ಬೆಂಗಳೂರು: ವರ್ಗಾವಣೆ (Transfer) ದಂಧೆ, ಕಮಿಷನ್ (Commission) ದಂಧೆ ವಿಷಯ ಮರೆಮಾಚಲು ಕಾಂಗ್ರೆಸ್‌ನವರು (Congress) ಘರ್ ವಾಪ್ಸಿ (Ghar Vapsi) ಶುರು ಮಾಡಿದ್ದಾರೆ ಎಂದು ಮಾಜಿ ಸಿಎಂ ಕುಮಾರಸ್ವಾಮಿ (HD Kumaraswamy) ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.
ಕಾಂಗ್ರೆಸ್‌ನಿಂದ ಆಪರೇಷನ್ ಹಸ್ತ ಮತ್ತು ನಾವು ಆಪರೇಷನ್ ಮಾಡಿದರೇ ಜೆಡಿಎಸ್ ಮುಗಿದೇ ಹೋಗುತ್ತದೆ ಎಂಬ ಸಚಿವ ಪ್ರಿಯಾಂಕ್ ಖರ್ಗೆ (Priyank Kharge) ಹೇಳಿಕೆ ವಿಚಾರಕ್ಕೆ ಪ್ರತಿಕ್ರಿಯೆ ನೀಡಿದ ಅವರು, ಘರ್ ವಾಪ್ಸಿ ಬಗ್ಗೆ ಎರಡು ದಿನಗಳಿಂದ ನೋಡುತ್ತಿದ್ದೇನೆ. ಸಣ್ಣ ಸಣ್ಣ ಎಂಎಲ್‌ಎಗಳು, ನಿನ್ನೆ ಮೊನ್ನೆ ಗೆದ್ದವರು ಸಹ 20 ಜನ, 15 ಜನ ಎಂಎಲ್‌ಎಗಳು ಬರುತ್ತಾರೆ ಎನ್ನುತ್ತಾರೆ. ಸರ್ಕಾರ ವರ್ಗಾವಣೆಯಲ್ಲಿ ಲೂಟಿ ಹೊಡೆಯುತ್ತಿದೆ. ಇದು ಜಗಜ್ಜಾಹೀರಾಗಿದೆ. ಕಮಿಷನ್ ಬಗ್ಗೆ ಚರ್ಚೆ ಆಗುತ್ತಿದೆ. ಕೆಂಪಣ್ಣ 40% ಬದಲಾಗಿ 20% ತೆಗೆದುಕೊಳ್ಳಿ ಎಂದು ಹೇಳಿದ್ದಾರೆ. 20% ಯಾಕೆ ಕೊಡಬೇಕು? ಇದು ರಾಜ್ಯನಾ? ಏನು ಅಂತ ತಿಳಿದುಕೊಂಡಿದ್ದಾರೆ ಎಂದು ಕಿಡಿಕಾರಿದರು. ಇದನ್ನೂ ಓದಿ: ಬಿಜೆಪಿಯವರು ಸಾಮಾಜಿಕ ನ್ಯಾಯ ಕೊಡುವುದರಲ್ಲಿ ಸಂಪೂರ್ಣ ವಿಫಲರಾಗಿದ್ದಾರೆ: ಪರಮೇಶ್ವರ್
ವರ್ಗಾವಣೆ ದಂಧೆ, ಕಮಿಷನ್ ದಂಧೆ ಮರೆಮಾಚಲು ಘರ್ ವಾಪ್ಸಿ ಶುರುವಾಗಿದೆ ಅಷ್ಟೇ. ಯಾವುದೇ ಪಕ್ಷಗಳನ್ನು ನಿರ್ನಾಮ ಮಾಡಲು ಯಾರಿಂದಲೂ ಸಾಧ್ಯವಿಲ್ಲ. 1999ರಲ್ಲಿ ಎಸ್‌ಎಂ ಕೃಷ್ಣ (SM Krishna) ಅವರ ಬಹುಮತದ ಸರ್ಕಾರ ಇತ್ತು. ಆಗಲೂ ಬಿಜೆಪಿ, ಜೆಡಿಎಸ್‌ನಿಂದ (JDS) ಅನೇಕ ಜನ ಹೋದರು. 2004ರ ಚುನಾವಣೆಯಲ್ಲಿ ಏನಾಯಿತು? 2008ರಲ್ಲಿ ಬಿಜೆಪಿ ಅವರು ಆಪರೇಷನ್ ನಡೆಸಿದರು. 2013ಕ್ಕೆ ಬಿಜೆಪಿ ಕಥೆ ಏನಾಯಿತು? 2013ರಲ್ಲಿ ಕಾಂಗ್ರೆಸ್‌ಗೆ ಬಹುಮತ ಬಂತು. ಆಗ ಜೆಡಿಎಸ್‌ನಿಂದ 7 ಜನರನ್ನು ಎಳೆದುಕೊಂಡು ಹೋದರು. 2018ರಲ್ಲಿ ಅವರ ಕಥೆ ಏನಾಯಿತು? 2019ರಲ್ಲಿ ಬಿಜೆಪಿ ಅವರು 17 ಜನರನ್ನ ಕರೆದುಕೊಂಡು ಹೋಗಿ 3 ವರ್ಷ ಅಧಿಕಾರವನ್ನೂ ಮಾಡಿದರು. 2023ರಲ್ಲಿ ಏನಾಯಿತು ಅವರ ಕಥೆ? ಬಿಜೆಪಿ ಅವರು ಎಲ್ಲಿಗೆ ಬಂದು ನಿಂತುಕೊಂಡಿದ್ದಾರೋ ಕಾಂಗ್ರೆಸ್ ಹಣೆಬರಹವೂ ಅಲ್ಲಿಗೆ ಬಂದು ನಿಲ್ಲುತ್ತದೆ. ಮುಂದಿನ ಚುನಾವಣೆಯಲ್ಲಿ ಕಾಂಗ್ರೆಸ್ ಹಣೆಬರಹವೂ ಇಷ್ಟೇ. ಘರ್ ವಾಪ್ಸಿ ಎಲ್ಲಾ ಪಕ್ಷ ಮುಗಿಸುತ್ತೇವೆ ಎನ್ನುವುದು ಯಾವನ ಕೈಯಲ್ಲೂ ಆಗೋದಿಲ್ಲ ಎಂದು ಹರಿಹಾಯ್ದರು. ಇದನ್ನೂ ಓದಿ: ಟೆಂಟ್ ನಡೆಸ್ತಿದ್ದವರು ಇಂದು 1,450 ಕೋಟಿ ಒಡೆಯರು, ಅನಧಿಕೃತ ಎಷ್ಟಿದೆಯೋ? – ಡಿಕೆ ಬ್ರದರ್ಸ್ ವಿರುದ್ಧ ಹೆಚ್‌ಡಿಕೆ ಕಿಡಿ
ಆಯನೂರು ಮಂಜುನಾಥ್ (Ayanur Manjunath) ಕಾಂಗ್ರೆಸ್ ಸೇರ್ಪಡೆ ವಿಚಾರದ ಕುರಿತು ಮಾತನಾಡಿದ ಅವರು, ಹೋಗುವವರನ್ನು ಹಿಡಿದುಕೊಳ್ಳಲು ಆಗುವುದಿಲ್ಲ. ಇತ್ತೀಚಿಗೆ ಪಕ್ಷ ನಿಷ್ಠೆಗಿಂತ ಹೆಚ್ಚಾಗಿ ಅವರಿಗೆ ಏನು ಸಿಗುತ್ತದೆ ಎನ್ನುವ ಲೆಕ್ಕಾಚಾರ ಮಾಡುತ್ತಾರೆ. ಪಕ್ಷ ನಿಷ್ಠೆ ಇಂದು ಕಡಿಮೆ ಆಗಿದೆ. ಆದ್ದರಿಂದ ಯಾರು ಇರ್ತಾರೆ? ಯಾರು ಹೋಗ್ತಾರೆ? ಯಾವ ಸಮಯಕ್ಕೆ ಅವರ ಮನಸ್ಸು ಬದಲಾಗಿ ಎಲ್ಲಿಗೆ ಹೋಗುತ್ತಾರೆ ಎನ್ನುವುದು ಅವರಿಗೆ ಸೇರಿದ ವಿಷಯ. ನಾನು ಇದರ ಬಗ್ಗೆ ಚರ್ಚೆ ಮಾಡುವುದಿಲ್ಲ ಎಂದರು. ಇದನ್ನೂ ಓದಿ: ಆರೋಪಿ ಸಚಿವರಿಗೆ ಸಿಐಡಿ ಅಧಿಕಾರಿಗಳು ತನಿಖೆ ಮಾಹಿತಿ ನೀಡುತ್ತಿದ್ದಾರೆ: ಹೆಚ್‌ಡಿಕೆ
ಜೆಡಿಎಸ್ ಶಾಸಕರನ್ನು ಆಪರೇಷನ್ ಮಾಡುತ್ತಿರುವ ವಿಚಾರಕ್ಕೆ ಪ್ರತಿಕ್ರಿಯಿಸಿದ ಅವರು, ಕಾಂಗ್ರೆಸ್ ಅವರು ಜೆಡಿಎಸ್ ಶಾಸಕರನ್ನು ಸೆಳೆಯುವ ಕೆಲಸ ಮಾಡುತ್ತಿದ್ದಾರೆ. ಅವರೇ ಅದನ್ನು ಹೇಳುತ್ತಿದ್ದಾರೆ. ಅನುಕೂಲ ಸಿಂಧು ರಾಜಕೀಯ ಮಾಡಬೇಕು ಎಂದು ಅವರೇ ಹೇಳಿದ್ದಾರೆ. ಬಹಳ ಜನಕ್ಕೆ ಅಪ್ರೋಚ್ ಮಾಡುತ್ತಿದ್ದೇವೆ ಎಂದು ಅವರೇ ಹೇಳಿದ್ದಾರೆ. ಬಿಜೆಪಿ ಮಾಡಿದರೆ ಸರಿ, ನಾವು ಮಾಡಿದರೆ ತಪ್ಪಾ ಎಂದು ಕೇಳುತ್ತಾರೆ. ಪ್ರಯತ್ನ ಪಡುತ್ತಿದ್ದಾರೆ. ಅವರು ಪ್ರಯತ್ನ ಪಡಲಿ ಸಂತೋಷ. ಘರ್ ವಾಪ್ಸಿಯಿಂದ ಆಗುವ ಅನಾಹುತ ಮೊದಲು ಸರಿ ಮಾಡಿಕೊಳ್ಳಿ ಎಂದು ಹೇಳಿದರು. ಇದನ್ನೂ ಓದಿ: ಅಧಿಕೃತವಾಗಿ ಪಾರ್ಟಿ ಬಿಟ್ಟು ಹೊಗ್ತೇನೆಂದು ಯಾರೂ ಹೇಳಿಲ್ಲ: ಉಮೇಶ್ ಜಾಧವ್
Web Stories
[web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]
