಿಸಲಾಗಿದೆ ಎಂದು ಗಡಿ ಭದ್ರತಾ ಪಡೆ (ಬಿಎಸ್‌ಎಫ್) ಶುಕ್ರವಾರ ತಿಳಿಸಿದೆ.

    ಎರಡು ದೇಶಗಳ ನಡುವಿನ ಅಂತರಾಷ್ಟ್ರೀಯ ಗಡಿಯನ್ನು ಗುರುತಿಸುವ ಶಾಲ್ದಾ ನದಿಯ ಸಮೀಪವಿರುವ ಬಾಂಗ್ಲಾದೇಶದ ಹಳ್ಳಿಯೊಂದರ ನಿವಾಸಿ ಎಮಾನ್ ಹೊಸೈನ್‌ನನ್ನು ಬಿಎಸ್‌ಎಫ್‌ ಸಿಬ್ಬಂದಿ ಬಂಧಿಸಿದ್ದಾರೆ. ತ್ರಿಪುರಾದ ಸಿಪಾಹಿಜಾಲಾ ಜಿಲ್ಲೆಯಲ್ಲಿ ತನ್ನ ಅಚ್ಚುಮೆಚ್ಚಿನ ಭಾರತೀಯ ಚಾಕೊಲೇಟ್ ಖರೀದಿಸಲು ಆಗಾಗ ಈ ನದಿ ಮಾರ್ಗವಾಗಿ ಭಾರತಕ್ಕೆ ಬರುತ್ತಿದ್ದ. ಇದನ್ನೂ ಓದಿ: ಅಮರನಾಥ ಯಾತ್ರೆ – ಕೇಂದ್ರ ಗೃಹ ಇಲಾಖೆಯಿಂದ ಭದ್ರತಾ ಪರಿಶೀಲನೆ

    ಆತ ಭಾರತದ ಕಲಾಂಚೌರಾ ಗ್ರಾಮದ ಅಂಗಡಿಯಿಂದ ಚಾಕೊಲೇಟ್ ಖರೀದಿಸಲು ಮುಳ್ಳುತಂತಿ ಬೇಲಿ ಬಳಿ ರಂಧ್ರವೊಂದನ್ನು ಮಾಡಿ ಅದರ ಮೂಲಕ ನುಸುಳುತ್ತಿದ್ದ. ಅದೇ ರಂಧ್ರದ ಮೂಲಕ ಮತ್ತೆ ತನ್ನ ಮನೆಗೆ ವಾಪಾಸ್ಸಾಗುತ್ತಿದ್ದ. ಸಾಹಸ ಕೃತ್ಯಕ್ಕೆ ಮುಂದಾಗಿದ್ದ ಆತನನ್ನು ಏ.13 ರಂದು ಬಿಎಸ್‌ಎಫ್‌ ಸಿಬ್ಬಂದಿ ಬಂಧಿಸಿದ್ದಾರೆ.

    ಹುಡುಗನನ್ನು ಸ್ಥಳೀಯ ಪೊಲೀಸರಿಗೆ ಒಪ್ಪಿಸಲಾಗಿದ್ದು, ಪೊಲೀಸರು ಆತನನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ. ಆತನನ್ನು 15 ದಿನಗಳ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ ಎಂದು ಸೋನಮುರ ಎಸ್‌ಡಿಪಿಒ ಬನೋಜ್ ಬಿಪ್ಲಬ್ ದಾಸ್ ತಿಳಿಸಿದ್ದಾರೆ. ಇದನ್ನೂ ಓದಿ: ಹಿಮಾಚಲ ಪ್ರದೇಶದ ಸರ್ಕಾರಿ ಬಸ್‍ಗಳಲ್ಲಿ ಪ್ರಯಾಣಿಸುವ ಮಹಿಳೆಯರಿಗೆ 50% ರಿಯಾಯಿತಿ: ಸಿಎಂ ಠಾಕೂರ್

    ವಿಚಾರಣೆ ವೇಳೆ, ಬಾಂಗ್ಲಾದೇಶದ ಕೊಮಿಲ್ಲಾ ಜಿಲ್ಲೆಯ ನಿವಾಸಿಯಾಗಿರುವ ಬಾಲಕ ಚಾಕೊಲೇಟ್ ಖರೀದಿಗಾಗಿ ಭಾರತಕ್ಕೆ ನುಸುಳಿರುವುದಾಗಿ ಒಪ್ಪಿಕೊಂಡಿದ್ದಾನೆ. ಆತನ ಬಳಿ ಕೇವಲ 100 ಬಾಂಗ್ಲಾದೇಶಿ ಟಾಕಾ (ಕರೆನ್ಸಿ) ಪತ್ತೆಯಾಗಿದೆ. ಆದರೆ ಆತ ಅಕ್ರಮವಾಗಿ ಏನನ್ನೂ ಹೊಂದಿರಲಿಲ್ಲ. ಅಗತ್ಯ ದಾಖಲೆಗಳಿಲ್ಲದೆ ಭಾರತಕ್ಕೆ ಪ್ರವೇಶಿಸಿದ್ದಕ್ಕಾಗಿ ಆತನನ್ನು ಬಂಧಿಸಲಾಗಿದೆ. ಅವರ ಕುಟುಂಬದ ಯಾರೂ ಇದುವರೆಗೆ ಭಾರತೀಯ ಅಧಿಕಾರಿಗಳನ್ನು ಸಂಪರ್ಕಿಸಿಲ್ಲ ಎಂದು ದಾಸ್‌ ಅವರು ಮಾಹಿತಿ ನೀಡಿದ್ದಾರೆ.

  • ಬುಕ್ ಮಾಡಿದ್ದು 1 ಲಕ್ಷ ರೂ. ಐಫೋನ್ ಆದ್ರೆ ಬಂದಿದ್ದು ಚಾಕೊಲೇಟ್

    ಬುಕ್ ಮಾಡಿದ್ದು 1 ಲಕ್ಷ ರೂ. ಐಫೋನ್ ಆದ್ರೆ ಬಂದಿದ್ದು ಚಾಕೊಲೇಟ್

    ಲಂಡನ್: ಆನ್‍ಲೈನ್ ನಲ್ಲಿ ಹಲವು ಬಾರಿ ನಾವು ಬುಕ್ ಮಾಡುವುದೇ ಒಂದು ಆದರೆ ಬರುವುದೇ ಇನ್ನೊಂದು. ಇಂತಹ ಸಾಕಷ್ಟು ವರದಿಗಳಾಗಿವೆ. ಅಂತೆಯೇ ವ್ಯಕ್ತಿಯೊಬ್ಬರು ಐಫೋನ್ ಬುಕ್ ಮಾಡಿದ್ರೆ, ಆತನಿಗೆ ಆನ್‍ಲೈನ್ ನಲ್ಲಿ ಚಾಕೊಲೇಟ್ ಬಂದಿದೆ. ಇದರಿಂದ ವ್ಯಕ್ತಿ 1 ಲಕ್ಷ ರೂ. ನಷ್ಟವನ್ನು ಅನುಭವಿಸಿದ್ದಾರೆ.

    ಆನ್‍ಲೈನ್ ಶಾಪಿಂಗ್ ನಲ್ಲಿ ಗ್ರಾಹಕರೊಬ್ಬರು ಐಫೋನ್ 13 ಪ್ರೊ ಮ್ಯಾಕ್ಸ್ ಅನ್ನು ಬುಕ್ ಮಾಡಿದ್ದಾರೆ. ಆದರೆ ಪೇಪರ್ ನಲ್ಲಿ ಸುತ್ತಿದ ಎರಡು ಚಾಕೊಲೇಟ್ ಗಳು ಬಂದಿದ್ದು, ಅದನ್ನು ನೋಡಿ ಗ್ರಾಹಕ ಫುಲ್ ಶಾಕ್ ಆಗಿದ್ದಾರೆ. ಇದನ್ನೂ ಓದಿ: ನೈಟ್ ಕರ್ಫ್ಯೂ – ಸರ್ಕಾರದ ವಿರುದ್ಧ ಹೋಂಸ್ಟೇ, ರೆಸಾರ್ಟ್ ಮಾಲೀಕರ ಅಸಮಾಧಾನ

    ಏನಿದು ಘಟನೆ?
    ಇಂಗ್ಲೆಂಡ್‍ನ ಲೀಡ್ಸ್‍ನ ಡೇನಿಯಲ್ ಕ್ಯಾರೊಲ್ ಆನ್‍ಲೈನ್ ನಲ್ಲಿ 1 ಲಕ್ಷ ರೂ. ಮೌಲ್ಯದ ಐಫೋನ್ 13 ಪ್ರೊ ಮ್ಯಾಕ್ಸ್ ಅನ್ನು ಬುಕ್ ಮಾಡಿದ್ದರು. ಆದರೆ ಅವರು ಬುಕ್ ಮಾಡಿ ಎರಡು ವಾರಗಳಾದರೂ ಬಂದಿರಲಿಲ್ಲ. ಕೆಲ ದಿನಗಳ ವಿಳಂಬದ ನಂತರ ಬುಕ್ ಮಾಡಿದ್ದ ಬಾಕ್ಸ್ ಬಂದಿತು. ನಂತರ ಖುಷಿಯಿಂದ ಕವರ್ ಓಪನ್ ಮಾಡಿದ್ದಾರೆ. ಆದರೆ ಅದನ್ನು ತೆಗೆದು ನೋಡಿದಾಗ ಅವರಿಗೆ ಶಾಕ್ ಕಾದಿತ್ತು.

    ಡೇನಿಯಲ್‍ಗೆ ಫೋನ್ ಬದಲಾಗಿ ರೋಲ್‍ನಲ್ಲಿ ಸುತ್ತಿದ ಎರಡು ಕ್ಯಾಡ್ಬರಿ ವೈಟ್ ಓರಿಯೊ ಚಾಕೊಲೇಟ್ ಬಂದಿತ್ತು. ಇದನ್ನು ಕಂಡು ಅವರು ದಿಗ್ಭ್ರಮೆಗೊಂಡಿದ್ದು, ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.

    ಈ ಕುರಿತು ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿದ ಡೇನಿಯಲ್, ನಾನು ಡಿಎಚ್‍ಎಲ್ ವೆಬ್‍ಸೈಟ್ ಮೂಲಕ ಡಿಸೆಂಬರ್ 2 ರಂದು ಫೋನ್ ಅನ್ನು ಆರ್ಡರ್ ಮಾಡಿದ್ದೆ. ಡಿಸೆಂಬರ್ 17 ರಂದು ನನಗೆ ಫೋನ್ ಡೆಲಿವರಿ ಮಾಡಬೇಕಿತ್ತು. ಆದರೆ ಅದು ಬರಲಿಲ್ಲ. ನಂತರ ನಾನೇ ಅಲ್ಲಿಗೆ ಹೋಗಿ ವಿಚಾರಿಸಿದಾಗ ನಿಮ್ಮ ಆರ್ಡರ್ ಶನಿವಾರ ಸಿಗುತ್ತೆ ಎಂದು ಮಾಹಿತಿಯನ್ನು ನೀಡಿದರು.

    ನಾನೇ ಸೋಮವಾರ ಆ ಪಾರ್ಸೆಲ್ ಸಂಗ್ರಹಿಸಲು 24-ಮೈಲಿ ಹೋಗಬೇಕಾಯಿತು. ಆದರೂ ಹೋಗಿ ನನ್ನ ಆರ್ಡರ್ ಅನ್ನು ತೆಗೆದುಕೊಂಡು ಮನೆಗೆ ಬಂದೆ. ಆ ಬಾಕ್ಸ್ ತುಂಬಾ ಹಗುರವಾಗಿತ್ತು. ಆಗ ನಾನು ಅದನ್ನು ತೆಗೆದು ನೋಡಿದಾಗ ಶಾಕ್ ಆಯ್ತು. ಅದರಲ್ಲಿ ನಾನು ಆರ್ಡರ್ ಮಾಡಿದ ಫೋನ್ ಬದಲಿಗೆ ರೋಲ್ ನಲ್ಲಿ ಸುತ್ತಿ ಇಟ್ಟಿದ್ದ ಚಾಕೊಲೇಟ್ ಇತ್ತು ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಇದನ್ನೂ ಓದಿ:  14 ತಿಂಗಳ ನಂತರ ಭೇಟಿ – ಪಾಲಕನನ್ನು ಸುತ್ತುವರೆದು ಸೊಂಡಿಲಿನಿಂದ ಅಪ್ಪಿಕೊಂಡ ಆನೆಗಳು

    ತಮಗಾದ ಮೋಸವನ್ನು ಡೇನಿಯಲ್ ಟ್ವಿಟ್ಟರ್‌ನಲ್ಲೂ ಹಂಚಿಕೊಂಡಿದ್ದಾರೆ. ಡಿಎಚ್‍ಎಲ್ ಗೆ ಈ ಕುರಿತು ಡೇನಿಯಲ್ ದೂರು ನೀಡಿದ್ದಾರೆ. ಈ ಬಗ್ಗೆ ಡಿಎಚ್‍ಎಲ್ ವಕ್ತಾರರು ಪ್ರತಿಕ್ರಿಯಿಸಿದ್ದು, ಘಟನೆ ಕುರಿತು ತನಿಖೆಯನ್ನು ಪ್ರಾರಂಭಿಸಲಾಗಿದ್ದು, ನಷ್ಟವಾದ ಆರ್ಡರ್ ಅನ್ನು ಮರುಕಳುಹಿಸುತ್ತೇವೆ. ಅಲ್ಲಿಯವರೆಗೂ ನಾವು ನಿಮ್ಮ ಸಂಪರ್ಕದಲ್ಲೇ ಇರುತ್ತೇವೆ ಎಂದು ತಿಳಿಸಿದ್ದಾರೆ.

  • ಬಿಗ್ ಮನೆಯಲ್ಲಿ ಸ್ವೀಟ್ ಚಾಕ್ಲೇಟ್ ಕದ್ದು ತಿಂದಿದ್ದು ಯಾರು?

    ಬಿಗ್ ಮನೆಯಲ್ಲಿ ಸ್ವೀಟ್ ಚಾಕ್ಲೇಟ್ ಕದ್ದು ತಿಂದಿದ್ದು ಯಾರು?

    ಬೆಂಗಳೂರು: ಬಿಗ್ ಮನೆಯಲ್ಲಿ ನಿನ್ನೆ ನಡೆದ ಟಾಸ್ಕ್ ನಲ್ಲಿ ಗೆದ್ದುಬೀಗಿದ್ದ ಶುಭಾ ಪೂಂಜಾ ನೇತೃತ್ವದ ಜಾತ್ರೆ ಟೀಂಗೆ ಗೆಲುವಿನ ಉಡುಗೊರೆಯಾಗಿ ಚಾಕೊಲೇಟ್ ಸಿಕ್ಕಿತ್ತು. ಇದನ್ನು ತಿಂದು ಉಳಿದದ್ದನ್ನು ಫ್ರಿಡ್ಜ್ ನಲ್ಲಿಟ್ಟಿದ್ದ ಪ್ರಶಾಂತ್ ಬೆಳಿಗ್ಗೆ ಎದ್ದು ಚಾಕೊಲೇಟ್‍ನ್ನು ಹುಡುಕಾಡಿದಾಗ ಫ್ರಿಡ್ಜ್ ನಲ್ಲಿ ಇರಲಿಲ್ಲ ಈ ವೇಳೆ ಪ್ರಶಾಂತ್ ಸಂಬರಗಿ, ಡಿ ಟೀಂನವರು ಚಾಕೊಲೇಟ್ ಕದ್ದು ತಿಂದಿದ್ದಾರೆ ಎಂದು ಆರೋಪ ಹೊರಿಸಿದ್ದಾರೆ.

    ಚಾಕೊಲೇಟ್ ಫ್ರಿಡ್ಜ್ ನಲ್ಲಿ ಕಾಣಿಸಿಸದೆ ಇದ್ದಾಗ ಪ್ರಶಾಂತ್ ಅತ್ತ ಇತ್ತ ಹುಡುಕಾಡಿದ್ದಾರೆ. ನಂತರ ಪ್ರಿಡ್ಜ್ ನ ಪಕ್ಕದಲ್ಲೇ ಇದ್ದ ಬಾಕ್ಸ್ ಒಂದರಲ್ಲಿ ಚಾಕೊಲೇಟ್ ಪ್ರಶಾಂತ್ ಅವರಿಗೆ ಸಿಕ್ಕಿದೆ ಈ ವೇಳೆ ಇದು ಇಲ್ಲಿ ಯಾರು ಇಟ್ಟಿದ್ದಾರೆ ಎಂದು ನನಗೆ ಗೊತ್ತು. ಅಲ್ಲಿ ಇಟ್ಟಿರುವುದರೊಂದಿಗೆ ಇದರಲ್ಲಿದ್ದ ಚಾಕೊಲೇಟ್‍ನಲ್ಲಿ ಒಂದು ಪೀಸ್ ತಿಂದಿದ್ದಾರೆ. ನಾನು ಇಲ್ಲಿ ಬಂದು ಚಾಕೊಲೇಟ್ ತೆಗೆದುಕೊಂಡಿರುವುದನ್ನು ನೋಡಿದ್ದೇನೆ ಎಂದು ಎದುರಾಳಿ ತಂಡದ ವಿರುದ್ಧ ಆರೋಪ ಮಾಡಿದ್ದಾರೆ.

    ಇತ್ತ ಅಲ್ಲೇ ಪಕ್ಕದಲ್ಲೇ ಇದ್ದ ದಿವ್ಯ ಉರುಡುಗ ತಂಡ ಇದನ್ನು ಗಮನಿಸುತ್ತಿದ್ದಂತೆ, ಚಾಕೊಲೇಟ್ ತೆಗೆದಿರುವುದು ನಿಜ ಆದರೆ ತಿಂದಿದ್ದಾರೆ ಎಂದು ಆರೋಪ ಮಾಡಿರುವುದು ಸುಳ್ಳು ಎಂದು ಚರ್ಚೆ ನಡೆಸಿದ್ದಾರೆ. ಈ ವೇಳೆ ದಿವ್ಯ ಉರುಡುಗ ನಾನು ಚಾಕೊಲೇಟ್ ತೆಗೆದಿದ್ದು ನಿಜ ಅವರು ಬಂದಾಗ ಆ ಬಾಕ್ಸ್ ಒಳಗೆ ಹಾಕಿ ಬಂದಿದ್ದೆ, ಆದರೆ ನಾನು ಚಾಕೊಲೇಟ್‍ನಿಂದ ಒಂದು ಪೀಸ್ ಮುಟ್ಟಿಲ್ಲ ಎಂದಿದ್ದಾರೆ.

    ಈ ವೇಳೆ ತಂಡದ ಸದಸ್ಯ ರಾಜೀವ್ ಅವರು ಚಾಕೊಲೇಟ್ ತಿಂದಿದ್ದೇವೆಂದು ಸುಳ್ಳು ಹೇಳುತ್ತಿದ್ದಾರೆ ಕ್ಯಾಮೆರಾ ನೋಡಿದರೆ ಯಾರು ಸುಳ್ಳು ಹೇಳುತ್ತಿದ್ದಾರೆ ಎಂದು ಗೊತ್ತಾಗುತ್ತದೆ. ಇದು ಅವರ ವ್ಯಕ್ತಿತ್ವವನ್ನು ತೋರಿಸುತ್ತಿದೆ ಎಂದು ತಮ್ಮ ತಂಡವನ್ನು ಸಮರ್ಥಿಸಿಕೊಂಡಿದ್ದಾರೆ.

    ಚಾಕೊಲೇಟ್ ಕದ್ದು ತಿಂದಿಲ್ಲ ಎಂದು ದಿವ್ಯಾ ಟೀಂ ಹೇಳುತ್ತಿರುವುದು ನಿಜನಾ? ಅಥವಾ ಪ್ರಶಾಂತ್ ಸಂಬರಗಿ ಮಾಡಿರುವ ಆರೋಪ ನಿಜಾನ? ಎನ್ನುವುದನ್ನು ಬಿಗ್‍ಬಾಸ್ ತಮ್ಮ ಕ್ಯಾಮೆರಾದಲ್ಲಿ ಸೆರೆಮಾಡಿದ್ದು ಯಾರು ಸತ್ಯ ಹೇಳುತ್ತಿದ್ದಾರೆ ಎನ್ನುವುದು ಮುಂದೆ ತಿಳಿಯಲಿದೆ.

     

  • ಚಾಕೊಲೇಟ್ ಆಸೆ ತೋರಿಸಿ 55ರ ವೃದ್ಧನಿಂದ 5ರ ಬಾಲೆ ಮೇಲೆ ಲೈಂಗಿಕ ದೌರ್ಜನ್ಯ

    ಚಾಕೊಲೇಟ್ ಆಸೆ ತೋರಿಸಿ 55ರ ವೃದ್ಧನಿಂದ 5ರ ಬಾಲೆ ಮೇಲೆ ಲೈಂಗಿಕ ದೌರ್ಜನ್ಯ

    ಚಾಮರಾಜನಗರ: ಚಾಕೊಲೇಟ್ ಆಸೆ ತೋರಿಸಿ 5 ವರ್ಷದ ಬಾಲಕಿ ಮೇಲೆ 55 ವರ್ಷದ ಕಾಮುಕನೋರ್ವ ಲೈಂಗಿಕ ದೌರ್ಜನ್ಯ ನಡೆಸಿರುವ ಘಟನೆ ಕೊಳ್ಳೇಗಾಲದ ಮಂಜುನಾಥ ನಗರ ಬಡಾವಣೆಯಲ್ಲಿ ನಡೆದಿದೆ.

    ಬಡಾವಣೆ ನಿವಾಸಿ ವೇಣುಗೋಪಾಲ್ (55) ಬಂಧಿತ ಆರೋಪಿ. ಎದುರು ಮನೆಯ 5 ವರ್ಷದ ಬಾಲಕಿಯನ್ನು ಚಾಕೊಲೇಟ್ ನೀಡುವ ಆಸೆ ತೋರಿಸಿ, ಕಳೆದ ಸೋಮವಾರ ಲೈಂಗಿಕ ದೌರ್ಜನ್ಯ ಎಸಗಿದ್ದಾನೆ ಎಂಬ ಆರೋಪ ಕೇಳಿಬಂದಿದೆ.

    ಬಾಲಕಿಯ ಜನನಾಂಗದಲ್ಲಿ ಗಾಯಗಳಾಗಿದ್ದರಿಂದ ಪ್ರಕರಣ ಇಂದು ಬೆಳಕಿಗೆ ಬಂದಿದೆ. ಈ ಸಂಬಂಧ ಕೊಳ್ಳೇಗಾಲ ಪಟ್ಟಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.

  • 4 ಲಕ್ಷ ರೂ. ಬೆಲೆಯ ವಿಶ್ವದ ಅತ್ಯಂತ ಬೆಲೆ ಬಾಳುವ ಚಾಕಲೇಟ್ ಬಿಡುಗಡೆ

    4 ಲಕ್ಷ ರೂ. ಬೆಲೆಯ ವಿಶ್ವದ ಅತ್ಯಂತ ಬೆಲೆ ಬಾಳುವ ಚಾಕಲೇಟ್ ಬಿಡುಗಡೆ

    ಮುಂಬೈ: ವಿಶ್ವ ಅತ್ಯಂತ ದುಬಾರಿ  ಚಾಕಲೇಟೊಂದು ಸದ್ದು ಮಾಡುತ್ತಿದ್ದು, ಅದರ ಬೆಲೆ ಕೇಳಿದರೆ ನೀವು ಬೆಚ್ಚಿ ಬೀಳುತ್ತೀರಿ.

    ಹೌದು ವಿಶ್ವದ ಬೆಲೆ ಬಾಳುವ ಚಾಕಲೇಟ್‍ನ್ನು ಐಟಿಸಿಯ ಅಂಗ ಸಂಸ್ಥೆ ಬಿಡುಗಡೆ ಮಾಡಿದೆ. ಇದರ ಬೆಲೆ ಪ್ರತಿ ಕೆ.ಜಿ.ಗೆ ಅಂದಾಜು 4.3 ಲಕ್ಷ ರೂ. ಆಗಿದ್ದು, ಚಾಕಲೇಟ್‍ನ ಸೀಮಿತ ಆವೃತ್ತಿಯನ್ನು ಐಟಿಸಿ ಫ್ಯಾಬೆಲ್ಲೆ ಅನಾವರಣಗೊಳಿಸಿದೆ.

    ಐಟಿಸಿಯ ಸ್ಥಳಿಯ ಐಷಾರಾಮಿ ಬ್ರ್ಯಾಂಡ್ ಫ್ಯಾಬೆಲ್ಲೆ ಎಕ್ಸ್ ಕ್ವಿಸಿಟ್ ಈ ಚಾಕಲೇಟ್‍ನ್ನು ತಯಾರಿಸಿದೆ. ಫ್ಯಾಬೆಲ್ಲೆ ಸಂಸ್ಥೆ ದಿ ಟ್ರಿನಿಟಿ-ಟ್ರಫಲ್ಸ್ ಎಕ್ಸ್ ಟ್ರಾರ್ಡಿನರಿಯನ್ನು ಪ್ರಾರಂಭಿಸಿದೆ. ಈ ಚಾಕಲೇಟ್‍ಗಳನ್ನು ಗಿನ್ನಿಸ್ ವಿಶ್ವ ದಾಖಲೆಯಲ್ಲಿ ಅತ್ಯಂತ ದುಬಾರಿ ಚಾಕಲೇಟ್ ಎಂದು ಪಟ್ಟಿ ಮಾಡಲಾಗಿದೆ.

    ಬುಧವಾರ ಈ ಚಾಕಲೇಟ್‍ಗಳನ್ನು ಬಿಡುಗಡೆ ಮಾಡಲಾಗಿದ್ದು, ದೀಪಾವಳಿಯ ಅಂಗವಾಗಿ ಸಂಸ್ಥೆ ಬಿಡುಗಡೆ ಮಾಡಿತು.

    ವಿಶ್ವದ ಅತ್ಯುತ್ತಮ ಚಾಕಲೇಟ್ ನ್ನು ಭಾರತದಲ್ಲಿ ತಯಾರಿಸಿ ಮಾರಾಟ ಮಾಡಲಾಗುತ್ತದೆ ಎಂದು ಜಗತ್ತಿಗೆ ತಿಳಿಸುವುದು ನಮ್ಮ ಗುರಿಯಾಗಿದೆ. ಅಲ್ಲದೆ ನಮ್ಮ ಸಂಸ್ಥೆಯಿಂದ ವಿವಿಧ ಮಾದರಿಯ ಚಾಕಲೇಟ್‍ಗಳು, ಸಿಹಿ ತಿಂಡಿ, ಕಾಫಿ ಹಾಗೂ ಹೊಸ ಮಾದರಿಯ ಆಹಾರ ಪದಾರ್ಥಗಳನ್ನು ತಯಾರಿಸುತ್ತೇವೆ ಎಂದು ಐಟಿಸಿ ಸಂಸ್ಥೆಯ ಸಿಒಒ ಅನುಜ್ ರುಸ್ತಗಿ ಹೇಳಿದ್ದಾರೆ.

    ಐಟಿಸಿಯಲ್ಲಿ ನಾವು ವಿಶ್ವ ದರ್ಜೆಯ ಭಾರತೀಯ ಬ್ರ್ಯಾಂಡ್‍ಗಳನ್ನು ರಚಿಸಲು ಬದ್ಧರಾಗಿದ್ದೇವೆ. ಇದರ ಭಾಗವಾಗಿ ಫ್ಯಾಬೆಲ್ಲೆ ಈ ವಿಶಿಷ್ಠ ಚಾಕಲೇಟ್‍ಗಳನ್ನು ತಯಾರಿಸಿದೆ. ಇದು ವಿಶ್ವ ಮಟ್ಟದಲ್ಲಿ ನಡೆದ ಅತ್ಯುತ್ತಮ ಪ್ರಯತ್ನಗಳಲ್ಲಿ ಒಂದಾಗಿದೆ ಎಂದು ಸಿಒಒ ಬಣ್ಣಿಸಿದರು.

    ದಿ ಟ್ರಿನಿಟಿ-ಟ್ರಪಲ್ಸ್ ಎಕ್ಸ್ ಟ್ರಾರ್ಡಿನರಿ ಚಾಕೊಲೇಟ್‍ಗಳನ್ನು ಫ್ಯಾಬೆಲ್ಲೆ ಮತ್ತು ಮೈಕೆಲಿನ್ ಸ್ಟಾರ್ ಚೇಪ್ ಫಿಲಿಪ್ ಕಾಂಟಿಸಿನಿ ಪಾಲುದಾರಿಕೆಯಲ್ಲಿ ತಯಾರಿಸಲಾಗಿದೆ. ಈ ಚಾಕಲೇಟ್‍ಗಳನ್ನು ಸೃಷ್ಟಿ, ಸ್ಥಿತಿ, ಲಯ ಎಂಬ ಆಧ್ಯಾತ್ಮಿಕ ಸೂತ್ರದಿಂದ ತಯಾರಿಸಲಾಗಿದೆ ಎಂದು ಮಾಹಿತಿ ನೀಡಿದರು.

    ಚೆಫ್ ಕಾಂಟಿಸಿನಿ ಮಾರ್ಗದರ್ಶನ ಹಾಗೂ ಪಾಲುದಾರಿಕೆಯಲ್ಲಿ ಈ ಚಾಕಲೇಟ್ ತಯಾರಿಸಲು ಸಾಧ್ಯವಾಗಿದೆ. ಇದಕ್ಕಾಗಿ ಕೈಯಿಂದ ತಯಾರಿಸಿದ ಮರದ ಪೆಟ್ಟಿಗೆಯನ್ನು ರಚಿಸಲಾಯಿತು. ಪ್ರತಿ ಮರದ ಪೆಟ್ಟಿಗೆಯಲ್ಲಿ 15 ಕರಕುಶಲ ಟ್ರಫಲ್‍ಗಳಿವೆ, ಪ್ರತಿಯೊಂದು ಸುಮಾರು 15 ಗ್ರಾಂ. ತೂಕ ಹೊಂದಿವೆ ಎಂದು ರುಸ್ಟಗಿ ತಿಳಿಸಿದ್ದಾರೆ.

    ಮುಂದಿನ ದಿನಗಳಲ್ಲಿ ಚಾಕಲೇಟ್‍ಗಳನ್ನು ಭಾರತೀಯರಿಗೆ ಕೈಗೆಟಕುವಂತೆ ಮಾಡಲಾಗುವುದು. ವಿದೇಶಕ್ಕೆ ತೆರಳಿದಾಗ ಭಾರತೀಯರು ಅಲ್ಲಿಂದ ವಿದೇಶಿ ಬ್ರಾಂಡ್‍ನ ಚಾಕಲೇಟ್ ತುಂಬಿಕೊಂಡು ಬರುವುದನ್ನು ನೋಡಿದ್ದೇವೆ. ಇದನ್ನು ಬದಲಾಯಿಸಿ, ಭಾರತದಲ್ಲೇ ಉತ್ತಮ ಗುಣಮಟ್ಟದ ಚಾಕಲೇಟ್‍ಗಳನ್ನು ತಯಾರಿಸುವ ಗುರಿ ಹೊಂದಿದ್ದೇವೆ. ಈ ನಿಟ್ಟಿನಲ್ಲಿ ಕೈಗೆಟುಕುವ ದರದಲ್ಲಿ ಗುಣಮಟ್ಟದ ಚಾಕಲೇಟ್‍ಗಳನ್ನು ತಯಾರಿಸುತ್ತೇವೆ ಎಂದು ಸಿಒಒ ಭರವಸೆ ನೀಡಿದರು.